العراق :للكاتبه فاطمة العساف
Ins :fm.f21
_______________________
أريد ان أُحبك دفعةً واحدةً
دؤن مُقدمات ، دؤن وقَوفًا على مِنَصَّة الاعتِرافّات
دؤن خوفًا منَ العُمْق الذي سأحبك بهَ
أو قلقًا مَن الخيبةٍ آلتي ستُحشر في حنجرتي
أرغب في أن أُحبك أكثر حتى الامتلاء، حتى التشبُع
أن أغرق بك وانصبُ صبًا في كَف يِديك
أريد أن أشفى بك بعد عُمرً منَ المشقةِ والعناء
واحتفظ بك كالحقيقة الوحيدة التي أحُظى بها في زَيف هذا ألعالم…
والآن لا أريد شيئًا سواء أن أضع راسي على صدرك وأنام مستمتعًا في هذا الأمان إلى الأبد
__________________________________
ناي : بقيت اباوع على إسلام جنت منتظره يجي يحجي وياي او يوضح الي غيابه
بس مصار كُل هذا من ترك المكتبه وطلع
مافهمت تصرف الي سوا
شنو لازم أسوي هسه؟ امشي ورا واحجي ويا لو اتجاهل الموضوع وكأنو مصاير شي
الأفضل اتجاهل الموضوع ليش انطي اهميه لشخص ماانطاني أهميه بحياته
إسلام : مو بيدي گلبي دائما يخوني ويجيبني لمكان الي هي بي
مكدرت ابقى مدة أكثر مشايفها
من رجعت من العراق واني مقرر انتهى علاقتي بيها كليا
لحظتها رجعت بذاكرتي عن سفرتي للعراق
بعد ما وصلت مصار ميونخ الألماني
حجزت لمطار اسطنبول و لازم انتظر كم ساعه بالمطار
جانت كميه التعب النفسي الي بيه اكثر من التعب الجسدي
حسيت نفسي اريد اتقى احشائي وكل الي بداخل جسمي
سبحان الله الي خلق القفص الصدري لولا وجوده بداخل الجسم
جان الگلب طلع من مكانه
جان المطار مثل كل المطارات بالعالم مزدحم
بالناس من مختلف الاعمار أطفال وكبار ونساء ورجال
صوت ضحك الأطفال يلفت النظر اكثر من صوت كلام الناس
لحظتها تمنيت نفسي طفل حتى اكون فارغ من كُل هم وماعندي اي مشاكل
واعظم مشاكلي وصراخي من اهلي يجبروني انام الظهر مااطلع العب بره البيت بطارمه
مرات الأحلام بسيطه بس تحقيقها صعب
وره كم ساعة مرن صعدت بالطيارة الي المفروض توصلني لمطار اسطنبول الدولي
جان المسافر الكاعد بالكرسي الي بالجانب الأيمن
لاف ايده باندج وفوكاها لفاف أبيض
من شفت ايده اجة على بالي سؤال
_منو اصعب الالم الجسدي لو الألم النفسي
ماكو الألم سهل والألم صعب
كل انواع الألم الي تصير بالإنسان هي صعبه سواء نفسية وجسدية او عاطفية
ماعدنه اي حق حتى نقلل من شعور باالألم ونزيد من صعوبه الألم
الجرح الي انت تشوفه بسيط بغيرك
ممكن صاحبه يحس بكميه الالم ما تنوصف
وممكن اكو جروح جبيره بس تحتوي على كميه الألم خفيفه والجرح يكون سطحي
حاولت اغير تفكير الي بالي
باوعت على منظر الغيوم جان يعبر مستوى الوصف
مرات احس ملمس الغيوم مثل القطن هيج ناعم
وترف من يلزم
ومرات احس الغيوم مثل الدخان مجرد ما تلمسها تختفي
مرات اضحك على تفكيري
من وصلت مطار اسطنبول حسيت نفسي صرت قريب على العراق
يمكن بسبب العادات والتقاليد التركيه الي قريبه من العادات والتقاليد العربيه
او يمكن لانو اكو كلمات مشتركه بين الدولتين
حجزت لمطار بغداد
اجه بالي افتر شويه قريب على المطار بين مايجي موعد الطيران
احس شويه هدء وضعي وستقرت نفسيتي
