≈≈≈≈≈≈≈≈
قوة ايسون
البارت الثاني
بقلم:زهراء لؤي
ياقوم لاتنسون التصويت+ المُتابعه للحساب+تعليق بين الفقرات
أنه ذبوني هَلي بدنية غميچه 💔
≈≈≈≈≈≈≈≈≈≈≈≈≈≈≈≈≈
وگفـت من شفته اختفـه
أيسون:وين راح هذا وين وله يربـي
توي ادرجع درت وجهي وشفت واحد گبالي حط على وجهي كلنس واُغمى عليّ وماحسيت باشيء
فتحت عُيوني بغواش وحلگي مسدود واديه مربطين ماگدر احجي واسوي اي شيء ضليت فوك نص ساعه هيج ادعي ربي يخلصني منا وشديصير وياي وانا وين ماادري !
شويه ودخل محمد ضحك وگال
محمد:گعدت حلوتي
نصدمت من شفتة بقيت اباوع بحقد اريد بس يفتح حلگي حتى احجي حتى ابرد گلبـي بي تقرب يمي وخر الزگه
محمد:شني هالبراطم الحلوه هاي
ايسون:لكك حقيرر ساافل وين جبتني اها وين؟ كليي ماكفاك الي سويته وي أڤيان جاي عليّ هسه
محمد: تؤ تؤ شنو هاي ليش هيج عصبيه حبيبتي شتردين كليلي
ايسون:انتَ الي شتريد انتَ !
محمد:اريدج
صحت بعلوا صوتي
ايسون:لككككك عوفنييييي خليني اطلع لا وحق الحق اندمك اندمك بس افتح اديه خلي اشوفك النسوان شتجيب خواف جبان
ضل يباوع بغضب ضربني راشدي كل قوته
محمد:السانج ضبي
ايسون: شايفها هاي ايدك الي مديتها عليّ راح يجي يوم واكسرها الك
محمد: ليش منو كالج راح اعوفج من هاي الحظه راح اخذ كلشيء محافضه علي
كالها وغمزلي ، فتحت عيوني مصدومه گلت بگلبي لا لا ميتقربلي مُستحيل يارب خلصني منه يارب دخيل اسمك الكريم
ضل يتقرب مني بلعت ريگيتي وصيحتت
ايسون: ابتعد عني حقير وخررر عني وخررر
ضل يفتح بالحبل فتحتهن گبل وذبني بالگاع اريد اگوم ورفسني بـ رجله گمت ضربته كل قوته بالمكان الحساس وكتله
ايسون:اريد خلفتك تنگطع حتى بالمُستقبل اطفالك ميستحون من الناس لان عندهُم أبـو مثلك
گبل طگيتها ركضه الباب جان ممفتوح ركضت كل قوتي مادري وين انا ؟ وين هالمكان ؟ لان بعد ماتخلوا عني اهلي اجيت من الناصريه الي هيّ مكاني الي ولدت بي اجيت لبغداد تركت الناصريه وكلشيء وراي ماهتميت كل همي اخلص من الناس الي بيها والي سوا وياي ..
ضليت امشي محاسه على نفسي وين وصلت لگيت ولد گبالي سألته
ايسون: من رخصتك هالمكان شسمه؟
-:انكس مكان بغداد
باوعتله مضيگه عيوني مفاهمه شقصده بعدني محاجيه خلى وراح خلاني بحيرتي انا وين وشلون هسه اطلع منا ومنوو يوصلني ميار!
هسه بالها يمي يربي شسوووي گعدت بالگاع ابجي كل قوتي وادعي ربي يخلصني منا كرهت اهلي كرهت اُمي ابوي كل عائلتي كرهتها تخلو عني بحجه انا فگر تخلو عني وصدكوا شيء انا ممسويته ياريت نار الي بگلبي تنطفي ياررريت
كمت كملت طريقي شفت تكسي اجرته وصلني البيت ميار
دكيت الباب اول مدگيته طلعتلي ميار قلقانه وجه ميتفسر اول مشافتني گبل حضنتني مبادلتها الحضن جنت بارده بس الي اريده ادخل انام انسى الي صار انسى الي عشته انسى كلشيء وخرت عني وهيّ تصيح
ميار:لج وين جنتيي وين تدرين سويتي بيه لو لا ٦ ساعات انتِ مختفيه كلبت الدنيا عليج وانتِ ماكو
باوعت الها وانا حيلي مهدود
ايسون:تعبوني ميار
حضنتني وهيّ تكول
ميار: ياريت التعب بيه ولا بيج
ايسون:ميردوني !
ميار: انا اريدج
ايسون: ميحبوني !
ميار: انا احبج
ايسون:كلهم كرهوني وصاروا ضدي !
