#خطوات نحو الموت
#للكاتبة جيهان آغا
لا تنسون الصلاة والسلام
على سيدنا محمد وعلى ال محمد
قراءة ممتعة حبايبي
______________
- بقيت انتضر شوي واجه اسد افندي
ركضت على السيارة بدون سلام ولا كلام
خليت وجهي بنص التبريد
باوعلي ورفع حاجبه وكال
اسد - وعليكم السلام ورحمة الله وبركاته
دكتورتنا
- بشرفك مو وكت رسميات بهل حر يمه متت
اسد - شبيج صاير شي وياج
- حاااااره متت وانتو ماتحسون بيه ابطل احسن
ماريد اكمل
ضربني على راسي وكال
اسد - كافي كل ماصار شي ابطل وابطل
خاف بكيفج تبطلين
- مو شغلك اني ابطل بكيفي جا بكيفك ابطل
اسد - بويه كافي بردي شويه
كافي روحي مامتحمل
انوب انتِ هم هيج تسوين لا تخليني اصير عصبي
- حاااره ميته حر ما ناقصني أعصابك فدوه
اسد - وربي مالي خلكج كافي سكتي احسن
- ليش جيت ورايه منو كلك تعال
اسد - غير اخوج ال
- قاطعته قبل لا يغلط وكلت
يبوو ما اقبل تغلط على اخويه
اسد - شلون تخليني اعصب
- هههه كافي خلص راح اسكت
اسد - احسن
- سكتنه شويه وهو كال
اسد - متغدايه لو لا
- لا انتظر ابن عمي ياخذني للمطعم
اسد - اها ويا ابن عم عيني ناطره
- ههههه انت يعني قابل منو
اسد - واني اذب فلوسي عليج
- وليش يمه بت عمك من لحمك ودمك اذا ما اذب فلوسك على بت عمك عليمن اذبهن
ضحك وكال
اسد - تدللين وين نروح
- خجلة وكتله لا يمعود اضحك عليك شبيك احب اداهرك
كرصني من زندي
اااخ شبيك
اسد - والله لو ما اعرفج فطيره
جان رديتج ع حلكج بهذا كلامج
- لحظه شبيك شمسويه بس كتلك احب
اضحك عليك واداهرك
اسد - ونوب تعيدها يا الله ولج ابردي ابررردي كافي احجي عدل شنو جاهل كدامج
اضحك عليك هذا الحجي ويه وحده بعمرج تحجون مو ويايه هيج تحجين
- خلص اسفه انسى
اسد - نزلي يلا بسرعه عندي شغل
- ما شاءالله ولا حسينه بالطريق
اسد - اي طبعاً هلكد ما تكركرين
- اني اكركر
اسد عليه هل حجي
اسد - بويه تنزلين لو ادفرج
- اها هيج صار الحجي خوش تحلم بعد
تشوفني اني اعلمك
اسد - مع الأسف منا وجاي اني اخذج وارجعج
- لا بشرفك كول والله
اسد - لا حوله ولا قوة الا بالله
ولج نزلي شلون وياج هسه
نزلي كافي حجي
- نزلت واني ضايجه راح
طاح حظي هيج واحد يوصلني
دخلت للبيت رحت يم امي
بستها من راسها وحضنتها
- هلا يمه نورتي البيت
- حبيبتي اروح ابدل وانام انتو اتغدو
اني مو جوعانه
- يمه شبيج اليوم مالج خلك
- ماكو شي حبيبتي
رحت لغرفتي بدلت ومشطة شعري
رحت نمت ونفس الحلم والكوابيس
فزيت من مكاني
بسم الله الرحمن الرحيم
كمت غسلت وجهي واشوف الدنيا
ليل وهوسه وجهال خواتي يمنه
رحت للحديقة
- يمه لا غده ولا عشه شنو سالفتج
اكلي شي حبيبتي مايصير هيج
- فديت الخايف عليه رايحه اكل ادللي
- اي يمه روحي فدوه اروحلج
- ياعمري
رحت للمطبخ سوتلي لفه جبن ومربه
طلعت للحديقة الجو بالليل احسن مو حاره
هوايه مثل النهار اتمددت بالحديقه مالنه
واني اشوف النجوم والهلال شكد حلو
سبحان الخالق
جتي عيني على اكثر نجمه مضويه
دمعت عيني واني اذكرها شكد جانت
تحبني وشكد عندي ذكريات حلوه وياها
رجعت اتذكر كل شي من البدايه
وهسه صار الوكت اعرفكم عن نفسي
اسمي رواسي من البصره عمري 23 سنه
طالبه كلية الطب مرحله 3 راح ابدي احجلكم
قصتي اني واهلي ونبدي من البدايه
_
_
_
_
_
/في يوم من الأيام /
حرب - جنت كاعد فوك الصطح ادرس سمعت صوت من الشارع مديت راسي من السياج وشفت رفيج دربي وصديق طفولتي
بتسمت وصحت شبيك اصيح عبالك
مره عندها ولاده
علي - ولك حروب انزل عوف الدراسه شتحصل
حرب - طاح حظك عليوان بدال ما تجي تحفز بيه
بس شكول ما يصير براسك خير ابد
شتريد
علي - ههههه يلا تعال هم يلا نلحك ل ابو المطعم ليوم عندنه هواي شغل بعد اخوك
