تـراتـيـل الـمـوت
الكاتبة:رحـاب صـدام
(بسم الله الرحمن الرحيم)
لاتنسون التصويت + التعليق بين ألفقرات حبايب گلبي 💗
مشاهدة ممتعة عمري💗🙈
_________________________________________
"زينة"
حالت نار بدت تتحسن شوي وترجع طبيعيه بعدما جانت حابسه نفسها بالغرفة وماتطلع وبس تبجيي
فاجأتنه من گالت راح تنتقل على بيت جديد وعارضنه اني وحاتم مقبلنه تروح تعيش وحدها خصوصاً واحنه تعودنه على وجودها بيناتنا بس هيه أصرت ورادت تشوف حياتها من شفناها مُصره وقرارها نهائي. ما حجينه شي بعد بس گلنالها راح نكون سند ألج وشوكت ما تحتاجينه نكون يمج
داومت اني بالكليه بعدما اخذت اجازه اسبوعين علمود نار
وقت الموبايل ع 7:00 صباحاً ونمت
كعدت بكل نشاط اشتاقيت للكليه والدوام طفرت من مكاني سبحت
طلعت من الحمام واني انشف بشعري لگيت نار كاعده
زينة:- صباح الخير يحب
نار:- صباحي انتِ
حچيت بدلع
زينة:- نارووووو
ضحكت وكامت راحت ع حمام
وأني مشطت شعري عسريع ولبست كيلوت أسود وقميص عريض أسود وشال أبيض وبوتين أبيض وخليت واقي شمس ومسكاره وتينت ماحب المكياج القوي
طلعت نار من الحمام وحچت
نار:- شنوو هلجمال يوليي
زينة:- عمريي مو بجمالج
حطيت عطر وشلت الجنطة والموبايل وبستها وحچيت
- ناري حبيبي اكلي وديري بالج على نفسج خوش حياتي؟
نار:- تمام عمري وانتِ همينه خوش!
- صار
سمعت صوت حاتم يناديني ودعتها وطلعت ركض صعدت بالسيارة وحچيت
-صباح الخير حبيبي
حاتم:- صباح النور بناتي. تخبلين مثل كل مره طالعه
- يروحي حتى انتَ طالع. تجنن
ابـتسم وكمل سياقه وصلني يم باب الكليه وحچه
حاتم:- ديري بالج على نفسج گليبي وأي شي يصير معاچ خابريني خوش يروحي؟
زينة:- صار عمري وانتَ هم دير بالك على نفسك
حاتم:- صار بوية… هاج مصرف وأذا ميكفيج حتى انطيج نوب!
زينة:- عزااا حاتم هوااي… ترا عندي فلوس والله ما محتاجه
حاتم:- ميخالف اخذيهن
- أخذتهن وتشكرته ودخلت ع كليه واني مستعجله راحت علي المحاضرة الأولى
امشي سرييع وموطخه فات من يمي طالب وياي بالقسم ونضربت بي ووكعن الغراض من إيدي حچيت
زينة:- عزاااا شبيك شنو ماتشوف
-: هاايي فوگاها يعني ترا انتِ الضربتي بيه وكبيتي الگهوه على ملابسي
زينة:- باوعتله بطرف عيني وحجيت
-عبالك اللسان دلاله.
-: سمعت تراا وديلا اعتذريي
زينة:- خاف ما تريد؟
-: لاوالله أريد واستعجلي عندي شغل يلا أخرتيني
زينة:- ههههههه وتتأمر همينه؟ لووو تموت ما اعتذر
عفتو ومشيت نوب عاد شلون شكولات بديت يومي بيهن استغفرالله ربي
دخلت بنص المحاضره والحمدلله ما حچت شي
الدكتورة.
