نسرين: كافي آيلا قابل الموضوع بيدي اني
آيلا: لعد بيد منو ليش ماخليتي ياخذنه ويا اني هل يومين خلصتهم بطلعان الروح انوب شهر
نسرين: ابوج عنده شغل يعني شلون بله اكوله تعال اخسر أملاكك كولهن بس حتى يرجعج خانو
ايلا: اوففف زين مخلانه يم عمامي ليش اهنا
نسرين: ايلااا كافي عاد تعرفين نسوان عمامج و عماتج الحيايه وين مبقينه اهناك حتى هم يلفولي سالفه واني مالي خلك مشاكل
ايلا: لعد بقيتيني اهنا
نسرين: و شبيها اهنا لا تتفسكنين مو هذني بنات خوالج وياج اكعدي يمهم اتونسي لو الا هل نت الي دمرج مو رسبج سنه كامله النت و المكموع الموبايل
ايلا: هم جابت طاري الموبايل
نسرين: لعد مجذبه ولج متغارين
ايلا: منين اغار مو بنات عمامي كولهم نفسي
نسرين: هم الله مطيح حضجن دباعي على اريج النداره و الدرجات العاليه رغم يتيمة اب بس ماكو وحده بشطارتها و ندارتها
ايلا: اي طبعا تخاف من خالو اسلام اذا مجابت درجات عاليه يكتلها
نسرين: لا والله عبنها ابنيه فاهمه و راكزه مدور سوالف عتك
ايلا: اوف يسالفه اريج المتخلص اروح انام احسن لي
نسرين: اي ضلي هيج يا لولو والله لتعضين اصابيع الندم بعدها
ايلا: اي اي خليني عود اعضهن( راحت و سدت الباب كعدت اصفن اريج اريج بكولشي حاطيلي اريج هيه عود صدوك ليش هيج مسويه نفسها مثاليه اوف تولي طبعا علاقتي بيت خوالي كولش مو زينه لان دائما يقرون براس اهلي على لبسي و على الموبايل حتى نت بالبيت محاطين و ماكو وحده مامزوجه و عدها موبايل وهم عايشين سوا البيت طبعا على أخر موديل حتى سيارات بس عقلهم متحجر ضليت اتكلب مايجي نوم و لا بواهسي اطلع ضليت اصفن لحد ما مليت و طلعت لكيتهن حايرات يسون غده شفت بنت خالو جلال نرجس
نرجس: ها لهسه مدلغمه ولو حكج انه هم لومنج اهج من العراق
ايلا: ها بعد كلتيها تهجين واني بالكوه متحمله أهنأ مختنكه
نرجس: ليش البيت جبير
ايلا: هوه جبير بس انتو خانكي وين اكو بيت بدون راوتر ادعي ما اجيب راوتر بهل شهر اصلا
نرجس: اي لاتضلين تتغاوين علينه و جربي و جيبي عمي اسلام يعلكج بالفلكه الرابعه
ايلا: يووو يا سالفة خالو اسلام الي متخلص اكولج اريج وين
نرجس: جاي تقرا
ايلا: تقراا هوه شتقرا غير قبل اسبوعين بدت العطله الصيفيه
نرجس: ههه هوه هذا وضعها تقرا للسنه التجي
ايلا: شعجب متشتغل وياكم
نرجس: لا من يوم ما عمي محمد مات وهيه تيتمت جده و جدي ما يخلون الطير يحجي وياها هيه و اخوها ملهم خو امهم نامي و اني اتجيلچ
ايلا: و شدعوه اول واحد يموت ابوها وهيج
منى: شدسون بدال ما كاعدات تكصن بالاوادم كومن غسللجن ماعون شيلن فراش
نرجس: يمه و رحاب و رجاء شنو ماعندج غيري ابنيه
منى: ها صاير السانج طويل نرجسو يجي ابوج و اشوف شلون اطولين السانج بعد
نرجس: عادي ابويه اصلا يحبني شعنده غيري
منى: اي ام حلك خلشوف من يشوف هذا صوتج يسكت واذا سكت اوصلها لاسلام و تعرفين باسلام
