تـراتـيـل الـمـوت
الكاتبة: رحـاب صـدام
(بسم الله الرحمن الرحيم)
لاتنسون التصويت + التعليق بين الفقرات 💗
مشاهدة ممتعة 💗🦋>>
_________________________________________
"نار"
زهراء كالت الأخوها ودبرولي الشغل فرحت كلش وبديت اشتغل شغلين سوة وأرجع ع بيت ميته تعب ومن التعب گبل أنام
البنات صارن يجن علي كل.شكم يوم وصارن صديقاتي فرحت بيهن كلش وعرفني على أمهن مره حبابه ومحترمة حيل حبيتها وهيه كذالك حيل حبتني
مرن الأيام وأني ذابه كل حيلي بالشغل.
وأول راتب الي اشتريت بي موبايل. ورتبت بي الحديقه
ما ردت أضغط على نفسي كلش گلت ابدي شوي شوي وبكل راتب اعدل على شي.
نار:- نضفت البيت وسبحت ووقتت الموبايل ع 7 ونمت
كعدت على صوت المنبة كمت بكسل من فراشي واحس مابيه حيلل وحرارتي صاعده
تنهدت وگم بدلت ومشطت شعري الطولان وصليت
وتريگت وطلعت ع شغل
- أجرت تكسي ووصلني يم المطعم
نزلت وأنطيتو الكروة ودخلت ع مطعم
بديت اشتغل وأني بالكوه لازمه أعصابي اكو بيهم ناس اسلوبهم كلش وقح وأضطر اسكت. علمود ما أخسر شغلي!!
خلص شغلي بـَ 2 الضهر رجعت ع بيت وأني. ميته تعب نمت بملابس الشغل. من التعب
كعدت الساعة 3:30 بعد الشغلي الثاني نص ساعة
بدلت ع سريع وطلعت ع شغل وأني الدمعة بطرف عيني من التعب
لاگتني زهراء يم الباب سلمت عليها وحچت هيه
زهراء:- شبيج ولج وجهج أصفر والدمعة بطرف عينج
نار:- اوووف ولج زهراء ميته تعب من الصبح اشتغل لليل وباليل ما اكدر اناام من التعب انام ساعات قليلة واكلي كلش قليل الي وجبة وحدة باليوم ولهيج تعبانه
زهراء:- سودة علي ياروحي لاتضغطين على نفسج كلش بالشغل واذا ما تكدرين ع ثنين اتركي واحد
نار:- لا اكدر بس اتعب شوي يلا نبلش بالشغل أكلج اشو اليوم أم المحل ماكو كل مره تجي گبلنا؟
زهراء:- ايي اليوم ماتكدر تجي تعبانه ف گالت انتِ ونار ديرن الشغل
نار:- ليش شتگربلج هيه؟
زهراء:- اتصير خالتي
نار:- اهااا
زهراء:- ايي
- سكتت وبدينه نشتغل سوة خلصنه الشغل وزهراء قفلت المحل وطلعنه نتمشى. حچت زهراء
زهراء:- نار احسج غريبه بيچ شي أحچيلي
نار:- تنهدت ووطخت وحچيت
- من يا ناحية تحسيني غريبه؟
زهراء:- كلشي بيچ غريب احسج شايفه اشياء ومواجهة اشياء أكبر من عمرج وصرتي بهذا الوعي شخصيتج هاي ما اجت من لا شيء!.
نار:- ذبيت حسرة وسكتت.
