غيداء"
كانوا جالسين في مجلس الحريم وغيداء جالسه وتناظر امها وخواتها وحريم اعمامها كلهم لابسين جلابيات وتقريباً لبسهم مقارب للبس حريم الديره الا هـي كانت مختلفه كل الأختلاف عنهم بجينز وبلوزه بيضاء للفوق الركبه وشعرها منسدل وفي يدها اساور ناعمه وكان شكلها انيق وكيوت لكن في مكان غلط!!.
كانت العيون عليها وكلهم ناقدين لبسها وهي ملاحظه نظراتهم وبدت تتضايق منها
وحده من الحريم همست للي بجنبها: علامها ذي مفصخه!!؟
بنظرات ناقده: مدري علامها لابسه كذا.
غيداء لاحظت انهم يتهامسون ويناظروها فهمت انهم يحشون فيها تضايقت ووقفت: احم عفواً اقدر استخدم التواليت!..؟
ناظروا بعض باستغراب..
قلبت عيونها وقالت: اقصد الحمام..
الشيخه فهده: سماهر فزي وريها مكانه..
سماهر فزت: ابشري يا شيخه
مشت غيداء خلفها وهي تحاول تباري خطوات سماهر السريعه وصلت عند مكانه وشكرت سماهر بهدوء ودخلت وهي تناظر نفسها في المرايه: وش فيني والله اني اهبل!...
غسلت وجهها وناظرت نفسها في المرايه مرة ثانيه وابتسمت لنفسها: والله اني حلوه! ....
لفت وفتحت الباب بتطلع سمعت صوت وقفت بفضول تسمع لكلامهم..
سماهر: يا شيخه مهره والله ان العنود تصارخ وشكلها ناويه تسوي لنا فضيحه!
مهره بقهر: اي بالله انها ناويه عليها... قبل ساعه طالعه للحوش تبي تصارخ وتنادي الشيخ هزاع..
شهقت سماهر: والله ان تصير حرب بين القبيلتين..
مهره بعصبيه: انا ادري وهذا الي تبيه... تبي الشيخ هزاع يعرف وش الشيخ فاهد مسوي فيها... خل انهج لها...
سماهر: اجي معاك!؟
مهره: لا خليك مع ام العنود لا تنتبه لشي وانا بنهج لها..
سماهر اومئت وراحت ومهره مشت من واحد من الأسياب..
غيداء ابتسمت بحماس: اخس.. اخس.. والله اني من البدايه عارفه ان ذي الطلعه حماس!... منهي ذي العنود وش سالفتها!؟..
طلعت بخطوات خفيفه وهي تلحق خلف مهره وهي يخالطها شعور الحماس والفضول ...
بدت تمشي ورى مهره ومنصدمه من جمال البيت وكبره كله اسياب تدخل من واحد وتطلع من الثاني...
شافت مهره تلف لممر مشت وراها وهي تتلصق في الجدار...
شافتها توقف عند باب بأخر السيب طلت براسها وتدلى شعرها وهي تراقب بفضول....
شافت مهره ترفع يدها وتاخذ المفتاح
تحمست اكثر يوم سمعت الباب يندق من داخل بعصبيه وسمعت مهره تسكتها وهي تدخل المفتاح في الباب وتفتح...
فتحت عيونها بذهول وهي تشوف الي طلعت من الغرفه وهي تدف مهره وكانت آيه آيه من الجمال....
شافت مهره تمسكها بقوه وتقول بعصبيه: العنــــــود انثبري
العنود ببكاء: وخروا عني بشوف امي و خررري
فتحت عيونها بأتساع وهي تحاول تفهم وش يصير
هنا....
مهره: بتطلعين مير انتي تفقهين وش قال الشيخ فاهد ان سمعت انك بتقولين شي والله ان تندمين
العنود بكره دفتها: اكرهكم اكرهكم من سته شهور وانتو ساجنيني هنا والله ان يوصل العلم لأبوي الشيخ هزاع وان انتقم منكم جميع..
غيداء فتحت فمها وبهمس: اوووله!!.... سته شهور ليه؟
شهقت على الخفيف وهي تشوفهم يجون ركضت بسرعه وهي تبي تتخبى عنهم فتحت اول باب شافته ودخلت بسرعه لأنها حست انها تاهت بين الأسياب... استندت على الباب وتنهدت براحه وقالت بحماس: والله ان اعرف قصة ذي العنود وش سالفتها ليه ساجنينها سته شهور؟!.. منهو ذا الشيخ فاهد!؟
فتحت عيونها بتوتر وهي تسمع احد جاي ركضت بسرعه وهي تدخل تحت السرير وهي تغطي فمها لاتنفضح انحشرت تحته وهي ساكنه وتنتظر الي بيدخلون للغرفه!...
انفتح الباب وهي غطت فمها اكثر وهي تحس انها صارت في مسلسل وانها البطله تحمست أول مره تصير
لها هالمواقف! ....
وبطبع غيداء المطفوق كانت مستانسه للوضع وفي داخلها تقول "والله اني بنبسط هنا كثير هههه"
حست بخطوات قربت من السرير حست بمغص وتوتر
وهي ماتشوف الا حذيان ورجول الشخص فتحت عيونها " رجــــــــال!!!! "
سمعت صوته: اوووف وينه الحين؟!
سمعت صوت الدولاب ينفتح ويتقفل وواضح انه يدور على شي.....
الصوت واضح انه لشاب صغير في العمر مب كبير مره!... لأن صوته خشن وهالصوت ما يكون الا للي توه بادي بالبلوغ!! ...
ضيقت عيونها يوم ما عد سمعته!...
وماهي الا لحظات وارتفع اللحاف الي يغطي السرير وبان لها وجهه وهو يدور تحت السرير.....
التقت عيونهم!...
لحظه صمت!....
وفي لحظه صرخوا بأعلى اصواتهم الإثنين وكل واحد منخرش من الثاني...
هادي برعب ارتد على وراه وهو يصرخ...
وغيداء طلعت من تحت السرير وصفقت راسها فيه وصرخت بوجع
وطاحت على الأرض وهي تضغط على راسها بوجع...
هادي وقف وهو يرجف ووجهه مخطوف: اعوذ بالله من الشيطان الرجيم بسم الله الرحمن الرحيم وش انتي!!
غيداء كتمت ضحكتها غصب وقالت تخوفه يوم تطمنت انه من سنها وصغير: ام الصبيان...
هادي بلع ريقه وواضح عليه الرجفه: بسم الله الرحمن الرحيم... اعوذ بالله منك اعوذ بالله منك وش تبين؟
غيداء ضحكت بقوه: مو من جدك؟؟؟! تستهبل معااي!!؟ كل هالرقه والجمال وتصدق اني ام الصبيان!..
كان يناظرها بصدمه مو مستوعب!!
غيداء تلاشت ضحكتها وهي تشوف صدمته وقفت وتحنحن: احم علامك!
هادي بصدمه: من انتي؟
غيداء ابتسمت بطفاقه: انا بنت ابو صقر!
هادي تذكرها: اييييه انتي المهبوله!!
غيداء عقدت حواجبها: مهبول انت وشاكلتك احترم نفسك!
هادي فتح عيونه: انتي الي احترمي نفسك وش جابك غرفتي وش تبين!؟
غيداء بقهر: ووع عاد من زينك انت وغرفتك انا تهت في الطريق وجيت بالغلط هنا ووع بس!
