صار يمد ايدة وينزل بجامتة .
خانكني مو كادرة اتنفس ...
بهاي اللحظة وسمعت احد ابوب الطابق الثاني انسدت قوي ..
من سمع الصوت ... كام من مكانة ورفع بجامتة وطلع ركض ...
اني صرت اصرخ بقوة ...
طلع من الغرفة واني ابجي ..
هالمرة ماكدرت اكتم صوت بكائي ..
دخلت نسرين وبنتها ركض للغرفة .
سمعوا صوتي ..
__ عززززة شبيج ... رحمة ولج شكو ...
نور سدي الباب بسرعة وقفليها (( بنتها الكبيرة نور ))
__ اعتدى علية ... يريد يغتصبني ..😭
__ عزززا بعيني ....الله ياخذة ... الله ينتقم منه اشد أنتقام ...ولج هذا شنو من بشر والله اذية النا كلنا
__ابوج اعتدى علية ... 😭
__ فدوة لحلكج اسكتي .. والله امي تنجلط ... كافي رحمة راح تسافرين باجر ... لا تخربين سفرج مو منتظره هذا اليوم هااا ...لا ترفعين صوتج فدوة اروحلج .
__ والله بعد ماارجع للعراق.... مااريد اعيش هنا تعبت والله تعبت يا نسرين ... تخيلي عمي هو وشيباتة الكى نايم يمي .بس اتخيلي
__ اييي حبيبتي لا ترجعين بس لا تبجين كافي ...
كومي يلة ... انزعج هاي الدشداشة واذبها بالزبل ...
عزززة بعيني حتى الحمالة فاتحها ...يمة عزززا شلون مصيبة هاي ...( طلعت دشداشة ثانية من الكنتور ... غيرت الدشداشة ...لفت هاي الدشداشة بكيس اسود ودزت بنتها تذبها بسلة المهملات ))
(( من قوة الصدمة احس جسمي خدر... حتى عيني كوة فاتحتها ... حطيت راسي بحضن نسرين .. اني ابجي وهي تبجي وياية.....
__ريان ليش تركني 😭 مو يبقى يمي .
__ ريان صعد نام يم امي من زمان ...يلة حبيبتي كافي تبجين ...باجر انتي وريان بتركيا ...شكد حلوة عود دزيلي صور ...( تحاول تخلق مواضيع وياية حتى تنسيني مصيبة ابوها ))
اليوم التالي
هذا اليوم من اجمل ايام حياتي
يوم السفر من العراق الى تركيا
اول مره بحياتي راح اسافر ..
تحممت اني وريان
لبسنا ملابسنا الجديدة ...
سشورت شعري ..
حطيت مكياج مرتب ..
وريان كذلك رتبتة على الاخر
هذا مو يوم عادي .. بنظري عيد ومن اجمل الاعياد ايضاً
رغم كل هذا اكو غصة بكلبي .
من اباوع على الجرباية واتذكر الصار احس نفسي ينقطع .
مو مشكلة راح اخلص من هاي القذارة .
ارجع اضحك ... يلة ورانا سفر ...بلد ثاني ...أناس جدد ... ماكو عمي وعمتي ... ولا اسمع صوتهم .. الله معقولة وصلت لهذا اليوم
الكل تعتقد اني رايحة مؤقت لتركيا ...
فترة وارجع ..بس اني خلص قررت اسافر بدون رجعة .
لو اسوي المستحيل ماارجع للعراق بعد ..
سليم برة ينتظرنا
اتصل علية
__ يلة بسرعة اني بالسيارة وريان يمي
__ ايي اجيت
(( اخذت جنطة اليد ... سديت الباب بقوة وراية ... خلصت طلعت من السجن .. تم الافراج عني ...
شفت عمتي ودعتها
عمي واكف على جهة ما باوعت بوجهة
ودعت نسرين وبناتها ..
طلعت للسيارة ...
وتوجهنا للمطار ....
بقينا بصالة الانتظار لحين موعدنا
ريان يركض وكلش فرحان
اني الضحكة ماتفارك وجهي
وبعد انتظار قليل حان موعد التوجه للطائرة ..
ودعنا سليم
توجهنا للطيارة
الله ... بسرعة اريد اوصل لمكاني
مااصدك راح اخلص الا تقلع الطيارة ..
اتوقع لاخر لحظة يجي عمي وعمتي ينزلوني من الطيارة ..
اقلعت الطائرة ..
واخيررررررررااً😭😭😭😭
بيباي يا عراق
ماشفت بيك الراحة
من يوم كنت طفلة لهاي اللحظة
خلصت ايام بيك بس قهر وبكاء
وداعاً عمي الفاسق الزاني !! (( زنا حليلة الدار)) يا مرتكب اكبر الكبائر اشد الجرائم !!!
وعمتي الشيطانة الظالمة الحاقدة صاحبة القلب الاسود والقاسي استخدمت اشد انوع الظلم والقوة ..
وعمي حازم المجرم المتسلط...ماانسى كمية الوحشية لشفتها منك ! وماانسى شكد قسيت علينة واذيتنا ما راعيت ابد احنه ايتام وبدون والي ونسيت قولة تعالى (( فأما اليتيم فلا تقهر))
وزينة الخبيثة والمتمكنة بالحقارة تفننت بتعذيبنا طول ما احنه تحت رحمتها .
طول مااحنا ملحقين بالسماء اني اضحك
احضن بريان
فرحانة لدرجة احس هذا كلة حلم مامستوعبة ابد! الزم ايدي ... ايي جاي احسس .هذا مو حلم .. حقيقة والله .. اني رايحة لتركيا ... اباوع بوجوه الناس ... ماكو عمتي ولا عمي ...
اشوف نظراتهم محترمة..وجوهم مبتسمة ...
مضيفات الطائرة يضيفونا بكل حب واحترام
لكيت الاحترام لطول عمري ماحصلتة ! اني بعالم ثاني .. مااسمع كلمة تنمر ...
محد راح يفرض علية قوانين وقيود وشروط معينة .
محد راح يذمني بعد
احلى شي مااسمع كلمات عمتي (( بنت الشوارع..ام الزلم ..دايحة ..ساقطة..سودة..ك.حبة ..ومختلف انواع الغلط والتجاوز بحقي ..)
وصلنا للحظة الهبوط الى الاراضي التركية ..
مامصدكة لحظة انزل بيها .
اشوف نفسي هسه انولدت ...
السنين السابقة راح احذفها من سنين عمري ..
