مساء الخير أحبتي
قراءة ممتعه
روايه: مأمني من داعش
بقلمي انا: زينة سمير
حسابي انستا: z49.g
صوت + علق بين الفقرات + احبكم هواي
بسم ࢪب أهل ألكُـساء
.
.
.
عهد: مرت الأيام وسديم رجعت لحمزة تحت شروط محد يعرف بيها غيرها وستقرت حياتنه كلنا كنت اقضي وقتي ويه اطفالي وجبل ابتعدت عن الكل وبيوم كاعده جان جبل يكلي
جبل: بابا شتكولين نطلع سفرة
عهد: وين حياتي
جبل: وين يعجبج
عهد: نروح لراعوث بتركيا؟
جبل: تركياً هسه باردة حيل الاطفال اذا تمرضوا شون
عهد: ماعرف جبل نروح دبي؟ نروح مصر؟
جبل: عندي امتحان بدبي هذه الاسابيع القادمة
عهد: عادي نروح وياك
جبل: اكيد بابا نروح لدبي افضل
عهد: چا وتركيااااااا
جبل: نروح من يتعدل الجو بيها
عهد: هاهيه متفقين... بعدها مر اليوم عادي لحد ما صار المغرب وطبت سديم تبجي علينه هي واطفالها تلكاها جبل وانا صافنه على الوقت ومصدومة شعدها شجابها دنيا ليل
سديم: جبل جبل ابوس ايدك طلكني من حمزة ماريدة ماريدة
جبل: ابوية حبيبتي غير افهم شكو بس فهميني
سديم: جبل اذا تحسبني صدك بنتك وعزيزة عليك طلكني ابوس ايدك
عهد: ولج أمي انتِ بس فهميني شكو.. هايدي عماتي شكو احجيلي
هايدي: عمة شرارة بابا تزوج على امي وطردنه
عهد: شنووووووووو
جبل: شنوووو عمو حبيبتي شداتحجيننن
حرب: اي عمو بابا تزوج وحده مو عراقيه
عهد: بقينه انا وجبل واحد صافن على الاخ نريد نستوعب كلامهم سحب جبل سديم وكال للأولاد
جبل: عمو حبايبي طبو يم رواسي تميم العبوا وياهم او نامو حبايبي
عهد: راخو للغرفه رحت كعدت بصف سديم خلت راسها على صدري وتبجي متحجي شي بس تبجي كال الها جبل
جبل: ابوية بس فهميني والله ماخلي حقج يروح سُدى
سديم بكاء: باوع انتو قبل شهرين مو كنتوا بأيران علمود شغلكم؟
جبل: اي بابا
سديم: المهم مرت ايام مو على بعضه والوضع كام ماينطاق بالبيت كله كأبة يصرخ على الاولاد وصلت بي مرحله ضرب هايدي اوللل مرة يضربها او يعيط عليها انه يصرخ بوجهي ويعنتك ستغربت الوضع لعبت نفسي من العيشه كام حتى على خواته يصيح صار اسلوبة فد مرة كام مايطب البيت بس بليل وتالي ليل هم انه عفتله الحبل مفتوح بديت اشتغل على البارد لحد ما لكفت تلفونه وهوه بالحمام فتحت تلفون الشغل فارغ فتحت تلفون شخصي ولكيت صورته وية بنية كومه صور بس للامانه الصور مستورات يعني مو شي محلو لا صور بشارع ومطاعم وملاعيب ومنتزهات وكذااا ومو بالعراق بأيران سكرنت كلشي ودزيته لحسابي بالتلي وحذفت المحادثه طلع من الحمام اكله هاي شنو يكلي
حمزة: مالج دخل
سديم: هاي شنو
حمزة: مالج دخل
سديم بعصبية: هاي شنو
حمزة: مرتي
سديم: صدمني من هيج كال كتله تحجي صدك كلي..