حرب - يلا جايك صدك اليوم عندنه شغل
ربي سهل امرنه توكلنا عليك ياالله
نزلت وضميت كتبي بل غرفه بدلت
وطلعت امي صارت بوجهي
نوريه / الأم - ها يمه طالع
حرب - اي والله يمه عندنه شغل
نوريه - ودراستك يمه شلون والله اخاف عليك
حرب - يمه شبيج اروحلج فدوه اني مو جاهل تره عمري 14 سنه وافتهم واعرف لا تخافين عليه
ابنج اسم على مسمى
نوريه - يمه الله وياك بس والله كَلبي ناغزني
حرب - ذكري الله يمه ماكو شي ساعتين
وارجع ان شاء الله
بست ايده وراسها ورحت
امي ناس كلها تحبها وما مأذيه احد تساعد الصغير قبل الجبير والغريب قبل القريب امي جانت ام ونعم الأم اهل المنطقه كلها تعرف ام حرب اذا دخلت لميدان لو ديوان تسكت لما يسكت
ابويه رغم اكبر منها بالعمر وله هيبه وهوه بل سلك العسكري واصل بس ما يخطي خطوه اذا ما ينطيه علم واذا كالت لا يعني لا
طلعت للمحل وشفت علي واكف
علي - صلوات على محمد
استاذ حرب
حرب - شبيك بويه انطي صبر يمعود
علي - خاب دروح صبريش. غير ابو المطعم اذا اجه وما لكانه راح يطردنه وانت تعرفه احسن مني
حرب - اي والله صدك كلامك
مشيت واني اذكر شكد يحب يتحاقر ويانه اذا انظف وهو واكف يذب الماي مالت المسح ويصيح عيدو تنظيف ونعيد اني و علي واذا نغسل المواعين يجي بل عناد يكول ما غاسلين عدل نسكت ونسكت شنسوي
اني منتضر بس اخلص عطلة نص السنه حتى ابطل وياريت بطلت قبل هذا ليوم من كد تفكير
ما حسيت اله واني كدام المطعم
اول ما طبينه نظفنه ورتبنه لطبلات ولكراسي
وصار يلمع
علي - ولك حويرب عليك الله باع مو نادرات
حرب - ولك شنو قصدك نادرات سويتنه بنات طاح حظك شوكت تتعلم تحجي عدل
علي - على كيفك شبيك اليوم عصبي وما تتحاجه
حرب - انت غير ماتعرف تحجي اضل اعلم بيك
واحنا نحجي دخل ابو المطعم
- خوش جايين من وكت شعجب كل مره اله برزاله
حرب - عليكم السلام
- شنو ولك استاذ حرب تعلمني شلون اسلم
حرب - ههه لا مو انت معلم مو اني
- شنو قصدك احجي عدل لك
حرب - لا تصير عصبي مو زين عليك عمي
عندك ضغط
هيج كلت وهذا علي فطس ضحك
- كااافي طاح حظكم اشتغلو بدون حجي
زايد وانت يا حرب خشمك اكسره بعدك صغير
وهيج لسانك تذب بسامير
حرب - عمي والله ما حاجي شي يمكن فهمت غلط
- امشي روح كملو شغل لا هسه ابتلي بيكم يلاااا
حرب - رحت اكمل الشغل
علي - ههههه ولك انت شنو من بشر عمي حرب
وربي اسم على مسمى
حرب - جا شعبالك بعدك ما شايف شي
علي - يمه الغرور يمه شهل التكبر
حرب - هههه ولك اسكت احسن
هذا يا غرور حبيبي الغرور والتكبر
مو من صفات المؤمن وبعدين على منو اتكبر
كلنا بشر بس بالحسنات نفرق وربي
علي - شلون يعني مافهمت
حرب - يعني كلنا بشر مو بشهادة واحد احسن
من الثاني لا بس بالحسنات احسن
علي - فهمني اكثر
حرب - يبوو ولك ليش هيج فهمك بطيء
اقصد كلنا بشر ماكو واحد احسن من الثاني
بس بالحسنات والاخلاق
علي - ولك من وين متعلم هل حجي
حرب - سمعت ذاك اليوم من رحت اصلي
بالجامع قبل لا نرجع للبيت والشيخ هيج كال
وكلامه دخل كَلبي
علي - حلو كلامه يلا نكمل شغل
حرب - اي يلا
كملنه شغل ونكسر ظهرنه من التعب وهذا
ابو المطعم اليوم خلاني براسه ومتقصد ويايه
يضوجني وتعبني هوايه اليوم
خلصنه شغل ورجعنا كل واحد لبيته
اول ما طبيت للبيت وجان اسمع صوت
صياح وهوسه ركضت وجان اشوف.....................................
_
_
_
حبايبي لا تنسون التصويت بالنجمة + تفاعلكم مع الرواية تعليق بين الفقرات + متابعة حسابي واتباد
وحسابي انستجرام ⬇️
انشر كم مشهد قبل نزول البارت اهناك
وانشر هوايه ستوريات تخص الرواية
دمتم بخير في أمان ألله حبايبي
<<<<<<<<
سبحان ألله
ألحمد لله
لا إله إلا ألله
ألله أكبر
<<<<<<<<
#خطوات نحو الموت
#للكاتبة جيهان آغا