شارع 20
الكاتبه فطوم
------------------
حط عينك بعَيني
وأبد لاتحچي
اني أحچي
شناقصني؟
وانعاف بوكت
رادوني اعوفك كل هلي
ويلگوني جاي ادعيلك
----------------------
الصكر....
جان كاعد الصكر بالمكتب يشوف الاوراق وياه اجه عدنان....
عدنان: اسلام عليكم.
الصكر عينه بالاوراق: وعليكم السلام.
عدنان: سويت الي كلتي عليه وديت المهندس للناصريه هو رايح يشرف على البيت.
الصكر: اشوف الخريطه البيت.
فتح عدنان لابتوب طلع له نموذج بين شكل البيت كال له.....
عدنان: نفس تصميم الي تريده.
اشتغل النموذج جان بدايه البيت كراج السياره يمه حديقه باب الاستقبال وباب المطبخ الصاله البيت بنص غرفتين جوه الدرج يكون دائري فوك عباره عن سيوت كامل جاهز من كل مجاميع بس مابي مطبخ جانت اكو حديقه خلفيه البيت....
الصكر: شوف الحمام الفوك اريده اكبر شي يكون بي مثل المسبح مفهوم.
عدنان: مفهوم هسه اخابر مهندس اكله.
الصكر رجع عينه بالاوراق ضل عدنان متحير يروح لو يحجي حجه الصكر....
الصكر: شبيك احجي ليش ساكت.
عدنان: صراحه اريد اطلع سفرة.
الصكر: وين.
عدنان: تركيا.
الصكر: شكد تبقه.
عدنان: عشره ايام ارد.
عاين عليه الصكر رفع حاجبه كال له....
الصكر: شنو سبب روحه.
عدنان: اريد اطلع اغير جود احس ختنكت حيل.
الصكر: شبيك.
عدنان: هيج ضايج اريد اطلع.
الصكر: زين عدك فلوس لو اطيك.
عدنان: عندي.
الصكر: راح تروح الشقه هناك.
عدنان: اي.
الصكر: ديربالك عدنان هناك مو مثل هنا عدنه دنيا فالته.
عدنان: لا تخاف اني ماخذ وياي.
الصكر: زين ترجع بالسلامة.
عدنان: الله يسلمك راح اكمل باقي شغل.
الصكر: زين.
طلع عدنان كعد الصكر يفرك بشعره بهستيريه اكو موضوع مضايقه مجاي يعرف شنو هو كعد يفكر الموضوع مجاي ينحل وياه بي شكل من الاشكال حجه ويا نفسه....
الصكر: لزم ادفعكم الثمن صار لزم الكل يدفع الثمن اولهم هم سكتو عن الحك.
رفع تلفون لكه طلع رقم اتصل عليه...
الصكر: الو.
... الو الصكر شهل الغيبه ما تسئل عليه وينك.
الصكر: مشغول يا اسو الشغل مجاي لحك الهم اني راح اجيج.
اسو: كل هلابيك باشا ههههه.
اخذ نفس شال تلفونه السويج طلع لكه عدنان واكف كله....
الصكر: ساعتين اجيكم.
عدنان: تمام.
بعد مسافه طريق وصل الصكر كدام بيت دك باب طلعت له بنيه بيضه البشره حاده الملامح دخل كال....
الصكر: شلونج.
اسو: بخير اسئل عليك وينك مختفي.
الصكر: الوكت مو وكت سوالف.
مشى الغرفه راحت وراه سدت باب....
بعد ساعه ونص..
جان الصكر بالحمام واسو تسوي له اركيله تحط له مكسرات بصحونه ترتب له المنضده جه الصكر هو لابس بوجماته بدون تشيرت...
اسو: نعيمن.
الصكر: الله ينعم عليج.
اسو: محجيلتي شي.
الصكر اخذ نفس من اركيله كال...
الصكر: شنو احجيليج.
اسو: صاير وياك.
تذكر الصكر ذيج البنيه على الحصان ضحكتها ضل شارد هو يتذكرها حجت اسو...
اسو: بشنو مشغول بالك.
الصكر: شغل متعبني.
اسو: هاا خاف وحده.
عاين عليه الصكر بحده كال لها...
الصكر: اسو هذا الشي يمخصج مسئله وقت يتنهي هذا الزواج.
