#خطوات نحو الموت
#للكاتبة جيهان آغا
لا تنسون الصلاة والسلام
على سيدنا محمد وعلى ال محمد
وتعليق بين الفقرات كيكاتي انتو
و قراءة ممتعة حبايبي
______________
حرب - ههههههه يلا نرجع
رجعنه وطول الطريق نضحك ونسولف
وصلت لبيتنه
نشاوف باجر ضلعي
علي - ان شاءالله حبيبي في امان الله
حرب - الله وياك خويه
اول ما دخلت للبيت شفت اخويه الجبير
واكف بالحوش مسكني من ياختي بيده
واليد الثانيه ماسك الجكاره
علاء - تعال لك شعندك تالي الليل راجع
ها اااحجي
حرب - خويه شبيك جنت ويه عليوان
علاء - احجي عدل لك مو بعمرك اني
شوف يا حويرب اني بلا شي اكرهكم
جهال نوريه لا تخليني اسوي بيك سوايه
عدو مامسوي ويه عدوه فا اسمع كلامي
واي شي اكللك كول حاضر فهمت لو اعيد
حرب - هد التيشيرت راح ينشك
هيج كلت وهذا ضربني راجدي فر وجهي
فر ومن شعري سحب راسي فوك وخله
عيونه بعيوني وكال بكل حقد
علاء - شايف نفسك شوفه مادري ابويه
ليش هلكد يحبك من طاح حظك
وحظ امك صبرو عليه اذا ما العب بيكم
جوله فلا اسمي علاء
حرب - من جاب طاري امي دفعته وكتله
واني رافع اصبعي بوجهه
لا جيب طاري امي مره ثانيه
علاء - ههههه على اساس صار عندك غيره
وكبرت وهل سوالف من طاح حظكم
حرب - والله عيب عليك وعلى عمرك
وكلامك هذا
هيج كلت وهذا مسكني
من ايدي الدنيا ضلمه مو هوايه
مضويه يعني زين وسط ماجنت
متوقع هيج راح يسوي بيه
طفه الجكاره بيدي واني وكفت
وما تحركت من مكاني بس عيوني
صارن حمر بس مانزلت دمعه رغم
چواني بجكاره
- ههههه ريحت جلد ايدك المحروكه
حيل عجبتني شم شم ريحه طيبه
حرب - ضل يستفزني علمود بس ابجي
او اغلط علي علمود ياذيني اكثر ويحجي
عليه يم ابويه بس اني ذكي واعرفه زين
شكد حقود وانسان وصخ وحقير
دفعته ضربني راجدي ثاني ولزم
اذني ولفه قوي وكال
علاء - اخر مره اشوفك بهل وقت برا بدون
اذني
حرب - تذكرت وكتها من امي جانت
تكول من احد يظلمكم ويغلط بحقكم
لا تغلطون علي بس كولو
حسبي الله ونعم الوكيل من كل كلبكم
ورب العالمين ارحم الراحمين
واني التفتت علي وعيوني بعيونا وكلت
حسبي الله ونعم الوكيل عليك بس هيج اكول
علاء - هلا والله صاير شيخ براسي
حرب - دفعته قوي وكتله
صدك من كال
الإنسان الفاهم مو بالعمر
هيج كلت وهو ضل يغلط عليه
انطيته ظهري ودخلت جوه ما جاوبته
رحت للحمام اغسل ايدي شفته
اثر الحرك ويوجع اكيد صاير احمر
شويه شفته حملت مي رحت جبت
دهن مال حرك دهنته جتي اختي عبير
عبير - عزه ولك شنو هذا ليش هيج ايدك
حرب - هههه حبيبه لا تخافين
عبير - شلون ما خاف ياعيوني جم حرب عندي
حرب - بستها من راسها
تسلمين حبيبه جم عبير اني عندي
عبير - ولك عزه عزه شنو هذا شو اندار
عزه بعينهم منو هيج مسوي بيك
خدك كله طبع ايد مال راجدي امبين
حرب - ابتعدت وكلت
ها لا ماكو شي يلا اني رايح لغرفتي
عبير - تعال وين رايح ما تروح اذا ما تحجيلي
شصاير وياك
حرب - اختي عبير احبها اكثر كلهم ومرات
يصير ويايه شي احجي لها اكثر من امي
تفهمني بدون ما اعبر حزني او فرحي
تعرف زين طبعي واني من الأساس
ماعرف اجذب عليها نهائي كلت
عادي صار شي عادي يمهم
