الفاتنة والذيب

الجزء الرابع

#الفاتنة و الذيب

البارت "4"

بقلمي:تبارك ياسر

حلوات لا تنسون التصويت +تعليق بين الفقرات ومتابعه الحساب

İnsta: to20_mo
TikTok:to20_mo
_________________________________

صدفه شفنآك ونسينه شلون چنه ..
كثر مآ بيهآ أمآن النظره منك ،
چنه نتمنى مثل عينك وطننآ !
__________________________________

اني وحجيت هل كلام سمعت ضحكه عالية اني جنت دايره ضهري درت وجهي ونصدمت وحجيت واني فاتحا عيوني

_مهيمن !

حجيت هيج ودكات كلبي زادت وهو جان واكف عدرج اجا ووكف اكبالي وحجا

مهيمن :والله طلعتي مركزا بيه كلش زين

انا من ثولي نست نفسي ونسيت شجنت لابسه نسيت كلشي باوعت عليه وكلبي ايريد يطلع من صدري اتلافيت الوضع وحجيت

_ما حكيتو عليك ليش منو انت اصلا
وبعدين انت اش جابك هوني ها صاغلك اسبوع مختفي

مهيمن :هلكد خفتي عليا

_غدي اي والله ولا خفتو ولا شي بس انقهغتو على شمس

مهيمن :انجبي اكولج هلكد طلعتي مركزا بيا ها ولج شو طلعتي فاشوش

_عابتلك اي والله بعدين منو انت توم كروز لو اشني

مهيمن :اني احلا منا على كولتج

حجا هيح وضحك رجع حجا

مهيمن : بعدين شبيج هيج متحملا عليها ها بعدين والله نيتي مو خايسا مثل ما مفكرا

_لكن شقصدك ها ؟!

حجيت هيج وباوت عليه وهو باوع بعيوني وعيونو جانت تلمع راد يحجي وسمعت صوت اخويا وثنينا فزينا اني ركضت على غرفتي وهو راح عسطح كعدت وايدي على كلبي ونفسي عالي

سمعت دقت الباب ودخل

هذال :صاغلكي اشقد بل غرفه

_ صاغلي فتره كنتو عدنضف ليش

هذال :بور مهيمن طلع غتو اطلع معاه بس ماما صاحتني قتو اقللكي هو هوني وماما كانت عتصيحكي

هزيت راسي وهو طلع اني وكاعدا اذكرت السياره صفنت عرفت هذا بيتهن ونحنا جيران يبوووو على هاي المصيبه

لبست دشداشا عريضا والحجاب ونزلت واني كلي ارجف من الموقف

محد ما جان بلبيت طلعت تا ادخل عل مطبخ ولمحتا بستقبال واكف عسلم صفنت بي هو اندار علي ضحك ورجع كمل شغلا واني حجيت بستفهام

_هسه عليش الضحك

مهيمن: ما اكو شي

دحكت عليه ما جاوبت ردت اروح بس استوقفني من حجا

مهيمن : تعاي اعطيني هاي وروحي

اني صفنت عليه رجعت جبت الكلوب الي اشر عليه رفعت ايدي دانطيه بس ما طلتا هو جان بعيد نزل من السلم كم درجه وهو يضحك

