رحت ركض للغرفه بعد ما تعالت صواتهم شويه وهذا الحقير يكول الماما وديها للمستشفى هوه و بنت اخوه الساقطه والله لااروايكم نجوم ضهر دخلت ماما معصبه
نسرين: وين جنتي قبل شويه
جنت دا العب روح طفله من عدهم
ومنو هاي صخام انوب ولج يمه انتي يتراوالج
لا والله ماما ما يتراوالي وحتى خالو اسلام شافها وكال نزلت يم امها جوه ( نزلت راسها امي بحزن و حيره و كعدت على الكرويته رحت يمها كعدت
ماما والله مابيه شي هذوله يريدون يخلوني اروح المستشفى مو
لا حبيبتي ما اسمح لاحد بيهم يدخل بيج بس يمه حبيبتي لا توخرين من عيني و ابتعدي عنهم كل البعد بين ما ابوج يجي و نولي
خلص ماما وعد بعد ماعليه بيهم بس لا تضوجين
عفيه بنيتي
نرجس: عمه يصيحوكم على الغده
جايين يلا امشي الوش
ما اشتهي
الخاطري لا تزعليني
تمام الخاطرج روحي واني جايه وراج
ماشي بس لاتروحين هيج هيج تعالي بساع
اي ( طلعت ماما شويه و طلعت وراها لكيت اريج طبت الغرفتها اي هاي احسن فرصه ماكو احد رحت دكيت الباب وسمعت صوتها
اريج: ادخل
شبيج ليش ما تجين تتغدين
الصراحه زعلانه ويه عمو اسلام
يا ليش ترا خالو اسلام حباب
اريج: لا حقج انتي ماتعرفين عمو إسلام وهيج ماخذه راحتج بالحجي
آيلا : عاد لا سوين خالو فدمره مو دا اجيكم كل فتره والله اشوفه زين وياكم
اريج: لولي انتي يمته شايفته كل ست اشهر تجين يومين لو تلاثه و هم كل ماتجين هوه بالدوام احنا الي عايشين ويا ما كلين هوا
آيلا : يوو معقوله خالو إسلام هيجي زين مرته شلون عايشه ويا اذا هيج شو اشوفها طايره بيه
اريج: هههه ضحكتيني عمه هديل لو يصبحها كتله و يكعدها كتله طايره بيه
آيلا: مدري عجيب والله زين هسه انتي شكو من شفتي حبستي نفسج
اريج: لولي يعني هسه اني مو بنيه حالي حالج هم اريد موبايل شي والله طكة روحي كل صديقاتي عدهن و من اكلهن ماعندي لو شوفيني يضلن يضحكن و كلسع و كايلات شلون متحمله احسبي كمت ما احجي وياهن لان كل سوالفهن جبت كڤر جبت ايفون و اني مثل الاطرش بالزفه صرور ماعندي
ايلا: زين والي تخليج تجيبين موبايل شتنطيها
اريج: ش شنوو شلون يعني تقنعين عمو إسلام
ايلا: لا ولج هوه خالو إسلام شيقنعه غير يشنقنه سوا على حجيج
اريج: لعد
ايلا: اني اجيبلج و ضمي
اريج: بس منيلج فلوس
ايلا: من خالو إسلام
اريج: شلون ولج
ايلا: باعي راح احجي ويا علساس اني وحده يعني مراسله ها واخلي شويه يامن بيه و أكوله محتاجه هلكد فلوس واخلي ينطيني ومن اخذهم اجيبلج و ضمي و تنحل كل هل سالفه
اريج: لا ولج خاف احد يدري والله اذا عرف خو يذبحني علىى القبله
ايلا؛ لج بابا اني ايلا اصلا ماراح يحس و مو يعرف عاد
اريج: عمو اسلام ترا ذكي مراح ينطي و لا يحب سوالف بنات وهاي هوه مرته و مو صلح وياها
آيلا: لج اني راح اخلي قلبه ينكسر عليه و ينطي ولا تتحديني يعني من كوتلج راح يجي الموبايل احسبي بايدج ارقى تلفون
اريج: ههه انسي السالفه غير اذا كدرتي انطيج نص الفلوس الي يدزهن عود هههه والله يالله
ايلا: هااا تنطيني يعني
اي والله انطيج نصهم
هاهيه لعد متفقين بس لازم تنطيني كم معلومه عن خالو حتى اكدر اطبق الخطه
شكلج مثلا
هوه يشتغل ضابط بالمطار بس هاي اعرفها