تذكر كلام امي من تجيني هيج حاله وبعدين ارجع طبيعي
_ها عافنك؟ وراحن
تقصد خبالاتي جانت ست الوالده تشتغل طحن وتحطيم الخواطر
جان اكو قريب على مطار عربانه متنقله و جان صاحب هاي العربانه رجال جبير يبيع جرك تركي ويا جاي
اشتريت منه انطاني انطاني الجرك بداخل ورقه لانو حار
جان هذا اول شي اكله من طلعت من شقه
لحد ما وصلت هنا
بعدها رجعت لمطار
بقيت كم دقيقه بصاله الإنتظار وراها توجهت اني وباقي المسافرين لطياره
مجرد كعدت بالكرسي المخصص الي سلم جسمي نفسه لنوم
كعدت قبل لنوصل مطار بغداد بربع ساعه
من مطار اخذت تكسي
شنو اكول للأهلي؟ لو سئلوني عن سبب رجعتي
حتى بدون ماانطيهم خبر او ابلغهم بجيتي
احجي لطيف؟ عن ناي لو اتجاهل الموضوع كأنو مصار
فكره تاخذني وحده ثانيه ترجعني
تجاهل كلشي والي تجيبه الأيام هلا بي
وره كم ساعه وصلت لبيت جان بيها وقت متاخر كلش وبدايه شروق شمس دلاله على بداية يوم جديد
اتصلت على واحد من اخواني حتى يفتح الباب الي
بالبدايه جان اخويه ما مصدك كلامي انو اني واكف بالباب بس من فتح الباب وشافني اقتنع
حظنت اخويه واني احس جزء من تعبي راح
وتلاشه
بقينه اني ويا نحجي بطارمه حوالي نص ساعة
وراها
دخلنه لبيت اثنينه بهدوء حتى لا يكعد أحد
بس جانت امي كاعده من شفت امي
كل الي صار بجهه و حظن امي وريحتها بجهه ثانيه
كل كلمه من امي تعادل ضماد لجروح نفسي
يمه خليني بحظنج مشتاقتلج
هي كعدت بكاع واني تمدد وخليت راسي على رجليها بحظنها
وهي تبوسني بوجهي
شويه وبديت انام حسيتها من رفعت راسي بيدها وخلت مخده جوه راسي وغطتني
كعدت على صوت ابوي وهو يصرخ
كعدو هذا شعده نايم بكاع مو عده غرفه ومره ليش ما نام يم مرته
كمت من مكاني غسلت وبدلت ملابسي
طلعت من الحمام اريد أروح يمهم بصاله
صارت طيف بوجهي ابتسمت الها هلو
طيف :هلا اشلونك
إسلام : بخير وانتِ
قطع كلامنه صوت ابوي
_هسه تذكرت تسولف وياها واحنه نريد نتغدا جا ماسولفت وياها البارحه بدل نومتك بكاع
ابتسمت الها ورحنه يمهم نتغدا وياهم
وره الغدا اجت علينه خواتي المتزوجات واخواني وتجمعنه كلنه لاحظت علاقتي امي وطيف مو تمام حتى كلامهن سطحي
اني عندي اثنين خوات و خمس اخوان واني الولد السادس
جان اخوي مجد الجبير واني الي بعده مباشر
وخواتي الاثنين وراي وراهن باقي الولد
لحد وره العصر على بداية المغرب اجه مجد يمي دقني بظهري باوعت عليه ها شنو
مجد : كوم نروح نشوف لعبه
إسلام : هاي يالعبه ماكو لعبه اليوم
مجد :هسه هذا الاثول شنو يكومه غير كون يسكت ويكوم
خزرته كتله لا اكو قبل نص ساعة حددو لعبه
جريته من ايده جر يلا كام
شبيك كمت ما تستوعب
إسلام : اي شمدريني انت تكلي لعبه
مجد :اي سولف
إسلام شنو اسولف؟
مجد :شنو جابك هل وقت وبدون سبب
لازم مسويلك مصيبه أكبر من راسك
إسلام : لا والله كلشي ما مسوي
مجد : نفسي اصدكك بس مااكدر مهم سولف
اسلام : كلت احب بنيه غير طيف بدون مااباوع على مجد
مجد :من فرح صوفرت
إسلام : لك صوتك شبيك فضحتنه بالشارع
مجد :بالعباس جنت اعرف راح تحبلك بنيه هناك
