بقلم : جوليانا مهند ~
قرائة ممتعه كلبياتي انتن 🤍✨
اذا شفتو اخطاء املائية غلسو
.
.
.
كاعده اباوع على الصور واجتني رساله من شهم خلتني ابتسم بخجل
شهم : شلونها عروستي الحلوه
باوعت على الرساله وجهي صار احمر انتبهت عليه اميرة وغمزت للبنات البقيه
اميرة : عيني حبيب الكلب يمكن دز شي خلاها تخجل
رفعت راسي عليها وضربتها على ايدها
زينب : شهل فضول
كمت ورحت الغرفتي نمت على الجربايه و كمت اضحك بصوت عالي احس كلبي يدك بسرعه دخلت المحادثه وكتبت عكس الخجل و الضحك الي بيه
زينب : شرايد
ابتسمت من شفته دخل للمحادثه وكتب
شهم : شنو شرايد غير اسال على مرتي لو حرام
ضحكت وهزيت ايدي وكتبت
زينب : لا حرام
دز رساله كتب بيها
شهم : اليوم شلون اطولين لسانج عليه هاا
رفعت حاجب واحد وكتبت
زينب : هاي مقبلات بعد وين وين راح اشوفك اشياء اخليك تندم على الساعه الفكرة تزوجني
هو بقى صافن بالرساله وكتب
شهم : يي نشرف ست الحسن انتي بس تعالي ابيتي وشوفي شراح يصير
ضحكت وكلت
زينب : الله كريم هسه راح انام تعبانه
شفته يسجل بصمة كلبي نبض بقوه وكعدت تربعت على الجرباية ودزها فتحتها وجان يحجي بيها بصوته الي يخلي جسمي يقشعر وكلبي يدك
شهم : نوم العوافي ينور عيوني
ابتسمت مدري ليش حسيت بدفئ بداخلي ودزيت بصمه
زينب : لو بس تبطل هاذا الغزل جان مطرت فلوس
سجل بصمة ودزها وهو يضحك
شهم: يمه لسانج هاذا لو بس تجين يمي شوفي شلون راح اكصه
هزيت ايدي وكتبتله
زينب : مو انت سبع علمود تمد ايدك عليه ديلا حروح انام عيني زوجي
هو ضحك وكتب
شهم : ديلا زوجتي نوم العوافي
قفلت التليفون باوعت للساعه جانت ب 9:30 دقيقه كمت اخذت ملابس مريحه تراكسود ودخلت اسبح خلصت وطلعت انشف شعري كعدت كمت ارطب بوجهي ومشطت شعري وتمدتت على الجربايه وغفيت بتعب
الصبح
الام : زينب كعدي كافي نوم اجه شهم
فتحت عيوني وصحت بصدمه
زينب : شنووو منووو
الام : اسم الزهراء هاي شبيجج كتلج اجه شهم يريد ياخذج تطلعون وتحددون موعد الحنه
هزيت ايدي وكتلها
زينب : صدك يحجي هاذا كليله شويه وتجي
هزت راسها وطلعت من الغرفه فركت عيوني وتأفافت
زينب : شهل لعبان نفسسس
رحت دخلت للحمام غسلت وجهي بالغسول وفرشت سنوني وطلعت اخذت فستان ابيض بي ورود عباد الشمس نص ردن ومشطت شعري وشديته حطيت مرطب شفته وشويه مسكاره ونزلت شفته كاعد يم ابويه من شافني ابتسم لاحظت عنده غمازة خفيفه بخده الايسر ابتسمت انيهم وكلت
زينب : صباح الخير
جاوب بابا وكال
الاب : صباح النور بنيتي
باوعت عليه وشفته صافن عليه بعدين من لاحظ نفسه كال بصوت هادء
شهم : صباح النور يــروحـي
وجهي صار احمر ورحت للمطبخ اخذت العصير ورحت اقدمه الهم حطيته على الطاوله وهو حاط عيونه عليه وكتلكم قبل انو عيونه تربكني وتخلي كلبي يدك بسرعه ردت اروح وحجه بابا
الاب : بنيتي شهم يريد ياخذج تتريكون برا
ابتسمت وانداريت وكلت
زينب : يي يلا اني مجهزه
بابا كام على ماما لان صاحتله وهو كام وتجه نحوي وحط ايده على خدي و وخر شعري ورا اذني وكال
شهم : اني ما اريد زوجتي اطلع مجالها للبرا فى روحي لبسي شي طويل علمود نطلع
ضجت وكتله بضوجه
زينب : بس شهم ولله هاذا الفستان حلو
عقد حواجبه وكال
شهم: يي يخبل بس مو مال طلعه ناري
تنهدت ما اريد اجادله واصلا جان يضايقني من ناحية الايد فى صعدت لبست بطرون عويض وتيشيرت ابيض شويه طويل ونزلت هو لزم ايدي واجوي بابا وماما وكال الهم
شهم : احنى نترخص وبنتكم بعيني لتقلقون عليها
الاب : لا طبعا منقلق هيه طالعه ويا زوجها
الام : الله وياكم وليدي
سلمنه عليهم وطلعنه صعدت بالصدر وهو صعد وتحرك وبقينه نص الطريق ساكتين لحد ما حجه هو
شهم:علمود الحنه والعرس راح اخليها الاسبوع الجاي شنو رايج
زينب : يي بكيفك بالي يعجبك
شهم : يي علمود قبل الحنه بيوم تروحين انتي وامج تشترون فستانين للعرس وللحنه
هزيت راسي وكتله
زينب : ان شاء الله
وكف كبال مطعم ونزلنه ومشينه دخلنه للمطعم وكعدنه جان اكو كبالنه طاوله كاعدين بيها شباب هو ما انتبه الهم جانو يباوعون بطريقه ضوجتني
زينب بهمس : كبر لفك يي ولله
شهم : كلتي شي يعمري
خجلت كلش من كلامه وكلت
زينب : لا ما كلت شي
وكع كلبي من كام شهم يطلب وكام واحد منهم وحط على الطاوله ورقه و واضح بيها رقم وباوعت بتجاه شهم وجان يتجه نحوي وعيونه حادات و وجه احمر وصل يمي وصاح للولد وتقرب منه وصحت
زينب : شهمم عوفهه
.
.
.
انتهى
رايكم .؟
توقعاتكم للبارت الجاي.؟
لا تنسون تصوتون حياتاتي ❤️🔥🦋
بقلمي : جوليانا مهند ~
احبكم 🫧🤍
دُمتم بحفظ الرحمان 🥹🫀