والله شكلج هوه ماينفهم يعني مرات تكولين ماكو بطيبته و بحينته و مرات تكولين ماكو قساوته
وهسه اني كولشي مفهمت اريد اشياء افعال يحبها
اريج
الصراحه رغم خايفه منها لان اعرف وضعها مو تمام بس الدافع الي مخليني اتفق وياها الموبايل كلش رايده موبايل
باعي ايلا اني اذا كتلج شغله وعد ماتطلع
هاي شبيج اريج اني مو من نوعيه الي اطلع حجي اطمئني
باعي اكوو كم شغله راح تخليج يجوز يقبل يحجي وياج
ايي شنو هيه
خالي من جان بالانبار جان يحب وحده اسمها جلنار و حسب ما سمعت جدي و جده يحجون مات عليها
اهاا يعني اسمي نفسي جلنار
اي بس جانت جلنار مو مثلج السان جانت كلش بريئه و اهلها يعنفوها و هوه مره ساعدها و سوه تعهد لاهلها عود محد يضربها بس بالاخير لكوها منتحره
يااا معقوله
اي شبيج عمي إسلام هواي عنده اسرار و صدكي هاي سوالف نقطه بحر بس حلفتج بالله ديري بالج احد يعرف هاي سالفه مايدري بيها اي احد بس جده و جدي واني تصنتت و سمعت بس ما كلت لاحد بس امنت بيج ديري بالج ها و لاتنسين ينكسر كلبه على ناس الفقره يحب يساعد كل
لا مو كوتلج اطمئني ( دنحجي وامي فتحت الباب حيل
نسرين: يمه وكعتي كلبي مو كلتي جايه وراج
شبيج ماما اجيت اصيح اريج
محد عاتب عليج يلا امشن شعندجن تبسبسن
لا عمه ماكو كلشي
اي صح ماما ماكو ( طلعنا واني اخذت هواي خيوط اكدر استغلهم لكيتهم كولهم كاعدين اني كبل كعدت بصف امي ضلت امي تفلس و تحط كدامي رفعت راسي لكيت بنيه تباوع عليه بس كانو نضرات تفصيليه جانت ملامحها حاده كولش و كولشي بوجهه تحسه جبير بس حلوه جذابه
لمى: اكو نسرين بنتج جبيره شعجب ما تحجبيها
نسرين: وراها يمته ما تقتنع ماكو شي جبر
لمى: اي وكت و صار الحجاب على القناعه إسلام لو بنتك هم تخليها على القناعه
ايلا: واوو خوش خطه( كولهم باوعولي بعلامة استفهام) ههه شبيكم يعني ماعرفتوا خطة الخاله لمى
لمى: شجاي تحجين انتي
ايلا: اني فاهمتج اطمئني فتحتي موضوع برأسي ويه خالو إسلام
إسلام: نسرين سكتي بنتج لا ارتكب بيها جريمه
ليش انكوول لاتسوي نفسك ما فاهم الخطه و عود مثل ذولي الابطال البنات تحبهم و هنه لابسيهم
نسرين: كافييي ايلاااا
إسلام: كوميييي من سفررررره بعد ماريدددد اشوف جهرتج
تمام كايمه اصلا ما يعجبني اكعود يمكم بس قبل لا اروح اكولها الك خالو ترا لمى تريد تلوف عليك بعدني ما لافضه الكاف وهوه كام اني كبل ركضت الغرفتي جانت اقرب شي للصاله سديت الباب بعد شعره و يفتحها ضل يدك بالباب و يعيط و كلها تهدي بيه
إسلام: فتحي الباب بنت الكلب
جلال: شجاك إسلام يمعود راح تكسر الباب
هلال: ول بويه جاهل ماتفتهم
ايلا: مو جاهل والله لمى حاطه عينها عليك و اكص ايدي اذا انته ماتعرف
اسلام: وجججج بنت القندرررررره
نسرين: مروتك خويه مريضه عوفها
إسلام: عرج مابيها بس انتو ماتعرفوووون تربوووون اخ لو اكضج
مليكه: اوف يل مشطينه ما تكعدين راحه
نسرين: كافي اسلام باجر رايحين و تخلص من عدنا
إسلام: هاي ماريد اشوف جهرتها من لحد ما تولي واذا تريدين تجين هاي بعد ما تجيبيها وياج
نسرين: يحرم عليه طبت هل بيت بعد
هلال: كافيي بويهه اسلام فك ياخه
إسلام: رايح وانتي توكعين بايدي يوم و اني الججج
