بسمـهِ تعـالى ..
يَـ العيشتني بضرف ما اضن بشر عاشه
ام وضناهـا ولد
وّ وحيد عدهـا وترف
تگعد تشوفه الصبح مگتول بفراشه
بقـلمي انـا الكاتبـة زهـراء الشـمري 🤍
لاتسون التصويت والتعليـق بيـن الفقـرات ✨
____________________________
1975 م
ـ جنت امـشي الجـو حـار وتعبان هموم الدنيـا على ضهـري ما ادري شلون راح تصفـة مشيـت لبيـت اختـي الجبيـرة مثل ما متعود بعـد ما انزل من كل واجـب امـر عليـهن كلهن وارجع لبيـتي دخـلت للبـيت
::ـ سلام عليكم
ـ اجتي عليه حضنتها وبست راسـها بعد السلام اقترحت عليـه موضوع ما مفكر بـي نهـائي
::ـ محمد خـلي اخطبلك شلون تضل هيج حاير بزمانك مرتك زعلت وعافتك صار سنين وانت تبقـى هيـج
::ـ خليني هيـج مرتاح احسن من دوخة الـراس شمستفاد من الزواج شو جبتها تعب وتعب من تزوجت لسه بعمرج شفتيني مرتاح
::ـ هسه قابل كل النسوان مثـل مرتك خـلي اخطبلك والله ما تندم
::ـ ما ادري تعبـان خليني افكـر
::ـ يعني موافـق
::ـ لا كتلج افـكر يلا
::ـ خوش خويـة براحتك
ـ عفتها وطلعت حايـر بزماني من جهـة ذيج المـرة الي خلصتـها عركات وعمـري ما ارتاحيت يوم وياها كـله مصايـب ومن جهـة هذا الموضوع توجهـت لبيـت اختـي الثـانيـة سلمـت ورجعت لبيـتي بقيت افكـر بالموضوع لحد ما ادري شلون نمت بعد ما كعـدت طلعـت لبيـت اختـي وبلغتهـا بالموافقـة فرحت حيـل وكالت
::ـ والله ببالي وحده المنطقـة كلها تتمناها وتحجي بـ اخلاقـها
ضحكت واردفت
::ـ نشوف ذوقج
عفتهـا وطلعت بقت تتفق ويـه امي علمود يروحن يخطبنها من طلعت صارت بوجهي بنت جيرانـه حيـل حلوه وحبابـه ماكو بـ اخلاقـها راسها ما ترفعه جانت طالعـه للمحـل غضيـت بصري وكملت دربـي لجماعتـي ..
_______________
ـ بعـد فترة طويلـة صار الزواج والصـدمة نفس الابنـية الي اشوفها كـل يوم ! مرت فـترة الابنيـة حيـل حبابـه لو شحجي قـليل ويـاها وابوي ما بـطل كل فتـرة ورجـع يحجـي وياي علمود ارجـع بنت عمـي وبكل مـرة يكون ردي
::ـ يابـه لو تعـدل روحـها ارجعهـا ما عنـدي مانـع بس اخلاقـها عامـة عليـها
ـ ويكون رد ابوي
::ـ انت تعدلـها مو هيـه تعدل روحـها وبنت عمك هيـه مو غريبـة زحمـه من الناس شيكولون
ـ انهي الموضوع بالرفـض
بعد فترة صادف التحاقي للدوام والتعـب ومشاكل الضبـاط والجنود بينهـم وكل شويـه ونزلت عقوبـه علينـا لمن
ـ خلصت الايام يلا ارتاحيت رجعت للبيـت جانت السـاعة 3 الصبـح كـل عـادة مثل ما متعود من انـزل اروح بيت اهلـي ولان البـاب مقفـول اضطـر اطفـر الحايـط وادخل لأمي اسلـم عليهـا واطمنهـا وادخل لبيـتي جانت نايـمة سحبـت الكرسـي وخليـتة يم راسها وكعدت اغفي منتظرهـا تكعد بعد فترة طويلة أذن الأذان
ـ يلا كعدت من شافتني فزت ونزلت دموعها
::ـ يمه وليدي وحيـدي تعال يمي ابوسنك يا يمهه
