الرقطاء وكراتها الثلاث
اللدغه الثانيه 🐍
بقلم كهرمانه
___________
تصويت وتعليق ع الفقرات قبل لاا نبدأ
علمود يصيرلي حماس اكمل 😬❤️🩹
__________
تَـــتـــراهــن عَــلــىٰ خَــســارتــي؟!
"مَــبــروك لــقــد رَبــحــت كُــرةٍ مِــنْ صِــنــفــي🐍."
_بقلم أُميمة الجنابي
___________
بلع ريگه بحيره وهو يباوع لأبوه وحچه بصوت مهزوز
-هــا يابه شجابك هنا
رفع ايده أبو نذير راد يضربه بَــس ايد نذير جانت اسرع حچه من بين سنونه وعيونه ناطه من العصبيه
-جيت اباركلك خمس اشهر متزوج بالسر وفاتحلك بيت ومرتك خلفت واني ماعرف بله هــاي يامره تخلف بخمس اشهررر
أنـي وين وليييت حتى تسوي كل هذا من ورى ضهري بيش قصرررت ويااااك لو گايل اريد اتزوج ماكيف واسويلك عرس كل المجمع يحجيي بيييي متتت انييي متتتتتت
علمود تروح تتزوج بالخفيييه فهمنيي شني أنـي مخلف نغـ٠ ومااادري بروووحي
من يوم مابديت تكبرررر وتراهق عفتك على راحتك گلت هذا ابني الچبير العود خلي يتونس بجال ابوه تالي متالي ماحصلت شـيي بَــس النسوان
لزم ياخة نذير وجره عليه جان نذير مصدوم من ردة فعل ابوه اول مره يشوفه هــيچ عصبي ويعامله بشراسه وعباره عن كتلة نار
اكو واحد چان واكف بصف ضاحي (ابو نذير) جراه وگله
-يمعود مو هــيچ تصيح عليه گدام العالم تَـره ماكـو شـيي ينحل بالعصبيه حاجي بتفهم افهم منه لــيش هيچ مسوي
كلام صديق ضاحي كدر يأثر عليه اخذه وطلعوا لبره المستشفى ونذير چان يمشي وراهم بكل هدوء وبرود وهو عند كلمته ميطلگ
وگف ضاحي وصديقه بالگراج مال السيارات ونذير اجه وراهم وگف گدام ابوه وگله
-يابه أنـي طلاگ ماطلگ البنيه احبها واريدها وصار عندي طفله منها مستحيل اخلي بـِـنتي تضيع وتتبهذل بحياتها وانساها هــاي مال اطلگ مرتي تَـره والله اخذهن هـيَ والبنيه واهج ماخلي واحد يندل مكاني
ضاحي ضل يزمخ بيه ويگله :- شوف حچي المزعطه هذا ماريده تطلگ ورجلك فوگ راسك خوووش خلصت نص عمري كله الك تالي تاخذلي وحده من الشوارع تعبي يروح لبنات الشوارع ، گضيت عمرك كله طايش مو مثل اخوتك
ضربه بصدره وصاح بيه بحرگه :-تتزوج ينذير وتهد حيلي بقرارك هذااااا وفوكاها محد يدري ومرتك الماخذها منعرف اصلها من فصلها ، شسويتلك حتى هــيچ تعاقبني عقاب شگد أنـي مالي قيمه عندك لعد
خليها ببالك يجي يوم وترجعلي ندماااان وتگلي يابه التريده انت يصير وساعتها شوف شـلون راح اتحكم بيك وامشي كلمتي عليك يابن سميره
نذير مانطق ولاكلمه چان هاادئ ويباوع لأبوه ببرود فززه من بروده صوت صديق ابوه وهو يصيح ويدگ هورن
-يـله ضاحي امشي اكسر الشر وتعال عوف ابنك اول وتالي يحس بغلطه
