#ثأر_الجموح
#البارت_8
بقلمي ملك الـمدني
بعدهن؟
حارات جروحي اجروح
لچن عندي صلابه ورحي جسرة
اروف جروحي بيدي وما كلت اخ
ولكه الخيط بس اضيع البرة .
_شاكر الغالبي
ins:_mk_j97
تلي:Maljonk
لتنسون التصويت + تعليق حلو مثلكم + متابعه للحساب🦋🤍
،،،،،،،،،،،،،،،،،،،،،،،،،،،،،
شمس"
فكيت عيني شفت السكف ابيض درت وجهي شفت امي كاعده يمي وجعفر واكف يم الجام اسمع امي تحجي وبالي مو يمه بالي يم الي صار واحس نار بيه دموعي تنزل كرهت كلشي وحتى نفسي
Flash Back:-
مد ايده وقبض على ايدي اثنينهن وره ظهري باوعت بعينه وابجي واصرخ ،صرخت موجعه من قبض اكثر وحجه يم أذني
_اعرفي شي اني مراح اسوي الج شي مثل الي بالج بس نسوي غير شي
غمضت عيني بهدوء من كال هيج بس صرخت حيلل من حسيت شي اخترق رجلي متت من الوجع ماكدر اوكف انفاسي صارت حاره ومو منتظمه بدت الدنيه ادور بيه وبس اسمع صدى واسمع كلامه من كال
_مو اني الي اسوي الي بالج
غمضت عيني اكثر وماكدر احجي شي حسيت وجهه صار يم ركبتي اخذ نفس وكال
_اسف شمس
محسيت ولا سمعت غير هاي الكلمه اخر شي سمعته .
End Flash Back:-
اجة الدكتور وانا نفسيتي تحت الصفر ومنتظره بسام يجي حتى افتهم انا ليش دخلوني بالنص ليشش طلعو وانا بس منتظر لا ادري شحجه الدكتور ولا شي بس افكر بكلامه حسيت طاقتي نفذت وصبري هم كمت بسرعه واسحب واعيط
_بسامممم تعالل اريد احجي وياكك يا گلبب انا ليش دخلتوني بنص اجرامكممم بسامممم تعال لو بيككك خيرر لك تدري شصار بيه من اخذنيييي بسامممممم
اعيط وابجي وامي تحاول تهدي بيه اجه جعفر وسحبني من امي وحضني بجيت وادفع بي
_وخررر كلكم قذرين ولا واحد بيكم بي خيررر وخرر جعفرر لا قسم بالله اسوي بيكم جريمه كلكم يا حيوانات مابيكم خيرر ولا واحد فكر بيه اذا سويتو شي راح نتأذى عديمين رحمه وتفكيرر وخرر
عطتت باعله صوتي حسيت من اندفع عني وشفت بسام بكل ما اوتيت من قوة ضربته راجدي لبسام خده صار احمر وايدي هم صحت بوجهة
_تدري شفكرت من جنت يم هذاك الحيوان تدرييي بسامم ولك فكرت يسوي بيه مصيبه فكرت راح يغتصـ//بني ولكك تدريييي بسام احجي شيييي لضلل ساكت ليشش انا ليش دخلتوني بنص اجرامكم القذرر
بسام:-شمس بس اسمعيني بس..
قاطعته
_اطلع بسام ماريد اشوفك لا هنا ولا بالبيت تسمع لو تنام بشارع هم ميرف اليه جفن اطلععع
بقه واكف عطت اكثر وزدت بالبجي
_تدري لو مسوي الي بالي جان خسرت كل حياتي منو يتقبل بنيه مثلي هااا احجي بساممم منووو
بسام:-لا يهمج اخذ حقج وحك الكفل زينب اسحلهم
_لا تجيب اسم اهل البيت على السانك القذر اطلع وماريد شي منك بس فكني
بسام:-هيج صارت شمسي .؟
_بسام اطلع مو بالحك والله تعبتت من مشاكلك اطلع وفكني
هز راسه وطلع هوه وجعفر ضميت روحي بحضن امي وابجي بحركه من الي صار روحي تشوغ كل ماذكر ليش دخلوني بالنص اون من الوجع حسيت شي جاي يطلع امي وخرتني وتفاجأة من شافتني جاي انزف طلعت صاحت الدكتور واجه عرفت انفتح الجرح رجعو ضمدو الجرح وسدو طلعو كلهم وبقت بس امي يم راسي تقراء قراءن غفيت وانا سارحه بتفكيري الي ميخلص حلمت شي مخيف فزيت مرعوبه وانا اذكر الحلم.