هادي يناظرها بتفاجأ: اعقب انتي للحين تراددين طسي وتغطي!
غيداء تخصرت وبأستفزاز : يا بابا! .. خوفتني صراحه من مين اتغطى منك!!؟؟؟ ... ماتشوف وجهك وزلفك بس؟
هادي بصدمه: ابو هادي!!! انتي مطفوقه ولا وش بلاك؟
غيداء بغيض: ليييه!؟؟
هادي بأستنكار: شنوح واقفه قدامي كذا؟؟؟
غيداء عقدت حواجبها: شنوح؟!؟ وشو ذا!
هادي بتوتر: اطلعي من هان...
غيداء كشرت: وع بس وع يا شينك بس.
لفت عنه وطلعت وصفقت الباب فتح عيونه بصدمه: اعقبببب!!! وش بلاها ذييي. والله انها اهبل من بنت مزنه
طلعت غيداء وهي متنرفزه من ذا البزر على قولها بطولها وشايف نفسه: قال تغطي قال وووع بس...
بدت تمشي في الأسياب وهي مبتسمه بعبط ولا تدري وين تروح!
وعاجبها الوضع وانها تستكشف المكان!..
_____________...
"ملاك"
بعد ما نامت مزنه ابتسمت بحماس وطلعت للحوش وهي تنتظر جية جواد....
طولت في الإنتظار وما جاء لين غمضت عيونها ونامت في الشمس بدون ما تحس وهي تنتظره!..
____________...
" غيداء "
كانت تمشي وهي تتأمل كل شي حولها تتأمل الجدران والنقوش الأثريه وغيره كانت الممرات كلمة تجنن قليله عليها سمعت صوت احد يناديها!..
التفتت وشافت وحده تمشي بخطوات سريعه ابتسمت وعرفتها..
سماهر: وينك فيه ندورك من اليوم..
غيداء بفشله حكت رأسها: ضعت ما عرفت الطريق...
سماهر بنظرات: الحمام قريّب من المجلس والطريق يمديك تدلينها ما تتوهين وش جابك لهنا!؟
غيداء رفعت كتوفها وبأبتسامه بلهى : مدري قلت لك ضعت!...او على قولتك تهت..
سماهر: زين امشي وراي...
غيداء عدلت شعرها وهي تمشي وراها وتتأمل كل شي من جديد وودها لو تصور!...
وصلت للمجلس الي جالسين فيه الحريم شافت امها تخزها تنهدت وقربت تقعد عندهم وما ان قعدت الا وقرصتها امها وهي معصبه وبهمس : وين كنتي؟
غيداء بنفس الهمس : ضعت يمه بيتهم كبير!...
ام صقر خزتها بعصبيه ورجعت تسمع للشيخه الي تسولف...
رفعت غيداء راسها وشافت العنود جالسه بجنب حرمه وواضح عليها الحزن شدها موضوع العنود ومصممه تعرفه وش الي يخليهم يسجنونها وش السبب؟
كانت تفكر وعينها ثابته على العنود لين انتبهت عليها وشكت ان في شكلها شي...
انحرجت غيداء يوم لاحظت انها انتبهت لها...
نزلت نظرها وهي تسمع لهم يسولفون كلهم ماعدا العنود ساكته ويدها في يد الحرمه عرفت انها اكيد امها...
حز بخاطرها شكل العنود وحزنها وعيونها التايهه تنهدت وهي تعود تسرح وعيونها على العنود..
___
"مزنه"
صحت من النوم وشالت عنها اللحاف ووقفت وهي تلف راسها بالشيله ونادت بصوتها: ملااك... يمه ملاك
ملاك وينك يمه..
طلعت من الغرفه وهي تناظر الصاله الصغيره كانت فارغه خافت ودخلت لغرفة العاب ملاك ما شافتها فيها هنا صدق ارتعبت يكون صابها شي طلعت للحوش وهي ميته خوف ووقفت فجأه وهي تشوف ملاك نايمه في الشمس!!!.
ركضت لها بتعب وجلست عندها وهي خايفه يكون فيها شي بدت تطبطب على وجهها: ملاك يمه ملاك وش بلاك!.. ملااك!!!
فتحت عيونها بتثاقل وناظرتها بصمت! ...
مزنه بخوف رفعت راسها: يمه وش بلاك ليه نايمه في الشمس؟...
ناظرت وجهها وهي ساكته ولا قالت شي ولا هي الا لحظات وانتبهت لشفايفها الي اهتزت دليل انها بتبكي!
مزنه بخوف: يمه ملاك!
ملاك نزلت دموعها وقالت بغصه: كذب علي!.
مزنه احتضنت وجهها: بسم الله عليك يمه منهو؟
ملاك بين شهقاتها: ليه يكذب علي!
مزنه ضمتها وهي تسمي عليها : بسم الله عليك يمه علميني وش فيك
ملاك دفتها بصراخ: مااابيك انا مااحبك ماابيك ابيه هو!
مير هو كذاب يكذب علي!
شكت مزنه في انه جواد! قالت بشك: منهو يمه!؟ الشيخ جواد!؟
ملاك نزلت راسها وما ردت وهي بس تبكي...
حزنت مزنه من الوضع وقربت منها وضمتها لصدرها بحنان: خلاص يا أمي خلاص لا تبكين علميني منهو الي كذب عليك؟
ملاك ماردت وهي خايفه تعلمها ويصير الي قاله الاشرار يمنعونها تشوفه!!!
سندت راسها على صدر مزنه وهي تبكي بحزن ليه يكذب عليها وهي الي انتظرته وجهزت الألعاب لين يجيها!...
مزنه تنهدت وهي تمسح على راسها: قومي يا امي فزي معاي وتعالي أجهز لك المويه تستحمي وتجين ازين لك شعرك يا عيني والبسك الفستان الي جابته لك رحمه من فساتين بناتها وازينك وننهج لبيت الشيخ بتستانسين وانا امك وتاكلين حلاوى كثير زين؟ خلاص يا عيني لا تبكين...
ملاك ناظرتها بعيون دامعه: ما بيصارخون علي؟
مزنه هزت راسها بالرفض: لا يا عين امك لا ماحد يصارخ عليك يلا وانا امك فزي افصخي ملابسك في السله خل اغسلهم وانتي ادخلي للحمام تغسلي واطلعين لي..
هزت راسها وعيونها مغرقها الدمع: وتوديني للبقاله!
مزنه مسحت على راسها بأبتسامه حنونه: ايه وانا امك يالله اوقفي على طولك وفزي للحمام..
وقفت ملاك وهي تروح للسله المصنوعه من عسف النخيل! وشالت فستانها ورمته فيها ودخلت للحمام اكرمكم الله وهي تدخل اصبعها للمويه الي في السطل الحديد تتحسسها كانت حاره شوي قالت بغصه : يمه مزنه
سمعتها من برا وقالت: ادخل يمه؟!
ملاك بهدوء: اي
دخلت مزنه وقالت: وش ودك يا عيني
ملاك بدموع: وش اسوي؟
تنهدت مزنه بحزن وهذا حال ملاك يومين تتذكر كل شي علمتها مزنه وبعدها تعود تنسى كل شي وما تصير تعرف حتى تسوي حاجاتها الخاصه
بدت مزنه تعلمها كيف تغسل جسمها وأول شي بدت تغسل لها شعرها وهي تاخذ من كيس مسحوق الصابون! .. وتخليه على راس ملاك: غمضي عينك يا يمه
غمضت ملاك عيونها
ومزنه تغسل راسها بالصابون وتاخذ المشط وتمشط شعرها بين الصابون لجل يصير نظيف ويطلع التراب الي دخل بين شعرها بسبب نومها في الحوش خذت لها مغرف المويه وبدت تصب شوي شوي على راس ملاك وتفرك الصابون على شعرها وتنظفه وملاك الحراره تاكل راسها من الصابون وبدت تبكي: يمه مزنه يوجع!
