#خطوات نحو الموت
#للكاتبة جيهان آغا
_
_
شلووونكم قلبي رجعنه وياكم في رواية عراقيه حقيقيه جديده وغريبه وحلوه بنفس الوقت
اكيد راح تحبوها
قبل لا نبدي لا تنسون الصلاة والسلام على سيدنا محمد وعلى ال محمد
قراءة ممتعة حبايبي
____________
- اشوف وحده مطيتني ظهرها من عطرها
عرفت هاي امي كبل ركضت عليها التفتت
اشوف دم ينزل م م ماعرف من وين اشوف
من راسها وخاله ايدها على ركبتها كلت
ي ي يمه شبيج ليش هيج دد دم ينزل منج
احجي واني ارجف
شفت من بعيد رجال لحيته سوده
وضخمه يريد يجي ياكل امي
واني صافنه اريد احجي اكلها يمه
دير بالج بس مع الأسف ماكدرت احجي
ولا اروح ادافع عليها ولا اكدر اتحرك
احس رجليه ميته ما تتحرك تقدم اكثر
على امي وراح ياكلها وجان اصيح بكل
علو صوتي
لااااااااااااا راح ياكلج يمه رووووحي لااااااااااا
عووووف امي لااااااااااا امي لاااتاكل امي
طفرت من مكاني فزيت على صوت أيسون
- ولج يمه شبيج تصيحين
كومي شربي مي بنيتي نفس الكابوس
مثل كل مره سمي بسم الله
- بسم الله الرحمن الرحيم
اللهم صلي على محمد وآل محمد
كابوس اي مو جان كابوس اي اي اكيد
كمت ابجي واني اتذكر الحلم
وكلت
شكوو ليش مكعديني خلوني مخموده
- بنيتي شبيج تره هسه وكت دوامج راح صير ب8 وانتِ عندج محاضره مهمه لا تنسين
- هيَ هيج كالت واني طفرت للحمام
عزه عندي محاضره المهمه اول درس
يبوووو على نومي هذا
واني بالحمام صحت
عفيه بسرعه لفه وكلاص حليب فدوه
- هههه مو تدلل دكتورتنا
من عيوني
- خلصت
طلعت ملابس الكليه
بدلت وخليت مكياج خفيف ولبست حجابي
واخذت الجنطه والكتب قبل لا اطلع
تذكرت العطر صخام براسك يامطي
رحت رشيت عطري المفضل
وطلعت نزلت لكيت ابويه واخويه كاعدين لبقيه كلهم نايمين اول ما نزلت باوعت على نفس لمكان يلي حلمت بي ضليت صافنه نسيت حتى المحاضره
حجه بابا
حرب - راح ضلين صافنه بويه شبيج اليوم
مو مثل كل يوم صوتج شعلوه ضاهر عندج امتحان مهم لو صعب
- ردت اكله وسولفله لأنو صدك تعبت بس اعرف راح ينقهر واذا شي يخص امي راح يكتئب ضليت ساكته وكلت واني ابتسم
اي حبيبي شوي امتحان صعب وان شاءالله اجيب امتياز بس محتاجين دعواتك بويه
حرب - الله يوفقج بنيتي خلصي بويه
حتي اوصلج
- ههه فديتك والله حتى يكلولي بت الصاك ابوها اليوم جاي لكليه
حرب - هههه جا مو زين هيج
- باباتي اني هم اخاف عليك صدكني ههههه
لتفتت على امي وكتلها
معليه اذا رجلج راح منج ههه
حجت وهيَ تصب جاي
- ههه
الاصيل يضل اصيل ما اخاف من ابو حازم
- ابويه اخذ الجاي منها وهو مبتسم
اني هم ضحكت عليهم ياربي شكد حلوين
ما ريد اعكر مزاجهم وهما يلي ساعدوني
ارجع مثل قبل بضحكتي وبسوالفي
الف الحمد لله على كل شيء
يلا بابا تأخرت حيل على المحاضره
حرب - كملت يلا بعد ابوج
- طلعنه وصلت للكليه طبيت للقسم مالتي جان دكتور ثائر عدنه لا هاي هيَ شلون يوم
نحس وكئيب نستعد لرزاله
وفعلاً اول ما طبيت جنت متأخره خمس دقائق بس شافني كال
الأستاذ ثائر - وين جنتي حظرتج
- العفو ستاذ زدحام والله وبو لخط ما اجه فأ بابا جابني
حجه وهوه يظرب بيده على الرحله
الأستاذ - طلعي بره ما دخلج حتى مره ثاني لا انتِ ولا غيرج يتأخر بمحاضرتي خوش
- بس ستاذ فدوه ب س
الأستاذ- اشش بررره يلا بسرعه
- فشلت كدام الطلاب
طلعت وكعدت عل لمصطبه بره ضليت اراجع لماده لوراها شوي واجت صديقتي نور
نور - ها خوش رزاله ههه
- انجبي ما ناقصتج ولله مختنكه اليوم
نور - شبيج ياعيوني هسه غير اعرف ليش الحلو
مخنوك
- تعبانه والله تعبانه
حجيت هيج وطكيته بجيه
نور - عمري كافي فدوه اروحلج
زين حجيلي شكو شبيج
- صفنت عليها وذكرت ذاك ليوم المشئوم الي خله حياتي كله حزن وكوابيس وخوف وذكريات
صعبه صعبه بيوم من الأيام اكدر انساها
