"MOMMY, I'm home..." Pagod na umupo si Bridgette sa sofa. Napagod siya dahil kakagaling lang nila sa libing ni Olivia.
Napangiti siya ng maalalang muli ang pag-iyak ng nanay ni Olivia kanina dahil sa ginawa nila sa puntod ng anak nito. Ginawa naman nila iyon dahil sa pagpapahiya sa kaniya ng kanyang teacher.
Inulit ni Bridgette ang pagtawag sa kanyang mommy pero isang katulong ang lumapit sa kanya. "Asan ang mommy?" tanong niya.
"Senyorita, nasa library po kasama ang kanyang mga amiga." sagot sa kanya ng katulong.
Tumayo na siya. "OK. Ihanda mo na ang aking pampaligo. Gusto kong mag hot bath ngayon. And pupuntahan ko lang si mommy sa library..."
Tatalikod na sana siya pero pinigilan siya ng kanilang katulong. "Pero senyorita ang bilin po ng senyora ay bawal po silang maistorbo-"
"Huwag mo nga akong hawakan! Ang baho ng kamay mo. Gross!" Sabay piksi niya ng kanyang braso. "At ano ito? Dinidiktahan mo ako, ha?" At sinampal-sampal niya ang katulong. Iyong mahihina lang pero sunod-sunod.
Napayuko ang kawawang katulong. "H-hindi po..."
"Walang pwedeng magdikta sa akin. Itatak mo yan sa utak mo!" Sigaw pa niya sabay talikod at tinahak na ni Bridgette ang papuntang library.
Pabukas niya ay sumalubong sa kanya ang matitinis na halakhakan ng mga sosyal na amiga ng kanyang mommy.
Lahat ng limang babae na naroon kabilang ang kanyang mommy ay sabay-sabay na napatingin sa kanya. Nawala ang ngiti sa labi ng kanyang mommy ng makita siya. Ngumiti lang itong muli ng kausapin ito ng mga ka-majhong nito.
"Siya ba ang anak niyo Mrs. Luviera? Napakagandang dalagita!" puri sa kanya ng isa sa mga amiga ng kanyang mommy. "Pero parang hindi mo siya kamukha kumare kahit na ng iyong asawa."
Pilit na ngumiti si Mrs. Luviera sabay lihim na pinandilatan siya. "Ah yes! She is Bridgette. Excuse me lang mga amiga!"
At nagmamadaling lumapit sa kanya ang kanyang mommy. Mahigpit siyang hinawakan nito sa braso at dinala sa kanyang silid. "Aww...Mommy you are hurting me!"
"Talagang masasaktan kang ingrata ka! Bakit ka nagpakita sa mga amiga ko?!" Pigil ang paglakas nito ng boses.
"M-may sasabihin lang sana ako mommy."
Kinuha ng kanyang mommy ang purse nito at naglabas ng lilibuhing pera. Nagbilang ito at isiniksik sa kanyang palad ang makapal na pera.
"Ayan! Twenty thousand! Iyan lang naman ang kailangan mo diba? Go outside at huwag kang babalik hangga't hindi umaalis ang mga amigas ko!" Matapos iyon ay iniwan na agad siya ng kanyang mommy.
Napaupo siya sa kanyang kama. Nakita niya ang kanyang sarili sa malaking salamin na nasa kanyang harapan. Hindi maitatanggi na tama ang komento ng kaibigan ng kanyang mommy at daddy. Ang totoo niyan ay bunga siya ng panggagahasa sa kanyang mommy ng dating hardinero ng mga Luviera. Kamukha daw siya ng rapist na nambaboy sa kanyang mommy.
Dahil sa realidad na iyon ay walang amor sa kanya ang kanyang mga magulang. Kapag may kaharap lang silang ibang tao ay saka nagiging mabait ang mga ito. Oo, naibibigay ng mga ito ang lahat lalo na sa pera pero hindi lang naman iyon ang kailangan niya...Kailangan niya ng atensiyon ng mga ito.
Naisipan na lamang niya na tawagan si Thea ng mga oras na iyon.
NAPABUGA ng hangin si Thea matapos niyang makausap sa cellphone si Bridgette. Nag-aaya itong gumimik ngayon. Nag-aalangan siya sa pagsama sa mga ito dahil halos ubos na ang kanyang ipon.
Bumungad ang kanyang ina sa kanyang maliit na kwarto. "Hoy Thea! Asan na ang kinita mo kagabi sa club? Wala kang ibinigay na gaga ka!"
Agad siyang lumapit sa kanyang ina na mainit na naman ang ulo at inabot ang dalawang libo. "Ito na po.Nakalimutan ko lang pong ibigay kasi lasing na lasing kayo kagabi..."
"Punyeta! Bakit ito lang?"
"Matumal po kagabi inay..."
