#قوة_ايسون
البارت الأول
"وإن رآكِ الغيمُ في جَوفِ السَّماءِ
بَكَى لِحُسنِكِ ثُمَّ أمطَرْ
وإذا التَقَت عيني بعينِكِ جاءَ
صوتٌ داخلي: اللهُ أكبرْ."
- أحمد شوقي.
_____________________
من وقتً طويلاً كنتُ اشعُر بالسعاده طفله صغيره كان قلبها مليئ بالطيبه والنقاء ماذا فعلت بي الدنيا الى اين وصلتُ ؟
صافنه واسترجع ذكرياتي واليوم الي غيرني ١٨٠ درجه !
نزلت عيوني اباوع ليدي كلها دم وطابوگه بأيدي ايدي ترجف ومصدومه من السويته ! كمت امشي واصيح
- ايسون: يستاهل يستاهل طبه حريشي تحارش بيه ماسكت اله ماسكتت مو انا الي اسكت
جفيت من شفت ولد مكتف ادي ويعاينلي بغضب بلعت ريكي
وكملت طريقي توي عبرت من يمه لزمني من ايدي فتحت عيوني بصدمة أحاول أبعد ايده وماكو
-ايسون: ايدك عني !
- شنو الي سويتي توج
ايسون: شسويت؟
- انا جاي اسألج سويتي
بقيت اردد بداخلي لتخافين ديري بالج مسويتي شيء غلط احجي الحقيقه وخلي ياخذ جزاته باوعتله وكتله
-ايسون: شفت بأيدي طابوكه شنو معناها ؟
-طكيتي معناها
-ايسون: صح
-: لاتصيرين يمي ذكيه احجي ليش طكيتي ولو واحد غيري اشتكى عليج
باوعتله وعليت صوتي
-ايسون: انا الي لازم اشتكي علي لان حاول يتحارش بيه مجتمع فاشل والي بي افشل كااافي زين مني ماكتلته موت وهسه وخر من كدامي رجاءًا
باوعلي بنضره ماعرف افسرها وكالي
-:تمام حقج تعالي وياي نشتكي علي
صفنت شجاي يحجي هذا ضحكت باستهتزاء وكتله
-ايسون:شنو الي يضمني انتَ مراح تسويلي شيء؟
-هسه انا ميت عليج واسويلج شيء امشي وياي ولا تخلينه يشتكي عليج وتنكلب عليج احسن
باوعتله بطرف عيني وكتله
ايسون: ولا انا اثق بيك بس مجبوره
حاولت ماحسسه بشيء وتأكدت من السجينه الي بنطروني ضامتها اخذها احتياط وياي الهيج مواقف
مشيت ويا وكفنا يم سياره نتر بيه و گلي
-اصعدي يالله
ايسون:احجي وياي عدل لا وحق الحق اگلب الدنيا عليك
ضحك حك طرف انفة وكلي
-اشو بلا احركيها
ايسون:مستعجل على رزقك يعني؟
ضحك وگال
-نچـرة
-ايسون:لا حول الله ياربي بيمن بليتني
سكت ماحجه شيء طول الطريق وانا ساكته اباوعله بطرف عيني ممرتاحه اله كل شويه اتلمس السجينه خوفني وهوا يكول
-بنطرونج مضايقج؟
صحت بصوت عالي
ايسون: لا عاد لهنااء وبس ولك انتَ ماتستحي على نفسك كافي ردت تساعدني بس تدخل بالغميج نزلني اهناء نزلي
فاتح عيونه يصيح
-ولج يطركاعه اصبري اقصد اذا مضايقج تنزعي
فتحت عيوني بصدمه
ايسون:ولججججج يمااااا ولك انتَ شنو من بشر الله ياخذك انتَ واحد ماتستحي لا عبالك تريد تخطفني مو؟؟ ماخاف منك انا ولا من اكبر واحد
طلعت السجينه كبل خليتها على ركبته وهو فتح عيونه بصدمه يصيح