ميار:اصيرلج كلهم واصير وياج
حاضنتي كل قوتها واشهگ بحضنها ياريت باهالحظه اموت ياريت
دخلتني جوا محجت ولا سألتني لان تدري بيه ماحجي اذا تسألني اله انا اسولف گبل خلتني ادخل للحمام اسبح دخلت سبحت وطلعت جسد بلا روح
روحي توجعني احس بالغربه انا بحياتي كلها ماضعفت انا والضُعف منتلاگه ليش هسه حيلي مهدود؟
قاطعت صفنتي ميار گومي يلا اتعشي اكليلج لگمه كمزت وكتله
ايسون:ماگول لا ميته من الجوع
ضحكت وگالت
ميار:ام بطن وياريت مبين بيج
ايسون:ديلا يلا على اساس انتِ الي مبين بيج اشو جنج بريعصي انكس مني دمشي امشي
ضلت تضحك مشينه جاي احاول انسى الي صار وياي فكرت بيني وبين نفسي لازم اروح اقدم شكوى على محمد ضروري
گعدنا اكلنا غسلنا المواعين نمت گعدت الصُيح بدلت رحت حتى اقدم شكوىٰ على محمد توي دخلت للمركز واشوف الأكبر گبالي يضحك وي الضابط كان جدًا انيق لابس ملابس رسمي دخلت جوا حجيت بصوت عالي
ايسون:السلام عليكُم
باعوولي ثنينهم فتح عيونه بصدمه الأكبر قبل ليحجي گلت للضابط
ايسون:جايه اقدم شكوىٰ على نفس الشخص الي قدمت علي قبل فترا وهالمرا اختطاف ومحاوله اغتصاب
صاح الأكبر بعلو صوته
الأكبر:ايسون صدك تحجين ؟ شوكت صار هالشيء احجي أذاج؟ سوالج شيء
الضابط ضل يباوع علي وكله
الضابط:خلي نفهم شبيك يمعود انطي مجال
سولفت الهُم الي صار والأكبر طول الوقت يروح ويرجع بالمركز يفتر يفكر
ايسون:هسه صار لازم اروح
-الأكبـر : جاي وياج
باوعتله بانزعاج وگتـله
ايسون:عفواً؟
الاكبر:مثل مسمعتي جاي وياج
ايسون:عفوًا منك بصفتك منو جاي وياي؟ مو ساعدتني مرا وحده جاي هسه تتعده حدوده وياك اكدر اساعد نفسي شُكراً مايحتاج مُساعده منك
صاح بصوت عـالي وگـال
الأكبر: حياتج بخطر تفهمين عليّ لو لا اني اريد احجي وياج امشينا نطلع عندي موضوع وياج والله
باوعتله بانفاذ الصبر وغمضت عيوني وگتله
ايسون:تحجي موضوع وخلقتك ماريد اشوفها خوش؟
الأكبر: يچرالج يالنچرة
ايسون:اتحرك يلا
طلعنا ثنيه صعدنا بسيارته باوعلي وگلي سولفيلي كلشيء صار وياج سولفتله كلشيء لحد ماسألني سؤال خله غصتي تبين
الاكبر:زين كلتي الـ أهلج شگالو؟ ماحاول ويا؟ يههدو
باوعلته واحاول أخفي الغصة وگتله
ايسون: ماعندي اهل
بلع ريگه وگلي باستغراب
الأكبر:شلون يعني ؟
ايسون:معندي اهل اهلي تخلوا عني وهسه صار لازم اروح من رخصتك
نزلت امشي دموعي تنزل تتسابق امسح بيهن ينزلن امشي واسولف
ايسون:لتضعفينننن لتضعفيننن ديري بالج حتى لو كسروج انتِ قويه انتِ گدها ، لابُد يجي يوم ويحنون عليج لتبجين
لگيت صبه بشارع محد بشارع گعدت عليها ابجي واشهك كل حيلي فزيت لمن احد لزمن من كتفي شفته ولد لازم بطل مي بايده وكلي
-اشربي
ايسون:شكراً ماريد
-:كتلج اشربي
ايسون:خيررر؟؟؟ ان شاءالله صوتك لتعلي عليّ لا اكص لسانك واعلگه برگبتك فهمت لو لا !