نزلوا المسافرين بالسرا من الطائرة
وصلنا السرة اني وريان ..
اييييي هههههههههه اييي احنه بعيد بعيد حيل عنهم ...
حتى جنطتي الصغيرة نسيتها ... صاحتلي المضيفة
__ يا مدام نسيتي جنطتج هههه
__هههههه من الفرحة .. احس قلبي راح يطلع من مكانة ..
__هههه الله يديمها ..
نزلنا من الطائرة
واخيراً ......
امشي واضحك ... وريان متفاعل وياية رغم مايعرف وين رايحين وشنو راح يصير ؟
شفت وسيم واكف ينتظرنا ...
اهوو هم شي يذكرني بيهم ! لو بأيدي حتى وسيم ابعدة علينا .. اريد اعيش بس اني وأبني .....اووووف ..
من شافنا وسيم ...اجة ركض على ريان حضنة ويبوس بي حيل ....
كلش مشتاقلة هذا اللقاء من بعد سنين ...
__كبران حبيبي ...صاير رجال ..
ها رحمة شلونج
__ الحمدلله زينة .. كلش زينة هم .... ليش ماواضح حجم سعادتي ..
(( يمكن للمرأة ان تخفي الحزن ...لكنها لا تستطيع اخفاء السعادة..... كتمت حزني اعوام .. لكن سعادتي كانت ظاهرة .. لو يمر شخص غريب صدفة راح يشوف ضحكتي ..نظرتي ... لهفتي ... فرحانة بودي اصرخ بصوت عالي اني فرحاااااانة .... ))
__ اي واضح ...يلة اخذكم لشقة ... اجرت شقة مفروشة وكاملة ... حتى ريان يرتاح حبيب البابا ..
(( طول الطريق هو حاضن ريان ... اني عيني على الشوارع . وعلى الابنية ...فرحانة مو لان سافرت ..بس لان كل المكانات جديدة علية ..وكلها خالية من اهل وسيم ... حسيت بهاي اللحظة كل ابواب الفرج انفتحت بوجهي ...
الحمدلله والشكر ربي .. اني دائماً كنت قنوعة واطلب تنفتح باب وحدة ..لكنك اكرمتني اكثر ما طلبت ... كل الابواب مفتوحة .. ماكو باب مغلقة ...
وصلنا للشقة ... ريان نعسان لان اول مرة نسافر ... اول ما دخلنا الشقة نام ..... وسيم شايلة ..نومة بفراشة ...باوع علية
__ باعي تبقين هنا .. ممنوع تطلعين ولا تلتقين بأي وحدة ولا تسألين ولا تجاوبين ... افتهمتي لو لا تره هنا كلهم عرب مااريد تختلطين بيهم ...ولا تنطين اي معلومات ماشي
__ اييي تمام ...اني ما جاية حتى اتعرف على احد .. اني جاية اتونس وبس ..
__يلة اني رايح ... ديري بالج على ريان واني اجيكم بعدين ارتاحوا هسه اول سفر يكون متعب حيل
__ ايي والله مااعرف التعب كلة حل هسه جسمي كلة متكسر هههههه واحس الارض ادور بية
__ ايي مبين حتى ريان ذب نفسة هههههه .. كلشي موجود بالشقة مؤثثة على الاخر اي نقص مابيها ... مع السلامة (( طلع واني لحد الباب ورا ...
سديت الباب ... اخذت نفس وضحكت ... رحت اتجول بالشقة واضحك مااكدر اكتم ضحكتي .... نعست حيل مااكدر افتح عيني بعد ... رحت للغرفة حضنت ريام ونمت......🥱😴😴😴😴😴))
ما كعدنا الا ثاني يوم ..
سمعت صوت ريان ..
فتحت عيني .
.. الله يوم جديد .
..اليوم اني حرة نفسي اصحى بكيفي ماكو احد يكعدني ويدك الباب بقوة كأنما يريد يكسرها
.. شكد حلوة حياتي بدونهم ....
يلة كوم ريان صار وقت نستكشف كلشي ونتونس هههههههه
ريان بجهة واني بجهة ..
فريت الشقة كلها ...المطبخ والغرف الثانية ... طلعنا للبلكونة ...
كلشي تمام ....
الشقة في أسطنبول بمجمع جداً راقي وبناء متكامل ...
__ الله شعور الراحة فضيع ....
فتحت التلفزيون ماكو قنوات عربية فقط تركي ...
تصفحت بالقنوات شفت قناة عارضين افلام كارتون ..
كعد ريان يباوع ... تركتة ورحت للمطبخ واني اغني
فتحت الثلاجة ..كلشي بيها موجود ..
طلعت بيض ومرتديلا وسويت فطور ..
بعد ما كملت الفطور نظفت المطبخ ..
سمعت صوت باب الشقة انفتحت ..
وصوت وسيم يحجي ويا ريان ..
__ ها شلونك
__ تمام ..شلونكم حلوة الشقة مو
__ايي تجنن ..
__ شسويتي غدة
__ ماسويت
__ ليش تره كلشي موجود
__ اي اعرف بس اني وريان هسه اكلنا وشبعنا ..
__ واني ؟ شنو ما محسبة حسابي وياكم ؟
__اني مااعرف راح تجي على الغدة
__ هسه اجيب شي من برة ...بس هاي اول واخر مره بعد كلة تطبخين هنا مابية حيل يومية رايح وجاي علمود الاكل
__ ماشي من باجر اسوي غدة ...اني عادي اطبخ بس مااعرف راح تجي والله
__ خلص هسه اجيب شي من برة ...
(( طلع مرة ثانية ... رجع مشتري كباب وبيبسي وصمون ... كعد اكل اني وريان مانشتهي ناكل ضليت اتصفح بالموبايل وريان يباوع على اتلفزيون ... كمل اكل ... لميت كلشي من كدامة ... رجعت كعدت بالاستقبال))
__ بدلي لريان اريد اطلعة
__ شنو تاخذة وحده ...اني هم اجي ويا
__ كلتلج بدلي لريان ليش تعاندين !!
__ مو قصة اعاندك بس ريان مايطلع بدوني .. متعلق بية جرب وشوف ..
(( صاح على ريان ... ريان مايريدة من يحجي ويا وسيم يباوع علية اجة يركض لحضني ...))