كمت رحت للحمامات وغسلت وجهي
كافي اهدي اهدي ماكو شي احنا اقوياء
رب العالمين ويانه ماكو مكان للحزن
اباوع لنفسي وقوي روحي بالمرايه وانطي نفسي طاقه ايجابيه
كافي انسي انسي شبيج ايلا متا تبقين بقوقعة الحزن شنو جان وعدج الروحج مو كلنه ما نريد شي يقهرنه اهدي اهدي اخذت نفس
شهيق زفير
شهيق زفير
شهيق زفير
اهدي خلص حلم وراح
اي اي راح حلم جان كافي
يارب سهل اموري يارب
احسن صرت
غسلت وجهي وعدلت المكياج هو خفيف
كلش وعدلت الحجاب
وطلعت شفت نور واكفه يم الباب
نور - شوكت تثقين بيه وتحجيلي شبيج
- نور الله يخليج غير يوم نحجي مو هسه
نور - براحتج عمري يلا نروح نكمل المحاضره
- ها اي اي صدك يلا نروح
رحنا للقاعه كعدنا اجه الدكتور احمد نطانه محاضره وتحاضير قسماً بالله كل شي ما فهمت هذا عبالك بلبل خررررط وخلص لموضوع
وكملنا المحاضره خلص الدوام
كلت اروح للمطعم جديد فاتحي
اروح اهناك وهدوء احتج هيج مكان
احسن من الهوسه وجهال
نور تجين نروح للمطعم مكان شي
مخنوكه
نور - حياتي هسه اخويه يجي
- ماشي عمري براحتج
نور - باجر نروح شتكولين
- ان شاءالله حياتي
جنا واكفين نتناقش بخصوص المحاضره
وجان اشوف صوت بنيه تبجي
التفتت اشوف صوت بنيه صغيره تبجي
وامها تسكت بيها
براء - ماماتي حبيبي لا تبجين حياة الماما
كافي حبيبي فديت بنيتي اني يمه اروح فدوم لهل دموع
- شفت براء بنيه ويانه نفسنا مرحله 3
مزوجه وعندها طفله صغيره
بدون وعي تقدمة خطوات يمهم وكلت
مرحبا شبيها بنتج خطيه
براء - حبيبتي هذا حالها يوميه تبجي ورايه
من تكوم من النوم ماتكدر بدوني لحظه
متعلقه بيه اكثر من ابوها
- ابتسمت واني اشوف الطفله عيونه زرك
والشمس ضارب على عيونها
ضلت براء تسكت بيها وبطريقه حلوه
تحجي ويه بتها ذكرتني بذكريات
اريد انساها بس دائماً لازم اتذكره
اكثر من مره باليوم
راحت براء ويه زوجها واني صافنه
عليهم اتذكرته من جانت تغنيلي من جنت
ابجي وصوتها لحد هذا اليوم يرن براسي رن
والله مشتاقه اشوفها مشتاقه للحب ولحنان
يلي راح مني واني طفله صغيره
حسيت دموعي نزلن مسحتهم بسرعه
وجان تجي نور تكول
نور - ياااء ولج كافي صفنات وطناكر من الصبح
- براسج هسه يمج اني
نور - منو ياخذج
- مادري والله واكفه هيج
نور - امشي ويايه
- لا خيه عيب من اخوج هسه اخابر احد يجي
نور - عادي حبيبتي
- لا ماريد تسلمين
نور - تمام براحتج
ها اجه يلا حب مع السلامة
- مع السلامة حياتي
راحت نور بقينه اني وكم طالبه
اتصلت بخويه علمود اشوف منو يجي ورايه
شويه وجاوبني
اكلكم انتو ناسين عدكم اخت
كولو هاي المطيه احد يجي يوصلها
ماتت صارت بيضه مسلوكه بشمس
بهل حر
آراس- هههه افا حشه المطي اقصد حشاج
- هه هه هه مايضحك كلامي على فكره
يلا احد منكم يجيني وربي متت من الحر
آراس - اي هسه يجيج اسد ياخذج
- بسااااااع متت حر وخلي اوصل وشوفو اذا ماسويها الحرب العالميه الرابعه بالبيت
كو لو ما كالت
آراس - يا ساتر شكوو على كيفج بعد اخوج
ههههه
- اضحك ليش ما تضحك اسمع
اريد خط حطولي خط زين شني مثل المطي
وحدي ما تخافون عليه
آراس - ههه اول شي عوفي المطي
لأنو اليوم هنتي اكثر من مره وثاني شي
اكو واحد يخاف على زلمه بعد اخوج
ههههه
- انت صدك تحجي شبيك
امشي روح مو صوجك صوجي
اني طاح حظك يلا انتضر اعصاب ذاك عليه
ناقصني اني
آراس - هسه يجي صبري
- ماشي يلا مع السلامه
آراس - مع السلامه
- بقيت انتضر شوي واجه اسد افندي.......................
_
_
_
للحكايه بقايا
لا تنسون تفاعلكم مع الرواية تصويت بالنجمة + تعليق بين الفقرات + متابعة حسابي واتباد
و انستجرام ⬇️
واحبكم هوااايه ❤
<<<<<<<
سبحان ألله
ألحمد لله
لا إله إلا ألله
ألله أكبر
<<<<<<<
#خطوات نحو الموت
#للكاتبة جيهان آغا