-بس اصبري والله فهمتي غلط يمعوده
ايسون:لا لا فهمت كل الزين بسرعه نزلني اهناء لا ابتلي بيك
-انزلج انزلج وخري السجينه قفل بيبان السياره وكلي
-صدك تحجين شايله سجينه ولج تردين تورطين نفسج انتِ
عطت بصوت عالي
ايسون: ماعليك بيه كتلك نزلنييييييي نزلنيييييييي
انطاني بطل مي من يمه شربت
-ارتاحيتي؟ اقصد يعني ارتاحيتي من الصياح
باوعتله وانا اكله
ايسون: انتَ دائماً هيج خاينك التعبير؟
باوعلي بنظرة تأسف وگال
-الله يشهد ماجانت نيتي وياج خايسه بس اقصد اذا مضايقج نشوف محل تشترين ملابس غيرهن
باوعتله بطرف عيني وكتل
ايسون:مايحتاج شُكراً الك
-تدللين
وصلنا للمركز نزلنا ثنينه دخلت كدامه امشي وهوا يمشي وراي سلم على الضباط وكانوا يعرفهم من زمان غلست ما اهتميت كل همي اشتكي واروح
سولف الهم على الصار كلي
-تعرفينه الي تحارش بيج
ايسون: نعم
-اسمه؟
-محمد ....
هز راسه خلينا وطلعنا وكفت كتله
ايسون:اشكرك على الي سويته وان شاءالله ارجعلك معرفوك
-مايحتاج الشكر بس
ايسون: بس شنو؟
-اسمج ايسون الحقيقي؟
ايسون:نعم
-جميل
صار فضول بداخلي أعرف أسمة شنو سألتة
ايسون:ادري، وانت شنو اسمك؟
- أسمي الأكبر
ايسون: عاشت الاسامي وهسه من رخصتك اريد اروح صاح
الاكبر: اصبري وين رايحه
التفت كتله
ايسون: شنو وين رايحه رايحه للبيت !
الاكبر: انا اوصلج
ايسون: ميحتاج تعبتك وياي
صفن بعيوني ساكت حجيت بگلبي
ايسون: اهو هسه يكول عيونج حلوه ويتغزل الافندي
أبتسم تك خد وگال
الاكبر: عيونج حول لو شنو الموضوع
فتحت عيوني مصدومه وكتله
ايسون: والله ماغيرك احول شو دولي انطيتك مجال زياده
ضحك بصوت عالي وگال
الاكبر:عبالج راح اتغزل بعيونج الحلوات لا غلطانه بس عيونج عالم ثاني
باوعتله بطرف عيني وكتله
ايسون:عود هاي ماتريد تتغزل وهسه من رخصتك توصلني لو اولي
الاكبر:اوصلج تفضلي
مشيت ويا صعدت بالسياره ثنينه ساكتين انطيته عنواني وصلني
نزلت كتله
ايسون:اشكرك مراح انسى معروفك مستر الاكبر
الاكبر:مايحتاج تشكريني الاهل مايينهم شكر
باوعتله وكتله
ايسون: شكر لو ملح؟
طحكها ضحكه وكلي
الاكبر: لسانج لسانج اخ منه
ابتسمت اترخصت منه ورحت للبيت دخلت جوا رحت بدلت ملابسي وسبحت احاول انسى الي صار وياي بس غصه بيه
ليش اهلي راحوا ؟ ليش عافوني شنو سويته الهم معقوله فعًلا انا هيج فگر عليهم ؟ معقوله الهل درجه كارهيني ؟ بس مو ذنبي الي صار والله مو ذنبي
اريد ادموعي تنزل بس ماجاي تنزل ماجاي تطفى نار گلبي وانا اشوف الامهات صديقات وي بناتهم والابهات اصدقاء وي بناتهم
اتمنى اعيش هالشعور اتمنى ماكسريني
هلي انتوا والدنيا عليّ !
