قيود العوف

"مسك ألختام" part 50

#قيود_العوف
بقلمـَي: ريتـَا

ويّاك يكمل نقِص يومي
وتفرح العين
ورمشها
أنت يا روحي وشمسها 🩶..

لتنسون التصويت + التعليقات بين الفقرات + متابعة حسابي قلبي ❤️‍🔥

شبابات صوتوا دوسوا علىٰ النجمَة لتنسون مُهم🤏🏻
________________________________

انخبصنا خبص وتوترنا بسبب العياط الي ينسمع والأصوات الي تجي من برة عاطت الحجية وگالت ..

-جميلة: وهاااي شني نوب عافونا نتلوع هنا ومايرضون نطلع غير نعرف شصايرررر

طفرت رغد بسرعة للشباك باوعت وماسمعنا غير صوت شهگتها ..

-رغد: يماااااااا صخاااااام

-جُمان: شكو حبي شنوو ؟؟

-جميلة: شني ولج رغيدة

-رغد: يماا ناار ناار

-جميلة: وين ماتحجين ويننن

-رغد: بيت ام حسين يمه الناس مخبوصة خبص تعالي شوفي بيتهم النااااار صاااعدة فوووگه

دگت علىٰ صدرها وشهگت لفت حجابها بسرعة ورادت تمشي للباب ..

-رغد: وين رايحة يبووو تعالي مايقبلون هوسة برة هوسة

-جميلة: قبلوو ولا ماقبلوو ولكم رايحه أشوف رفيجتي شصابها ميلي عني

بعدتها عنها ولگفت الباب وطلعت بقينة نباوع من الشباك حرفياً البيت صار يطلع منه بس النار والنااس متجمعين يعيطون أكو لسه ناس بداخل البيت نرعبت فترة وسمعنة صوت الإسعافات والاطفائيات رجت المُكان رج ..

-رغد: عوف وين قاسم وين ماشفتهم عزا بعيني بس لا فاتوا جوه والبيت النار واجه بيه

بسرعة تدخلت الاطفائيات وأهل الإسعافات نزلوا يركضون گـلبي وگع مني ماشفت إله أثر بعد عزا بعيني فات جووه بنص النار

مرت دقائق شهگت بخوف و وجع من شفتهم صاروا يطلعون بالناس أصحاب البيت موجودين بيه المنظر بشع ويخوف تخيلت نفسي اني بنص البيت وجاي يحترگ شصار بيهم ..

و أخيراً لمحتة من طلع شايل طفل يركض بيه خلاه بسيارة الإسعاف وگف متخوصر ويمسح بوجهة ومخبوص شگد انعصر گـلبي الحجية راحت يمه أشوفها تلوب ...

ابتعدت عن الشباك مقهورة وأدعي بگلبي يكونون أصحاب هذا البيت بخير رغد حيل تأذت ونقهرت هم الظاهر قريبين عليهم حيل ..

مرت فترة وفاتت الحجية وقاسم بس عوف مموجود گعدت الحجية تون وتبچي ..

-جميلة: سودة عليه ولكم كلهم بالبيت محد گدر يطلع منهم يمة صرخاتهم براسي براسي

-رغد: شلون احترگ بيتهم قاسم !!

-قاسم: غاز

گال الكلمة بتعب زفر وشكلة متأذي عليهم حيل ..

-جميلة: شمالني اجيت هنا ولك قويسم وديني ليهم

-قاسم: بس أسبح يمه

راح وراحت وراه منار تقربت ماما تهدأ شوية من الحجية بس چانت حيل متأذية لأن حسب ميگولون كلهم چانوا بالبيت فترة وطلع قاسم أخذها وراحوا ..

ومر اليوم كله همة وياهم بالمستشفىٰ مارجعوا للبيت ثاني يوم أتصلت رغد بيهم شفت وجهة بهت وملامحها تغيرت من سدت التلفون ..

-منار: بشري ؟

باوعت بذبول وهمست ..

-رغد: أطفالهم ثنينهم ماتوا لأن نسبة الحرق عالية والبقية تحت رحمة الله خصوصاً خالة أم حسين وضعهة ميطمن يمكن ت..

رادت تكمل وسكتت بعبرتها صح ماعرفهم بس من سولفت إلنا عليهم رغد حيل نقهرت جيرانهم وعوف وقاسم متكفلين بيهم بكل شيء لأن والدهم مستشهد ومحد ألهم ..

-أمل: لحگوا أبوهم بالشهادة

-جُمان: الله يرحمهم ويشافي البقية

بس أسبوع واحد مر وللأسف 4 نفرات كلهم اتوفوا أثر حروقهم البليغة .. كلهم أتأذوا عليهم وخصوصاً الحجية حيل حتىٰ تمرضت عليهم

وهيج مرت الأيام سكت كُل شيء عندهم وسدينا موضوع زواجنا لأن مترهم بهلوضعية وأستمرينا بجلسات ماما بدت تتحسن شوية شوية وتتفاعل وياهن ..

وبيوم چنت لازمتها وفرحانة بيها گدرت توگفت بدون متوگع أو تتعب ألتفت مستغربة علىٰ صوت الحجية العالي جاي من الصالة ..

-جميلة: تخبلتوووووا ولكم تسووودنتوا تسجنون أبوكم وأخوكم

-عوف: تخبلنا اي تخبلنا يمه أبرياء وسجلهم نظيف والنظافة طالعة من ***

-جميلة: ولك تسودنت انتَ شلوون تسجن ابووك ولك شلووون تسويهاا

-عوف: يمه يعني إذا أبوي فاسد أسكت اله !! اطمطم اله أغطي فسادة سوانا مضحكة لأمة محمد تدرين لو ماتدرين يجرون بيه من خوانيگة ويگولون هذا أبو الرائد فلان والنقيب فلان يمه شكبررررها علينااا واگفين مثل النسوان نباوع وساكتين لأن شنحچيييييي والخيسة والفساد واصل لرووووسهم

أسمع وبراسي علامات أستفهام أخذني فضولي للحديث تقربت بخطواتي گعدت قريبة علىٰ الباب ..

-جميلة: اخخخ ولكم مارتاحيت ولا راح ارتاح خلفتة وابتليت بلوة وطاحت علىٰ راسي تالي وكت ابني يطلع يتاجر بالمخدرات وغااااط بنص الحرام

سمعت صوت قاسم يرد عليها ونبرة صوتة مبحوحة ..

-قاسم: يمه وعلي شايفة شكلنا واحنة يسحلون بيه گدام عيونه ويهينونه وأشكال الحچي والغلط والإهانة بهذا عمره ويطلعون بالزفت من ملابسة هوه وابنه ويحطونهن گدامة وحدة وحدة والحُسين راسي دخن ماعرف شلون وگفت وكملت مااعررررف !!

-جميلة: سودة عليه ليش ولك ليش بهذلتنا هيج شتسوالك تفتر بالمحاكم والسجون شتسوالك انتَ وكبرتك مابيه ولكم نفسي خلصص

اجاني صوتة وهو يحجي بعزم ويحد بكلمتة حد ..

-عوف: اي اي وهسة اجة دورها هسة يرتاح گـلبي هسة

-جميلة: ياهي ولك بعد ياهي

-قاسم: مرت ابنج يمه

-جميلة: يبووووو كافي ولك راح تموتوني كافيييي مرتة شمسوووية بعددد

-قاسم: نوصل لحد غرور ونسكت تردين حجية !! وهاي نريدها من الله احنة وعلي ما اهدها

-جميلة: اخخخ يمه ولك شمسوووية هاااي هم

-عوف: نفس الخ*** يمه من واحد لواحد ومسوية بنتها ميز لخيستها تنطي و تعلم بيها وتروح تبيع وتضحك بيهن علىٰ عقول البنات

-جميلة: ولك شتحجي

-قاسم: اي اي الله يعلم چم وحدة دمروا وشگد تاجروا بيهن و وين وصلوا لأن الكميااات الضبطووها بالمخزن الجوة أيديهم تشيب الرررراس

-جميلة: فلك الفلكنيييي يمه وهسة شراح يصير بيهم !! يمه عويف حاچيني وين راح يودونة المفلووك !!

-عوف: شيصير خل يصير طبهم مرض ما معترف بيهم ولا راف گـلبي علىٰ بشر منهم شوفي يمه شوفي شلون گـلبي بارد چني ماعرفهم ولا مهتم وشيطلع حكمهم عساهم بأبو زايد من أيديهم هذا الحرام هذااا

-جميلة: تكاابر أدري بيك بس محترگ انتَ يمه

-عوف: غلطانة يمه ما مهتم

-جميلة: اششش أسكتوا ولكم أسكتوا أدريكم مقهورين گلوبكم موجرة شوفوا وجوهكم شلون تعبانين شلون مهمومين

-قاسم: والله انعل ابو گـلبي اذا يوجر عليهم لو ينكسر علىٰ گ*** بيهم

-عوف: من نعال علىٰ گـلبي ومشاعري إذا ترف عليهم

-جميلة: تچذبون تحچون گدامي هيج ولكم وعود مامهتمهين لو صدگ حچيكم مو هذا حالكم شوفوا التعب شلون ماكلكم تهمون وتفكرون

-عوف: هذا كله بسبب الموقف الصرنا بيه لأن يمه وداعتج احنة مانستاهل ننحط بهيج موقف گدام الناس بسببة واحنة الجبنة عمرنا كله نشتغل بضمير والله بين عيونا تاليها المحسوب أبونا وعائلتة المحسوبة علينا گدام الوادم يطلعون مبسطين بأرواح العالم يتاجرون ويهلكون بيها ..

أحس صاعقة وضربت راسي من الي سمعتة ردت الحجية تحچي بحزن وعبرة وتقطع بالكلام واضحة رجفة صوتها وعبرتها ..

-جميلة: اخخخخ أدري بيه فاسد ومصخم ومايخاف ربه هوه ومرتة بس يمه تفكير مافكرت بيوم يسوي هيج ولا توصل لهنا بحرامهم وعمايلهم اخخ بزر بطني عمت عيني اليكتل بزررر بطنيييي

-قاسم: أهدي كاافي يمه رحمة لوالديج كااافي عليمن مأذية روحج تشوفينة يستاهل يمه يستاهل تطيحين روحج علمووودة !!

-جميلة: لا والله مايستاهل بس شيقنع گليبي شيقنعة من عمة العماه اووووف

أبتعدت عن الباب مصدومة وجهي مطعون شجاي يصير بيهم شنو الي سمعتة !!

گعدت أفكر بتعجب تخيل تجيب عمرك تحارب بالفساد وبالوضع المخربط بالبلد تالي تنصدم الي منك وبيك يتاجرون ويشتغلون بيه ..

باوعت لأمي مصدومة مثلي وأكثر يمكن لأن ماتعرف بكل التفاصيل وماتعرف أبوهم وزوجتة شلون عذبوهم وشسوو بيهم وهم أطفال ومن كبروا هم صاروا سبب بأذيتهم وتعبهم !!

شلت علاجهة واتمددت يمها أفكر بيه بشعورة بسمعتة وصيتة بين الناس ومكانتة من گال سحلوه گدامنا حسيت صدري نقبض شنو شعوره هو لعد تنهدت وغفيت شوية يم ماما ...

*****

-رغد: أريد التسجيلات محتاجتهن

-عوف: يجرالج

-رغد: محتاجة الأدلة الي عندك

باوع الي بأستغراب وگال ..

-عوف: يا أدلة

-رغد: ألي تثبت غرور تتعامل ويه حامد بالمخدرات ويتاجرون بيهن بالم** وبالجامعات وأسماء الأشخاص المشتركين كلهم ما أريد أترك إلها مجال بعد

غمض عيونة وگال ..

-عوف: رغد

-رغد: عوف أحس ثار امي يصيحلي أحس الي سوتة بينة كل السنين الفاتت والي رجعت سوتة بيه من جديد كل شيء يصيحلي أريد احقق بيها العدالة أريد أريح گلبي أريد اضحك وتنزل دمعتي بفرح من صدگ وانا أشوفها تتحاكم

-عوف: زين رغدي يجرالج

-رغد: وبعد أكو شيء

-عوف: شنو ؟

-رغد: التقرير هم أريدة

ضحك بثقل وهز راسة ..

-عوف: علىٰ شنو بالضبط راح تتحاكم بابا ؟

-رغد: ههههه ردت أنبش بعد وراها وأشوف بعد وبعد شنو الي مسويتة بس ولا راح أتعب روحي مجرد جريمتها بالمواد المخدرة والتجارة بيهن راح تشلها العقوبة ومن غير التسجيلات والأدلة الي تثبت خلتني أتعاطىٰ إجباري

أخذ نفس وگال ..

-عوف: اخخ شلون نسيت شلون أخذتني الظروف والجاي يصير عن وضعج !!