عبير - اها يعني علاء مو ليش هيج يسوي
ليش مسوين حياتنه جحيم ليش
مو احنا اخوتهم من لحمهم ودمهم
حسبي الله ونعم الوكيل عليهم
الظلم ما يدوم ياخوي وربي مايدوم
حرب - بستها من راسها وكلت
لا تزعلين خيه على كولتج رب العالمين
فوك والظلم مايدوم يلا روحي نامي
اتأخر الوقت
عبير - اي خويه ان شاءالله
حرب - راحت هيَ واني رحت فوك
السطح والحزن محتل كَلبي كله
كلش جنت مقهور من تصرفه ويايه
نمت بالصطح واني كاعد ماحسيت على
نفسي كمت عل صوت الذبان شكد مزعج
شفت صار الصبح نزلت جوه سبحت وبدلت
محضرين ريوك كلهم وكاعدين وجهال وهوسه
كعدت يم امي التفت ابويه عليه وكال
حسين - بويه تعال اكعد يمي
حرب - فرحت التفتت على علاء شفته ضاج
رحت كعدت يم ابويه وكلنا نحجي وسوالف
وجان علاء يكول
علاء- شلونك بالشغل
حرب - استغربت بحياته ما يسئل عليه كلت
الف الحمد لله على كل شيء
علاء - وابو المطعم شلونه وياك
حرب - الله يهدي
علاء - كول الله يساعده عليك
حرب - ليش شمسوي اني
علاء - فقير كلشي ماتسوي سوده بوجهي
حسين - كافي بويه شبيكم علاء شبيك
بويه ويه اخوك
علاء - بويه حجي عادي
حرب - ما جاوبته
كملنا ريوك رحت غسلت وكلت
بويه اني طالع مامحتاج شي
حسين - لا بعد ابوك الله يحفظكم
ويرزقك وليدي
حرب - تسلم
رحت يم امي بستها من راسها
دعواتج يمه
نوريه - الله يحفظك ويسعدك ويوفقك
يا ابني الله يسهل أمرك ويفرج همك
اللهم امين يارب العالمين
حرب - اروحلج فدوه على هل دعاء
طلعت من البيت ورحت لبيت عليوان
دكيت الباب طلعتلي امه
حجيه شلونج شخبارج
- هلا يمه هلا بحويرب شلونك بعد امك
حرب - هلا بيج
الف الحمد لله اني زين حجيه لاتكولين
بعده نايم الأستاذ
- ههههه اي بعده تعال كومه
حرب - ههه ليش لا
دخلت للبيت ورحت فوك الصطح اشوفه نايم
نزلت جبت مي بارد وجبيته على عليوان
فز من نومه مثل المخبل هههههه
علي - بصدمه /
ولك هاي منو شنو شصاير
حرب - كوم لك عيب عليك بعدك نايم هههه
علي - عيب عليك انت هيج تكومني طاح حظك
حرب - ولك كوم نروح ان شاء الله باجر بعد توزيع
الفلوس نخلص من المطعم
كام يفرك بعيونه ويحجي
علي - اي صدك باجر الراتب خلي نكوم هههههه
حرب - اي راتب الدكتور بعد
بس الحمد لله شي بسيط بس بتعبك وبالحلال
علي - اي والله اهم شي بالحلال
حرب - يلا كوم بسرعه
علي - كمنا كافي تحجي
حرب - نزل سبح وبدل وطلعنا سوا
للمطعم
علي - اكلك حويرب منو اول واحد راح
يحجي ويه ابو المطعم
حرب - الله كريم نشوف باجر
علي - تصدك فرحان راح اخلص من المطعم
وابو المطعم ههه
حرب - هههه اني اكثر لأنو هو ويايه قاسي
اكثر ماعرف ليش
علي - اي والله صدك
حرب - الله كريم ياخويه تهون وتصير بيوم
من الأيام ذكريات
علي - اي والله ونحجيها لجهالنه من يكبرون
حرب - هم راح اصير اب بيوم من الأيام
علي - ان شاءالله خويه ليش لا بإذن الله
حرب - اكيد ونعمه بالله
وصلنا للمطعم انظف ونضحك ونسولف
اني وعيلوان والولد اجه بسام ابو المطعم
مو هما اثنين اخوه بسام وذاك اسمه سلام
وثنينهم واحد اخرب من الثاني بس اكثر شي
بسام قاسي كلش عليه
بسام - ها حرب شو اليوم تضحك
