#ثأر_الجموح
#بارت_4
بقلمي ملك الـمدني
بلكي نموت !
خلصنه العمر لچمات
محد يفهم شبينه
الوجع لاحگنه من كل صوب
حافظ حتى أسامينه .
،،،،،،،،،،،،،،،،،،،،،،،،،،
مروه"
كعدت الصبح حتى اروح لسديم اخذه ونروح للجامعه مرت فتره ابوي ميخليني اطلع ولا اروح بس لبيت سديم وحتى سايق حاط وجان يوصيني انو اذا السايق حسيتي متغير او شي اتصلي عليه وانا ماشوفه هيج يعني عادي،سحبت الشال حتى الفه ودك الباب سمحت الي دك الباب يدخل دخلت ماري العامله
_هاا ماري تردين شي ؟
ماري:-مدام الاستاذ يقول تعالي
_ماشي ،طلعت وانا لفيته ورحت جوهه شفتهم جاي يتريكون صبحت وكعدت
_ها بابه رايد شي
علي (لاب):-باعي بابه هاي جاي اكولج اذا
قاطعته
مروه:-والله عرفت وحفظت السطوانه كل يوم تعيده مابي شي السايق رجال محترم
هز راسه وسكت انا خلصت وطلعت حتى اروح لسديم ركبت بالسياره وصلني جاي ادك الباب شفته مفتوحه استغربت فتت جوه صحت
_سديمم ،جموح وينكم
صحت وجاي اصعد شفت احد واكف نهايه الدرج شافني وانا بقيت واكفه صفنت عليه هوه نزل يركض وانا ركضت بأسرع ماعدي جاي اطلع وحسيت انسحبت من خصري وحط شي على وجهي وغبت عن الوعي،
فزيت وانا احس راسي يموتني حلكي وايدي ورجلي كلهن مربطات باوعت على سديم بعده غايبه عن الوعي زحفت اله وراسي وجعه يدك بكلبي بجيت وصيحت لكن صوتي مينسمع مرت فتره على كعدتي ولا اجه احد ولا اكو شي يدل على وجود احد ويانه بقيت هيج لا انا اكدر اسوي شي ولا سديم جاي تصحه بجيت وصرخت لكن لا حياة لمن تنادي رجعت راسي على الحايط عيني على سديم غمضت عيني وصار سواد مادري اذا نمت او اغمى عليه ،
فزيت على سطل ماي ثلج وجنه بالشته فزيت واني مجنت متوقعته ابدأ انو يطلع هوه ايي هوه ماكو غيره هوه جان يهدد جان يلحكني جان يضايقني لاا شيسوي بيه مو انا لا انا وحده متطفله لاا مامعقوله صاح
_هاا جنتي ممتوقعه اطلع اني مو؟
مروه:-ياحقير عوفنييي والله اندمك
_ههههه ضحكتيني
تقرب مني اكثر گمبص كدامي وكمش حنجي
_مراح اتخلصين من شر بسام
_راح اخلص مراح تكدر تسويلي شي
_منو كال
_اني .!
