#"البارت 13"
بقلمي:آشتي
ورداتـي لاتنسون متابعه الحساب +التصويت +
التعليق على الفقرات شكد ماتكدرون
________________
غفيت واني بالي مشوش ومستحيه منهم بس شسوي مدام امي يمي وملاك ما يصير شي قابل شكو .
كعدت على صوت بسبهم وهمه يسولفون بصوت ناصي كلشي ما فهمت منهم ساعه امي وساعه همه بعد ما كدرت اصبر فتحت عيوني واشوفهم ملتمين ومدري شبيهم وشسولفون بسرعه امي كامت واجت يمي
ميلاد- شلون صرتي بعدج متوجعه .
ميار- لا زينه بس راسي يوجعني
هزت راسهه وكامت جابتلي عصير
تقرب طبره وكال ميار ما شفتي واحد من الدخل البيت
هزيت راسي لااا
الباشا-ما سمعتي صوت ؟؟
ميار- لا جانو هواي وجانو يغلطون على ماما وعليه
ورادو يكسرون الباب بس ما كدرو أخير شي ذبوو نفط بالبيت وشغل نار وراحو صعدوو فوك
علي يعني افهم منج من سطح نزلو
حجت امي وهيه صافنه بالكاع
ميلاد- عرف يعرفني هذا والوقت طالعه اني وملاك هم دخل يريد يخطف بنتي شيرادلهه يعني ..
مهيمن-لا اني اكلج هذولي من زمان يرقبج بس انتِ ما طلعين بتج حارو شلون يئذوج دخلو البيتج بس منين عبرو بس اريد اعرف...
طبره-هسه انتِ واكتج تقفلين الغرفه لو عايفتهه جان عرفنه منو طب عليج ..
نطق الباشا وهوا يزفر دخان الجكاير
الباشا-ابوس عقلك عزيزي .
لحظه ادراك اجت الصفنه اله وكال
طبره-صدكك ولك شلون راحت مني
ملاك-احلف عليك اذا ماطلعت اتبلع !!!
علي- هسه احن اشتكينه وانشوف القضاء شيسوي
ميلاد- شنو عيني شنو اني اخذ حقي بيدي فانون شني شكوه شنو اني بديني اطلع يا خنيث اندك بيه
الباشا- لج انتِ ليش عرمه اكلج الموضوع مو بصالحنه اذا انتِ او احن تحركنه نسيني شغلنه ميلاد لا تخبليني ؟؟
هسه ابقي هنا لو ترحين البيتج الثاني وشتيي حرس ولا دلين احد على البيت ولا منطقه بس انطينه مجال خلي نعرف منو هذا .
سكتو وكل واحد منهم يفكر بشي واني صافنه بالوجوه
شوي وندك الجرس حيللل بسرعه راح طبره فتح الباب
دخلت اسراء !!!
الوجهه مخرمش وشصاير بحالهه وعيونهه حمر دم
ركضت على امي
اسراء- لجج ميلاد صدك هيج صار وتلطم على وجهه وخدودهه يصبن دم
ميلاد- انتِ شجابج
تقربت ملاك تريد تهجم لزمهه مهيمن وهيه ترجف تستفسر على الحادث وشلون وين
التفت عليه واجت تحضني وتبوس بيه
اسراء- سوده بوجهي عمت عيني عليج كون يمهه
دفعتهه على كيف وهيه ويا كل كلمه تلطم ودك على وجهه
اسراء- ميلاد كلبي نار عليج واللّٰه لا تسوين بيه هيج ولج تخبلتت عليج
ميلاد- لا تخبليني امشي طلعي برااااا
اسراء- ولج جنت باربيل دكت عليه كوثر وتكلي بيت ميلاد محترك ما اعرف بعد اجيت هنا بسرعه بس خلص الشغل
ملاك- رحمه الله والديج حبيبه وكثر اللّٰه خيرج يله دعبلي منا
بعد كلام وجر وعر انسطرتت سطر
الباشا- اسراء اطلعي برا احسلج ما اطلعج بالجلاليق خوش توكلي يله .
اخذت جنطتهه وطلعت تبجي انقهرت عليهه بس ما اكدر احجي ..