"Hala! Papalampasin ko ito ngayon at may tong-its ako kila kumare. Pakainin mo ang mga kapatid mong palamon, ha?!" At umalis na ang kanyang inay.
Ito ang totoong Thea. Sa school ay kilala siyang mayaman at sosyal pero lingid sa lahat na isa siyang mahirap at sa squatter nakatira. Sumasayaw sa club pagkagabi para kumita lang...
Kinuha niya ang kanyang cellphone at tinawagan si Bridgette.
"Hello?" aniya. "Bridgette?"
"Yes? Hmm. Ano? Sa Padi's Point tayo later?" Excited na tanong nito sa kanya.
"I am sorry but hindi ako pinayagan Bridgette."
"Eh wala ka naman palang kwenta eh! Sige na!" Iritadong sabi nito sa kanya.
"Try mo sina Matthew..."
"MATTHEW, baby? Lagyan mo nga ng towel iyang likod mo. Pinapawisan ka na sa kaka-computer mo." Humahangos na lumapit kay Matthew ang kanyang Mama.
Malalim na huminga si Matthew. "Ma, I'm OK. Don't worry!"
"Pero Matthew Baby-"
"Stop calling me baby Ma! Nakakahiya kapag may ibang nakadinig sa inyo..."
"OK Matthew...Did you take your medicine na ba?" Nag-aalalang tanong nito sa kanya.
"Yup. Wait..." aniya ng biglag mag-ring ang kanyang cellphone. Si Bridgette pala.
"Ow Bridge? Sup?" bungad niya.
"I'm bored. Padi's tayo."
"Sure! Kumpleto ba tayo?"
"No. Thea can't go."
"That's OK. Nasabihan mo na ba iyong iba?"
"Hindi pa. Ikaw na lang magsabi, pwede?"
"Sure thing. OK. Buh-bye!"
Pagkababa niya ng kanyang cellphone ay agad siyang kinausap ng kanyang Mama. "Aalis ka ba Matthew Ba- I mean Matthew?"
"Yes!" Iritadong sabi ni Matthew. Sa totoo lang ay masyado na siyang nasasakal sa pag-aalaga ng kanyang Mama. "Pupunta kaming Padi's mamaya."
Napahawak sa noo ang kanyang Mama. "Padi's? Iinom kayo? Baka malasing ka anak ko?"
Gigil na nagsalita si Matthew. "Ma! For once,pwede bang tumigil kayo sa pagiging overprotected niyo?! I'm so sick with it!" At padabog na iniwan niya ito.
Ipapaalam niya sa iba ang lakad nila. Tatawagan niya muna si Emma.
NAPAPIKIT si Emma ng ibato ng kanyang daddy ang lahat ng test papers niya sa kanyang mukha. "Is that all you can do Emma?! Ten out of 60?! Twenty-one out of one hundred? Saang tanga at bobo ka ba nagmana ng kabobohan mo?!" bulyaw sa kanya nito.
Hindi siya makapagsalita. Nakita niyang papalapit sa kanyang daddy ang kanyang Ate Eva. Humalik pa ito sa pisngi ng kanyang daddy. "Hey Dad! Guess what? Exempted ako sa exams sa all subjects namin dahil mataas ang nakuha ko sa past exams namin!"
"Really? Iyan ang anak ko, matalino! Kaya ikaw Emma, gayahin mo si Eva. Pursigido sa pag-aaral hindi katulad mo na barkada ang inaatupag! Naiintindihan mo ba?"
"Y-yes Dad." Mabilis niyang sagot.
Muling kinausap ng kanyang dad si Eva. "So, anong gusto mong reward Eva?"
"Hmm. Gusto ko sana ng new phone dad. OK lang ba?" At tinignan pa siya ng kanyang Ate Eva na parang iniinggit siya nito.
Palagi na lang siyang pangalawa. Kahit sa grupo nila. Noong wala pa si Bridgette ay siya ang itinuturing na reyna ng Wellington Highschool pero simula ng mag-transfer ito doon ay pumangalawa na lamang siya nito at nanatiling anino...
"EMMA can't go kasi pinagalitan na naman siya ng kanyang dad." Iyon ang sagot na narinig ni Steven ng tanungin niya kay Matthew kung bakit hindi makakasama si Emma.
Matapos nilang mag-usap ay lumabas na siya ng kanyang kwarto. Eksaktong paglabas niya ay nakarinig siya ng mga nababasag na pinggan at baso sa kanilang kitchen.
Nag-aaway na naman ang kanyang mommy at daddy.
Nagtungo siya sa living room. Kinuha ang remote ng TV, umupo sa sofa habang nakapatong ang dalawang paa sa lamesang nasa gitna ng salas. Binuhay niya ang telebisyon at nilakasan ang volume noon.