__ هسه اخذك وياية
__ ما ... ماااا .(( لازمني بقوة ويبجي ..))
__ يلة انتي هم تحضري حتى نطلع ... اريد اونس ريان مااريدة ينحبس هنا ..
(( اخذت ريان ورحت للغرفة ... غيرنا ملابسنا ... حطيت مكياج .. فتحت شعري ... اخر لمسة رشيت عطر ...لزمني ريان من ايدي وطلعت للاستقبال ...وسيم يلعب بالموبايل رفع راسة شاف ريان مغير ملابسة ابتسم ....وحضنة ...))
__ يلة امشي حبيب البابا
(( اخذنا لاماكن كلش حلوة ...اخذنا على البحر ..
... اني فرحانة اول مرة اشوف مناظر طبيعية بهذا الجمال ...
فرحانة وبنفس الوقت منبهرة بجمال تركيا منظر البحر عن قرب يختلف تماماً من اشوفة خلف الشاشات
.. فتحت الموبايل واخذت سيلفي اني وريان ! ...وشي طبيعي كل بنت مثلي تسافر اول مرة واشوف تركيا بالواقع مو بالمسلسلات او شاشات الموبايل احب اجسد كل لحظة والتقط صور حتى احتفظ بيها للذكرى ..بس وسيم لازم ينتقدني ويخرب علينا كل لحظة ..
__ ذبي الموبايل لا تفضحينا شبيج ماشايفة
__ هههههه اي والله ماشايفة منو شوفني انت لو اهلك ! هناك بالسليمانية ماشوفتوني هيج مكانات .
(( ضل يدردم ...تركتة واخذت ريان نمشي وحدنا واحجي ويا ريان واضحك ...لحظات حلوة مااريد اسمح لوسيم يعكر مزاجي ...اسمعة يغلط علية بس تجاهلتة ...
بعدها ريان وكف يم البحر اني فتحت الموبايل واخذتلة صورة ...وهم اجة ركض علية
__ ماشايفة والله مو صوجي طلعتج هنا عرفت راح تخزيني ذبي القنادر من ايدج تره هنا عرب هسه شيكولون علية!!
__شيكولون اني جاية سياحة عادي اصور واستغل هاي اللحظات مااعتقد احد غيرك راح يستغرب لو يتنقدني ...
جولنا بأسطنبول ...
ريان كل شوية يطلب كلشي يشوفة كدامة .
وسيم يشتريلة كلشي باعتقادة بهاي المشتريات راح يكدر يكسبة لصالحة ويتقربلة ...رغم كل هذا ريان يكره ابو ورافضة تماماً طول الوقت معزول وياية ومتمسك بية ...
صار الليل ... ووسيم كال
__ يلة نرجع للشقة
__ اخذنا للسوبرماركت ..
__ شكو ليش رايحة كلشي موجود بالشقة ماعندج نقص
__ لا اريد اشتري بعد اشياء
__ منو يشيلهن تره اني مااشيل شي
__ اشتري عربة ونحط كلشي بيها
__ اكلج داشوفج مسيطرة وتتصرفين كأنما فلوس ابوج
__ هههههه لااا مو فلوس ابوية ... هاي فلوس ابني ولازم امتعة بيها ..
( وصدفة ماركت صار كدامنا ...دخلنا اني وريان ... انجبر دخل ورانا ... اخذت عربة وتجولت بكل الممرات اشتريت كلشي ابالي ... والاحلى صارت كدامي مستلزمات الدولمه جاهزة ونظيفة داخل كيس ...اخذتها وحطيتها بالعربة ...
العربة امتلئت بالكامل ...
دفعنا الحساب ...
اني شلت ريان .تركتة هو يشيل كل الاكياس ..وطول الطريق يذم بية .. اني فعلت أسلوب التطنيش صار يحجي واني متجاهلتة ... اسولف ويا ريان او اباوع على الشوارع والمحلات كل مكان اسطنبول جميل ومبدعين بتصميمه ...
وصلنا الشقة ...
دخلت واني كلش منطلقة غيرت ملابس وملابس ريان
سويت عشة واكلنا ...
نظفت المطبخ وكعدت ألاعب ريان ...
وسيم يلعب بالموبايل وفجأة ترك الموبايل من ايدة ..
__ راح يجون اصدقائي سويلهم عشة
__ مااسوي مابيه حيل هسه كملنا اكل ونظفت المطبخ ..
__ احترمي خطارج هو بس اليوم كومي سويلهم يلة
__ مااسوي مايهمني اي بشر .. اوك صرت خدامة لاهلك وكلت ميخالف ذولة اهلك بس اصدقائك ممجبورة اسويلهم
__ طبج مرض هم يسوون يلة ولي ...(( رحت للمطبخ .. اوك خطارنا صح وبس هاليوم مثل مايكول اروح اسويلهم تكل واتجنب المشاكل ))
(( بعد شوية رن جرس الشقة ...طلع وسيم فتح الباب ..دخلو شباب اثنين طبيعين ..ووياها ولد بس منظره بنت تماماً !!!! شعرة طويل ...ملابسه كلش ضيقة .. حاط حمرة وتنت ... حتى ملابس داخلية نسائية لابسة وواضح من بروز منطقة الصدر ...!!!
دخل للمطبخ علية ... اني قرفانة منه
صوتة رجالي لكن مظهرة يوحي هو امرأة !
___ هااااي
__ اهلاً
__ أساعدج
__ لا ميحتاج اني راح اسوي ...(( شافني اقطع البطاطا ..شهك )*
__ اييي حبيبي يحب البطاطا ...(( انقرفت ... تمينت اضربة بهاي السكينه ... شديحجي هذا اي حبيب يقصد !! .. كلامك يغث .. العلك بحلكة ... يضحك اثناء كلامه ... دخلوا البقية ووياهم وسيم للمطبخ .. اني استغربت ؟ شكو ليش دخلهم علية زين شلون راح اطبخ .. ذبيت السكين من ايدي وداطلع لزمني وسيم )
__ سوي عشة سوي ...
__ والولد شلون يمي! (( كعدوا على الكراسي وكدامهم الطاولة .. وكأن الشقة مو اول مره يدخلوها ...فتحوا الثلاجة واخذوا قوطي بيبسي ..))
__ سوي لج عادي اني يمهم ...
__ اوك ..(( سويتلهم اكل بسرعة ... كملت اخذت ريان ورجعت للغرفة ...قفلت الباب ... واني اتذكر هذا المقرف وافكر شلون متقبل نفسة بهذا المنظر .!..))
فتحت موبايلي اتصفح بي ..دك الباب وسيم ..