شوي وحچيت
- :المشكله المابي جرح مايفهم البي حسره
وكفت بنص الشارع وصفنت بوجهي شوي وحچت
- أنه الملچومه من كلشي أنه الهلي كسرولي جنحاني
نار:- دحكت بعينها وأني اشوف الكسرة والدمعة مچلبة بطرف عينها
تگلطت عليها(أدنيت يمها) مسحت دمعتها بأيدي وگتلها
نار:- كسرونه گبل ما يكسرون خاطرنه دمرونه ودمرو احلامنه
زهراء:- المجروح من عائلته ما يشفه أبداً
نار:- حضنت چف ايدها بأيدي باوعت على ايدينه وباوعت بعيونها
حضنت چف ايدها وكملنه مشي وصلت ع بيت وهيه راحت على بيتهم
سبحت وماچان الي نفس اكُل مشطت شعري وتعطرت وتمددت بفراشي صرت أتگلب اريد انام
بس ما زار عيوني النوم عدلت كعدتي وطلعت الدفتر الصرت افضفض بي عسى ولعل تروح الخنگه البصدري
تذكرت هذاك اليوم المشؤم.
فتحت الدفتر وصرت أكتب بي
___
"نار"
رجعت من المدرسة وشفت هوسة وسيارات متروس الشارع وصوت اعياط جاي من بيت خوالي
صرت اركض بالشارع مثل المجنونه خايفه لا صار البالي
دخلت ع بيت جان البيت مليان نسوان
اجت يمي بنت خالتي مريم صارت تهز بيه من اچتافي وتگلي
ريحان:- ولج ناار مااتت ماااتت راااحت عافتنه وراااحت ماااتتت جدتيي
نار:- دفعتها عني وصرت اضحك
هههههه لالا انتِ شجعد تحجين؟ ماتموت هيه گالت اني ما اعوفج ماتموت وتخليني اعرفها
لالا وينها ريحان
- كعدت ريحان بالكاع وتبجي تخبلت من شفتها هيج
صرخت بصوت عالي رج البيت رج
نار:- لججج رييييحااااان اححجييي وينهااا ما تعوفني اعرفها ما تموت وتعوفني والله هيه گالت ما اعوفج ولجج يمةةةة
لگحت الجنطة بالكاع وطبيت ع صاله ركض جمدت بمكاني من شفتها متمددة بالكاع ومغطينها بچرچف أبيض ومو طالع بس دائرة وجها
صرت اشهگ النفس كوه ركضتت عليها ذبيت نفسي بحضنها وصرت اصرخخ بصوووت عاليي
نار:- ولججج يمةة ليششش عفتيني ورحتي منووو الي اني منووو ولجج يمههه كسرتيني. بروحتج
يمهه اكعديي الخاطرييي
يمهه راح اموووت والله ما أتحمل بدونج ولججج يمهه جاوبيني ليششش سااكته فدوههه احجي يمهه
لاتعوفيني بوسط وحوش بشرية ما ألي احد غيرج
- صرت اهزز بيها. اريدها تجاوب ومثل كل مره اجي عليها ابجي تمسح على راسي بحنية وتگلي بناتي يأذني دموعج لاتبجين يرويحتي
بس هسة!!!! هسة الجدامي مو هيه الجدامي جثة جامدة ما تتحرك
تخبلت وصرت اصرخ واخض بيها نوب ابوسها الى أن فقدت
كعدت على رشات مي بوجهي كمت من مكاني مخروعة دحكت لگيت زينة بوجهي صحت بصوت عالي
نار: زييييينةةة وينهااا ويننهاااا
ماحچت شي وبس سكاته ودموعها يجرن
كمت من مكاني ركض طلعت برا لگيتهم شايلينها تا يدفنونها
تخبلت بالزايد صرت اصرخ عليهم علمود يعوفنها
أجت زينه چلبت بيه واني اصرخ وأبجي ما أريدهم ياخذونها اريد يدفنوني معاها
كعدت بالكاع وأني اون وصوتي اختفى
دحكت على زينة وحچيت
- ادفنوني معاها راح اموت
غوشت عندي الرؤية وما شفت شي بعد غير الضلام نفس حياتي
كعدت. على صوت اجهزه المستشفى
كعدت على حيلي كضبت راسي وأنيت بوجع
باوعت حوالي لگيت زينة كاعدة ع كرسي وحاطة ايدها على عيونها ونايمة حست علي وكعدت مفزوعة.