مزنه: لا يمه ما يوجع الا زين لشعرك! خليه ينظف لو يصيبه شي ولا يصيير وسخ مقدر عليه يمه.
ملاك بدت تبكي وهي تبي تطلع خلاص اوجعها..
تنهدت مزنه وهي تغسله بالمويه لين نظف من الصابون وقالت: يالله يايمه وخري ملابسك وغسلي جسمك وانا بطلع اجيب لك منشفتك!
ملاك ملاك اومئت ووجها صار احمر وعيونها حمر من الصابون..
طلعت مزنه وملاك كملت تتغسل ومزنه خذت المنشفه ووقفت على الحمام وقالت: خلصتي يمه!
ملاك وقفت وقالت: اي
مدت مزنه يدها لداخل وفي يدها المنشفه خذتها ملاك ولفتها على جسمها وطلعت للصاله ومزنه سحبتها بسرعه: تعالي لا تبردين يمه...
دخلتها للغرفه وطلعت لها ملابس وبدت تساعدها تلبس اغراضها وبعدها جلستها بين رجولها وهي تاخذ المشط وبدت تمشط شعرها وترتبها وملاك عيونها توجعها للحين من البكاء ومن الصابون!..
بعد ما رتبت مزنه شعر ملاك خذت لها خيط باللون الأصفر عريض شوي وربطته على شعر ملاك وهالحركه بينت جمال ملاك اكثر ووقفت مزنه وهي تمسك ركبها الي توجعها وتوجعت للملابس وطلعت لملاك الفستان وكان باللون الأصفر ولبست ملاك وربطته من الخصر بحزام باللون الأحمر وناظرت ملاك وقالت بأبتسامه: بسم الله الرحمن الرحيم بسم الله تبارك الرحمن لا إله الا الله
ملاك ابتسمت بفرحه: حلوه!!؟
مزنه وهي تلم المشط والمناشف: تهبلين يا يمه...
وقفت ملاك بفرحه وهي تركض للمرايه تطالع نفسها وفعلاً جمال يشلع القلب!...
مزنه وهي تطلع من الغرفه: اقعدي يا امي لين البس عبايتي ونطلع لبيت الشيخ..
ملاك هزت راسها وهي تتأمل نفسها بفرحه....
طلعت مزنه للحوش الصغير وكان اصغر من حوشهم الأول نفضت المنشفه وعلقتها على الخيط الممدود على طول الحوش وهي تثبتها على الخيط وتدخل للبيت فكت الشيله من على راسها وبان شعرها الأبيض القصير والخفيف مجدل جديلتين ما توصل لنص رقبتها والزيت ما ليه!...
توجهت لأغراضها طلعت لها ثوب بني فضفاض من ثياب العجّز...
لبسته وهي تاخذ لها شيله سوداء قطنيه وتلفها على راسها وتاخذ لها عبايتها وتلبسها على راسها وخذت الثانيه ومدتها لملاك لبستها ملاك وهي تقلدها بأبتسامه نزلت مزنه الغطوه على وجهها وملاك سوت مثلها...
وطلعت مزنه للحوش وملاك بعدها وقفت مزنه على دكة البيت وهي تلبس حذيانها اكرمكم الله وملاك لبست مثلها وقفلت مزنه الباب وطلعوا لبرا وقفلت الباب الخارجي وملاك تناظر اهل الديره ومن بعدها مسكتها مزنه ومشت معها متوجهين لبيت الشيخ الي قريب حيل منهم فقط يلفون على الجدار يوصلون للباب...
كانت ملاك تمشي ويدها في يد مزنه وتتأمل الناس الداخله لبيت الشيخ...
وصلوا للباب الكبير ودخلوا وملاك وخرت الغطوه عن وجهها عشان تشوف زين...
على طلعة جواد من المجلس بثوبه الأبيض وعصبته على راسه كالعاده رفع راسه وجمد مكانه وهو يشوف وجهها وهي تناظر المكان.... بلع ريقه يوم التفتت له ورمته بنظره خلته يحس انه احقر انسان على وجه الأرض! ....
كانت نظره عتب نظرة حزن وامتلت عيونها بالدموع، جاء بيفتح فمه بيقول لها شي مير راحت مع مزنه الي تمشي وتجرها وراها رفع يده لوجهه ومسحه بضيق عض شفته وهو نسي انه يروح لها بسبب وصول صقر وأهله تنهد بضيق وهو يتذكر نظرتها له....
وكمل طريقه وهو رايح لسيارته يشحن جواله الي خلص شحنه!..
فتح موتره ودخل سند راسه وهو يغمض عيونه ويتذكر وجهها وجماله وهي لابسه العبايه تشلع القلب صدق!!!.
...
......
دخلت مزنه وفي يدها ملاك لمجلس الحريم وقالت بهدوء: السلام عليكم ...
الكل ناظرها وردوا السلام...
اما غيداء فتحت فمها بصدمه من جمال البنت الي معها قالت بهمس لآمال: يمه يمه يمه احنا وين جايين كل الي هنا مزايين..
آمال بأعجاب: صادقه بس هذي تجنن...
غيداء: اي وربي تجنن..
مزنه تقدمت وهي تسلم على الجميع وملاك تمشي خلفها وما تسلم على احد..
وصلت مزنه عند ام صقر وسلمت عليهم وهي ترحب فيهم وصلت عند غيداء وسلمت عليها وغيداء عينها على ملاك وماقدرت انها تسكت وقالت: كيف حالك يا قمر
ابتسمت ملاك بفرحه يوم شافتها تكلمها: انا؟؟
غيداء عقدت حواجبها: ايه..
ملاك بخجل: بخير..
غيداء استنكرت الموضوع وهي تشوف ملاك تمسك بطرف عباية مزنه بخجل...
وكملت مزنه تسلم لين جلست وملاك بجنبها
ام صقر بأبتسامه ناظرت الشيخه غرور: ماشاء الله وذي منهي؟
غرور ناظرت مزنه بنوع من الإستهزاء: هذي مزنه وبنتها المهبوله
شهقت غيداء والتفتت لملاك بصدمه..
وآمال همست: هذي هي الي قال صقر
هديل بهمس: والله ما الومه.
غيداء شوي وتنهبل: مستحيل مستحيل يا بنات كذب ذي مستحيل تكون مهبوله ما تشووفون جماالها!!.
هديل: استغفر الله وش فيك ترى هذا ابتلاء!.. ادعي لها الله يشفيها
غيداء هزت راسها: يختي ناااظري ناظري وجهها ذي مب مهبوله تجننن تجنن يا بنات..
آمال بمهس: غيداء وجع اسكتي الحريم يناظرونك
غيداء اومئت وعينها على ملاك الي تلعب بطرف عباية مزنه بتوتر من الناس
همست: والله انا المهبوله مب هي!....
___________
" في المجلس"
كان فاهد جالس وهو يتقهوى وعينه على الشيخ هزاع وجاهته ويفكر... انتبه على نظرات واحد من جاهة الشيخ هزاع شوي ويحرقه بنظراته هو من اول ما جلس ملاحظ نظراته له عقد حواجبه بأستغراب: هذا بلاه!؟..