_مصدكه روحج
_ايي مصدكه روحي
_لهدرجه واثقه مراح اسويلكم شي
_اذا عرف لاكبر احنه هنا راح يدمرك
_مراح يعرف
_راح يعرف
_تتراهنين
_الرهان حرام بس انا واثقه منه مراح يعوف سديم يمك
_منو كلج يعرف هيه يمي
_يعرف بسوالفك يعرف انك جنت تلاحكني وين ماروح
_انتِ كتيله ؟
_لاا
_هاا صح جان يلحكم هو وصديقه
_ايي هسه يله فطنت
_راح ادمركم واحد واحد
_لتلمس سديم سمعت
جاب تيب وسد حلكي بي وانا اصرخ شفته راح يم سديم سحبه من شعرهه وصرخت
سديم:-شتريد مني هاا شتريدد انا مالي دخل اخذت حقك من اهلي شتريد بعد
بسام:-اخذ روحكم كلكم
سديم:-ههه انا مستعده مراح اخاف منك
بسام:-متأكده ست سديم؟
سديم:-ايي وبقوه متأكده
بسام:-منو يخلصج مني
سديم:-هههه اذا لاكبر عرف انتَ منو يخلصك منه هوه وجموح
بسام:-تعجبني اختج لانه قويه وتعرف ادافع اما انتِ وهذيج لاا رجيجات
شفته شمر راس سديم على لارض ارطم راسه وهيه صرخت وجعني كلبي اصرخ بس ولا كان جاي اصيح عافنه وطلع هيه بقت اتون اتمنيت صارخه بذاك الوكت حتى السايق مادري شصار عليه اذا بعده عايش او لاا بقيت صافنه وسديم تون رجعت راسي لوره سمعت سديم تحجي
_مروهه ولج مروهه
هزيت راسي بـ نعم
_انا رجلي مامسدوده
باوعت عليه ماكو حبل كالت
_اجي افتحي ايدي وانا افتح ايدج ونفتح رجلج سوه
هزيت راسي،واجتني فتحت ايده بصعوبه وبسرعه فتحت ايدي فتحنه رجلي وكمشت ايدها رحت للباب متنفتح باوعت عليه غمضت عيني بخوف من سمعت حس احد جاي بتجاهنه باوعت على الحياطين شفت جامه بس عاليه كمشت ايده وحطيت الكرسي الجان موجود هيه صعدت
_مروه المسافه بعيده
_اكمزي على لاقل منبقه هنا ومندري شراح يصير النه
هزت راسه وكمزت وانا وراهه كمزت كمشت ايده ورحنه نركض بـ أثناء ركضنه سمعنه صوت كلاب احس رجلي مجاي تساعدني من الخوف ارجف واردد سور سديم تعبت حيل واني ماعرف احنه وين سديم وكفت وهزت راسه
_ماكدر بعد مروه عوفيني هوه ميريدج يردني اني
_سديم اش لا لتحجين هيج اني وياج نبقه سوه ونرجع سوه لتحجين هيج اني اختج وسندج
جانت تبجي اسد بحلكه ووخر حتى لا تختنك حضنته وبجيت وياهه كلبي وجعني مادري وين اروح شلون اطلع منا غمضت عيني وحسيت شي على راسي
بسام:-عبالكم مراح الكاكم
رجفت كلي مكدرت حتى ادير وجهي سديم صارت مثل السعفه ترجف شديت على حضنه وسحبتها وراي صار وجهي مقابيل وجهه باوع بعيني وحجه
_مفكرتي اذا هربتوا شيصير
_لاا لو ادري تاكلني الكلاب ولا ابقه وياك
_فكري بغير شي يا عاقل هسه يطلع .!
_شتقصد
_يعني بس السكير والشارب مخد//رات
فتحت عيني على وسعهم
_جذاببب ماكو هيج شي انتَ تريد تخوفني
(ضحك)
_اخوفج ليش حتى اخوفج
_حتى ابقه وياك
_اكدر اخذج بدون هذه كله مو!
سكتت هوه تقرب وسحبني من ايدي حسيته انخلعت صحت بألم بس مهتم ولا كان جاي احجي سديم اخذه واحد وياهه اباوع عليها صارت بصفي سحبت ايده اليه بجت هيه باوعت عليه وهزيت راسي بمعنى لا تبجين سكتت وانا بالي شلون اطلع منا
ادعي انو اكبر يجي بسرعه ماريد ابقه يمه اخاف لا يسوي شي هذه مو امان وصلنه ودانه غير غرفه دفعونه بيه وراحو سحبت سديم الي وحضنته دموعي تنزل وماعرف شسوي دعيت ربي انو يخلصنه منه بس شيخلصنه من شيطان.