زينة:- هاا ناري شووكت كعدتي تحسين اكو شي يوجعج انادي الدكتور؟
نار:- دحكت بعيونها حمرر دم ووجها اصفر حچيت بتعب وصوت مبحوح
- مابيه شي صار شكد اني هينه وليش راسي يوجعني هيج؟
زينة:- صارلج اربع ايام. وراسج يوجعج بسبب المهدئات
نار:- سحبت الكانونه من ايدي وگمت على حيلي صارت تجري د،م أيدي ما اهتميت وجع گلبي اقوه من هذا الوجع كامت زينة ركض علي سحبتني من ايدي وحچت
زينة:- شجااج نار موو زين عليج ترا دتأذيها هيج لو هيه عايشه تقبل تأذين نفسجَ؟
ترا بهاي الطريقه تأذينها وتعذبينها وتأذين نفسج ادعيلها مابيدج شي منو احنه علمود نعترض على حكم الله خلي ايمانج بالله قوي ولاتصيرين ضعيفة
نار:- صرت ابجي واحچي
زينة اريدها محد بيكم جعد يفهم عليه اريدهأ امي واختي وصديقتي وكلشي صارتلي خليها ترجع ونتقاسم عمري بالنص الي والها أموت بدونها والله أموت
ردت اوكع بالكاع وبسرعة حضنتني على گلبها وصرنه نبجي سوة
زينة:-اعرف ياروحي والله اعرف صعبة عليج وهواي صعبة هم بس اصبري هذا قضاء الله وقدرة ماتكدرين تسوين شي
سحبتني من أيدي وكعدتني ع سرير وراحت نادت الدكتور
شوي وأجة
الدكتور:- الحمدلله على سلامتج
نار:- همست بصوت ناصي
- الله يسلمك
رجع حطلي كانونه جديدة وحطلي المغذي وگال
الدكتور:- بس يخلص المغذي تكدرون تطلعون
نار:- هزيت راسي وحطيت ايدي على عيوني وغمضت وماحسيت على شي بعد
شوي وكعدتني زيينة
زينة:- ناري حبيبي اكعدي خلص المغذي حتى نطلع
- سندتني وگمت من مكاني واني مابيه حيل ارفع چفن مو اتحرك
طلعت برا الغرفه وشفت خالي. الصغير كبرنه اني ويا سوة
واكف وعيونو حمر دم . تقدم ناحيتي والتعب باين على وجهو
حضني على گلبو وحچه
-: خفت لا هم اخسرج وانتِ الوحيدة الضليتيلي وبيج ريحة امي
نار:- صرنه نبجي سوة اختنگت ابتعدت وحچيت
- ياسر. اريدها تعبت فدوه راح اموت اريدها
حضني ورجع يبجي
رجعت ع بيت بس رجعت نار ثانية رجعت ناار قوية
نار الجانت منتچله على جدتها بكلشي ماتت وي موت عزيزتها رجعت نار اليمسها بچلمة تسود عيشتو
مثل ما علمتني جدتي ع قوة وأنو لازم ادافع عن نفسي
من ماتت هيه وشدوو وياي وصار كل همهم شلون نغث نار اليوم ويا كلمة تكسرهاَ؟
بس اني استفزهم وأغثتهم بالبرود اخليهم يشيلون روحهم ويركعونها بالگاع وبيوم كاعده بالغرفة وحدي صافنه. وزينة تدحگ علي دحگت عليها بطرف عيني وحجيت بأستهزاء
نار:-هه شبيج تمشين ورا حجيهم هيج ترا ما انتحر عقلي اكبر من عقلهم
زينة:- شبيج نار انتِ مو نار القديمة ابد مو صديقتي ألجانت تسوي هيج تصرفات شجاج عاد اصحي على نفسج كاافي
نار:- التعب لملم بروحي انسان ماعرفه