مهيمن :جيبي قزوم

من كال هيج اني رفعت راسي عليه وباوعت بعيونو وكلت

_لا اتقول قزوم عابتلك اي والله اشقد مكروه

هو ضحك وبينو غمازاتو

مهيمن :لسانج ولج

حجا هيج وسحب مني الكلوب ورجع على شغلو واني حجيت

_اش تعمل مثلا انا هشكل لسيني ليكون ما عجبك سيد مهيمن

مهيمن :كلشي بيج عاجبني احب الجسرات

_حبك برص أن شاء الله

درت وجهي ردت اروح سمعت صوتا من حجا

مهيمن :مو اجي اكسر راسج

درت وجعي عليه وحجيت

_لا اتهدد كوي ما اخاف

اني كبل طلعت شفت امي بل مطبخ سالتها عن مهيمن بس ما كتلها اعرفا

_ماما منو هذا

هاله :امليح خلصطي تعاي عيونيني

باوعت عليها بطرف عين وكعدت علميز

_هسه دقولي منو هذا

هاله :هذا الولد جيرانا اشقد حباب واشقد ساعد ابوكي بلبيت هو جان بلبلديا شاف ابوكي وعرفه وهو قللنا علبيت ومن شفناه عجبنا واشتريناه وهو قال من البدايه انو البيت يمم فهو الولد ما قصر و ايساعدنا كل ما نجي هو يجي وابوكي ايقلو اخاف عندك شغل شي وما يقبل بس هو ايقول لا ما عندي ويبقا ابوكي كم مره حكا عليه بس انت ما سمعتي

عوجت حلكي

_اي ما هو الحكي ما نفس الشوف

هاله :بس والله هل مهيمن ورده اشقد حباب

حجيت مع نفسي

_واضح

بعد ما كلتها هو دخل علمطبخ وضحك من شافني عرفت سمع حجيي ضل يضحك واجا وكعد مقابيلي
امي اجت وشافتو

هو حجا

مهيمن : خاله بس بالا زحمه عليج بس ماي

امي هزت راسها وحجت وياي

هاله :قومي جيبيلو ماي

كمت تا اجيبلا من رجعت شفت امي راحت تحجي وي ابويه رحت عطيتا المي وحجيت

_وين شمس

مهيمن :بيت خالي

_وانت وين كنت بهل اسبوع

مهيمن : ما لج شغل مو انت تكرهيني

_عابتلك فوق ما اسال عليك ناغك تاكل حطبك

مهيمن:والله ما سويتلج شي ليش هلكد تكرهيني

_ما اعرف

مهيمن :بس عيونج تحجي غير شي

سنتد ايدي علميز وحطيتها على خدي وحجيت

_ليش اش ايقولون عيوني

باوع بعيوني وحجا

مهيمن :اتحبيني

_لا بلا

مهيمن :والله

صفن بيا ورجع حجا

مهيمن : سؤال

_خير

حجيت هيج وكمت جبت كاسه ورجعت صبيتلي ماي انتبهت عليه ضحك ورجع حجا

مهيمن : تلعب نفسج مو ؟! .... المهم منو ضربج

حجيت بلا اهتمام

_محد ضغبتي

مهيمن :ترا شفتج جانت ايدج زركه ومن جنتي تحجين جنتي اتحطين ايدج عليها بدون وعي يعني جاي اتاذيج

نزلت راسي ما حجيت شي رجعت رفعتو وكلت

_محد ضغبني لا اتلح وبعدين هلقد مركز بي حتى انتبهت على هذا الشي البسيط وبعديت انو ما عيب عليك تتطلع هشكل وتقف وتحكي معاي زي ما تستحي انت

هوه كان مركز بعيوني وضحك ورجع لي ورا وحك راسا وحجا

مهيمن : مو لسان رشاش وعلي

_اشقد ادسزز

اني باوعت شفت كوب المي اخذتو
ورشيتو على وجهو هو فز وينكث بملابسه اني ضحكت وحجيت

_تستيهل

حجيت هيج وبسرعه ركضت وطلعت

طبعا هذا الحجي الي بالمطبخ كلو صار بسرعه يعني عشر دقايق ما طول

اني من طلعت وشفت بابا برا رحت ركضت على غرفتي وما اعرف شنو صار واني بغرفتي و ما اتحركت خفت منا اتسطحت وضليت افكر وما ادري اينت نمت