جنت كاعده جوه شجرة واجتي يمي مرية لابسة اسود كعدت يمي وتحچي بس كلامة مو مفهموم ضحكت وكامت من يمي وصار يلتف عليه ثعبان اسود وينفخ بوجهي وبعده كمت مفزوعه.
حجيت لأمي وبدت تقره عليه قراءن وانا بقيت خايفه من الحلم ولاجنت مفتهمه شنو راح يصير او شنو مستقبلي وياريت ماعرفت الي حيصير.
فزيت على احد يمي رفعت راسي جان بسام انداريت على الجهه الثانيه حجه بحيره وكال
بسام:-معرفتي اسمه او شكله
_واحد صاح بي وكله جمر استعجل
بسام:-شسمهه.؟؟؟
_جمر شنو شسمه
هز راسه بتوعد راد يكون كلت اله بخوف
_شراح اتسوي
بسام:-مراح اسوي شي
_لا عبالك تعبر عليه استاذ بسام احجي
بسام:-مراح اكدر ارجع لاذى بالاذى راح اسوي غير شي
_بساممم عوفهم لخاطري
هز راسه بـ لاا صحت بي
_كل الي صار بيه بسببك وتريد اتسوي اكثررر بسام كافي لخاطر الله كافي بروح امي كافي تعبتت والله
بسام:-ماشي لخاطرج وخاطر امي مراح اسوي شي
_احلف
بسام:-وروح امي كلشي ماسوي
هزيت راسي وحضني بجيت بحضنه وخايفه من كلشي.
صحيت بعد فتره وكالو اكدر اطلع طلعت وسالت امي على بسام كالت صار عده شغل وجان بس جعفر موجود ضجت لان ماحب جعفر صح اتربيت وياهه بس مااطيقه ،رجعنه للبيت وانا كعدت اقره الي فاتني هذني اليومين وجان عدي امتحان هم كعدت اقره بيهم .
،،،،،،،،،،،،،،،،،،،،،،،،
مروه"
كعدت على ايد تمسح على راسي فتحت عيني بهدوء ونعاس كمت مفزوعه وابتعدت من ركزت شفته هذه حسين
حسين:-شبيج مروه
مروه:-هاا لاا ماكو شي بس اخترعت
هز راسه واجه حضني غمضت عيني والخوف اتملكني فركت هوه بسام الخوف بكل جسمي ضميت نفسي اكثر بحضن حسين وهوه يسمي عليه اذكرت كلشي من سحب رجلي ورحوك بساعته حسيت روحي جاي تطلع واشهك دفعت حسين وكمت ارجف عطت بي
_اطلعععع ماريدك هنااا حسينن اطلعععع
حسين:-مروه شكو
_اطلعععع برهه
دفعته واطلع بي اجتي امي وابويه سحبني ابويه لحضنه وهوه يهدي بيه اضرب بيه واريده يعرفني خايفه منهم لا يسوون مثل بسام ادفع بيهم ماريدهم امي وخرت ابويه وحضنتني دفنت راسي بصدر امي واناشغ امي اتسمي عليه وانا بس ابجي ماكو شي بيدي خايفه منهم كلهم محسيت بامان يم احد مااحس بامان اريده ومااريده كارهته بس شي بداخلي مادري شيريد منه بعد كل الي سواهه دموعي تنزل
طلعو اخويه وابويه بقت بس امي تمسح على راسي بقيت فتره طويله هيج كمت من حضن امي من استوعبت كلشي سحبت نفسي وامي تحجي وياي بس مسمعته كلت اله تعوفني وحدي طلعت بدون كلام
سمعت صوت التلفون يدك رحت سحبته من الميز وشفت رقم سديم جاوبت
_هاا خير يا طير
سديم:-ماكو مبروك
_على شنو بعد مبروك حبلتي
سديم:-كبرر مروه شبيج لااا
_لعد ؟!