ـ تقربت منها بسـت راسهـا
::ـ شخبارج انتِ
ـ جرت حسرة وحجـت
::ـ بنعمـة الله الحمدلله مادامك راجعلـي بخيـر يمه
::ـ الحمدلله تاخذين علاجج لو خلص اجيبلج غيـرة
::ـ والله يمه نوبات انسه واتذكرني اخيتـك ونوبات اتذكرة
ـ سحبـت ايـدها بايسـها
::ـ شلون أُمي شتفقنا مو كلنـا ما تنسينـه ابد
::ـ ان شاء الله بعد ما انسـة ابد
ـ على صوتنـا كعـد ابـوي باوعـلي وگام زعلان منـي
لحكـتة جان ع المغسـلة يتوضـة بستـة براسـة
::ـ شلونك يابـة شخبارك
ـ عافني ودار وجـهه اتنهـدت وجهي محتقـن
::ـ ها يابـة بعدنـا نفس الموضوع
::ـ روح منـي كتلـك بت عمك ترجعها
ـ سحبـت نفس ضايج من الموضوع الي ابوي ما يفوت يومين اذا ما حجه بي
::ـ يابـه مو اتفقـنا ما ارجعـها ؟
::ـ روح اني ما راضـي عليـك منـا ليوم الديـن
ـ عافنـي وراح للغرفـة سد الباب فتحته وحجيـت بحسـرة
::ـ يابـه اني ابنك الوحيـد تجبرني على شي ما رايـده وانتَ كلـش زين تعرف بـت عمي ما يحتاج احجيـلك عنـها
::ـ حتى لو شتسوي وياك تبقى بت عمك وترجعـها
ـ رديـت عليـة
::ـ يابـه عوف بـت عمي صار سنين بنفس الموضوع اتزوجـت وانت بعدك تعيـد بي هـاي مرتـي الثـانيـة شبيها شو مامقصـرة بشي وعين الله عليـها
::ـ مرتك الثانيـة تختلف ترجع بت عمك الناس اكلت وجهـي
ـ هزيـت راسي بيأس
::ـ يابـه ليش احسك ما تريدني ارتاح كلما اكول الله فتحها بوجهـي وافرح تجي تكلي رجع بت عمك
::ـ اثبت ولا تحجي من كيفك اني اريدلك الراحـة وراحتـك ويه بت عمـك
::ـ يابـه الكلام وياك عقيـم بت عمي ما ترجع وشيصير خلي يصيـر
::ـ روح واني ما راضي عليك ليوم الديـن
::ـ لا تلزمني من ايدي التوجعنـي وانت تعرف شلون ادور رضاكـم وتدوس ببطني بهل موضوع سدة من اخـره احسن
::ـ ما ينسد وبت عمـك ترجع يعني ترجع
::ـ خوش يصيـر خيـر
ـ طلعت من غرفـتة طبـكت الباب بقوة طلعت بوجهي امي سحبت ايدي وباست راسـي
::ـ يمـة لا تزعل من ابوك حقـة الناس اكلت وجـهة محمد ليش عايف مرتة ومحمد ليش عايف مرتـه
::ـ من *** بالنـاس شعليـة بالنـاس هم العايشيـن وياها لو انـي
::ـ ميخالف يمـه رجعـها والله كريـم بلكي تتغيـر
::ـ ابو طبع ما يغيـر طبعـة والله
::ـ يلا يمه لا تحرگ روحك وانت توك راجع وتعبـان روح صلي وناملك ساعـة وشوف مريتـك
::ـ هو رايـح اذا ابقـه هنـا انفـجر من وراكـم
ـ طلعت من البـيت رجعـت لبيتي هو قريب ع بيـت اهلـي دخلـت للبيـت اتوضـة واناملي ساعـة تعبـان للصبـح واطلع اسلـم على خواتـي سميـت بسـم الله وتوضيـت ورحـت للغرفـة جانـت گمريـة حاطـه القرأن وتقره بس فتحت البـاب
ـ تصدقت ورفعـت راسـها بـ أبتسـامة وكامتــلي
::ـ الله يساعدك شلونك
::ـ الحمدلله انتِ شلونج يروحـي
ـ نزلت راسـها خجلانـة وحجـت
::ـ الحمدلله جوعان اسويلك ريوگ
::ـ لا لا اريـد اصلي واناملي ساعـة ميت تعـب