-رغد: لتخاف بهذي الفترة رحت وعالجت نفسي ونظفت دمي وجبت تقرير يثبت هذا الشيء حتىٰ خاف تفكر تلزمة عليه بالمحكمة بحجة أتعاطىٰ لو عقلي مو سليم !

باوعلي لثواني وضحك ..

-رغد: ليش تضحك عوف ؟

-عوف: يعجبني الأنسان الذكي واليحسب خطواتة القانون يريد الشاطر الغبي يخسر بيه

-رغد: ذكرتني بواحد يگول أحط عيني بزرف الإبرة واثبتها علىٰ المقابل وأشوف وجهة من الزرف كامل ..

-عوف: هاي وين سامعتها ؟

-رغد: منك ههههههههههه بس مو مثال دقيق وصعب؟

-عوف: هذا مو مثال وأخذة هذا اعتبرة خريطة بكل مُهمة أتحرك بيها

-رغد: ذكائك صعب

ابتسم وسكت نهضت أخذت نفس وحچيت ..

-رغد: انتَ هسة أرتاح ونام شوية ومن تگعد أنتظرك تحولي إياهن والنسخ ضروريات حتىٰ أشتغل عليهن

-عوف: صار

گال الكلمة بتعب ونحول مو حقة أكثر من أسبوع واحنة كل يوم بسالفة جديدة النوم صرنا منعرفة ابتسمت أله وتركتة ونزلت فتت للغرفة فتحت الجرارات طلعت الفلاش والحاسبة وبديت أشتغل وأربط ..

مرت تقريباً ساعة وصار يحول ألي هزيت راسي مانام ولا أرتاح فتحتهن وبديت أشتغل وأسحب بيهن قسم سحبتهن حتىٰ استنسخهن وقسم بقيتة بالفلاش ..

مرت ساعتين علىٰ شغلي المتواصل انسطرت سطر سديت الحاسبة وصفنت بأرجاء الغرفة غمضت عيوني من رجعت أفكر بهذاك اليوم وكلامة ..

بعدني بنص تفكيري وفتحت عيوني علىٰ رسالة منه ..

-مصطفىٰ: لشوكت راح يطول سكوتج ؟

قريتها من الاشعارات وگلبي صار يدگ سريع شبيه توترت لسه التلفون بأيدي بحركة سريعة مني صارت أيدي علىٰ الرسالة ردت اطم روحي من الثول أول ماعرف فتحتها أتصل بلعت ريگ متوترة ..

شنو هلحركات رغد شنو ؟ يبوووو أهدأ بنفسي بس ميفيد شلون أفتح خط وانا أعرف الراح يحچي بس يله هدوء هدوء لا تتوترين شدعوة أخذت نفس وفتحت خط ..

أستغربت ماكو صوت بعدت التلفون المكالمة مفتوحة رجعتة لأذني بقىٰ شوية ساكت وبعدها گال ..

-مصطفىٰ: توقعت ما تفتحينة

-رغد: لا ليش ما أفتح خط قابل أكو شيء

-مصطفىٰ: هاا

-رغد: أحم اي تفضل ؟

-مصطفىٰ: وين أتفضل ؟

عقچت وجهي شنو تفضل وين يتفضل رغد وين ؟ علىٰ أساس متعرفين ليش متصل لو ساكتة مو أحسن يبووو ..

-رغد: وين تتفضل ؟

-مصطفىٰ: وين ياريت اتفضل لگلبج

-رغد: أوو كلمات مستهلكة ما أريد رجاءً مصطفىٰ فوت بصلب الموضووع

-مصطفىٰ: هاااي عووود صدگ رغد نسيتي شنووو !!

-رغد: شنسيت

-مصطفىٰ: يعني نسيتييي!!

-رغد: منو

-مصطفىٰ: ولج رغد

-رغد: شكوووو

-مصطفىٰ: يعني ما تتزوجيني !!

هو گال الكلمة منا وانا سديت الخط منا عززززززاااا ميستحي فايت مدرعم هاي بكل مرة يفوت بالموضوع بدون مقدمات شلون وياه هذا شلووون ...

رفعت تلفوني علىٰ صوت الرسالة ..
"نوب تسدينة بوجهييي"
"اخخخ سهلة سهلة يالمحامية"

تخزززيت تخزززيت يبووو مصخمة ملطمة يارغد شكو فتحتي خط شكو سديتي شبيج انسطرتي وتوترتي هيج يووووه ..

اي اي بس شجاوبه ؟؟ زين وانه اساساً ليش نبلع لساني وسكتت من عرض عليه الزواج بدون لف ودوران مادري ليش تقيدت عن الكلام گدامة اوووف رغد اووف فكري هسة بغرور وبلوتها بعدين فكرررري بهلموضووع ..

طلعت من الغرفة للصالة فارغة بس الحجية موجودة لافة علىٰ راسها عصابة شامرة عكازاتها وگاعدة ..

-رغد: جمولتيي

-جميلة: وين راحوا أخوانج ؟

-رغد: وين ؟

-جميلة: أندري انه جاي أسأل توهم طلعوا بسرعة

-رغد: والله ماعرف يمه

-جميلة: رغيده !

-رغد: والله ماعرف يمه قبل ساعتين تركت عوف فوگ تعبان ومنهلك گلت راح ينام وين طلعوا ماعرف !!

-جميلة: اخخخ ياگلبييي وين راحوا

-رغد: يمه أخاف عليج تطيحين فدوه كافي لا تفكرين بالي صار بعد

-جميلة: خلي يولي طبه مرض هو أفكر بيكم انه يمه

گالتها وتنهدت هزيت راسي ساكتة تحاول تبين مامهتمة بس ماتگدر علىٰ سواية أبوي رغم مو حنين عليها ولا يعرفها وين الله حاطها بس هي امي جميلة حنينه ..

مشىٰ الوقت وهي تعبت راحت نامت بقيت انا أفتر واكول هسة يجون شوية ويجون بس ماكو أخذت تلفوني وخابرت قاسم ..

-قاسم: ها رغد

اجانِي صوتة بالگوا ينسمع يمه هوسة وأصوات عالية ..

-رغد: وين طلعتوا وما رجعتوا بعد !!

-قاسم: القوا القبض عليهن

-رغد: عليهن منو تقصد ؟

-قاسم: غرور وسن ودلال

گالها ببرود ألي زميت شفتي بعدم مبالاة ورديت ..

-رغد: زين شوكت ترجعون ؟

-قاسم: من نخلص رغد ديري بالج علىٰ الحجية ولا تگليلها هسة عن شيء

-رغد: تمام

سديت التلفون مامهتمة بالعكس هذا جزاءها كل ظالم وطاغي أله يوم بهلدنيا مستحيل رب العالمين يتركه ..

رجعت أشتغل ماسكتت عن القضية أركض بيها مرت أسبوعين بعد ماتخلصوا من التحقيق وياهم بشكل مستمر وخلصت وكافة الإجراءات تحدد موعد الجلسة گعدت ثاني يوم أكو شعور غريب بداخلي وأكو عزيمة شلت الملفات أخذت الأدلة والحاسبة وطلعت صار بوجهي

-عوف: چنت منتظرج

-رغد: راح تروح وياي ؟

-عوف: طبعاً چا اعوفج وحدج !!

-رغد: يابعد طولييي طووولك

أبتسم ألي ومشىٰ وياي وجودة يهمني ويمدني بالقوة طلعنا من البيت وللمحكمة بين ماخلصت كم شغلة موجودة عندي خلصت ورجعت و گعدت منتظرة يصيحون بالأسماء وانتظر العدالة الاريد تتحقق من زمان وانا طفلة لحد ماكبرت بهذا عمري اتمناهاا ..

نص ساعة وصاحوا بالاسماء نهضت لبست الروب وعوف يهز راسة مبتسم ألي ربت علىٰ كتفي ومشينا ودخلنا للقاعة أول مادخلت جابوها تشخصت أنظاري عليها

حالها وشكلها من شفتهن هزيت راسي اتذكرت غرورها وعزها الچانت تسولف بيه وينه هسة كله تبخر وهي واگفة گدام القاضي تنتظر حكمها العادل ..

بدأت المحاكمة وصار القاضي يسأل ويستمع عقجت وجهي من شكلها وهي تتمسكن وتبچي وتخلق بالأعذار وترجع ليورا بخصوص تجارتها وفسادها بيهن ..

بعد ماصار تداول بالحديث وقدمت كل شيء الأدلة والاثباتات والتقارير وخصوصاً موضوع المخدرات وشلون خلتني اتعاطاهن بطريقة مقرفة وقذرة تخبلت وانصدمت صدمة عمرها من عرفت بالتسجيلات والأدلة هاي شفت نظرات القاضي المتأسفة عقج وجهة عنهة وبدأ التشاور ..

رفعت راسي بثقة وثبتة بحدة جاي يتشاورون ومنتظرة القرار وجهت نظري لعوف الي مكتف أيديه ومرجع ظهرة يباوع ببرود منتظر الحكم الأخير شحيت نظري عنة وباوعت إلها لوجهة لسه لسه الحقد ينبع منه لسه نظراتها ألي خبيثة ..

نفضت فكري منها و ألتفت من صار موعد نطق الحكم وگال القاضي..

-حكمت المحكمة حضورياً بتاريخ (غير مسموح ذكره مع أسمها الثلاثي) علىٰ المتهمة غرور وبعد الإطلاع علىٰ كل ماورد في القضية وبالاستماع ألىٰ كافة الأطراف والشهود والأدلة والإثباتات ..

غمضت عيوني بتنهيدة وفتحتهم سريع من نطق الحكم المؤبد عليها بتهمة تجارة المخدرات و شراءها وبيعها وأجباري علىٰ تعاطيها لكونها مخالفة للقانون وجهت نظري لعوف ألي انرسمت علىٰ وجهة إبتسامة واسعة مُريحة ..

وتمت محاكمة لوسن ودلال بالسجن المؤبد لكونهن مشاركات بالجريمة وافعالهن ماتقل عنها صرت ماسمع بس صوت ونهن وصريخهن ..

طلعنا من قاعة المحكمة وگفت مسحت وجهي ضحكت منتصرة ورافعة راسي بفخر ماخذة حقي وحق أهلي وحق الناس الي دمرتهم بأعمالها ..

تقدم حضني بأبتسامة ودموعي لسه تنزل بعدني عنة أخذ نفس وگال ..

-عوف: هاي الذيبة بنت هيلة ..

-رغد: وهيلة راضية عني ؟

-عوف: عيناي إذا انتِ خلصتي الناس من غرور وشلة غرور الله بكبرة راح يرضىٰ عليج مو بـس هيلة

ضحكت ومسحت دموعي وطلعنا بيومها تغدينا برة وخابرنا قاسم واجة وبدينا نسولف اله عن ألي صار لحد نهاية الحكم وهو هرج بصوت صرعنا بيه ..

-قاسم: اويييييييلاه ربييييي

ألتفت عوف علىٰ الأطراف وهمس بحدة ..

-عوف: ولك وسسسم حتىٰ الناس طفرتهاا

-قاسم: اخخخ يابه عشت وسمعت بهذا اليوم وعلي صرت اتحرگن ماگدرت أجي الشغل واصل لراسسي بس غير تفكيري كله هنااااك

-رغد: وهسة برد گلبك لو لاااا ؟؟

-قاسم: اخخخخ ربيييي ثلوووج استقرت بگلبيييي

-رغد: حبيبي الله يديمها

-قاسم: شسووووي بهلمناااااسببببة ولكمممم أريد أذبح عجل

-عوف: أذبح فلوسك المن مضمضمهن هذا وكتهن

-قاسم: والله أله أذبح عجل واوزعة علىٰ الفقرة

-رغد: والله ؟؟

-قاسم: والله ولج رغيدة انتِ داهية وعلي شسوووي بيج

-رغد: شتسوي بيه شهلمدح المعوق !!

-قاسم: أكو شيء أريد احچي باقي بگلبي

-رغد: اي احچي شنوو ؟؟

-قاسم: چنت أگول حمارة ما منج فايدة

-عوف: ولك أرعن !

-قاسم: سابقاً سابقاً !! بسبب الوضع الصرتي بيه من هذا السافل والحالة الفتي بيها گلت هاي صارت ثولة بعد لا تفيد شوي ولا گليي

-رغد: ماراح أعارضك بس انه هم كل ما اتذكر نفسي قبل تلعب نفسي من نفسي بس هيَ الحياة إذا ما تعثرك ماتقويك ..

-قاسم: شوف وصارت تنطي حكم وعبر عن الحياة بووووويه

-عوف: جااي تعلمك

-قاسم: هااي ينرادلهة شيييل بصوتك حبيبي

-رغد: يله خوش معلينا بالماضي أكرهه لا تحچون بيه

-قاسم: ولج ذيبه وعلي لاگفتهة من اخوج وتشتغلين على البارد

گالها وباوع لعوف الي رفع اله حاجبة ..