،،،،،،،،،،،،،،،،،،،،،،
جموح "
فزيت على ايد انحطت على خشمي حاولت ماتنفس استسلمت من حسيت راح اموت صار سواد ومحسيت على شي بعد .
كمت مخروعه واصيح على سديم طلعت من الغرفه واتصل عليها تلفونها بالغرفه خابرت على مروه سمعت الصوت جوهه نزلت اركض شفت بس شنطته وكعت على الارض نزلت دموعي وانا حايره شسوي بجيت من قلت حيلتي ماعدي احد غير كسار التجأت اله اخذت تلفوني ودكيت عليه
كسار:-رايده شي جموح
جموح:-كسار اني محتاجتك كلش
كسار:-خير جموح شكو ؟
جموح:-حجيتله كلشي من حسيت على واحد لحد هسه كلي اطلع اشوف اذا السايق بعده او الا طلعت للشارع افتر كدام الباب واحاجي
_كسار ماكو سديم راحت كسار اريد اختي
وكعدت على لارض منهاره حسيت على احد يم راسي
علي لاكبر:-جموح كومي جموح شبيها سديم جموح
جان يهز بيه مثل المخبل وانا بس ابجي ماكدر احجي كلمه وحده هوه كام يصيح
علي الاكبر:-جموح حاجيني سديم شبيه جموح لا تسكتيننن
جموح:-لا رد
راح مني للبيت شويه واجه كسرني من وكع يمي سديم قبل بيوم حاجتني عليه ....
قبل الحادث بيوم "
سديم:-جموح اريد احاجيج
جموح:-تعالي سدومه شرايده
سديم:-اريد احجي بموضوع مهم
جموح:-ايي احجي حبي
اجتي تمشي يمي كعدت واشوف الخدود حمر
_مبين السالفه بيها حب هااا غمزت الها ضحكت
سديم:-تذكرين جوارينه اكبر وكسار
باوعت عليه شويه وكلت اله
كسار؟
_ايي كسار نفسه خطيبج
رفعت عيني بملل
مو خطيبيي افتهمييي بس اجه شاف اهلنه.!!!
_يعتبر خطبج موو
_المهم سولفي
_شوفي انا التقيت بالاكبر وسولفنه وانا والله احبه من واحنه صغار وهوه هم وكال انو صارله هواي يدور عليه وهم كال باجر يجي يحاجيج شتكولين
هزيت راسي بنعم
تمام مادام جاي على زواج عادي اهلهن وسهلن بي حضنتني وضلت تضحك راحت هيه وانا افكر بكسار.
الحاضر"
علي الاكبر:-جموح ليش ليش ما وكفتي ليش جموححح
ضل يصيح اجه كسار سحبه ودا للسياره واجه عليه شالني دخلني للبيت وانا على فد بجيه مكدرت اوكف بجي كلبي يوجعني اتوسلت بكسار ياخذني وياه بس ماقبل طلع من البيت وانا بقيت وحدي الخوف اتملكني خايفه من البيت خايفه على سديم وعلى مروه ياربي ليش هيج اختبارك صعب ربي بقيت ابجي سمعت اذان الضهر كمت اتوضيت ولبست الجادر وصليت ابجي وادعي ربي ميصير الها شي اموت وراهه وربي ياخذ روحي ولا هيه.
