تارس عيوني سَمَارَك يالحبيب .
لِدرة علي 🤍
حسابي الأنستا
pinjftgb
______________________________&
سرى
رجعنه من بيت عمتي وهم راسل بس هالمرة رسالته بيهه تهديد
'''''انتضري وشوفي الي راح يجيج
سرى:وتالي وياك انت يعني شلون اكعد ادكلك موال خاطر تفهم!!
''''لتستعجلين ع رزقج أبد
سرى:اكلك شو روح ماناقصني بس هيج شكولات
''''سهلة من عيوني
سرى:درووحح...راح وانوب اني خفت بس يلا شيسوي قابل رحت اتوضى خاطر اصلي صلاة اليل بااثناء الصلاة دخل أيهم
أيهم:تقبل الله كملي صلاتج كمليهه
سرى:الله أكبر.....هلا خوية خلصت صلاة أمر؟
أيهم:ميأمر عليج ضالم تعالي بوية خل احجيلج فد سالفة
سرى:احجي صاير شي؟
أيهم:لا ماصاير شي بس خل اكلج فد موضوع وانتي بنيتي واعية وتفهمين
سرى:خوش احجي شكو شصاير!!!
أيهم:هاي قبل اكو فد بنية خلوقة لأبعد حد ماالهه دخل بالرايح والجاي بنية كافية خيرهه شرهه اخوتهه دوم يمشون مرفوعين راس وأمهه وأبوهه كذلك الأب ميصيحولة بااسم ولده لا يكلولة ابو فلانة المهم الناس كلهه تحجي بااخلاقهه لحد مافد
يوم نزلت الأجهزة والنت طيحو اخوتهه وجيبولهه تلفون ونت هنا اجاهم فد واحد من المنطقة كللهم يابة ترى هذا شيطان ابعدو منكم يااما تضلون تراقبو هنا اخوتهه انتفضو شلون هيج تحجي هاي اختنه وهاي رفعة راسنه نجيبلهه كلشي ومنخلي بنفسهه
شي رد عليهم كللهم يابة اني ماقصدي شي بس هذا شيطان وخاف تصيرلكم سالفة وانه اجيت انبهكم وإلا اني شعندي رجال حدي للشغل وبس راحت فترة بس واحد من اخوتهه ضل براسه هالكلام فراحلهه كللهه يابة اني أريد اشوف جهازج وشتسوين بي من باب الفضول كلتله اني سمعت الكلام الدار بيناتكم
واني انطيك الصلاحية يومية تجي تفتش الجهاز لأن البنية مدللة واخلاقهه رفعة راس مااطول عليج خذتله فترة يشوف الجهاز لحد مافد يوم كامت البنية تضوج من هالسالفة وشنو تراقبوني وشنو تفتشو الجهاز وراي عاد هم يشترون خاطرهه تركوهه براحتهه ورا فترة البنية صارت تطلب تطلع لصديقاتهه من أول تالي هالبنية تطلع لمن ماصارت الناس كلهه تحجي بيهه اجو اخوتهه كالولهه يابة الناس صارت تطعن بعرضج وصارت مكاتل واخوهه مات بسبب هالسالفة كالتلهم السالفة ومابيهه اني
حبيت شخص وضحك علي وهسة اني حامل هنا اخوتهه شصار بيهم وهم تعبهم ودلالهم راح بسبب شيطان انجلطت امهه وابوهه انشل وصارت سمعتهم بحلك اليسوة والي ميسوة كله لخاطر شنو!!!مجرد نزوات عابرة ضحك عليهه الشيطان وهية بيتهه خلاصة سالفتي وياج اني من اكلج سرى احجيلي كلشي أو أكلج يابة انطيني جهازج اشوفة مو قصة مااثق بيج بس اني كشاب اعرف شجاي يصير
وشلون ينضحك ع مراهقات ويبتزوهن خوب اني محامي وهاي السوالف طاكات جواي بس اني مااريد أذيج ولااريد باجر عكبه دكولين أيهم موخوش وجان محاربني اني كل الأسوي المصلحتج
سرى:حضنته وحجيت..فدوة الك شنو تسوي واصلا اني دوم احاجيك
أيهم:امم دوم؟جا ومصعب بالمناسبة حاجاني بكلشي صار كلي راسلتهه ردت اعرف منهه سالفة تالي اكلتني بكشوري خلتني احضرهه
سرى:بس اني محضرته اصلا قبل شوي رسلي رسالة تهديد
أيهم:مصعب رسلهه الج لايابة ماكو هيج حجي مو لأن صديقي بس مصعب متعرفي بعد شنو اخلاقة
سرى:هاك شوف اذا جذب
أيهم:شو اشوف...شنو هاي لجج بابا هذا مو كلام مصعب شهل ثول اوكفي خل اخابر
سرى:صار عصبي ناار وانوب يتصل وينطي رفض اخر شي اتصل بمصعب وحجة ويا
أيهم:ها ابو تراب رايدك بشي
مصعب:أبشر أبو گرم صاير شي
أيهم:والله شكلك هاي اختي أكو شخص يراسلهه من حساب وهمي وهية لبالهه انت بس هالسافل جاي يهدد ومااعرف شنو
مصعب:مكرود يحضي وبعدين هاي اختك ركضت علي الله أكبر وهذا السكط شيريد خوما راسلتله صور!!
