بسم الله الرحمن الرحيم-
«اراد القدر ان نلتقي»
للكاتبه: شــاهـــَ
لاتنسون التعليقات بين الفقرات/
والتصويت بالنجمــه/
والمتابعه للحساب /
(/////////////////////////////////////////)
نسرين:
لحضة صمت اسرت البيت بكلام هشام من اردف وتين انخطفت نزل ضيغم وراحو وانا وزهراء كعدنه سوه
جنه خايفين عليها لوتين لان هيه عزيزه على گلوبنه وهيه صديقتي المقربه حالياً اجه عمو وسأل شبيكم جاوبته عمه
ام هشام: شكلك الولد يكولون وتين انخطفت ومحد يدري وينها روح لخيتك لو تخابرها شوفلنه شلونها هسه تلاكيها كطعت روحها
وصدك عمو راح لأخته وجابها وجانت حالتها تبجي كلش انكسر خاطري عليها وتذكرت عمه غصون من رجعت ومالكتني شصار بيها بهذيج الحضه اوفف عمه شكد محتاجه حضنج
ام وتين: يمه بنيتي ولج اخر اخوتها ولج يمه وين رحتي وعفتي اميمتج مو اعرفج تخافين يمه تينه شحالج هسه شنو جوعانه عطشانه نايمه لو احد اذاج ولج شكول لبوج من يجيني ويسألني عن عزيزت روحه شكله ماصنت الامانه يابو جبر وينك تعال شوف بنتك شصار بيها
ام هشام: خيه بروح عزاز گلبج بس اهدئي لاتخافين هسه تجي كلشي مابيها ترجع ويه الولد بس لا تتعبين نفسج لا ضغطج يرتفع ويصيرلج شي
ام وتين: خيه بعدهي صغيره مو مال خطف ولج خيه خاف يسولها شي انوب وين ينطون وجوهم اخوانها وحجي الناس اشجم حلك نسد اذا الغريب مايحجي الكرايب تحجي خيه والله بنيتي ماعندها سوالف مو زينه
ام هشام: خيه كولي يالله كتلج الولد وياها وراح يلكونها ويرجعونها لحضنج وفنه اليحاجيها هشام يشك حلوكهم
ام وتين: اي هشام خابرولي هشام هوه الوحيد يكدر يسكتهم كلهم
تفاجأت لاكن ماحبيت ادخل تركتهم وصعدت للغرفه ارتب ملابسي شربت دواي وانا اطلع بيهن شفت العلاكه الي ودتلي ياها عمه غصون فتحتها جانن بيها العابي وهواي ملابس وتراكاتي طلعت الملابس وصار بين ايديه اسوار ابتسمت وانا اعيد الموقف بذاكرتي
____________العوده الى الماضي _______________
نسرين:
جنت اول مرحله بالمتوسطه بس جان عندي خلل بالنمو لذالك جنت ابين اصغر من عمري جنت طالعه بالشارع وشفت صاحب السياره ابتسمت ورحتله اركض رفعني وكعدني فوك البنيد مالت السياره بوس خدي واردف بهدوء
الشاب: اممم شلونها ثونه
جاوبته مزعوجه نسرين: لاتحجي على اسمي تره صرت اعرف احجي عدل بعد مو لازم تتنمر عليه
رفعني وخله راسي على صدره واردف الشاب: جايبلج هديه حلوه سونتي
رفعت راسي اباوعله نسرين: شنو هيه هاي الهديه
ضحك وطلع الاسوار من جيبه ولبسني ياه اردف
الشاب: هاي هدية اول راتب الي وحبيت اجيبلج هديه
جلبت بركبته ابوس بوجها نسرين: اوفف والله هواي احبك اني انت تدري انو جان حلمي احد يجيبلي هدايه والعاب
رفعني واردف الشاب: بعد كل مده اجيبلج هديه حلوه
جاوبته نسرين: اكلك انت ليش ماتراويني وجهك علمود اعرفك من اشوفك بعدين
جاوبني الشاب: ماكدر سونه يله روحي للبيت بساع مو تبقين تلعبين بره
وصار بين كل فتره وفتره يجيبلي هدايه واني من يسألوني اكلهم هذن عمه غصون تجيبهن الي وهمه يصدكون
____________العوده من الماضي_______________
نسرين:
لزمت كل الالعاب وهمست بيني وبين نفسي