خلصن كل المحاضرات واني مالي واهس اطلع برا ضليت كاعده بمكاني وأشوفه. من بعييد يخزر بيه عشتووو عباله اخاف رجعتله الخزره وگلبت عيوني
گمت شلت غراضي وطلعت برا وإني ادردم علي
طلعت برا شفت حاتم من بعيد. رحت علي
زينة:- هلااو
حاتم:- هلاا عيوني شلون چان يومج خما احد ضوجج. شي؟
زينة:- صفنت علي هسة أذا أكله على هذا ابو خشم. ينزل ويتعاركون فززني من صفنتي صوته
حاتم:- هاا ولج احجي شبيج
زينة:- هاا شسمه لا حبيبي مصار شي بس تعبت
- سكتنه طول الطريق اخذ حاتم اكل من برا ورجعنه ع بيت
دخلت ع بيت وصعدت ع غرفة لگيت نار نايمة بدلت بهدوء وطلعت اكلنه اني وحاتم وماما وأجيت حضنتها ونمت بصفها
-مرن الايام واني وهذا الشخص بس نتعارك
- ونار بدت تدور على شغل وفعلاً لگت
انتقلت على بيتها الجديد وأني ما اريدها وتروح تعودت عليها يمي بس ما حجيت شي مااريد اضوجها بينتلها أني طبيعيه
وبيوم الوصلناها على بيتها اني رحت ع كليه وعيوني مدمعه
كعدت بمكاني وحاطه ايدي على عيوني واني مالي واهس احضر المحاضرة بس مهمه
أنتبهتلي الدكتورة وحجت
الدكتورة:- ماما زينة اذا بيچ شي تگدرين تطلعين و وحده من البنات تدزلج الشي المهم روحي غسلي وأرتاحي
- تشكرتها وطلعت هاي الدكتورة كلش حبابه مو مثل الدكتوره سمر اييع بس اسمها غثه كعدت بالكافتريا واخذت ماي
شوي وأجة نفس الولد كعد يمي وحچه
-: هاا الصفرة شبيج؟
زينة:- گلبت عيوني بملل وحچيت
- مابيه شي
-: عليمن تضحكين احچي شبيج اسمعج
اليوم. اصدقاء وباچر نكمل معارك
زينة:- دمعن عيوني وحچيتله
اليوم صديقتي تنتقل على بيت جديد وحدها وخايفة عليها ومختنگه لأن راح أرجع وحدي بالبيت
-: ليش چانت عايشه وياكم هيه؟
زينة:- هزيتله راسي
سكت شويه بعدين حچه
-: شوفي أني ما اعرف ضروف صديقتج شني بس هذا حقها خليها تعيش حياتها مثل ما هيه تريد خما
تضل عدكم طول عمرها؟
وهيه اكيد ما راح تتركج بس أنها انتقلت على بيت جديد وانتِ هم لا تتركيها أبقي وياها
هيه بهاي الفتره محتاجتج اسنديها ولا تبينيلها أنچ مقهورة أو ضايجة. وبعدين منو گلج انتِ وحيدة؟
الله وياج شوكت ما حسيتي أنچ وحيدة تذكري هذا الشي ( أنَي أقربُ اليكُم من حبل الوريد) يعني يسمعج ويشوفج ماكو احد وحيد دام الله موجود
وأهلج وياج وصديقتج هم مو يعني اذا عافت البيت خلص عافتج!!
زينة:- سكت شوية وأني صافنه علي بعدين صفن بعيوني وحچه
-: حتى اني وياج اذا ترديني صديق ف أكون ألج صديق بس هم نتعارك ما أكدر ما أعاركج الصفرة
زينة:- أبتسمت على سوالفه وحچيت
زينة:- كلش شكراً لان سمعتني ونصحتني
گام على حيله وحچه
-: العفو يابة تدلل الصفرة
زينة:- هسة مو محترمتك وأتشكرك أله أكلك الأزرگ يلا ترتاح؟!!