اسو: زين ليش مانخلي دائمي.
الصكر:اكيد لا مجرد وقت ينتهي.
اسو: السبب.
الصكر: السبب انتي ماتناسبين امي فهمتي.
اسو: زين فهمت بس لو صرت حامل.
الصكر:لا متصيرين ماخذ حذري انتي جاي تشربين حبوب فامتصيرين.
اسو: اكلك لو مثلن.
اخذ نفس من اركيله كال: بذاك الوكت يتغير كل شي.
اسو: راح طول يوم تبتات هنا.
الصكر: غير مره.
اسو: طول ياله ترجع.
الصكر: بس شوف وقت فراغ اجيج انتي جاي يوصلج تريد طلعين براحتج صح.
اسو: اي بس اشتاقلك.
تجاهله الصكر مد رجلي خلاها بحضن اسو هي كعدت تفكر برجلي هو يكلب بتلفون يشرب نركليه...
بعد ساعه كام الصكر طلع راح الشغل يكمله سدت باب اسو وراه كالت....
اسو: لزم اثبت زواجي من الصكر ذا طلكني وين اروح.
بدات تفكر شلون تصير حامل علمود تبقه زوجته....
-------------
الناصريه....
جانت رجوان واكفه ترتب بالغرفه ويا البنات رتبن كل شي كالت لهن....
رجوان: راح نسوي جدول باضعف المواد حته نركز عليهن.
حوراء: نكليزي والعربيه قرايه ورياضيات والعلوم اجتماعيات اسلاميه.
رجوان: زين كتبت جدول المده القرايه وقت القرايه بيش ساعه يبدي وبيش يخلص كل درس.
مروى: زين هيج.
لزكت رجوان جدول على طاول بدات توزع الدافاتر على بنات وكالت...
رجوان: هاي الحروف الانكليزيه شوفن حرف
ABCDEFGHIJKLMNOPQRSTUVWXYZ
هذا 26حرف نكليزي كل حرف يطي له صوت من الحروف العربيه بس اكو بعض الحروف العربيه من يندمج حرفين نكليزي علمود يطلع صوت الحرف العربي.
كعدت رجوان تشرح لهن بعد ساعه من القرايه كالت لهن رجوان...
رجوان: ستراحه ربع ساعه نرجع نكمل راح انزل اجيب اشيائي اجيبهن.
نزلت رجوان دخلت الغرفه جعفر تفت الايباد دخلت على تلي لكت جعفر كاتب لها....
جعفر: ان شاء الله عجبج الايباد.
ردت عليه رجوان: كلش عجبني ماعرف شلون اشكرك.
لحضه شاف كتبته رد عليه....
جعفر: شلونج رجوان.
رجوان: الحمدلله شلونك انته.
جعفر: بخير.
رجوان: ليمته وصلت.
جعفر: قبل ساعه.
رجوان: الحمدلله على سلامتك.
جعفر: الله يسلمج الاهل شلونهم.
رجوان: الكل بخير.
جعفر: زين رجوان اني هسه عندي شغل بعدين نحجي.
رجوان: تمام دير بالك على نفسك.
جعفر: انتي هم.
سدت الايباد اخذت وياها صعدت فوك لكت بالغرفه عمتها فاطمه تحجي ويا حوراء مروى....
فاطمه: صدك تحجن انتن عايفات شغل البيت عليه انتن جاي تعلمن.
حوراء: بس مامه احنه نريد نصير مثل رجوان ناجحه.
فاطمه: غسل غسلج شنو رجوان حته تقارين نفسج بيها بنيه فاشله مستهتره.
مروى: بس عمه جدو رضه نقره بالبيت.
فاطمه: انتي حوراء اخذتي رائي بدراسه.
حوراء: بس جدو قبل ابوي هم.
ماحست له برجدي فر وجه حوراء ضلت تبجي كضت الخيزرانه تضرب بيها مروى تريد توخر عمتها بس متكدر صارت تضرب بيها هم....
رجوان ماتحملت ضرب البنات تضل ساكته دخلت نكزت على فاطمه طيحتها بالكاع فاطمه صارت تصرخ رجوان تضرب بيها البنات يردن يوخرنه بس هي مجلبه بشعر فاطمه....
