خطوات نحو الموت
#للكاتبة جيهان آغا
لا تنسون الصلاة والسلام
على سيدنا محمد وعلى ال محمد
وتعليق بين الفقرات حبايبي انتو
و قراءة ممتعة
______________
بهار - اي يمه ادللي
غسلت ايدي ورحت اسكي
الورود
وهسه صار الوكت اعرفكم عن نفسي اني
بهار معنى اسمي الربيع بالكردي اني كرديه
من شمال العراق من عائله مسيحيه
متكونه من اب حنون بشكل ما ينوصف
وام بكل معنى الكلمة
عندي اخت وحده وهيَ توأمي انسون
وأخوه ثنين سيبان و الان
الان - الجبير وكلش حباب
وبعدين سيبان وبعدين اني وانسون
احنه عايشين في احد قره اربيل
حياتنه ريفيه بسيطه وحلوه
ههه حلوه اي يمكن جانت حلوه بس
بيوم واحد انتهى كلشي
من جنت صغيره ثاني يوم نتنفس
الدنيا ابويه واخويه سيبان اخذونه
للكنيسه وسونا راهبات اني واختي انسون
بس لحد هسه ما لابسين الملابس مال راهبات
الكاتبه تعريف او معلومات عن الراهبات
الراهبه معنى ماتزوج ولا يصير عندها
اطفال للموت ولازم تكون بسيطه بكل شي
ومتواضعه وتساعد الناس وتخدم الكنيسه
حتى اكلهم يكون اكل بسيط كلش
زين شلون بنات المسيحيين يصيرون راهبات ؟
اكيد اكو مثل نظام او قانون خلي نكول
يطبقونه قبل لا يصيرون راهبات وبكلامهم
يعني ينذرون يصيرون راهبات
الراهبات لازم يكون القرار من الشخص نفسه
ولازم تعرف نفسها تتحمل هل مسؤولية
هذا القرار او لا ولازم لازم تكون راضيه
وهيَ تحب تكون راهبه
وما يصير اجباري اي بمعنى
شيء اختياري وليس اجباري لكن اهنا برواية
بهار واختها هما وصغار اهلهم اتخذو هذا القرار
على بناتهم وبدون ما يفكرون بعواقب هذا القرار
بالمستقبل وهذا الشي اكيد ما يصير وراح
يسبب مشاكل
هوايه في البارتات القادمه بالرواية
وهذا مختصر بسيط عن الراهبات المسيحيات
نرجع نكمل الرواية حبايبي
_
_
بهار - من كبرنه صارت مشاكل اكيد على
هذا الموضوع لا اني ولا انسون جنا راضين
بهذا الشي بس مع الأسف
حكم القوي على الضعيف والأهل اتخذو
هذا القرار مو احنه
سيبان جان متعبنه هوايه ومن نحجي
على هذا الموضوع يصيح ويجرحنه بكلامه
وهو من الأساس نحسه قاسي وماعنده حنيه
علينه اني احب الان اكثر الان حنون كلش
وهاي اني بهار تعالو ادخلكم حياتي عيشو
ويايه روايتي وحياتي بس لا تنصدمون عوفو الصدمه بنهاية
واني اعرفكم على نفسي جتي انسون
انسون - يلا نروح للكنيسه
بهار - اي يلا
رحت بدلت ملابس ألبيت
وقبل لا نروح رحنه ناخذ اذن امي اكيد
جانت واكفه بالمطبخ تشيل الريوك
حضنتها من وره وبستها
يمه ريحتج شكد طيبه لو بس
اعرف شنو اسم عطرج جان ارتاح كَلبي
الأم - هههه دخلي بالموضوع بدون مقدمات
بهار - يمه شهل حجي ليش حبي الج هسه
صار مقدمات
انسون - فديت خدودج اني شنو هذا
الجمال
الأم - ههه لا كملت يلا شنو تريدون بسرعه
انسون - يمه نريد نروح للكنيسه
الأم - اي هسه سيبان ياخذكم
بهار - لا لا نريد نروح ويه تماره
الأم - ماشي يمه روحو بس لا تتأخرون
بهار - ادللي حبيبه
انسون - بوسه يالحب
الأم - هههه
بهار - اني هم بوسه مني الج
بسنها اني من خدها اليمين وانسون
من خدها اليسار وهيَ تضحك علينه
رحنا على تماره
اكلج انسون منو يكول تماره بالبيت
انسون - لا هيَ كالت نروح سوا
باجر للكنيسه
بهار - خوش لعد
مشينه طول الطريق نسولف
اني وانسون وصلنه بيت تماره
دكينه الباب طلعت امها
حجيه شلونج شخبارج
- هلا يمه هلا حبيبتي انتو شلونكم
بهار - زينين تسلمين حجيه تماره خلصت
علمود نروح
- اي يمه هسه تجي
بهار - اي خوش
شويه وجان تجي تماره
بوووويه صاروخ مو بنيه اول ما