__ يلة كومي نظفي المطبخ كملوا عشة
(( طلعت حتى انظف المطبخ ... ريان يمي ونسولف اني ويا ...دخلو لغرفة الضيوف ...بعد وقت الاثنين الطبيعين طلعوا ..بس هذا المثير للشك ماطلع وياهم ! ....بقوا بغرفة الضيوف والباب مسدودة .. اني كل تركيزي يمهم ؟ كل شوية اروح اتسنط يم الباب بس مااسمع شي ارجع يم ريان ... احاول اخلق سبب حتى ادك الباب او ادخل عليهم اريد اشوف ليش بقى يم وسيم .؟ شكلة جداً غريب عن نفسي ك بنت داخل مجتمع منغلق تماماً وقليلة الاختلاط ماشايفة رجل بهذا المظهر .!؟ لهذا السبب ثار استغرابي .... افكر معقولة وسيم مامستغرب من مظهرة وشلون اتعرف علية وشنو مستفاد من صداقتة ! .....
__ ريان حبيبي ...ريان تروح على بابا وتكلة محتاج شي ؟!
__ ما .. مااحبه مااحبة ..
__ اوك باوع على التلفزيون .(( فضولي دفعني اروح بنفسي واخلق اي سبب المهم اروح اشوف شنو ورا هذا الهدوء !؟ وسيم اني ماارتاحلة وكلشي اتوقع منه ! بس معقولة يمارس ويا ولد ! لااا مستحيل هو كل علاقاتة ويا بنات وكدامي تواصل وياهم ! معقولة يكون مزدوج الميول ... قررررررف ياربي قررررررف ...
مااتحملت اكثر ...رحت دكيت الباب محد يرد
كررتها مرة ثانية ونفس الشي محد يجاوب .. فهمت شنو يصير ...
تركتهم ورحت للغرفة واني مصدومة شديصير بهاي الدنيا ...زين شلون انام بمكان ديصير بي هذا القرف ! .
كمت من الجرباية ..قفلت الباب حتى لااشوف وسيم ولا يحاول يدخل غرفتنا .
__ ماما اني مااحب هذا صديقج خلي يروح لبيتهم
__ منو حبيبي ؟! يا صديق
__ هذا رحنا ويا واشترينا اكل وهو بس يحجي عليج
__ صخام بعينك ولك هذا ابوك
__ مااحبة كليلة يروح لبيتهم
__ ههههه لا تضوج حبيبي هو راح يلة تعال نام
__ ايي احبج مامي (( يبوس بية ..حضني ونام ))
مباشرتاً اني هم وطفيت أضاءة التيبلام ونمت ...
صحيت الصبح ..
طلعت للمطبخ اسوي ريوك ..
حسيت باب الحمام انفتحت ...باوعت وصار كدامي هذا الكائن المثلي !!!! .... استغفرت اللة ونزلت عيني منة ... مقرف يرجع بشعرة ليورة.... دخل للمطبخ
__صباحوووووو.... اتركي كلشي اني اسوي ريوك
__ لااا اني اسوي شكراً (( هذا الشخص اذا اكل واشوفة كدامي تنسد نفسي واتقيأ كلشي ! فوك كل هذا يريد يسوي ريوك مستحيل اتقبل اكل شي تلمسة ايدة ...))
طلع وسيم من الغرفة .. اجه يمي شافني ضايجة حيل من هاي الوضعية ..
__ صباح الخير ...وين ريان ..
__ نايم ..
__ ههههه شفتي البارحة شكد اشترى العاب
... ماتجاوبيني ليش ...
__داسوي كهوة (( قرفانة منة حتى بوجهة مااباوع ))
__ اني كلش فرحان لان انتي وريان يمي هههههه
__ شكراً ..... ( اوك فهم اني ماطايقتة سد حلكة ))
كملوا ريوك وطلعوا ...
ايي خلصت منكم ايع شكد مقرفين اثنينكم ..
تذكرت عندي كل مواد الدولمة اريد اسويها خاف هذا يلفي ويريدة غدة ..
ريان يلعب يمي
لفيت الدولمة كلها وبالي راح لبعيد ..فكرت اني مااريد اضيع الايام هنا بدون مااجمع معلومات شلون ممكن اهرب منا ... ممكن وسيم اليوم او باجر يكول يلة ارجعي للعراق !
واني بعد مستحيل ارجع للعراق .. لازم اشوف صورة حل ...
كملت لف الدولمة والفكرة ابالي ..
انتظرت وسيم يرجع حتى اطبخها ...
ب٢ الظهر رجع للشقة ...
فتحت النار جوا الجدر ...
شفت موبايلة ما يبطل رن ...
كل شوية واحد يتصل ..
وكلامه وياهم عن التهريب ...(( شكد عدهم ... وين يطلعون بلغاريا لو اليونان ... ماشي راح ارتب شقة الهم ..))
اني من النوع فضولية ...
دخل للمطبخ ... كعد ينتظر الدولمة تستوي ..
اني شغلت عقلي وكيدي ... ع الاقل لازم احاول بطريقة او بأخرى اخذ كم معلومة منا ...
وسيم من النوع المتباهي .. يحب يتفاخر بكلشي حتى بالمعلومات ليملكها ....من اكعد يمه واسألة يحجي كلشي مايضم شغلة ... وهاي اجمل صفة بوسيم وكدرت استفاد منها ....
__ هههههه ماشاءالله هواية يتصلون عليك
__ ايي شعبالج
__ ايي انت ذكي اكيد يحتاجوك
__ اييي يجون ناس من العراق هواية التهريب ما يوكف ابد
__ ووين يروحون
__ يجون لتركيا ومنا يهربون لليونان ..
__ مايخافون
__ ليش يخافون ... الناس ب ٢٠١٤ و٢٠١٥ شفتي شكد طلعت وكلها مرتاحة نقلوا صورة حلوة .الناس البقية تشجعت تخطي هاي الخطوة وتنهزم ...