اجت ميسون لكت صاير العركه اخذت الخيزرانه الي طاحت بالكاع صارت تضرب بالبنات رجوان وياهن مجانت له دقايق صارن يضرب بيهن حوراء تريد تحمي مروى رجوان من الضرب....
دخلت فرح وريماس محمود ذو الفقار انصدمون من العركه صايره الشيخه نهله صعدها موسى فوك صاحت....
الشيخ نهله: ولجن يامعزيات فلك صابجن شمسويات بالبنات.
سحب ذو الفقار ومحمود نسوانهم هم يضربوهن على روسهن كل واحد ذب مرته بغرفتها قفل باب عليها خلانه يصيحن صاح بيهن محمود....
محمود: اقسم بالله ذا ماسكتن هسه ادفنجن هنا.
سكتن صياح بس بقن يدردمن يحجن ويا رواحهن...
دخلت ريماس نصدمت شافت وجه رجوان كله احمر خراميش بوجها حوراء مروى حالهن نفس حال رجوان....
ريماس: الله اكبر عليجن شمسويات بالنبات.
الشيخه نهله ماتحملت شافت البنات هيج رادت تهد على الغرف فاطمه ميسون بس كضاها ذو الفقار....
ذو الفقار: يمه عوفيهن احنه نربيهن هسه يرحن كل وحده لهله.
الشيخه نهله: هن يرحن كل وحده لهله بس بعد ماكضي بيها توبه.
محمود: يمه عوفيهن اني هسه اطيح حضها بس اعصابج ضغطج على كيفج.
عافتهم نهله رجعت لبنات لكت ريماس يمها رجوان ومروى يمها امها فرح بس حوراء تبجي بقهر راحت الشيخه عدها حضنتها كالت موسى.....
الشيخه نهله: هسه تصيح جدك عمامك كلهم.
ريماس: بعد ماكدر ابقه هنا الوضع صار ماينحمل.
ذو الفقار: على كيفج ام موسى نسوان احنه هسه نتصرف وياهن اخذ بنات خلي يبردن جسمهن من الضرب.
اخذت ريماس وفرح بنات لحمام خل كل وحده يخلن مي بارد بس متحملن صارن يبجن طلعن من حمام نزلن جوه كعدن بالصاله نزل ذو الفقار أمه وراه محمود.....
البنات يبجن كعدت الشيخه نهله عصبيه اجه الشيخ وهاب وياه حيدر جاسم مصطفى محمد فؤاد...
الشيخ وهاب: شصاير هنا.
الشيخه نهله بعصبيه: نسوان ولدك معدلات نادرات لكيناهن فوك يضربن بهل بنات والله لن جاي يدرسن.
الشيخ وهاب راح يم البنات عاين على وجه البنات لكه احمر اثار عليه كال الشيخ وهاب بعصبيه....
الشيخ وهاب: محمود ذو الفقار.
محمود ذو الفقار: نعم ابوي.
الشيخ وهاب: تاخذون نسوانكم هسه كل واحده بيت اهلها خل تربه هناك.
محمود ذو الفقار: صار تريده يصير.
صعد ثنيهن كل واحد راح الغرفته فتح باب على مرته طلع لها جنطه حط بيها بس ملابس كالو لهن راح ترحن لهلجن.
راحن فاطمه ميسون بيت اهلهن بقه الشيخ يمسح على راس البنات يهديهن حجت ريماس....
ريماس: عمي ليمته هيج اضل خايفه على رجوان.
الشيخ وهاب: تشوفين جاي يصير موبيدي او بيد ام عزيز فا ليش تلومينه.
ريماس: عمي مجاي الومك او لوم احد بيكم.
الشيخ وهاب: جا شنو.
سكتت ريماس اشرت لها فرح يرحن المطبخ يكملن الطبخ...
الشيخ وهاب: ام عزيز خلي بالج على بنات على راح نرجع لديوان تعال وياي موسى.
موسى: صار جدي.
رجوان حجت لبنات: امشن نصعد فوك.
حوراء: بعد ماريد ادرس.
رجوان: اني كتلجن لاتخلن عن احلم امشن يله.
صعدن فوك بنات شافن الغرفه عباره عن فوضه كامن يرتبن بالغرفه بعد ماكملن....
حوراء: تعتقدن راح نكدر نجح.
رجوان: متاكدة من هذا الشي.