إسلام :بس عوف الحلفان على جهه
مجد : عمي بالحسين خوش
إسلام :لا حول الله احجي بدون ما تحلف
مجد :ما مفهمت وين المشكلة
إسلام :شنو وين المشكلة جاي اكلك احب بنيه
هاي مشكله ومتزوج طيف هاي مشكلة
وابوي لو عرف تصير مشكله
احب ناي اي بس ما تهون عليه طيف خطيه
شنو ذنبها تاذه
مجد :اذا تحبها تزوجها
إسلام :شوف هذا شيحجي هسه بلا شحجي وياك
اكلك ابوي مايقبل وطيف ماتهون عليه تاذه بسببي
مجد : عيش حياتك لنفسك لا تعيش حياتك لغيرك
ابوك ما ميت عليك من جبرك تزوجها
وانما كال ليش تزوج طيف واحد غريب وياخذ من الورث من حصه طيف
كالك اخلي إسلام يتزوجها والفلوس متروح لغريب
وطيف من تزوجتك حتى تراضي نفسها وتزوج شخص تحبه لعلمك هي تعرف بيك متحبها وانما معتبرها شخص عادي
إسلام : مع كل هذا مااكدر اكسر بيها ما تهون عليه
مجد :لعد اتحمل من تشوفها تزوج غيرك وتصير لغيرك
اخذها مني اتزوجها بس مو هسه
بعد سنه
وره ماابوي يتزوج اعلن تمردك واتزوج
إسلام :هي شنو اعلن تمردي
شنو ابوي حكومه ومااعرف بي
مجد :ابوك اناني يحرم علينه يحلل على
نفسه
هو منعك تزوج الي انت تختارها بحجه الحب يجي وره الزواج
وهو يريد يتزوج الثانيه
طول عمره يمنعنه نتأخر بالوقت باليل عن البيت وهو يتأخر
طول عمره يتدخل بحياتنه يفرض علينه شي ما حابينه بس لانو هذا شي عاجبه هو
واحنه لازم نكله حاضر
طول عمره ما سمعنه منه كلمه وحده حلوه
عن ياابو تحجي
هو من نفسه الي ما قبل اختك تطلك
مع انو هي متاذيه من زوجها
تخيل من تريد تجي النه تتصل عليه إذا ابوي بالبيت هي ما تجي ومن يطلع تجي
هاي وتريدها تقره الفاتحة على روحه وره ما يموت
لا والله تنعل روحه صبح وعصر
تعرف شنو مصبرني عليه
إسلام :شنو
مجد : يكلك بيوم القيامه ينعلون ابو ابو العاق بوالديه
إسلام : زين اكو شي طلع مخوفك
مجد :بس الي مريحني ابوي جان عاق بوالديه
يعني سلملي
إسلام : ضحكت على سوالفه
منو كلك ابوي يريد يتزوج
مجد : اني سمعته
لك كتلك وره ماابوي يتزوج بسنه انت هم تزوج واعلن تمردك على حكم الدكتاتوري
وخلي ابوك امام أمر الواقع
وعليه دعم معنوي
واذا ابوي طردك هم ادعمك دعم مادي شنو تريد اكثر من هيج بعد
يااخي لو اكو اثنين مني العراق بخير
اريد اخو مثلي لنفسي
إسلام :عفته يمدح بنفسه وبقيت أمشي كدامه وافكر بكلامه
لا مستحيل اسوي الي كال عليه هذا المخبل
وصلت قبله لكهوه
لكيت الولد أصدقائي متجمعين
بقينه سوالف ونركيله وضحك
شويه و جبنه دومنه كيم ياخذ كيم والي يخسر ينضرب على راسه
صارت بالعشره بليل رجعنه اني ومجد لبيت
طول الوقت ناي على بالي بس احاول اتجنب تفكير بيها
من وصلنه لبيت مجد راح لغرفه الفوك شارد قبل ليشوفه ابوي
وابوي اصلا جان كاعد وحده بصاله يباوع اخبار
وامي ترش الحديقه بالمي
بس مريت من يم ابوي كال
_خليها بالك بس ترسب السنه ترجع للعراق
جاوبته ان شاء الله حجي
صعدت لغرفتي جانت طيف تنتظرني
سلمت ودخلت
اول ماكعدت بدت طيف تشتكي من امي واخواتي هيج سون وياي وهيج كالن الي ماانطيت اي رد فعل مجرد جنت اسمع
بديت اشوف جانب ثاني من طيف ما جنت اشوفه
