( فشلني وحس اكو انه بالموضوع عرفته من ضربني بسمار لان جانت الرسائل على رصيد سكتت
.... ....
إسلام
اول شي استخطيتها بس حسيتها ترسل و حسبالك مامهتمه للرصيد يعني الوحده الغيرها هيج ضرف راح تقتصد ما اهتميت و كمت انام لان باجر دوام
.....
ايلا
كعدت على صوت ماما
همم شكو ماما اريد انام
اكعدي ماما ابوج خابرني بطريق هم يالله اجهزين نفسج
صدوك راح نروح
اي راح تروحين يلا
شنو اروح وانتي ماما
تعاركت ويه ابوج راح ابقى اهنا
شلون ماما عفيه لا و ليش تعاركتو
راد يضل اسبوع مايجي عنده شغله و ضل يلح ليش ماتبقين واني هجت كتله كلشي لان بعد ما اتحمل زايد
اي و انتي شعليج ليش يبقيج اهنا
لان خابر خالج و تعاركوا و ابوج كاله اريد اخذ بنتي
يعني شنو ماما تعوفيني اسافر وحدي
اي شسوي يا امي خوما اكسر كلمة اهلي اعرفه حامد ميتحمل شويه و يجي يعتذر منهم
واني
انتي ماعليج شي راح يخلوج يم بيت عمج علي بين ما فتره و ارجع ما اطول شبيج تبجين يا امي لا تصعبين الوضع عليه
شكد اكره اخوج ليش هيج سوه بينه
ما عليه امي ابوج هم اتجاوز زايد بالكوه ابويه ماخلاهم يتعاركون و تصير دمايه للضالين بس انتي تحملي هل فتره الخاطري
وعديني مطولين اكثر من اسبوع
ان شاء الله حبيبتي بس هسه ابوج اجته خبالاته اني ردتج يمي بس شسوي هوه دائما يلويني بيج
ماشي ماما بس لا تبجين انتي همات
مو اني من اشوفج مقهوره روحي تتكطع
( حضنتها رغم كولش منقهره و داخلي معصور ويوم عن يوم يزيد كرهي الي يسمى خالي باستني ورحت للحمام سبحت و لكيت ماما محضره ملابسي اختنكت بس لزمت روحي ماريد ماما تنقهر لبست بنطرون و قميص مشطت شعري شلون ما جان و بابا دك عليه رديت بضوجه
الوو
هلا باباتي شلونج
احسن
يلا تكدرين تطلعين اذا خلصتي
تمام جايه
نسرين: ها راح تروحين
( كالتها ماما بكسره حضنتها ) بس اروح والله ماخلي بيه
لا دخلين روحج امي اني وياه نتفاهم
ان شاء الله بس ماخلي السالفه هيج وهذا اخوج الا اخلي يندم
نسرين
كلامها جنت اعتبره بس تهديدات لان مقهوره ضليت اوصيها وطلعت و عيني وراها و دموعي تجري
ايلا
طلعت واني شايله بقلبي هواي اشياء لكيتهم كلهم ملتمين بالصاله ما عدا هذاك المكروه طلعت بساع
..... .. ... .
مليكه: شبيها هاي عاوجه وجها
نسرين: عوفيها يوم الابنيه فوك ما تعبانه احنا زودناها
هلال: ماشفتي رجلج شلون يهد و يرد ما عنده احترام
يابه ترا اسلام هم ما خله بيه
جلال: اي انتي شجاج ادافعيله
استغفر الله اروح للغرفه احسن الي
.....