سديم:-راح نخطب يوم الخميس عقد وخطوبه ومهر
_حيل كلهن بعدين كولج مو اتفقنه وره الامتحان
سديم:-يعني هسه عوفج صارت بعد
_ماشي وهسه شنو
سديم:-وجع مروه شهل برود راح اجي اموتج
_اوفف سديم اليوم صارت مصايب
سديم:-يمه ليش شكو ؟؟
سولفت اله كلشي وهيه ضلت ساكته بعدين كالت
سديم:-مروه تجين يمنه
_وين .؟
سديم:-يم خاله وسن
_لا سديم انتو صرتو منهم وبيهم وهم عيب انتو صالكم يومين هناك وانا هم اجي
سديم:-مروه شجاي تخوطين شلعيه يومين صالنه يمهم وشلعيه انو احنه منهم وبيهم لتخوطين
_سديم انتِ مجاي اتحسين بالي جاي اعيشه
سمعت شهكته وحجت بشبه اصياح
سديم:-مروه انا عشت بضيم عشيت بين اصراخج وبين تهديد بسام انو يقتل جموح والاكبر وكلهم عشت بحرب نفسيه عشت اكثر من الي انتِ عشتي مجاي افهمين شنو اتخطي مروه اتخطي كلشي
عطت بيها واحس روحي راحت
_انتِ الي متفهمين لچ جنت احترك جنت اتعذب جنت احترك وانضرب وانجلد واتكهرب وكلشي ضكت كلشي مر وكلشي يدمر الشخص ماعشتي مثل هااا كوليي سديم لتسكتين
سكتنه اثنينه ،كالت بعد مده من السكوت
سديم:-مروه انا وانتِ عشنه نفس الشي بس مجاي نكدر نتخطى من صوت قرب الاكبر كدرت اتخطى جزء تعالي يمي ونتخطى انا وانتِ
_سديم ماكدر ابويه ميخليني
سديم:-حاولي مروه اترجاج
_ماكدر اجي صدكيني اتعذب اكثر خليني هنا يم اهلي
سديم:-الي يريحج مروشتي
همهمت وسديته منه بعد متفقت اجيه يوم لأربعاء وابقه للجمعه وارجع لبيتنه وافقت وانا هم سديته منه ونزلت جوه سألت امي على حسين
_يمةة وين حسين
ام مروه:-بغرفته يمةة
هزيت راسي وكمت من يمهم رحت لغرفة حسين دكيت اليل وجاني ردة بقبول دخولي دخلت للغرفة جان كاعد يلعب بلي حمحمت وهوه دار وجهة اتجاهي بلعت ريكي وهوه اجة بتاجهي يتحمحم ماتراجعت بقيت واكفه وهوه اجه وكف مقابيلي وسحبني حضني انا هم بادلته الحضن بقوه وحنين بعدني عنه وكال
حسين:-شما تحجين وتسوين تبقين غالية گلبي
_حسين
حسين:-عيونه لحسين
_اسفة على الي صار اليوم حسين
حسين:-عليش يروحي انتِ ادري مو سهلة عليج بس صدكيني راح تتخطين كلشي وانا وياج خطوه بخطوه
ضحكت وارتميت بحضنة وانا مشتاقهه كلش اله غمضت عيني واحس براحه وامان سمعت لاذان ورحنه نصلي من خلصت جانو كلهم موجودين كلت الهم
_الخميس الخطوبة
حسين:-خطوبة منو ؟
_يااا سبيك سديم
زينة:-هاي شنو مو على اساس ورة لامتحانات وبعدين ليش مكالت ؟
علي:-لاا كالت الية وانا وافقت
زينة:-ومتكول النه علي
علي:-هسه عرفتو يو لاا عرفتو
_اهووو كافي يله مامه هسه عادي اهم شي عرفنه اول شي
زينة:-ايي ماشي هاهيه
حسين:-ايي لعد انا هم راح اخطب
_شنوووو.!!!