استغرب نظراته وناظره بتفكير
ولكن بطبيعة فاهد الفطينه وذكاه، ... على طول ربط الموضوع براسه العقد... حرق البيت... النظرات..
فتح عيونه بقوه ورفع راسه للي يناظره مما خلاه ينزل نظره بتوتر..
وفاهد تأكدت شكوكه وشد على يده بقوه وبرزت العروق بنحره وفكه صار مشدود وحواجبه عاقدها بقوه
وبدون سابق انذار قال بصوت جهوري: يااا شيخ جراح!!!
فراس بلع ريقه من نظرات فاهد له...
الشيخ جراح: علامك يا شيخ فاهد؟.
فاهد وعينه على فراس بحده: وش قولك في الي احرق البيت!؟
الشيخ جراح شد على عصاه: وش ذكرك الحين؟
فاهد رفع حاجب: ما من شي مير قلت اسئلك يا شيخ
الشيخ جراح عقد حواجبه: الي احرق البيت هو نفسه الي احرق المخازن وهو نفسه الي احرق بيت مزنه!.
رفع جواد راسه وناظر ابوه بسخريه: مير الوكاد ان الي احرق بيت مزنه ثاني يا شيخ!...
الشيخ جراح ناظره بحده..
الشيخ هزاع: حنا الحين بفرح يا شيخ جراح ومن بعد الزواج حنا معك بالي تبي حرب ولا سلم لا تضيقون خواطركم بسبة واحدن من اشباه الرجال يطعن في الظهر..
فاهد بدقه: صدقت يا عمي الشيخ هزاع قلتها اشباه رجال!
فراس شد على يده
فاهد ناظره بحده وقال: الا يا شيخ هزاع!..
الشيخ هزاع: اسلم!
فاهد: الوكاد انك من عشاق المبارزه والسيف!
الشيخ هزاع ابتسم: الله الله!
فاهد ابتسم على جنب وقال: اجل حنا في فرحه وزواج الشيخ جواد لزوم يكون فيه حركه وفرحه!.. ولجل ذا الشي انا الشيخ فاهد ولد الشيخ جراح اقوله من هنا الليله بنبدأ المبارزه والي يهزمني له مني عشرين من البل بالي ببطنها
الشيخ هزاع ابتسم: كفو يا شيخ فاهد
الشيخ فاهد: والعلم ابيه ياصل لكل القبايل تجيب شجعانها خلنا نحيي الزواج...
الشيخ هزاع ابتسم بفخر وقال: هاه ومن الحاضرين من بيبارز الشيخ فاهد؟
كلن ناظر الثاني بصمت...
فاهد ابتسم بتعالي ورفع حاحب: له ثلاثين!
كلهم ناظروا بعض يعرفون الشيخ فاهد! ...
الشيخ هزاع ضحك بخفه وفخر: حي عينك يا شيخ فاهد
الشيخ جراح ابتسم بفخر...
فاهد بدهاء: وش رايكم انا الي اختار خصمي!
الشيخ هزاع بتشجيع: ايه فكره زينه اختار يا شيخ فاهد..
الكل ابتسموا بحماس وجواد وصقر وأهله متحمسين...
راكان همس: بصور!
صقر: خلهم يوم يبدون..
اومئ بالموافقه...
وفاهد وقف وهو يعدل شماغه بشموخ وقال بصوت جهوري: راضين!
الشيوخ تكلموا قبل اهل الديره: ايـه يا شيخ فاهد..
الشيخ جراح بنوع من الحماس: اختار يا شيخ اختار!.
ابتسم فاهد برفعة حاجب: اجل صب القهوه يا ولد..
فهموا الموضوع وكذلك جد صقر فهم وابتسم
همس له راكان: جدي علامك تبسمت..
الجد قال: ناظر وبتفهم...
مُررت القهوه على الجميع والشيخ فاهد واقفً بوسط المجلس والجميع تركوا فناجيلهم على الطاولات واهل صقر قلدوا الحركه... وهم مب فاهمين..
تقدم فاهد بثقه وخطوات رزينه والكل يراقبه بيشوفون من بيختار خصماً له تقدم فاهد لين وصل لمكان الي جالسين فيه الجاهه الي مع الشيخ هزاع وقال برفعة حاحب: انت يا شيخ هزاع لك في الفروسيه والمبارزه واكيد اهلك وربعك مثلك...
مد يده واخذ فنجال فراس وشربه والكل عينهم عليه والشيخ هزاع شد على يده مالقاء غير فراس!!.
ابتسم راكان وعيال عمه بذهول وقالوا بصوت واحد متفاجأ: شرب فنجاله!!.
ضحك جواد بخفه وقال: هذي عاده عند العرب من زمان لا يبي يتحدى احد يشرب فنجاله ولكن هالعاده ما عادت الحين منتشره كثير وصار منتشر بدلن عنها جملة مشروب فنجالك!.
راكان ضحك: اي والله دايم اقولها بس مدري وش يعني!
ابتسموا وهم يناظرون فاهد الي قال بأبتسامه وعينه على فراس: اكيد انك مثل عمك كفو..
وقف فراس وعيونه كلها شرار وحقد: ابشرك الحمد لله..
فاهد ببرود : اجل الميدان!
فراس شد على يده: الميدان!.
الشيخ هزاع وقف وقال: وش شوركم يالربع لو نتركها لباكر الفجر ومنها يكون للعربان علمً بالماضوع ويجون بشجعانهم
الشيخ جراح بحماس: ايه وانا شوري من شورك..
عساف وقف بحميه: اجل وانا واحد من المشاركين من يبي يتحداني من القبايل له مني 15 من البل
الشيخ جراح بفخر: كفو يالشيخ عساف..
وقف نمر ومعه سناد وعناد: اجل وحنا بعد يا شيخ من ضمنها
ضحك الشيخ هزاع بخفه: اجل عيال الشيخ ضد شجعان القبايل!
الشيخ جراح بفخر وكبرياء: الوكاد!
الشيخ هزاع ناظر فاهد وفراس الي يناظرون بعض بحده وكل واحد يخز الثاني...
صقر بضحكه: جواد علامك ما تشارك
ناظره وضحك: انثبر!
صقر ضحك بقوه وقال: اخاف تحسب السيف قلم يا جواد
جواد فتح عيونه: اعقب تراني ولد شيخ وافقه فيه
صقر ضحك: اجل قم معهم وشارك.
سمعه الشيخ جراح وقال: الشيخ جواد هو المعرس شلون يشارك!
صقر سكت وجواد كتم ضحكته عليه....
الشيخ جراح بجمود: عواس وهاج مسعود..
وقفوا: سم يا شيخ
الشيخ جراح: انهجوا للقبايل وعلموهم الوعد باكر...
_: ابشر يا شيخ
فاهد رمى نظره حقد وتوعد لفراس ورجع لمكانه وجلس وهو يشد على رجله ويحاول يمسك نفسه لا يقوم يذبحه الحين بينهم...
___________
وانطلقوا من رجال الشيخ وهم يعلمون القبايل عن الي بيصير....
والكل اكيد بيطمع في البل!.
وبيبدون يجهزون شجعانهم
_ بعد المغرب..
الحريم عودوا لديارهم وما بقى غير اهل الشيخ جراح واهل صقر.. الي علموهم عن غرفهم يصلون فيها.
