إسلام: شبيج بويه احجي اريد أولي
نسرين: ها اي جيب كم عصير وياك و بسكت
أسلام: ماشي
هدير: تفكرين نفس التفكير مو
نسرين: اذا على تفكير نفس التفكير بس شلون تصير مادري
شلون يعني ماعندج تاثير عليه
هسه لو اجيب الدنيا كلها متاثر على اسلام اكثر واحد باخوتي راسه يابس لو جلال جان صارت بسرعه
بس هسه شيجيبه فكري زين بلكي تلكيلج حل لان رجب اذا اجه و لكاها متذكره وضعها صار زين ياخذها
لا تحركيني فوك ما اني محروكه اذا فاتحت رجلي ماكدرت احضرها ( خنكتني العبره )
كافي لاتبجين قابل اذا رحتي شيصير روحه و راحت الفاتحه شكليات للناس
اوف شلون تغير كلشي بين يوم و ليله
تهون وداعتج واني وياج
والله هدير وكفتج وياي ماتنسي
صدك جذب يختي لعد انتي قليل قبل الي سويتيه الي هسه عوفينا من هاي الرسميات لازم نلكه حل
أسلام الورطه شيقنعه ..... لكيتيها شلون راحت من بالي
................
منى: والله روحنه بزعانه انوبه ترجعنه نسرين ما عولنه نخلص
اسماء: و شمسويتلج نسرين المراه بحالها فوك كسرتها
هديل: اي والله خطيه نسرين ما تستاهل
منى: اكول بس لا جيب هاي وياها لان هايه من يجناها
هديل: لا ماتكدر تجيبها عمامها مستحيل يخلوها تجي لان اهنا باعتبار غربه عنها
منى: خيه هيه هاي منو يشيل بربعيتها محد يريدها
اسماء: انه هم ما اضن لان اهنا كلهم غربه عنها
مليكه: خايبات اسلام ما حاجيتنه
هديل: والله عمه البارحه دكيت رد بس تعرفين ردوده حتى مايبرد الكلب
مليكه: فلك طره هل كواد انه اله وين حاط نسرين ويهجهجون
اسماء: يااا على بختج عمه غير تحضر فاتحة رجلها يلا هم فشله من العالم
مليكه: خايبه يا عالم غاد مثلنه
هديل: اي عمه دوله عربيه نفس العادات قابل شنهي تتغير
مليكه: دكومن كومن زهبن الزاد الحجي على جيه خايبه هديل بس يحجي وياج مكصوف الركبه انطينياه
هديل: اي ان شاء الله عمه
.....
اريج: بس انه ماعندي موبايل شلون أحاجي اخوج
رسل: خايبه شبلاج مو كالج انه اجيبنلج واحد وانتي ما قبلتي
اريج: رسل مو اذا خالي عرف وحك الله تلكيني بالنجف
رسل: جا انه ما اعرف بس انتي مو كلتي راح ويه عمتج للاردن و اهناك مات رجلها يعني يطولون اخذي و من تسمعين راح يجي رجعي الي
اريج: ماشي هاهيه همزين اجيتي اليوم والله جنت مخنوكه
اسماء: اريج يمه تجن تاكلن ويانا لو ازهبلجن وحد
اريج: والله يمه ياريت وحد لان رسل تستحي
اسماء: لا تستحين خاله بس انه هسه شويه و ازهبلجن الزاد
رسل: تسلمين خاله
اريج: اي نرجع هوه كالج مشتاقلي
رسل: يووو غير طاك كلبه ينتضر المدرسه يوم يوم
اريج: هههه
......