نرجس: لا يمه كلشي و لا عمي اسلام كايمه بس خلي رحاب و رجاء هم يشتغلن شني بس اني
منى: الف رحمه على والديك اسلام مذيرجن اخواتج من الصبح يشتغلن كومي يلا وانتي عيني ست الحسن شبيج كالبه الخلقه
ايلا: ( باوعت صفح ) ماكو
منى: اوف يا نسرين شبتليتلج بوحده
ايلا: عمه رجاءا احترمي نفسج شنو ابتلت بوحده شايفتنيييي هااا
منى: بعد ولج كفخيني و علي بصوتج زايد لا خجل و لا مستحه ماتكولين اكو زلم ويانه لابستلج بجامه فوك عن طي**ج
أيلا: لاااا ترا زودتيها شوفي وربي كلمه الثانيه اطلع اخبالي عليج
منى: اي نعرفج مخبله دون مطلعين اخبالج الدكاتره الودوج الهم يشهدولج سقوطه لو بيج خير مو اريج اليتيمه معدلها ميه بالثالث و انتي سقطتي عبن ادورين سوالف عتك
ايلا
تحجي واني احس مثل النار دا يطلع من داخلي احس مجاي افهم الكلام بس تركيزي على شفايفها جان اكو تحفيه جبيره شلتها و باقوه ماعندي شمرتها عليها
نسرين
سمعت صوت ايلا عالي كبل كلبي لسبني و من سمعت صوت منى مرت اخويه جلال كبل ركضت ما شفت غير كامت ايلا و شالت التحفيه الي على الميز و بسرعه بعدت وجه منى و اجتي ايلا تريد تهجم عليها عرفت اجتها الحاله لزمتها بالكوه وهيه تريد تهد على منى ما اكدرلها و منى من جهه تعيط وجهه كله دم رغم و وخرتها منين اجاها مادري ضليت اصيح الولد اخوتي
منى : ملهم ثامر مصطفىى ولكم واحد منكم يجيني اجوي ركض ملهم الزمها عفيه ماكدرلها
ايلا: اتركونييييي اني اعلمج يا حقيرررره لج اني مريضه والله انتيي المريضه يا نذله ( دخلوني للغرفه و ضليت احاول اطلع ماحسيت غير على راجدي احس نفسي وعييت
ملهم: اشش ولج شجاج يمعوده اهدئي ( اباوعلها تكورت على نفسها و حضنت نفسها و راحت الزاويه الغرفه حصرت روحها بيها انكسر كلبي عليها طبعا كلنا نعرف انو ايلا مريضه نفسيا من تباوعون على وجها الابيض بيه شحوب و النمش المحاوطه وجها و ملامحها الناعمه و شعرها القصير الكستنائي يخلن كل شاب يصفن عليها بس المرض الي بيها ما راحمها
ايلا: راح يرجعون يقلدون عليه اني مو مريضه ماريد اروح للطبيب اني مو مخبله
ملهم
ضلت ادك براسها بشكل متواصل على الحايط و تردد نفس الكلام اتقربت كنبصت يمها وهيه و لا عبالك واحد موجود يمها نفس الكلام و نفس الضربه بشكل متواصل بس بهدوء حطيت ايدي على راسها باوعتلي بعيون بيها حقد و انكسار بنفس الوكت
ملهم : ليش هيج سويتي
ايلا: هسه راح يرجعون يودوني للمستشفى مو ماريد اروح اهناك ملهم يربطون أديه و يضربوني ابر و الله اخاف وحيدي ماكو احد يمي
ملهم: اشش محد ياخذج
ايلا: لا مو هسه ضربتها عبالهم اني مخبله
ملهم: لا مو مخبله محد ياخذج اهناك
ايلا: لا بس يرجعون للاردن انحبس بالمستشفى بابا بس يعرف هيج سويت حيدخلني للمستشفى
ملهم: اني يمج ماخلي أحد ياخذج صدكيني
ايلا: وعد يعني متخليهم
ملهم: وعد والله وعد بس إهدي تعاي نامي على الجربايه
...........