شفتها انصدمت شمسويه بنفسها
شعرها ولبسها وكشختها وعطرها
تماره معروفه بالقريه اكثر بنيه
شخصيتها قويه كلش وهيَ حلوه
من الصغر احنه سوا
انسون - ولج شنو هذا الجمال
تماره - هههه لا تحسدين يمعود
بهار - والعذره صدك شنو من جمال شنو من اناقه
تماره - ههه تسلمون انتو احلى
يلا نروح
بهار - اي صدك يلا
رحنه طول الطريق نضحك ونسولف
قبل لا ندخل الكنيسه شفنه ام زياد
وحده بس تحجي عل ناس وعينها وصخه
ولوكيه من اشوفها الكئابه تصير فول عندي
انسون - يبووو هاي ام زياد
تماره - والعذره هسه راح اوكع
بهار - ليش
تماره - ولج ماتعرفين عيونها شكد وصخه
بهار - شلون ما اعرف
جتي وكفت يمنه
- ها عيني شلونكم
انسون - جنا زينين
- شقصدج
بهار - عمه ام زياد نريد نروح
اتأخرنه نشوفج بعدين
- ولكم بعدني ما حاجيه كلمه شبيكم
بهار - اي اتأخرنه غير مره احجي
سحبتهم ورحنا وهيَ ضلت تحجي علينه
ههههه
تماره - ههههه زين سويتي
بهار - ههههه اي شسوي لعد
زين سؤال بنات هيج نوع من
الناس شنو يستفادون
انسون - مادري شغلهم بس يراقبون الناس
ويغارون ويحقدون ويحسدون صدكيني
تماره - اي صدك كلام انوشه مايروحون
يطورون نفسهم فا يجون ينتقدون الناس
بهار - مادري غريبين والعذره شلون يفكرون
كملنا ورحنه شويه ورجعنه وحنه بطريق
جان واحد يضرب جتفه بجتف تماره
التفت عليها وغمزله وكال
- شنو هذا الجمل يمعود خفي على الكلوب
الضعيفه
بهار - التفتت تماره صايره عصبيه من تصرفه
تماره - شكلت عيد عيد شنو كلت
- هههه فدوه لهل خدود الحمر
تماره - فدوه ها اني اعلمك الفدوه شلون
تكون
بهار - هجمت علي وكامت تشمر علي حجار
وفضحته بصوتها
تماره - يا ناس يا عالم هذا واحد سرسرلوغي
وحقير ومامتربي ويتحرش بالبنات تقبلوها على بناتكم
وانت تعال اليوم اني اربيك
بهار - هههههه كامت تضربه بجنطتها
وما تقبل يروح وهو يريد بس ينهزم
جوي الناس التمو عليهم وكلهم حجو علي
تماره - ماعندك خوات ياحقير اني اعلمك
- تماره بنيتي عوفي
تماره - حجيه اليوم يتحرش بيه وباجر
يتحرش بناتكم لازم نعلمه بنات الناس
مو لعبه بيد هيج ناس قذره
انسون - ولج بهار شوفيها اروح فدوه لطولها
هههه
بهار - اي ما توقعت لهل درجه
ههههه هذا بس حجه وهيج صار بي
والعذره تماره سباعيه
انسون - ههههه بعد تماره غير
ولج تماره كافي عوفي خلي نروح
تماره - صبرو
اسمع لك تعلم الادب يلا اطلع برا
ودير بالك مره ثانيه تتحرش ببنيه
فهمت لو اعيد ااااحجي لا تصفن
- فهمنه خلص كافي ااخ بطني
تماره - اي هيج تعلم
بهار- هههه عدلت نفسها واخذت جنطتها
وبكل ثقه كالت
تماره - يلا نروح
بهار + انسون - هههههههه مخبله
تماره - ادافع على نفسي مخبله ؟
بهار - حبيبتي لو هيج سباعيه لو ما تنراد
ههههه
انسون - تعلمي منها ست بهار يا سباعيه
خلي نركض للبيت الحرب اهناك بدت مو اهنا
بهار - اي والعذره صدك امي كالت لا تتأخرون
تماره - مع السلامة جنتو صديقات حبابات
مع الأسف راح اخسركم
بهار - ههههه شدعوه لا تخوفينه من هسه
وبعدين امي حبابه عسل مو ام فديتها
تماره - ههههه
انسون - ولج ركضي بدون حجي
بهار - اي اي يلا
ركضنه اني وانسون وتماره بين البيوت
اخ يمه اخ ولج تماره ليش تركضين
ويانه
تماره - يمه تعبت غير وياكم عل واهس
انسون - هههه خوش رياضه
بهار - هههه من السمن على اساس
انسون - اي شنسوي بعد
بهار - بس نوصل
بقينه نركض وصلنا للبيت والتعب
يقره مليون مو الف تعبنه هوايه
راحت تماره واحنه دكينه الباب
سمعنا صوت سيبان و.............................