مهمين- يله ميلاد اني اروح
ميلاد- الله وياك عيوني بعدين نتخابر ونتفق على كلشي
هز راسه وتقرب عليه باسني من خدي خفيف
مهيمن- مرا الجايه طلبيني عقد الاماس تلوك لهلركبه ما عبالي هيج جبيره وتخبلين
ظليت صافنه بوجه اجت امي تشكر منه وتضحك ويا
وصل الباب هوا وعلي وباوع على عمو
مهيمن- يله باشا ما تروح وياي
بسرعه كام وراح بصفهم ما احس اله هذا الخبل اجه وتقدم طبره وطلع 100 دولار وحطاهه جوه مخدتي
طبره- ابد والله حلفت حلفت اله تاخذيهن
واني أصلا ما حاجيه شي ولا لازمه ايده وحده يلغي
طبره- يتربه بعزج خيه
ميار- ها
باشا- بعزج ؟؟
طبره- اي بعزهه لعد وين
طكتهه بضحكه ملاك
ملاك- شبيك باشا لا تروح زايد هههههههه
تقدم سحب طبره من ايده وكفو يم الباب يتودعون وراحو .
بسرعه وكفت احس رجلي وضهري وتكسرو من الكعده
ميار- يمه اريد اسبح
هزت راسهه
دخلت اسبح طلعت بسرعه بعد ما امي جابتلي ملابس
طلعت كعدت بالصاله واجت يمي ملاك
بيدهه التلفون ضلت تكلب بالبرامج وتعلمني عليهن
وانباوع فيديوهات وساعه انطكك صور وسنابات
ميلاد- بعد شهرين المتحانات
ميار- هزيت راسي
ليل امي حضرت الغراضهه ورحنه البيت الثاني
جان يخبل وكلشي فخم و حديقه تجنن
ضليت خايفه بس لا ترجع تحبسني بالغرفه .
بس تصرفت عادي وزعت علينه الغرف اني اختريت غرفتي وامي وملاك كعدن كل وحدا بغرفتهه
التغير امي ما كامت تخليني وحدي ومن تطلع تاخذني وياهه مرا شهرين بين البيت والدراسه + امي سوتلي جدول دراسي انام ساعه 10 واكعد ساعه 7 صباح كل نشاط يعني مثل روتين قبل بس التغير تحررت من الغرفه
امي ما اعرف شلون اوصفهه حنان دلال احسن البس والمكياج وكله ماركه اكعد الصبح الكاهه نايمه يمي وحاضنتني لو مرات احس عليهه تجي باليل تجي تبوسني وتحضني وتنام يمي .. أما
ملاك وياي ما اجذب عليكم طلعت عيني على شغلات جنت غافله عنهه او من اطلع ويا امي وهيه ويانه شلون اتصرف لو ارد على شخص حاجاني وابني حدود بيني وين المقابل ما اتصرف تصرفات طفوليه بالشارع بهاي الشهرين عقلي اتغير كلشي اتغير حتى نفسيتي تحسنت
شهيتي باالأكل انفتحت ورد وجهي .الباشا وطبره ومهيمن وعلي دائما يجونه بس اني ما اطلع الهم لو اطلع اسلم ارجع الغرفه
اله بيوم اجت امي وحاجتني
ميلاد- ماما ميار شكو صاير شي اني امج احجيلي كلشي لا تضمين عليه ليش تهربين منهم مسويلج شي همه
احس صخنت ضميت وجهي بيديه
ميار- ماما اني سويت شي خطأ قبل بس واللّٰه ما جنت اقصد
كعدت بصفي وجرتني الحضنهه
ميلاد- هسه غير افهم شكو احجي
ميار- يمه هاي قبل من اجتني الشهريه وهوا جان موجود واني عبالي راح اموت ومن كل شبيج وكفت كباله ونزعت البجامه واشوفه الدم وين
كبل اني لطمت على وجهه مصدومه وفاتحه عيونهه
ملاك اخذت وضعيه المبطاح وسكرت من ضحك وترافس
بالكوه حابسه دموعي