-رغد: ياحبيبي احنة المحاميين الي نسترجع حقوق غيرنا فما بالك بحقوقنا ؟

صوفر عوف ورجع ظهرة وگال ..

-عوف: شييييل

-قاسم: والله وكفو ردت أگلك طلعها بصوتك ينرادلهه

-عوف: نچررة

-قاسم: سوووتهاا سوتها رغيده

-عوف: ولو تشوفهة شلون واگفة ورافعة راسها ونظراتها مثل السيف متوجهة عليها

-قاسم: عليك الله

-عوف: وهذيج محتارة شتسوي ساعة تگله سيدي قشمروني ساعة سيدي هددوني بعائلتي سيدي أرجوك سيدي

-قاسم: متأكد القاضي بعد الجلسة بلع حبوب مال لعبان نفس من وراهة

-عوف: ما أشك

-رغد: لو شما تسوي ولو شما تدافع ميفيد

-قاسم: طبعاً إذا ناخلتهة نخل انتِ

-رغد: لأن چنت متخوفة منها المثلها وتشتغل هيج شغل وعلىٰ الكاتم أكيد وراها ظهر قوي ومن يعرفون بيها راح يحاولون يطلعونها ويوكلون أحسن المحاميين ويلعبون بالحكم

-عوف: حتىٰ اترررررس حلوكهم قننااااادر

-قاسم: ولج شيتلاعبون انتِ ماشفتييي شگد ضبطوا عليهم مواد وشكو سرسري وياهم سحلوووه سسحل

-رغد: حيييل

-قاسم: عوف وكل أحمد خلاه يسطررررها راشدي يفر بيه وجهة

فتحت عيوني علىٰ وسعهن متعجبة عوف ؟ تطلع منه هاي شكو ..

-رغد: شنووو

-عوف: شبيج مو انه ما أمد ايدي علىٰ مرة بس الب*** لساااانهااا يخوط اذانها ويه الشرطة والضباط الأصفاد بأيديها وتفشر وتسب بيهم گلت أله أحمد فرها براشدي وسد حلگها

-قاسم: سااافلة خلي يفيدها لسانها راح تندگ بالنعاااال هي وشلتها البرا***

-عوف: طزززززز بيييهم كلهممم

-قاسم: اي وعلي

-رغد: حتىٰ الجو حلو اليوم ومتونس ..

باوع لعوف وصار واحد يأشر للثاني بحواجبة ويتفاهمون بلغة الإشارة وعلىٰ وجوههم ضحكة ..

-رغد: خييير شبيييكم

-قاسم: لا بس خوش محامية انتِ

-رغد: أدري أدري ويله كااافي هواي تلقيت مدح اليوم

گلتها وخليت أيديه علىٰ وجهي متصنعة الخجل ويني وينه وخصوصاً گدام قاسم ماعرفه ..

-قاسم: هااي شنو عوود أستحيتي درفعي راسج ماتلوگ ألج هاي الحركات

-رغد: لا يالله حرامات عود صدگ ماتلوگلي !!

-قاسم: أبد ماتلوگ والحُسين حشاج منهن

-عوف: حشاها منهن شنو جاي تسبها سب مبطن !

-قاسم: مو انه أعتبر المسبة لرغد هو الدلع لأن فلا يمهه

-رغد: اهووو كاافي قاسم كااافي لا تجرح أنوثتي أكثر لحد هسة ساكتة لأن فرحانة بالي صار بس أختلف عليك نخرب

-عوف: بس تختلف عليك تگلك وأرفع بيك دعوىٰ

-رغد: ههههههههههههههه

-قاسم: اي شو بله ماجاي أشبع والزهرة بس سولفولي چهرتها شلونها وهيه تنسحل ملامحهة شلون صارت من أنطق الحكم خرب بالشغل الما خلاني أحضر المشهد العظيم التاريخي هذااا ظل بنفسيي

-رغد: والله من الفرحة ألأحتلتني بوقتها ماركزت بملامحها شلون صارت بعد لا هي ولا السعلوات الي وياها بس صوت صريخهن وبچيهن وصلنييي ولا اهتميت مثل الموسيقىٰ هذا الصوت بأذني ..

-قاسم: لااااا قصرتي چا بيمن نسولف ونضحك شهر ليگدام غير تركزين تشوفينها گدرت تبچي وتفك حلگهاا الموررم لاااا رغد لااا

-عوف: والله سطرتنة ماتنهض تشتري العجل مو أشرفلك ورانه شغل يله أنهض

-قاسم: شنو صارت صدگ شبيك يخوي ما تتشاقىٰ

-عوف: أنهض لككك والحلفااان سرسررري

-قاسم: عوفج منه رغد سولفيلي ظلت تنوح گدام القاضي بشرفكم

-عوف: والعجل ؟

-قاسم: اي رغد كملي وين چنة نسولف ؟؟

-رغد: والعجل وين صاااااار !!

-قاسم: نعلعله شررفكم وخررررب روحة اليگعد يمكم رااااييييح

ضحكت علىٰ شكلة من أنتفض و صدگ أجرة مكالمة بعدها نهض وراح وشوية وطلعنا وراه عوف چان عندة شغل وانه رجعت للبيت أريد أريح روحي ميتة تعب ..

*****

صرت أفتر بالغرفة مقهورة فايرة فور وتااالي ويه أهلي خبلوني راح يموتوني ماجاي أعرف وضعهم هذا شنو وراه شيردون !! بس كل الاعرفة ومتأكدة منه مو لله مو حباً بيه أبد..

مشيت صوب تلفوني الي جاي يرن للمرة الإلف وجاي أتغاضىٰ نفخت بملل وانزعاج وفتحت الخط ومثل كل مرة مقدمات وكلام مملوح وبعدها ..

-ام منار: منار اني تعبانه ماما

گالت الكلام بصوت ثقيل تجر بيه جر ..

-منار: مافهمت ؟

-ام منار: مريضة يوم گلبي تعبان

غمضت عيوني وكملت كلامهة ..

-ام منار: تحرميني من شوفتج منار واني ماعرف شوكت أموت وضعي متدهور

-منار: ماگدر أجيكم ماما

-ام منار: هيج تجازيني اني الربيتج وكبرتج كل الي ردتة شوفتج قبل ما الله ياخذ أمانتة مني ..

أول ماخلصت كلامها فوراً سدت الخط نعصرت عصر ونهضمت گعدت أفكر ويه روحي اي شبيهه وإذا سافرت أشوفهة وأرجع شبيه مامرتاحة شبيه بـس صوتها تعبان بالكوة تجر كلمتهة ..

بعد قوقعة التفكير وداخلي عجيب كل هذا وداخلي يرفض بعده انتظرت يجي قاسم وأفتح وياه الموضوع واحجي اله كل شيء ..

مر الوقت فزيت فزة علىٰ صوت قاسم القوي بسرعة طلعت من الغرفة وأشوفة بأيدة صينية وگاعد يم الحجية وهي ترد بيه ..

-قاسم: مشاوي يمه مشاوي چبدة جبتلج بس اكلييي

-جميلة: ميل ماريد كتلك ماشتهي

-قاسم: والحسين طعمهن يختلففف يمه

-جميلة: شلون يختلف عود

-قاسم: هذا عجل برو ماكس يمه والحسين اشتريتة وذبحتة علمود حكم غرور بيه طعم مختلف

وسعت عيونها عليه وسعت عيوني اني هم مصدومة ياحكم شديحچي ..

-جميلة: شتسولف انتَ ولك

-قاسم: يمه اليوم چانت محكمة غرور وبلعوها مؤبد

-جميلة: يااااااااع

گالتها بذهول وهو وگف متخوصر ..

-قاسم: شني يمه !!

-جميلة: ولكممممم سوادييييييين ولد أدم المخابييييل

-قاسم: ولد هيلة رجاءً

-جميلة: يبووووووووي ولكمم سجنتوها مؤبد عووود صدك سوويتووها !!

ضحكت علىٰ تعابير وجه قاسم وشلون فرحان والحجية ماعرف شنو شعورها بس چانت ماراضية طلعت رغد من الغرفة ألتفت قاسم عليها وأنتبه الي وگال ..

-قاسم: ولج مرتيييييي ليش واگفةة تعالي اكليييي مشاوي ولكم هذا عجل جبتة بملايييييين وذبحتة بهلمناسبة وماتاكلوووون !!

-رغد: شو انطيني

-جميلة: ولج رغيييده چنتي تدرين بسالفة غرور !!

-قاسم: غير هي السجنتها

فكت حلكها وباوعت لرغد الي ضحكت ورفعت حاجبهه ..

-رغد: يمه القاضي انا شكو !!

-قاسم: بس هي الي قدمت الأدلة وسهلت الموضوع

-جميلة: فلك الفلكنيييييي راح يموتونيي

-قاسم: عود صدك يمه ضايجة ع بعرور !!

-جميلة: ولك يابعرور بس شنگووول للعالم صخمتووووها ولكمممم

-قاسم: وراج حكم أبوي

-جميلة: يبوووووووووي گلبييي راح يوووگف

-قاسم: شسالفة بيج مجال بعد هواي

بهلأثناء فات علينا عوف الي فهم شكلهم بدون ما يسأل ..

-جميلة: وانتَ يمه شجاااايب وياك من أخبار ؟؟؟

-عوف: خير من الله

-قاسم: كتهن

-رغد: شنو ؟ غرور وگف گلبها وماتت

-جميلة: ولج رغيييده

-عوف: ليش تموت رغود خليها تاكل قنااادر وتعلس نعل هووواي نوب تموت علىٰ البطيء

-جميلة: ولكممم سررسررريةة مو فرووووخ

-قاسم: يمه أدري صعبة عليج بس همة كلهم گ***

-عوف: هسة عود صدگ هاي دمج فاير عليهم !!

-رغد: أندري صدمتنييي

-جميلة: مو علييييهم طبهم مررررض المرضهم من أبوكم لمرتة

-عوف: چا عليمن هيج فاير دمج وعيونج نااطة وماخذتنة بالسب والصياك هرموناتج الشهرية يمه !!

هو گالها ورغد شرگت بلگمتها اختتگت من الضحك والحجية رفعت عكازاتها تضرب بيه ..

-جميلة: سااافل سرسري ماتستحون ولكممم نزعتوا المستحىٰ انتم

-قاسم: ديله يمه تسوين روحج شباب كلنا ندري گاطعة من زمن العصملي

-عوف: عييب ولك عييب

-قاسم: بالجيب

-جميلة: ادبسززززية ماعرفت اربيكم واحد يسجن ابوه واحد اخوه وحدة مرت أبوها ولكممممم شيياطييييين انتمم

-عوف: يمه هاي عقوبة قانونية مو مـن جيوبنا

-جميلة: سرسرية الله يعلم شسويتوا ماسويتوا بعد وزاد حكمهم

-رغد: استغفر الله حجية

-قاسم: عيب هذا الحجي يمه

-جميلة: يعنييي سوويتوووا !!

أريد افتهم شيء ماكو عبالك يحچون بالألغاز وبس هي تفتهم عليهم لحد مابزعتهم وهي مقهورة وفايرة علىٰ ابنها مهما يكون بس هم صعبة وهمة مامهتمين ...

بعد عدة نقاشات ومكافخ ومسبة ورزالة سكتت عنهم ..

-رغد: وين اللحم مو ذابح عجل شو ماشفت بس هاي الصينية!!

-قاسم: والحُسين ذبحة صاحبي وگلت اله وزعوا علىٰ الفقرة التعرفونهم وماخذت بس هذن وشويتهن لجميلة وجبتهن حتىٰ يكثر دمها

-جميلة: يبسوا دمي نوب يجيبولي مشاوي

-عوف: يله انتِ هم صايرة حساسة اليوم الموضوع عادي

-قاسم: شكو بيها غير فاسدين ومجرمين أدري جاي شتردين حكمهم راشديين وصينية مندي !!

-جميلة: نوب مامهتمين ولا چنة ابوهم

-عوف: عود صايرة لوتية وماخذتها العواطف

-قاسم: شبيك منا للصبح تگعد مختلفة علينا وتشكر بينا وتسب بأدم وغرور وتنعىٰ علىٰ سوالفهم

-جميلة: يبووووو خلي اگوم أنام أحسن ألي دوختوني

تركتنا وراحت لغرفتها بقينة شوية گاعدين وتالي اجت جُمان وخالة أمل صايرة تمشي بدون كرسي بس أكيد لسه ماتگدر وحدهة جُمان لازمتها گعدت يمنا وصاروا يسألون عن وضعهة وتحسنهة لحد ما عرفتة مايسكت ونظراتة تفتر بين جُمان وعوف طگهم بوحدة ..

-قاسم: الله لا ينطيها حتىٰ هذول عرسهم أتأخر بسببها

-منار: قاسم !!

