السلام عليكم
...............................
شلونكم شخباركم حبايب گلبي
.......................................
الكاتبة: حوراء الموسوي
.....................................
مؤتمن: نص ساعه تقريبا نامت عسل وهية حاضنتني سمعت مارلين تصيح علي كلتلهة هسة جيت رحت لكيتهم ديحضرون العشة جابو تعشينة والبنات كايلاتلهم على عسل خلصنة وجابو الچاي وجدو و جدة يسولفون على ايام قبل شوية و نزلت عسل سلمت و گعدت
عسل: گعدت باوعت اني بغرفة مؤتمن اذكرت شصار عززز متت من خجل غسلت و نزلت سلمت و گعدت يم البنات
مارلين: هاا عيني شلون صرتي وانتي نايمة بغرفة مؤتمن
عسل: كرصتهة و گلتلهة كلش زينة
اديان و زينب: الحمدلله على سلامتج حبيبتي
عسل: الله يسلمجن حبيباتي
الجدة: شلون صرتي حبيبة
عسل: الحمدلله بيبي
اگول ياقوم بعد أذن جدو و الكبار ضايجين اريدكم اطلعونة
جدو: على هاي بنيتي ادللن ياولد گومو طلعوهن بس لتتأخرون
الولد: ماشي
البنات: Yes
عسل: رحت اشوف شنو البس لبست فستان بي طويل بس مو كلش بسيط لونة بيجي و علي سترة كوباي ردانهة مو طويلة وياهة لبست شال نيلي و جنطة و حذاء كذللك اجني البنات هماتين متأنقات نزلنة سوة
"" "" "" "" "" "" "" "" "" "" "" "" "" "" "" ""
خل نشوف الشباب
مؤتمن: عسل گالت ضايجات والبنات ويردن يطلعن ما مانعت هلشي وغيرت ملابسي لبست بنطرون كوباي و قميص بيجي و حزام و حذاء جوزي فاتح يعني طلعت صاك
حارث: ممصدك شفت أدياني و كبرانة و حليانة فديتهة اني بس اخلص هاي السنة لازم اخطبهة من عمي
مصطفى: اليوم لازم اعترف ل مارلين بحبي الهة بعد ما اتحمل اضم اكثر بگلبي واني اشوفهة گبالي
صفاء: طبعاً محد حجة عني و عن زوبايتي بنوتي بت عمي عن قريب راح اعترفلهة و اتمنة تكون تبادلني نفس المشاعر
البنات: حجينة سوية يلا شباب خلصنة
وسام: شباب اني ما اروح
الشباب: بكيفك يلا بنات امشو
البنات: يلا
الشباب: نروح للمول
البنات: بكيفكم
مؤتمن: عسل و مصطفى و مارلين وياي بسيارتي
صفاء: حروثي و أديان و زينب وياي
الكل: ماشي
عسل: اتفقنة نروح للمول ورحنة وي مؤتمن و هوة نوب كل شوية ويباوعلي من المراية والله خجلني
مؤتمن: اووف بنت گلبي طالعة تموت فديتهة اني
مصطفى: اوووو الحمدلله صرنة بنفس السيارة تمنيت ابوس مؤتمن
😂😂 شغلت اغنية يا حياتي انتي العشك مالي اروح فدوه الج انتي يا ام جهالي واغني وي الغنية و مؤتمن يضحك على تصرفاتي
مارلين: ياااا هذا شبي كلش اندمج وي الغنية
مؤتمن: وصلنة يلا شنو عجبتكم الگعدة و الاغنية مال هذا المخبل
مصطفى: هاا مؤتمن هيج صرت مو
مؤتمن: اي يلا امشو نشوف البقية
صفاء: يلا امشونة الشباب نزلو
حارث و مصطفى و عسل و مارلين: هلو
البقية: هلوات
عسل: دخلنة للمول وكل واحد راح لمكان اني سحبني مؤتمن والباقين ما اعرف
حارث: اديان تعاي اشوية
اديان: ما شي
صفاء و مصطفى و مارلين و زينب راحو سوة
مارلين (برائة): ياا لجج ام الزوز تعاي شوفي هذا الفستان خلي نشتري اني وياج نفس الشي لجج والله روعة
زينب: ياا ولجج شبيج ياهو
مارلين: لجج هذاك البيجي فد شي يمامي امشي نشوف دخلنة للمحل
مصطفى: اشوف مارلين شلون تحجي وعجبهة الفستان و هوة فعلا حلو كلش راح يلوگلهة
صفاء: اشوف خبلتي هم اندمجت وي مارلين و الفستان عجبهن