ميار- ماما واللّٰه ما اعرف جنت وهسه افتهمت الصار
ظلت ساكته ساعه تضحك ساعه تغم نفسهه
راحت المطبخ
تقربت ملاك تضحك
ميار- اكلج ملاك شعجب هسه اسراء يله رجعت
ملاك- دسكتي غير جانت يوميه مزروعه يمنه بس احنى نطردهه
ميار- هيه صدك جانت تضربني بس انقهرت عليه شويه
ملاك- دخلي طير سدي موضوع لا تخربين مودي
ميار- اكلج ملاك
وهيه تكرز حب -
ملاك- هاا عيون ملاك
ميار- انتِ امي من شوكت تعرفتن على بعض ؟
باوعت على صافنه اخذت تقريبن 10 دقايق هيه صافنه بوجهي ونوب صاحت امي
ملاك- ولجج ميلاد تعاي تعاي عليج اللّٰه
اجت امي تريد تفتهم شكو كومي يا ملاك جري نعال امي من رجلهه ( تكرمون) ولزمته تريد تضرب بي راسهه
ملاك- ميلاد شوفي بتج تكلي من شوكت تعرفتي على امي ست ميار اني خالتج ولججج أخت امج ما تدرين
ميار- عليج اللّٰه لا لااا واني عبالي صديقه امي مثل اختهه ياا
كومي يا ملاك وركعت النعال على راسهه
ملاك- تفووو عليه وعلى تربيتي ولكمممم يبوووووو 18 سنه اربي واحفض واشرب ممه واسهر وتالي ما تدرين اني اخت امج ؟
ميار- يااا فوكاهه اخت امي واني اكول ليش بينكم شبه شويه اشو ما جنت ادري
امي تضحك بسكته وتعضلي شفه تريدني اسكت واني مستغربه
كامت مني دردم
وتصيح راح تعبي بالشط
ميار- عود صدك طلعت خالتي
ما احس اله عيطه ملاك من مطبخ
ملاك- ولكممممممممممم يبوووووووووو
ميار- زين منو الاكبر ؟
ميلاد- اني اكبر منهه بسنه
ضليت صافنه عود صدك كل هلفترا واني عبالي صديقه امي عجيب
رحت يمهه بالمطبخ وامي وراي
ميار- واني اكول شعجب هلحنيه ومطوله خلكج وياي تالي طلعتي خالتييي كلبت خلقتهه وعيونه صارت تخلس
ملاك- اننننننن
رحت ورا ماما لصاله كعدت واني حضنتهه نمت على صدرهه امي قليله الكلام كلش اكثر شي افعال عدهه
ميار- ما اعرف ليش بهاي الايام حسيت نفسي من صدك انسانه وتعلمت شغلات جديدة غير الدراسه
ما اكدر اشوف ملامحهه بس احس ايديهه على شعري وتمسح عليه ..
طبعت بوسه على راسي هيه بوسه وهيه شمه
ميلاد- دنيا وما عليهه انتِ كوني وأماني وبنيتي وصاحبتي كلشي اسوي مصلحتج حتى احميج
وهيج خلص يومي بينهن كل خميس نسهر وبين ضحك والضرب وضحك ملاك المفرط + امي ما تخليني امد ايدي على شغل كلشي هيه تسوي وملاك وياهه تساعدهه لو ملاك تصير ماكيره براسنه وطلع مكياجهه عبالك ام صالون على كد الاوان العدهه وتكعد وتفتح كامره التلفون وتحجي
ملاك- هلو حبايبي شلونكم شخباركم اليوم عندي هاي البنوته اسويله تتوليل
ميلاد- يا يا ولج اسمه تتوريال
ملاك- نفس الشي شبيج كلنه العراق
وتضل تلطخ بوجهي الأمانه هيه مكياجهه يجنن بس تعمد تخربه حتى تضحك وتحط الأوان تخزي وطلعني مهرج وكله كدام التصوير ..
وامي تضل تصير وتخاف على وجهي لا يخرب وهيج خلصنه الايام
.
.
اجت المتحانات الوزاريه ضبطت المواد والمعلمين الخصوصي على راسي كذالك .