-قاسم: چا چذب أكلكم قريتوا الفاتحة لو بقيتوا علىٰ النص

-عوف: ليش ماتنچب

-قاسم: مو جاي أسهلها غير سديتوا الموضوع

-رغد: لا ماكو بعد كافي شعندكم مر وقت علىٰ وفاة بيت أم حسين الله يرحمهم التأخير مو حلو بعد

تحچي وتباوع لعوف وهو يضحك وكأنُ هَـو الجاي يحچي بيهه يمه هلأخوان مصيبة وجهت نظري لجُمان الي مثل عادتهة بس ينحچي بهلموضوع ينبلع صوتهه ..

-قاسم: خالة خوو ماعندج أعتراض !!

گال الكلام لخالة أمل نفت براسهة وگالت ..

-أمل: لا حبيبي يقررون براحتهم اثنينهم ناضجين

-قاسم: خير ان شاء الله مثل ماسمعتوا براحتنا يعني ماكو داعي تطولونها

-رغد: گالت براحتهم !! تقصد المعاريس

-عوف: لا تقصد قاسم

-قاسم: رحم الله والديك

وبعد نقاشات بخصوص هلموضوع وخصوص موعد العقد وتاريخة الي يا تاريخ يخلونة يطلع عندهم شغلة بيه لو مموجودين لو مسافرين لحد ما طگت روحه لعوف وگال ..

-عوف: يابه العقد بعد باچر بعد ماكو غيرها

فزينا من گالها شنووو باوعت لجُمان مصدومة انييي عززا لا متحضرين لا مشترين لا مسوين لا هاي لا ذيج يبوووو نطقت رغد بدل عني وگالت ..

-رغد: بعد باچر !!؟ بشرررفك اليوم خلصصص يعني بس باچر شنلحگ نحضررر

-قاسم: ولج أسكتي احنة مانعولهم يحطون موعد وانتِ ياهو چايل چيلتج فصم ام التحضيرات

-منار: صدك منلحگ نسوي شيء

صاروا يسولفون وفرينا نظرنا اني ورغد لجُمان الي ساكتة ولا عندها ردة فعل مثلنا ماكلين نفسنا منلحگ نحضر والوقت سريع وهي عادي شكلهة ..

قربت نفسها يمي رغد قلصت عيونها وگالت ..

-رغد: أحلف هاي تعرف بالموعد

-منار: معقوولة !!

-رغد: شوفي ولج احنة نفكر أكثر منها وهي العروس طابخينها بيناتهم ولج أعرف أخوي ماتشوفينة حچاها براحة

وهكذا لحد ماخلص النقاش والسوالف وصارت الاتفاقيات بيناتهم علىٰ كل شيء واني ورغد طول الگعدة نخزر بيها وهي تباوع مستغربة خلص نقاشهم وطلع عوف فوگ وقاسم نهض وگال ..

-قاسم: منار بله تعالي اريدج شوية

-منار: روح واني اجي وراك عندي شغل هسة

ميل راسة يباوعلي بشك و وضحك وراح اول ماسد الغرفة طفرت رغدت لجُمان وطفرت وراها حاوطناها من الجهتين وهي فاتحة عيونهة وتباوع بصدمة

-منار: من ورانا جُمان من ورانا ؟؟

چنهة افتهمت غمضت عيونهه عضت شفتهة وهمست ..

-جُمان: بنات بنااات امي هنا

قربت نفسها بيناتنة وگالت ..

-جُمان: خلي أخذها انطيها علاجهه وتنام واجيكم نسولف

نهضت واحنة بقينة گاعدين ننتظرها ونحوس نريد نعرف شلون وشصار وشوكت طبخوا الطبخة هاي وحددوا الموعد بدون علمنا ... بقينة ننتظر ونرجع ليورا فوگ الساعة ونص وهي ماطلعت شردت فرد شردة ..

-منار: هاي مو صديقتي مغيرينها ولج تقشمرنااا اني وياج !!

-رغد: منين ما اجيبهة سوالف العوف هاي وكله علىٰ الصامت يتفقون ويحددون واحنة أخر من يعلم

-منار: رجعولييي صديقتييييي

-رغد: ألج الله اني رايحة انام لتنتظرين عبرت عليناا عبرت

وصدگ ماطلعت عزاا بعينج جُمان وين ترحين اللگفج الصبح العصر لو وين ما ترحين وتختفين تسولفيلي يريد يغيرج علييه وتسوين أشياء من وراي كلاا ثم كلااا ...

فتت للغرفة شفت قاسم فاتح الحاسبة ومركز بيهة سديت الباب بقوة رفع راسة وگال...

-قاسم: ها خلصتوا اتفاقيات وتحضيرات

-منار: اي كلش لا تسولف

گلتها بأنزعاج وفتحت كنتوري أبحوش بالملابس ميلت راسي وابتسمت من صار گدامي فستان نوم أسود طخت براسي البسة واعدل نفسي حتىٰ بلكت يوافق علىٰ موضوع السفر ...

سحبتة وسديت الكنتور باوعت اله مركز بالحاسبة يشتغل أكيد فتحت الجرارات أخذت مكياج رحت للحمام لبست وخليت مكياج خفيف عدلت شعري خليت عطر شعر وطلعت ..

أول ماطلعت رفع راسة متعجب حقة حقة هو اني ىحاصرتني الضحكة احس نفسي تافهة بس شسوي متزوجة صرت بعد عشتوا ولازم أعدل واجي من الباب الاسهل لقلب الرجال حتىٰ يوافق ..

گعدت يمة ومحتارة شغطي أخر شيء لفيت نفسي بالفرشة وبلعت ريگ ماريد أشوف نظراتة عزةة بديت أتوتر صح تممنة زواجنة بس شو هلمرة تختلف يمكن لأن اني ولبسي وشكلي هذا الي يخزي يبووووو ..

-منار: احمممم

-قاسم: يا بعد روحي ودوة جروحي

گالها وسد الحاسبة وباوعلي وهو مقلص عيونة وهاي نظراتة الفاسدة أعرفها وحافظتهة گلبي منهن صار دمام اي اي منار وين ترحين بعد هاي سوالفج ..

-منار: قاسم أريد اگلك شيء

جرني عليه جعصني جعص بأيدة ..

-منار: بشر اني قاسم

-قاسم: أدري حبيبتي فدوه رحتلج نمنمة

صار يسولف ويحك أنفه برگبتي ويطبع بوسات عليها بلعت ريگ وحچيت ..

-منار: أريد اكلك ش..

بعدني ما مكملة كلامي وصار يتفنن بأنواع الغزل والكلام الرومانسي ألي منه ونسيت اني وين وشنو ردت اسولف وبعد المغامرة خلاني بحضنة خجلانة متوترة وشعور حلو خليط من المشاعر صابني ..

-قاسم: مناري

همهت لكلمتة اخذ نفس وگال ..

-قاسم: منار ليش تخليني أتقرب الج

أستغربت سؤالة رفعت راسي باوعت بعيونة الي نظرات الحيرة تدور بيهن ..

-منار: مافهمتك شنو يعني

-ليش جاي تخليني اتقرب الج جاي تسوين هذا الشيء غصباً عنج منار ؟ جاي تقبلين لأن حق ؟

نزلت راسي فهمت قصدة وفهمت نظراتة سحبت الفرشة وعدلت نفسي ثبتت عيوني بعيونة ..

-منار: قاسم اني احبك

جمد بوجهي حتىٰ ما رمش واني حسيت بوخت خجل هم من الوضع الي احنة بيه وهم ومن اعترافي ضحك مامصدگ وگال..

-قاسم: تحبيني منار ؟ بله عيدي الحچاية عيدييي

-منار: لا فدوه قاسم ماگدر

گلت الكلام واني منزلة راسي وشادة علىٰ وجهي ماحسيته اله طگهة بضحكة وجرني عليه يبوس بيه بلهفة فرحان ..

-قاسم: يعني السمعتة صحيح !!

هزيت راسي خجلانة أخذ أيدي باسها حط عيونة بعيوني فرحان حيل لمني بحضني ساعات مرت وهو يهمس الي بأحلىٰ وأجمل الكلام غمرني بيه والضحكة مافارگت شفايفة نهض للحمام گعدت منتظرتة  أول ماطلع باوعلي و گال ..

-قاسم: صاير شيء نمنمتي؟ شنو الي ردتي تحچينة مساع

-منار: اي تعال أگعد

سحب الخاولي ينشف شعرة بيه وگعد وبديت اسولف أله عن اهلي وهو يستمع بتعجب الىٰ وصلت لأخر مكالمة ..

-منار: وماعرف شسوي

رفع أيده فرهة بعدم معرفة وگال ..

-قاسم: اسفرج بس بعد ما أتأكد من شيء

-منار: من شنو ؟

-قاسم: ما أقتنعت ولا ارتاحيت يعني منار عذريني ماحب احچي گدامج بخصوص اي شيء عن اهلج بس جايين وبراسهم نية عليج

-منار: مثل شنو ؟

-قاسم: الله يعلم لا تنسين همة مطلوبين لهسة وسفرتهم عرقلة وضعهم شنو هناك ماتعرفين منو شافوا رافگوا منو مانعرف ممكن تكون خطة

-منار: خطة شنو قاسم لا تخوفني

-قاسم: ماريد احجي حتىٰ لا أخوفج أساساً أريد أتأكد وبعدين نقرر مناري

هزيت راسي وسكتت اقتنعت بكلامة فعلاً اهلي سفرهم مو قانوني شلون أتأقلموا بهلسرعة هناك واشتغلوا ويردوني !؟ دخت من التفكير حطيت راسي بحضنة ونمت ..

مرت يومين چنت ملتهية ويه جُمان وتحضيراتنا لخطوبتهم فتت للغرفة أخذت دوش وطلعت صار بوجهي ..

-قاسم: نعيماً

-منار: الله ينعم شعرك

-قاسم: لازم اشوفلي دورة تعليم الرد وافوتج بيها

-منار: شقصدك؟ خاف تحب ردود أخلاص

نزل راسة وفتح عيونة بتصنع ..

-منار: اي اي عبالك ماعرف يعني من تنزلون واجب وياكم نسوان !!

-قاسم: ياريت وينهن

-منار: قاسمممم

-قاسم: والعباس هاي أخلاص روحهة مخلصة حبيبتي شبيج بعدين ضابط عندهة شغلهة شصخم وياهة !!

-منار: لعد ليش يگلولك تخابر أخلاص!!

-قاسم: سرسرية وروح أمي يعرفون بيه اخابرج يتعمدون يحچونها

بلعت ريگ ودمعت رحت گعدت بطرف الچرباية دمعتي بعيني من كل عقلي مدمعة ومقهورة سحبني عليه متفاجئ..

-قاسم: عود صدگ تبچييين !! ليش ولج ليشش !!

-منار: هم بيوم تخوني وتعوفني مثل أهلي قاسم

ضحك يباوعلي ويهز براسة سحب وجهي وحضني ..

-قاسم: حابج وحاط الله بين عيوني ولچ نبرة صوتي من تعلىٰ عليج أفكر بيج وتگليلي اخونج !! ما يسوي هلسواية زلمة لا والله

-منار: يعني ماراح يتغير كلامك بيوم

-قاسم: الا الخيانة إلها حدود !!

-منار: يااا قاسم ههههه

ضحك وأخذ نفس صفن بيه وگال متردد ..

-قاسم: عرفت شيء بخصوص موضوع اهلج

-منار: اي شنو ؟

-قاسم: أمج مابيهة شيء وصحتهة لا متدهورة ولا مخربطة وگلبها صاحي اصحىٰ مني ومنج يعني الي گالت الج بيه كلاوات بكلاوات

بللت شفتي واتنهدت ..

-منار: چنت حاسة ومتأكدة من احساسي ..

-قاسم: يعني الموضوع كله علىٰ بعضة لعبة

بيومهة شگد انقهرت وانهضمت وأخذتني أفكاري بكل شيء .. كذبهم عليه جرجرتهم الي بالكلام وكل الطرق ماعرف شنو الغاية بس چنت متأكدة راح تكلفني عمري ..

طلعت شريحتي كسرتهة وغيرت رقمي ومسحت كل أرقامهم ماتركت شيء بعد يتواصلون وياي عليه.. هذي حياتي الي خلوني أعيشها هسة يردون يجردوني منها ماراح أسمح...

******

يومين بين خبصتي وبين تجهيزي السريع الي صار تعبت بشكل بس حتىٰ بتعبي چنت فرحانة علىٰ فرحتة بيه ..

رشيت عطري و وگفت گدام المراية أشوف شكلي النهائي بالعقد استبدلت الفستان بقفطان فضي ومكياج خفيف ألتفت من انفتح الباب وفاتت منار چانت اية من الجمال هي وفستانهة الماروني ..