__ وانت شنو دورك بهاي الشغلة
__ اني اجر شقة هنا .. ليجي من العراق اكعده بيها مقابل ايجار وسعر عالي يوم يومين يبقون بيها ويطفرون ..
__ خطية والله ... احسن يطلعون.. هو شبقى بالعراق ...كون كل الناس الزينة تصيرلها فرصة وتطلع ويبقى بس للحرامية ..
__ ههههههه انتي بطرانة ... المتأذي باقي بالعراق وماكل وحل بأيدية .. تعرفين منو يطلع بس العندة والغني
__ ليش اكو ناس فقراء وطلعت
__ اقتنعي بهاي الفكرة .. الفقير باقي ويزداد فقر والغني يزداد غنى يطلع للخارج وفلوسة توصلة كل شهر من مشاريعة بالعراق وعايش احسن حياة
___ هههههه مو بكيفك ... اني فقيرة وكلشي مااملك وصارتلي فرصة وطلعت من العراق ....
__ وانتي شنو طالعة طول العمر خارج العراق ...كلها اسبوع اسبوعين او شهر بالزايد وترجعين للعراق ..(( خنكني بهاي حجايتة ... مثل ضربوني طابوكة على راسي .... معقولة بكل هاي السهولة يريدني ارجع يم اهله ..مستحيل لازم استعجل واشوف حل لنفسي قبل فوات الاوان ..))
__ اي صح .. اني اشاقة وياك ... وبعدين كلشي مااندل هنا .. حتى الماركت مااندل اروحلة هسه هههههه
__ اي احسن لعد تعرفين اني ليش ثاق بيج وضام اسراري يمج .... ليش جبتج لتركيا وسفرتج لان انتي مطيعة وثقة
وتسمعين الكلام ....لو غيرج والله فلا ادز عليها احبسها بالعراق وخلص ..بعدين انتي صبورة اعرف بيج بقيتي يم اهلي وقمتي بيهم ... بس عفية تعرفين تتصرفين .. واضح تعرفين وسيم زين
__ شلون يعني
__ تعرفين لو تفكرين تنهزمين خوالي وعمامي بالاسايش بعدج بالمنطقة وتنلزمين ههههههه
ولو رحتي لديالي لو لاي محافظة ثانية راح يلزموج عمج او اولاد عم ابوج ويكتلوج ..اني مطمئن من ناحيتج ماتسوين شي ...
يلة هسه معلينا بهذا الكلام بس شفتي شلون من تصيرين حبابة وتسكتين حفاظاً على حياتج اني راح اكافئك وادز عليج لتركيا كل فترة ... تبقين هنا شهر شهرين تتونسين انتي وريان وترجعين ..
__ اي صح ...
__ايي شوفي لازم انتي مطيعة وحبابة بعد مااحبسج بالعراق كل سنة ادز عليكم اونسكم هنا
__ شكراً ماتقصر ... ..
(( روتينا متكرر بتركيا كل يوم نفس القبلة ..وسيم مشغول بتجهيز الشقق والاتصالات مع المهربين ومامعلوم اي وقت يجي او يطلع .... كل مره يطب ويطلع شايل ويا فلوس كثيرة .. يكعد يحسب بيهم...اني مااسألة ولا ادخل المهم سامحلي ابقى هنا وباعدني عن اهله خلص الباقي مايهمني ....
زاد طمعة حتى الشقة لكاعدين بيها يريد يأجرها ويستفاد منها ..... واجا سألني ..
__ يلة شوكت ترجعون للعراق
__ ليشش نرجع ... مو حجزت فيزا 6 أشهر
__ايي واذا 6 اشهر كل عقلج تبقين 6 اشهر .. حضري حالكم هالايام ترجعين للعراق
__ احنا ما طلعنا مو تشوف طول وقتنا بالشقة ريان يلعب واني اطبخ ... طلعنا نشوف شي قبل لا نرجع للعراق ...(( كانت نيتي تختلف تماماً ... بداخلي فكرت لازم اطلع واحاول احفظ مكانات واحاول اسئلة اكثر عن طبيعة عملة .. لازم اجمع معلومات كافية عن الهجرة الغير شرعية (( التهريب)) ... لازم اتحرك اسوي شي مااريد أرجع للعراق ...))؟
__ ماشي غيروا ملابسكم اخذكم للماركات وافرركم شوية ......
(( غيرنا ملابسنا ... اني فكرت استغل تباهي وسيم وتفاخرة ... واجرجرة بالكلام واحاول احصل ولو معلومة وحدة عن التهريب وباي مكان أتم .!!!
__ يلة ما كملتوا ...
__ اييي اجينا ...يلةأمشي
__ تعال حبيب البابا اني الزمك
__ ما .. ما اريد ماما
__ كلة من وراج حقيرة ومسمومة خليتي الطفل متعلق بيج ويكرهنا اني واهلي...
__ وليش تكول علمتي ؟! ليش ما تكول ريان كبر وصار يفتهم ويعرف زين منو يكرهني ومنو يضربني ومن يشتمني يومية اكيد راح يكره اي واحد يأذيني
__ انتي علمتي وبعدين منو ضاربج لو مأذيج ؟! اهلي يحبوج وزينين وياج .... لا تضلين تزرعين براسة هيج افكار ماشي ليكرهج من ايدج لا تخلين ريان يحقد علينا
__ ايي ماشي .. يلة نطلع راح نتأخر
( اخذ ريان وطلعنا من الشقة ... اني ساكتة ووسيم يحاول كل شوية يفتح موضوع ويا ريان لو يحاول يلزم ايدة ويمعنة بسرعة يسحب ايدة بقوة ويجي يلزم ايدي.... ووسيم يعتقد اني ادفع ريان حتى يكره ابو ويبتعد عنة ..... تجونا بأسطنبول ... وتشجعت لان اخطي خطوة وانقذ نفسي ليش ساكتة ؟؟ ......وكلتلة
__ احنه وين هسه حلو هذا المكان
__ بتقسيم
__ انت اكيد تندلها مو
__ شغلي هنا
__ صحيح
__ كل جماعتي هنا
__حلو ما تفوتك شغلة ههههه
__ شايفة هاي الفنادق اصحابها كلهم مهربين
__ يعني متأكد لو سامع عنهم
__ دروحي شنو سامع عنهم غير داكلج اني وياهم ... تعرفين شغلهم شكد خير من الله التهريب مايوكف يوم عن يوم يزيد اكثر ..
__ ايي صحيح اشوف الله رازقك بس مو شغلك خطر شلون ماتخاف
__ اني أخاااااف ! كل عقلج ههههههه اني مااخاف من شي وين مااروح عندي استعداد اي شغل مو قانوني اذب نفسي بي ..
__هههههه شكد حلو ... يعني حسب معلوماتك ذولة هنا مهربين بدون علم الدولة
__ لا تعرفين اكثر بس هنا شغلهم من جوة العباية ومايهمهم ارواح البشر الي يهمهم الفلوس وبس
__ وانت منهم
__ اني علية اجيبلهم ناس تريد تهرب من العراق واوفرلهم شقق بتركيا وادزهم عليهم
__ واكيد الك ارباح
__ طبعاً ماكو شي بدون مقابل واساساً اخذ اضعاف ايجار الشقة منهم على يومين او ثلاثة
(( اسلوب التباهي واضح على وسيم وقررت استفاد من كلامة وياية ولو بس مرة بحياتي لازم اتعمق بالاسئلة هو كان ما مفكر ولو 1% راح اهرب .. كان مطمئن واستمر يحجي كلشي
..اثناء كلامة وياية عيني على الطريق اريد احفظ كلشي ...