اول يوم امتحانات جان انكليزي .. تحضرت طلعت من الغرفه لكيتهه امي تحضري ريوك انواع واشكال بس قلق يا اكل سادس هذا مو لعبه بالكوه وكلتني طلعت وياهه بسيارتهه توصلني المدرسه . وصتني اقره سوره الـ ام البنين وهيه وياي دخلت المدرسه خاصه بس الاهل الوزاري وامي واكفتلي بالباب تقربت عليه وباستني بشفتي
ميلاد- يوم لا توترين حتى لو ما جاوبتي طز عادي تمام اني راح اكعد هنا انتضرج ماشي امي ؟
هزيت راسي ابتسم الهه . دخلت بعد التفتيش وزعو الاسئله واني خرطت العافيه بس الحمدلله جاوبت طلعت ويا فرحانه وهيه وكفت جرتني من ايدي واخذتني السياره
طلعت علاكه حلويات شكبرهه وتحس بحلكي واني احجي الهه انو شنو جاوبت وهيه تسمعلي بكل تركيز وصلت البيت نمت شوي وكعدتت اقره الماده الجايه..
ثاني يوم هم رحت وجانت كومه نسوان كاعده باب المدرسه منتضرات بناتهن بس شنو كلهن عبي اباوع على امي الوحيده السافره بيهن جنهه لعابه تخبلل احلى واجمل
جانت بوكتهه لابسه بنطرون اسود وتشيرت أبيض وشعرهه الحرير الواصل جوه الورك ونضارات شمسيه
دخلت امتحنت وطلعت اباوع امي ما هيه وين راحت هيه كالت هنا انتضرج
ضليت ادور بين النسوان صاحتلي مره
- ها خاله شلونهه الأسئله
-زينه خاله
- ما ساعدوكم
- لا خاله ما يساعدون
دورت بأمي ماكو
- چا يمه شدورين
- امي هنا جانت
- ها عيني منيه بس لا هاي ام البنطرون ام شعر الأصفر
- اي هيه وينهه
- دولاب كون هاي امج وين عبالي اختج شوف شلون
- اي هيه صغيره
- اكعدي هنا هسه تجي اجاهه تلفون ومشت غاد تسولف
كعدتت انتضرهه بين النسوان ويبوو عساني لا كاعده هاي التحجي على جنتهه وهاي التحجي على قصه حياتهه
ونوب كلبن عليه ليش ما محجبات وامج شكد عمرهه من تزوجت وهاي سيارتهه الهه العاليه واني بس اهز راسي واجاوب اي لو لا .. لشوي واشوف اجت امي من راس الشارع وياهه علاكه وتخابر ومخبوصه تقربت كبل دخلت المدرسه تسئل البنات قاعه 3 طلعو
كالهه الحارس الكل طلع وهيه انخبصت مدت راسهه من الباب درو بين النسوان والبنات
طفرت اني وهيه كبل شافتني اجت تركض
ميار- وين عفتيني
ملاك- ما عفتج والله يا يوم رحت اشتريلج من الشارع وجاني اتصال ..
رحت صعدت السياره
ملاك- عفيه نسوان شماكلات من صبح بالعات راديووو
ضحكت اسولفلهه الحجي هزت ايديها مستهزه ..
اخذتنه السوالف وصلت البيت ونفس الروتين
ماكو شي تغير لحد ما خلصت المتحانات والحـمدللّٰه احس نفسي مسيطره على مواد
وكعدتت انتضر الانتائج ويا رب يطلع المعدل الريده
امي متخوفه من ينشرون بيجات الوهميه انو طلعت الأنتائج يصير وجهه اصفر وملاك توتر يقره الف عدهه
الولد دائما يجون يمنه لو يتغدون يمنه لو يتعشون
امي تجبرني اطلع واختلط وياهم تردي اتعلم شلون احجي واتخلط بالعالم واني اعد جني صنم وهم ماخذهم الحجي والضحك وكله اكلهم دسم
فد يوم كعدتت على صوت ملاك تكعدني
ملاك- كومي حياتشيي خلي نطلع
طفرت بسرعه من دريت بيهه طلعه
العرفته انو طلعه ويا امي وملاك
طلعت ومشينه السياره
ملاك- اني اكعد ليكدام
ميار- ما اني يعني اني
وامي دك هورن تريد نصعد واحن ماكو قفلنه
ميلاد- ملاك بس اليوم حبيبتي خليهه تكعد
طلعت لساني منتصره وهيه تردم اسمهه من وره
ملاك- هاي تاليتي اكعد ورا وهاا على فكره بنتج ابد ما محترمه
ميلاد- تربيتج غير ؟
ملاك- تفففف على تربيتي
طلعنه نعشينه بالمطعم جان كلش فخم ودرجه اوله
من بعدهه طلعنه المركز تجميل وهنا سوينه نتضيف بشره ولليز وبدكير ومنكير ملاك وامي سو بس امي مسويت لان صبغ يبطل الصلاه .