زينب: الفستان روعة خوية اشكد سعرة
ابو المحل: سعره 150 الف
مارلين: سعره مناسب اني راح اخذة بيجي
زينب: اني اسود انريد ندفع صفاء و مصطفى ما قبلو ندفع الة همة يدفعون
صفاء: اخذن الفساتين ورادن يدفعن اكيد ما نقبل لعد احنة شنو واكفين
مصطفى: صفاوي اني ادفع خوية
صفاء: ما ارضاهة ابد اني الي ادفع (و ضلو كل واحد يريد يدفع)
زينب و مارلين: كل واحد يدفع الاختة هيج احسن حل
صفاء و مصطفى: اوكي دفعنة و طلعنة
زينب و مارلين: هسة نروح لمحل احذية و جنط
صفاء و مصطفى: يلا امشن
مارلين: دخلنة للمحل و اني رهمت وي الفستان حذاء و جنطة وشال لون اسود و زوبة بيجي
زينب: مصطفى
مصطفى: بهمس عيونة
مارلين: شنو
مصطفى: اگلج هاا
مارلين: خابر مؤتمن و حارث خل ناكل موطة و نگعد تعبنة
مصطفى: ادللي راح اخابرهم خابرت مؤتمن گال جايين و حارث گال ثواني ونجي
الكل: ماشي
عسل: بعد ما رحنة اني و مؤتمن اشتريت فستان وردي فاتح ورهمت وياا جنطة بيجي و حذاء و شال و اخذت دشداشة قصيرة و تراك مال نوم
و مؤتمن ما بطل غزل و طبعا مخلاني ادفع بعد جدالات دفع هوة وخابر مصطفى و كله جايين
حارث: اخذت ادياني و جبتلهة گلادة (قلادة) بأسمي و گلتلهة سنة وحده و اخطبج ما اتحمل بعد خجلت و گالت بكيفك
أديان: كلش خجلت و فرحت لمن گال راح يخطبني طبعا راح اوفق لأن كلش احبة فديتة اني
صفاء: اووف شلون راح اعترفلهة بعدهة صغيرة خاف ترفضني خل انتضر اتوقع بعد افضل
مصطفى: مارلين تعاي شوية
مارلين: هاا مصطفى محتاج شي
مصطفى: راح اسألج سؤال
مارلين: ما شي شنو السؤال
مصطفى: ترديني أتأذه
مارلين: شنو هل حجي اكيد لا
مصطفى: تدرين لمن اشوفج و ما اكدر اگلج احبج اتأذه و لمن اشوفج ضايجة احس اهموم الدنيا كلها بيه مارلين اني مو بس احبج لا اعشقج فدوه گولي تحبيني لتكسرين گلبي
مارلين: ما اعرف شجاوب او شحجي مثل مصدومة و اني اشوفه مبين تعبان من حجية و مهتم بيه تلبكت و خجلت بنفس الوقت دنگت و رجعت رفعت راسي فاتحلي أيدة ما اعرف شجاني ركضت لحضنة و بجيت ما اعرف اوصف شعوري دفو حضنة و حنيته ضعت بينهم
مصطفى: شفت بعيونهة خجل و ارتباك فتحتلهة ايديه و اجت حضنتني متدري محتاج لهذا الحضن من زمان بعدتهة و ثبتت راسهة بأيدي و گلتلهة گوليهة وريحي گلبي گالت شگول كتله لج احجي لتشلعين گلبي گالتلي احب بعدهة ممكملة خليت شفايفي على شفايفهة لحضات و دفعتني على كيف
مارلين: حسيت ما محتاجة بحياتي و اهتمامة و حبه سحرني ثبت راسي بأدي و گال گوليهة بعدني ممكملة و باسني مثل واحد عطشان و أرتوة بعدته گتلة هسة ينتضرونة حس على نفسة وبعد گال
مصطفى: اووف امشي يا بنت گلبي فديتج گلتلهة شدعوه هلگد عسل خجلت اوفف خبلتي شگد احبجج گالت واني هم لكم مدري احضنهة و ما اخليهة تبتعد عني ولا لحضة رحنة وصلنة لگيناهم مجموعين گلتلهم جنة ندور عليكم (هههه علينة يابة)
مؤتمن: يلا امشو ناكل موطة و نرجع تعبنة
عسل: اكلنة موطة و سولفنة طلعه فد شي رجعنة للبيت الساعة 11:30.لكيناهم ينتضرونة سلمنة و كلمن راح لغرفته
مؤتمن: اووف باجر راح يرحون بيت عمي والله ما اكدر على فراگهة
صفاء: بدلت و تمددت حتة انام بس مكدرت ورة نص ساعة عطشت رحت اشرب ماي اسمع صوت بالمطبخ تسللت على كيف شفتهة بنوتي اووف شلابسة دشداشة قصيرة و شعرهة مشدود شكل تحفة گلت احممم