_
_
_________________
في مكان اخر
سجاد - خويه اشر والباقي علينه
حرب - لخاطر العمال وربي لخاطرهم
يبقى المطعم وتزيد من رواتبهم فهمت لو اعيد
بسام - ح ح حاضر ادلل
حرب - طاح حظك شكد واحد حقير
بويه خلي نرجع احس نفسي تعبان
حسين - ادلل حبيبي انتو روحو
وهذا باقي اصفي حسابي وياه
سجاد - ههههه خلص الله يرحمك بسام
بسام - ش ش شنو الله يخليكم عوفوني
حرب - ههههه طلعت جبان بس عليه مسوي
نفسك بطل افلام
يلا نروح سجاد
سجاد - اي يلا خويه
حرب - مشينه شويه وجان اسمع اكثر
صوت احبه صوت ضلعي
وصديق عمري ورفيج دربي عليوان
علي - حويرب خويه اصبر لا تروح
حرب - التفتت اشوفه يركض
علي - شلون صرت خويه بالي يمك
حرب - حضني وجان كلش حزين حسيت دموعه
نزلن وهو حاضني وكتها عرفت صدك عليوان
اخ مو بس صديق طفوله
كتله
خويه لا تخافي الحمد لله صرت احسن
علي - انت زين اكيد
حرب - الحمد لله خويه
علي - الحمد لله
ولك هذا بسام واحد حقير لو تعرف اخو سلام
شنو جان يحجي عليك
من سحلك بسام
النذل
حرب - الله اكبر على الظالم خويه
لا تخاف رب العالمين فوك وشاف كلشي
ويعرف منو المظلوم ومنو الظالم
علي - ونعمه بالله
خويه اريد اترك المطعم اني هم
حرب - سبحان الله جنا ناوين نتركه بهل
ايام الحمد لله خلصت من هيج ناس وصخه
خويه ابقى انت لحد ما نلكي شغل
علي - انت هيج تكول
حرب - اي احسن وراك كومه لحم
شلون تساعد اهلك
علي - هو هذا الشي الكاسر ظهري
سجاد - الله يساعدكم
علي - اي والله بعد اخوك الحمد لله
يلا اني رايح وانت حويرب
دير بالك على نفسك خويه ماشوف
شر بالليل اجي يمك ان شاءالله
حرب - تسلم حبيبي هلا بيك البيت بيتك
علي - تسلم في أمان ألله
حرب - الله وياك
راح عليوان وحنه رجعنه للبيت
_
_
_____________
في مكان اخر
عبير - صافنه وايدي على خدي افكر
ومقهوره على خويه حرب
جو البيت كله كئيب من وره مشاكل
علاء ويه حرب شكد يكرهونه هما وامهم
الحيه رغد
لو بس اعرف ليش هيج مو زينين ويانه
ابويه مامقصر ويه كلنا بس هما حقودين
بشكل مو طبيعي حتى البنات لأنو مايروحون
يدرسون مثلنا فا يكرهونه ناس حقودين
جاهلين متخلفين حسودين
غير المشاكل مايجي منهم
اااخ من ابويه اااخ لو بس يطلعهم
بغير بيت جان ارتاح كَلبي
بس اااخ لو و ال لو شيفيد
افكر وقطع سلسلة افكاري صوت امي
نوريه - ولج يمه شبيج صافنه
عبير - يمه هاي مو عيشه عايشين
من ابويه موجود حياتنه جنه ومن يروح
تصير جحيم
نوريه - اي والله يايمه الله كريم
لا تنقهرون حبيبتي
عبير - يمه الله يخليج شنو ما ننقهر
شفتي اليوم علاء شسوه ب حويرب
نوريه - سكتي ولج نااار بكَلبي
عبير - كامت تبجي حضنتها
يمه لا تبجين اسفه خلص غيري الموضوع
شنو جنتي تريدين مني
نوريه - روحي شوفي مرت علاء
وينها خلي تجي اطبك التمن
عبير - خوش
رحت قبل لا ادك باب الغرفه
سمعت صوت علاء يحجي بخوف
ويه واحد بالموبايل والصوت مفهوم واضح
كل كلامه
علاء - الو شرايد