حسين:-شبيج مروش ليش مكلتو اله
زينه:-لما انتَ قبل شويه كلت الي ولابوك
حسين:-اللهم اني بلغت
_اهووو منكم دروحو
حسين:-وين نروح
_اهوو حسين بلا مصاخه
حسين:-هسه احط شويه ملح حتى اصير مالح
_راح اجي اكفخك
حسين:-ديله انتِ كدها تعالي
_دولي عابت
حسين:-دولي لو عالمي
_حسيننننننن
ضحك وراح باس راس امي وابويه واجه يمي باس راسي وخدي وطلع كال ويه جماعته طالع .
اعرف حسين يحب وحده وياهه بالجامعه فزيت من صفنتي على امي اتصيح
_هاا يمةةة خير
زينه:-كل خير روحي شوفي منو بالباب
_ماشي.
سحبت الشال والصايه لبستهم وطلعت جان طفل صغير واكف وبيده جيس صغير كال
:-وين مروه
_انا هيه
:-هاي اطاني اياهه عمو كال الچ
_منوة .؟
:-هناك جان واكف
اشر على جهة ابو لاسواق بس مجان اكو احد دار عليه ومال مره ثانيه
:-والله جان هناك
_ههه هاهيه حبيبي جيبه و روح
اطاني اياه وراح فتت سالت امي منو كلت اله طفل اجه وسالت شراد لفقت اله جذبه لان جنت حاسه هذه الشخص هوه نزعت الصايه وعلكته وصعدت اركض للغرفه سديته وقفلت الباب رحت للچربايه وكعدت عليه گلبي يدك على السريع وكان كاعد اسوي جريمه فتحته وجان بيه علبه وبـيها اسوار ناعم شلت ألاسوار ودورت بالعلبه شلت القطعه الفوك وچان اكو ورقة بيه
كلام دك گلبي من الرساله وايدي ترجف
"شراين گلبي هذه اسوار بدال هذاك لان اخذته بي عطرج اعذريني شراين گلبي "
نزلت دموعي من الرساله وحطيته وحطيت السوار هم رجعتهم بالعلاكه وحطيتهم جوه الفراش مردت احد يعرف گلبي يدك على السريع سمعت صوت امي جوه اصيح جسمي يرجف نزلت وجهي مصفر
زينه:-شبيج امي شكو ؟
_هاا لا ماكو شي بس هيج شويه تعبانه
زينه:-متاكده مامه ماكو شي
_ايي والله ماكو شي
هزت راسه وكالت خلي نتعشه
_يمةة انا مو جوعانه
زينه:-شبيج مامه وجهج مصفر شكو
_والله ماريد احس تعبانه
زينه:-اخاف متمرضه
_يمكن حروح انام
زينه:-ماشي امي
صعدت فوك وانا افكر وتعبت من التفكير كلش احس تعبانه ومالي خلك شي بس اريد انام شمرت نفسي على الچربايه ونمت بعد تفكير طويلل.
،،،،،،،،،،،،،،
جموح"
جنت كاعده واجت يمي سديم تحمحم
_خير ياطير
سديم:-باعي جموحه اكلج
_خيررر احجي عاد
سديم:-باعي جنت احجي ويا اكبر
_ايي !
سديم:-وكال ليش منسوي الخميس
_هذه الخميس !