مروى: احس خايفة.
رجوان: مادام جدو ويانه محد يكدر يحاجينه.
بعد يوم طويل من الاحداث والمشاكل اجه اليل الكل لتم يم سفره الاكل كعد مصطفى يضحك على بنات....
مصطفى: كل وحده بيجن شعفتها شكبره هههه.
رجوان: خل سولفلك صار اني صعدت فوك ليكت عمتي فاطمه ضربت حوراء كامت تضرب بالخيزرانه فا اني متحملت تعرفني اشبه جدتي.
الشيخه نهله: معدله عليه عفيه بالگويه.
رجوان: فرحت اركض صعدت فوك عمه فاطمه اعتقد نكسر ضهرها.
فؤاد: احسج انتي عايله بيها.
رجوان: استغفر الله من ذنبك اني بنيه فقيرة.
الشيخ وهاب: شصار وياكم من ويديتو نسوانكم.
محمود: طلعلي اخواها كال ليش جايبها كتله خل تكلك هي ورا ساعه خابرني يتعذر مني كال ليمت مايعجبك اخذها.
ذو الفقار: انا نفس الشي.
الشيخ وهاب: زين هيج حاجيتو جعفر.
محمود: حاجني كال وصلت.
الشيخ وهاب: الحمدلله
رجوان: جدو وين انام.
الشيخ وهاب: وين مايعجبج بنتي.
حوراء: نامي ويانه نتونس.
رجوان: زين.
بعد ما الكل خلص اكل كعدتهم بليل بشرب الجاي يحجون شنو صار بهذا اليوم حافل من الاحداث الكل توجه بتعب الغرفته حتى ياخذ راحه من الصار وياه....
الساعه 1صباحا جان حوراء ومروى نايمات رجوان تعاين بالايباد دز له جعفر رساله...
جعفر: نايمه.
رجوان: لا كاعده.
جعفر: شلونج.
رجوان: الحمدلله شلونك انته.
جعفر: زين الاهل شلونهم.
رجوان: الحمدلله بس صار فد سالفه يوم.
جعفر: خير؟
رجوان: تعاركت ويا عمه ميسون وعمه فاطمه.
جعفر: تعاركتي ويا امي.
رجوان: اي بس.
جعفر: شلون تعاركين امي مره جبيرة تحجين صدك.
رجوان: جعفر امك غلطانه.
جعفر: فهمي رجوان امي مره جبيرة عيب تعاركين وياه.
رجوان: يعيب مو عيب تضرب بيه.
جعفر: من ضربتج موتج او سوتلج شي تبقه بكد امج جان ستحيتي من سويتي هيج.
رجوان: تحجي صدك توكف ويا غلط هي امك.
جعفر: اي
رجوان: زين خليك هيج.
سدت الايباد هي ضايجه من تفكير جعفر يوكف ويا اغلط حته لو امها كعدت تفكر مجان لزم هيج يسوي جعفر كامت تفتر بالغرفه تروح تجي تحجي وياي نفسها......
رجوان: غلطان انته اكبر غلطان ياجعفر حته لو جانت امه حقه يحب امه بس مو يوكف ويا الغلط.
راحت فتحت المكيف نامت هي ضايجه تحاول ريح راسها من الافكار الضغوطات الي هي بيها مجانت بس دقايق راحت رجوان تنام نوم عميق.....
جان جعفر يعاين بصدمه طفت الايباد كال....
جعفر: مجنت اتوقع هيج منها.
------------------
بعد عشرين يوم...
بعد عشرين يوم جانت الايام تمشي عاديه رجوان والبنات يقران رجوان ماحاجت ويا جعفر تشوفه هو غلطان جعفر يشوف رجوان هي غلطانه ضلو محد حجه ويا الثاني....
الكل كاعد على سفرة كال محمود
محمود: يابه بعد اذنكم اجيب مرتي ذو الفقار يجيب مرته.
الشيخ وهاب: زين بعد شكم ساعه يجي جعفر قبل لايجي جيبو نسوانكم.
الشيخه نهله: جيبوهن اني اتصرف وياهن.
كل واحد هز راسه خلصو البنات نظفن ويا مهاتهن صعدن فوك يقرن الدروس....