ضاحي سمع كلام صديقه وعاف نذير واگف وحده ركب وياه السياره وطلعوا من المستشفى ، طلع من الكراج ورجع للمستشفى راح لزوجته باسها بگصتها واخذ بنته لحضنه يياوع عليها وهو فرحان
يحاول يتناسى اللي صــار قبل شويه بوجود ابوه
مرت الأيام والاشهر والسنوات وصار عمر أديان ثلاث سنوات كبرت وسط دلال ابوها وحبه الها وهيَ چانت كِلِّـشْ حِـلوه طالعه لامها بَــس ماخذه العيون والنضرات الحاده من ابوها بقوا عايشين بالبيت ووياهم ام خوله
اللي تغير بهاي السنوات نذير صــار يشك بخوله وخوله تشك بنذير وبين فتره وفتره تصيرلهم صيحه وهوسه والعياط والغلط يوصل لسابع جار
بعديـن تجي خوله تعتذر من عنده وتتبچبچ وهو يسامحها لان طبعه هيچ بارد عاف البيت وطلع راح لاهله من تزوج لليوم يمكن رايح اربع مرات بَــس ومن كِلِّـشْ يختنك من بيته يروح لاهله وللمجمع الكاعدين بيه
فات بالفرع مال المجمع بيوت حشگ شـيي بصف شـيي شاف البيت مالته القديم الجان بيه يسوي سهراته هــوَ وجماعته ابتسم ابتسامه باهته وماحس الا طوبه اجت براسه
لزم راسه بألم وباوع حواليه يريد يعرف منو ضربه شاف بنيه واگفه ومبينه هـيَ اللي ضربته مخليه ايديها على حلگها حاسه بالذنب شعرها مسويته ذيل حصان وكلش طويل
ارتبكت من شافته يباوع عليها ومبين عليه العصبيه بَــس بعديـن غلفت هذا الارتباك بـقناع القوه وتقدمت ناحيته وصاحت بيه
-هاااا عودد انتَ متوگف إلا بنص الگول مالتي ماشفت هنا مسويه گول ترى مو ذنبي عود اسفه يـله حقك علينا هاهيه
نذير ضل لازم راسه وصافن عليها مانطته مجال يرد ولا بحرف خبصته خبص وعافته وراحت ضل يباوع وراها عيونه تتبعها وين تدخل المن هــاي البنيه
تفاجئ من شافها جوارينهم ماشايفها قبل هــاي اول مره وشلون اهلها يخلونها تلعب طوبه بالشارع ميخافون عليها وهيَ منا حِـلوه وملامحها حاده كِلِّـشْ
مية سؤال ضل يدور براسه ، بنص صفنته سمع صوت ابن عمته يحچي وياه بنبره مازحه
-هاااا هااا ابو الانذار وين صافن اخييي خاف تريـد تموت گلييي
نذير:-ولك عمروو گلبي راح وياها، ابن عمتيي
عمرو:-ههههه هــاي بَــس انتَ گلبك بجهة اليمنى ، بَــس تصدگ هـيَ خوش صيده
نذير بضحكه :-إنچب لكككك هجم عليه نومه بالكاع ودفره ببطنه وهو يتشاقه وياه ويضحكون ثنينهم
عمرو:-وخررو وخرر نذير صاير شگدك شتاكل متگلي دينصورات
ضحك نذير وابتعد منه عافه وراح لبيت اهله دفر الباب ودخل وهو يصيح بفوضى
-ياقوم آل ضاحي اجاكم ابو الأنذار
حمد چان بالمطبخ يسوي لروحه أكل طبعًا حمد اخو نذير چان كِلِّـشْ نضيف ويهتم بروحه وبـأكله ابتسم لأخوه وراح حضنه وسلم عليه
-ولك همزين مانسيتنا
نذير:-شنسوي تدري مشاحنات بيني وبين الوالد ميطيق وجودي على اعصابه ابقى يمكم