رحاب: عزا والله هاي خبله خلاص
اريج: شلون لج شصار
رحاب: غير ايلا بنت خاله نسرين سمطت عمه منى بتحفيه و لو ما خالتي نسرين دافعتها جان جايه بعينها بس ربج جايه شخط من حاجبها ليجوه و الدم يجري يمههه شلون منضر
رجاء: والله هاي تخوف شلون مخليها بدون ما يودوها للشماعيه شي
هديل: بنات شنو هل حجي على البنيه هيه تعرفوها مريضه شكو دوسون بطنها و تصيحون مخبله
رجاء: ليش عمه شنو قصدج امي دايسه بطنها هيه مخبله بدون دوسه اصلا
هديل: اي بعد رجوو بعد السانج طلعي شطوله حقج عليمن اطلعين
نرجس: اجوي اجوي جابوا امي
هديل: ام ملهم وينها لعد ام ثامر
اسماء: شحجيلج زرروها تزرر فاشختها فشخه قويه وهسه بالمستشفى مارضو يطلعوها
هديل: ياا سود بوجهج ايلا ابو ثامر دره
اسماء: اي دره و تعارك ويه نسرين اهناك بالمستشفى
هديل: خرب تخزينا وكتها إهناك يتعارك وياها
اسماء: محروك كلبه ديري بالج تكولين لاسلام هم يروح يتكاون ويه اخو
هديل: لا على بختج ام ملهم نسرين وين زين
اسماء: راحت من ذيج الباب لبنتها
رحاب: اني اعلمها هيج اسوي بامي واسكت
هديل: اكعدي و انجبي ترا تعرفين المن اكول
رحاب: ما تكلوله على السوته بامي الله شاهد بس يجي لاكول هاي المخبله شسوت و تعرفون هوه ماعنده سالفه مخبل و عاقل( عفتهم ومشيت
اسماء: هاي لتروح اتكله من صدك انوب يلزم هاي المكروده
هديل: لا داده شيلزمها اني افهمه
اسماء: اوف من منى و خلفتها
......
فتحت الباب لكيتها نايمه و ملهم يلعب بتلفونه يم راسها نز باوعلي
ملهم: ها خاله اجيتو شلونها مرت عمي بشري
نسرين: بيها وجعه التوجع كلبها
ملهم: الله يساعدج خاله
نسرين: اوف والله يا ماما تعبت ماكو الابنيه طلعت كلشي مابيها و شفتها تحجي ويه بنت هاي العايقه و طبيعي حتى ارتاحيت طلعت تسولف اجتها هل مسمومه و اعرف شو شحجتها
ملهم: اي مبينه لان قبل لاتنام ضلت تصيح اني مو مخبله
نسرين: سوده عليه يايمه شفتي بعمرج و كل هل عذاب بيج
ملهم: خاله انتو ماتجون هواي و ما صحتلي فرصه اعرف شبيها بنتج
نسرين: كول شما بيها
ملهم: شلون يعني
نسرين: يمه مريضه نفسيا بنت عمتك من هيه صغيره وكعت من فوك تله عاليه و الضربه صارت على راسها و طابت و الوضع طبيعي بس البنيه صارت ماكو كل ما جالها تبتعد عنه ماتحجي ويه احد عازله نفسها اربعه و عشرين ساعه لحد ما حجيت لابوها و جبرناها تروح للدكتور راحت بالكوه و كومه ادويه والابنيه تزيد حالتها ماتنقص لحد ما عمها علي كال اكو دكتور اجه من ايطاليا و مشهور شوفوا جربوا
ملهم: اي و رحتو
نسرين: باليوم الي كتلها حضري نفسج نروح لكيتها مكصصه شرايينها