اخر شي دخت من كلامها ونمت
ثاني يوم كعدت ويا اختي الي ما متزوجه وحدنه بدينه نحجي عن دراستي ودراستها
وعن وضعي خارج العراق وعن ذكريات قديمه
من خلال الكلام سئلتها شنو صاير بينهم وبين طيف
_ تره مرتك مسمومه
إسلام :ضحكت ليش
_ اول شي توصل كلام وتنقله للابوي
ومن وراها مرات تصير مشكله بين مجد وابوي بحجه ياكلت لعمي بالغلط وكل كلمه تنكال بيتنه توصل لذان ابويه وهو فرحان بيها مشغلها جاسوسه
إسلام : غيرها
_ وجهين كدامك وجهه وراك وجهه كدامنه تحبنه وميته علينه ورانه تحجي علينه
ولسانهه طويل وترادد بس مجد كل ركعه يركعه على وجهه ولا الثانيه
مره كالت انصدمت بيكم طلعتو ما ينعاش وياكم
مجد كلها على اساس العيشه وياج تطول العمر ولا كانو تكصره
إسلام : غيره
_مااعرف مااتذكر سوالفها هوايه هسه كم يوم وتشوف بنفسك يلا خلي اكوم بعدين نحجي
إسلام : طلعت مشكله جديده
تختلف عن القديمات
يلا نعيش ونشوف غيرها
مرن الاسبوع واجت سنه جديده وكلها محتفله بس اني وحيد بيومها جنت مطايق نفسي من كد ما مشتاق لناي
وروحي بخشمي بس اريد سبب حتى اتعارك عليه
خلال المده جانت طيف تحاول تحصل على طفل بس اني رافض الفكره وضعي مو مال اطفال وخاصه بدراستي خارج العراق
طفل مسؤليه مو لعب
وره ثلات أسابيع من جيتي العراق اتصل عليه يوسف
وهو يبلغني انو لازم ارجع لدوامي لانو ابلاغات عن غيابي بالكليه زادن عن العدد المقرر واحتمال انفصل
اطريت اترك اهلي وارجع لندن
ما جنت مشتاق لشي بكد ما مشتاق الها
ما جان عندي لهفه لشي بكد لتفهي على شوفتهه
اول اسبوع من بعد رجعتي لدوام كوه اصبر بنفس حتى مااشوفها بس بنهايه گلبي انتصر عليه
وشفتها تدرس بداخل وحده من مكتبات ما جرأت احجي وياها كلمه خفت تسألني عن غيابي ومااعرف شنو اجاوبها
ناي : من كملت دراسه طلعت من المكتبه اريد ارجع لبيت
سمعت صوت موسيقى وعزف بعد مسافه عني
بقيت امشي على مصدر الصوت طلعت مجموعه شباب كاعدين على جانب الشارع ولد يعزف كمال وبنبه تعزم كتار ولد ثاني يغني
ومتجمعين ناس حوليهم بيهم الي يصفكون واكو الي يركصون
ابتسمت على جمال الأجواء الحلوه الي سوتها هاي المجموعة
صورتهم فيديو
حتى اشوفهم للأمي من كملت الاغنيه رجعت لبيت
اول مدخلت قبل لا ابدل او اكل شي اجيت يم امي
اشوفها الفيديو واسولف الها وهي تسمع الي و تضحك على ضحكي وتوخر بشعري من وجهي
خلي اكص شعري
_لا
ناي : لا عفيه كمت ركض لمطبخ جبت المقص والمرايه
كعدت كدام امي يلا كصي الي لحد جتافي
_ لا هيج هوايه
ناي :لا والله مو هوايه احسن
كصته الي وفرحانه بكصه كل ساعه اباوع على نفسي
من فرحتي ردت اراسل اسلام واكله بعدين بطلت
ترف : الامتحانات الشهريه جانت عباره عن انتقام الاساتذه من الطلاب تجينه اسئله ما شايفتها قبل بالملزمه وره الامتحان الطلاب كلها تشكي وتحجي على صعوبه الاسئله
ومن يوزعون الدرجات درجات الكامله يطردون عيون
واني وكم طالب نطلع لو راسبين لو على حافه مع انو شكد ادرس
علاقتي بمرتجى جانت تزيد وتقوه يوم بعد يوم من خلال مراسله او نحجي بالدوام
بدون اي قصد مني