طلع اخوه الثاني مجيد من الحمام ولاف المنشفه على خصره وحچه بإستهزاء وتكبر
-هــا أبو الأنذار شعجب اجيت منك من الشيطان ، لــيش ماجايب أديان وياك سلم على اخوه وعافه وراح
ضل نذير متعجب من اخوه شِــنو هــاي الطريقه الهزيله اللي حچه وياه بيها شِــنو قصده إستهزاء لو شِــنو
لــيش هيچ اتغير من اتزوج لليوم مع انو مر ثلاث سنوات وهو لسه وجهه ثگيل عليه
بقى نذير يم اهله دلال امه وجدته نسوه خوله ومشاكلها كل ميجيهم يبقى كم يوم ويرجع لبيته
بالليل طلع بالباب وگف وبيده جكاره ورثها وضل يباوع لاا إراديًا على بيت البنيه الچانت تلعب طوبه
شويه وشاف ولد طلع من بيتهم صايــر ناااررر ويصيح فات للفرع الثاني واختفى من انضاره بعده مامتخطي المنظر اللي شافه وطلعت نفس البنيه اللي ضربته بالطوبه گعدت بباب بيتهم وضلت تبچي بحرگه وصوت شهگاتها وصل لنذير
ماتحمل وشالته الغيره وتقدم بخطواته يم البنيه وهو مايدري هــاي الخطوات خطاها للجحيم بنفسه
.
.
آل حكمت
-إنت مطي وتبقى هيچ طايح حظ وكل خير مابييييك كم مره گلتلك لاتوگف بالحله مال البناااات
إبنه ماهتمله وگلب عيونه بملل خلاه يتخبل ويصير نار ابتعد من ابوه وابوه تخبللل تناوش السچينه اللي يمه وراد يدخلها ببطنه فقد اعصابه وطعن إبنه بالسچينه بلا مايرفله جفن
اي نعم طعن ابنه هذا رياض شگد ماچان متدين وأخلاقه عاليه وشخصيته الحلوه بين العالم بَــس عصبيته اللي تخلي انسان ثاني وتفريقه بين أبنائه عام عليه ومخلي وحش بنضر ولده وبناته اللي مقصر وياهم
ابتعد من ابنه بس السچينه بقت ببطنه صرخت زوجته من شافت ابنها مطعون والدم بدأ يطلع منه
-ولك هــاي شسووووييت يالمتخااااف اللله ابنك هذا ابنكككك يبوووووووييي شالت روحها ورگعتها خرطت خدودها ولطمت على وجهها
ألأطفال گاموا يبچون من الخوف واختهم الچبيره دفعت ابوها وصاحت
-باااابااااا امشي نودديي للمستشفى راااح يمووووووتتت
من دفعته بنته يـله رمش واستوعب اللي سواه شال ابنه ومشه بنته الچبيره جابت لامها عبايه لبستها وركضت وراهم صعدوا بالسياره وراحوا للمستشفى
عائلة رياض متكونه من اربع اولاد وثلاث بــَنات
الأولاد
ياسين ويونس ومحمد وفارس محمد وفارس توأم صغار لسه ممسجلين بالمدرسه ياسين الچبير ويونس الأصغر منه اعمارهم بالعشرين
البنات
خيزران ونقاء ورفيف ، خيزران اول بنيه اجت بعد اخونها الاثنين وبعدها نقاء ومحمد وفارس ورفيف اخر العنقود
رياض الأب والأم مروه ويصيحولها مرمر لأن وكحه مرمرت زوجها ، رياض يفرق بين اولاده يحب ويميز خيزران ويونس
ومايرحم اقل غلطه وتصرف يبدر من ياسين ونقاء اما الباقين صغار مايفتهمون شـيي .