-منار: شطالعة اليوم اليوووم شطااااالعة يبوو

-جُمان: حلوة ؟

-منار: حلوة ؟؟ حلوةةةةةة ؟؟ هسة شوية وابو العوف يثبت ألج شطالعة

ضحكت وفاتت رغد الي بهرتني بجمالهة واناقتها هلبنت غييير تقدمت بخطواتها وگالت ...

-رغد: الله يساعد گلبك خوية اليوم شيصير بيك ولج جُمان تحرگييين

-جُمان: بنات خجلتونييي شكراً انتوا هم طالعين تخبلون

-منار: وين زوجي غير يشوفني بالماروووني

گالت بأنزعاج ضحكت علىٰ شكلهة تركوني وطلعوا وصارت أصوات الاغاني عالية خلصت كل شيء ردت أطلع أنفتح الباب وفاتت أمي تمشي لوحدهة وتتلمس ..

-أمل: جُمان

-جُمان: ياروحييي

رحت سريع لزمت أيديها ضحكت ونزلت دمعتهة ..

-أمل: يابعد روح أمج تمنيت أشوفج

نزلت دمعتي لا ارادياً وياهة حضنتها وصرت اشهگ بالبچي ...

-امل: لا لا يمه بجيتج اني ؟ ولج ماردتج تبچين

بعدتني عنها وتتلمس وجهي بأيديهة تمسح دموعي التنزل ..

-أمل: صارت عروسة بنيتي

-جُمان: ماما

-أمل: الله يفرحج ويوفقج وماتنزل دمعتج بيوم بنيتي عزيزتي الله يرضىٰ عليج جُمان

نزلت نفسي بست أيديها ورجعت حضنتها شوية واجوا رغد ومنار ..

-منار: هاااي شنووو ممنوع أحد يبچي اليووم شوو بله رجاءً خالة رجاءً جُمان بعدييين ابچواا

-رغد: چفصتي بأم المشاعر والاحساسيس

-منار: يله يله خالة يله جُمان تعاليي

تقدمت عدلت مكياجي شوية ولزمت أيد ماما وطلعت لگيت خالة ام مصطفىٰ وشمس موجودة وبعد نسوان ماعرفهن من معارفهم معازيم گعدت علىٰ الكوشة متوترة ..

وبدأت الأجواء ومنار ورغد سحلونييي سحل خلوني بنصهم واني ماعرف ارگص ردت أطم روحيي بس كملت لأن فرحانة وشعور الفرح غالب كلشيء بداخلي ..

شوية وأجت الحجية گالت ..

-جميلة: يلا جميينة حبوبة اجة الشيخ تعقدون

لبست روب الخطوبة وگعدت مرتبكة متوترة شوية وفات الشيخ وفات هو وياه لفحني عطرة المُمير الاحبة ..

بدأ الشيخ يقرا ويسألني تمت الموافقة من الطرفين أنعقد أسمي ويه أسمه وگلبي ويه گـلبه ارتفعت أصوات الهلاهل طلع الشيخ رفعت الروب عني وكُلهم تقدموا يتباركولي ..

شوية وفات عليه تقدموا يتباركون اله وهو تشخصت أنظارة عليه أرتفع نبضي شعوري غريب تقرب وگف گبالي بلعت ريگ وعيني صارت بعينة ..

لزم وجهي بين ايديه طبع بوسة علىٰ گصتي وهمس وشفتة لسه مطبوعة بگصتي ..

-عوف: صرتي بأسمي جُماني

بعد راسي عنة نزل نفسة وگال ..

-عوف: انعقدت روحي بروحج سبيشل جُمان ..

خجلت من كلامة من لمساتة بنصهم وهذا كله وهنه يهلهلن ويهوسن واني احس بووخت من الخجل لبسنا الحلقات گعد يمي شوية بعدها طلع وبين أجواء الحفلات المعتادة خلصت وفتت للغرفة ميتة تعب ردت أغير ملابسي وأمسح مكياجي اجتني رسالة منه ...

"جايج
قريتهة واحتاريت شسوي طفرت أشوف شكلي واتفقد مكياجي وعطري ساعة أغير تسريحة شعري ساعة أطوخ حمرتييي وهيج خلصت الوقت لحد ما فاتت رغد ..

-رغد: جُمان تعالي بلا

-جُمان: وين ؟

-رغد: أريد أشوفج شيء

أخذت شالي وطلعت وياها شو هاي أخذتني للدرج وصعدت قبلي فوگ وگفت وهي ألتفت..

-رغد: ولج تعالي أشوفج سوينا تغييرات جديدة بيتج يعتبر بيتج !!

مادري حسيت كلامهة بيه وجهة نظر صح يعتبي بيتي عشتوا مشيت وياهة صعدت ميلت راسي وضحكت من شفتهم مغيرين الأثاث كله ..

-رغد: شرايج؟

-جُمان: يجنن بس ليش غيرتوا حتىٰ الأثاث السابق چان حلو كلش

أتصل تلفونها ماعرف منو المتصل بس سدتة وگالت ..

-رغد: شوية واجي نازلة أجيب شغلة انتِ شوفي الباقي شوفي المطبخ والغرف شلون صار ترتيبهم

عافتني ونزلت واني صرت افرفر بيه كلش حبيته وحبيت ترتيبة وخصوصاً المطبخ أسود ورصاصي واني من عشاااق هيج نوع بعدني أفتر بيه جفلت من ألتفت أيديه حولي وطبع بوسة علىٰ خدي انداريت متفاجئة ..

-جُمان: يعني انيي شلون جاي تعبر عليه سوالف الاخوان

ضحك بخفة وتقدم ألي زيادة طخيت بالكاونتر ..

-جُمان: شنو شنو عوف

-عوف: لذة عيني روح گـلبي مُميزتي ..

گالها ونزل الشال من راسي نثر شعري بأيدة ونظراتة تفتر بين رگبتي بين وجهي نزولاً لشفايفي مايثبت نظرة بمُكان ارتبكت واتوترت حيل ..

-عوف: ما مصدگ جُمان أيدي تلزم ايدج تنثر شعرج تتحس وجهج مامصدگ صرتي ألي

-جُمان: اعضك ؟

-عوف: ليش

-جُمان: حتىٰ تصدگ

ضحك وهز راسة تقرب زيادة لطشني لطش بالكاونتر ألتفت براسي اباوع..

-جُمان: الأملح شوية أبتعد

-عوف: انا الاملح ؟

هزيت راسي بضحكة قلص عيونة وابتسم بخبث ماحسيت إلا أنفاسي اختلطت ويه أنفاسة ببوسة سكت بيها كل شيء حولنا أبتعد عني بنفس عالي وعيون ذبلانة ...

من الخجل ماعرفت شسوي دفعتة ونزلت أركض وگلبي يركض وياي حسيتة من قوة نبضة سويت الدرجة خطوتين من السرعة ودخلت للغرفة ..

عززاا ادبسسززز ميستحييي انهتك حرمة شفايفي بأول بوسة بالمطبخ .. حطيت أيدي علىٰ گـلبي مرتبكة رحت بدلت وغسلت مر اليوم كله واني وين ما اسمع اله صوت اشرد حتىٰ لا تجي عيني بعينة ..

وهيج من خطوبتنا وين ميشوفني لازم يحصرني بمُكان ومايتركني لحد ما ياخذ الي يريدة طلع وجهة الافيسد الأملح بكل مرة يخليني اغط روحي بملابسي من الخجل وبس احچي حچاية يصيح

-عوف: مررررتييييييي بويييية مرتييي

-جُمان: يبووووو بزعتنيييي

-عوف: ليش انتِ ينشبع منج سبيشل جُمان ماخذة روحي وگـلبي انتِ

مر هذا الأسبوع الي چان عبارة عن تجهيزات زواجي وعن مشاعري بيه رغم كلهم موجودين يمي وماما يمي بس ماعرف شعور الخوف مافارگني خلصت الليل أفكر وخايفة ومتوترة وهو حس بيه لدرجة احتار شلون يهدأ بيه ويبعد الخوف عنيي ...

وصار صباح يوم زواجي الي من بدايتة توتر فاتت منار أخذت مني جنطة الصالون وطلعت قبلي بوست امي و وصيت رغد عليها وطلعت صعدت يمهم وجابوا الطريق كله اثنينهم يطگون أصبع فطسونيي ضحك لأن اثنينهم نفس المود ونفس الطگة ..

-منار: ياحييية يا ام راسيييين طبييي بجدرررهم

-قاسم: أعوذ بالله

-منار: سميلييي اهل البيت خلي أبنهم ولك حلو حلو وبوجنته شامةةة

تغنييي وتگرص بيه وهو يسوق وكل شوية يعيط بيهه واني فاطسة عليهم لحد ماوصلنة ..

-قاسم: صبريلي منيرة من ترجعين اعلمج

نزلت قبلي مدت راسها اله وگالت وهي تضحك ..

-منار: وعليييه الليل ماا اناااامة

-قاسم: سهلة

ضحكت ونزلنا أخذت جنطتي وفتت للصالون وبلشت التجهيزات وساعات التجهيزات دخت وتعبت لأن اني مانايمة أصلاً .. خلصت كل شيء لبست فستاني وگالت منار وصل صرت ارجف رجيف الخوف موتنيي ..

وگفت گدامي وصوفرت فتحت عيوني متعجبة يااا صخام ..

-منار: العب بيها يابو سميرة

-جُمان: سافلة

سمعت صوت الهورنات والضجة الي صارت وگفت يم الشباك وشفت گدام الصالون الدنيييا مشتعلة السيارات مغطيية الشارع وكلها تدگ وترگص وتهوس أجت عيني عليه بنص أصدقاءة الضباط ويهوسون اله ابتسمت لا إراديًا ومنار تهووس علىٰ قاسم..

ابتعدت وعدلت نفسي وأخذت نفس متوكلة علىٰ ربي ومتذكرة هذا الأنسان هو الي ردتة واختاريتة بقلبي وروحي هذا حنيني هذا الي يعرف يلمني...

طلعوا من يمي تركوني وحدي فات عليه ابتسمت بأعجاب من شفتة تقرب ألي والضحكة تارسة وجهة ترس وگف يمي زفر براحة وهو يباوعلي ..

-عوف: يافرحة من العمر يا مُبتغاي يامفتاح گـلبي ..

ميلت راسي أتأمل كلامة نبرة صوتة لو أتأمل اناقتة وطلتة الي سحرتني نزل نفسة باسني براسي بوسة طويلة وصوت تنهيداتة العالية تدگ بأذني ..

-جُمان: بيك شيء ؟

أبتعد عني هز راسة مبتسم ...

-عوف: أحيانًا الكلام كله مايگدر يفسر معنىٰ واحد من الي يشيلة الآنسان بداخله .. بس بطرانة العيون الترمـش كبالچ ..

گال الكلام وشدد علىٰ ايدي ابتسمت مرتاحة ..

-عوف: سبيشل جُمان وين اضمج علىٰ هلجمال ما أريد أحد يشوفج اليوم ..

-جُمان: هههههه عوف

-عوف: اخخخ عيونج عيونج

-جُمان: شبيهم ؟

-عوف: ماخذات روحي ماشفت أحلىٰ من عيونج بهلدنيا

-جُمان: حلوات؟

-عوف: حيييل

-جُمان: لأن ميشوفن غيرك عوفي

-عوف: اخخخ ميت بيج ميييت

-جُمان: طالع تملخ عوفي

-عوف: يا يـابه ولج بس لا تتحارشين هنااا

نزل نفسة اليه لأن فرق الطول شاسع ونعومتي يم ضخامتة وشكلة تخليني اللطم وجر وجهي يبوس بيه فز علىٰ صوت منار وهي تدگ بالباب ..

-منار: يلةةة يمعوودييين

همس من بين اسنانة ..

-عوف: ينعل يوومج منار

ضحكت وابتعدت عدلت نفسي لزم أيدي حسيت بيه يرجف رفعت نظري اله ..

-عوف: من الحب

هزيت راسي اخخخ هلرجاااال تعبببب گـلبييي ... صعدنا وصلنا للقاعة وبدأت الحفلة والفقرات لحد رقصة السلو ..

-عوف: ولج عود صدگ راح ترگصينيي !!

-جُمان: فدوه عوف فدوه لخاطررري

-عوف: استغفرك ربي ولچ باعي النسوان بنصهن ترگصيني

-جُمان: لخاطري .

-عوف: صار جُماني صار ..

گالها وسكت بس اسمعة يستغفر من بين اسنانة ضحكت وبلشنة نتحرك علىٰ الاغنية بس شوية واندمجنا اثنينا ونظراتنة تشخص علىٰ بعض وفصلنا عن العالم كلة ..

كل شيء چان مثل الحلم كل شيء روحي راغبتة رايدتة زواجي چان كلمة روعة قليلة ومتوصفة ومرت اللحظات الحلوة وخلصت سريع تعلثمت بخوف من صعدت بالسيارة متوجهين للفندق ..

