#الفاتنة و الذيب
البارت "3"
بقلمي:تبارك ياسر
حلوات لا تنسون التصويت +تعليق بين الفقرات ومتابعه الحساب
İnsta: to20_mo
TikTok:to20_mo
____________________________________
رحنا اني وشمس وركبنا اني صعدت وراه وشمس كدام لما صعدت وسديت الباب اجت عيني على المرايه جان جاي ايباوعلي اني درت وجهي وهو شغل السياره وباوعلي بلمرايه وحجا
مهيمن :وين بيتكم ؟!
اني رفعت راسي وباوعت عليه من المرايه وعيوني بعيونه
_ب.....
مهيمن :هاي وين صايرا
_ هوني قغيبي يم حي ال .... قريب علينا جامع ال...
مهيمن : اي عرفتها
من جنا نحجي هو ما نزل عينه لي حد ما خلصنا درت وجهي وهو ساق السياره وما طولنا هواي ووصلنا لن البيت قريب شفت بيتنا واشرت عليه وحجيت
_هيانو هذا
هز راسه وقف كبل لا انزل حجيت
_شكرا و اسفه تعبتوك معاي
حجا ببتسامه
_لا عادي ادللي
نزلت من السياره وما راح الا لما دخلت البيت طبعا بيتنا عباره عن اربع شقق جان بيت واحد وقسمناه ونحنا عايشين بطابق ثاني بس اهلي هسه قسمو الورث وجاي اندور على بيت فبين فتره وفتره ماما اتروح هي وبابا بس اني ما اروح ابقا بلبيت ضلو فتره ايدورون
مر يومين لان جان عطله وبعدين داومت رحت علجامعه من وقت حتى ادرس لان جان عندي امتحان
شفت بان سلمت عليها وكعدنا ونحنا جاي ندرس هي سألت
بان :البارحا شنو صار من رحت
حجيت بلا اهتمام
_جا اخو شمس وقعد معانا ووصلني وغاح
بان :جذب
_والله
بان :اي يمه حضوض يابا حضوض
_وقصزرقط ادرسي احسن اشني حضوض
بان :اي سكتت
رجعنا درسنا وفتت عل امتحان وجاوبت
طلعنا اني وبان ومر اليوم عادي طلعت جاي انتضر الشتراك شفت شمس كاعده تنتضر سلمنت عليها لان ما شفتها اليوم وحجينا شويه وطلعنا
اني وجاي اطلع شفت اخوها واكف ومنتجي ويدخن ما اهتميت ورحت
لي اليل جنت جاي ادرس شفت اتصال من رقم على تلفوني ما اعرفا سديته ورجع اتصل اكثر من مره ردت احضرا شفت رساله عل واتس كاتب
💬ليش ما اتردين
_ليش منو انت
💬ما ضروري تعرفين
_ولا ضروري ارد
حجيت هيج وحضرتا وحضرت الرقم
ثاني يوم جنا كاعدين عل مسطبا اني وشمس بعد ما خلصنا المحاضرات وهي حجت
شمس :تماره سؤال
_جواب
شمس :شنو رايج باخويه
_عادي اشني رايي مثلا
شمس : والله ؟!
_اي والله
ما حجت شي ولا انا حجيت بس ما ادري ليش هيج حجت ما اهتميت شويه واجت بان سولفنا وحجينا شويه وطلعنا اني وشمس وبان راحت على اشتراكها
رحنا كعدنا وهي حجت
شمس :شنو رايج ترجعي ويانا اليوم
باوعت عليها وعاقدا حواجبي وحجيت
_شمس انت اش عتحاولين تعملين
شمس :حابا تتقربين انت واخويا لان كلش حبيتج
_شمس حبابا بلا هسوالف احسن ما تخرب علاقتنا
شمس :ليش ولج والله اخويا كلش زين
_شمس ما اغيد افتح هشكل مواضيع حبابا
شمس : تمام بعد ما افتح الموضوع وياج
طلعت على الشتراك لمحت مهيمن ما اهتميت ومشيت
رجعت علبيت واني ضايجا ما ادري شنو احساسي ولا ادري شنو اسوي اتصلت على بنت خالتي اسراء وحجيت وياها على الي صار
اسراء :اخاف هو ايحبكي ؟!