حمزة: والله مرتي
سديم: منين هاييييي
حمزة: زوجتي ايرانية
سديم: كتلة زوجتو
حمزة: من جنت هناك
سديم: وهيج تحجيها بكل برود
حمزة: انت مقصرة وياي
سديم: شلوننن مقصرة كلي شلونننن
حمزة: ليل يجيبج وليل يوديج
سديم: هنا ماعرفت شحجي غير... اني لو هيه حمزه
حمزة: هي حامل بشهر الاول هس....
سديم: قبل لايكمل كتله.. انه ماخلي اختيار ثاني انه لو عنوان الكتاب لو ماريد
حمزة: براحتج
سديم: وين هسه هي
حمزة: بيتنه
سديم: يابيت منهم؟
حمزة: البيت لي******
سديم: هذا البيت الكاع بأسم حمزه
بس البناء انه بنيته انه ذبيت ذهبي واثاثي وحالي ومالي وتعبي وسهري وعيوني كله بي سويته بيت تركي عبارة عن جام نصدمت كتلة.. كتلههه هذاا بيتي
حمزة: وهسه صار بيتها وسجلتها باسمها لان القطعه باسمي
سديم: نهارت اعصابي وهوه ولا همه واكف يمشط ويبدل لزمت سويجي وجيت اطلع واخذ جهالي كتله.. جهال تريدهم
حمزة: لا
سديم: جهال ترديهم
حمزة: لا
سديم: الجهال ترديهم
حمزة: لا
سديم: ثلاث مرات اكدت علية اخذت جهالي ورحت ساعه بـ3 طلعت ماوصلت لحد ساعه 7 المغرب من الانبار لل بغداد الطريق شطوله اختصرته بكم ساعه رحت لاهلي ادك الباب ميفتحونه بزعت اخر شي فتحه اخوي طبيت تلكوني اخوتي وابوي اخوتي تلاثه ثنين مزوجين واحد ممزوج وابوي وكف لحيله كال
ابو سديم: انه متبري منج دينا واخر شجابج
سديم: لميت قوتي وكتله.. متريدنيييي
ابو سديم: داكلج متبري منج دينيا واخرا
سديم: مترديني بابا
ابوسديم: ولبلابة لتكسر سنونج متبري منج داكلج
سديم بغصه: مترديني يابةةة
ابو سديم: متبري منج للموت وحتى على جنازتي لا توكفين
سديم: التفت علئ اخوتي تردونييي كلهم على نفس الكلمه كالو
الاخوة: تنطينه ثلاث ارباع الراتب اهلا وسسهلا ماتنطيتنه بالجير والف جهنم
سديم: سححبت جهالي وطبيت لبيت جبل كبال بيت اهلي دكيت الباب انتو طلعتولي..
جبل: الا انعل الديها الكلب ابن الكلب عهد حضريلي غراضي خلي اروحله..