نسرين: المجهول يتذكرني امر على باله لو لا وجابلي الهديه الوعدني بيها وبعدها راح ومارجع يمكن هسه تزوج وعنده اطفال هم يتمنى يشوفني مثل ما اني اتمنى اشوفه
حسيت بأيد انحطت على خدي ماسحه دموعي وقاطعه موجت الافكار الي اجتاحتني
زهراء: شبيها نسرينه تبجي
حضنتها ووسولفتلها كلشي حسيتها انصدمت
اردفت
زهراء: نسرين بس لا تحبينه ولج صخام بوجهي
جاوبتها
نسرين: لا ولله ابد ما احبه بس متعلقه بي لان جان اول انسان يهتملي
زهراء: نسرين هذا الموضوع لاتفتحينه كدام احد ولا تذكرين هذا الشاب كدام هشام لانو بلحضتها كلشي توقعي منه اهنا همه يمشون وره قاعدت الغيره تحكمهم بكل لحضه وكلشي يسوي حتى ضرب يضربج بس بعدها يتندم فأنتي حاولي تبتعدين وتنسين هذا الانسان
نسرين: ان شاءلله اكدر اتخطى الموضوع بس مشتاقه لعمه غصون اريد احجي وياها بس هشام ماعنده وكت يخابر عليها
زهراء: ليش ماتشترين تلفون وتضلين تحجين ويه الكل بي احسلج وحتى ويه هشام تكدرين تحجين بطريقه احسن
نسرين: صح كلامج من يرجع هشام بعد مايلاكون وتين اكله يجيبلي تلفون بس خاف مايقبل
زهراء: ليش خيه مايقبل بس هوه عباله انتِ ما تردين لا انج مامحاجيته وطالبه منه واذا تردين انا احاجي الج
نسرين: راح احاجي وان شاءلله يقبل
تركتني وطلعت يم عمه وام وتين خلصت الترتيب ونزلت يمهن اكمل الشغل وياهن اجه اليل والولد ما اجو بس زهراء دك تلفونها وصعدت للغرفه ترد على المتصل ربع ساعه ونزلت تضحك باوعتلنه وكالت
زهراء: لكو وتينه وهسه هيه يمهم بس نايمه لانو تعبانه وابو الادهم يكول باجر راح يسوي عزيمه ويعزم الگرايب كلهم لذالك راح يجي علي يجيب اغراض العزيمه وشنو نحتاج
ام وتين: اللهم صلِّ على محمد وآل محمد يارب ياارحم الراحمين مارديتني رجعتلي بنيتي كلشي مابيها يارب مادري شلون اشكرك على توفيقك لبيتي وتنجيتها من الموت ومن ايدين الناس القذره
ام هشام: اي والله يخيه الف شكر وحمدلله رجعها وهسه هيه يمهم المهم مابيها شي
رحت لزهراء وكتلها اريد احاجي هشام انطتني التلفون بعد ما اتصلت عليه رد وره ثواني
هشام: خير بويه زهراء صاير شي عمتي بيها شي
نسرين: الو فهدي
سمعته اخذ شهيق وزفره
هشام: ها ياروحه لفهدج محتاجه شي طفلتي تردين اجيبلج شي وياي بعدج تعبانه لو خفت الصخونه
نسرين: اي راحت الصخونه ومامحتاجه شي عندي كلشي بالغرفه بس وتين شلونها من تجي تجيبها وياك انت والولد
هشام: لا فلذة گبدي نرجع بوحدنه وهيه تبقى يم اخوانها وباجر ترجع يمنه تبقى مده
نسرين: دير بالك على نفسك هشام والله وياك راح اودي التلفون لزهراء
هشام: استودعتج الله فَهْـدتي وانتِ هم ديري بالج على نفسج
غلقته ورحت اودي التلفون لزهراء
اجه علي جايب هواي اشياء وبعدها رجع يمهم بس من نسأله يكول علي: مادري لحد يسألني كلشي ماعرف انا
وبعدها رجع يمهم وره ساعتين راحت زهراء اجاها ضيغم وجلال
وبوكت متأخر كلش رجعو الولد وحتى هشام وياهم
كعدو يم عمتهم وطمنوها على بنتها وهشام وعدها انو يعتني بكل الموضوع ولا يخلي احد يحجي بخطف وتين
صعدت للغرفه تمددت وطفيت الاضويه شويه وصعد سمعت صوت الماي بالحمام عرفته سبح بديت اغفي شويه وحست بأيده تمشي على وجهي فتحت عيوني
اردف هشام: رويحتي باجر يجيج احلا تلفون
نسرين: زهراء حجتلك يعني