_ما اتولين اسراء يا حب يا بطيخ
اسراء :ما اعرف بقت انا هشكل حسيتو
_ما اعرف وي اكثيغ ضيعا وهو نضراتو ما اعغف اشوني
اسراء:اذا ما طلع ايحبكي اقص ايدي
_انجبي اغوح ادرس
اسراء :الله معاكي
سديت الخط واني افكر نفضت الافكار من راسي وما وما اهتميت
مر شهر واني بدوامي وامتحاناتي كلشي ما اتغير غير صرت المح مهيمن بلجامعه اكثر من قبل بس ما علقت عل موضوع يجي ياخذ شمس ويسلم ويروح بس باخر فتره شفت هو كام يكعد ويانا بس اني ما ابقا كلش هواي كاعده بسرعه اروح بس هوه اتغير من ناحيه نضراتا الموضوع زعجني بس كمت اتلافا الوضع وما اعطي مجال كلش وبهذا الشهر بابا وماما شافو بيت واشتروه
وصرنا ننقل بلغراض على مود ننتقل اكثر من مره ايروحون واني ما اروح مالي نفس بس حجزتلي غرفه من وصفولي البيت
بس طول هذا الشهر مهيمن شاغل بالي نضراتو ما طبيعيه وافكر يا ترا شنو ابالا لان مرات ارفع عيوني الكاه صافن بيا اخر اسبوع لما شمس اتكلي نطلع ما اروح وياها اكثر من مره تحجي وياي وما اروح الا ما حجت
شمس :تماره هاي اكثر من مره اكلج حتى نطلع وما تقبلين
_والله ما لي حيل غوحي مع بان
شمس :والله يا تماره اذا ما اتكولين ليش ما عتجين ويانا فلا احجي وياج بعد
بان :لان اخوكي
باوعت على بان وخزرتها حجيت البان عن مهيمن وهي لاحضت هشي وحجت مثل حجي اسراء بس ما اهتميت
درت وجهي باوعت على شمس وهي حجت
شمس :شبي اخويه
_شمس للصراحه نضراتو ما اعغف اشوني وصيغا عدضوج منو انا ما متعودي على هشكل شي وتعغفين ما احب هشكل
شمس : اش دخل اخويه بطلعاتنا
_ما من نرجع انا وانت وبان تغوح اغشعو وانا ما اغيد اغشعو
شمس :انجبي والله اليوم اتروحين ويانا
بان :اني ما اروح
شمس :ليش
بان :ما لي مزاج
_شوفي حتى بان ما غاح اتغوح خلينا قيعدين
شمس :شكد سخفاء
كلش انقهرت على شمس ووكلت امري لله ورحت وياها اني وبان وهي خطيه كلش فرحت اتكول اني ما عندي خوات وانتم صرتم خواتي كلش افرح من هيج تحجي
شمس ما خلت شي ما اشترتا واشترت الي والبان وما رضت الا نشتري للصراحه كلش اتونسنا ورجعنا عل جامعه وكعدنا بلكفتريا واشترينا عصير اشويه واجا اخوها وكعد اني اتوترت وبان كلشي ما حجت
حجيت اني واشيل غراضي
_بان يالله انغوح
درت ضهري وردت امشي حسيت بشخص مسك ايدي درت وجهي وشفتا مهيمن وهو حجا
مهيمن : تماره جاي تتضايقين من وجودي ؟؟
باوعت عليه وكبل لا احجي حجت شمس وهو باوع عليها
شمس : اي لان ادكول نضراتا ما ادري شلونها وما احب هيج شي فجاي تتضايق
اني فتحت عيوني واستغربت من حجت هيج ما توقعت هيج تحجي باوعت عليها واني ضايجه رجعت باوعت عليه ونترت ايدي منا وحجيت
_اتركني
حجا وهو ايباوع بعيوني
مهيمن :لهل درجه كارهتيني ؟!
حجيت واني ردت امشي
_اي
مهيمن :ليش لهدرجه كارهتني شنو سويتلج ؟!