::ـ خوش
ـ راحـت سحبـت السجادة وفرشتهـا الي رفعـت راسـها
ـ ضحكت بقوة ورديـت
::ـ ويلومـوني لـيش احبـج
ـ دنكـت مبتسـمة وراحـت تكمـل قرأن
واني رحـت صـليـت ونمـت وهيـه بقـت تفتـر مثل كـل مرة
ـ كعـدت علـى صوتهـا تحجي بـهدوء
::ـ محمد السـاعة بـ 9 صارت گوم غسـل و شوف خواتـك
ـ رفعـت راسـي للساعـة وكمـت غسـلت محظـرة الملابـس مالتي بدلت وطلعـت صاحـت
::ـ الريوك جاهـز
::ـ ما اشتهـي شي وداعـتج خلـي من ارجـع
::ـ على راحتك
ـ طلعـت لبـيـت اخواتي سلمت عليـهن وبقيـت اتمشـه بالشارع حايـر ابوي يريدني ارجعهـا بالرغم يعرفها شنـو بس بعدهه مُـصر علـى قرارة ترجع يعني ترجـع وانـي راجع لبيـتي
ـ صادفـني ابوي رجع گـال
::ـ حضـر روحـك الظـهر تروح ترد بـت عمك
::ـ يابـة مو زعطوط انـه وكلش بالاجبـار
::ـ لا زعطوط ونص چا بت عمـك ما ترجعها طبـعاً اجبـرك
::ـ خوش ما يصـير الا خاطـرك طيب يصـير خيـر
::ـ تهدد ابوك ؟
::ـ لا محشوم ما اهددك انـي مو هـاي اخلاقي بس يصيـر خيـر
ـ عفـتة ورجعـت للبـيت دايـخ شلون اقنـع گمـريـة ، تلكتـني مـبتسمـة مثـل عادتـها
::ـ ها رجعـت منتظـرتك
::ـ گمريـة عنـدي موضوع يغـثج بـس صـدگي مجبـور
::ـ شنـو گول
::ـ ابوي يريدني ..
::ـ يريدك ترجع مـرتك الاولـى مو ؟
::ـ اي وداعـتج ما قابـل وانتي تعرفيـن شكد اكرهه وليش
::ـ اهم شي رضا ابوك رجعـها
ـ كمـت بست راسـها
::ـ بارك الله بـيج بنت اصول من يومـج
::ـ تسـلم
ـ عافتـني وراحت للغرفـة عفتهـا براحتـها حقـها صح هيـه الثـانية بـس متعودة علـيٌ احبـها بس الها وهيـه تعرف ما اطيـق الاولـى ابد ولسـه بعدنـي ..
صـار الظـهر وانـي مخلـصها صفنـات وجگايـر انـدك البـاب عرفـتة ابوي لبـست وطلعـت
::ـ يلا تعـال نرد بـت عمـك
::ـ شوف يابـة اكلـك من هسـة بـت عمـي ترجع بـس ثـق ما ترجـع عزيزة مثل الاول لو مادري شيصيـر جبـرتني ع الزواج منهـا وانت تعـرف هيـه شنـو وهسـه جبـرتني ارجعـها بـعد مالـك حـق تتدخـل بـ الي يصـير ويـاها
::ـ عادي المهـم ترجعـها
____________________________
توقعاتـكم ترجع لو لا ؟ واذا رجعـت شنو ح يصـير ؟ 🤍✨
الكاتـبـة زهـرآء آلـشمـري 🪬.
سلاسل المـاضـي
حسابي الانستـا للتواصـل
zhraa_al_shmmeriy
ﺗﺬﻛﻴﺮ✨
- سُبحان الله .
- الحمدلله .
- لا إله إلا الله .
- اللهُ أكبر .
- سُبحان الله و بحمدهِ .
- سُبحان الله العظيم .
- استغفر الله و أتوبُ إليهِ .
- لا حول و لا قوة إلا بالله .
- اللهُم صل على نبينا محمد .
- لا اله الا انتَ سبحانك
اني كنت من الظالمينَ .
- حسبي الله لا اله الا هو عليه
توكلت وهو رب العرش العظيم .
-اللهم ارزقني من حيث لااحتسب .
-اللهم ثبت قلبي على دينك.
- يارب رضاك والجنه .
-اللهم احسن خاتمتي .
-اللهم اجرني من النار ."