سديم:-ايي
_صدك تحجين شنلحك سديم اكيد موافقتي!!!؟
سديم:-شسمه لاا كلت اله عادي
_شنووووو ولج صدك تحجين
سديم:-ونبي جموح
_امشي من وجهي يا سديمم لا اجي اطيح حظج
سديم:-اهووو شبيج جموح عادي اكو شركاتت..
قاطعته
_انتِ شجاي تحجين سديم تعرفين شنو الخميس تره اليوم احدد لتخليني اطلع من طوري
سديم:-جموح حبابه
هزيت راسي وطلعت لخاله وسن صحت اجتي تركض وخايفه
وسن:-خيرج شكو ؟؟
_شوفي سديم خاله تره انا طالعه روحي
وسن:-شكو يبعد روحي
سديم:-خاله كالت اله اني واكبر اتفقنه الخميس وهيه صارت هيج
وسن:-ايي خاله عادي شمالج ولج انا بعرسي اطونه يومين بس وكلشي جهزت بيهم
_بس خاله..
قاطعتني
وسن:-معليج خلي كلشي عليه وتلكينه كلشي يوم الاربعاء جاهز
هزيت راسي وصعدت ضايجه لليل اجتي سديم تحاول وياي وكالت دكت على عمو علي وافق هوه هم سكتت لان بعد ماكو مفر رحت فضفضت يم كسار كل الي بـ گلبي
مكالمه هاتفيه"
_"كسار احس مشتاقه الهم"
كسار:-"تردين ترحين الهم"
_"مادري احس حيل مختنكه وهم سديم راح تزوج مادري"
كسار:-"شنو الي تردي وانا حاضر"
_"تسلم كسار بس مدري "
كسار:-"تسلم عيونج وتيني"
ضحكت وكلت اله
_"كسار"
كسار:-"عيونه وحياته لكسار "
_"يصير نبقه نحجي للصبح"
كسار:-"يصير يا اول عشك "
_"تره جاي اخجل"
كسار:-"اول مره اسمع هاي الكلمه عبالي جحش متحسين"
_"كساررر شبيكك "
كسار:-"عيدي اسمي بله"
_"اشش يله روح "
كسار:-"مو كلتي تريدين نحجي هواي چا هذه حجيج شنو "
_"دروح كسار عاد "
كسار:-"ليش هيج متريديني "
_"اهووو كسار لا عفيه روح لا تجي خاله "
كسار:-"تخافين منه "
_"لااا يولو ياهو انا اخاف لاا"
كسار:-" چا هذه حجيج شنو اخاف تجي خاله"
_"هيجج روح يله باي"
كسار:-"لاا اوكفي قبل لا تسدي"
_"خير.؟"
كسار:-"انزلي جوه اطيچ شي "
_"شنوهه.؟"
كسار:-"تعالي وتعرفين شنوه"
_"ماشي جايهه "
سديته منه وكمت سحبت الروب ونزلت على اطراف اصابيعي امشي وصلت للباب وفتحته على كيف اول مفتحته كفخني هوه بارد طلعت اضحك شفته بالباب فتحته وكال
كسار:-هله يبعد رموش عيني
_هله بيك
كسار:-ياهو تعجبج اكثر
_شنيه.؟؟
كسار:-بعد رموش عيني او وتيني او كيكه
_كلشي منك حلو
كسار:-كلشي بيج مينوصف
_الي يعجبك
كسار:-انتِ تعجبيني
_اهوو كسار بلا مصاخه شرايد ؟!!