وتشتغل شنو السالفه
حرب - ليش الضحك حرام واني ما اعرف
بسام - لا ياشيخ حرب منو كال حرام
بس اشتغل زين
حرب - هيج كال وجب بطل الزيت
بالكاع على اساس وكع من ايده
بسام - لا شلون سالفه مو وكتها شسوي
وكع من ايدي تفضل يلا نظف زين هذا زيت
مو عصير
حرب - بكل استفزاز يحجي كلت واني ضايج
تفضل اطلع برا علمود انظف
تقرب كم خطوه واني امسح بالزيت
مسكني من شعري ورفع راسي لوجهه وكال
بسام - مو شغلك بكيفي اني اطلع
اني ابو المطعم مو انت
حرب - هيج كال ودفعني برجله وكعت
عل زيت وضحك عليه وطلع
شخص حقير كلش هو واخو
وكلش مو زينين وأخلاقهم صفر
انكسر ظهري يومها لأنو الزيت سخيف
مايتنظف بسرعه وما خله ولا عامل يساعدني
ساعتين اني انظف واغسل وبعده دهن
ادري زيت هذا لو سيكوتين مايروح
موتني ضليت اطلع كل قهري بتنظيف
وايدي توجعني مال بارحه
واليوم امسك الماسيحه ونظف بكل قوتي
لحد ما نظف طلع روحي الف الحمد لله
خلصت طلعت شويه اتنفس من التعب
شافني كال
بسام - حرب روح نظف فوك المكتب والمجرات
كلها
علي - اني اروح حرب تعب
بسام - انت روح بس عزل
وحرب يجي يمسح ويكنس
اريد المكتب يلمع لمع وبالاخص
المجرات اليوم يجونا ضيوف
حرب - اني ما نظف المكتب
مو شغلي ولا بحياتي منظف المكتب
بسام - مو بكيفك يلا بسررعه روح
حرب - بس
بسام - بدون حجي زايد اني من الأساس ماحبك
انوب تظل تكركر على راسي
حرب - رحت انظف
علي عزل المكتب وطلع بقيت اني اكمل
شغلي ونظفت المكتب ومسحته كله
ورحت امسح المجرات وجان يدخل
اخو بسام سلام شافني رفع حاجبه
وكال
سلام - هاي شنو تسوي اهنا ولك
حرب - استاذ انظف المكتب يعني شنو اسوي
سلام - اي يلا كافي حجي زايد
اكو فلوس ب اول مجر انطيني ياهم
حرب - ادلل
فتحت المجر ماكو ولا فلس
كلت
استاذ ماكو ولا فلس
انصدم وفتح كل عيونه واجه هجم عليه
وكال
سلام - ولك شلووون ماكو ولا فلس
واني ايجار المطعم ورواتبكم كله قبل
شويه خليته اهنا ووووين راح
حرب - شنو تقصد والله ماعرف وين فلوسك
اني هسه قبل شويه دخلت انظف والله العظيم ماعرف شي
بهل أثناء على صوت سلام وصياحه دخل
بسام
بسام - شكو شبيكم صوتكم طالع برا
سلام - تعال ولك تعاااال وين فلوس يلي
خليته بالمجر ووووين راح
بسام - شنوووو ولك قبل شويه
جيت جيكتهم
حرب - مصدوم التفت عليه بسام وكال
بسام - ماكو غير هذا الحقير
حرب - اهنا صدك صرت نااار من الأعصاب
كلت
احترم نفسك هذا اسما حرب مو تكول
هذا عبالك مجرم كدامك وما اسمحلك
تكول عليه حقير اذا انت هيج الناس مو مثلك
تعالو فتشوني ماعندي مانع
بسام - ههههه شو حاسبنه ثولان كدامك
جا قبل شويه منو طلع ورجع اني لو جدي
حرب - بصدمه .............................
_
_
_
_
للحكايه بقايا للحكايه جزء مفقود
لكن الحق فوق كل ظلم
منو تتوقعون بايك الفلوس ؟
لاتنسون التصويت بالنجمة حبايبي+ تعليق بين الفقرات وتفاعلكم مع الرواية + متابعة حساباتي واتباد
وحسابي انستجرام انشر امور تخص الرواية وموعد نزول البارت ⬇️
<<<<<<<
سبحان ألله
ألحمد لله
لا إله إلا ألله
ألله أكبر
<<<<<<<
#خطوات نحو الموت
#للكاتبة جيهان آغا