زينب: گعدنة نسولف لأن باجر راح يرحون و ما نشبع سوالف گلتلهن اريد اشرب ماي واجي گاعدة اشرب سمعت صوت واحد گال احمم فزيت الة شوية اوگع من طولي بس ركزت على شفته صفاء ياا صفاء خوفتني مخلية ايدي على گلبي تقرب الي وگال
صفاء: انتبهت و گالت خوفتني وفعلا جان الخوف واضح عليهة تقربت عليهة و گلت اسف يروحي خوفتج مو قصدي بعدين هاي شلابسة راح تجننيني
زينب: بعد الي گالة انتبهت شنو لابسة رددت اطلع بحركة سريعة جرني الة وحضني
صفاء: شميت عطرهةو گلت حبيبتي اعرفج صغيرة بس گلبي حبج انتي و ختارج اتمنه تكونين تبادليني نفس المشاعر
زينب: حضني وگلي الحجي الفوك 👆 نصدمت ياا عززة هاي شتحجي عفية اني احب دراستي أي حب هذا
صفاء: اووف شلون راح افهمهة حبيبتي انتي راح تكملين دراسة يمي اني احبج وانتضرج لو مو تكملين دراسة مستعد انتضرج كل حياتي
زينب: حباب خليني اروووح
صفاء: ماحبيت اجبرهة گلتلهة روحي براحتج اذا سألو علي باجر گليلهم راح لصديقة لبغداد يجوز اسبوع اكثر يلا ارجع
زينب: لا صفاء وين تطلع بهذا اليل
صفاء: لا عادي اصلا اني مو مهم بحيات احد يلا باي
زينب: ياا هذا شبي معقولة ضاج لأن گلتلهة هيج اي اكيد اووف شسوي گتلة بايات
رجعت يم البنات نايمات يمكن ماكو صوت مكدرت انام بالي علية اووف اذا صار عليه شي ما اسامح روحي اووف لو كايلتلة افكر بالموضوع فعلا غبية
صفاء: اختنگت رحت على شط اكيد ما راح اروح هسة باجر الفجر ضلين گاعدة باوعت على التليفون شفتهة الساعة 2:20 تأخر الوقت رحت لبيتنة اخذت الملابس ورحت لبيت عمي ارتاح شوية ب 4:00 طلعت قبل ميگعدون و خابرت صديقي طبعا فرح كلش لأن صار سنتين مشايفه
زينب: گعدت الصبح وبالي يمهه اووف شلون راح اضل الوم روحي گمت سبحت و گعدت البنات و حضرنة الريوگ الكل گعد بس هوة مكانة خالي هاي شبيج زينب اصحي وين راح هوة يم صديقه يعني انتي مالج علاقة بطلعتة جدو سأل علي
گتلة جدو البارحة خابرة صديقة لمن جنة طالعين و البارحة راح لبغداد علي
جدو: هاا واني اگول وينه
مصطفى: نزلت على ريوگ محضراتة البنات فد شي اباوعلهة مارلين اووف اشكد احبهة گلت صباح الخير باوعتلي والكل رد صباح النور ابتسمتلي و بادلتهة الإبتسامة و گعدنة جدو حجي و
گال اخذت قرار اني عمري گرب يخلص واريد اشوف ولدي و عيالهم گبال عني الى ان الله ياخذ امانته
الكل: عمرك طويل شيخنة
الجد: بويه واحد ما ضامن عمره اليوم احاجي عمكم علي حتى يجي يعيش ويانة وانت يا ابو ماهر (ابو عسل) مالكم طلعة من بيتي تنقلون غراضكم لهنا اريد نصير بيت واحد
ابو عسل: اددلل بويه واني احاجي اخوية لتدير بال
الجد: بارك الله بيك وليدي
البنات: طبعا كلش فرحنة بهذا القرار
الشباب: والله جدي خوش فكرة.....
الكاتبة: كافي تعبت حبايب گلبي والله كاعدة اتعب والله لأن عندي هواي قصص المتابعين كتبت عليهة قصص المتابعين الحقيقية والقصيرة واحبكم گوة بعد گلبي والي سئل على قصة انتقام جميلتي راح اتأخر وانزل البارت صار عندي ضغوطات
_و الي كالت اني قصتي صغيرة بس بارت عادي حبيبتي الي تريد تكتب قصتهة حتى لو بس كم كلمة راسلوني على الانستكرام
للتواصل هذا حسابي الانستا @hwr_aa28
هاي القصص المتابعين الحقيقية والقصيرة هذا الغلاف هذا