أيهم:شوف هذا يكول صور لكك هاي سالكة عشيرتك بالمحادثة
مصعب:اشكرك ع راسي انت واختك لكك اني شكوو اطك روحي هسة
أيهم:عيني ساجدة اكعد راحة نحير بيك لو بسالفتنة؟
مصعب:هسة شمطلوب مني بوباتي
أيهم:حلكك راح اجي افركة شبيك احجي عدل
مصعب:اللهم طولج ياروح أمرني استاذ أيهم هسة شسوي
أيهم:انت ليش تصير أثول اني ليش خابرتك غير خاطر تنطيني حل
مصعب:هم صح والله بس اني اكول تاخذ الرقم وتنطي لفد ضابط من ذول معارفك ويراقبون الرقم اتغدا بي قبل ليتعشى بيك
أيهم:ابو المصاعب فدوة الك شنو هالحلول تجايتي وعلي
مصعب:دروح خجلت من خررب بيك
أيهم:موصوجك لا صوجي اني
مصعب:ديلا وعود سلملي ع اختك كلهه مشكور ع ثوابج الي ولأهلي
أيهم: انجب يلا في أمان الله
سرى:شكد عيب انوب اني نازلة عليه دك رزايل يلا يلا يمسحهه بوجه أييهم
أيهم:سمعتي شكال!!وهسة راح اخذ جهازج بس تعاي الغي الرمز خاطر انطي للصديقي خوما بي صور!!
سرى:لا كلشي مبي وهسة اوخر الرمز...انطيته اله اخذه وراح واني الضوجة صارت تقرا ألف هفف هسة منين طلعلي هذا صفح يووو انوب اشتاقيت لريمة هالبذاتة كطعت فرد مرة
........
ريم
'''''مساء الخير بنوتي شلون صرتي؟
ريم:مساء النور عمو بخير الحمد لله
''''عسا دومج اعذريني بالي يمج بس شغل مااكدر اراسل هواي
ريم: معذور بس محتاجة تنطيني نصيحة أو فد كلام أريد ارتاح شوي
''خير منو مضوجج
من شنو تردين ترتاحين!!
ريم: ماكو شي بس دااكولك جاي اختنك حتى كوابيس اشوف من يوم الوفاة لليوم احس روحي تطلع
'''اسم الله علا روحج بويةة كولي يالله هذا امر رب العالمين والأعمار بيد الله كل واحد ويومه
ريم: أعرف بس مجاي اقتنع مجاي استوعب جاي اتأذى من غير مشاكل البيت هففف انتحر وارتاح
''''شهل طيحان حض بعد لتحجين هيج كلام انتي موجاي تقرين قرآن زين مو تسمعين ع مصايب الناس ليش هيج أيمانج ضعيف
ريم:ءخخخ ياعمو مجاي تحس شنو يصير وياي طول عمري وحيدة وبس هو فهمني اذا اترزل يجي يواسيني ويدافعلي رغم مرضة بس يضغط ع نفسه لخاطري
'''''الله يرحمه بنيتي انتي تعرفي شنو صار وي أم المصائب زينب شنو جرى عليهه شنو شافت وكل هاي صبرت واتحملت لأن هذا اختبار من رب العالمين
ريم:يازينب ولا مسامعة قبل بيهه!!
'''''زينب بنت الأمام علي (ع) من صغرها واستشهدت امهه وراهه فترة استشهد أباها وانوب كبرت واستشهد اخوها الأمام الحسن بالسم ورغم كل هالمصاب إلا ومصيبة كربلاء أقوى من كلشي
""لايوم كيومك ياابا عبد الله """
الي جرى بعاشوراء كل خلق الله يبكي لها دماً هسة راح دكولين شصار اني راح أكلج أول شي انكتل أبا الفضل وانقطعت يداه وانقتل القاسم وهو مقبل على زفاف وانقتل علي الأكبر وهو شاب وانقتل الحسين
وانحز نحره وقطعو أصابعه وسحقو ع صدره بااقوى الخيول ذهابا وايابا حتى أصبح جسد الحسين اشلاء صغيرة وبكل مكان له قطعة سيدتي ومولاتي في ذلك اليوم صعدت على التل ورأت الجسود على
التراب مذبوحة حتى الرضيع لم يسلم في ذلك
اليوم ومو بس هيج انسبت ودخلت مجالس الرجال وشاهدت الكثير بحياتهه واحنه نتخذها قدوة النة بالصبر والتحمل لأن الي مَر علينا شي قليل لذلك اريدج تاخذيهه قدوة وتتحملي كلشي يصير وياج
ريم:تعرف شكد احمد الله لأن انت بحياتي وتسندني بوقت ضعفي!!!
''''واني هم أحمد رب العالمين الي خلاج بطريقي وخلاني اتعرف عليج يبعد عمج
.....هل هذهِ نهاية حكاية ريم؟ام سوف نشهد معاناة أخرى!!
وهَل سرى سوف تحل قضيتها أم سنشهد محطات ثانية
وَمن كان مع ريم كل هذهِ الفترة
وماذا في تلك الأوراق التي كانت في الصندوق
وكم ورقة تبقى لدينا وننهي حكاية غَياهب الأيهم
توقعاتكم وتحليلكم يَهمني اتمنى من الجميع المرور والمشاركة
"أذكرو الله ليذكركم"
الله أكبر
الحمد لله
سبحان الله
لاحول ولا قوة إلا بالله العلي العضيم...
أن الله وملائكته يصلون على النبي ياأيها الذين أمنو صلو عليه وسلمو تسليما
''اللهم صل على محمد وآل محمد ''
اللهم عجل لوليك الفرج
دمتم سالمين لي ولأحبابكم
استودعكم الله كونو بخير
لأجلي✨🫀