بسام - ولك غير المشاكل مايجي منك
علاء - ليش شصاير
بسام - كله منك لو ما اخوك حرب
جان شفتني مدفون بتراب المطعم
ولك شنو من بشر انت ماتكلي شنو من بشر
طلعت احقر منه
علاء اسمع لا اعرفك ولا تعرفني
مشاكلم العائلة مو شغلي فهمت
علاء - لا تصير شيخ براسي
مو بلاش لا تنسى خاف جدي اخذ كومه
فلوس مني مو انت ها احجي
لو هسه صار بيها فلوس تسكت
بسام - كافي ماريد لا فلوسك ولا اسمع كلامك
صار شكد اعذبه اني الماعندي احساس كمت
انقهر علي شنو من بشر انت ولا تنسى لو مو هو
جان هسه المطعم في خبر كان والله طلع
هل طفل اعقل مني
ومنك وتفكيره احسن منك
علاء - ايباااه هسه صحيت على ذنوبك
بسام - السالفه مو هيج بس المخبلني
شلون اخوك ما اخذ حقه مني وجانت احسن
فرصه بيده وابوك استاذ حسين جان ويه
لو تعرف شكد جنت
مو زين ولك دمرته دمار
الجلب جان اله احترام بالمطعم واخوك ماله
احترام اني كلش جنت مو زين ويه اخوك وكله
من وراك بس طاح حظي الفلوس عمت عيني
علاء - هسه شنو المطلوب عمه بعينك
وعيني اعتمدت على حقير مثلك
بسام - اسمع لك لا اعرفك ولا تعرفني
لو تشوفني بالشارع دير ظهرك فهمت
واذا اكو واحد حقير هو انت على كولت
اخوك الله فوك يشوف كلشي
علاء - وانت.....
ياحقير سده بوجهي اااااني اعلمك يابساااام النذل
ااااني تسده بوجهي ولك اااااني الك بسيطه اصبر
امل - فدوه اسكت صوتك عالي هسه يسمعونك
علاء - سكتي لج ما اسمع صوتج فهمتي
امل - هاي شبيك فوك ما اغطي على سوالفك
هيج تحجي ويايه
علاء - ولج هذا صار شيخ براسي بسام الحقير
صار شيخ شيخ براسي
امل - كتلك لكي غير طريقه تهين اخوك بي
بس ما تسمع الكلام
علاء - اني اعلمه اذا ماطرده من البيت
بس صبري عليه
عبير - كل هذا واني مصدومه عزه العزاك
علاء على هل دكه طلعت انت هيج مسوي
علمود تشوه صورة حرب يم ابويه ويم الناس
ركضت لغرفة حرب اشوفه ماكو كعدت ابجي
بالكاع ربي شسوي يارب احفظنه ذوله مو بشر
ربي ذوله ناس مو زينين يارب حسبي الله ونعم الوكيل عليهم يارب لك الحمد والشكر انكشفو
بسرعه يارب الف الحمد لله
ابجي واحجي وادعي وجسمي كله يرجف
مصدومه والله مصدومه ذوله شنو من بشر
اعرف ما يحبونه بس ماتوقعت وصل الكره
والحقد هل درجه بيهم
سمعت صوت الباب انفتح وجان اشوف ....................................
_
_
_
_
للحكايه بقايا
للحكايه جزء مفقود او جزء مرعب
بنات الأستاذ حرب يتابع كل تعليقاتكم
وقسم من الأبطال يلي راح تتعرفون
عليهم في البارتات القادمه ان شاءالله
_
_
لا تنسون حبايبي التصويت بالنجمة + تعليق
بين الفقرات وتفاعلكم مع الرواية
قلبي لا تنسون
متابعة حسابي واتباد + انستجرام ⬇️
انشر اهناك كلشي يخص الرواية وكلام الأبطال
وموعد نزول البارت
والان دمتم بخير
واحبكم هوااايه
في أمان ألله قلبي انتم
<<<<<<<
سبحان ألله
ألحمد لله
لا إله إلا ألله
ألله أكبر
<<<<<<<
#خطوات نحو الموت
#للكاتبة جيهان آغا