وسيم باعتقادة خلص ابقى لبعد ايام بتركيا وارجع للعراق ... اني بداخلي قافلة نهائياً ان ابقى هنا لازم اهرب مهما كان الثمن مو مهم افضل كل عقاب واختار كل طريق خطر ووعر على ان ارجع لاهلة وارجع للحطام النفسي والجسدي !
...
بعد ايام ... وكل مؤة ينفتح موضوع لازم نرجع للعراق وياخذ قرار خلص لازم نرجع .... يمر وقت وينسى كلشي بسبب تعاطيه حشيش مركوانا ... اكثر وقتة خامل وهادئ ومايعرف شنو يتصرف ...
وايام مايرجع للشقة بسبب ضغط العمل
هدفة الوحيد بهاي الحياة يجمع اكبر مبلغ ممكن ... زاد طمعة وسعيه للحصول على المال بشتى الطرق ..
اغلب وقتنا اني ويان وحدنا ... وعلمني استخدم تطبيق الخرائط اثناء التنقل حتى يسهل رجوعي للشقة ...
__ اني طالع ويمكن اليوم مااجي ..(( الله اجمل كلام اسمعة هذا ! راح نخلص من وسيم يكون يومنا جميل بغيابة))
__ ايي بس ريان يمل وحدة هنا عادي تسمحلنا نطلع نغير جو شوية تركيا حلوة ولازم نستمتع بيها شوية قبل لا نرجع للعراق
__ايي استخدمي Gps واطلعوا بكيفكم ...
__ ايي علمني شلون ..(( اخذ موبايلي ..فتح تطبيق الخرائط ...وصار يشرحلي ))
__ هاي باعي تحطين موقعج بالمفضلة وين ماتروحين تكدرين ترجعين للشقة اي ابو تكسي تشوفي الموقع يجيبج لباب العمارة
__ حلوو ... تمام انت مموجود دائماً وريان يضوج هنا خطية
__ ايي اخذي طلعي بس لا تروحين بعيد ولا تنسين اسبوع الجاي ترجعون للعراق
__ عفية بس لا تكول ترجعين للعراق عوفنا يمك شنو مأثرين عليك
__ شلون ما مأثرين علية ماخذين على ايدي بشغلي وادفع ايجار الشقة واني مامستفاد شي لو ترجعون للعراق اكدر احصل كوم فلوس منها
__ ليش تفكيرك مادي ! مو هذا ابنك شنو مايستاهل يكون قريب من عندك
__وشكو علية ابني لو راح يم اهلي ... بعدين اهلي هم مشتاقين الة يومية يخابروني ويسألون علية
__اي صحيح ... شكراً لان علمتني هاي الطريقة
__ بس باعي ديري بالج على ريان والله اذا صار علية شي اطيح حظج وابحج واذب لحمج للجلاب ... كلشي ولا ريان اخذي ياكل ويلعب بس ديري بالج اذا ينطخ لو يبجي .. افتهمتي لو لاااااا !
(( صرت هادئة ويا ... اناقشة بكل هدوء .... وبوقت ليكون النقاش عقيم ويا اغلق الموضوع فوراً حتى اتجنب اي مشكلة .. هدفي وتخطيطي يحتاج الدقة والتركيز ...ولازم اكون ذهني صافي بعيداً عن المشاكل ... ..
طلع وسيم .. بعد ما علمني شلون احدد موقعي الحالي واكدر ارجع اي وقت اريد ... غيرت ملابسنا اني ووسيم ..
اخذتة لحديقة قريبة على العمارة ... كعدت على المسطبة وريان صار يلعب ...
__ لك علكيفك لا توكع ..ههههههه ( بنت شابة كاعدة يمي باوعت علية وضحكت ))
__ انتي عراقية ...(( باوعت عليها وابتسمت))
__ايي وانتي من وين
__ سوريا
__ اهلاً اتشرف بيج
__ تسلمين قلبي
(( تعرفت على البنت اكثر ... كانت مقيمة بتركيا تملك معلومات عن كلشي ..واثناء كلامنا وصلنا لموضوع او طرق التهريب ...
__ صدك يعني اكو ناس تطلع مو
__ اووو بالمئات او اكثر يوميأً ناس تهرب لليونان
__ زين اذا اريد اطلع شلون وين اكو مهرب مضبوط
__ وحدك ؟
__ابني وياية
__ صعبة وحدكم ومعك طفل ... التهريب خطر وناس تموت وبالاخص هسه جو صار بارد وماينحمل البحر
__ زين اكو طريق ثاني غير البحر
__ ايي عن طريق النهر بس هسه روحي لا تأخيرها اكثر .. قبل البرد شوفي احنا بالتاسع والبرد قارص لو تأخرتي اكثر ما يسمحولج تهربين وعندك طفل صغير مايتحمل الثلوج والبرد
__ لعد شلون ....صح هسه الجو بارد
__ايي ... سافري هالاسبوع لا تأجليها ابد ..
(( تأخر الوقت ...ترخصت منها واخذت ريان رجعت للشقة ...طول الطريق افكر بكلامها ...صح الجو بارد واني وياية طفل مايتحمل البرد لازم اهرب هذا الاسبوع !
لازم استعجل افضل ماايمنعوني من للتهريب واكون مجبورة ارجع للعراق ..... ..
دخلت للشقة ...ريان نام واخذتة على فراشة ..وصلتني رسائل على الماسنجر ...
رحت ركض على الموبايل خايفة وافكر ممكن هذا وسيم راسلني بعد ماعرف افكر اهرب ! ...
فتحت الموبايل
والصدمةةةةة
رسالة من حساب رونق ؟؟( استغرب اتذكر اخر شي حظرتني بدون ماتذكر السبب ؟! ليش رفعت الحظر ورجعت تراسلني ))
فتحتها ......