ايلا
لكيت بابا سيارته برا الحوش دخلت حضني
شلونج حبيبتي
زينه و انته
الحمد لله
بابا اني كولش زعلانه عليك
اتركي هاي المواضيع بابا بعدين نحجي بيها اني و امج
بس بابا انته تعرف خالو اسلام يحجي بكيفه ماما شعليها
هوه يريد اخته وهيه امج ماصدكت بسرعه كالت ماعوف بيت اهلي خلي تشبع منهم
بس
خلص باباتي بعدين نحجي
هسه وين نروح
راح نرجع للاردن حجزتلج هم وهسه كبل نروح
وين تخليني اهناك بله
انتي مو تحبين بيت عمج علي ضلي يمهم بين ما اخلص شغلي و نرجع للبيت
ماروح
لا هيج تسويين ايلا
بشرط
شنو
ترجع ماما بهل اسبوع
هوه حتى اني ناوي ارجعها بس اعرف بيها تخاف من اخوها و ماتريد تخسر اهلها لذلك سكتت
بابا ذولي مينعاش يمهم ايع
لا هيج بابا عيب
لا مو عيب وخاصه هذا اخوها شكد مكروه
خوما ضربج
لا عشتو
سبعه بنيتي
ههههه
( وصلنا للمطار دنمشي بامور السفر و لمحته من بعيد يسولف و لابس ملابس الدوام هوه الوحيد الي باخوانه ابيض و شعر اسود على جوزي و عيونه ماعرف لونهن صغار ماحيل منتبهه عليهم بس مو اسود ضليت اباوع بحقد والله الا اسويلك شغله اودعك بيها جان لبسه ابيض القميص و الجوه اسود
بابا بابا عفيه اريد اخذ شي اشربه
يلا روحي بين ما يجي موعد الطياره تريدين اني اجيبلج
لا بابا اني هسه على سريع ( موبايله دك اشرلي براسه اروح رحت اخذت عصير رمان واتعمدت افوت من يمه برجعه صاروا 3 يمه سويت نفسي صدفه
ياييي انكوول
اسلام
جنت غاط بالشغل و اجوي اصدقائي يمي يقنعون بيه نسهر اليوم
حازم: بشرفك إسلام صارلنه هواي ما طالعين هيج طلعه
إسلام: بويه تعرفون ماحب هيج سوالف و تبت صارلي سنتين بعد تحملوني ذنوب عليش
يوسف: رحمه الوالديك إسلام ذنب بالسنه خليها
إسلام: استغفر الله بويه مالي مزاج هاي ( بعدني مامخلص واجاني صوت يتنعوص بس مو غريب كلنا صدينا على مصدر الصوت و مأشوف غير بنت نسرين حاصره روحها بنطرون كابوي و لابسه قميص مقلم أزرك بابيض و الشعر فالته و الوجه يلمع اباوع على اصدقائي همه نسونجين وشافوا هيج تجعمص طلعت عيونهم لبرا حاولت اغلس اسوي روحي ماعرفها
انكوول سنو هاي متودعني
سنو هاي يعني مو شنو
لا خلس زاعلتك و من ارجع ما اجيبلك مصاص ويايه
( اباوع إريد انفجر بيها هاي شبيها تتجعمص وذوله فاكين عيونهم علينه دنيت يمها
احجي عدل لا اطير فكج
حازم: شني هاي إسلام ماعرفتنه عيب ترا
( ستوني اريد ارزله و نبزت )
ميحتاج انكوول يعرفنه اني اتعرف عليكم اني بنت
( توها تريد تكمل سكتتها صراحه افشل بهل منضر و هل سوالف تكول بنت اختي علبو انه ماعندي عرض جريتها من ايدها
امشي ويايه
شبيك انكو ( بعدني ما مكمله و عصر ايدي حيل اخذني المكان شبه معزول
وين ماخذني اتركني بابا ينتضرني ( صاح بصوت قوي
ابوججج هم معدوود على زلمممم
يسوى راسك ( كلت هيج وضربني راجدي من قوته حلكي احسه نعوج لزمت خدي الي صارت حرارته نار
شلون تتجرء تمد ايدك عليه هااااا
شوفي لج اذا اهلج ما مربيج انه اربيج و كون اسمعلج حس بعد
صدكني حندمك على هاي ضربتك اضعاف ( حصرني من احط ايده على جدار الورايه وغمز
مو اسلام الحربي يتندم يلااا روحي الابوج الي مكرن و كليله خلي يلمعهن زايد
( باوعت عليه بحقد و تركته ومشيت هوه يمشي ورايه واحسه شفه غليله مني بسيطه وصلت للمكان الي بيه بابا
يلا وين صرتي امشي صار موعد طيارتنه
امم
اوكفي شبيه وجهج
(لزمت خدي بحقد) هيج بابا انرطمت على وجهي بالزجاج مشفته
اي غير تنتبهين يا بابا
مصار شي يلا تاخرنا ( صعدنا واني نار تطلع من خدي شكد ايدك مسمومه ضليت افكر انتقم من زايد لحد ما نمت كعدت على صوت بابا
يلا الوشه حبيبي وصلنه
اي كاعده ( نزلت نفس الإجراءات لكينه عمو ينتضرنا باىمطار سلمت عليه و صعدت
بابا شو مصعدت
حبيبتي عندي شغل خلي عمج علي يوصلج و اني ساعتين هيج اجيج
اوك ( صعد عمو علي و تركنا بابا)
شلون حبيبة عمها
كولش زينه وانته عمو
بشوفت الوجه هذا صرت زين