فتحت عيوني باوعت جانت الدنيا ليل صبح اني نمت قريب العشا نزلت وجنت كلش جوعانا باوعت عساعه جان بلسبعه الصبح رحت سبحت وسويتلي ريوك وكعدت اكل خلصط ورحت غسلت المواعين ردت اطلع شفت ماما وبابا جايين صبحت عليهم ورحت سشورت شعري وحطيت زيت عليه وربطا من فوك ونزلت سلختين جنت لابسه تراك نزلت شفت ابويه وامي كاعدين عتلفون رحت كعدت كداما وحجيت

_بابا منو هذا الولد الي كان بلبيت الي كان هوني

نزل التلفون من ايده وحجا

ياسين : هذا الولد اسما مهيمن من كنتو بسجن ساعدني وضل معاي هو عرفني انا ما اعرفو بس بل اسم هو كان كرايب صديق فواز (فواز هو صديق بابا الي ساعدو من خلال اصدقائو ) فمن عرف قضيتي ساعدني ومن غحتو اغشع البيت على اساس دشتغيه غشعتوه بلبلديات وهو من غشعني سلم علي ولا كانو صاغلنا فتره ما متغاشعين فسالني عليش انا هوني وهو قلي اكو بيت يمنا وهشكل هشكل من غحتو شفتوه موقعو وتصميمو بعد احلا من الغشعناه فالحمد لله صاغ البيت وهو جيرانا وهو خطي يجي ايعوني ما انسا فضلو ابد وهو كان لو جزء بخروجي من هنوك وسبحان الله ما كان اكو فرصه التقي بي وصغنا جيران

_يااا كلش حلو اي بابا هو من الموصل لان حكي ما موصلي

ياسين :لا هو من بغداد وقال انو على مود اختو تدرس عاش هوني وامو مره او مرتين تحكي مع امكي من نجي وانت ما تجين وعندو اخت مقدكي بلكت اتصيرون صديقات

حجيت واني اضحك

_اي بابا بلكت انصر صديقات ... بس عدقول انت و ماما ما من النوع الي اتفوتون شخص علبيت وهو يتفتل بكل اريحيا

ياسين : ما شوفي هو صاغلو اكثر من شهر معانا عملنا المعاملا وكان اكو نقص بلبيت كملنانو وهو عيوني فامكي موجودي مرات وهو اغشهو ما رفع عينو وانت اليوم غشعتيه وهو ايعيوني والله ما خلاني اشيل شي كلو هو ايشيل معاي بس انت ما تعرفيه لان ما جيتي وامكي تعرفو لان تحكي معاه

هاله :اي والله مهيمن اشقد حباب

صفنت شويه رجعت حجيت بصدما

_هو عسكري ؟

ياسين :لا ضابط ملازم اول

ضليت صافنا باوعت على امي تضحك ما اهتميت رحت طلعت برا بلحديقا وكعدت عل مرجوحا

ضليت صافنا والافكار اخذتني
اذكرت من شافني بلتراك يبووو بسرعه حطيت ايديه على وجهي وخبيت وجهي بلمخدا .... والله ما كان قصدي بس هو فويسد اشون انتبه اذكرت الضربه وخليت ايدي عليها بل فعل اتوجعني اشويه بس يالله الحمد لله هو جان نعال لاستيك ومن ضربتني اجا علي عدل وجانت الضربه قويه شعوطتني

انا وبصفنتي دق تلفوني

باوعت رقم غريب سديتو رجع اتصل وسديتو خمس مرات اتصل ورجعت حضرتو ما لي خلق شي

رجع اتصل رقم ثاني جاوبت

_خير ان شاء الله

اجاني صوتا

مهيمن :فراشتي

اني سكتت من سمعت صوته ما اعرف شنو صارلي ودقات قلبي زادت وبس صوت أنفسنا تنسمع

همست

_مهيمن ؟!