ما عرفت اجاوبا كلش اتوترت من قربا والحمد لله جان المكان شبه فارغ رجعت باوعت عليه وحجيت
_اش اتغيد مني انت ؟
مهيمن :اريدج
حجا هل جمله وصفن بعيوني ما اتوقعت ابدا يحجي هيج اتوترت ودكات كلبي زادت وعيت على نفسي ودرت وجهي ومشيت ما حجيت شي عبرتا ومشيت
وكفت ابمكان بعيد ونتجيت علحايط وايدي على كلبي ونفسي عالي اتحسست دكات كلبي الي اشويه ويطله من قوت نبضاتا حسيت بايد تمسك كتفي عرفتها بان درت وجعي عليها وهي حجت
بان : والله عرفت ايحبج
من حجت هيج اني دموعي تنزل واحجي بعبرا
_ما اتوقعتو هشكل
بان :ولج شبيج ترجفين
_خيفي ما اعغف اش اعمل اول مره انحط بهشكل موقف بان تعباني بالله
بان :امشي ولج ارجعي علبيت
_ما اطيق وي بس خبري ملاك تجي حباب
هزت راسها ومشينا كعدنا عل مسطبا واتصلت على ملاك وهي ما حجت شي كالت جايه
ملاك بت عمي وهي قربي علي هي وبان واسراء بس ردتها ما اعرف ليش وهي كليتها بعيده ربع ساعه واجت وكعدت يمي وحجت
ملاك :وي اشبيكي ليش عيونكي حمغ
حضنتها وبجيت ما ادري ليش هيج اصرفت هسه اتكولن اني بالغت برد فعلي ولازم اكون فرحانه بس احساسي ما ادري شنو هو ما اكدر اوصفا جنت خايفا وما جنت محسبا انو يحجي هيج كدامي اول مره انحط بهيج موقف
ما حجيت شي مسحت دموعي ومشيت عل شتراك
وبان راحت رجعت علبيت واني ما طايقه احد بس ردت انام لي اليل طلعت ملاك عندي وحجت وياي
ملاك :وي انت من كل عقلكي ضيجي وعتبكين
_اي لان ابدا ما اتوقعتو انو يحكي هشكل هو قلي اغيدكي افتهمي معناتا انا ما مستعدا ابدا وهي اول مره انحط بهشكل موقف
ملاك :عابتلكي اي والله وهو باري حلو ؟
_دحقي بيش اتفكرين انجبي اغيد انام
رحت داومت ثاني يوم والغريب انو شمس ومهيمن ما شفتهم اكذب اذا كلت ما دورت عليهم ثاني يوم هم داومت بس شفت شمس يم باب الجامعه وهي من اخوها ايوصلها ينزلها يم القسم شافتني وحجت وياي
شمس :صباح الخير
_صباح النور
شمس :تماره اسفه على الي صار
_لا قلبي عادي ما صار شي بس انا استغربتو لان حكيتي هشكل
شمس :اي اعرف والبارحا ما اجيت
_اي ذكرتيني ليش ما جيتي انا اعغف عتكي امتحان
شمس :اي بس شسوي من رجعنا من الجامعه اخويه عصب وما ضل شي بغرفتا ما كسرو
_ليش
شمس :اخويه حبج وايريدج هو جان ما ايطيق البنات وانت اول بنت ايريدج فتخيلي موقفا لما اجاهلتيه شكد يباوع عليج يحجيلي ايكول ما ادري شلون دخلت كلبي وصرت افكر بيها خطيه عصب وشال جنطا وراح هاي البارحا واليوم ما ندري عنا شي
طول هلحجي نحنا نمشي للقسم من وصلنا حجت
شمس : تماره لا تكسرين بي فكري بلموضوع
حجت هيج وراحت ضليت صافنا على كلامها نفضت الافكار من راسي وكمت وما حجيت الاحد على كلام شمس
ضليت اسبوع اني اداوم وشمس اتكول مهيمن ما رجع ضليت ايانبني ضميري على حجيا خفت لا ايصيرلا شي لي حد الخميس كلش ضجت وكلت اكيد صايرلا شي رجعت علبيت ضايجا
وشفت الغراض والبيت فارغ اذكر انو اليوم لازم انشيل حجت امي وياي
هاله :يالله لا اتبدلين غوحي جيبي الغراض شويه وابوكي يجي
حجيت بصياح
_اوففف بعد يالله حتى ما قعتو كبل دنغوح نشتغل اويي دادا