تنهدت وعفتها وگمت رحت ع حمام غسلت وطلعت شايله الخاولي شافتني وكامت اجت ناحيتي وحچت
زينة:- نار اني وياج بكلشي اني وياج المريتي بي صعب كلش ومو أي وحده تتحمل انتِ مثال للقوة
بس هم بهيج تصرفات دتأذين نفسج ترا ميصير. اصحي عااد لو بيبي عايشه وشافتج هيج مسوية بنفسج برأيج ترضى عليج؟
من حابسة نفسج بغرفة ونادراً ما تطلعين منها وهاملة نفسج وصحتج راح ترجع بهاي تصرفاتج؟
انا لله وانا اليه راجعون كلنا نموت انتِ تموتين واهلج يموتون وعمامج وكلها تموت
حتى اني يجي يوم وأموت يجوز اني اليوم وياج باجر اني مموجودة واني ما اقبل تسوين هيج بنفسج لان اني متت عيشي حياتج محد يموت ورا احد
نار:- خزرتها ونترت بيها
- انجبي. زينة لا احط قهر محمد كلو بيج لأن خلف هيج خلفة ومات واذا جبتي طاري الموت بعد ادفنج وانتِ عايشه
زينة:- ههههه متكدرين اذا متحطين محمد بالسالفة ع عموم ما موت لتخافين وفكري بكلامي زين واذا جيت باجر وشفتج حابسه نفسج بغرفة الي غير تصرف وياج
نار:- عافتني وطلعت باوعتلها بطرف عيني هزيت ايدي والله ياالله. صليت ونمت
كعدت الصبح. غسلت وبدلت ملابسي ومشطت ونزلت جوه
ما چان اكو احد كاعد سويت ريوگ النفسي تريگت ونضفت البيت وغسلت المواعين كعدو وهمه يدحكون علي بأستغراب
ما انطيتهم اهميه ضليت كاعده بالأستقبال واكلب بالتلفزيون
تغديت وياهم وشربت چاي وما شاركت بالحديث ابد
شوي وگمت صعدت على غرفتي نمت.
كعدت العصر هوسة بالبيت جايات الحياية بنات خوالي الباقيات
تنهدت بضوجة مالي خلگهن بدلت ع سريع ونزلت جوه بدون ما اسلم گلت لماما
نار:- ماما رايحة على زينة
حچت خالتي الصغيرة
خالة هيام:- وما تسلمين لو أحنه ما يتسلم علينه
دحگتلها بطرف عيني وحجيت
نار:- هلوو
عوجن حلگهن خشف
الأم:- روحي
-طلعت بدون ما احجي شي
صرت امشي بالشارع وحدي وصلت يم بابهم دكيت الباب أجاني صوت زينه
زينة:- منوو؟
نار:- انيي نار
فتحت الباب عسريع وحضنتني وحچت وهيه تعوج بحكلها
زينة:- أثرت بيج رزالة البارحة صايرة خوش ارزل
نار:- ضربتها على ايدها وحچيت
-نجبي احسن هوه غير اللتمن الحياية وأجيتج ركض
زينة:- ايييع همزين جيتي جان عدنج وهم صرتي حيه مثلهن
نار:- غميتها ودخلت ع بيت
ضليت طول اليوم عدها وباليل رجعت ع بيت
مرن الأيام مملله واحنه رجعنه على بيتنا. ورجعت اشتغل وأدرس سوة صرنه ندرس اني وزينه سوة وقوت علاقتي اكثر بيها
صارتلي اخت وصديقة هيه الوحيدة الوكفت وياي بكلشي هيه الوحيدة الصادقتني بدون مصلحة
هيه الوحيدة الساندتني ووكفت وياي بحزني وما تركتني ابد
وفعلاً هيه الوحيدة التستاهل اسم
"الصديقه الصدوقه"
________________________________________
يـتـبـع 🤎🥹
حساب الأنستا a_r.__13
احبكم🫦🫦❤️🩹⛓️