سديم: لحد يدخل فدوة مرة ورجال واريد حقي من رب العالمين مو من احد انا نقهرت وبجي هذا بسبب ابوي مو من وره هذا الرخيص صعبه اب يتبرة من بنته
جبل: بنتي انا وياج بكل خطوة تخطيها
سديم: اريد اخلعه
جبل: تأمرين
عهد: مرت الأيام وحمزة وجبل ابد مايتلاكون جبل متحلف بي وهذاك يفلت ضلينه على هاي الرنه شنر تقريبا طلكو وسديم خلعته وهو صار مضحكه للكل انو هوه ماعندة رجوله ومرته طلكته وانو خانها الاكبر بلعبه منه سحب كل املاك حمزة وسجلهن بأسم اولادة ومرته اما المرأة الأيرانية فطلكت من عنده وعافته وراحت ومحد يعرف بيها وين هي وابنها مرت الاذام وسديم نقلت دراستها وشغلها لـ، تركيا يم خالد ومرته راحوا يمهم حيدر تزوج راعوث واستقر هناك واخذ امي يمه حمزة بقى بيت اهله القديم وجبل صدر امر للحرس الي بالبوابه الكبيرة اي شخص من اصدقاء حمزة مايفوت علمود لايسوي البيت ملهي مرت الايام على هذه الوتيرة الابيوم من الأيام اجاني رقم غريب اخذت الرقم رحت لجبل كتله ... بابا رقم دك عليه
جبل : تعاي بابا تعاي كعدي يمي وجاوبي
عهد :كعدت يمه وفتحت مايك وجاوبت كلت ..الو منو
-حضرتج زوجه العقيد جبل ؟
عهد : جبل يهز براسه بمعنى كولي اي كتلة .. اي منو؟
- باعي لج اذا تكولين لزوجج هذا الرقم اتصل عليه متلومين الا نفسج باعي صورج يمي تدزيلي ثلاث الاف دولار احذفهن مدزين من باجر انشرهن بكل الكروبات وانتو ناس معروفين تنفضحون
عهد: كمت ارجف جبل لزم ايدي جبل وسد المايك كلي كوليله
جبل: كوليلة خلي يبقى خطة مفتوح علمود تحولين اله
عهد: باوع باوع لسوي شي احولك اوكي هسه احولك لتنشرر ماشي خطك هذا لا تقفله ابدد والله احول
-يله لج يله
عهد: عاط بيه وسد الجهاز كمت ابجي واشهك جبل عافني وطلع اجوي ابو الاكبر وفاروق ومرت فاروق يمي جتي نهارت كل قواي وحيلي يرجف سكري علك جبل تخبل نقلوني للمستشفى لان صار عندي انهيار عصبي بيتوني مستشفى ومرت فاروق وياي معافتني لحظه طلعني جبل الصبح بس اجه عيونه بكصته كايم يصصيح علية بالمستشفى
جبل: جم مره كايل الج صخامج لا تنشرينننن كلوزززز لا صخميننننننن لا تعزيننن رتاحيتي هسهههه رتاحيتييييي
عهد:بس فهمني لكيتوهم
جبل: عهدددد اكلي خر** وانجبيييييي جم مرة كايل ماتنشرين؟ مو كايل الج اضفرج ماطلعي؟ مو كايل الج لو لاااا
عهد: اي كايل بسكلي احجي برد كلبي لكيتوهم
جبل: اي
ابو الاكبر: شوف لك اطلع منا يله اطلع ولي ارجع لبيتك لا كايم تحاسب بالمستشفى الممر كله كلع على صوتك مستسحي تهينها هنا امشي ولي يله
عهد: طب الاكبر وطلع جبل كلت الها... الاكبر فهمني فدوة
ابو الاكبر: اهدي لكيناهم ابوية اهدي
عهد: احجيلي فدوة.. عدلت كعدتي
الاكبر: هدى ساحبه صورج ودازة ناس تبتزج بيهن
عهد: فكيت حلكي... شكدددد ساقطة وعديمة شرف عود كلت تغيرت الجلبة اليوم الا اشربمن دمها
الاكبر: لا تشربين من دمها ولا شي، علي كتلها خلص عليها ومن رايحه مستشفى مشتكيه عليه وساجنته المهم علي طلعنا من طلع رمى عليها يمين الطلاق وطلقها
عهد: التفت على صوت مرت فاروق الي كال
اماني: حقه يطلكها صارله مدريكم سنه وية وحدة عقيم وفوك كل هذا سوي سحورة وتهدد من البداية زواجه غلط منها
ابو الاكبر: تدرين ام ميلان هاي حوبة عهد
اماني: شون الاكبر مافهمت
ابو الاكبر: عهد بداية زواجها هدى فرقتها عن جبل وسوتلهم سحر بعدها موتتت ابنها لعهد عباس وهسه هدى عقيم بدرجه 100 بالمية وهسه هدى انهجم بيتها
اماني: الحوبة تبطي بس ماتخطي
ابو الاكبر: وهي علوية من دعت بحركة كلب ربها استجاب
اماني: وانت تدري حتى حمزة انهجم بيتها
ابو الاكبر: اي صح
اماني: لا اقصد تذكر من شمر امه على جبل كال لجبل ماريدها
ابو الاكبر: اي
اماني: هسه مرته وجهاله شمروا ومن جوة ايدة
عهد: وآلله ودارت الدنيا بهاي السرعه وكل واحد شرب من نفس الكاس... دمعت بعدها مر الوقت ورجعوني للبيت شفت جبل جايب عشه كعدنه ناكل جان يكلي
جبل: عهد راح اخذج ونطلع نستقر بالخارج
عهد: لا بابا ماكدر انا اهلي هنا مدفونين صعبه اتغرب.