اكتفيت بتنضيف فقط
وجهي كلش حلو طلع من شلت الشعر ورتبت حواجبي
شعري ما تقربت يمه لان كلش عزيز عليه
طلعنه وراحت ملاك تضرب فلر عجبني اني هم اسوي
بس امي ما قبلت رفضت رفض قاطع ..
طلعت ملوكه تخبل وتجنن حقنه مو اوڤر
رجعنه البيت وماكو شي جديد اذا اريد اطلع اله ويا امي لو ملاك نطلع سويه وندخل سويه
بهاي الفتره امي جابتلي جهاز ايفون وخلت نت وبرامج وخط هم استفاديت منه وقضي بي وقت
بس تصير الساعه 10 امي تجبرني أنام واني منا متعلمه من صغري
كعدتت الصبح وبالي فد سوالف واسئله تدور بداخلي
طلعت لكيتهن كاعدات يلفن دولمه وبالمطبخ
ميلاد- يعني اني جبتلج تلفون من سبعه صبح بس تريكتي وطفرتي عليه لا عيونج ينعمن يوم هزيت راسي
وكعدت كبالهن
ميار- يوم انتِ شنو تشتغلين ؟
صفنت بوجه ملاك باوعت عليه
ميلاد- عندي عماره عايشه على ايجارات الشقق
ليش تسئلين ؟
ميار- هيج اكول زين هذا البيت المن والبيت هذا
ميلاد- كلهن النه اني وياج وملاك
ميار- مم زين اهلج وين
ميلاد- بس ابوي وامي وماتو من زمان
ميار- اللّٰه يرحمهم
هزيت راسي وبعد سؤال براسي اريد اعرفه
بس ما اكدر افاتح امي بالموضوع خلصن لف الدولمه
راحت ملاك تسبح واني بقيت يم امي تفتر بالمطبخ تشتغل وكل ما تمر مني تنطيني بوسه بوجهي
رحت الغرفه ملاك لكيتهه تمشط شعرهه كعدتت يمها
وهيه رطبت ايدهه وترطب ايدي على واهس وتضحك
ميار- ملاك انتِ صديقتي ومثل امي اريد اعرف شي
ملاك- احجي كلبي شكو
ميار- منو ابوي بس اريد اعرف ليش ما اسمع عنه شي
صفتن بوجهي وعيونهه بيهن الف حيره
ملاك- باعي بنيتي اني ما اريد تأذين ولا تفكرين زايد وانتِ حتى كبرتي بس ابوج متوفي من زمان حتى يمكن ما لحك عليج
ميار- زين شلون توفة
ملاك- بحادث سياره وراح اللّٰه يرحمه
ميار- اللّٰه يرحمه
هزيت راسي صراحه انقهرت بس مو كلش لان بعمري ما فكرت يكون عندي أب امي وانتِ ما قصرتي عليه بس ردتت اعرف.
تقربت حضنتني قوي
ملاك- عيوني انتِ اني موجوده وامج هم مراح انخليج تختاجين أحد ..
ميار- جاي تشوفين امي شلون متغيره وياي صايره وتسولف وياي وابد ما تعوفني
ملاك- هيه من زمان هيج وابد ما تعوفج بس عدهه شغل
يله عوفج من حجي خلي نتغده متت من جوع اريد اكل
طلعنه تغدينه وراهه اتصل مهيمن عازمنه على عشى
ملاك- غير انروح العصر ؟
ميلاد- لا يكول هسه تعالو
كمنه بدلنه
اني لبست فستان بينصل اسود وحذاء شوي بي كعب
سرحت شعري على سريع رحت يم ملاك حطيت مكياج خفيف بناتي
وطلعنه وصلنه البيتهم جان شوي قريب منه سوالف وضحك وهوسه لشوي وطبو الباشا وطبره وعلي ..