حكا بصوت خدران

مهيمن : هلا

حجت واني مالي نفس بشي

_ ليش اتصلت ها

مهيمن : ما ادري

_اي لكن خليك ما تدري

سمعته اتنهد بتعب واني ما اهتميت سديته بس ما ادري لش ما حضرتا

لي قريب الظهر اندك الباب بابا راح فتحا ومن دخل جان شايل جدريه فتحتها جانت مكلوبا ماما حجت

هاله :هاي من وين

ياسين :هاي من بيت ام مهيمن

هاله : الله ايجازيهم الخير ان شاء الله

اتغدينا وماما جانت عاملا دولمه اكلنا وكل واحد على غرفتا لي العصر سمعت امي اتصيحني بدبنا انلف دولمة كل جدر شكبرا هذولا الباجر لان عازمين بيت اهل ابويه عمامي وعماتي تهبت كلش هواي مر هلي م على خير لي حد ثاني يوم

كعدت الصبح وبدلت ملابسي ولبست دشادشه لونها زيتوني وحجاب بلا ما ايصير مثل هذاك الموقف نزلت ولقيت اهلي كاعدين وجاي يتريكون وكعدت اتريك وياهن

اني وجاي اكل بابا حجا

ياسين :تماره مهيمن راح ايوصلكي مع اختو هوه قلي يعني من يبدا دوامكي

_يعني بالله اشون انا ما اغيد اغوح معاه وبعدين اشون عغف انا بلجامعه

ياسين :انا سالتوه عل شتراك

_ما اغيد اغوح معاه

ياسين :ليش اكو شي صاغ

_لا

ياسين : لكن اتغوحين معاه ما ايصير الولد قلي اوصلا مع اختي ومهيمن نعغفو احسن من الغريب

باوعت عليه بطرف عين حمدت الله جان يوم جمعه ما اريد اصبح بوجهو كمت شفت امي جاي اتعزل حسيت على دك الباب رحت فتحتا وشفت بيت عمي بسام حجيت داخلي

يعني من الصبح يبوووو

دخلو وهنا ما شاء الله كثار واني اسلم وما يخلصن سديت الباب وهنا دخلو بس ضلت بنت عمي واكفه وياي هي بعمري جاي ندخل وسمعت دقت الباب رحت فتحتا وشفت مهيمن صفنت بي وحجيت

_اشون صباح هذا

مهيمن :لا اني مهيمن ما صباح

حجيت مستهزاا

_ههههه ما اضحك .. قول اشتغيد

مهيمن : جبت الج شي

_ما اغيد

دار وجعو عني وحجا

مهيمن :شوفي شمس ما اتريدج صديقتج

فتحت عيوني لما طلعت من ورا ضهرا هو ضخم وطويل وهي ناعمه فما بينت اني ضحكت وحضنتها وهي حجت

شمس :حقيرا ولي ليش ما كتيلي انو نحنا جيران

_والله حالي من حالكي وكانت صدفه ونصدمتو ودرت وجهي باوعت على مهيمن الي ضحك وحك راسو وحجا

مهيمن :الصراحة جانت صدفه حلوه

حجا هيج وضحك وحجا موجه كلاما الشمس

مهيمن :راح اروح

شمس :تمام

باوعت عليه بطرف عين وسحبت شمس ودخلنا

سحبت شمس واخذتها وياي وطبعا حنين بنت عمي ويانا ضلت شمس وياي وعرفتها على ماما بس ما وديتها على بيت عمي لان جان اكو ولد صعدنا على غرفتي

اشكد ردت احجي الشمس على مهيمن والي صار لان ضجت من تصرفا وكلت اكول الشمس بس وجود حنين منعني لي عما مرت اخوها نادتا وهي نزلت واني استغليت الفرصة وحجيت الشمس على الي صار وهي تضحك ولا كانو صار شي من خلصت كبل ما تحجي اجت

واني وشمس ضلينا صافنين اشويه وحجت وهيه جاي تلعب باغراضي

حنين :شمس هسه انت اخوكي مهيمن هذا الي جابكي

اني عرفت راح تحجي هيج بس من حجت ما اعرف ليش ضجت وشمس حجت

شمس : اي اخويا ليش؟!

