روح والنقـيب
بقلمي زيـنب الـزيـادي
♡♡_♡_♡_♡_♡_♡___
تذكير🎗
روح. فد تفشلتتتت عمو خابر ابويه وايوه اجه وعرف بل سالفه وكام يلطم علا راسه خايف عليه بعد خوف ورهبه رجعنه لبيتنه بعد ما تفق ابويه ويه الضابط انو اني واحد من اخواني وهوا نسافر خارج العراق ضمان عله سلامتي وسلامت عائلتي اتفقو عله يوم وحجزو طياره امريكا اني بديت اجهز باغراضي واني ابجي جبت ملابس مال طلعه ومال بيت ومال نوم ودشاديش اقصار ماادري شكم يوم راح انضل المهم بس الي عرفته الجان يشتري منه مخدرات استاذ كرم عصابه جدا كبيره والها فروع اكثر من دوله المهم كملت اغراضي وحتى جبت مكياج وفرجتي مال السنان خلصت رحت سبحت ولبست برموده ونمت......
__♡
نارين. يمهه
ام نارين. وجعععع
نارين. اريد اعزم صديقتي لعرس اخويه
ام نارين. نعرفهااا؟؟
نارين. اي شبيج ماما هاي روح بت ابو هشام
ام نارين. اي عزميها هيه وامها وجناينها
نارين. خوش وبعد منو عزمتي
ام نارين. بيت خالتج ام عثمان وبيت خالج سعد
نارين. يمه مبقه شي خل انزل للسوك اشتري فستان
ام نارين. باجر ننزل اني ومرت اخوج ساره وتعاي اشتري كافي دوختي راسي
نارين. اروحن اراسل روح احسلي طكيتها ركضه لغرفتي فتحت الفون واتصلت علا (مـلاذي) فتحت خط كلت.. ولججج روحيييححه
روح. هاي نارين شعجب متصله منج من الشيطان
نارين. موصوجج صوجي اني اعزم علا عرس اخويه
روح. ياهو منهم
نارين. سجاد
روح. خرببب سجوددديي راح يتزوج
نارين. اي ولج وين نايمه انتي
روح. توني يله دريت صدك ليش مكلتيلي
نارين. غير انتي وسجاد علا تواصل كلت اكيد كاللها
روح. صيحلياااا
نارين. كمت رحت للصاله الاسلام كلها موجوده فتحت سبيكر سجادد هاي روح دتحاجيك
روح. ولككك سويجدددد
سجاد. هاااا رويحههه
روح. راح تتزووووج وانيييي ما ادرييي ياخاييين
سجاد. صدككك تحجيييين
روح. والله توني دريت انته خاطب وراح تتزوج يا بذات عود معتبرتك اخويه وكلشي تسولفلي
سجاد. والله معليه كلت هسه نارين كللتلج
روح. زعلانه منك والله وما اجي لعرسك
سجاد. لا روح شسالفه والله ما ادري
روح. لا والله زعلت عود انه اختك بل رضاعه وتالي ما ادري بيك. فلا اجي العرسك
سجاد. الووو روح لتسدينه اسفف والله خررررب انتيييي ليشش مكتيلها
نارين. جنت معتمده عليك ادري بيك متضم عليها هيج سالفه
سجاج. جيب اليراضيهااا هسهه
غدير. هاي شبيكم شكو منو هاي روح
عثماان. رووووووح
سجاد. اختي بل رضاعه
عثمان. اشو ما ادري
سجاد. قليل اليدرون
عثمان. شبيكم
سجاد. متدري اني خاطب وراح اتزوج وزعلت كومي ولج نارين لبسي وتعاي
نارين. وين
سجاد. اولي اجيبلها هديه واروح لبيتهم
نارين. صدك تحجي ساعه بهدعش بليل
سجاد. مو مهم
نارين. لعد انتضرني
سجاد. عثمان خويه كوم وصلني
عثمان. تدلل
سجاد. وييييين صرتييي
نارين. اجيت.... طلعنه بسياره عثمان نفتر جاب علاكه حلويات فترينه كوه لكينه محل مفتح بي ملابس توه يريد يعزل احنه اجينه طبينه ثلاثتها شفت سجاد صافن علا فستان... ها شبيك صافن
سجاد. جاي اتخيل هاذه يجيي حلو علا روح
نارين. باوعت فستان جوه الركبه لون نيلي امتونه نازله علا الكتف وبي حزام اوف وايت راح جاب كعب اوف وايت وخلاني اختارلها كم قطعه مكياج دفعنه وطلعنه بقت المهمه الاصعب منين نلكه محل تزين هدايه فرينه بغداد كلها يله لكينه خره بروحج ياروح رجعنه ساعه وحده بليل وكبل لبيت روح دكينه الباب فتحته روح
روح. شعندك جاي
سجاد. اني شعندي غيرج روح فدوه لتزعلين
روح. فوتو للكراج
سجاد. فتت باوعتلها هاي شبيج والله اضوج من تزعلين
روح. حته تتعلم متضم عليه
سجاد. جبتلج هديه
روح. جبت جلي ابو الحلك