بس صارت 8 طلعنه المطعم الـ هوا حاجزه
مشو كدامنه كلهم واني وراهم تقرب عليه الباشا
الباشا- شلونـج يـحلوا
ميار- الحـمدللّٰه زينه
الباشا- صايره تخبلين ومتغيره
ميار- شكراً
عفته ورحت يم امي الجانت عينها علينه سحبتني من ايدي وكعدتني بصفها عرفت ما تريد احد يحجي وياي وهوا انتبه فـسكت وما حجه بعد اله همه يسئلو
رجعت البيت ونفس الروتين ماكو شي جديد
بعد 15 ونشرو الأنتائج
بوكتهه امي كاعده على الحاسبة ودور واني ساكته اباوع على ايديهه ترجف
واني ادعي يتحقق احقق حلم امي
ميلاد- صلوات على محمد 99.86
يمه فدوا الطولجج ولج يمه تحضني وتبوس بيه وملاك تهلهل وتهوس وساعه تهز جتف
واني ابجي اريد اسكت ماكو
ميلاد- سويتهه مياري سويتهه
ميار- هزيت راسي مو كلتي اريدج تصيري دكتوره هسه حصيرلج
ظلت تبوس بيه تبجي سكتت نفسي وهيه ماكو قفلت بس تناشق
وملاك ساعه تبجي ساعه تضحك
وامي اتصلت على اصدقائها وكالت الهم
وملاك شغلت اغاني وضلينه نركص ثلاثتنه
(اريد اخليلكم اسم الأغنيه بس ما اريد تحصلون ذنب ولا اني احصل )
لـ 11 صبح وسمعنه صوت برا طلعنه وجان انشوف طبره ومهيمن جايبين فرقه مسيقيه وتخبل وتخليك كوه تركص دخلو الطرمه ويركصون
مهيمن- كرت عينج ميلاد الف مبروك احلى من تصير ام الدكتوره
وامي تركص وتبجي
ما بفرحت النفسي بكد امي احجز شلون اوصفلها الكم
الفرحه البعيونهه وبعيون ملاك ركصو وفرحو كلهم بس اني واكفه على صفحه استحي بس ..
خلصو وراحو الفرقه وامي ما قبلت يرحون تريد تذبح ذريحه الوجه اللّٰه لشوي واجو الباشا وطبره وعلي جايبين جكليت وهدايه سوت الذبيحه ملاك وامي كعدنه اكل وسوالف
جنت واكفه بالمطبخ يم ملاك وهوا اجه يريد نفاضه جكاير
تقرب الباشا وباسني من خدي
الباشا- عفيه بالسـباعيه دكتورتي .
صفنت بوجه هذا شبي شلون تقرب يبوسني
تقربت ملاك تخوزر
ملاك- باشا اشو ضارب ميانه زايده برئيك اذا ميلاد درت شنو تكون رد فعلهه ضحك بخجل
باشا- غير ابارك الغاليه بت غاليه
هزت راسه ملاك وسحبتني وياهه
بس وصلت فكره اله انو بعد ما يعيدهه .
ضلت ملاك متوترا وكالت الي انو ما اهتم اله وبعد اذا احس يريد يعيدهه اوكفه عن حده حسيت ملاك حيل انقهرت من تصرفه وكلساع تصفن. تعشو وكملو وشربو جاي ..
طبره- اهوو هيه ميلاك شلونها شايله خشمهه علينه منا نوب بتها صارت دكتوره هاي شلون سالفه
وامي تكوله لو تضل دواك بس عليها ما اخليهه تعالجك
طبره- كطعيات شحجي بعد
ستمرو بالسوالف لحد مراحو
ورا تقريبن 10 ايام امي حجزت قاعه بمناسبة نجاحي
من صبح حجزتلي فساتين مرتبة ومركز حتى امكيج وهيه وياي وملاك هم
جان فستاني اني و امي نفس الاشي بس هيه اسود واني جان سمائي فاتح
وحتى مزينه السياره كلش فرحت على فرحته
بدون مبالغه حتى البامركز اليشتغلن والموجودات اتحجبن على جمالي وجمال امي وكالو عبالك توئم
وصلنه القاعه واجان اكو مصور منتضرنه الباب يصور كلشي دخلت القاعه جانت عباره عن زلم ونسوان ما اعرفهم أصلاً شكول مدري منين حتى نسوان عجايز ما عرفت بس جماعت ماما مهمين وطبره وعلي والباشا جانو شخصيتهم ثكال مو مثل من يجونه كعدو على طاوله هادئين .
