ملاك في أرض مصاصين الدماء♧1♧💥🩸

💮البارت الخامس عشر💮

(الحلقه الخامسه عشر)

بيعدي اليوم في القصر وكل واحد بيكون في اوضته مشغول ب حاجه

عند مارون في اوضته كان نايم عاري الصدر وفي إيديه سيجاره وتالين كانت نايمه وبتصحى من ريحة السجاير

بتصحى تنور الاباجوره اللي جنبها وبتبص ل مارون وبتقرب عنده تاخد السيجاره من إيديه وبتطفيها في الطفايه اللي جنبه وبتمسك وشه بين إيديها وبتبوسه وبيبدال ليها البوسه بعمق وبتبعد عنه وهي بتحط راسها على صدره وإيديها على الوشم وبتقول:

_مالك يا عيون تالين اي الي فيك يا حبيبي

_خايف اوي على راحيل يا تالين انا مبحبش حد يروح ضحيه بسببي أبدآ

_خير يا مارون متسبقش الأحداث يا نور عيني

بتقولها وهو بيبوس راسها وروفانا بتعيط بتبعد تالين عنه وبتروح تجيبها من سريرها الصغير وبتحاول تسكتها واتفجأت من شكل بنتها

البنت كأنها عندها خمس شهور مش بنت ايام دي خالص
بتبص ل مارون وتقول:

_الحق يا مارون روفانا كبرت

قام مارون يشوفها واتفجأء لما شافها هو كمان وبص ل تالين وقال:

_ازاي ده حصل؟

_معرفش

بيلبس مارون تيشيرت وبيروح عند اوضة بشوي بيخبط عليه وبيخرجلو بشوي بيتكلم مارون ويقول:

_عايز افراميا حالآ

_حصل حاجه حد تعبان؟

_روفانا يا بشوي كبرت ولا كأنها لسه مولوده امبارح

_طيب هروح اجيبها حالآ

(عند أهل مرجانه)

كانت بتحاول بتوصل راحيل وبتحاول تتعامل معاهم كأنها مرجانه وبتحاول تكون طبيعيه ومحدش شك نهائي

لحد ما بيظهر قطه سوده بتيجي جنبها راحيل مش بتحب القطط عندها فوبيا منهم فا بتبعد عنها

وهنا الكل بيستغربها القطه السوده دي تبقا سونيا تعتبر بنت مرجانه مش قطتها الكل بصو لبعض وسكتو

وهنا شك هارفي اتأكد منو قام من مكانو وقال:

_اجبلك التونه يا مرجانه تحطي اكل ل سونيا

بتحاول راحيل ان محدش ياخد باله من حاجه وبتقول:

_تمام ماشي

كلهم بصو لبعض والي كان عنده شك اتأكد منو لأن القطه مش بناكل تونه بتشرب دم زايهم ومرجانه عمرها ما تنسى حاجه زاي دي

بيمسكها هارفي من إيديها وبيقول بزعيق:

_انتي مين

بترد راحيل وهي بتقطع في الكلام وبتقول:

_يعني اي انا مين يا هارفي

بيضربها هارفي بالقلم وبيقول:

_انطقي يا متحوله وإلا هقتلك

بيتدخل ادونيس وبياخد راحيل من إيديها بيحبسها في زانزنه وبيخرج وهو بيقول:

_ابعتو هاتو العرافه وتجيب معاها مياة إظهار عشان نرميها عليها ونعرف هي مين

وبيروحو حراس القصر يجيبو العرافه وفضل هارفي رايح جاي وهو بيقول:

_اكيد كلام المستذئب كان صح ياترى عمل فيها اي الكلب ياترى هي فين .. مرجانه لو طلع حصلها حاجه الحرب هتقوم

بيقولها وهو بيرمي كل حاجه قدامه على البار

(عند مارو في القصر)

بتيجي راحيل تشوف روفانا وبعد اكتر من نص ساعه بتخرج وهي بتقول:

_مفيش حاجه خطر عليها انتو بس عشان محدش فيكم اتولد مصاص دماء فا ميعرفش الأعراض دي

بيرد مارون وبيقول:

_اعراض اي دي؟

_يامارون حياة البني ادمين وسنهم غيرنا خالص هما بيكبرو سنه كل سنه جديده بيكون فيها شهر عيد ميلادهم لاكن مصاصين الدماء بيكبرو سنه كل يوم وعشان كدا تلاقي مثلآ مصاص دماء عنده ٤٠٠ سنه وهو شباب وحلو عادي

بترد مامت مارون وبتقول:

_ايوا صح واحده من صحابي حصل كدا في بنتها

وبترد مارسيل وبتقول:

_خوفنا عليها نسانا اننا عارفين اصلآ لأن ده مكتوب في كتاب مصاصين الدماء

بتتكلم فيفان وتقول:

_خوفنا على راحيل مخلينا تايهين

بيتكلم مارون وبيقول:

_طيب شكرآ ليكي يا افراميا واسف على الإزعاج يا جماعه كل واحد يروح ل اوضته

وبالفعل كل واحد بيروح اوضته

(عند مارون في اوضته)