ايلا
اني أهنأ سكتت لان طلعت الي بقلبي ارتاحيت بس انقهرت لان ماما ضلت تفرفح و اسمع تلاغت و يه خالو واخذتها خاله اسماء ضليت بحدود الساعتين على الموبايل و حتى ماما ما افتح الها الباب لحد مادكت الباب اريج رحت فتحته
ايلا: هلا
اريج: هلا بيج
ايلا: اجيتي هم تنطين فنون الرد و الاخلاق
اريج: لا اجيت اكلج تنسين هاي سالفه
ايلا: شنوو قصدج
اريج: عفيه ماريد بعد لاتصيرلي مشكله و الله يذبحوني
ايلا: تمام اني هم ماريد أسويها بعد اني راجعه للبيت و حتى جيه بعد ما اجي
اريج: تمام حبيبتي يلا من رخصتج
ايلا: باي ( طلعت وابتسمت افضل شي سوته لازم الغي الفكره من راسها لان هاي جبانه على ساعه تفضحني كدامه لازم اسوي شي وحدي وبعدين افره عليها )
نسرين: ولج خزيتيني ليش هيج حتى خليتيهم يكولون عليج ما مربايه
ايلا: يووو ماما تهتمين لذولي العربان كالو ما كالو همه و الماكو سوا
انتي ناويه تخبليني بس بعد ماكو يجي ابوج ويشوفلي صرفه وياج
خوش يلا هاهيه بس لاتعصبين
لا اله الا الله
ماما اوكفي لاتروحين
بدون اعتذارتج السخيفه ماكو عندي هل سوالف ماتمشي وياي
لا ماما اريد موبايلج( شمرت و طلعت تغلط عليه اخذته كبل سجلت رقم خالو اسلام و كتبت مسج الي ماعرف هل مسج راح يغير كل حياتي
كتبت : نهى عفيه جيبي وياج خبز بالف والله بس باجر اطلع ابيع كلينس ارجعهن الج
ايلا
خلي نشوف قلبك الحنون خالو اسلام ضليت انتضر ماكو رد هففف ما كدر حتى اطلع اخاف الكاه ضليت بغرفتي شويه و جابت صينيه نرجس بيها اكل من الغدا
تعالي ست الحسن صرنالج خدم بس تعرفين حبيتج من سويتي هيج اني هاي لمى و لا ارتاحلها
ههه يلا بعد ماكو اكبر من الفشله الفشلتهيا
. . . .
نسرين: والله لمى حقج عليه بس هيه شويه مدللها ابوها و تخبلت عليه
لمى: لا على بختج نسرين قابل شعندي وياها انه بس خجلت من اسلام
مليكه: اوف هل شلنفص خايبه نسرين يمه شمالج ما تحجين لبوها ايدبها
يمه شبيج شحجي هوه ابوها مايقبل اني امد ايدي عليها انوب اكله اضربها وانتي اعرف بالحال
اسماء: بس هيج راح تتهيلك
مليكه: تهليكت و راحت البشر ذبه الله يساعد الي ياخذها
لمى: الياخذها امه داعيه عليه ههه
اسماء: والله لتهججه بصباحيتها
نسرين: جوزن منها
... ...
ايلا
كعدت الساعه بالوحده بليل يوو لكيت ماما نايمه بعد شينومني طلعت موبايلي اباوع اكو رساله اي هذا رقمه كاتبه عليه هدى 2 بنت عمي هدى هاي الوحيده الي علاقتي شويه بيها قويه لكيته كاتب
: خيتي غلطانه بالرقم
ياا هاي شنو سدها بوجهي ادري مو عود قلبه طيب لازم انطي تعاطف اكثر كتبت
: خلص نهى اصلا بعد ماريد منج شي اعرف هذا رقمج بس تحاولين تتجاهليني بس صدكيني اني علمود ابويه لان مريض ما كاعد اطلع للشغل و بعد لو اموت ما اطلب منج شي
ايلا
كمت طلعت رحت للثلاجه طلعت دولمه هيه بارده اكل احبها اكثر من ما حاره خلصت كملت و طلعت من باب المطبخ شفت خيال رحت زايد بالمشي
روح هاي انتي شمطلعج بهل وقت( جانت تباوعلي و تبتسم و عافتني و صارت تمشي اسرع اني شي يشدني انو امشي وراها استمريت لحد ماحسيت شي شالني من الكاع توني اريد اصيح و سد حلكي ضليت اطفر و اصيح بس ماكدر
.. .. ..