حبيبي عمو ( ضلينه نسولف بس مجاب طاري ماما اضاهر يعرفون نزلت ركض لكيت هدى اشابكنه مثل المخابيل
هدى: حقيره شكد اشتاقيتلج
عمري واني هم والله كوه متحمله
تعالي فوتي جوه ماما سوت المنسف الي تحبيه
عاشت عمتووو
هلا من نورنه اليوم
( حضنتها ) عمتوو الجميله يابخت استاذ علي بيج
ها بدينه ولج الوشه من هسه
لا عمو شبيك و بختها بيك وين تلكه هيج جمال
هههه لا حبيبتي لكيت كومه تقدمولي
هااا هيج صارت ام هدى
هدى: ماما لا تبدون هسه الاكل يطول مو
بعدله شويه يتهدر
تمام لعد امشي الوشه
ولج ماما خلي نشوفها
هسه يصير الغدا و شوفوها امشي
هههه لج هدى عيب مكعدت يم عمه
تعالي يا عمه منو هذا خالج و شنو الكتبتي راح تضحكين عليه صدوك لو كذب
طبعا صدوك لج اموت منه لو تدرين شسوه ( سولفتلها كولشي طبعا هدى نفس شخصيتي كولش متقاربات )
ياا شكد حقير خالج ما تنلامين
اي ولج بعد اكثر حقاره من السولفتلج سايك على البيت كوله
شلون عمه نسرين متحملته
عود اخوها متعوده عليه
اسيل: هدىىى الوشه تعالن تغدننن
هدى: جايين ماما جايين
( رحنا نتغدا و طبعا بيت عمو علي ونسه ارتاح يمهم كولش خلصنه و كعدنا نسولف لحد ما صار العصر عمو علي كال جهزن نفسجن نطلع نتونس صدوك تونسنا بوقتها رجعنا مددين جان تكول
هدى: الوش شنو نسيتي خالج
نعالي مو خالي
اي نعالج اوك مراح تحاجي اليوم
تعالي حراسله واتس بس شكوله
امم لا تكوليله شي بس دزي علامة استفهام
خوش فكره ( دزيت على الواتس)
: ؟؟
( وراها ضلينه نسولف لحد ما نامت هدى واني ضل بالي يم رساله كلسع اشوفها قراها لولا تقريبا 2 ونص طلع خطين زرك ثواني و موبايلي صار يهتز اباوع عزا هذا هوه ضليت اهز بهدى
لج هدى عفيه كعودي لج هذا كام يدك
امم ردي
لج شرد خاف يعرفني
لج شيعرف بيج هوه انتو بالسنه حسنه تحجون شويه و حتى صوتج يختلف بالموبايل
ها يعني احلا بالموبايل
لا اخيس
اشكد حقيره خلصت المكالمه همزين
عابت دردي يجوز هذا الاتصال يمكنج من شي الي تردي
لعد شلون فوتت الفرصه
دكي انتي
اوف انتضري شويه ( ضليت انتضر بلكي يدك ماكو دكيت اني اول دكه و اجاني صوته جان خشن بيه
الوو منو شكو دكون اذا ماعدكم سالفه بيها حض
عفوا بس انته الدكيت مو اني
شلون انه جايه تتبلين عليه دروحي بلعي حضر
اوكف اوكف والله اذا مصدك شوف المكالمات الفائته و اني مرديت
هسه ما اتعارك وياج على سالفة منو داك اول شي تعرفيني انتي
لا ما اعرفك بس اني نفسي الي رسلتلك مره عبالي نهى صديقتي
هههه هاي شني يوميه غلطانه بالرقم وياي وانوبه تغلطين بالواتساب
لا والله هل مره انته دكيت اول ( سمعته يحجي ويه واحد
حازمم حازممم خاب انته جنت تلعب بتلفون و داك ايا نغل ابن نغل
(حجيت بصوت هادئ) ها صدكتني
اي بويه صدكتج عذرينه هذا صاحبي مايسيطر على روحه
ههه عادي اسئل شي
اي
شعجب كاعد لهل وقت
نفس السبب الي مكعدج لو ما انتي داكه جان انه بسابع نومه
نيالك
على شني هنيالي
يعني تكدر تطلع و تتونس براحتك
بس جاي يطيح حضنه بالشغل
علساس احنا مرتاحين
اقوى شغله عدجن تكنسن البيت شعندجن رحمه للإسلام
يجوز كل البنات هيج بس اني عكسهم كولهن
جنت ناوي اسد الاتصال بس شدتني سالفتج
لا خلص سده اسفه ازعجتك
لا تعالي أنه لو اريد اسده بدون ما اكلج احجي شني سالفتج
لا ماكدر اكولك كولشي عن حياتي لان ما اعرفك بعدني
ها انتي من هذا نوع يلا بويه روحي الله وياج
( شفت كلامه مبين طرده كلت خلي اذكره بشغله ) اوك رايحه بس اكدر اعرف اسمك
إسلام الحربي
اتشرفنا واني اسمي جلنار ( راح صوته ونفسه صار عالي
جلنار شعجب هيج اسم
مادري اهلي سموني غير رغم ماحبه
هذا الاسم انه لو الله رزقني فرخه جان سميتها
ليش انته مزوج
اي
هاا حلو ( غلقت الواي فاي
هدى: ليش هيج سديتي بوجهه
حتى اكدر احجي ويا باجر بحجة اعتذر منه و خليت عنده علامات استفهام راح يصير عنده فضول اتجاهي
انتي داهيه
اعرف هههه
. .... .. ....