غيداء منسدحه على السرير وتفكر في العنود الي كانت لاصقه في امها ومو راضيه حتى تنهج تصلي وحست ان في شي خطير وكبير خلف العنود!... ومتحمسه تعرف وش هو وقفت بفضول وهي تشوفهم يصلون وهي خلصت قبلهم طلعت بسرعه قبل تسلّم امها وتمنعها تطلع
ركضت بسرعه وهي خايفه تسلم امها ابتعدت عن غرفتهم وتنهدت براحه وعدلت شعرها وقالت بجنون: اجل الحين بدأ دور المحقق كونان!...
بدت تمشي وهي تناظر المكان وهي تبي تتذكر وين كانت غرفة العنود...
سمعت خطوات شهقت وركضت بسرعه وهي ماتدري وين تنخش شافت غرفة هادي شهقت بفرحه الحين صارت قريبه من غرفة العنود اجل... فتحت الباب بسرعه ودخلت وهي تنتظر الشخص يروح عشان تطلع سكرت الباب والتفت وصرخت برعب وهي تشوف هادي رافع خشبه صغيره فاكها من الطاوله وصفقها بوجهها صرخت بصدمه ووجع: جعلها للكسر يا حيووان.
هادي بعصبيه: انتي وش تبين من غرفتي
غيداء انقضت عليه بعصبيه وهي تصفقه وشد شعره وتخمشه في وجهه.
وهو مصدوم ويحاول يصدها عنه.
وهي تبكي بوجع وتضربه: واحد بلا تربيه وحيوان سااامج وووع الله يا خذك على وش شايف نفسك ما تشوف وجهك كنه وجه بريعصي ولا اذانيك الي من كبرها سمعت خطواتي قبل ادخل عساها للصنج.
هادي دفها بعصبيه وقال: احترمي نفسك طالعه قدامي مفصخه وتراددين وجايه لغرفتي تتهجمين بعد!!!
شهقت وضربت صدرها: الله اكــــــــبر!!!! مفصخـــــــــــه يا الكذاااب!!!! انت ما تستحي ما عندك احترام ولا ذوق؟
هادي بعصبيه: وش جايبك غرفتي؟؟؟!
غيداء: من زيننها عااد اجيها متعنيه!! تراني ضعت ودخلتها.
هادي بسخريه يقلدها: تراني ضعت ودخلتها... ننننن هذي ثاني مره جاايتها!
غيداء قلبت عيونها وقالت بسخريه: صدقت ولا الله لا جعلك تصدق ونصيحه لك لا تشوف حالك لأنك ولا شييي!
هادي بقهر: اعقبي انتي ووجهك ولا شعرك الي كنه شعر اخوي
غيداء بقهر: من زين وجهك عاد الي مقطعته الرجوله!
هادي رفع يده بعصبيه وصفقها في راسها وهي نطت له وشدت شعره بعصبيه وهو شد شعرها وكل واحد يشد شعر الثاني ويصرخ: فكنييي الله يا خذك
هادي بعصبيه ووجع: فكي انتي الله يا خذك من وين طلعتي.
غيداء: فك انت هذا واحنا ضيوف عندكم الله لا يبلانا!!
هادي: هذا وانتي ضيفه اجل وش تسوين بأهلك!
غيداء سحبت شعرها وهو صرخ: يالملعونه
شهقت غيداء وشدت شعره اكثر وهو شد شعرها بعصبيه وهي صرخت بوجع وبكت: الله يا خذك اح اح
دفها هادي يوم بكت وهي فكت شعره ومسكت راسها بوجع وجلست تبكي على الأرض وهي تضغط على راسها وهو شد على راسه بقوه وهو يكتم وجعه.
وقفت بعصبيه ودفته: انا اوريك يا تافه
طلعت من الغرفه وصفقت الباب وهو يفرك راسه: الله يلـعـ.... من وين طلعتي مهبوله اعوذ بالله عوبا قشراء .
راح للمرايه يناظر وجهه الي خمشته صرخ بقهر: والله لوريك يالمطفوقه .
طلعت للممر وهي تفرك راسها بوجع وهي تسبه في داخلها بقهر ارتدت بقوه لوراها وهي تشوف العنود وواحد ما سك ليدها بقوه ويجرها وهي تترجاه رفعت يدها لفمها بصدمه وهي تشوفه يهمس يهمس بحده: والله لربيك يالعنود اجل ولد عمك ولد عمك
سحبها لداخل الغرفه وقفل الباب وغيداء ركضت بسرعه بعدهم وهي ترجف وتبي تعرف وش السالفه قربت من الباب وهي تتسمع وش بيقول: اجل الظاهر ان هذا هو فاهد!..
داخل الغرفه
فاهد بحرقه: هذا هو يالعنود صاحب العقد!
العنود برجفه: فاهد ارحمني ما اقدر اتحمل اكثر
فاهد بعصبيه: تكلمـــــــــــي
العنود بكت بضعف وجلست على الأرض: مقدر اتحمل اكثر ارحمـنــــي
فاهد جلس وقال: ليه طلعتي من الغرفه وانا حرمت انك تشوفينهم لييه
العنود كتمت بكاها ودموعها تنزل بصمت..
فاهد دفها بعصبيه وضربت ضهرها في الطاوله: وشش اسوووي فيييك فهميني
صرخت العنود بوجع وهي تمسك بطنها: يمـــــــــــــــــــه
فتح عيونه بصدمه وقرب منها: علامك!!
العنود تبكي بوجع وانهيار: يـــــــــــمه الحقيييني
فاهد شدها له وقال بحده: اقطعـي صوتك
العنود صارت تصرخ اكثر بوجع كبير وقالت: يــــــــــــــــــــــــــــــــــــمه!.
نزلت دموع غيداء برعب: وش يسوي فيها!!
فاهد بعصبيه كتم فمها: قلت اقطعي صووتك!
شاف عيونها تتقلب ودموعها تنزل اكثر وأكثر بلع ريقه: بنت وش نوحك؟!
فتح عيونه بصدمه يوم حس بشي يسل تحت رجوله نزل راسه بصدمه وهو يشوف الدم!!!
ابتعد عنها برعب: العنود!!
العنود بضعف كبير همست : فاااهد الحقني ابـــووولد
فاهد تجمد مكانه وهز راسه بصدمه لا: مستحيل توك في السادس!!
شافها تشهق اكثر من مره وتكتم صراخها ارتجف وهو يشوف كل شي صار تحتها اكرمكم الله وقف بسرعه وقلبه بيوقف من الخوف ركض للباب بسرعه فتحه وصرخ بكل صوته: يــــــــــــــــــــــــــــــمه مــــــــهــــــــــره الحــــــــــــــقوا العـــــــــــنود
دخل لها بسرعه وهو يجلس عندها وكل جسمه يرتجف ضمها بقوه له وقال برجفه: عنود تكفين تحملي عنووود لا تغمضين ناظريني عنووود عــــــــــــــــــنووود.
العنود كانت ترتجف وتون بوجع لين يختفي صوتها وتصرخ وهي تبكي وفاهد مو قادر يتصرف الخوف ماكل قلبه اكل عليها ويحس قلبه بيوقف في اي لحظه
العنود صرخت: فاااااهد الحــــقني بموووت
فاهد ضمها ونزلت دمعته بخوف: وش اسوي وش اسوي
العنود شهقت وهي تاخذ نفس وتحس روحها بتطلع
فاهد ارتجف فكه وهو يشوف وضعها وكأنها تحتضر
بدون شعور منه لقا نفسه يخليها تنسدح على الأرض و يساعدها تولد!!!!