جانت الأيام بالنسبة الي تمر هادئه
دوام وامتحانات ونوم حتى مسلسلات تركتهن بالعطلة ارجع الهن تفكيري بقيصر بده يقلل حتى حبي الي بده يخف
بس مرات اسئل نفسي تصالحوا هو وسما لو سما فعلآ راح تزوج
شعليه بيهم
جان هذا تفكيري واني بداخل الامتحان
بعدين كلت وين اكو وحده داخل قاعه الامتحان و تفكر هيج وهي تمتحن
وره كم دقيقه طلعت من الامتحان
وكفت باب القاعه اجمع درجتي شفت مرتجى واكف يسولف ويا ولد بس لمحني تركه واجه باتجاهي وصل يمي وكال
مرتجى : هلا بل الما يدري بيه وين ما وين هلا بعروق اديه هلا برمش ولعين ♥️
ترف : هاي العبارات حلوه من وين تجيبهن
مرتجى :بس والله مو أحلى منج
ترف : لتحجي هيج
مرتجى : شبيج خلي احجي
علاء :عفيه لتنطينه مجال ولا تحبينه خلي يبقى بحسرتج
مرتجى :شجابك انت
علاء : بس شفتك وكفت يمها اجيت حتى اخرب عليك
مرتجى :هو هم حظي عفت الناس كلهم ومكابلني
ترف :يلا من رخصتكم اروح اني ابويه منتظرني بره
مرتجى :هسه ارتاحيت
علاء :كلش مي بارد ونزل على گلبي
مرتجى : اخذك على كد عقلك وماارد عليك
تركت علاء وركضت وره طيف
من صرت قريب عليها بقيت امشي رواها بطيء و بهدوء
بعدين انتبهت وكع منها شي هي ماانتبهت عليه
من وصلت اله ورفعته بيدي ب البداية عبالي اسوار بعدين طلع حجل ذهب
من شفته عدل مجان مقطوع وانما مفتوح واكع من رجلها اجيت انطي الها بس من طلعت من استعالامات الجامعه لكيت ترف ماكو يعني رايحه
خليته بجيب بنطلوني ومشيت
من وصلت لبيتنه نسيت وجود الحجل بجيبي تغديت و ومن تمددت ردت أنام
تذكرته ركضت لملابسي الي بقن بالحمام طلعت الحجل من جيبي ورجعت لمكاني تمددت وبقيت اركز أكثر بي جان لونه ذهبي وبي نجوم نازلات منه واول حرف من اسمها
شكل الحجل كلش حلو
قررت اخلي عندي ومن اتزوجها البسه الها
وراها نمت هيج بسبعه بليل كعدت
تعشيت وصليت وكلبت بالملازم هيج شويه
بس شفت المواضيع الداخله بالامتحان
وراها طلعت ويا علاء وباقي الولد لمسبح
ورجعت بالعشره هيج راسلت ترف
موجوده حبيبي
وره ربع ساعة يلا ردت
ترف :اني الحال حالي ومحتاره بالامتحان كاعده متربعه بوسط غرفتي والملازم داير مدايري وشعري لافته ورافعته بقلم
وكاعده احل اسئله المسائي واسئله العام مال الماده وهذا الفايخ يراسل
رديت على رسالته شنو كملت المادة
مرتجى :ليش هيج شنو يراد الها هي مادة كلها كم ملزمه شفتهن على سريع
ترف :من كلي شفتهن على سريع اجيت ابجي على نفسي ضجت ماأعرف ليش طفيت النت ورجعت ادرس زين هو شعلي حتى اضوج منه ماأعرف
نمت ساعتين بليل ورجعت ادرس
حتى من رحت للكليه الطريق كله اراجع ومن وصلت لكليه رحت كعدت بحديقة وحدي اراجع المادة مااريد ارسب بيها اريد درجه زينه تعدل درجه الشهر الأول شفت اكو انعكاس ظل شخص كدامي درت وجهي ورايه شفت مرتجى
انت منين تطلع يمي فجئه؟
مرتجى :هـلا بروحي وبنت روحِي ، هلا يا دوه جـَروحي
طيف :لا ارادي بتسمت اله
كعد كدامي طلع من العلاكه إلى بيده بطل مي وفتح البطل كلي
مرتجى :مدي ايدج خلي اصبلج مي وغسلي وجهج لانو شكلج تعبان
ترف :اي اي غسلت وجهي وشربت مي