كسار:-هاچ هاي الج
_الي ؟
كسار:-ايي
سحبته جانت علبه فتحته جان بداخله سوار ذهب رفعت راسي متفاجئة
_هاي شنو
كسار:-بيه حرفي وحرفج
نزلت عيني عليه وشفته ابتسمت وكلت اله
_شكراً
كسار:-العفو كيكه
ضحكت وحضني وكال
كسار:-ماحب اسوي شي بدون زواج بس حضن
ابتسمت اله
_وبعد
كسار:-ابوسچ من خدج
اطاني بوسه وضحكت لان شواربه ولحيته چكچكت خدي ابتسم برضه وحجه
كسار:- راح احبج حب علي لـ فاطمة (عليهم السلام)
_وانا احبك حب فاطمة لـ علي (عليهم السلام)
ابتسم وكال
كسار:-ترحين زياره
_انتَ مجرم
كسار:-انا شلعيه مااشتغل بهيج والله حتى صلاة اصلي واقرأ قراءن وازور بعد شسوي ما الي شغل بيهم
سكتت وكلت اله
_صلاة الضهر كم ركعه
كسار:-اربعة
_والعصر
كسار:-هم اربعه
_والمغرب
كسار:-ثلاثه
_والعشة
كسار:-اربعه والفجر ركعتين
_شنو السوره الي لقبة بعروس القرآن
كسار:-الرحمـٰن
_احمم شسمه
كسار:-بعددد هاا احجي شي بعد او بيج خيرر
_هاا هيج صرت
كسار:-لاا وتيني انتِ شي شخصي بيه
_دوخر يله
ابتسم وباس راسي وراح ودعته وفتت للبيت دز الي رساله كاتب بيه
_"اقري زيارة عاشوراء وتيني "
ابتسمت ورحت اجيب الكتاب رحت اتوضيت وقريته وصليت ركعتين لوجة الله وقريت قراءن دزيت اله كلشي سويته ابتسمت من كال
_"الحب الصالح دائما يكون ناجح"
دزتله
_احبك كساري
دزلي گلب وسديته ونمت .
مر هذه لاسبوع كله طلعه وتجهيز وساحلين مروه ويانه وهيه بس تحجي عليه
مروه:-عرس اختج انا شلي دخل
سديم:-اشش مروه چا انتِ مو اختي
مروه:-الا انا بت علي وزينة
سديم:-كبر مروه شبيج
مروه:-شبت بيج مسحولتني من صباحيات الله شكوو
سديم:-اهوو غير جاي نختار قاعه للمهر
مروه:-وانا ايش دخل امي بالموضوع
سديم:-بسج مروه لا اجي اسطرج
جموح:-بسكممم ثنينكم ماريد اسمع صوت
سكتن اثنيهن ورحنه حجزنه ولا انا ولا مروه اشترينه فستان بس وأخيرًا لكينه جان اكو فستان احمر كله مفتوح الضهر والصدر وبي چاكه مروه كتلت نفسه عليه واخذته لان مجان موجود قياسي رحت ادور اليه ولكيت فستان سمائي مفتوح من الضهر وچاكه هم للفخذ بس الصدر مستور اخذته اما سديم فه اله فساتين اثنين واحد للعقد ولبس الحلقات والنيشان واحد وراهن اول واحد ابيض وبي تور من وره عبالك اميره وبس فتحه هم من وره والثاني چان بنفسجي فاتح ومستور لان اكبر مقبل مفتوح بس هوه حبال ومابي اسقيات.
خلصنه كلشي من فساتين وقاعه وصالون واحذيه وكلشي خلص رجعنه يوم لاربعاء ميتين تعب مروه وسديم راسن نامن بس انا وخاله بقينه نخلص الي علينه لان باجر يجون اهله هنا بالبدايه يله يرحون للقاعه ويه خاله وسن، رحت نمت بعد تعب طويل .
صحيت ثاني يوم ورحنه انا ومروه وسديم للصالون سون هنه وانا اخر وحده لبسنه البدالات من هنا ولبسنه صايات غطيت سديم بركع ولبستها حجاب لان اكبر كال اله تلبس حجاب وهيه من اجه طلب ايده هيه لبسته اما انا بعدني والله يهديني يارب وجاي افكر بالموضوع .
لبسنه وخلصنه واچه اكبر علينه الطريق كله بس يتغزل بسديم ماكدر احس مشاعري متخربطه اختي الصغيره وأخيرًا راح تزوج فرحه جبيره بيه الدموع بعيني .