ايلا
كاعده وحدي و ادلك رقبتي بقوه لان هاي عادتي من اضوج اذكر الصار البابا احس لو ما اني هاي حالتي جان ما مات وهيج تركني دموعي جانت تنزل بدون صوت بس ونين خافت اليوم الرابع و مدا اكدر اتقبل الوضع بدونه جنت من ازعل من واحد اهدده بابويه هسه بيمن اهدد اذا سندي و انهدم صرت يتيمه نفس ذني الي بالمدرسه راح يصير عيونهم بيها شفقه عليه
نسرين: شلون الحلوه
زينه
شبيج يا امي لا تبجين والله اني كلبي طاك بس البجي مايفيدج و روح ابوج ما ترتاح من اشوفج هيج
ماكدر اتقبل كولشي صار بهل سرعه الفضيعه
هيه هاي الحياة يايمه كلنا على هل حال
امم
شوفي ايلا اني ولو ما راغبه احجي وياج بهيج موضوع هسه بس مجبوره فاريدج تنتبهين زين إمي
شبيج ماما اكو شي
شوفي حبيبتي ابوج تعرفينه راح الدار حقه الله يرحمه و قبل لا يروح كتلج وصاني بيج و انتي بنتي عمري ما حسبتج مو من بطني لان من الصغر اني ربيتج و الام الي تربي مو الي تولد و اني لو الله مسهلي و جايبه ابنيه صدكيني ما راح احبها و احرص عليها بكدج
اعرف والله ماما اصلا اني ما مفكره بهذا الموضوع ابد لان اني حاسبتج امي بدون هذا الحجي كله
يروحي أنتي باعي يمه عمامج يردوج تعيشين يمهم
ليش مو عدنا بيت نعيش بيه اني وياج
ماكدر اني اهلي ما يقبلون لان دوله مو دولتي و بعيده عنهم و تعرفين همه مغلقين
شلون يعني تعوفيني يمهم
لا اني اريد اخذج وياي لان عمامج يردوج على طمع
طمع شنو ماما مدا استوعب
باعي يمه ابوج كبل لايموت جان عنده صفقه و خاسرها و قبل لا يطالبون باملاكه مسجل كلشي باسمج
شنوو
اي و عمامج يردون يزوجوج القوس علمود يضمنون حك اخوهم يصير الولدهم
مستحيل لو اموت ما اقبل انوب قوس والله لو يعلكوني
يمه ذوله ماعدهم مانع يسوولج اي شي بس علمود الفلوس
و شلون زين انتي تعوفيني ماما مو اني وصيت بابا الج
هوه هذا الاساس لان اني مو امج الحقيقيه ما اكدر اطالب بيج
لا عليج اللله ماما لا تعوفيني يمهم خاصه عمو رجب تعرفي شكد حقير
ماكدر الا اذا صار شي واحد راح يسكتهم و بعد ميحقلهم يطالبون بيج
ايي لعد سوي اي شي ماما
بس هل شي يجوز ترفضيه
شنو هل شي قلقتيني
تزوجين
شنوووو لا تخبليني ماما يعني انتي ترديني ازوج قوس
لا لا مو قوس
لعد شنو
اريد ازوجج اخويه
لااااااا مستحيل مامااا هذا مثل ما معتبرتج إمي معتبرته خالي شبيج
لج يمه اسمعيني بس اسكتي شويه
يلا احجي
اريد بس يعقد عليج حتى اصيرين بذمته و بس نرجع للعراق يطلكج و اني فتره ونسحب من فلوس ابوج و نشتريلنا بيت اهناك وبعد عمامج مالهم شغل بيج لان همه يخافون من اسلام و عبالهم مرته انتي واهناك نرتاح اني وياج و حتى محد مناك يعرف بشغلة عقدج غيري اني و اسلام و هدير
.......
ها ماما فهمتي
خليني شويه اجمع كولشي براسي احس عقلي يفتر
ماشي يروحي بس انتي باجر لو بعده يطلعونج و اني اريد يصير هل شي قبل لا اطلعين لان اذا طلعتي ورحتي وياهم بعد ماكدر اردج
خالو اسلام يعرف
بعده بس ردت اعرف رائيج كبل لا اكله
ماشي ماما عفيه خليني وحدي
تمام حبيبتي
ايلا
بقى كلشي يدور براسي اذكرت من حاجيته على الموبايل بس والله ابد مجان عندي احساس غير احساس انه خالي و بلحضة طيش ردت انتقم منه شلون بيه بس يعني اذا قبل راح من نرجع نطلق و بعد ماكو ما اشوفهم و نسوي بيت وحد اني و ماما و لاكانو صاير شي بس اذا رحت ويه عمامي راح يزوجوني قوس و قوس عينه صلفه مستحيل يخليني بحالي اوفف ياربي ساعدني شسوي
..........