ملهم : استغفر الله
نسرين: ماكو ابوها من جهه و اني من جهه متنا هم رجعت بس رجعت ماكو هادئه و لا يمنا لحد ما وديناها الدكتور دخلت وحدها و نسمع الصراخ و العياط و شاف الدوا كال هذا الطبيب منطيها جرع زايد و فوك مناقصه زايده اضعاف ما تنفعها غير المستشفى
ملهم: و شلون قبلتو بهل سرعه
نسرين: ما قبلنا لا اني و لا ابوها و رجعناها على المهدئات بدونهم تسوي اشياء تاذي نفسها لحد ما شفنا نفسنا ما نكدر بس نغفل عنها ثانيه تاذي روحها وداها ابوها لاحسن مستشفى وبس ابوها شاف وضعها تحسن بنسبة 5٪ رجعها للبيت صارت زينه بس الي يستفزها ماكو شبيدها تضرب
ملهم: اوف والله خطيه
نسرين: شسوي بعد هاي قسمتها
ملهم: و ابوها شعجب راح
نسرين: ماكو عنده صفقه سريعه وماكدر يأخذنا راد ياخذني لاهله واني غبيه فضلت مصلحتي عليها عاد على اقل اهناك محد يحاجيها
ملهم: لا تلومين نفسج الله كاتبها بعد
نسرين: اوف اوف و نعمه بالله
ايلا
بين نايمه و الكاعده و اسمع اصوات تتهامس ضل يجي بالي كل مقارنات الي يقارنوني بيها خوالي باريج لان هيه بعمري سديت اذاني و غمضت كولش حسيت بايد تمسح على راسي فتحت بحذر
ايلا: ماما
نسرين: ها يروحي كعدتي
ايلا: شصار بيها ماتت
نسرين: اشش اهدي لا مابيها شي طابت و باجر ترجع
ايلا: يعني ماراح تودوني للمستشفى
نسرين: لا يروح امج يلا تطلعين بالحديقه وياي ناكل سوا انتضرتج تصحين و ناكل جوعتيني حقيره ههه
ايلا: ههه اني هم جوعانه بس اسبح و اجي
نسرين: تمام حبيبي حروح احضر الاكل
أيلا: هزيت راسي بابتسامه
ايلا
كمت اباوع على وجهي ايع هاي ليش هجي رحت طلعت تراك فيروزي و رحت للحمام سبحت بسرعه و طلعت بدلت و حطيت شويه مكياج خفيف بس بودره طبطبه و جلوس بيه لون وردي و شعري شسورته وطلعت الساعه 6 اوه شكد نايمه بنات منى كولهم يباوعلي بحقد عفتهن بعدني ما طالعه من باب الصاله واجوي جدو و بيبي ابتسمو بوجهي و جدو مسد على راسي
مليكه: ها يل شلولو
ايلا: شنو شلولو بيبي
هلال: اخ يمليكه جوزي لا تعلمين البت
مليكه: مفتحات بلبن الله وكيلك بكدها انه مو عدي محمد و جلال بطني
هلال: روحي جدي روحي جدتج اليوم متعوبه
ايلا: عادي جدو متعلمه على سوالفها يلا من رخصتك( ستوني طلعت من الباب و اسمع اريج
اريج: اي عمو بس شخطتها شخط خفيف
إسلام : ها ما متربايه نسرينننننن نسريننننن
نسرين: شكو شصاير
إسلام: هاي بنتج شني هل هلكيه علبو مريضه مريضه و السانها شطوله و فوكاها ضاربه مرت خالها
نسرين: اسلام حطوها بحلكك شبسرعه