-:ليش تصيحين عليّ مو شفتج تعبانه وخفت عليج حبيت اساعدج
ايسون:وانتَ منو وين تعرُفني ؟
-:ماعرفج بس كتلج شفتج تعبانه وحبيت اساعدج
ايسون:مشكور وصلت مُساعدتك وهسه اترخص
درت وجهي ردت امشي وصاح ورايه
-:لحظة
ايسون:نعم تفضل؟
-:انتبهي من الي راح يصير بحياتج
نصـدمت من كلامه شديـكول هذا
ايسون:مفهمت ليش شراح يصير بحياتي؟
-: اشياء ممتوقعيها راح تغير حياتچ
لزمته من ياخته وحجيت بصوت عالي
ايسون:تحجي انتَ منو لا وحق الحق الزمك ارفس بطنك اهناء احجي ! منو انتَ وشرايد بعدين شنو انتبهي من راح يصير بحياتج شنو عالم الغيب انتَ؟ لو انتَ الي راح دمر حياتي احجي؟
دفع ايدي وگلي
-:والله صوجي انا اجيت انبهج شنو هاي تصرُفات اوع
ايسون:زلمه جيس حب يگول اوع؟ انا استحي اسوي سوايتك
خليت ورحت البيت مـيار وصلت للبيت مالگيتها اكيد بالدوام وانا ضربته بعرض الحايط ههههههه عرض لو طول
سبحت وطلعت اهل ميـار طبعًا عايشين بغير محافضه بس اُمها بين فترا وفترا تجيها وخالتها بنفس المحافضه قريب بيتها على بيت ميار براس الشارع تجي تطمن عن ميـار لو مـيار تروح عليهُم ، نمت ماگعدت غير اله ب٨ باليل نصدمت هالگد انا نايمه
گعدت ادور على مـيار بس ميـار مجايه للبيت قلقت عليها اتصلت عليها ماكو فوك ١٠ مُكالمات وهيّ متجاوب ضليت الوب رحت بيت خالتها ماردت اقلقهُم بحجه ردت اسلم عليهُم مالگيتها عندهم ؟ وين راحت البت وشون مجاي لحد هسه من الدوام
گبل كمت بدلت طلعت ادور عليها رحت للجامعه ماكو !
اتصلت باشكم زميل وزميله گالو طلعت من خلصنا الدوام ضليت الوب كبل خطر بالي محمد !! محمد معقوله معقوله سوالها شيء
معقوله خطفهاااا !!!!
گبل طلعت مُبايلي اتصلت عليّ جاوبني
محمد:هلا بروحي
ايسون:محمد مـيار عندك ؟
جاوبنـيي يضحك ا
محمد:القلوب تعلم والله صداقتجن حلوه
ايسون:لكك حقير سافل ارعن شنو تريده انتَ شنو مُشكلتك وياي عوف مـيار على صفحه عوفهها كتلك
محمد:راح انطيج العنوان اذا ماجيتي بلوقت المُناسب راح تتندمين وتخسرين صديقتج
جاوبته وكتله
ايسون:دزلييي العنوان بسرعه
سده من عندي گلت لا ملازم اروحله وحدي الأكبر هوَ الي يساعدني اجرت تكسي وگبل رحت للمركز لگيت بس الشُرطه سالتهم عن الضابط گالو مموجود !
ايسون:زين تعرفون الأكبر صديق الضابط
-اي طبعًا نعرُفه
ضحكت فرح وگتله
ايسون: مُمكن تنطيني رقمه ضروري
-ماگدر انطي مايقبل غير رقمه خاص بي
كتله اتصل عليّ وكله يمي ايسون وشوف شيگلك
-ماگدر ازعجه بهيج وقت
عطت بصـوت عالي گتله
ايسون:ولك ضروري والله اُختي راح تروح من ايديييي
شافني ارجف هز راسه
اتصل عليّ جاوباه وفتح اسبيكر وگله
-مرحبا استاذ
الاكبر:اهلاً وسهلاً حبيبي تفضل محتاج شيء
-استاذ هاي اجتِ بنيه اسمها ايسون واصرت اله اتصل عليك وتريد تحجي وياك ضروري تگول
الأكبر:وينها ؟ انطنيهاا بسرعه
اخذته منه وحجيت
ايسون:محتاجتك اكبر تعال
الأكبر:شصاير ياعيون الأكبر احجي !
ايسون:تعال وافهمك
الأكبر:جايج لا تتحركين ابد
سديته منه شويه واجه سولفتله كلشي وصاح
الاكبر:كتلج ماراح يسكتتت هذاا
ايسون:خلينا نروح حباب صديقتي راح تروح من ايدي
باوعلي هسه راسه بمعنى امشي
مشينا وصلنا للمكان الي گالي علي
بيت عبالك مسكون دگيت الباب طلع محمد وهو يبتسم ابتسامه خبيثه ابتسمت مثل ابتسامته وطلع من ورايه الأكبر انصدم محمد
وراد يسد الباب دفعه الأكبر كل وقته ورگعه بوكس دخلت انا اركض كبل دخلت جوا اشوف ميـار لگيتها مربطها ومخلي لاسق علىٰ حكلها باوعتليي بصدمه ركضت فتحت الحبل ولاسق باوعت الها وگتله
ايسون:اسفه اسفه من وراي كله من وراي ماگدرت احافض عليج
باوعتلي وگالت
ميـار:اسس مو وقت الحجي بسرعه خلي نطلع منا
هزيت راسي بمعنى اي تونا نريد نطلع وسمعنا صوت طلقه
بلعت ريگيي ورحنا نرگض
نصدمت من شفت الأكبر مدد بالگاع ولازم كتفه وعباره عن دم ...
للحكاية بقيه ....
_____________
بقلم :زهراء لؤي
شنو رأيكُم بالبارت🙈❤️🔥؟
تتوقعون شنو حيصير باالبارتات القادمه ؟
شباباتي لا تنسون التصويت ومتابعه للحساب🫦❤️🔥
مُتابعه جميله ✨