بعد ساعه سمعن صوت جوه نزلن لكن فاطمه ميسون رادات ماتحركن فكالت فاطمه...
فاطمه: احنه نعتذر منج عمه هسه نبوس راس بنات.
راحن على رجوان حوراء مروى يبوسن بيهن رجوان بعدت روحها راحت يم ريماس بس بقت فاطمه كاضه بحوراء تكلها...
فاطمه: اسفه مامه اذيتج سامحيني بنتي اني راح اوكف ويايج بدراستج.
حضنتها حوراء هي تبجي امها تعتذر لها راحت تجيب ايباد من الشحن دخلت الغرفه جان جعفر نايم بس مغطي كل روحه بطانيه بس مانتبهت انو هو موجود كعدت رجوان على جربايه تحجي....
رجوان: والله خوش تعتذر هذا جعفر ابو خشم يابس مافهمني خلاني احجي له موضوع يدافع بس امه.
جعفر بنعاس: هسه ابو خشم اتقبلها منج بس خليني اناملي ساعه.
كمزت رجوان لتفت رفع جعفر الغطه لحد بطن بين صدره الاسمر بارزه عضلاته كالت له...
رجوان: ليمته اجيت.
جعفر: ستوني اجيت.
اخذت الايباد وطلعت ضحك جعفر على تصرفتها رجع نام طلعت رجوان من الغرفه لكت فاطمه بوجها....
فاطمه: جنتي تسوين بغرفه ابني.
رجوان: بس جبت ايبادي لا اكثر.
فاطمه: خليج بعيده عن جعفر.
عافتها رجوان صعدت فوك بعد كم ساعه الكل كاعد على الاكل فا حجت فاطمه...
فاطمه: حابه اكلكم موضوع.
الشيخ وهاب: شنو.
فاطمه: اريد ازوج ابني جعفر......
-------------------
الصكر....
الصكر: خابرت المهندس.
عدنان: اي حجيت وياه يوم سقفو البيت.
الصكر: اليوم هسه راح اطلع اشوفه.
عدنان: اجي وياك.
الصكر: تعال.
انطلقو اثنيهن الناصريه كل عاده صوت المسجل على قصيدة زينب لفت يم حسين...
زيــنــب لــفــت يــم حــســيـن... لـﭽن ﮔابـعـه بـالـهـم
تـﮔلــه يــا ضــوه عـيـونـي... عـلـيـمـن هـالـفـزع مـلـتـم
تـعـنـت لـيـه لـلـخـيـمــــــــه ... وتـفـسر الصخر ونتهـا
طـبـت قـعـدت اﮔبـالــــــه ... وعـالـخـد تـهـل دمـعتهـــا
تـﮔلـه اعـلـيـك ضـلـع امـك ... الـمـظـلـومـه او مـصـيـبـتـها
سـولـف لـي يـمـاي الـعـين...لا تخفي علي يحسيــن...عليمن هالفزع صوبين
وأشــوف ابــكـثـر عـج الـخـيـل ... وادي كـربـلــــه غـيـ
عدنان: ياخي ماتمل من هاي القصائد.
الصكر: عدنان انجب.
دك تلفون الصكر لكاها اسو ضحك عدنان كاله...
عدنان: اسو هههه
الصكر: صم حلكك خل اشوف شتريد.
فتح الخط كال: الو.
اسو: هلو الصكر وينك منتضرتك.
الصكر: نسيت اني هسه طالع الشغل يومين امر لج تحتاجين شي.
اسو بضيق: لا سلامتك.
سد تلفون بوجها كال له عدنان..
عدنان: شعجب ويا اسو.
الصكر: مجرد زواج متعه لا اكثر ماحب الي انته تسوي.
عدنان: واضح ههههه.
بعد ساعات طويله من السياقه وصلو للناصريه تذكر الصكر ذيج البنيه الحلو ابتسم اتمنى هيه هسه بخير...
--------------------
هلو حبايب شلونكم اسفه بارت قصه بس عندي يوم شغل فاهذا الكدرت عليه ان شاء الله يعجبكم لا تنسو الاعجاب تكلولي جعفر سوه صح من دافع امه فاطمه من توقع تريد جعفر يتزوجها الصكر راح يبقه ماضي ماله مخفي كل هار راح نعرفه بالبارت جاي احبكم
فطوم
حساب انستا re6.sh