،،،،،،،،،،،
كسار"
رحت يم اكبر حتى افهمه شفته يم جمر بالسياره يصيح عليه وهذاك ماكو رحت سحبته منه حطيت ايدي اقيس نبضه جان موجود اتنفست براحه ضربته حيل على خده فز مخروع اجه اكبر دفعني وكمش جمر من ياخته
علي الاكبر:-ولك وين جنت من دخلو وينننن جمر احجي حاجيني وين جنت ليش انخمدت ليششش
جمر:-شتحجي انت اكبر شنو نمت جنت كاعد
دفع ايده طلع من السياره راد يوكع اتشبثت بيه حتى لا يطيح باوع عليه وكال
جمر:-شكو كسار شصاير هنا؟
كسار:-سديم ومروه ماكو اكيد بسام اخذهم
علي الاكبر:-بسام ابن الكلب انا اعلمك يا ابن**
كسار:-اشش شهل اغلاط الطايح حضه
علي الاكبر:-مالك دخل كسار انا اعرف شسوي لا تدخللل
احس نار بدت تاكل بيه جم مره حذرته انو بسام راح يعرف اخر شي من سوالفه بس ولا كأن احجي مايسمع ماحسيت على شي فقدت دفعت جمر وطاح لزمت الاكبر من ياخته واهز بيه
كسار:-اني شكلت الك كلت الك ابتعددد اكبر ابتعد حتسبب مصيبه للبنيه وانت ماكو مجلب بيه كله منك اكبرررر
علي اكبر:-صاح ،دير بالك ترفع صوتك عليه كسار وربي ادمرك
كسار:-باوع اكبر انا هواي سكتت الك بس لا عبالك هنا اسكت لاا تحلم اسكت الك تروح من وجهي لاا اجي اكسر ضلوعك
جمر:-كافيييي بروح جمانه
سكتنه اكبر راح وانا اخذت جمر ورحنه للمستودع سكت شويه ورفع راسه كال انا شلون نمت باوعت عليه كتله احجي شصار وياك من رجع الاكبر لحد ماكعدت وانا يمك
،،،،،،،،،،،
جمر"
صافن على الفراغ وافكر شسوي العب اكل اباوع مسلسل او فلم رفعت راسي بهدوء غمضته حسيت احد جاي يدك الجام درت راسي شفته جموح ابتسمت وفتحت الباب
_خيرج مرة اخويه
جموح:-هاااا عيني شوكت صرت مرة اخوك
جمر:-من يوم الي تعرفتي عليه
جموح:-اهوو هسه عوفنه جوعان
جمر:-ايي والله بعد اخوج فد شي طيب ولو كلشي منج طيب
ضحكت وكالت
جموح:-تعرف تحجي احسن من بعض الناس
ضحكت بصوت عالي
جمر:-اتقصدين كسار موو
جموح:-چا منهو غيره بس هوه
جمر:تحبي.؟
جموح:- مو سالفتنه هاي اروح اجيب الك اكل
ابتسمت الها وحجيت بهدوء
جمر:-يله انتضرج تجيبين الي اكل
راحت واني بقيت واكف اتصفح بالتلفون شويه واجت بأيدها صينيه بيها كبه و زلاطه اخذتها واكلت بالسياره رحت دكيت الباب واطيته الصينيه ورجعت صعدت وجاي اغلق الباب حسيته انفتح حيل وصار شي ينرش عليه ومحسيت بشي اله من انت اجيتني
،،،،،،،
كسار"
_وهسه شنو شنسوي
جمر:-وانا شمعرفني سوي الي انتَ تريد اتسوي وانا وياك
كسار:-بسام ضاع منه مره مايضيع مره ثانيه كله منكم انتَ واكبر
جمر:-واحنه شعلينه اكبر اجه كلك لكيت مكانه ورحنه قابل شنو
كسار:-لو منجبين وما باقين ساعه تتعاركون جان مصار هذه كله
سكتت وانا اذكرت الي صار بهذاك اليوم واجتي هيه بالي
Flash Back:-
كسار:-طرت افكار الطفوله ورجعت للواقع مشه السير وعلى حسب كلام اكبر هوه بأطراف بغداد رحنه هناك وصلنه للمكان المحدد سوينه دائره على البيت حتى لا يهرب وكفت كدام الباب حجيت بالسماعة