ياسين چان طايش ويشرب عرگ بسبب تفرقة ابوه دمرته ودمرت شخصيته يتمنى ابوه يرضى عليه ويحبه وكل اللي يسوي لابوه ميشوف كلمه حِـلوه من عنده فـ لجأ للطريق الغلط
يحب بنت عمه بدون لاا اهله يدرون وابوه يريد يزوجه بنت صديقه ضاحي وهو رافض رفض قطعي
—
نرجع لخيزران
سكتت اخوانها الصغار لأن چانوت يبچون وهيه انهارت من البچي ماگدرت تقوي نفسهـا لأن اخوانها واهلها هَـم اهم من نفسها
بهالأثناء إجه اخوها يونس شافها منهاره وباوع لأخته نقاء شافها ساكته وتباوعلها والاطفال وجوههم صفر ومخلوسين حچه بخوف وتسائل
-شكووو شصاييررر نقااء امي بيها شيي ابووي شبيها خيزرانه تبچييي وحالتهااا حاااله ولج احجيييي
لزم نقاء من اكتافها وهزها
-احجيييييييي
دفعته وصرخت بوجهه :-الله ياخذه لأبوووك كلشي مابيييه شيي اللي متأذي هوه اخوككك المگرود الماعنده حض مثل حضك
سطرها براجدي وخيزران طفرت عليها دفعته من يمها وگفت بيناتهم وحچت بنبره مبحوحه
-ولكممم كافييي شبيكمم اللي ديموت اخوووكم روحه جاي تطلع ضربت على وجهها بقوه وصرخت روووح الحگ على اخوووك رووووووووح صوتها رج البيت رججج
باوع على نقاء بقلق ورجع باوع لخيزران اللي انتهت من البچي
-وين بيا مستشفى اخذوه
خيزران:-روحح لأقرب مستشفى علينا يمكن تلگاهم هناااك ماعرف أنـي وين راحوا طلعوا مستعجلين الحگهم ياسين عَـفيه عافهن وطلع يركض وگفت گدام اختها نقاء وگالتلها
-لهالدرجه تكرهين ابوي
نقاء:-واكثرررررر ، صدگي ياخيزران بَــس يموت ياسين أنـي أقتل ابوي والله اقتله واخلي يضوگ الموت اللي ضوگه لأبنه
هذا لو يونس مغتصبله بنيه أبوچ رياض طمطمها إله بَــس هذا ياسين غيرر ياسين ابوي يتعطش لمشاكله ويروي عطشه بالعقاااب يتفننن بيه
خيزران:-إنچبي
نقاء:-اي طبعًا تحچين هيچ لانچ حبيبة ابوي والمفضله عنده مو مثلي ماشفت منه كلمه حِـلوه بحياتي والدمار اللي دمرني ياه ابد ما انساه وراح اعيش بهذا النقص طول عمري ماتزوج بسبب ابوچ وعصبيته
نسيتي شنووو سوه بيييه وترديني احبه واحترمه نسيتي الأذيه نسيتي من جاب الشيش وخلاه عالنار وحرك رجليه وبعد بين رجليه وفتحني بالشيش الحار وكله لأن رِدت أروحح لبيت عمي ابات يمهم والعب ويه بناتهم
حرمني من برائتي وعيشني طول عمري اكره طاريه
اليوم وباچر وعگبه وبعد سنه أكولها الج ياخيزران أنـي ابوي لاا احبه ولا احترمه ويوميه ادعي عليه بسوء الخاتمه
خيزران تذكرت اللي مرت بيه اختها وطعنة اخوها والضغط اللي تراكم عليها عافت البيت وطلعت گعدت بالباب تبچي مختنگه
حست اكو ضل جاي يتقرب عليها رفعت راسها وشافته واگف گبالها عيونها ذبلانه مليانه دموع خشمها وخدودها حمر من البچي مسحت دموعها وصاحت بيه
-شــكوو تتفرج وخررر منا يـله
صفن بوجهها يباوع لعيونها المليانه دموع انتبه لروحه شـلون هــوَ جاي يباوعلها حمحم وحچه