طكها ضحكه بصوت عالي أله عيونه دمعن وحچه
-: يابوية وعـلـي الصفرة أحلا من أسمج
زينة:- گمت على حيلي وحچيت
- دحك يول والله ثم والله اذا گلتلي الصفرة انوب شايف هاي الزرگة مثلك المعجب بيها ويومية تضل تدحك عليها عبالك شوف شني اروح عليها وأگوللها
ترا محمد الأزرگ مصادق بناات وشتسوي سويي خوووششش
- صار يباوعلي بنضرات ما عرفت افسرها ابتسم ابتسامة خبث وتقرب مني وأني ارجع ليورا الى أن لطشت بالحايط وهمس بأذني
محمد:- الصفرة
زينة:- صفن بعيوني شوي وراح وهوه يضحك وأني مفهيه بمكاني شوي يلا استوعبت باوعت ماكو أحد تنفست بأرتياح تذكرت شحجه
زينة:- أني أعلمك الأزرگ بسيطة
دخلت المحاضرة الثانيه وهوه يباوع علي ويضحك وأني اخزر بي
خلصت الدوام وأجة حاتم وصلني ع بيت وگال مستعجل عندي شغل وراح وأني دخلت ع بيت
ماما من أجت نار نادراً ما تطلع من غرفتها وما تحجي وياي أبد
صعدت على غرفتي سبحت ومشطت هستوني دانزل وانفتح الباب ودخلت ماما
الأم:- انتِ شوو صارلج فتره شفتيني ساكتتلج لا عبالج خلصتي مني لاا اله أسود عيشتج بس اصبريلي وهسة گدامي يلااا البيت يتنضف وتسوين غدا
زينة:- تنهدت وماحجيت شي بس هزيت راسي
نزلت نضفت البيت ورشيت الحديقه وغسلت الطرمة
وسويت غدا وصعدت بدلت ملابسي لأن تنكعن ومن التعب. بس صليت وگبل نمت
كعدت المغرب صليت ودرست ونزلت أكلت
اتصلت بحاتم گال احتمال ايبات برا البيت
مرت الأيام والأبتر تخبل من عرف نار منتقله بدون علمه وصار يومية يجي يسأل على مكانها بس سوينه مثل ما هيه تريد وما گلناله
وهوه أبد ما مل يجي يسأل عن أحوالها ويسأل عنها ويروح
أنكسر خاطري علي بس هم تفهمت نار والدتسوي الخاطرة هوه
- تنهدت وذبيت القلم بالگاع وصفنت بالفراغ
فززني من صفنتي صوت أشعار الموبايل غلست وعفته بس هم أجاني اشعار ثاني
شلته وأني مالي نفس الشي دخلت على انستا لگيت محمد متابعني
فزيت وعدلت كعدتي دز رساله
✉️:- هلاا زينة شلونج طبعاً جداً أسف جاي ازعجج بهذا الوقت بس مثل متعرفين صار يومين ممداوم مريض وگالو محاضرة اليوم مهمه وانتِ كاتبة الشي المهم عادي ادزيلي يا؟
زينة:- تسارعت دگات گلبي وعرگت كلش حاولت أهدي نفسي وأبين طبيعيه جاوبته
✉️: هلا بيك الحمدلله على سلامتك ايي عادي ماكو مشكلة هسة أدزلك
- دزيتله صورة للدفتر وكتلو
✉️: مو كلش مهمه هيه بس هاي الورقه داخله بالأمتحان.