كمت سويت اكل طماطه وبيض اكلت وكملت رحت دخلت نمت حيل تعبانه ونعسانه
فزيت على صوت مبايلي يدك شفتها ميار صديقتي جاوبتها
ايسون: خاب سم شعندج مكعدتني من نومتي
ميار:اكعد يمعوده صارلي ساعتين اتصل عليج اكعد اقري باجر عدنا متحان رحمه للكعبه انتبهي ايسون اهم شيء دراستنه
طلعي كلشيء من بالج فدوه لعينج
ايسون: شبيج يمعوده دجري نفس خليني احجي بعدين الساعه ب٢ باليل ياقرايه هاي؟ عوفيني نايمه
ميار: بغلاتي عندج كومي اقري
ايسون: اهو كايمه كايمه وخري يلا
سديته منها گمت غسلت وجهي وگعدت اقرا احسلي صدك محد يفيدني غير دراستي كملت نمت مرتاحه لان قريت وماضل عندي تراكمات
گعدت الصُبح نشيطه حبيت اتناسى الي صار ويايه وابدي يوم جديد حلو مدري ليش فرحانه بنفس لوقت نغزني گلبي عبالي شيء عادي بس ماجنت ادري الي راح يصير وياي ..
كمت طلعت للجامعه اجرت تكسي صعدت بيها ورحت وصلت لگيت ميار
ايسون:هلا بالغثه
ميار:هلا بالمكروها
ضحكنا ثنينه حضنتها حيل لان مشتاقتلها شويه وگمنا دخلنا
گعدنا بالكافتريا صدفه اجه ولد ضرب الكرسي مالتي كل قوته نزيت گبل وكتله
ايسون:شبيك يابه غير تنتبه صدك جذب !
-العفو منج ما انتبهت
جان لابس اسود نضراته غريبه مرتاحيت اله ابدً كتله
ايسون:مصار شيء كمل طريقك
راح عافني ضليت. اباوع علي كبل خطر على بالي محمد الي تحرش بيه معقوله هو دازه حتى ينتقم مني؟ويتجسس عليّ الفكار ضلت تجي بالي كلت لازم اروح وي ميار اليوم واضل يمها شكم يوم
قاطعت صفنتي ميار وهي تگول
ميار:شبيج يمعوده صار ساعه احجي وياج وين صافنه
ايسىون:مياراليوم اروح ابات يمج
ضحكت وگالت
ميار:الواه خاااايبه
ماكتلها ألي صار وياي لان ماراح تسكت ادري بيها وانا اخاف عليها حيل اخاف عليها تتأذه لان روحي هيه اذا صارلها شيء اموت !
ايسون:اي لانُ ضايجه وصار هوايه مسهرانين سوي
ميار:واخيرا اقتنعتي تجين واخيرا
ايسون:دمشي يلا خلي نروح تأخر
مشينا تونا طلعنا وشفت نفس لولد الي ضرب الكرسي بالكافتريا
باوعتله شافني من باوعتله كبل دار وجه
كلت ال ميار
ايسون:انتضريني اهناء راح اشتري من هذا المحل على مايجي السايق
ميار:اجي وياج
كبل باوعت الها بصدمه خاف تدري كتلها
ايسون: لا لا ابقي اهناء هسه اجي
ميار: ماشي انتضرج
رحت شافني جاي اجي علي ضل يمشي وانا الحگ بي يمشي والحك بي لحد ماوصل بدربونا وصح هي اوكف ميسمعني
وكفت من شفته اختفه
ايسون:وين راح هذا وين وله يربي
توي ادرجع درت وجهي وشفت واحد گبالي حط على وجهي كلنس واُغمى عليّ وماحسيت باشيء ....
للحكايه بقية....
_________________
بقلم:زهراء لؤي
شنو رأيكُم بالبارت؟ 💙🌚
لا تنسون التفاعل وآلتصويت ولدي ❤️🔥.