دخلـت مهره وفهده وام العنود وكل الحريم وهم يركضون بخوف بعد الصراخ وصراخه ووقفوا كلهم بصدمه وهم يشوفونه جالس بصدمه وفي يده طفل بحجم اليد!!!
شهقت ام العنود وصرخت ببكاء: يمه العنووود
ركضوا كلهم لها وهي منسدحه على الأرض بدون حركه وفاهد جالس بصدمه بجنبها ويده ملطخه دم!!!
ام العنود تهزها بقوه: الـــــــــــعــــــــنـــــــــود
فاهد ترك الطفل الي يبكي بصوت يالله ينسمع ودف ام العنود عنها برعب وحملها بين يديه وهو يطلع يركض فيها لبرا..
وام العنود تضرب وجهها ومنهاره على الأرض ومهره حملت الطفل بسرعه وهي تلفه وتبكي بخوف وكل الحريم يبكون بخوف من الموقف
ام العنود بصراخ: بنيـــــــــــــتي وش صاررر فيها
فهده جلست بجنبها وهي ترتجف وشدت على كتفها: اهدي وانا اختك إن شآء الله ما صار شي اهدي
ام العنود تضرب صدرها بحرقه وخوف على بنتها وهي تناظر الدم في الأرض
مهره بخوف: الولد مدري علامه
وقفت فهده بسرعه وهي تشيله: بسم الله نادوو الطبيبه بسرعه الولد بيمووت
ركضت مهره وهي تصرخ على الحريم ينادون الطبيبه
...
كانت واقفه في زاويه من الممرات ويدها على فمها بقوه وتبكي برعب من الي سمعته والي صــاار..
...
طلع يركض لبرا وهو يصرخ: جـــــــــــــــــووواد
كرر ندااه
لين طلع جواد من المجلس بسرعه وهو يركض وفتح عيونه بصدمه وهو يشوف العنود بين يديه ركض بسرعه وهو يرمي الشماغ عليها يوم طلعوا الي بالمجلس..
وفاهد صرخ: افتح مووترك.
ركض جواد لموتره وفتحه وهو يرتجف وطلع فاهد بسرعه وهو حامل للعنود بين يديه ويرتجف...
جاء بيحرك لكن وقفهم صرااخ وحده من الحريم: يااا شيخ الولـــــد بيموت..
جواد برعب يوم استوعب انها ولدت: وششش سوووويت فييها!!
فاهد يرتجف: حرك يا جواد حرك
جواد نزل بسرعه من السياره وركض للحرمه الي شايله الولد بين يديها اخذه بسرعه وهو يرتجف بخوف وركض للسياره وحركها بكل سرعته طالع من الديره بيلحق على هالروحين!
انهز توازن الشيخ هزاع يوم عرف انها بنته الي بين يدين فاهد سندوه عيال الشيخ وهم ميتين خوف!
الشيخ هزاع برجفه: وش صاير!
الشيخ جراح شد على عصاه بخوف: الوكاد انها ولدت!
تعال يا شيخ ارتاح في المجلس ما بيصير شي إن شآء الله
الشيخ هزاع: لا والله ما ني مرتاح بنهج لبنيتي.
الشيخ جراح: علي الحرام والطلاق انك بتقعد الشيخ فاهد معها..
دخل بعد حلف الشيخ جراح عليه وقعدوا وهم خايفين!
واهل صقر ساكتين ويراقبوا الوضع بصمت!..
داخل كانوا كل الحريم حول ام العنود يهدونها وهي ميته خوف على بنتها وتبكي...
_في سيارة جواد
بصراخ: ارررتحــــــــت يااا فااهد ارتحت!!! بتصييير قاتل مثل ابووك بتقتل حرمتك!!!
فاهد صرخ بعصبيه: اقطع صوتك ياااجواد
جواد نزلت دموعه وهو يشوف الولد الي بين يديه: وششش سويت يا فاهد وش سويت؟!
فاهد زم شفايفه يمنع دموعه تنزل مير ما قدر ونزلت وهو يضمها لصدره وهو يرتجف برجاء: جواد تكفى لا يصير لها شي اروج تكفى!
جواد وهو يناظر الطريق ويمسح دموعه الي تحجب عنه يشوف وهو ينزل عيونه بين فتره وفتره للي بين يديه ملفوف بين شيله ووجهه صاير ازرق قال ببحه بكاء وغصه: فاهد الولد يموت!
فاهد غمض عيونه ودموعه تنزل وشهقاته تعلى بوجع: انا ذبحتهم!!
جواد كان ينفخ على وجه الولد ويهوي عليه ودموعه مغرقه وجهه ويحاول يركز على الطريق..
فاهد صرخ بوجع وهو يبكي: يـــــــــــاااااارررب
وصلوا وما يدرون شلون وصلوا للمستشفى بذيك السرعه..
نزل جواد وهو يركض بالولد الي بين يديه وهو يصرخ عليهم وبسرعه خذوه وفاهد دخل وهو شايل العنود وخذوها بسرعه للعنايه والولد بعد!!
وفاهد طاح على الأرض وهو يعض يده بقوه يمنع بكاه اكثر...
جواد التفت له وهو يبكي ووجه الولد مو راضي يروح من عيونه دف فاهد بقوه وسحبه من يا قته وهو يصرخ بوجع: وششش سوووويت يااوفاهد وش سسسووويت
فاهد كانت قواه منهاره ومو عارف وش يسوي ولا حتى يدافع عن نفسه
جواد رفع يده ولكمه بقوه على وجهه: اااقسم بمن احل القسم لو يصيبهم شي يا فاهد!
فاهد طاح على الأرض وهو ساكن ودموعه تنزل بصمت...
والأمن جو بسرعه وهم يوخرون جواد: حنا في مستشفى انت وياه
جواد دفهم وناظر جواد بحقد وراح عنه طالع من المستشفى. ..
وقف فاهد بصعوبه واستند على الجدار وهو يتوجه لباب العنايه استند عليه وهو يضرب براسه فيه وبهمس موجوع : تكفين لا تخليني تكفين!
طاح على الأرض وهو يغطي وجهه بيده ويبكي بضعف ويدعي الله يحفظها!...
جواد..
واقف بجنب السياره ووجهه احمر من البكاء ومو قادر يدخل نزل نظره ليده وهو يتذكر شكل الولد بين يديه
ارتفعت شهقاته وهو يغطي وجهه ويجلس على الأرض ويستند على السياره: ياااا الله انك تحفظه ياااارب تحفظـه.
رفع راسه للسماء ودموعه تنزل: يااارب يااارب طالبك يارب تحفظه يـــــــا اللـــــــه
انتبه له واحد من المارين وركض له: اخوي فيك شي
جواد صد بوجهه ودموعه تنزل
الرجال بخوف عليه: علامك يا رجال صل على النبي واذكر الله
جواد بوجع: اللهم صلِّ على النبي اللهم صلِّ على النبي..
الرجل فتح المويه الي كان بيده وشربه: اذكرر الله واهدئ يا اخوي اذكر الله بسم الله عليك
جواد شرب من المويه وهو ياخذ نفس عميق
الرجال: هااه هديت
جواد هز راسه وهو يعض شفته يمنع دموعه تنزل...