التفتت علينا والضحكه شاكه وجها واجت كعدت وحجت

حنين : والله للصراحه اخوكي صاك هسه من نزلتو كان قيعد جوا مع بابا واخوتي غتو اقعد بس ما اكو احد بس اولاد اشقد انقهرتو بس انا مستغربا تماره من ايمتي ابوكي يقبل هشكل ولد ايفوت علبيت وهمين اصغيغ وحلو

حسيتو نفسي صخنت وهي جاي تحجي هيج ردت احجي وحجت شمس

شمس:شنو هذا الكلام ترا اخويه محترم وما ايباوع على اعراض العالم وبل اخص اذا مامنين بي ولو ما عمو يعرفا ويعرف اطباعا جان ما خلاه يدخل علبيت اوزني كلامج واعرفي شلون تحجين

حنين :ما قصدي شي ترا بس قتو اخوكي حلو وشلون عمو يقبل ايفوتو هوني

حجيت منفعله

_يا طلابا الحلو الي ما تخلص كوي افتهمنا حلو ورب العزا افتهمنا انا وشمس اش علينا اذا اتغيدين تعرفين ليش ايفوت وليش يجي هذا بابا غوحي اساليه

حنين:يعني انا ما حكيتو شي

حجت هيج وراحت من سدت الباب وشمس باوعت عليا وحجت

شمس :سؤال

_جواب

شمس : ليش انفعلتي هيج

_ما اعرف

شمس :امبلا تعرفين غرتي من حجي بت عمج

_لا ما غغتو عليش دغاغ اشني المناسبا

شمس :تمام ما غرتي بس ليش جاي تتصرفين وياه هيج يعني برود وعصبيا

_من صاغت الموقف البيحا حسيتو استحيتو منو فلذالك ما اغيد اغشعو بس هوه دايما يطلع قدامي وشفتي من قال صدفه حلوه اخوكي يقصد من شافني وانا ليبسي البرمودا بالله حتى البرود قليل عليه ينغاد اجاهلو وما اغشعو وجي

شمس : هسه هل مواقف صار بس انت ليش انفعلتي ترا انت ما جنتي تعرفين بي موجود وانا من حجيت انو ما يباوع على اعراض العالم جان بل فعل هيج بس هو شافج بدون قصد يعني انت متقصدا اتشوفين نفسج الو

_لا والله بس عدقللكي استحيتو منو وما طقتو احكي شي بس هو صيغ مستفز وما اعرف اش قصدو بهاي كلامو وتصرفاتو

شمس:شوفي راح احجيلج شي والله اخويه واعرفو هو ايحبج

حجيت بستغراب

_ايحبني ؟! مستحيل

شمس:اي ايحبج ما كلج اريدج يثولا وانت ما عرفتي

صفنت اشويه بكلاما وحجيت

_ما تنجبين شمس يا حب يا بطيخ واذا حبني فلان شافني بلبرمودا اجوز هاي شهوه ما حب فلا اتعممين

شمس :والله هوه ايحبج وانت اتحبيه بس جاي اتكابرين واكبر اثبات على هذا الحب انو انتم الصدف جمعتكم ومع الايام يتبين كلامي صح ولا تحكمين واتكولين حب شهوه ترا هو كلج اريدج كبل ما شافج

حجيت بعصبيا

_انجبي شمس امشي ننزل ما ناقصني بس انت امشي

يتبع.....

________________________________

جيتني صدفه وصرت أنت كل حكاياتي

#الفاتنة و الذيب

بقلمي:تبارك ياسر

حلوات لا تنسون التصويت +تعليق بين الفقرات ومتابعه الحساب

İnsta: to20_mo
TikTok:to20_mo

التنزيل راح يكون حسب التفاعل ان شاء الله حبيتوها ثبتولنه حبكم بلتصويت والتعليقات الحلوه