نسرين: اسلام وين جنت
والله رحت الواحد دبرلي غرفه بالمستشفى لان تعبت و نعست صرت كراب
هاا امم
شبيج صاير شي اووو نسيت اكلج حضري نفسج باجر نرد
وين نرد
نرد الديرتنه بويه انه ماعندي وكت زايد و جاي اتشمس بيه دوامي عكب باجر تخلص اجازتي لازم التحق
اني هم ردتك بموضوع
ايي كولي
شوف اسلام حلفتك مو تتعصب عليه دير بالك اختك والله مكسوره كسر جبير
يا ستار احجي بويه شبيج
حاجيت ايلا على موضوع عمامها و هرجت المستشفى من انته ماكو كوه بالمهدئات سكتوها( طبعا جذبت علمود اكسب عطفه)
وليش شبيهم عمامها شو مدلليها مو جانت تجي يمنا يومين و تريد بس ترد
ترد الخير ابوها اسلام مو الذوله والله ذوله مجرمين مايرحمون و ابنيه يتيمه اعتبرها حاله انسانيه
بويه شبيدي عليها هسه انه عم وليد خال ابنيه مو زين مني جبتج و انه ماعندي صله بيهم
بيدك كلشي إسلام
شلون بله
اعقد عليها
هههههههه لا لا انتي تخبلتي
احجي جد
تسكتين لا الطمج على حلكج جدام العالم هوه هذا ناكصني اعقد على هاي المخبله
شبيك إسلام مو عقد مثل ما بالك بس حتى اكدر ارجعها وياي للعراق الابنيه اهنا لو تهج لو تموت
و هجتهم انسي هاي سالفه خلاص لاتفكرين بيها حته فاهمه
نسيت كلشي إسلام نسيت منو وكف بوجه اهلي وياك من ردت جلنار ( اباوع ضب ايده بقوه و عافني و مشه ) ياربي هذا شيقنعه ( دخلت للغرفه)
ايلا: ها ماما سمعت اصواتكم طالعه خير
ياخير هذا شيقنعه
خالو إسلام مو
اي
حقه بالاخير اني وحده غريبه عنكم
لا هيج تحجين يروحي
........
اسلام: ابو هدى يعني شلون الا تزوج هذا نعال
علي: اي شسوي تعرف اني حتى علاقتي بيهم اني و حامد جانت ضعيفه اكثر شي اني وياه و هسه بعد راح
انه جان هسه اكدر اخذها غصباً عنهم بس قانوناً اتعاقب لان مالي صله بيها
حاجوك هدير و نسرين باقتراحهم
من كل عقلك ابو هدى لو شو شيصير
والله يا اسلام هذا عمل خير بميزان حسناتك ينضاف مجرد تامنها يمكم مو يعني تحسبها مراه لان اذا ضلت اهنا طفولتها تدمر مستحيل قوس ابو البنات يخليها براحتها
هذا جنه طي** مشك وينه وين البنات
هاي بعد مخلص فلوس ابوه بهل سوالف الطايح حضها و راح يضلم هل يتيمه علمود ورث ابوها
هوه كلشي مسجل الها مو
اي
ايا نغل ابن نغل اعذرنا ابو هدى الورده
عادي يمعود اني اصلا روحي كارهته شكد ردت منه كتله خليها يمي حسبت هدى ماكو إسلام انته خوش رجال و سويها للله قابل شراح ينقص منك بس عاد الابنيه تكون بايد امينه خطيه تيتمت لا اب لا ام وتعرف اهنا يسكموها اني ما أجبرك انته و ضميرك بعد يلا ثيمالا
الله وياك الله وياك
( راسي افتر زين هاي مخبله أنه اذا اخذها لاهناك مو ابتلي بيها حتى اذا طلكتها خوما اعوف نسرين وحدها وياها احسن شي اطلع من الموضوع طبيت للمستشفى لكيت بوجهي)
اهووو كضيتي عمرج وجهج يلطم
اسلام ابوس رجلك اخذها بس يومين و طلكها مروت ربك هسه هدير من اجتي كالت حاجين بس يزوجها يجبروها تقدم تنازل و بعدين يشمروها بمستشفى الامراض
شلوون معقوله خاف تجذب عليج
والله لا (دنكت على رجله ) ابوس رجلك
كومي شو كومي فشلتينا يمعوده من انعل ابو اليمشي وراج وين طببت نفسي
اسلام اخر طلب
أستغفر الله هيه كأعده
اي جاي تبجي سمعت السالفه
يعني كلها تتلاطم ابقي اهنا اريد احجي وياها( طبيت لكيتها نايمه على بطنها و دافنه راسها بالمخده و بس تون )
احم احم ( شالت راسها العيون حمر الخشم احمررر )
خالو أسلام اذا تحب الله ساعدني
استغفرالله شلون سالفه هاي انوب
لعد شسوي اذا بقيت يمهم حيودوني للمشفى( باوعلي و كانو بيه ابتسامه و حجه اول كلمه بتقليد)
مشفى انوب
مستشفى يعني عفيه خالو لا تضل على كلمه و الثانيه تعقب لان مدمره
شجاريلج روحي ويه عمامج و جري عدل ما يودوج لو ماتكدرين لازم مصايبج وراج