(( هلاوو حبيبتي شلونج .. اعذرينا لان حظرناج وابتعدنا عنج انتي ماتعرفين شنو صار .. واللة نحبج ومانسيناج ..بس احنا مجبورات واتمنى تسامحينا ..
ضحكت ... ذبيت الموبايل من ايدي واضحك بقوة ...فرحانة لان اخواتي رجعوا يتواصلون وياية ... رغم كل محطات حياتي الصعبة مريت بيها واستطاعيت اتغلب عليها وحدي ما زالوا اخواتي اقوى دافع معنوي الي ...
جاوبتها بسرعة ...
(( حبيبتي اني الحمدلله مشتاقتلكم والله ... اكيد مسامحتكم ..بس شنو الصار خما بيكم شي ))
(( حبيبتي عادي اتصل عليج كلام هواية مو مال كتابة )
(( اوك عادي ماعندي شي .. )) اتصلت فوراً عليها ..
__ حبيبتي رحمة شلونج ...ابنج شلونة مشتاقتلج والله
__ اني اكثر عمري .. بخير اذا انتو بخير ...زوجج اطفالج شلونهم
__كلنا زينين ... الحمدللة شكو ماكو
__ اي شنو صار وحظرتوني بدون سبب
__ باعي رحمة من حجينا وياج ذيج المرة زينة عرفت وكالت لعمو حازم دز علينا كلنا واجتمع بينا ورزلنا والله شسوة بينا كال اي وحدة تتواصل ويا رحمة اكول لزوجها يطلكها وياخذ اطفالها منها واشمرجن بالشوارع .. والله احنا نخاف مستقرات ببيوتنا ماصدكنا نخلص من زينة وعمو حازم تخيلي نطلك ونرجع الهم هاي اذا قبل
__حقكم والله ... مو مشكلة المهم هسه شلون تتواصلين وياية خاف هم يأذيج
__ قطعت علاقتي بيهم وحتى زوجي هم ابتعد عنهم وكال معلية بعمج اخذي راحتج وتواصلي ويا اختج ...واني ركض راسلتج هههه وين ماوين انتي هسه
__ اني هسه بتركيا ... طلعت من العراق واخيراً هههههه
__ صدك ... الحمدللة خلصتي لا ترجعين بعد بس شعجب طلعتي
__ وسيم دز علية حتى يشوف ريان واجينا هنا مؤقت
__ اييييي اخلصي ابد لا ترجعين العراق مينعاش بي بعد ... صعبة الحياة حيل هنا ..(( صارت تحجيلي عن حياتها وتسألني عن وضعي ..
ووصل الحديث لسؤالها المتعمد والمقصود .
ولأكبر خطأ اقترفتة بحياتي هو جواب عن سؤالها بالتفصيل الممل !!! ..
اييي رحمة وين انتي بتركيا هسه
__ اني بأسطنبول
__الله تجنن أسطنبول رجلي يريد يجي هالايام لتركيا واني هم راح اجي ويا اريد اشوفج
__ صدكككككك ؟ الله معقولة والله ياريت معقولة راح اشوفج شكد مشتاقتلج
___ ايي والله اريد اشوفج ميتة على شوفتج وشوفة ريان حبيبي صار رجال وبعدني ماشايفتة بس دزيلي الموقع
__ هسه ادزلج الموقع ياريت والله تجين واشوفج ... عندج واتساب مو ...
__ ايي دزي على الواتساب
__ ماشي راح ادزلج من رقمي التركي الجديد مو تنصدمين ههههههه (( دزيتلها الموقع ...واني كلش فرحانة اتمنى اطير من الفرح مامصدكة ... ))
__ حفظت الموقع نجي نتونس هالايام واجي يمج والله
__هلة بيكم ..يوم عيد من اشوفج ..بس احجيلي شنو الاخبار الجديدة ذاك اليوم ما حجيتوا شي بس رؤوس اقلام وبعدها حظرتوني
__ اووو ولج مين ابدي هههههه كومة اخبار عندي ابلشلج بزينة كل سنة تحبل ويوكع الطفل مايبقى أبطنها ابد ودتموت على ريحة الطفل ...
__ اي حيل ..حوبة ذاك الطفل الوكعتة هي وامها من جام العار بالسجن
__ اييي ولج واخوانها راحوا اربعة ارهاب وواحد منهم ترك القاعدة وانضم لمليشيات ثانية .. وامها صار بيها سرطان الثدي بصدرها اثنينهن وكصوهن .
__ عزززة صدك ...
__اييي اسمعي واختها الصغيرة لزموها ويا ابن الجيران وصارت فضيحة بالمنطقة كلها درت بيها واهلها ماكالوا شي راحوا على الولد وجبروا يتزوجها واخذها ... وامة تكرهه تموت منها مشوفتها الويل يومية مشكلة..
__ وزينة ما انفضحت
__ هههههه لج شتنفضح غير متلتلة بالذهب ومسعدة منو بسعادتها لج الاملاك والفلوس والبيوت كلهن عمي حازم زورهن وصارت بأسمه.. يعني تخيلي حتى اراضي بابا زورهن عمو حازم وكلشي صار اصولي ورسمي ..
__ ليش ؟ماكو قانون مثلاً يلعبون بكيفهم
__ منو يحاسبة ؟ ههههه عمو حازم قدم على الكلية العسكرية وصار ضابط ورا ماانهزمتي وهسة يداوم بالرمادي والله قهر محلات بابا كل وارداتهن بجيبة واحنا كلشي ما النا ...
__ حسبي الله ونعم الوكيل
__ ايي خل اذكر بعد شصار .. هااااا اتذكرت سامي السوا مشكلة ومن ورا انضربتي حيل وتزوجتي طه لج مات موتة يبووو خابروا حتى يطلع يفزع لصديقة اخذ سلاحة وطلع وخرطوا خرط بمكانة
__ حوبتي والله ماانسى شسوا بية .. ماانسى شلون يضربني ويسحل بية من شعري ويدفع عمو حازم علية ... يحلف كذب حتى يقنعهم اني احجي ويا الولد بالباب تخيلي
__ اي والله حوبتج لعد ابو رعد ابن عم بابا هذا شسوا عليج ولج جان يتوسل بيهم حتى يكتلوج .. ومن انهزمتي طلع من المنطقة يكول نسوانهم كلهن كح..اب ولج ابنة مصادق وحدة مطلقة يروح لبيتهم وينام وياها واخذتة النومة واجة ابو البنية يدك بالباب على بنتة لغرفتها وماكو مجال ينهزم ولا مكان يختل بي ... المهم شافوا وصارت مصيبة بنفس اللحظة ابوها خابر الشيخ وعقدلهم وحبسة ابيتهم الا اجة ابو رعد بنفسة شسوة بيهم ..