نسرين: لا يوم ما حاجاني بس حاجيت ايلا كالت فدمره عنده شغل
مليكه: فلك طره بس لا ناوي يطلكج الشفيه
وطلكني شنو ما تتحملوني لو اذبوني بالشارع
يا عوزنه انوبه يكولون بنت هلال طلجوها
شسوي ها تريديني اروح أتوسل بيه ما كافي متحمله الضيم كله الخاطر ما اطلك وهسه هيج تكليلي انتي شنو عمرج ما صرتيلنه ام عندج بس اسلام ولا اني و اخوتي و اخواتي البقيه ما شايفتنه بعينج ارحميني عاد و اسكتي ( عفتها و طبيت للغرفه سمعت إسلام يسالها جوابها خلاني اطلع و اعيط
أسلام: شكو يمه شصاير شبيها نسرين تبجي
شبيها حنت للشفيه
نسرين: يمه انوب ترتكبين عليه باطل شوف يخوي اني رجلي ماعندي وياه اي مشكله و الخاطرك كعدت و عفته هوه بنتي وهاي شوفت عينك يومين ما اتحملتيني إمي
كافيي نسرين كصري حسج شهل الصياح و يمه هذا بيت اهلها عسى ما تضل دهر النچر الي يجيب طاريها بحرف و بعد ماريد صوت ستوني جاي و مسلوك سلك
هديل: أسلام احضرلك الحمام
لا ما حاجه انه احضره ( صعدت و كلعاده صعدت هديل اعرف راح تبدي نفس السيره دخلت للغرفه فتحت كنتور اطلع ملابس
ليش حارمني من كل الحقوق الواجبه عليه
شتردين يبنت الناس
إسلام تعبت هاي الي السنه السابعه انه وياك متعذبه
و شناكصج اكل شرب ملبس
هيه هاي بنضرك النقص دحك يبن عمي انه الي يمك حقوق و الك يمي حقوق بس انته ما وافي غير بس بحقوق الاكل و البس
يبنت الناس انتي ادره بوضعج سقطتي اربع مرات و رحمج تعبان اقل شي بعد ينشال و انه ماريد اخليج تحسين بالم شيل الرحم لان هذا شي صعب على كل مراه
مو بصعوبه هجرك الي ايام و اليالي احنا اهنا حالنه حال الاخوه لا ضحكه لا سالفه حتى من افتح وياك موضوع يومك شلونه اريد اكون قريبه منك تسدها بوجهي و تنام
يابهههههه شسويييييي مو طلعتونيييي من طووووري ويامننننن ضاحك الخاطر اضحكككك وياج انعللل ابو الي يطببب الهذا المهجوووم طلايبجن معرررره
...
نسرين
نسمع اعياط أسلام وراها شويه نزل شايل ملابسه و يغلط و يفشر ونزلت هديل ميته بجي
هديل: والله ما قصدي اخلي يروح
مليكه: منجن للله تلكيتن الولد بمصايبجن خاب انتن مال ارجوله مال انعوله على هل حلوك سوده بوجهي يا يمه كضيت عمرك معلول و ما مرتاح سوده بكراهم الي خلوك هيج
نسرين: امشي هديل هاي الاسطوانه ماتخلص تعاي بغرفتي
اي ولج مايعجبج كلامي العوبه
يمه رحمه الدينج اسكتي فوك ضيمها امشي هديل امشي ( ضلت امي تضبح و اخذت هديل الغرفتي دمعتها بعينها اباوع موبايلي يدك شفت ايلا خلي ارد عليها لان ايلا اخاف عليها
الوو ماما حبيبتي
هلو عمري بيج شي
لا ماما ماكو بس حاجيت بابا كال بس يخلص صفقته يجيج ومستعد يعتذر من جدو
اي همزين ريحتيني
شنو هل صوت اليمج
( حجيت بدون ما سمع هديل) كلعاده تعاركوا خالج و مرته و بيبتج تحجي وحدها
هاا خوش لعد روحي مامي من تهدئون حاجيني
تمام حبيبتي الله وياج
...... ...... .....
هدى: شبيج تضحكين
خالو متعارك ويه مرته كالعاده خلي يهدء شويه و يجي دوري بالتهدئه
...........
للروايا بقايا ❤️
حبايبي تابعوني انستا انشر اشياء تخص الابطال mi_itss5
وتابعوني أهنأ علمود نكبر اهم شي تعليقاتكم اتشجعني اكمل و تصويتكم