وصلنه للقاعه ونزلنه وديت سديم للغرفه وياهه مروه طلعت لان كسار كلي يريد شوفني طلعت اله جان واكف بمكان ختله
_هاا كسار شكو.؟
كسار:-اشوف شلابسه
ضحكت ونزعت الصايه ابتسم برضاوه من شاف صح مو كل جسمي مغطه بس اهم شي مو مفتوح زياده ابتسم
كسار:-عفيه مرتي تسمع الكلام
ضحكت وكتله يروح باس راسي وراح .
دخل اكبر هوه وسديم ولبسه كلشي وركصو سلو واكلو كيك وطلع راحت سديم اتبدل وياهه مروه واني اسلم على المعازيم.
،،،،،،،،،،،،،،،،،،،،،،،،،
مروه"
_هاا مبين فرحانه
سديم:-متدرين كمية الفرحه الي انا بيه
_اخخ ياعمري الله يهنيكم يارب ويبعد عنكم كل عين
سديم:-ان شاء الله ،تدرين فرحانه للاخوج اكثر
_ويي ليش
سديم:-لان اخوج تعب اكثر منه الي يحبه كل شويه قرار جانت وأخيرًا صفت على قرار
_اويي شعليج بي هسه
سديم:-اخخ ولج مروه على كيف
_اهوو انا صوجي الي جاي اساعدج
سديم:-مسويه من نيه البربوك
_ياطايحت الحظ هاي عليه
سديم:-بربوك يعني صاحبت العروس بالكردي
_اايي صدكتج
سديم:-والله شبيج
هزيت راسي وضحكت ضلينه نسولف وبعدين دخلنه انا وياهه سويه ركصنه وتعبت من الركص وأخيرا خلص اجمل عرس واجمل عرسان چانو همه كلنه لبسنه وسديم غيرت لبست قفطان لان حيخلون ابويه وكسار واكبر رحت للغرفه حتى اجيب شحاطه لخاله وسن وسمعت الباب انسد درت وجهي وشفته هوه حجيت بتحذير
_بسام اطلع مناا
بسام:-ليش ؟
_بسام لتسوي هيج كافي جاي اتعذب من وراك كارهتك افهم يا اخي كارهتك ماريدك بعد حل عني
بسام:-مروه اطيني فرصه ربج يطي فرص لعباده ويسامحه وانتِ لاا
_ربك رحيم بس انا تعبت انتَ سويت اشياء متغتفر ابدد
بسام:مروه بس افهمي انا ماكدر اعيش هيج بدون مسامحيني مروه افهمي جاي اتعذب وراج
_احسننن تستاهل
بسام:-غلطت وبس الي اريده كولي الهم ليلمسون احد من اهلي
_شتقصد بسام
بسام:-مروه بس وصلي كلمتي الهم وهاهيه
راد يطلع ولزمت ايده
_احجييي شكو لتكول كلام مو مفهوم منه شي
بسام:-أذو اكثر شخص عزيز عليه ودخل المستشفى
_شجاي تحجييي بسام
بسام:-اسس حسج شراين گلبي
_بسام بس كلي شكو
بسام:-متفتهمين شي بعدين نتحاجه
_لاا هيه اتكول الي شكوو بسام احجييي شكوو
اثناء حجينه سمعت صوت طلقه وكفت صافنه عليه وهوه هم فلت ايده مني وطلع وطلعت وراهه رحت وشفت الكل خايف وشفت اسوء شي بحياتي...
يتبع🎲🦋......
،،،،،،،،،،،،،
اصراحه ما اطاني گلبي ابقيكم هواي فه اجيت اركض اكتب بارت ادري فرق ايام هواي بينهم بس يله استحملو جاي اكتب بس بوقت فراغي فه شويه صبررر عليه
وبس احبكم
لتنسون⭐️⭐️
في حفظ الرحمن🦋🤍