هشام: اي وكالت انو انتِ خايفه خاف ما اقبل يصير عندج تلفون ليش انا فديوم منعتج من شي لو حرمتج منه
نسرين: لا والله ابد ولا مره بس سالفت التلفون شويه سوت عندي استغراب لان اني ماعندي تلفون قبل ابويه مجان يحط بيدي تلفون يكول انتِ مايتأملج كلشي تسوين
هشام: ماعليج بحجي احد المهم انا رجلج راضي تمام
نمنه وكعدنه ثاني يوم اني رحت اشتغل ويه البنات وحبيت سرعتهن بالشغل بس ازعجني كلام بنات عمته ام رياض
سجى: اوفف ولجن شوفنه لابو الادهم شكد حلو لو بس يخلوني وياه بغرفه وحده اوفف اله أشبع حضن منه واتمتع بهيبته والكارزمه العنده
جاوبتها اخت شيماء
ريم: اي ولج همه كلهم هيج بيهم كارزما غريبه عجيبه تجذبك الهم غصب هسه لو شيماء تقبل تاخذني لرجلها نتشاركه ثنينه
كلامهن يلعب النفس ومقزز مثل وجوهن الجايفه امهات الزلم
وره ساعات كالو راح تجي وتين شويه وصاحني هشام ليفوك توني اريد اصعد جان عمته تذبلها حجايه والله فد استحيت من النسوان بس عمه سكتتها
ام رياض: اي برب****وك اصعدي هوه انتِ شعندج غير النومه ويوميه فوكج تردينه يونس بيج يبنت الليل
ام هشام: شهل حجي هذا خيه غير زلمتها وماعليج بيها هوه صاحها مو هيه راحتله فأنتي لاتدخلين
صعدت اركض والدمعه بطارف عيني دخلت للغرفه باوعلي مصدوم واردف
هشام: شبيج نسرينه ليش دموعج بعينج
سولفتله حجي عمته وسألته
نسرين: هشام شنو يعني نايم فوكج ليليه انت ثقيل شلون تنام فوكي يمه اموت بلحضتها
رفعني يبوس بوجهي واردف
هشام: ماعليج بحجيها وهاي سوالف كبار بعدين اعلمج عليهن وحده وحده حالياً خلينه بموضوعنه المهم
سحب من الجراره تلفون بالكارتون توه جديد واشرلي فتحي مشه تمدد واني رحت تمددت بحضنه افتح بالتلفون طلعته شغله وبده يعلمني شلون استعمله طلع شريحه ثبتها بي وبده ينطيني حسابات الولد وارقامهم وحسابات البنات وارقامهن
اتصلي على زهراء
مرتين بالمره الثالثه ردت جان نسمع صوت ضيغم اشرلي هشام غيري صوتج
نسرين: الو شلونج داده مشتاقتلج
ضيغم: منو انتِ خويه
نسرين: انطيني مرتك ولاتدخل
زهراء: خير خيه منو انتِ
نسرين: اني مرت رجلج الثانيه وعندي طفلين منه بس هوه مايريد يحجيلج ويضهرني لعائلته فحاجي خلي يجيني اني وجهاله
نسد التلفون بساع
هشام: ههههههه راح بيها ابو ذياب كومي ولج خل نحايز بينهم لا تموته
رحنه دك هشام الباب فتحته زهراء والعيون حمر دخلنه للغرفه خربانين ضحك وهمه يباوعلنه مستغربين
غيرت صوتي من جديد
نسرين: الو شلونج داده مشتاقتلج هههههه عندي جهال ثنين
باوع ضيغم لهشام واردف
ضيغم: عود هذا انت الجبير ولك انت ومرتي تريدون تهجمون بيتي
هشام: غير مرتك قنعتها تجيب تلفون وجبتلها وكلت خلي نجرب صوتك ونسوي بيكم مقلب
نزلن انه وزهراء وهيه ترزل بيه وزعلت عود
وصلت وتين واكلنه والتمينه كلنه بس صدمنه سبع من طلب ايدها للزواج
جاوبه حمزه: والنعم منك ابو شاهين بس القرار الاول والاخير الها
سبع: يصير نكوم نحجي انا وياها على انفراد عشر دقايق
جاوبه جبر: اخذ راحتك حبيبي
كامو وبعد عشر دقايق رجع بس سبع واردف
سبع: خويه كومن يمها سألنها وشوفن رايها
وحجه رامي واعلن عن حمل هجران وشكد فرحنالها وبقت عندنه هيه ووتين واجه حددو يوم عقدها هيه وسبع _______يتبــــع
استودعتكم الله عزيزاتي
'للحكايه مسار طويل'