دخلت وبدت الجواء الركص كعدتت واجت يمي امي
يمار- يوم منو هذولي
ميلاد- اقارب على اصدقاء وصديقات على زملاء على كادر اليشتغل يمي على ناس يكرهون امج وخالتج هه
ظليت هيج كلساع وحدا جايه مباركه الـ امي وتكول الهه وين جنت ضامته ويسونه بضحك
اجت ملاك كالبه خلقتها
ملاك- هسه اله تعزميهن
ميلاد- ليش من شنو خايفه من حقي افتخر بتي واشوفهم ميلاد منو
ملاك- احلف بالقران الكريم انتِ متعمده تسوين هيج حتى تقهريهن بس نستي عيونهن اليزر باعي محمد ومصطفى شلون صافنين علينا
ميلاد- اخر همي
كامت امي تركص ويجنن ركصهه نزاكه وملاك كذالك اني ما قبلت اكوم أصلاً وامي تفهمت وضعي عافتني على راحتي الكل يركص زلم نسوان كلهم لبس غير محتشم الصراحة ماكو شي طويل وحده تكول الثانيه اني مدلعه اكثر منج بس اكو ناس مثقفين ومحترمين لحد ما انتهت الحفله وطلعو كلهم بعد ما اكو يتباركون واكو منهن عيونهم شر واكو من صدك فرحانين واكو منهم يجاملون بس عيونهم تحجي غير شي خلصت الحفله
رجعت كبل لفيت راسي ونمت ...
مرت الأيام وبيوم صارت مشكله بين امي وطبره علمود فلوس ما اعرف شنو يتعاركون بالطرمه وصوته شعلوه
أخير شي ختمته امي وهيه تصيح وهد عليه تريد تضربه بس علي لازمها
ميلاد- بيك خير روح الهم مو جاي اله ربع ما تشوف مني كايله الك اني تنطيهم كتلك نصابه ويشتغلون بالتزوير
طبره- اندمج واللّٰه اذا ما ترحين عليهم يرجعون فلوسي
ميلاد- دطلع برا لك ما تخوف جلبي
دخلت حاولت افهم شكو بس ما حجن الي
ستمرت المشكله حتى بليل اجه الباشا دخل بالستقبال
رحت اتسنط حتى اعرف شكو كلشي ما فهمت بس باشا يقنع بأمي حتى تروح توسط اله يرجع فلوسه وامي قافله حتى ملاك طلع الباشا زعلان وجها ثكيل لآن ما قبلن بطلبه
.
.مر كم يوم والتلفونات تركع على امي مهمين وعلي ما دخلو حسب ما فهمت من ملاك ما يردون يخسرون من طرفين ..
واني بديت اميل السهر بس ما تخليني امي حتى اذا مو يمي التلفون اضل كاعده
لحد ما بيوم قفلت ما قبلت انام مثلت النوم حسيت دخلت عليه امي كعدت يمي تبوس بشعري على كيف كلعاد ما تبطل هاي السالفه من جنت صغيره
شوي وكامت
حسيت اكو صوت برا ما كمت كلت خلي تمر كم ساعه حتى ينامن حتى افتح جهازي والعب بي
بعد فترا طويله كلش يله طمت من حسيت ماكو حركه كلت اروح الحمام
طلعت لحمام رجعت مديت راسي بغرفه ملاك ما لكيتهه
رحت بغرفه امي هم ماكو يا وين راحن هذني باوعت ساعه 12ونص شفت بالكامرات سياره امي ماكو والحمايه واكفه بالباب ..