- شوي وجاوب
✉️:شكراً يالصفرة
- ابتسمت وجاوبته
✉️:- العفو يالأزرك
زينة:- طفيت الموبايل وخليته ع شحن ونمت
كعدت ب7:30
- عزاااا راح اتأخر طفرت من مكااني غسلت ومشطت شعري ولبست بنطرون ابيض وقميص عريض جوزي وشال أبيض وبوتين جوزي وشلت جنطه بيضه رشيت عطر باوعت ع ساعة ب 8:00. طفرت بدون لا أخلي شي على وجهي وصلني حاتم
نزلت من السيأرة وحچيت
زينة:- بيباي بأبي دير بالك على نفسك
حاتم:- صار بوية وانتِ هم ولا تركضين بعد مأ بده الدوام
زينة:- تمام
انطاني فلوس مثل كل مره دخلت ع كليه وصار بوجهي محمد
محمد :- صباح الخير
زينة:- صباح النور بدت المحاضرة موو وخلصت اخخ مني
محمد:- اهدي شجاج ما بدت بعد واصلاً ما راح تبدي الدكتور مموجود
زينة:- تنفست بأرتياح
حچه هوه
محمد:- احم شكراً عود
زينة:- حجيت بأستغراب على شنو؟
محمد:- ع بارحة طبعاً اخذت حسابج من نور گالت هيه كتبت بالمحاضرة المهم
زينة:- العفو عادي مر مشكلة
اترخصت منه ورحت ع قسم وماطلعت. بعد
امتحنت وجاوبت وخلص الدوام ورجعت ع بيت
صرت كل شكم يوم أروح على نار ما عفتها أبد تعرفنه على بنات جيرانهم وصرنا صديقات كلش خوو صباا جويي
صرت كل ما اروح عليها يجن البنات ونلتم لمة حلوه وسوالف وضحك
- كعدت اليوم من وكت نار گالت ام زهراء والبنات عازماتنه ع عشه
گمت نضفت غرفـتي. وسفطت الملابس وعطرتها وطلعت
نضفت البيت وسويت غده وسقيت الحديقه وغسلت الطرمة دخلت ع بيت طفيت جوه الغده وباوعت ع ساعة ب 3:30 سمعت صوت سيارة حاتم طلعت برا تلگيته
زينة:- الله يساعدك
باس راسي وحضني وحچه
حاتم:- ويساعدج بناتي
الله شنو هاي الريحة الطيبه عاشت ايدج يولي
زينة:- هههههههههه عاديتك نار
فتح الجدر مال الدولمة أكل دولماية وحچه
حاتم:- ههههههه ايي لهجتها تخبل
عاشت ايدج بوية
زينة:- ألف عافية عمري غسل وأرتاح علمود اصب غده
حاتم:- خوش
- صعد حاتم على غرفته
وأني حضرت السفره واللبن والزلاطة
نزل حاتم وكعدنه نتغده شوي وحچيت
زينة:- أحم حاتم صديقتنه أني ونار اليوم عازمتنه ع عشة وهيه بيتهم گريب ممن بيت نار جيرانها عادي أروح ؟
صفن بوجهي بعدين گال
حاتم:- وين ساكنين ومنين تعرفيها؟
- ساكنين يم بيت نار من انتقلت نار أجن هنه عليها وتعرفنه وأمها تريد تتعرف علينه وعزمتنه
حاتم:- روحي بوية عادي بس ديري بالج على نفسج ولا تغلقين موبايلج وطمنيني عنج خوش باباتي!
زينة:- طفرتت من مكاني بسته وحجيت
- احبك احبك حبيبي
اباوع لماما عوجت حلگها ما عاجبها
-حضني حاتم وباسني
حاتم:- واني احبج
صعدت ركض على غرفتي سبحت ولبست فستان اصفر. يصير شوي قصير وبي ورد احمر وأسود ناعم وشال اسود خليت تينت ومسكارة وعطر
شلت جنطة صغيره خليت بيها ملابس ألي لان راح أرجع على نار مو ع بيت باوعت ع ساعة بـَ 5:00
نزلت لگيت حتم ينتضر بيه
وصلني على بيت نار
نزلت من السيارة او وصاني على نفسي وراح
دگيت الباب مرتين وفتحت الباب وصارت بوجهي نار
وانصدمت من الشفتهه…………
_________________________________________
يــتـبـع ❤️🔥❤️🔥