حس بأحد يجلس بجنبه ويقول: جواد
رفع راسه وكان اخوه حمد واخوه عزام
عض شفته وقال بوجع: لأي مرحله من القسوه وصلوا لها ياحمد؟...
حمد سحبه وهو يضمه بقوه..
وقف الرجال: انا اعتذر بمشي دامكم تعرفونه
عزام بهدوء: مشكور ما قصرت
الرجال اومئ وهو يناظر جواد بحزن ومشى عنهم
________
بعد خمس ساعات..
دخل حمد وعزام وجواد الي غصب عنه دخلوه
وصلوا وشافوا فاهد جالس بنفس الوضع..
تنهد حمد بحزن وراح له: فاهد!
رفع راسه بخوف: ماتت؟؟؟
حمد: بسم الله عليك اهدى
فاهد وقف بخوف وحس بدوخه قويه سنده عزام وحمد: فااهد اهدى وشش فييك.
فاهد دفهم عنه واستند على الباب وقال:ليه للحين ما طلعوا؟
جواد بقهر: الله اعلم وشنك مسوي فيهم!
فاهد بعصبيه انقض عليه:انت انقلــــع من قدااامي
حمد رفع فاهد بعصبيه: فااهد اهدى انت في مستشفى!!
فاهد بعصبيه وهو يناظر جواد: اطلــــــــــع من هناااا
جواد شد على يده: ماني طالع يا فاهد ماني طاالع
فاهد: حمـد فكني عليه فــكنــــــــي
جواد بعصبيه قرب منه: وش بتسوي هذا انا واقف قدامك
عزام سحب جواد بعصبيه: جواد انثبر مب وقتك انثبرررر!!
حمد: عزام طلعه من هنا..
جواد بعصبيه: طالع طالع صدقني يا فاهد بتذوق اسوء مما ذاقه ابوي!
فاهد صرخ بكل صوته: طلــــــــــــــعووووه
عزام سحب جواد بعصبيه وطلعه من عند فاهد
وفاهد دف حمد بقوه وجلس على الكرسي وهو يشد على راسه الي بينفجر من وجعه!.
طلعت الدكتوره أخيراً وفاهد فز بخوف: وش صاار
الدكتوره بنظرات حاده: الحمدلله استقرت حالتها ولكن من الواضح انها تتعرض للتعنيف وهذا الي سبب ولادتها المبكره.. ممكن اعرف منهو زوجها؟
فاهد برجفه: انا...
الدكتوره: انا مضطره ابلغ الشرطه...
حمد التفت بقوه لفاهد وفاهد شد على يده
فاهد بحده: اعقبي انتي ما تعرفين مع من تتكلمين؟!!
الدكتوره: من كنت تكون هذا الي بيصير..
مشت عنهم بعصبيه وفاهد التفت لحمد بحده: تصرف
حمد: وش اسوي؟؟؟
فاهد شد على يده: تصرف قلت تصرررف
حمد بعصبيه: هذي شرطه وقانون حنا مالنا فيها...
فاهد بحده: اجل بنهربها دامها استقرت حالتها!
قبل تجي الشرطه..
حمد: انهبلت انت؟؟؟؟؟
فاهد بعصبيه: قلت بنطلعها
حمد بلع ريقه وهز راسه بالموافقه: والولد حنا ما سئلناها عنه
فاهد: الولد الوكاد انه مات
حمد: بذي البروده تقولها!!!!؟
فاهد شد على يده وفتح الباب ودخل وهو يشوف العنود متمدده على الفراش والأسلاك حولها مايدري وش يسوي وكيف يوخرها تذكر جواد وقال: حمد نادي جوااد بسرعه قبل احد يجي..
حمد بلع ريقه بخوف وهو يناظر الممر قبل احد يجي: زين زين.
طلع يركض لبرا
شاف جواد واقف عند السياره وعزام عنده: جواد تعال نحتاجك
جواد ناظره: وش فيك
حمد بلع ريقه: الدكتوره تقول انها بتعلم الشرطه
عزام فتح عيونه: وش تقول!!!
حمد: لزوم نهرب حرمة فاهد
جواد هز راسه بالرفض: مستحيل
حمد: جوواد بنروح في خبر كااان
جواد اومئ: هذا الصح لزوم يصير كذا فاهد يستاهل
حمد بعصبيه ضربه على صدره: هذا اخوووك يا جوواد اخووك
جواد بعصبيه: اخووي بغى يقتلهم!!!
حمد بحده: ورب البيت ان ما جيت الحين تساعدنا يا جواد ان تندم
جواد شد على يده: ماني نادم كثر ماندمت اني رجعت لكم!
حمد بحده سحبه من ياقته: جووواد استوعب وسو الي قلت لك
جواد غمض عيونه ولا رد
عزام برجاء: جواد تكفى..
جواد ناظرهم بقهر ودفهم ودخل للمستشفى وهم ركضوا بعده ووصلوا للعنايه شافوا فاهد يحوس بيفك الأسلاك عنها
تقدم جواد برجفه وفكهم بخفه وهو يسوي اللازم وقال بتوتر: انا انتهت مهمتي ماني مساعدكم بشي اكثر من كذا
فاهد بحقد: مانبي منك شي اكثر حمل العنود بين يديه
وطلع بسرعه وحمد وعزام بعده
صرخ جواد بصدمه : وولــــــــدك !!!
حمد التفت له: يقول انه مات.
جواد فتح عيونه برعب وهز راسه لا: مستحيل
حمد ركض بعد فاهد: جواد تعاااال...
جواد هز راسه بالرفض: ماني جاي بشوف الولد وينه
حمد رجع بعصبيه وسحبه: قلت لك تعال بتروح فيها
جواد دفه عنه: روووح انت ما ني طالع لين اشوف وينه..
حمد عض يده وهو يسمع صوت الممرضات جايين
جواد بلع ريقه وسحب حمد وركضوا لجهة الحضانه!...
دخلوا الممرضات وصرخوا: المريضضضه مو موجوده!!!!!
الدكتوره جت تركض: وش فييه
الممرضه: المريضه مو موجده
الدكتوره بعصبيه: والله اني عرفت انه مجرم بسرعه دقي على امن الباب لا يخلونه يطلع
الممرضه: الولد وينه؟؟
الدكتوره بأستعجال: في الحضانه اكيد راح لها تعالوا ودقي على الأمن يجي...
حمد وقف على الباب بخوف: جواد ادخل شف الولد لو موجود خذه وتعال! وانا بقعد هنا
جواد اومئ مأستعجال ودخل بسرعه ووقفته الممرضه الي داخل: لحظه اخوي وين داخل!!
جواد بلع ريقه وقال بهدوء يتصنع البرود: ابي اشوف ولدي!
الممرضه: تبع منو؟
جواد: العنود!
الممرضه ناظرت الكشف وقالت: الولد وضعه تعبان لزوم ماتقرب منه! للحين ما اكتمل شهره السادس.
جواد عض شفته وقال: انا اسف
الممرضه رفعت راسها بأستغراب: على وش؟
جواد بحركه سريعه لكمها على وجهها لين طاحت مغمى عليها قال بأسف: اسف اسف الله يسامحني...
ركض بسرعه يدور عليه شافه وفز قلبه: ياااقلب وروح عمك!.
ركض له بسرعه وطلعه من الجهاز الي هو فيه وفك له المغذيات المتصله فيه ولفه بلفه وضمه لصدره وطلع يركض فيه و حمد ركض بعده والتقوا بالدكتوره الي صرخت: هذااا هم
فتح عيونه بقووه وهو يشوف الأمن غطى وجهه بسرعه وركض وحمد مثله...