نبضاتي صارت بأذني طبول طول الطريق لازم أيدي ويهمس بكلمات تسحر الگلب وصلنا للفندق دخلت وطلع يجيب الجنطة ..

صرت اجي منا اروح منا احتاريت شسويت وكل ما أتذكر ارجف واخاف فزيت من تفكيري علىٰ طبگة الباب تقرب خلا الجنطة گدامي وصار يباوعلي بقلق ..

-عوف: ليش خايفة !!

-جُمان: ها ؟ لا ههه ماخايفة

-عوف: جُمان

همهمت ونزلت راسي ..

-عوف: أخذي ملابس وروحي سبحي وارتاحي

حسيت الكلام مثل الانقاذ اجانيي أبتعد عني واني ماگلت شيء بسرعة فتحت الجنطة اخذت ملابس ألي واحتياجاتي وفتت للحمام أخذت نفس مرتاحة نزعت الفستان وغسلت ريحت جسمي وأخذت دقائق أفكر لحد ماستقريت وهدأت نفسي وطلعت لگيتة گاعد علىٰ طرف الچرباية ..

-جُمان: فوت أسبح وارتاح اني اطلع الك ملابس

هز راسة ترك سويچة وتلفونة حسيتة قلق بسببي طلعت اله ملابس وانطيتهم الهم رتبت نفسي شفت الأكل متروك علىٰ الطاولة ماگدرت اكل حسيت إذا اكل هسة اتقيء ..

فترة وطلع وعطرة سبقة ياربي هذا الرجال عطرة لازك بيه !! ولا مرة يفوت من يمي وما يلفحني عطرة نظيفف شوكتتت متجي نظيف وعطرة فواح ..

-عوف: جبتلج أكل!!

-جُمان: ما أشتهي

أخذ نفس وگال بحيرة ..

-عوف: جُمان ليش متوترة وهيج خايفة وانتِ تعرفين مو زين علىٰ گلبج

-جُمان: ماعرف مو بيدي

-عوف: منو مساع تتحارش وتگلي طالع تملخ !؟

-جُمان: مو اني

-عوف: ومنو تتحارش بالقاعة وتريدني ارگص واهز وياهه !!

-جُمان: صدگني مو انيي

-عوف: منو الشلعت گـلبي وطيحت حظ حظيي بسوالفهة

-جُمان: شبيك خل نتفاهم

گلتهة و وگفت فوگ الچرباية دار من جهتي نزلت جوة أركض اني والروب ..

-عوف: يعني وين ترحين بهاي سوالفج تتعايرين عليه

-جُمان: بس خل نتفاهم

نزل نظرة لسيقاني لابسة روب النوم الخفيف واگفة بنعال الغرفة الي اصلاً ما منتبهة شوكت لبستة ..

-عوف: شلون منظر هذاا يتعب

-جُمان: فد عييييب المفروض تهديني

-عوف: لا حبيبتي غلطانة هسة انتِ المفروض تهدأيني

كالها وتقرب سريع عليه لزمني من ايدية اصرخ وأضحك متوترة وخايفة عضيتة بأيدة وركضت علىٰ الچرباية وگفت ..

-عوف: شمتزوج چلببببة

ضحكت وهو لازم أيده يباوع علىٰ أثر العضة عضيتة من كل گلبيي ..

-عوف: ولچ هاااي عود صدگ ولچ سنون چلابتين!!

-جُمان: والله العظيم خايفة

حچيتهة بتوتر ونبرة صوتي وضح بيهه هز راسة وتقرب گعد يمي لزم أيدي وصار يحچي وياي ويهدأ بيه بأنواع الكلام ويتلمس بوجهي ويبوس بوجناتي فعلاً ضحك عليه وقشمرني الأملح وبلشت ليلتنا المختلفة الي خلطت مشاعرنا وانفاسنا سوىٰ ...

سديت الخط منه ونهضت وگفت گدام الكنتور أطلع الي ملابس للدوام مرت أربع أشهر علىٰ زواجي وبهاي الفترة ماما كملت جلساتها الحمد لله رجعت تمشي طبيعي بس بقينة نراجع علىٰ عيونها ولازم عملية وشلون مدنجيبها متقتنع تخاف وتتردد مابقت حيلة ولا طريق ما اجيناها منه رافضة رفض تام خصوصاً من عرفت العملية ينفتح جزء من راسها بيهة اتخبلت ..

رجعت اني ومنار للجامعة وبدينا نداوم بجامعتنا الجديدة والناس الجديدة الي عرفناهم وبهاي الفترة بدت تصير عندي أعراض جديدة عليه وبسرعة ادوخ ..

-منار: لزميي فوتي سوي تحليل يله

تنهدت وأخذته منها وفتت سويت الخطوات تغير شعوري أول ماشفت النتيجة ضحكت حيل لزمتة بأيدي وطلعت ..

-منار: ولج طوولتيي شنووو !!

-جُمان: خطين

-منار: عزززززااا

-جُمان: حامل

گلت الكلمة وطفرت حضنتنييي وتهوس فرحانة رجعنا للبيت اتصلت عليه بس ماحصلتة ردت أتأكد أكثر اخذت رغد ورحت للدكتورة ..

-مبروك حبيبتي انتِ حامل

دمعت عيوني مبتسمة اتشكرت منها وطلعت وبأيدي صورة السونار وكل شوية اباوع الها واضحك والحجية اول ماعرفت صارت تبچي من الفرحة وماما ممصدكة كل شوية تتحس بطني .. فتت لغرفتي طگيتلة صورة وخليتهه عندي..

مر اليوم وماحصلتة الا ثاني يوم وچان موعد نزولة قريب لذلك فكرت اسويها مُفاجئة و وصيتهم محد يجيب طاري يمه إذا خابروه .. يومين وگال باچر ينزل فرحت حيل بيومهة مانمت بقيت انتظرة

وگاعدة وافرفر بتلفوني ضايجة ومليت منه دخلت علىٰ الصور وصرت افرفر بيهن بكل صورة عندي ذكريات صرت افر صورة ورة صورة لحد ماطلعت ألي صورة جفلتني ..

عدلت گعدتي وصفنت بيها صورت هاي الصورة للأوراق الچانت توگع ببيتنا واحنة ببغداد وچنت ناوية أبلغ عوف بس ماصارت فرصة ..

حسيتها كئبتني وضيقت صدري زين هسة احذفها ؟ أبقيها شسوي اني حامل ماريد هيج أشياء تأثر عليه .. بعد تفكير قررت بس أشوفه أشوفها اله لأن ماعرفت منو وراهن ..

صليت صلاة الفجر بعدني علىٰ مصلايتي وانفتح باب الغرفة وفات ركضت غصت بيه اني ومحرمي وصلت لنصة دنگ شالني وگال بضحكة ولهفة ..

-عوف: حبيبة روحي لذة عيني

حط أنفة برگبتي وجر نفس مشىٰ بيه وهو شايلني گعدني علىٰ الچرباية وگعد گبالي بالگاع ..

-عوف: هذا الحلو المؤمن منين ؟

ضحكت ونزلت نظري لمحرمي وگفت نزعتة ورجعت حضنتة غمضت عيوني وشديت علىٰ حضنتي ..

-جُمان: مشتاقتلك عوفي الأملح

-عوف: سبيشل جُمان لذة العين ماتوصلين لشوگي

-جُمان: شقصدك ؟

-عوف: يعني لا اتعبين نفسج محد يوصل للأشتياق البيه عليج ولج بكل لحظة روحي ترفرف بطاريج ..

باسني بخدي ضحكت ورحت طلعت اله ملابس يسبح وبهلأثناء طلعت السونار وگعدت مگزگزة ومتحمسة ماعرف شسوي من الفرحة أعرف بيه يتمنىٰ طفل مني بس شنو ردة فعلة ...

طلع وفرش سجادتة خلص صلاة واجة لمني بحضني ومثل عادتة يغمرني بكلامة وأفعالة ويثبت الي مدىٰ أشتيااقة وحُبة الي وين واصل..

-جُمان: حبيبي

-عوف: رويحتة

-جُمان: اممم شنو شعورك لو صرت حامل ؟

گلت الكلام وبعدني عن حضنة بسرعة باوعلي متفاجئ..

-عوف: عود ليش گلتي هيچ ؟

-جُمان: جاي أسألك حبيبي

-عوف: انتِ تعرفين أكثر شيء رايدة وأتمناه طفل منج

بللت شفتي بضحكة ومديت أيدي طلعت السونار وخليتة بنص وجهي وغمضت عيوني وحچيت بحماس ولهفة ..

-جُمان: اني حااامل

ماسمعت اله صوت نزلت السونار عن عيوني بخفة وباوعت صافن بيه ومبتسم وعيونة مدمعة تفاجئت وبلعت ريگ شمرت السونار من أيدي ولزمت وجهة ..

-جُمان: عوفي

أخذ السونار مني يباوعلة وضحكتة صارت من الطول للطول تغيرت ملامحي من شفتة يضحك رفع راسة ألي غمض عيونة وهز راسة ...

-عوف: اخخخخ ولچ اخخ جُمااان شجاي تسوين بيه انتِ

گالها بلهفة ونبرة صوتة ترجف حضني حيل فرحان فرحت علىٰ فرحتة أضعاف انفاسة الحارة صارت تضرب بخدي وهو يهمس ..

-عوف: چنتي لوحدج وگـلبي وروحي وبالي يبقىٰ يمج من أنزل وهسة صرتي روحين !! ولكممم شجااي تسووون بيه راح توگفولي گـلبي

-جُمان: اسم الله اسم الله عوفي ليش تحچي هيج ؟

نزل نظرة لزم بطني بأيديه وگال ..

-عوف: لذة عيني وگـلبي وشالت طفلي شتردين يصير بيه

-جُمان: بس لا تلفظ هاي الحچاية عوفي اسم الله

رجع حضني وهو كل شوية يلزم بطني بأيدة ويگول...

-المسربت مو أتعب أمك

-جُمان: شيفتهم هَـو

-يفتهم علىٰ أبوه يفتهم

-شمدريك ولد ؟

-أن كان ولد أو بنية أحمد ربي وأشكره الف مرة ثنينهم ادللهم ولج اخليهم بعيوني ما احرمهم من شيء بهلدنيا ما اخليهم يعيشون العشتة بيوم اترس روحهم ترس...

-جُمان: ادري بيك راح تكون أب عظيم مثل ماصرت زوج عظيم لأمهم ولونت إلها دنياها السودة ..

حطيت راسي علىٰ صدرة فرحتني فرحتة ألي چانت طاغية حيل طااغية بحيث لثاني يوم عوف بس يضحك بس يسولف ومتونس وطاگ الدنيا دفرة مامهتم لأي شيء حتىٰ من يخابرونة صاير شيء يتلگاه بضحكة ..

******

"رغد"

غمضت عيوني بقلة صبر وهمست من بيني أسناني..

-رغد: شنو تقصد حسين ؟

-حسين: صدگيني هذا الي وصلني وانا احترمج ولأن ما أحب تصير الج مشاكل أبتعدت حتىٰ بكلامي وياج ..

فار دمي فور طلعت أهرول ماشوف گدامي أدور مهيدي بس أريد اللگفة رحت لغرفة المحاميين بس مالگيتة نفخت بضيق وصعدت صار بوجهي طالع من القاعة وبعدة بلبس المحاماة تشخصت انظاري عليه اول ماشافني تقدم الي ..

-مهدي: هلا رغد

-رغد: لا هلا بيييييك مهدي وتااااليييي ويييياااك بزعتنيي !!

فتح عيونة من نبرة صوتي بس ماچنت مهتمة لا اله ولا لغيرة بزعني ..

-مهدي: صوتج شبيج

-رغد: صوتييي !! اعلييي بعد ؟؟ بعد ؟؟

-مهدي: استغفر الله صوتج العالم

-رغد: شوووف وحق الله ورسولة أرفع بيك قضية اسحلك بيهه سحل مهدي استحييي علىٰ نفسك بس تشوفني واگفة يم أحد تروح تگله هاي خطيبتيييي أبتعد عنهااا ماتستحييي انتَ !!!

-مهدي: شوفي رغد

-رغد: ششوف ششوف الله ياخذك مهدددي

أخذت نفس ومسحت وجهي فورني الله يفور گلبه ..

-مهدي: صحيح هذا الحجي رغد ماجاي اتحمل اشوفج ويه غيري والله متخبل

فتحت عيوني مصدومة ورجع كمل ..

-مهدي: وربج رغد مو بيدي اني اسف لهسة احبج وماكدر اطلعج من كلبي

-رغد: تتشاقة انتَ ؟

-مهدي: فهمينيي ماجاي اكدررر انساج

ضحكت وهزيت أيدي ..