هاله :هاي كم مره انغوح وما تجين بس هل مره لازم تجين انقطع نفسي ابحدي وهليوم اخر يوم
_ها شوفي واتقولين اش مستفادي منكي وانت بس اتغيديني اجي امري لله الله ايخلصني ان شاء الله
هاله :امين
طبا امي صح صديقتي بس بلاوقات الي تعجبها يعني بشغل مستحيل تشتغل بمكاني ولازم اني اشتغل عنها واحيانا اتكول كلمات تحفر بنص كلبي واتاذيني بس عادي اتعودت فصرت اميل البابا واني اصلا اشبها بس هم بابا عندا فصلات بس احسن من ماما لهذا السبب انو اني صرت عدائي بس اكو اسباب ثانيا هذا واحد منهن
رحت بدلت ملابسي وصليت ولبست تراك وعبايه ولفيت شعري كبايه وخليت الحجاب على راسي وطلعت لكيتهن صاعدين وصعدت جان بابا يحجي
ياسين :لو متاخرا كان خليناكي
اني ما صدكت فتحت الباب دار راسو علي وحجا
ياسين :وينن؟
_ما انت قلت لو متاخرا كان غحنا فحسبني اتاخرتو وغوحو اغيد انام والله تعباني
ياسين : انجبي واقعدي نحنا هذا هو راح نتحول بعد وين اتنامين
رجعت سديت الباب واني ادردم ما عاجبني شياطين الدني متربعه براسي وما متحمله صوت واحد والله ميتا تعب
واحنا بسياره ماما حجت
هاله :هسه انت تعباني بس شاطغا تفترين واتغوحين تتزقنبين وتجين اتصيحين بغاسنا
اني نطيت وصرخت
_والله والله من نصل راح احضر سلفتكي ما مخلصا منا حضرتوها وقلتلكي حيضرتني ورجعتوها بس والله دحضرا وبعد ما اكو انت ما عتكي انستا وتجيكي اخبار عبالك ما اعرف اش عملتو
سكتت و رجعت استغفرت خفت لا اجفص بابا موجود
هي شافتي هيج سكتت درت راسي عجامه ودردمت بداخلي
_والله خوش ست الحسن اتشوف الستوريات واتقلا لامي عبالك عيملا جريما
وصلنا بابا صف السياره رفعت راسي شفات البيت كلش حلو تصميمو هو ثلاث طوابق وكل البيوت اكثرها هيج واني وجاي انزل بل غراض لمحت سياره واذكرتها صفنت علبيت الي واقفه قداما السياره هم يشبه تصميم بيتنا وهم ثلاث طوابق فوتت الغراض وحجيت وي نفسي
_تماره انجبي واسكتي
فتت شلحت العباي وضليت بلتراك بعد ما اكلت رزاله لان رجلي وايدي طالعات وشعري لافتو كبايه فامي مرزلتني كالت ليش لبستي هيج عيب من ابوج واخوج واني غلست ما حجيت شي والله تعبانه بس اريد انام رحت علي امي
هاله : روحي انت اشتغلي بسطح والطابقين وانا واخوتكي هذا الطابق
حجيت واني فاتحه عيوني
_يعني بالله انت مقتنعا بكلامكي والله تعباني ولا عشتو اولادكي ما ايصيغ اتعبيهم وانا اتعبيني هشكل ما الله كريم الله ايخلصني ان شاء الله
هاله :انجي انا من اخلص اجي اعيونكي
البسي عبايتكي والحجاب راح يجي صديق ابوج يساعدنا
رحت اخذت الماسحه والمنضفات ورحت وكفت يمها وحجيت
_اقص ايدي اذا اتعيونيني اعرفكي تقعدين هيدي هيدي وادردمين مع سلفتكي ما تمام اي وهم ما البس علقصط على اساس منو ديغشعني
اني وجاي احجي درت وجهي وشايله الغراض واجا نعال على كتفي ورجعت ضربتني على رجلي واني ما نطقت وهي حجت
هاله :البسي لا اجي اكسغ غاسكي واضغبكي بعد ادبسزز
حجت هل كلام وراحت ضليت صافنا طلعت فوق وبديت انضف وادردم
_الله ايخلصني والله ما اتشوفون وجي والله الله كريم وجبت تلفوني وحطيت اغاني واشتغل