سجاد. جبت حته ابو البيض بسسس ارضي ما اكدر عكبه عرسي تعاي فدوه
روح. لا ما اجي تعذرني
سجاد. لا روح شبيج تعاي والله متكمل فرحتي
روح. لا والله حلفت ما اجي
سجاد. رحت حضنتها رجعت الشال عن شعرها بس المقدمه وبست شعرها وابتعددت درت وجهي تصبحين علا خير وعفتها وطلعت طلعو وراي نارين وعثمان مبينين ضاجو علا ضوجتي
____♡
نارين. رجعنه وانه اشوف اخوي حابس دموعه هوه اكبر من روح بسنتين وربو سوه مايكدر واحد يبتعد عن الثاني او يزعل عل ثاني وصلنه طب سجاد لا كلام ولاسلام كبل صعد لغرفته
ام نارين. شبيه اخوج
نارين. روح زعلانه منه
ام نارين. ليش اسم الله شبيهم
نارين. ناسي ومكايللها هوه خاطب ولااحنه العزمناهم حته يكون عدهم علم
ام نارين. شلون راحت من بالي وتالي رضت لو لا
نارين. لا مارضت وحلفت متجي لعرسه
ام نارين. خل اصعدله
نارين. لا يمه عوفي هوه كوه كامش دموعه
ام عثمان. شبيكم خبصتونه بهاي روح شتكربلكم
ام نارين. ام روح تصير صديقتي من الطفوله من جابت روح جان حليبها يابس فا جنت ارضع بسجاد جابتها الي وكضيت كم شهر ارضعهم سوه لما رجع حليبها كامو سجاد وروح واحد لازك بل ثاني اذا ضيعتو سجاد تلكو يم روح واذا ضيعتو روح تلكوها يم سجاد ها هيج هيه زعلانه منه لان مكايللها خاطب وراح اتزوج وحالفه متجي لعرسه
ام عثمان. شهل صلافه
نارين. والله خاله من هدعش طلعنه نسويلها هديه حته ترضه وبل اخير مرضت تجي. للعرس وهاي طبتنه من بيتها
ام عثمان. الصلافه تمشي بدمهن البغداديات
نارين. ها خاله تره اني بغداديه
ام عثمان. البعض يا يمه البعـض
___
روح. ثاني يوم طفرت علا امي بشرتها وام سجاد خابرت هم وكالت تعالو اليوم احسه شطوله طبعا دفعت كفاره عن حلفاني وراح اروح بس مسويه مفاجئه وصيت اهلي ميحجون رحت اليوم كضيته ماسكات وعنايه صرت شفافه من كد ما اسوي ماسكات لصلا المغرب صليت وسبحت سبحه ام الثلث ساعات ههههه طلعت من الحمام مشططت شعري وهوه مبلل سويته ضفيره وضبيته حته يصير مكسر قررت البس الهديه الجابهن امس ذوقه يجنن كعددت تقريبن ساعه عشره الصبح فرجت وغسلت وجهي بل غسول وخليت ماسك عصاره مال الذهب وطلعت اتريك بين مخلصت ريوك ونضفت وي ماما يبس صارت ب12 شلته وصليت بل وحده بديت اجهز نفسي لبست الجابهن خليت مخمريه لكامل جسمي وركسونه شعري حليته وصل لنهايه وركي خليت كونسلر لكل وجي وبرونزر والبلشر وهايلايت حطيت جوه عيوني شويه بلشر لون كحلي ولاينر ومسكاره وحمره فوشي عطرت لبست صايه وحجاب رشيت عطر واخذت جنطه بيها الحمره وعطر وفوني طلعت وصعددت بسياره هشام وصلنه للقاعه نزلت غشيت وجهي وطبيت للقاعه كبل بوجهبي لاح الغرف نزعت الصايعه ورشيت عطر وطوخت حمرتي طلعت جانو العرسان موجودين رحت يم سجاد منتبهلي كلت بصوت ناصي..... معقوله ما تتلكه اختكك
سجاد بصدمه.. روحح
روح. يابعد اختك
سجاد. كمت حضنتها موكلتي ما اجي
روح. دفعت كفاره واجيت معقوله ماجي لعرس اخويه
سجاد. كبل حطيت روح وره ضهري من شفت عثمان واكف
عثمان. ها العفو ما ادري بيها موانطيت خبر راح اطب ليش متسترت
سجاد. توها اجت ساره من يمج العبايه مال الوالده
ساره. هاك
سجاد. اخذت العبايه وغطيت روح حيه راح للغرفه تلبس كعددت
سارره. سجاااد منو هاي
سجاد. اختي
ساره. اشوو ما ادري عندك اخت اعرف بس امونه ونارين
سجاد بت صديقه امي بس راضعه وياي وهيج واحد لازك بل ثاني احنه
ساره. بس سجاد تعرف بيه اغار وهيه ماشاء الله جمال وجس...
سجاد. لتكملين روح اختي ما يوم نضرتلها بغير نضره ولا راح يجي هاذه اليوم بس انتي متربعه بنـص كـلبـي.....
______♡
يتبع.......