-رغد: هذا الكلام كله ما اشتري بفلس سمعت لولا وهذا أول وأخر تحذير مني وانتَ تعرف صيت المحامية رغد شنو اجرك جر والله وأخلي المحكمة چبيرهة وصغيرهة يحطك علچ ويعلچ بيك أسمي ماينجاب علىٰ لسانك بعد

تركتة تحت صدمتة ونزلت صار بوجهي حسين محامي صديقي أغلب شغلي يكون وياه وبيناتنة قضية جاي نشتغل عليها .. وهذا الحقيرر حتىٰ حسين رايح اله ..

-حسين: ها رغد والله جداً أعتذر

-رغد: شتحچي حسين ! تحچي صدگ المفروض من يگول هيج تجي تگلي الله يعلم شوف نص العالم متطيقني هنا الله يعلم شنو يحچي عني يم كل شخص يشوفني واگفة گدامة !!

-حسين: حقج بس گلت هذي حياتج الشخصية ويمكن الي گاله صحيح

-رغد: نشف ريجي

انطاني بطل الماي شربتة متنرفزة ورجعت أشتغل وحسين راح يكمل بعض الاجراءات فزيت علىٰ الإتصال رفعت تلفوني وأخذت الابتسامة مجراها بوجهي من قريت اسمة ..

-مصطفىٰ: شكراً علىٰ الرد ست رغد

-رغد: يدلل النقيب مصطفىٰ

-مصطفىٰ: ترىٰ أعرف عندج شغل وبزنس ومن بس مو لدرجة تعلسين خطيبج گولي هذا المسكين هم اله حق

-رغد: شوكت صرت خطيبي ؟

-مصطفىٰ: والزهرة هذا الرد يسويلي لويه بالبطن

-رغد: هيج تأثيري قوي

-مصطفىٰ: تأثيرج عليه اقوىٰ من تأثير ميسي

-رغد: ملاحظ ميسي صاير ضرتي ؟

-مصطفىٰ: شگد احبة بس والحسين يروحلج فدوه اشهگج شهگ انتِ

-رغد: شكرًا

-مصطفىٰ: رغد لا تطلعيني من طوري شكراً شنو يمتىٰ تحنين عليه تعبان انا تعبان

-رغد: شبيك تعبان؟

-مصطفىٰ: مو حقي ولج رحمي حالي بشر صارلة خمس أشهر يركض وراج مو حتىٰ وصلت للقمة بالركض

-رغد: وصلتك القمة شتريد بعد

عصرت عيوني وضحكت بصمت ..

-مصطفىٰ: جاي تضحكين مووو

-رغد: لا أبد

-مصطفىٰ: جاي تضحكين جاي تضحكين

-رغد: لااا ماجاي أضحك

-مصطفىٰ: بالشغل انتِ يمتىٰ تخلصين ؟

-رغد: ساعة وأخلص وأطلع بعدها

-مصطفىٰ: يله انه عندي شغل بعدين اخابرج

سد الخط ورجعت أضحك من خمس أشهر وهو كل يوم يفتح وياي موضوع الخطوبة ويجيبني منا يوديني منا لا اگله اي ولا اگله لا .. وانه بهاي الأشهر كلها درست شخصيتة واطباعة يله ارتاحيت ..

مر الوقت بين القضايا والركض منا ومنا .. أنتهىٰ دوامي شلت الملفات وطلعت سلمتهن لحسين وطلعت وگفت باب المحكمة يبين شكلي وگفت أعدل بحجابي ألتفت علىٰ صوتة المزعج ..

-مهدي: رغد مُمكن نحجي ؟؟

-رغد: لا

-مهدي: موضوع ضروري نحجي بيه

-رغد: مو مهم عندي

-مهدي: سمعيني ؟

زفرت وألتفت كملت طريقي وهو يمشي وراي ..

-مهدي: ترا ميصير هيج لازم نحجي لازم تفهميني

-رغد: ماتهمني بابا

-مهدي: رغدددد

حچاها بصوت عالي وگفت متضايقة ..

-رغد: أريد أشوف وين توصل ؟

-مهدي: سمعيني انتِ بس سمعيني اني متندم واسف رغد

-رغد: مايهمني أسفك ولا ببالي ليش تلح بيه ؟

-مهدي: ادري بيج تحبيني لهسة ادري

-رغد: تحچي صدگ ؟

-مهدي: والدليل كل هلوقت الي مر وانتِ ماتقبلين بكل الي يتقدمون الج ورافضة تدخلين بعلاقة تحبيني وماتگدرين انتِ تمرضتي عليه اصلاً

-رغد: الله يساعدك علىٰ عقليتك اني لو لسه بهلعقلية وتهمني چان طميت روحي

-مهدي: يعني تنكرين ؟

-رغد: انتَ مثل الي يچذب الچذبة ويصدگها تعرف كلش زين انتَ مو بعيني ولا ببالي بس شوف الفرق الي بيني وبينك ؟ شوف صيتي وأسمي المعروف وشوف صيتك !

-مهدي: شنو قصدج ؟

-رغد: انه چبيرة عليك هواي دور أمثالك مهدي وهاي أخر وگفة توگفهة وياي بخصوص هلموضوع المرة الثانية بيني وبينك القاضي وهو الي يحكم

-يحكم بيناتكم بشنو ؟

درت وجهي وأخذت نفس كملت .. أجيت بالوقت الصح لا كملت كملت ..

-مهدي: انتَ منو

-مصطفىٰ: شعليك حبيبي ؟

-رغد: مصطفىٰ

-مهدي: هذا منوووو ؟؟

وسع عيونة مصطفىٰ عليه بوخ منه ..

-مصطفىٰ: نزل أيدك لا اكسرها وصوتك گدامي تنصي لكك

-مهدي: هاي وياي جاي تحچيهه ؟؟

رغد: هوووب هوووب شبيكممم !!

-مهدي: هذا منو رغد وليش يتدخل ويحچي وياج

-رغد: ولك انتَ شكوووو شكووو راح تخبلنيييي

-مصطفىٰ: انتَ منووو وتخبلههه حيوانننن منوو هذا ولج !!

-مهدي: خطيبهة

-مصطفىٰ: شنوووووووو

-رغد: السااااااابق قصددة

-مهدي: اي نعم المعذرة

گالها بحدة صارت عيني بعين مصطفىٰ الي رفع اله حاجب مثل الي يتحداه ماردت يعرف هذا الشيء منه ردته مني ..

-مصطفىٰ: يله تووكل حبيبي توكل منا

-مهدي: أحترم نفسك اني اوكف بالمكان الي يعجبني وشوكت مايعجبني انتَ منوو

-رغد: روح مهدي

-مهدي: رغددد

-رغد: رووووح گتلك روووح سمعتتتت !!!

ضرب رجلة بالگاع وابتعد اتنهدت وباوعت لمصطفىٰ وجهة مايگصة السيف ..

-رغد: مصطفىٰ ردت تعرف مني بهلموضو..

-مصطفىٰ: أعرف بيه

-رغد: ها ؟

-مصطفىٰ: بس ماعرفة هو هذا نفسة ليش هنا ؟

-رغد: محامي وياي

-مصطفىٰ: محامي گلتيلي

-رغد: اي

-مصطفىٰ: حلو الله يوفقة

گالها وضحك وعينة علىٰ الطريق شنو هلنظرات الغريبة عليه .. أخذت نفس وحچيت ..

-رغد: نوب جديدة وين ما ألتفت أشوفك بظهري !!

-مصطفىٰ: مثل ظلج

-رغد: ايباه

اشرلي براسة علىٰ السيارة ..

-رغد: ماگدر أريد اروح للبيت متأخرة

-مصطفىٰ: مانروح مكان بس نسولف بالسيارة لازم نسولف

راح صعد قبلي بللت شفتي ومشيت وراه اخخ مهدي اخخ وين ميروح سبب بالمشاكل مشيت صعدت لگيتة مورث جگارتة ويزفر بيهه ..

-مصطفىٰ: ترىٰ مامهتم مو عبالج مهتم لهذا الكلببب

-رغد: اوكِ

خلص الجگارة شمرها ألتفت عليه وگال ..

-مصطفىٰ: بس فهميني شنوو تردين اسويلج وتقبلين بيه !!

-رغد: منو گلك أريد تسوي شيء ؟

-مصطفىٰ: چا ليش ماجاي تنطيني جواب رغد ورمتني گـلبي ريحيني لو اي لو لا فكيني من التفكير التفكير راح يطلعنييي من دينيي

-رغد: الا دينك أثبت عليه

-مصطفىٰ: ولج رغدددد

ضحكت وبللت شفتي أخذت نفس صافنة بالكشن وهو صافن عليه ..

-مصطفىٰ: ماترديني ! ماحبيتيني !!

گال الكلام بحرگة عيونة ناااطة وعصبي فعلاً چان عصبي أول مرة أشوفة عصبي هيچ الله ياخذك مهددي بس اشو عصب وصار أحلىٰ بزيادة والله هلمصطفىٰ يصفن من الحلا فززني من تفكيري السخيف صوتة من رجع گال..

-گوليها ميخالف توجع گـلبي بس أهون من الكلشي ماكو

-شنو هي الاگولها ؟

-مصطفىٰ: گولي ماا حبيتك رغد عااادي گوليييي

-رغد: حبيتك

حچيتهه من بين أسناني وعيني ليگدام ماباوعت اله ولا شفت شكلة حتىٰ گلبي رجف مو بس جسمي من شعوري من وضعي كلشي بيه مستغربني ..

-مصطفىٰ: ورمتي گـلبي بهلسوالف

-رغد: مو صوچك صوچييي

گلتها وردت انزل لزمني من أيدي درت وجهي عليه رمش رمشات سريعة بوجهي ..

-رغد: شبيك مصطفىٰ !! سويت عندي تناقض بمشاعري راح اتندم لأن حچيتهن

-مصطفىٰ: گرصيني

-رغد: شنو ؟

-مصطفىٰ: ولچ گرصيني خل أستوعب حچايتج

ماگلت شيء مديت أيدي گرصتة بخدة وهو فز فزة منها ..

-مصطفىٰ: نعلعله ابووو هيج مشاااعر ماكلة نعلل چا بوجهيييييي

-رغد: انتَ ردتني اگرصك حتىٰ تستوعب وانا گرصتك هسة استوعبت ؟

-مصطفىٰ: لخاطر گملات طليان يعقوب يعني تحبيني هذا الحب الي نعرفة تحبيني ؟؟

بيومهة بزعنييي حتىٰ هلاهل صار يهلهل .. وكل ما أريد انزلة يچلب بيه لحد ما أخذ مني الموافقة يله هدنيي رجعت للبيت سبحت وارتاحيت بيومهة بالليل أجت خالتي ام مصطفىٰ بالليل تخطبني ..

كلهم چانوا فرحانين خصوصًا أخواني أبد ماعارضوا ولا بكلمة ولا حچاية زايدة بس أكيد گعدوني بنصهم العوف وقاسم وصاروا يسفطولي بسوالفة وحدة وحدة الي هو أصلًا حاچيهن الي قبلهم بس أشياء عادية وطبيعية ..

(*رغد ماقبلت ننقل قصتها كاملة ويانة لكن نقلت هلمشهد بسبب حُبكم ألهم 💚..)

******

تعبت بفترة حملي حييل والي تعبني أكثر رغبتي اله صرت أريدة يمي بكل وقت ومن ينزل ابچي وأتعب وانهلك اخابر بيه واشهگ وهو يلووب .. واني نفسي مافاهمة ليش رغم نساوتي خلصت وراحت بس تعلقت بيه مثل الطفلة وهو مرتاح للوضعية ..

گعدت للدوام بدلت ونزلت اسحل بنفسي سحل بهليوم چانت منار ممداومة مريضة واني أتعب حملي تعبني بس اداوام وأحاول أغلب تعبي لأن ما أريد السنة تروح عليه.. گعدت بالقاعة روحي مسحولة سحل أريد بس أرتاح گدامي الدكتور يشرح بس عيوني تگلي غمضي لتشوفينة ..

ماحسيت ألا علىٰ صوت الدكتور قريب مني رفعت راسي فتحت عيوني بصعوبة ..

-جُمان بابا هذا وقت محاضرة مو وقت نوم !!

هزيت راسي وسكتت أبتعد عني ورجعت نزلت راسي مودعة الواقع .. فزيت علىٰ صوت الطلاب چانت أخر محاضرة هاي شلت كتبي خليتهم بالجنطة وطلعت اسحل بنفسي منتظرة السايق ..

گعدت علىٰ المصطبة أنتظر السايق طول شبي اليوم طوول .. واني خلگي بخشمي ولعبانة نفسي من نفسي الطلاب كلهم طلعوا بقينة بس اني والحارس وكم طالب بعد طلعت من الجامعة منتظرتة برا .. تعدىٰ واحد من يمي وگال ..