-ماجاي اتفرج بَــس سمعت صوت مال بچي وعياط خير صايــر شـيي بعديـن حضر تجوال اخوچ وين طالع هسه
خيزران :-گلتلككك وخررر مناااا ومعلييييك بينااااا عسى ما نتكاتل خوووش
نذير:-بويه شگلنالچ تَـره الرسول وصه بسابع جار
باوعت عليه بنضرة غضب تنفست بصوت مسموع حچت وهيه تغمض عيونها بنفاذ صبر
-ترى روحي واصله لخشمي وخررر منا احـ قاطعها وهو يضحك
نذير:-هههههه يَـعنـي اذا تمخطين تطلع روحچ
خيزران:-انتَ شبيككككك عافته يضحك عليها دخلت للبيت ورگعت الباب بوجهه قوي
اندار وراح يتمشى لبيتهم ويحچي ويه نفسه
-والله يــاا الله بــَنات هالوكت مايتحاچن دخل لبيتهم بهدوء شاف اخوه مجيد كاعد بالحديقه وضهره عالبيت لازم بيده صوره ويبچي بچي مثل الطفل ماراد يحرجه ويحسسه انو هــوَ شايفه لأن دمعة الرجال عيب تنزل
عافه براحته ودخل للبيت لگه امه فارشتله بالصاله تمدد بالفراش وهو يفر بروحه وحياته ويه خوله اذا تخونه لو لاا وتصرفاتها الصبيانيه اللي بطل يطيقها ويفكر ببنته أديان روحه من الدنيا لو بالبنيه جوارينهم اللي كل عمرها ١٦ سنه وسحلت احواله وهو عمره ٣٠سنه
نام وهو يفكر فز الفجر على صوت صريخ وهوسه بالشارع گام اخذ باكيت جكايره وجداحته طلع غسل وجهه بالمغسله اللي بالطرمه وطلع للشارع
شاف تابوت يدخلونه لبيت جوارينهم اهل البنيه الشافها تبچي زلم بالشارع حتى اخوانه وابوه وشرطه شاف عمرو هَـم موجود تقريبًا كل اللي بالمجمع واگفين راح لأبن عمته عمرو لگاه يستغفر سأله
-شــكوو هــاي چنازة منو ؟
عمرو:-لاحول الله هذا إبن رياض آل حكمت توفى مو الچبير لاا الثاني يونس
نذير بصدمه:-بييييت منووو هذا گلتلي وابنهم شلووون اتوفى؟؟
ويه مايسأله طلع رياض وأبو نذير سانده باوع عليهم وهو مايرمش من الصدمه نفس اللي شافه بالمستشفى ويهدي بـ ضاحي من جابت مرته
عرف هذوله يصيرون بيت صديق ابوه الروح بالروح اغمى على رياض لأن كِلِّـشْ متعلق بهذا ابنه صعدوه بالسياره وحاولوا يگعدونه وخلوا التابوت فوك نفس السياره اللي بيها رياض
صحصح شويه بَــس حيله بايد حركوا السياره وابتعدوا من البيت وسط صراخ اهل رياض خواته وبناته وكرايبه القريبين منه
مرمر جانت بالمستشفى بالأنعاش ماگدرت تتحمل صدمة موت ابنها و ياسين طلع من المستشفى وضل گاعد بالفاتحه مايگدر يتحرك بَــس يبچي على فقدان اخوه وصديقه وبير اسراره
.
.
نرجع قبل كم ساعه
چان يمشي بالشارع اللي بصف شارعهم يريد يوصل لسيارته مايخليهت بشارعهم بسبب الجهال مره كسروله الجامه وصل يم الباب خله المفاتيح بيها
وتفكيره مشدوه ولايگدر يركز على السياره ايده ترجف
كل همه يروح يدور يامستشفى يريد يلحگ اخوه باوع من بعيد شاف صديقه جاي يركض ضل واگف وصل يمه صديقه
وگف گباله وهو يلهث خله ايده على كتفه بعده ماحاچي طبگت يمهم سياره سوده ونزلوا من عدها ملثمين وتحد من عدهم صاح
-بَــس تتحركون ارميكم
.
.
يتبع