"Sino ang babae mo?!" Dinig pa rin niya ang boses ng kanyang mommy.
"Wala akong babae?!" sigaw naman ng kanyang daddy.
"May nakakita sa inyo! Wag mo na akong lokohin!"
"Ang nagsabi sa iyo ang sinungaling!"
"Wag lang ako mismo ang makakahuli sa inyo dahil papatayin ko kayo!!!" Galit na galit na talaga ang kanyang mommy.
Halos araw-araw ay ganoon ang eksena sa kanilang bahay.
Napailing si Steven. Tumayo siya at bumalik sa kanyang kwarto upang tawaga si Ford tungkol sa lakad nila mamaya.
Iniwan niyang bukas ang TV sa salas.
IBINABA ni Ford ang kanyang cellphone matapos makausap si Steven. Paglabas niya ng kanyang kwarto ay nakasalubong niya ang kanyang Kuya Francis. Dalawa na lang silang nakatira sa mansion nila dahil kakamatay lang ng kanilang mga magulang dalawang taon na ang nakakaraan dahil sa isang car-accident.
Ang Kuya Francis niya ang mag-isang nagpapatakbo ng negosyong iniwan ng kanilang mga magulang.
"Kuya, pahingi naman akong ten thousand. Gigimik lang kami ng barkada," pabalewala lang niyang sabi.
Hindi yata nagustuhan ng kanyang kapatid ang kanyang sinabi kaya medyo pinagtaasan siya nito ng boses. "What?! Ten thousand pesos para lang sa gimik? Naririnig mo ba ang sinasabi mo Ford? Sobra ka na yata!"
"Hays! Ang dami mo namang sinasabi! Bibigyan mo ba ako o hindi?!"
"Hindi?!"
"What?! Pero-"
"Ako ang nagtatrabaho sa bahay na ito at ako ang magbubudget ng pera! Ayokong masira ang ipinangako ko kina Mama at Papa na hindi ko sila bibiguin!"
"Ewan ko sa iyo. Hindi naman ganyan sa akin sina Mama at Papa noon!"
"Iyon na nga eh. Nasanay ka masyado Ford."
"Madamot ka!" At walang galang na tinalikuran ni Ford ang kapatid.
Muli siyang nagkulong sa kanyang kwarto at tinawagan na lamang si Jacob. Baka sakaling may pera ito. Hihiram muna siya.
"TEN thousand?! Wala akong ganyang kalaking pera Ford. I'm sorry. Isa pa hindi rin ako makakasama dahil may pupuntahan ang family namin mamaya..."
Ibinaba agad ni Jacob ang kanyang cellphone ng biglang pumasok sa loob ng kanyang kwarto ang kanyang daddy. Galit na galit ito at napaatras siya ng makita ang galit na iyon.
Isang malakas na suntok sa kanyang mukha ang natanggap niya mula dito. "B-bakit po dad?" Nagtataka niyang tanong habang sapo ang pumutok na nguso.
"Napakawalanghiya mo talaga Jacob! Whats this?" At ipinakita ng kanyang daddy ang isang pakete ng marijuana. "Nakita ito ni Manang Sally sa pantalon mo ng maglalaba siya. Kailan ka pa natutong gumamit nito?!"
"Dad hindi po sa akin-"
"Tatanggi ka pa!" Sabay pasok ng kanyang stepbrother na si Hero. "Dapat diyan dad nirerehab na eh!"
Tinignan niya ng masama si Hero. Gagawin talaga ng stepbrother niya ang lahat makuha lang ang tiwala ng kanyang daddy. At gagawin din nito ang lahat para masira siya.
Minsan nga ay nagseselos na siya sa closeness nina Hero at ng daddy niya gayung siya ng totoong anak nito.
"WHAT? Ten thousand?! OK. Papahiramin kita..." Matapos makipag-usap ni Charina kay Ford ay pinuntahan niya sa garden ang kanyang mommy na nasa garden kasama ang kaniyang Ate Belinda. "Mommy!" Sabay yakap niya sa mommy niya.
Nakita niya ang pagsimangot ng kanyang ate sa pagdating niya iyon. Hindi niya ito kasundo kasi naiirita ito sa pagiging spoiled niya sa kanyang mommy. Lahat ng nais niya ay bigay agad ng kanyang mommy.
"Mommy, pahingi akong ten thousand..."
"Saan mo naman gagamitin baby?" Malambing na tanong sa kanya ng kanyang mommy.
"May project po kami sa school."
Sumabat si Belinda. "Don't fool us Charina! Ten thousand para sa project ng isang highschool student? Nagpapatawa ka ba?"
"Mommy si ate oh!"
"Stop Belinda!" Saway ng kanyang mommy sa kapatid. "OK. I will give you ten thousand!"
"Thank you mommy!" At matunog niyang hinalikan sa pisngi ang ina.