-خييير ياحلوو ليش گاعد وحدك

فتحت عيوني مذهولة عزا ياقليل الادب ياحيوان شحيت نظري وغلست عنة ملتهية بضيمي ابتسمت واني عيني علىٰ بطني شلون صايرة ..

-هم حلووو وهم ثگييل ماتررد

گال أخر كلمة بصياح وماحس إلا صوت يرعد اجة من وراه فزيت مصدومة ..

-ولكككككك تتحااااارش بمررررتيييييي گ***

نهضت مرعوبة بعده الولد مالحگ يركض وهو تقدم دفره دفرة وگعتة للگاع ونزل شاله يعت بيه واني مصدومة عززا شجاابة شوكت نزززل !!

-لكككك تتحارش ببنات العاااالمممم زنددددديق حيوااانننن

لزمة يعت بيه يمين يسار وعيونة براسة متخبل وهذاك تسودن احتار شلون يبرر ويجاوب ..

-انتَ فاهم الموضوع غلط خوية فاه..

-صمممم حلگك لا اسدة بالقندررررررررا حيوان سمعتك بأذنيييي ولكك تچذبنييي

-خوية بس اسم...

-انعل والديييييييك اليوم بس اصبرليييي اخيسسسك واربيك والله

رفع تلفونة أتصل علىٰ منو ماعرف وسدة والعالم التمت علىٰ صوتة ومن عرفوا بيه ضابط كلها انسحبت بهدوء بدون كلام زايد .. تقربت يمة أريد احچي بس سكتت من شفت شكلة وسمعت صوت الدورية صار قريب ..

وگفت السيارة ونزل منها ضابط سلم عليه لزم هذا الولد وشمرة شمر عليهم حالة صار بالووويل وهو يتوعد بعد يتوعد اله لزموه دخلوه سحل بالسيارة وطلعوا ..

من الخوف حسيت راح أولد مبكر أشر الي علىٰ السيارة وراح صعد قبلي عززا صخاام شطلعني لو باقية بالجامعة منتظرة علىٰ الاقل الحاررس موجود ..

مشيت صعدت وهو ماحچة كلمة بس يزفر ومن احچي وياه ما يجاوبني وصلنا ونزلت دخلنة من باب بيتنا ..

-جُمان: ليش متحچي وياييي !!

نزيت من دفر الطاولة برجلة تصنمت بمُكاني ..

-عوف: هذوووول الادبسزية چم واحد مسووويهة وياج من قبل !! ياهو تعرفينهم تعرفيييينهم گليلي بأسمائهم

يحچي عيونة براسة متسودن تقربت عليه أهدأ بيه بس ماكو فاصل ..

-جُمان: حبيبي والله ماصايرة وياي هاي اول مرة !!

-عوف: حواوييين قناااادر مسرربتييييين مايدرون متزوجةةة

-جُمان: عوف بس أهدأ حبيبي لا يرتفع ضغطك

-عوف: اخخخخخ يا ننذذذذذل اخخخ يا نذذذذل يتحارش بيج بسييييطة

بيومهة ماكو ماهدأ ولا ركد بس وياي يهدأ وبعدها يرجع يثور ويتوعد .. طلع وبعدهة مارجع لحد الليل رحت سويت عصير واجيت للغرفة شفتة مموجود سديت الباب ورحت لغرفة شغلة ..

مثل عادتة مندمج ويشتغل فتحت الباب ورفع راسة مشيت خليت العصير علىٰ الميز شلت الحاسبة وهو يباوع بأستفهام أخذت عصيري ودخلت بحضنة رفع حاجبة ..

-عوف: تدورين حرشة؟

-جُمان: امممم

-عوف: نساوتج وخلصت تتختلين بحضني بنص شغلي ليش ؟

قلصت عيوني وحچيت ببراءة مصطنعة..

-جُمان: غير زوجي ؟

شح نظرة عندي ومد روحة أخذ حاسبتة واني لسه خاتلة بين رجليه ..

-جُمان: زعلان مني عوف ؟

-عوف: تؤ

-جُمان: شو باوعلي

لزمت وجهة بأيدية اعصر بيه وهو يفر بيه ..

-جُمان: باوعليي باوعلييي

-عوف: باوعت حبيبتي

-جُمان: شسويت بالولد ؟

-عوف: يا ولد

-جُمان: تعرف يا ولد تعرف تغشم نفسك

-عوف: هههههههههه

-جُمان: شسوويت والله سويت اله شييي !!

-عوف: بالعكس ربيته جُماني ربيته بطريقة راح يدعيلي عليها

-جُمان: يدعي الك لو يدعي عليك شسويت بيه ؟

-عوف: ليش مهتمة لهذا الحيوان

-جُمان: ممهتمة بس حاسة لعبت بيه فلك

-عوف: هههههه

-جُمان: ماتحچيلي مو ؟

رفع ايدة أخذ خصلة من غرتي برمهة بأيدة قرب نفسة باسني بعيوني وگال بهدوء..

-عوف: شحچيلج جُماني ياحبيبتي ياروحي انتِ خيولي اتحاسب وبعدة مايعيدهة

-جُمان: تمام

گلتها وطكها بضحكة ..

-عوف: أشو متسرسحة

طبگت حواجبي ودفعتة وابتعدت عنه وهو مستمر يضحك..

-عوف: هسة تدفعيني چا ياهي تشمشم وتدور مشابگ ليل ونهار الحمل سوىٰ اخلاقج سز

-جُمان: بس يخلصص حملييي ولا ارييييدك بعد الأملح

-عوف: ميخالف أرجع احبلج

-جُمان: تحلممم تحلممم

-عوف: دستري علىٰ روحج خايف علىٰ الفرخ انه

-جُمان: اي تفكر بيه ماتفكر بيه بعد اني بيش الكيلوو

-عوف: هذن مو خوش هرمونات رجعيلي علىٰ السربتة ميت عليها

-جُمان: اوگف تذكرت شيء

-عوف: مابيه اوگف حبيبتي

-جُمان: اقصد اگعد

-عوف: گاعد

-جُمان: يبوووو انتظررررر اقصددددد انتظررر تذكرت شغلة

هزيت راسي مديت أيدي طلعت تلفوني من مكاني السري وهو رفع حاجبة ونظراتة الفاسدة محصورة بضحكتة طلعت الصور راويتهم إله رمقني بنظرة استغراب ..

-عوف: شني ؟

-جُمان: چنت افرفر بتلفوني ولگيتهن هاي الأوراق چانت توگع علىٰ بيتنا كل يوم لمدة أسبوع وبنفس هلشكل ومن منو ماعرف !! ولهسة ماعرفت ونسيتهم ويه مرور الوقت بس صارو گبالي

هزيت راسة شافهن سريع وانطاني التلفون ..

-عوف: أخبارج بايتة وعتيگه بعد گـلبي

-جُمان: ليش ؟

-عوف: مصدرهم حامد چان ولهذا السبب انا جبتكم للبصرة ولأن چنت أعرف راح يصير شيء ببيتكم

-جُمان: يعني چنت تعرف بيهن !!

-عوف: لا چنت أنتظر تتذكرين ورة سنة يله تگليلي

فريت نظري للگاع ومديت أيدي حكيت راسي وهمست بين أسناني ..

-جُمان: بلوة مو رجال شيطان كل شيء يعرف

-عوف: جاي أسمع

رجعت همست ..

-جُمان: وسمعة قوي نوب

-عوف: صحيح

رفعت نظري ضحكت غصباً عني ومشيت تركتة يكمل شغلة لأن إذا گعدت يمة ماراح يشتغل يحب الهدوء والتركيز ..

بهاي الأيام صرت أنزل قليل لأن الدرج يتعبني وماما غرفتهة بصف غرفتي صاروا قليل يصعدون يمي لأن ملتهين بتجهيزات رغد وخطوبتهة ..

هو طلع واني صرت اللوب عليه وهذا ابني الفاسد مثل أبوه شالع گـلبي يريد أبوه من هسة .. اي اي أتحمل الضيم وتاليتة يطلع لأبوه ..يله لعد شريد اني إذا ميطلع لأبوه يطلع يشبه منو ..

نص ساعة وفات عليه عقچت وجهي ودرتة عنة تقرب الي گعد بمي يتحارش بيه خلا گدامي كارتونة نمبر وان ..

-عوف: ألي يشوفهة يتهيء اله ويشوفهة نستلة عادية بس هاي عيارة مثل صاحبتهة بسببهة انضحك عليه بالفجريات

ماتحملت ضحكت ودرت وجهي عليه مد أيده سحبني مشيت وياه مستغربة أخذ تلفونة شغل اغنية وتركة علىٰ الميز ورجع سحب أيدي يفر بيهة ويه الموسيقىٰ لحد مابدت كلمات الأغنية..

"بعشق روحك والكلمات بعشق احساسك بالذات
كيف بتمشي وكيف بتحكي ...
قلبي بيشتاق الك بجنون مابعرف مع غيرك كون
ولا بقدر مع غيرك احكي ..

من أول مرة تلاقينا احساسي من جوا تغير
حبيتك مابقدر قلك لو بعرف بوصف الك اكثر
انتَ مش بس بتعجبني نظرة منك بتذوبني
بعيش بحبك وبموت ..

"انا لحظة عنك تبعدني ولا مُمكن أقدر أتصور
انتَ بعدك بيعذبني مافيي منك أتحرر

-عوف: وما راح تتحررين جُماني انتِ بقيود العوف

-جُمان: خليني بين ايديك وللأبد ما أريد أتحرر من قيود حبك الي وحنيتك واهتمامك وخوفك عليه وحرصك وامانك ماريد اتحرر منهم أريد ابقىٰ بين هلقيود لأخر نفس بعمري ..

نزلت دمعتي مسحهة بطرف صبعة قرب نفسة وهمس بتنيهدة..

-احبنج واحبج حييل

-عوفي

-عوف: بعد بعد كل تعب هلدنيا حظيت بيج

-جُمان: يا أول دگة حب تصير بگلبي ..

-عوف: ياكل ناسي انتِ

-جُمان: محبوبي الأملح

-عوف: اخخخ العييارة ام المصايب

-هههههههه

-فدوه اروح لضحكتج يابعد خيط النفس ..

-جُمان: انتَ الي الله جبر خاطري وعوضني بيه انتَ الي أگدر اگول عنه السند عوف واخلي راسي علىٰ مخدي مرتاحة مطمئنة سندي الحنين رجالي ألي يفز گـلبي بذكره بطلي انتَ ..

رخت ملامح وجهة بقىٰ مبتسم ونظراتة مثبتة بوجهي وگال بلهفة ..

-عوف: روحي بروحج ..

-جُمان: وروحي بروحك ..

رفع راسي بأيدة بقىٰ يتأمل وجهي والاغنية لسة مشتغلة طبع بوسة طوويلة علىٰ راسي وأخذني بحضنة وهمس يم أذني ..

-إذا مو بيج بيمن تستلذ روحي ..
العوف ..

لطالما أخذتني الحياة لمحطات مختلفة وكل رحلة كانت غريبة مُخيفة أخذت حيل من حيلي وكلفتني الكثير أشتدت عليه الحياة بوقت من الأوقات لدرجة من أفكر بشعوري بوقتها چنت مختنگة مثل الحبل علىٰ رگبتي چنت دائمًا أگول خلص مالي خلاص ومالي مهرب ..

لكن للحظات قرر رب العالمين يكافئني بيها علىٰ صبري وعلىٰ تحملي للي عشتة ويغير حياتي كلها .. كافئني بأنسان كان حنون حتىٰ علىٰ اخطائي وأغلاطي رجل شُجاع الدنيا نفسها تحسب اله حساب مُمكن يكون اعظم من هذا الإهداء..

ومع المشاكل والاكشن الي ميخلص بحياتنا استمرت حياتنا بكل حُب منار حياتها ويه قاسم أجمل حياة وقاسم صار إلها السند الي الكل يتمناه بحياتة وصارت عندهم طفلة وقاسم طاير بيها .. ورغد اتزوجت هي ومصطفىٰ ومرتاحين ويه بعضهم حيل ..

واني صار عندي (عون) الي عوف أختارلة هذا الأسم
وهذي كانت نهاية حياتي الي بعد العسر كان اليسر موجود وبعد الأخذ اجة العطاء وبالنهاية أحب أگلكم دائماً اختاروا الناس الحنونة بحياتكم ...

"مسك الختام" 💚..

شعوركم ؟🥹
بعض الأشياء ماسمحوا ننقلها بشكل تفصيلي لخصوصيتهم احترمت هذا الشيء ونقلت المُهم عنهم ..
لهنا ونودع أجمل أبطال سردت تفاصيلهم وشخصياتهم المسك 💚

حسابي بالانستا نسولف بيه وننزل بيه أشياء بخصوص الابطال 💚🥳

⠀ ⠀⠀⠀