جبل: عهد ابوية الوضع هنا مو زين
عهد: ماريد نقاش بهيج مواضيع وكلت لا يعني لا مابيه اناقش مريضه كلش
جبل بعصبيه: شوفي لو انا لو السفر
عهد: مفهمت؟
جبل: لو اطلكج واخذ الجهال لو سافرين
عهد: جبل بس افهم عوف تهديدات شون نطلع من ارضنه ؟
جبل: لسلامتج وسلامه اولادنه نطلع
عهد: تنهدت وافقت ومرت الايأم واليوم وافقه امام الطيارة واودع العراق ومتجهة الى دبي لحظات ماتنسى ترسخت بالي
انا البطله عهد فقدت اخواني الخمسه وامهاتي الثلاث وخسارتي الكبرى والدي سرت بين ارض أم
الربيعين الي صحراء أرض لانبار مع شخص لا اعرف عنهُ فقط أسمهُ وعمره لاقع في حبة وسط الحروب
ليكون عوض من ربي لما حصل لي من سحر وشعوذه وفقدان طفلي، كان مرهما بارداً يغطي جراحي يأويني
في كل ضروف العصر والزمان ليرزقني ربي ويتمم لي الصالحات بفتاة سميتُها رواسي وبطفل أسميتهُ تميم واليوم انا وافقه على ارض دبي وحامل بطفلتي الثانية التي اسميتها (زينة) الحمد لله الذي اتم لي الصالحات وجعلني أكتب في نهايه سطوري ما صبرت لاجلة ، والحمدلله الذي جعل حوبة قلبي الابيض تحرق خضار ايامهم وكل ساق سيسقى بما سُي ولايظلم ربك احدًا اختكم عهد تسودعكم في خزائن الرحمىٰن...
_____________________________________
أنا الكاتبة زينة سمير أنزل قلمي..
حتى أعلن عن انتهاء..
أول الروايات لي واحبها الي قلبي 🥺💔
الروايه الي تعبت وبجيت وضحكت بيه
كان المُفترض تنتهى من شهر 7 لكن قدر الله وماشاء فعل الحمد لله 😭🍇.
اتمنى كدرت اوصل رساله
ولو بسيطه بية 🥺🥺🔮
شكرًا لكل شخص وكف وياي
وشجعني شكرًا كوبرات كلبي الحلوين
شكر خاص لشله مخزوقه.. هبه، زينب، ابرار
وشكرًا لصديقتي أمنه الي وكفت وياي هوايه
شكرًا لصاحبه لبييج الخاص بالروايه
نهايتها مو مسك نهايتها انتصار عهد الجبل وحبهم
أمانينا نضل على البال ولا فد يوم تنسونه
واذا مره وحشناكم الف مرة وحشتونه 😔🥺🦋🦋🦋🦋🦋🦋🦋💔.....
اتمنى كنا خفيفين الظل عليكم ♥
التقيكم بأعمال اخرى...
دمتم في حفظ الرحمىٰن ورعايته
ولنا في لايام لقاء
الي ذلك الوقت استودعكم
الله الذي لاتضيع ودائعه
سنرحل ويبقى لاثر ..
🤍🤍🤍