وين راحن ؟
ضليت منتضرتهن ساعات وماكو صارت 4 كمت صليت رجعت لفراشي عيني متاخذ نوم وين راحن ودنيا ليل ؟
طلعت شمس ونفس الشي باوعت ساعه التلفون 6:33 صباحاً
ضليت اتكلب وعيوني تغمض من وحدها من نعاس حست اكو حركه بالبيت وسوت وشوشه دخلت امي اعرهه من عطرهه بدلت واجت حضنتني من ضهري ونامت واني هادئه نفس ما يطلعلي لشوي ونمت كعدتت ساعه 12 ضهر كوه تسحل بيه ملاك
ملاك- طركاعه على راسييي ولججج اكعديي ما تكوليلي شبيج كعدتت كوا على نفسي رحت غسلت واجيت لكيتهن كاعدات بالصاله
كامت امي تسوي ريوك وملاك كاعده يمي الوضع طبيعي ماكو شي غريب
سوتلي امي ريوك وبديت اكل اني بالي مو يمي وين رحن وليش اتأخرن هالكد
ستمرت الايام على نطلع العصر مول لو مطاعم وبليل ما انام وهنه نفس الاشي تصير 12 ونص يطلعن وما يجن اله 6 أو 7 تنام يمي وامي اظل كاعده انتضرهن وابجي من كل كلبي أخاف عليهن وخاف وحدي باقيه
لحد ما الباشا سحب حمايه لان همه من جماعته احتاجهم واخذهم وسافر وامي ما تأمن بغيرهم فكامت يوم ملاك تطلع وامي يمي لو امي تطلع وتبقى ملاك يمي .. ما عافني وحدي واني اتضاهر النوم
اله اجه اليوم صارت 10 تضاهرت النوم وامي طلعت وبقت يمي ملاك نايمه ورا تقريباً فترا صارت ساعه 3 ليل حسيت اكو حركه بابيت كمت عبالي امي كلت اواجها واعرف وين تروح ملاك نايمه يمي فتحت الباب على كيف ورحت على مصدر الصوت الستقبال اول ما دخلت يبست بمكاني يمكن 7 زلم كلهم مسلحين وغطين وجهم اريد اعيط واتحرك ماكو يبسن رجليه كمز على واحد وسد حلكي واني عيطت ادفر رجليه دفرت الطبله الكزاز تفلشت
اجت ملاك تركض وتصيح شكو شكوو بسرعه طفر على ملاك ولزموه
ملاك- لااا لاا فدوا عوفوااا اني انطيكم الفوس دهب كلش بس عوفوها اجاني واحد ولزمني وشد حلكي وسحلني من شعري وربط ايدي ورجلي وسد حلكي بالصق
راحو فتشو البيت وملاك تحجي وياهم بصوت ناصي وتسايرهم
ملاك- ماكو فلوس هنا كلهن بالبنك هسه اروح اسحبهن بس عوفوهااا عوفوهاا وضلت تلطم على وجها وتكطع شعرها
تقرب واحد شال المسدس وركعه براسي حيل حطت بالكاع مسحونه روحي عيني على ملاك الحارت شتسوي ساعه تنزع محبسه لو تراجيه وتشمر عليهم بس ترديهم يعوفونه تقرب واني شالني على ضهره لو ملاك تخبلت
تصيح وتعيط بحركه كلب رفعت راسي كوه اريد اشوفها اخر مرا واحد منهن سحب مسدسه مضرب طلقه سكتت ملاك ما طلعله صوت واني اون بصوت تقرب واحد وهوا شايلني وركع راسي سراميك الحايط فقدتت ...
•••••••••••••••••••••••••••••••••
بقلمي:آشتي
عمري لاتنسون متابعه الحساب +التصويت ⭐
والتعليق على الفقرات شكد ما تكدرون
توقعاتكم ورايكم يهمني على بارت الجاي
دُمتم سالميـن 💙🖤
حساب الانستا لاتنسون تضيفونه ممكن تنزل شغلات تخص القصص والابطال وشغلات حقيقية.
من ينتهي من قراءتها يرسلها خفيفه .
1 . سبحان الله.
2 . الحمد لله.
3 . لا إله إلا الله.
4 . الله أگبر.
5 . لا حول ولا قوه إلا ﺑﺎلله.
6 . أستغفرالله العظيم وأتوب إليه.
7 . سبحان الله وبحمده.
8 . سبحان الله العظيم.
9 . اللهم نجني من عذابك يوم تبعث عبادك .
10 .اللهم انك عفو تحب العفو فاعف عنا.
*تكسب أﺟر كل من يقرأها*.