طبعا امي دايما اتعاملني هيج يعني مرات من ادكلي عفيه او الله يرضا عنج استغرب بس اخوي بس يشتغل شي كبل اتكلو عفيه لو جاب الماسحه اتكلو الله يرضا عليك واني انقهر دايما ادعي الله ايخلصني بس ايكون مع رجال يستحقني ما اريد شخص ايعاملني هشكل اغيد يحضني وايطبطب علي يحبني ويحتويني صح بابا مليح معاي بس بور كبرتو يستحي انو يحضني لان بابا من النوع الخجول بهيج امور يعني اش كان صار اذا عاملتني مثل هذال ليش هو اتعاملو شكل وانا شكل اوففف
صارلنا اسبوع ماما ما راحت علبيت لان العمال يشتغلون جنا نصبغ البيت وبس بابا وهذال يودون الغراض فهسه البيت مو نضيف لان البارحا العمال راحو بس الغراض كلشي كامل بس بقا التنضيف ونرتب
طبعا البيت كبير وبكل طابق غرفتين اني اخذت الي بطابق الثالث حتى اخلص من الصياح والهوسا والي يمي لغزل وجود والغرفتين بطابق الثاني وحدا وحدا الهذال والثانيه الماما وبابا وغرفه قريبه عل مطبخ الاستقبال هو اول ما انفوت عالبيت مثل ممر بس مرايه ورفوف اشويه لي كدام مثل مربع اشويه كبير وايصير عل يمين المطبخ وعليسار الستقبال وبعدين يجي الهول درج لف اول مصعدين بي هول صغير وغرف والفوق نفس الشي شغلت اغني وبديت انضف خلصت طبق الثاني وطلعت على الثالث
خلصط غرفتي ونضفتها كلش زين طلعت توبب ورتبت الاغراض شطفت الغرف وطلعت الماي برا وشطفت السطح وما خليت شي جبت وصلت مسح ورجعت على غرفتي امسحا بلمعطر واني وجاي ادردم من حجيت بصوت مسموع يعني الي يمي او موجود بلمكان يسمعني وانا منطلقا
_هسه امي ما قالت اجي اعيونكي اشو ما جت ما قتولا اقص ايدي اذا جيتي وليش واحد تفل بوجي وقال دعيونكي لا طبعا حرام اصلا ويحد يجي
اشوي سكتت رجعت حجيت وكل هذا وانا جاي امسح واروح واجي
_لا واتقلي تتونسين بجامعه والله اتونس مع شمس وبان ما انكر بس من جا اخوها ما اعرف اش صاغلي وهو على غفلي يضحك على غفلي يبوم ويعقد حويجبو وانا خفتو منو بس الي خوفني منو
_من قلي اريدج يبوووو والله رتو انجلط بعدين عليش ايغيدني اش شاف مني وايغيدني ترا هو يحسب انا من هذوي البنات انا توته قباني هو قال اريدج يعني اشني نيتو خايسا اي نيتو ما خوش ما ايحبني
سككت اشوي ووقفت رجعت كملت
_. ها ايحبني انجبي تماره هو اصلا هسه نسي ولا عبالك متذكر هسه اذا ايشوفني ما يعغفني انجبي تماره عبالك ما اعرف منو هو وعفكرين بي خي ولي اوووي دادا خي ينجب عبالك هو توم كروز
سكتت شوي ووقفت وسندت ايدي على خصري ورجعت حجيت
_ولي تماره ليش تكذبين هو احلا من توم كروز حتى عيونو صفغ مثل اختو وحلوين قاعد مع سمارو وشعرو اسود عكس شمس
رحجت سكتت اشوي وحجيت وهون وقفت ما اتحركت
_ خر* بيج اي والله يا تماره ايمتي كن ركزتي بي لهدرجا اوففف
حجيت هيج وضربت رجلي بل كاع وحجيت
_اوففففف
اني وحجيت هيج سمعت ضحكه عالية اني جنت دايره ضهري من سمعتها درت وجهي انصدمت من الي شفتا
يتبع ......
_____________________________
ان شاء الله يكون البارت عجبكم لا تنسون اتابعوني
#الفاتنة و الذيب
İnsta: to20_mo
TikTok:to20_mo
التنزيل راح يكون حسب التفاعل ان شاء الله حبيتوها ثبتولنه حبكم بلتصويت والتعليقات الحلوه