إسلام: ها تردين تضمضمين شوفي هاي بنتج لو انه عمها جان علكتها من اذانها من باجر الصبح ماريد اشوف ركعة وجهه مو هاي بنات وياها يوم أحد سمع الهن صوت مو بكد اريج و هايها كدامج عمري ما سمعت كايله لا على شي بس هاي من وره هيلكتج هيج صارت اخخخ لو عندي سلطه عليها
نسرين: تطردني من بيت ابويه اسلام وينك يابه
ايلا
رجعت الغرفتي بس ما رجعت فارغه رجعت متوعده الاريج و عمها شي عمرهم ماراح ينسوه والله لخليكم ناس تذبح ناس اريج اني انطرد بسببج و هذا الدوني يطردني
ملهم
شفتها من واكفه تصنت لحد ما راحت للغرفه وهيه ابتسامه قويه بوجهه عبالك واحد حصل جائزه مو انطرد و خاصه صارت مشكله لان عمي طرد خالتي و جدي تعارك ويه عمي اسلام بس الي كلنه نعرفه صح جدي حجه هيج ويه عمي بس عمي إسلام اهنا محد يكدر يعدي كلامه صدك هوه اصغر عم بس كلامه و جبروته بالبيت هوه الطاغي و حتى شخصية ولد عمي ضعيفه بسببه لان يتخوفون منه و لو انه من البدايه عايش وياهم ما استبعدها اصير مثلهم بس ابويه مات وانه بعمر 17 و ابويه جان يعلمني شلون اصير شخصيتي قويه
.....
نسرين: انتي كتيله ولج
اريج : لا والله عمه رجاء متلكيته بالحوش و كالي صدك و كتله و الله شخط بسيط
هلال: كافييي خبصتونه كلمن يلم فروخه و يستجن بغرفته
نسرين: اني ماضل اصلا هسه اخابر عمها يجينا
هلال: خاب تردين تفشلينه جدام الاوادم
نسرين: ليش يابه مو ابنك طردنه علمود منى خانوم
مليكه: استهدي برحمانج اخيج و فايره روحه تعرفيه كلبه طيب بس هاي الي عندج ما تنجرع
نسرين: شجاكم كارهيها ولكم طفله بريئه بيمن ماذيتكم شجاني و ماسمعت من حامد من كالي اوديج يم اهلي طلعتو انتو اضرب منهم
هلال: نصي حسج و اركدي انتي و بنتج
نسرين: هوه هم يابه حتى ماكدر اكول الحامد اهلي طردونه الله شاهد استحي
ايلا
شفت ماما اجتي من الفتحه مال الباب كبل كمت على المرايا و شغلت الشسوار
نسرين: ها حبيبتي
ايلا: ها ماما حجيتي شي صوت الشسوار يسطر
نسرين: لا عمري محجيت
ايلا: يلا خلصت نطلع بالحديقه
نسرين: لا خلي اهنا ناكل الجو بره حار كلش
ايلا: اوك ( اباوع الدمعه بعينها والله لدفعكم اضعافها يابيت هلال
......
ثامر: شبيه عمي اسلام
ملهم: مشكله بينه و بين عمتي نسرين
ثامر: ما عاقب بنتها
ملهم: لا
ثامر: اخخخ لو اعرف عمي اسلام شعجب ساكت الها
مصطفى والله اكو انه بالسالفه
ملهم: شبيكم اكيد يعرفها مريضه
مصطفى : تهي بهي ولك يابه لو مو مريضه عمي اسلام لو وحده من بنات جان شنقها
ملهم: مادري بعد انتو اعرف بيه
ثامر: لسه تكرهه
ملهم: ما اكرهه و لا احبه ليش انتو مقتنعين بسوالفه و تحكمه بالبيت
ثامر: بصراحه لا بس شنسوي حتى ابويه جدي ما يسمعله بكد عمي اسلام
.......