ماسوي شي والله حصير عاقله
هاهيه لعد
جدد وافقت
لا شبيج هاهيه يعني روحيلهم بعد ما يودوج للمشفى من علايمج
خالو رجائا اذا جاي تستفزني و تمشي نفسيتي تعبانه خلص ماريد منك كولشي
يعني راح تروحين العمامج مو ( كلت الله هداها)
تؤ تؤ مخبله
جا حاسبه نفسج عاقله
يااا
هيه شنيي ياا جا وين تولين اذا مو يم عمامج
اهرب
غير تستقر فوكاها اهرب كاعده فلم الرساله ماترضين من اكلج مسودنه هاي تفكيرج شني بله
على اقل ماياخذوني للمشفى
لا هاي أهنأ سهلتي عليهم المهمه علبو مسودنه و انهزمت
لعد شسوي ( باوعت عليه بنضره لطف)
ايي تره اعرف هاي سوالف
شتريد اسوي والله و ما ارفضلك طلب و اي شي تكوله اكولك حاضر و صوتي مايطلععع خلاص بس اقبل عفيه هيه يومين خالو
تقنعني ازوجها و تكلي خالو لا صاحيه
اي حتضل بعيني خالو والله لان هيه مجرد تمثيليه
واذا سمعت ما منفذه شي اكوله
اذبحني
هاا
والله ( عافني و طلع واني فرحت اقتنع يمكن )
نسرين: شصار شو طلع إسلام مستعجل حتى ما سمعني
مادري ماما يمكن قبل
وجهه مو مال موافق
مدري بعد
نسرين: هاي هدير ادك عليه
ايي ردي شوفيها
الوو هلو عمري
اهلا بيج حبيبتي
شكو شو صوتج مو على بعضه
والله رجب هسه كال العلي اليوم نجيب بنت حامد من المستشفى بليل البيتي و يجي وياه قوس
شلوون لعد شلون بينه هدير
مادري واني خابرتج علمود تستعجلون
شستعجل إسلام ما راضي
لعد راح يروح كلشي هباءا منثورا
ماشي روحي انتي هسه خلي اخابر بلكي احصله
تمام الله وياج
ايلا : شصاير ماما شبيج
كولي المابيه اليوم راح يطلعلج رجب
لا عفيه ماما لاتعوفيني
ما اعوفج و الله لو اعرف اخذج و انهزم ( ضليت ادك على اسلام ميرد اخر شي رد
انعل ابوج بنت الكلب مو تشوفين ارفض جاي احجي ويه عالم
يا عالم إسلام الحكلي شويه ويجون ياخذون ايلا البيت رجب
من دنعل والديهم و قندره إسلام شعليه
إسلام من الاخير اذا ما اجيت بهل ساعه اخذ بنتي و اشرد
لج لا الوو. الوو انعل والد والديكم كفرتونييي
ايلا: ماما صدوك نهرب
اي لعد نتضرهم ياخذوج هاي اشيائج هسه احضرها وانتي أخذي لبسي هذا
( انطتني فستان ابيض رياضي بيه فرولات صغار) رحت لبسته و مشطت شعري بس يم البلاستر تركته و غسلت وجهي و طلعت لكيتها محضره كولشي
خوما نسيتي شي
ماما يعني هاهيه ماكو غير
شسوي شبيدي
ايلا
كعدت افكر وين نروح و بهاي الحاله اني اوف يا بابا وين خليتنا اني اتوسل باحد بس في سبيل ينقذني شكد خسيس هل اسلام و اني كاعده اغلط جميع الغلط الي براسي على خالو اسلام دقايق و انفتحت الباب فتح مال واحد مخروع باوعت خالو اسلام اول شي سواه تقدم تجاه ماما و ضربها راجدي من القوه انرطمت بالحايط صحت بصدمه
انتهههه شبيك تخبلتتتت ليششش تضربها
انتي ضبي السانج لا اكصه الج مسقطه و انتي نسرين هاي تاليتها تريدين تكسرين وجهنه هااا
شسوي
انجبي و لا حرف اخخخ لو ما احنا بالمستشفى جان خليت كل عضم بيج يصيح و يستريح و وين اليوجعج
ايلا: خلصت خالو مو اطمئن ما راح اسبب مشاكل بحياتكم خلص راح يجون عمامي بعد شويه و اروح وياهم ماريد منيت احد وانتي ماما والله سويتي العليج و زايد بس الاريده منج تجيني كل فتره انته خالو اسلام عفيه جيبها
ما يحتاج اجيبها انتي ضاله وياها
شلون
نسرين لبسيها شال الشيخ على جيه
شنو شنو صدك اسلام
نسرين مو وكت اجذب عليج لان احسابج بعده ما خلصان
ايلا
ضليت واكفه ممصدكهة دك موبايله
الو ها سراب يلا حبيبي حياكم اي الدور الثالث يلا انه اتلكاكم الله وياك
.........
للروايا بقايا ❤️
حبايبي تابعوني انستا انشر اشياء تخص الابطال mi_itss5 تعبوا نفسكم شويه دعموا القصه
وتابعوني أهنأ علمود نكبر اهم شي تعليقاتكم اتشجعني اكمل و تصويتكم حبايبي تفاعلو لان تفاعل زفت