اسلام
بطريق الرجعه للبيت بعدني ماطاب للداخل و شفت وحده طلعت من لبسها عرفتها بنت نسرين طلعت من سياره وهيه تركض واني اركض وراها لحد ما لزمتها باوعت عليه لزمتها من كتوفها ثبتتها
إسلام: خايبه انتي ناويه تسودنينهههه وين هاجه بنصاص ليالي (باوعت بارتباك )
ماكو جنت دا اتمشى
إسلام:(حسيت بيها جاي تجذب) وين موليه شلون تتمشين بهل ليل انتي صاحيه احجي وين ناويه تولين جنتي(لزمت راسها بايدها و دموعها تجري)
إسلام: شبيج احجي لا تخافين
ماكو شي رجعني للبيت
يعني عساس ماتندلين الطريق ههه والله انتي ملعبه كشره اخ لو بيدي سلطه عليج لجان علكتج و كل ما اضوج اطركج ( جنت متوقع راح ترادد كلعاد بس وكفت وخرت ايدي و صارت تمشي بشكل عشوائي لحكتها جريتها من ايدها
ولج بويه لا تسودنيني وين موليه
مو انته مدا تاخذني شنو هاي البساتين شعجب ما مودينه عليها
والله حرت شكلج شو انتي تخربطين
عفيه خالو بس رجعني
امشي شني معناها الحركه السويتيها على الغده
خالو والله معروفه وردت افشلها يعني الشغله مو يمك
انتي ما فشلتيها فشلتينا احنا اهل البيت شيكولون عليج ممربايه
لا قشطه هههه
مسودنه انتي
اعرف
وين جنتي تركضين
شنو الفائده اذا حجيتلك
ليش
مراح تصدكني
اصدكج احجي
اكو ابنيه اهنا اسمها روح يجوز جوارينكم
(مسحت على وجهي) بويه ماكو هذا الحجي كله خيال يصنعه عقلج
شلون خيال و اني اشوفها اوضح منك
شوفي انه اكرهج ماحبج أنه إنسان صريح بس عندي احد معارفي دكتور نفسي و كلش مشهور شني رايج اخذج اله
انته هم مثلهمممم يمعوديننن مو مخبلههه انييي
اشش كصري حسج مثل ما اكو واحد مريض نشله و اله طبيب انته نفسيا و الج طبيبج مو مخبله انتي بس عقلج يتخيل امور
ما يتخيل اسال واذا طلعت اجذب اكص ايدي
( عافتني وطبت صدك كلامها ضل براسي بس ارجع واكول مريضه كعدت بالحديقه طلعت جكاره فتحت الجهاز لكيت رساله من نفس الرقم مكتوب
: خلص نهى اصلا بعد ماريد منج شي اعرف هذا رقمج بس تحاولين تتجاهليني بس صدكيني اني علمود ابويه لان مريض ما كاعد اطلع للشغل و بعد لو اموت ما اطلب منج شي
( أستغفر الله هاي شبيها العالم كلها تسودنت بس اكو شي جذبني انو ماعدها فلوس بس عدها كرامه كتبت الها
: هسه منين اجيب الي يقنعج انه مو نهى
.......
ايلا
دخلت واني ضجت من تصرفاتي كولش معقوله اني مخبله بس اكو شي داخلي يكولي لا مستحيل داشوفها واضح دخلت للغرفه امي نزت
وين جنتي
رحت اكل جعت
يلا تعالي نامي لا تفترين بعد لو تكعديني
لا خلص اجيت انام ( طلعت تلفوني لكيت رساله من شفت محتواها اجتني الضحكه كتبت
: معقوله والله اسفه بس عبالي نهى اعتذر حبيبتي
( جنت متقصده اسويه ابنيه علساس اضلم الوضع فدمره طبعا اكتب و ضحكه بيه هوه رد
: ول شني مصره تسويني بنيه بويه انه زلمه
ههههه
نسرين: شبيج ولج تضحكين
احم هيج ماما على فيديو
ما تنامين
توني كعدت ماجايني نوم ( عافتني و نامت رديت)
:هههه والله بدون قصد بس جان محروك قلبي لهل سبب يجوز صار غلط بالرقم لو الارقام شمرت
: عادي بويه ما صار شي
( هم رجع سدها هسه شلون افتح ويا موضوع بله )
: اخي بلا زحمه تكدر تكولي ليش هيج الموبايل يشمر على غير ارقام لان ماعندي احد يفهم اساله
ضليت انتضر رده شويه و رسل
: والله مادري بويه بهيج سالفه
خرب ببليسك شكد حقنه هذا شلون بله اجيبه يمنه يجي يسره كتبت
: تمام تسلم اسفه على ازعاج
: عادي ما صار شي بويه بس كافي دزين رسايل خاطر رصيدج ما يخلص خاصه ضرفكم مبين تعبان
.......
للروايا بقايا ❤️
حبايبي تابعوني انستا انشر اشياء تخص الابطال mi_itss5
وتابعوني أهنأ علمود نكبر اهم شي تعليقاتكم اتشجعني اكمل و تصويتكم