وبدأو يركضون بسرعه لين ضيعوهم ودخلوا غرفه احد المرضى
حمد وهو يلهث: وش السواة الحين
جواد وأنفاسه متسارعه وناظر وجه الولد: لزوم نطلع بسرعه قبل ينخنق الولد لازم اخذ له مغذيات!!
حمد ناظر الي بين يدين جواد وقال: هذا وش
جواد بلمعه في عيونه: قطعه مننا يا حمد قطعه من ال فارع ولازم نحميه.
حمد عض شفته وقرب وهو يناظره: صغييير
جواد بأبتسامه حنونه: ايه مرره
حمد تنهد: الحين كيف نطلع فاهد اكيد زبن هو وعزام
جواد اومئ: الأمن اكيد الحين على الباب مانقدر نطلع
حمد: اجل وش السواة
جواد ناظر حوله وشاف المريض الي نايم...
دقق النظر فيه: هذا اجنبي!!!
حمد ناظره: اشقراني.
جواد بهمس: شف اغراضه بطاقته
حمد: وش تبي فيها
جواد: بسرعه تحرك
حمد تأفف وقرب من المريض يدور اغراضه ما شاف شي: مالقيت شي!
جواد وهو يضم الولد له: زين ناظر ملفه شفه عند الطاوله
حمد سحب الملف وناظره: مدري وش مكتوب
جواد: جبــــــه
حمد قرب منه ومد له الملف ناظره: ستيف واستون ..
حمد: وش بنسوي فيه!!
جواد باس الولد وتركه على السرير وقال: اوقف على الباب.
حمد وقف على الباب بأستغراب: وش نسوي؟
جواد: انا بدق على الممرضين يجوني وانت اول ما يدخلون اضربهم وبناخذ ملابسهم ونطلع...
حمد هز راسه بسرعه ووقف خلف الباب...
وجواد اخذ التلفون الموجود عن الطاولة ودق وردو عليه بسرعه تكلم باللغه الأنجليزيه:
Excuse me.. I'm Steve Weston. I need two nurses immediately... Room number 12
عذراً.. انا ستيف واستون احتاج الى اثنين من الممرضين فوراً... رقم الغرفه 12
___: Ok sir.
جواد: thanks
ترك التلفون وتوجه لحمد ووقف معه وماهي الا دقايق وانفتح الباب وبسرعه البرق جواد مسك واحد من الممرضين وحمد واحد وطقوه من خلف رقبته بحركه سريعه يعرفونها من وهم صغار لين طاح مغمى عليه...
جواد بأستعجال: بسرعه البس ملابسه
حمد: الله يقرفك يا شيخ
جواد كتم ضحكته وفصخ ثوبه وفصخ تيشرت الممرض ولبسه ثوبه وهو لبس التيشرت غمض عيونه ودخل يده تحت الثوب وسحب البنطلون وحمد صرخ: اعقب
ضحك جواد: اجل وش بتلبس تيشرت وسروال!!!
حمد: الله ينكبك يا فاهد الله ينكبك
لبسوا الملابس واخذ جواد الولد وضمه وهو ياخذ الكمامه ويلبسها وحمد مثله: بسرعه يا حمد الحقني
حمد طلع معه: ووين بنروح يا جواد بيقضبونا على الباب
جواد بذكاء: تعال تعال وهذا وجهي ان اقضبوك...
مشى حمد بعد جواد ولمح اثنين من الأمن يفتحون الغرف يدورونهم بلع ريقه: جواد شفهم
جواد: خلك طبيعي لا ينتبهون للولد
تحرك جواد بسرعه ومعه حمد ووصلوا عند جرس الإنذار وبخفه مد جواد يده وهو يشغله ويركض هو وحمد...
وماهي الا ثواني وانتشر الرعب في المستشفى والفوضى.... والمرضى يركضون بخوف طالعين من المستشفى ومعهم كم ممرض وجواد دخل بينهم هو وحمد وركضوا طالعين من المستشفى.... وتوجهوا لسيارة جواد بسرعه فتحها ودخل وحمظ بجنبه والولد بحضنه وحركها بكل سرعته طالع من المستشفى ومبتعد عن المنطقه كلها....
حمد برجفه: والله انك دااهيه والله
ضحك جواد: اااخ ما ني مصدق ..
حمد ناظر لحضن جواد: وش بنسوي لهالورع؟
جواد بحنان ناظره بحب: جعلني فدوه لهالوجه الصغيرون.
حمد ضحك: مو من جدك يا جواد!! امدك تحبه توك شايفه الحين
جواد رفعه وهو يبوسه: الله يحفظه الله يحفظه
حمد: تهقى وين فاهد وعزام
جواد: اوووف مدري
حمد: زين وين بنروح الحين
جواد: اول شي بنهج لأي صيدليه اخذ الي يحتاجه الولد توه في شهره السادس ولزوم له مراعاه.
حمد اومئ: انت ادرى اجل وش درسناك له
ضحك جواد براحه وهو يضم الولد لصدره...
حمد فتح عيونه: هذااك موتري
جواد ناظر مكان ما يأشر حمد: اي والله!
حمد: وقف وقف
جواد لف بالسيارة لجنبهم ووقف وحمد نزل بسرعه
وفاهد اول ما شافهم نزل من السياره بسرعه وهو يركض يضم حمد: الحمد لله الحمد لله
حمد شد عليه: ماعليك الحمدلله طلعنا.
عزام نزل: كان راجع لكم!
حمد: لا الحمد لله طلعنا
فاهد التفت: جواد وينه
حمد ابتسم بخفه: جواد ما قبل يطلع لين انقذ الأمير حفيد ال فارع!
فاهد ارتجف قلبه: هاه!
حمد شد على كتوفه: الحمد لله ولدك ما مات
فاهد بلهفه دف حمد وركض للسياره فتح الباب وشهق بفرحه ودموعه نزلت
جواد ابتسم بضيق ومده له
اخذه فاهد وهو يرجف ودموعه تنزل رفعه لوجهه وقرب منه غمض عيونه وهو يشم ريحته ويبوسه بوجهه
جواد صد بوجهه وقال ببرود: الولد مناعته ضعيفه لا تبوسه تنقل له شي!
فاهد ابعده عن وجهه ورفع راسه لجواد الي صاد عنه قرب وبحركه فاجأت جواد قرب وباس راسه وقال: مشكور يا سند ضهري يا اخوي!
جواد التفت له وقال بغصه: هذا ولد اخوي الشيخ فاهد افديه بروحي
فاهد سحب جواد له وهو يضمها ويبوس راسه: جعلني فداك يا جواد جعلني فداك
جواد ابتعد: لا تخنق الولد
فاهد مده له: خله معك
جواد ابتسم واخذه بحذر: بنهج اخذ له ادويته من الصيدليه
فاهد اومئ وقال بتردد: والعنود وش بيصير ؟!
جواد تنهد: هي بعد باخذ لها الي تحتاجه من ادويه ونمسك خط ونرجع للديره وجودنا بهاه غلط.
فاهد اومئ: اجل خل نحرك
جواد اشر لحمد يجيه ويسوق بدال عنه
وهو غير مكانه وهو حامل الولد بين يديه وخايف عليه...
وتوجهوا كلهم يدورون اقرب صيدليه ياخذون منها الأدويه ثم يعودون للديره! ..
_ انتهاء! .
_رأيكم؟