بعدين انطاني بسكت ويا عصير
مرتجى :شايف اذا مااخذتي درجه كامله على هاي دراستج الا احجى ويا والدج اخلي يبطلج
ترف :اي مو هي بكيفك
صدك تعال انت ليش قدمت نفس قسمي ومعدلك أكثر كن معدلي
مرتجى : علمود اداوم وياج نفس القسم وتبقى عيني عليج اخاف تسوين سوالف منا ومنا
ترف :وعلى أساس خايفه منك من اريد اسوس شي
مرتجى :اطيح حظج والله
ترف :قبل شويه جنت حباب وتنطيني مي
وهسه تغلط
مرتجى :قدرات عيني قدرات
ترف : ابتسمت اله شويه وبدت المحاضره الأولى الي بيها الامتحان
اجت الاسئله اربعه اثنين حليتهن
وسؤال الثالث جاوبته مضبوط والرابع جاوبت نص منه
يعني احصل درجه زينه
خلصت الامتحان واني فرحانه
بس ما سلمت ورقتي بقيت مخليه راسي على الستيج وافكر
شكد حلو شعور اخر امتحان شهري
ياامي يعني راح ارجع لبيت انام
بعدين كمت سلمت ورقتي وطلعت من الشعبه فتحت جهازي لكيت امي متصله عليه رجعت اتصلت عليها
وصتني على كم شغله اشتريهن الها من محل قريب من كليه
هو اني اصلا اريد اضرب المحاضره الثانيه لكيتها من الله
اخذت عبايتي من لوكر ومشيت بتجاه الباب حتى اطلع
شفت وحده من بنات شعبتي سئلتني
_ها وين
ترف :كلت بكلبي وانتِ شعليج
رديت عليها رايحه لمجمع اشتري شغله
جنت اعرف راح يوصل الخبر لمرتجئ
بس مع ذالك تجاهلت الموضوع وطلعت
من وصلت لمجمع
بداخل هذا مجمع اكو نت يعني بس دخلت جهازي اتصل بالإنترنت
وصلتني رسائل من ناي
رجعت اتصلت عليها
اول اتصال ماردت بالثاني ردت
ناي : ها كاطعه
ترف :ها عيني رديت عليها واني اضحك
ناي :وين انتِ
ترف : تعالي اشوفج
ناي :الله اي اشوف اشوف
بقت ترف تمشي واشوف رفوف حلويات و رف ثاني ادوات تنظيف رفوف عطور
وهوايه اشياء
شويه وشفت ولد واكف وره ترف بس هي دايره وجهه تختار علبه حليب
منو هذا ولد؟ سئلتها
ترف :جاوبتها بدون مااباوع منو وراي عامل بالمحل
ناي :لج باعي شكله مو عامل
ترف : هو عمل بالمحل بس أنيق شنو عبالج تره العراقين انيقين
بس ماينطون مجال من تجاهليهم احسن الج واريح بال
واكو بيهم ملطلطين يفترون وراج عود يعني يساعدونج وكل ساعه محتاجه شي
يخليني احتار اشلون ادفره لو ماعيب من الناس وخوف من الكاميرات
ناي :اباوع على ولد ضام ضحكته ويرفع حواجبه بشكل يضحك
واني لا ارادي ضحكت خاصه من حرك ايده على شكل يسلم
جاوبته هلا
_ اشلونج
ترف : جنت مثبته جهازي على وحده من رفوف واحجي ويا ناي وكاعده اختار علبه حليب فزيت على صوت مرتجى
شنو جابك وراي
مرتجى : رجليه جابتني
ناي :منو هذا
مرتجى : اني حبيبها
ترف :انجب
مرتجى :انتِ انجبي
ناي : عشت عفيه
مرتجى :لا شنو اعجبج
ترف : تموتين على الغلط
ناي :جوي واجوائي
جنت احجى ويا ناي وهذا الولد الي مااعرف حتى اسمه اتصل عليه رقم مو غريب عليه ابد
صح ما مسجله على رقم اسم بس محفور بعقلي
من بعد كل هاي المده اتصال
هسه يلا تذكرني؟
بالبدايه ترددت ارد او لا بس بنهايه رديت
اجاني صوته وهو متوتر وخايف يمكن جان يبجي
ما فهمت منه شي ولا فهمت شنو بي
كلامه مو مضبوط ولا مفهوم
جمله وحده طلعت منه صح
_يوسف مات