ايلا
مر اليوم واني الي و ماكون طبيعيه ثاني يوم بليل طلعت بالحديقة طبعا الوقت جان 11 ونص و همه بالعشره ينامون وضعهم غريب اما اني متعوده بيت اهلي اضل لل 4 اصلا كالبه اليل نهار والعكس جان الجو حار بس بيه نسمت بروده خاصه الحديقه مرشوشه و الحديقه جانت كولش واسعه كعدت ضليت صافنه على مكان واحد بس عقلي شغال و يربط سالفه بسالفه لحد ما جهزت خطتي من جميع النواحي صفكة بايدي حيل على الخطه الي رسمتها سمعت صوت ورايه يكول
أسلام: اخبال
ايلا: هاي انكوول
أسلام: شبيج تعوجين برطمج
ايلا: يا انكوول فوك ما ادلعك يعني خلص رايحه بعد ما احجي
اسلام : رجعي كعدي عندي سالفه وياج
ايلا
باوعت بنضرة استغراب بس رجعت الوجه البريئ لان السالفه يحتاجلها استعطاف من الجانب الثاني حتى تبتعد الشكوك بالخطه
ايلا: نعم انكوول
اسلام: اكعدي و كولي خالي مو هاي تعوجين برطمج
ايلا: امم ( كعدت و نزلت راسي و اباوع على اديه و ابلع بريقي كل ثواني اتبين اله هاي الامور انو خايفه من عنده رغم كولشي اسوي مصطنع
اسلام: شني السالفه الصارت ليش ضربتي مرت خالج
ايلا
( رجفت شفتي حتى ابينله علامه من علامات الحزن طبعا كل الاشياء و الحركات كولها مصطنعه )
اسلام: احجي
ايلا: شحجي اني تعبانه محد ديحس بشعوري اسالك سؤال خالو اذا انته سكرك مرتفع و اكلت شكر شحيصير
اسلام: شتحاولين توصلين
ايلا: احاول اقربلك الفكره بس المريض بالسكر اذا اجاه سكر ينفجر و كذلك اني دا اسمع امور تخليني انفجر
اسلام: بس خالي ميصير مهما تكلج مراه جبيره والها مقامها
ايلا: غلطت بس الغلط والله مو بوعيي
اسلام: شوفي اني هسه قدرت وضعج بس المره الثانيه اتعامل وياج بغير اسلوب متفقين
ايلا: لا انكوول محتكون مره ثانيه راح اضل بس اكل و ارجع الغرفتي اني هم ماريد اسبب مشكله ( مسحت دمعتي اتقرب عليه اول مره يتقرب عليه هل شكل حتى سلامه جان من بعيد رغم اشوف بنات اخواته الثانيات يبوسهن و يحطهن بحضنه صار وجهه مقابيل وجهي مسح دمعتي الثانيه
اسلام: يلاا خالي روحي نامي و اختلطي ويه البنات بس احترمي الجبير لان عيب
ايلا: صار وعد بعد ما زعل احد منكم
إسلام: عفيه يلا روحي نامي و تعلمي تنامين من وكت
ايلا: تدلل انكوول
اسلام: شلون بسالفه الصخام المتخلص
ايلا
راح يتكوفر واني مسحت عيني المدمعه بسيطه يا انكوول اسلام مو ايلا الي تنطرد و أتضل ساكته الكم و لا ايلا الي اطيحون دمعة امها رحت صعدت الغرفتي لكيت ماما نايمه نمت بصفها و حطيت ايدي على قلبها الي احبه احب احط ايدي على قلبه من اسمع النبضات ارتاح
........
للروايا بقايا ❤️
حبايب روايه جديده اتمنى تدعموها راح انزل يوميه بارت بس لا تحكمون على الابطال كلمن و اله قصته و كلمن و اله اسبابه و المريض النفسي مراح يفكر نفس تفكير من اسمه مريض و الروايه اعرف البعض راح ينتقد عدة زوايا منها بس انتضروا تكمله
حبايبي هذا يوزر انستا انشر اشياء تخص الابطال mi_itss5
وتابعوني اهنا علمود نكبر و اهم شي تعليقكم و تصويتكم حتى استمر