تالين كان شايله بنتها وهي مستغربه اللي بيحصلها بس مبسوطه ب ملامح بنتها اللي بدأت تتغير وجسمها اللي بداء يكبر

وبيعدي سبع ايام وطول السبع ايام دول روفانا كانت بتكبر سنه لحد ما بقا عندها سبع سنين وكلهم حواليها بيحبوها وبيلعبو معاها

(في قصر مرجانه)

العرافه مكانتش موجوده في البلد وعشان تيجي من رحلتها كانت عايزه ست ايام وانهارده اليوم السادس وبتوصل للقصر اللي كانو فيه منتظرين على نار

بيستقبلها ادونيس وبيدخلها في الاوضه اللي فيها راحيل

كانو ربطنها في لوح شجر وكاتمين بوقها ب قماشه

بتبص ليها العرافه وبتطلع إزازه صغيره من شنطتها بتفتح الازازه وبترمي المياه على راحيل

اللي صرخت جامد من الآلم وتبدأ ملامح مرجانه تختفي ويظهر ملامحها

وهنا كلهم بيبقو مندهشين كان نفسهم تكون اختهم كان نفسهم يكون شكهم غلط

وبيدخل هارفي وهو في حاله من الغضب وعروق وشه بارزه وبيمسك راس راحيل وبيفضل يخبطها في الحيطه وهو بيقول:

_انتي مين انتي يا بنت الشياطين فين اختي انطقي

وبيفضل يضرب فيها ومحدش قادر يحوشو وراحيل مكانتش بتنطق ب كلمه

لحد ما ادونيس حاول يهدي هارفي وخدو وخرج عشان يشوفو حل ويعرفو يتصرفو

راحيل مكانتش قادره تاخد نفسها كانت هتغيب عن الوعي بس مسكت نفسها وحاولت تتحول ل اي شخصيه رفيعه عشان تكون إيديها ارفع من رابطة الحبل

حاولت كتير لاكن مكنش عندها قوه اصلآ فا فقدة الأمل واستسلمت

وبعد غضب وزعيق في القصر الصوت بيهدا وبتسمع صوت اتنين من الحراس بيتكلمو:

_الحرب هتقوم على مارون

_بس انا سمعت ان معاهم بنت بتعرف اللي بيحصل قبل ما يحصل اكيد هيكونو مجهزين نفسهم

_لاء ما هما عندهم خلفيه ب كدا وشاربين تعويذه تمنع حد يعرف اي اللي هيحصل

_يبقا مش هتعدي على خير

هنا راحيل عرفت إن مفيش مفر ولا ليها ولا ل اصحابها اللي هيتاخده على إخوانه

وبترجع تحاول تفك نفسها تاني لاكن بيدخل هارفي وبيكمل ضرب فيهم لحد ما بيهدا وبيخرج تاني

راحيل اتعورت في دماغها وفي مناخيرها وجسمها كله بقا مورم بتعيط من الآلم

وبترجع تحاول تاني والمرادي بتنجح بتفضل واقفه شويه تاخد نفسها كانت بتنهج جامد اوي

وبعد ما بتاخد نفسها بتتحول ل حيه وبتخرج من حوالين السور اللي في الشباك اللي بيبص على حديقة القصر
وبعد ما بتخرج بتتحول ل طبيعتها

وبتشوفها واحده ولسه هتقرب منها تضربها راحيل بتكسر دماغها تقتلها وبتغير لبسها معاها البنت بتلبس لبسها وهي بتاخد لبس البنت وبتقطع راسها تخفيها

وبتجري بأقصى ما عندها عشان تروح القصر مكانتش بتقدر تتنفس وبتنهج وفضلت ترتاح شويه وتمشي شويه

لحد ما وصلت القصر بعد يوم كامل مشي بتدخل عليهم وني بتنهج وبتقول:

_حرب يا مارون عرفو

كانت بتتكلم بصوت متقطع كلهم نزلو لما سمعو صوتها ومارون بيتخض من منظرها بيجري عليها وهو بيقول:

_حصلك اي مين عمل فيكي كدا؟

بتتكلم وهي بتنهج وبتقول:

_عرفو اني مش مرجانه وجايين هتقوم حرب وشربو تعويذه تمنع فيفان تعرف اي هيحصل

مارون بيتكلم بهدوء وبيقول:

_وانتي مين اللي مد إيده عليكي كدا؟؟

_هارفي

مارون بيبوس راسها وبيقول:

_حقك هجيبو يا حبيبت اخوكي

بتتكلم مارسيل وبتقول:

_انتي هربتي كدا هيعرفو انك جيتي تعرفينا

اتكلمت راحيل وقالت:

_لاء لبست واحده لبسي وقطعت راسها عشان يفكروها انا

وبيسيبها مع البنات وبياخد بشوي وبيروح ل اندرو ملك المستذئبين بياخد من عنده اكتر من خمس تلاف مسذئب عشان يحربو معاه

وبيرجع للقصر و..

يتبع..

#شهد_محمد_جادالله