_حدخل شويه وانتوا ادخلوا
علي اكبر،جمر:-حاضر
رحت للباب دفرته حيل درت وجهي على الجهه اليمنه شفت بنيه يطلع عمره17-18 هيج وياهه مرية جبيره كامت عليه
ام شمس:-ولك يا ماتستحي بهليل هذا تدخل على نسوان يا ادبسزز
كسار:-اعتذر خاله عبالي احد ثاني
ام شمس:-ولك انجب مبين اتريد تسوي سالفه مو انا اعرف سوالفكم المكسره شباب هذه الوقت
كسار:-خاله اعذريني ماجنت اعرف احد هنا جان بالي رجال هنا رايدي
حجت البنيه
شمس:-اتريد بسام؟
كسار:-ايي اريده اتعرفين وينه .؟
شمس:-ايي طلع قبل شويه كال راح عده شغل
كسار:-متعرفين وين؟
شمس:-لاا وهوه هنا لان جان يتعالج
كسار:-كلشي مابي عرج ميطبه
كلت هيج وهاي كامت انهدت بيه
شمس:-هوه شنووو وانت شسوي باخويه هاااا متحجي تتريد اتقتله هوه مامسوي شييي لا اتسوي شي اله لا اسوي شي اندمك انك لزمته
كسار:-كافييي اخوج قاتللللللل صرخت بيه وهيه ولا كان
اجه جمر سحبني من ايدي
جمر:-مو وكت نحجي هيج كسارر مو وكته ابدد
سحبني لخارج البيت وصحت بيه
_وخرر مني كله منك انتَ وياهه ولا واحد بي خيرر ولو من وجهي ولا اريد اشوف خلقتكم الزفره يا طايحين الحظ
رجوع للحاضر:-
كعدت حتى اشوف جمر شفته بعده نايم المخدر جان قوي كلش اثر عليه بشكل قوي رحت صحيته من النوم وكعدت اكلب الابتوب واخابر حتى يعرفون مكان سديم ومروه
لاكبر اختفه عن الوجود فص ملح وذاب ماكو اي اثر اله ولا كان لازم يجي ويانه مراح يكدر يحصل شي وحده بس اعرف اخويه سبع ومحد يكدره بس بالي ضل يمه شويه وكام جمر يحجي بالتلفون وانا ضليت كاعد متاني يخلص حتى اعرف ويامن يحجي خلص كلام واجه
_هاا ياهو جان
جمر:-ابويه جان يسأل ماصار شي جديد كتله لاا
كسار:-مكال انو يعرف احد من اقاربه او احد مشترك وياهه
جمر:-كال ابو سعدون يعرفه اشتغل ويا مره
كسار:-مكال وين صاير؟
جمر:-لاا مكال بس كال هوه بعد شويه ويجي ويه الاكبر
كسار:-ليش الاكبر وياهه ؟
جمر:-كال اجاني الفجر يسال على بسام وين يشتغل واني عرفت وراه سالفه كلت اله ماعرف احد يعرفه بس اعرف اسمه وهاهيه
كسار:-ماشي .
شويه وكلت اله
_تذكر البنيه الي جانت بالبيت من رحنه
جمر:-ايي كالت هيه اخته
كسار:-ما معقوله ماتعرف وين اخوه عده بيوت
جمر:-صح اني اروح الهم هسه
كسار:-لاا باليل حتى اذا جان احد يراقب باليل ما تنشاف
جمر:-ماشي .
كعدت انتضرهم على مايجون وجمر يلعب بالتلفون ماله وانا على الحاسبه دك تلفوني شفته رقم جموح جاوبت وهيه تلهث ومخنوكه حجيت بخوف
_شكوو .؟
حجت شي اجه بأذني مثل الصاعقه.!
جموح:-كسار الحك راح اموت......
يتبع...
،،،،،،،،،،،،،،،،،،،،،
لهنا ويخلص البارت مالتنه ان شاء الله يعجبكم حباب كلبي 🤍🦋
لتنسون التصويت ونشر القصه وتعليق حلو مثلكم 🦋✨
لفيو فستقات🫶🏻🦋
حساب لانستا👇🏻
في حفظ الرحمن 🦋🤍