(( اكثر الاخبار حلوة ... طمنتني كل شخص تكلم عني بسوء واستغل ضعفي وقلة حيلتي اخذ جزاؤه العادل بالدنيا قبل الاخرة ...
رونق صارت جزء من يمي ...
اول ماافتح عيني الصبح اتصل عليها
كل مكان اروحلة التقط الها صورها وارسلهم اول ماارجع ..
كل تفاصيل يومي اشاركهم وياها ...
وسيم انشغل اكثر بشغلة ...
او جمع النقود بعدتة اكثر علينا .. ايام مايدخل للشقة ..
وام وسيم مستمرة بأتصالاتها علية ..
__ شبيج ممصدكة اخذج وسيم لتركيا مشايفة حقج منو دازح لتركيا بنت فكر وتبقين بنت فكر ..حيوانة شوكت ترجعين مو كافي صارلكم شهرين بتركيا
__ عمة وسيم يكول تخلص الفيزا مااتكم وارجعكم حرامات هسه ترجعون
__ ايي وشكد هاي النعالات
__6 اشهر
__ يمااااااااااااا (( شهكت بطريقة مخيفة))
6 أشهر شنو ... لا عيني ارجعوا بسرعة احنة مشتاقين لريان وميتين على شوفتة حتى جدة يكول ضايعين بدونة
__ ماشي
(( مجرد ماا تكلم وياها اتشجع اكثر واندفع اكثر للهروب ... اخذت ريان وطلعت من الشقة ...رحت لنفس الشارع لاخذني وسيم الة ... دخلت لاحد الفنادق ... صاحب الفندق عراقي كوردي.. وفهمت من كلامة ! واتذكرت كلام وسيم اكثر المهربين هنا أكراد ؟! توقعت هذا ايضاً احد المهربين لان وسيم اثناء مرورنا لهذا الشارع أشأر بأصبعة على هذا الفندق ايضاً وكال كلهم هنا مهربين وممكن كان يقصدة
تقربت يمة ... وسألتة ...
__ السلام عليكم
__ وعليكم السلام
__ اخوية ممكن سؤال
__ تفضلي
__ اكو شخص هنا يكدر يوصلني لليونان
__ اهاا حلو منو دزج علينا
__ عن طريق ناس حمدوا بيكم هواية
__الله يسلمج ويسلمهم ...تعالي هنا ( دخلني لغرفة ثانية ... نطاني رقم وذكرلي أسمة .. انصدمت وضليت أتلعثم بكلامي
. اني اعرف هذا الاسم هو الاسم المستعار او الاسم الحركي لوسيم بالتهريب ..اني سكتت ما حجيت شي ...انخطف لوني فكرت راح يتصل على وسيم هسه ويجي يشوفني ويقتلني بدون تردد ))
__ هاا شنو لااا مااريد هذا عفية
__ ليش هذا خوش ولد ويدزج على ناس ثقة ومضمونين
__ لاااا اريد غير واحد ... ناس اقاربنا راحوا ويا معارفة وماوصلوا بسلامة انطيني غير شخص فدوة الك مستعجلة واللة
__اتركي رقمج يمي ... اني ادبرلج ولد ثقة وادزة الج
__ لاااا كول اسمة بل اول وبعدين دزليا
__ تمام ... اتركي رقمج هنا ..
((كتبت رقمي بقصاصة صغيرة تحتها مااعرف شنو كتب ...
طلعت من الفندق واني اعيش شعورين ...شعور الخوف لو مااعرف عمل وسيم واسمه المستعار كان ممكن قادني حظي الة وقتلني خلاص ...
وشعور الفرحةةةة ...فرحانة كدرت انقذ نفسي من وسيم ولان تشجعت وتحركت هاي الخطوة وصرت ابحث عن شخص يهربني بكل ثقة واصرار .. هالمرة عازمة لازم انفذ هاي الفكرة لبراسي .. اني رحمة الشجاعة بعمر اصغر وبوقت اصعب كدرت اهرب من عمو حازم واعيش هاي السنين ! هسه صار موقفي اقوى ...كدرت اعرف كلشي واوصل للمهربين بنفسي ... ليش اخاف ؟! وليش اضعف!! اني لازم انقذ أبني من هاي البيئة ومن هاي الحياة !
بعد أيام قليلة ..
الحياة مستمر كما هي ! كل يوم نفس السابق .
واقترب موعد رجعونا للعراق
طول يومي بقلق ..... انتظر رسالة او اتصال من صاحب الفندق لازم اهرب قبل لا يخلص هذا الشهر !
ام وسيم صارت تضغط اكثر علية وعلى وسيم حتى نرجع ...واساساً مر 5 أشهر واحنا بتركيا أي اخر شهر بتركيا وغيابي عن البيت 5 أشهر فترة صعبة جداً لان اعتمادهم علية بكل شي داخل بيتهم ويحتاجون ارجع بسرعة باعتبادي (( خادمتهم لا أكثر ))
اما وسيم رافض تماماً نعيش ويا بتركيا ..
بين كلمة والثانية يذكرني بعد شهر وترجعون لا تفرحين ..
ترجعين وتصيرين خدامة لأمي غصباً عنج !
امي خطية ابقي يمها وساعديها ...
لا تحرمين ريان من اهلي وتقربي الج رجعي لحضن امي حتى يعوضها مكاني ...ووووووو .....
بأحد الايام اخذت ريان للحديقة مقابل العمارة ..
والبنت السورية موجودة ...استدعتني لشقتها حتى نشرب القهوة ..
___ يلة نروح للشقة نشرب القهوة وندفى اكثر الجو بارد
__ والله مااكدر زوجي يجي اي لحظة وقتة مامعلوم
__ طيب اتركي موبايلك مفتوح وبس يرن روحي بسرعة يلة وياية لا تفشليني
__ ماشي بس نشرب قهوة وارجع بسرعة قبل لا يجي ويسوي مشكلة
(( رحت لشقتها .. البنت لطيفة بمعنى الكلمة ... ضيفتني بأحسن ضيافة ... فرحانة بية جولتني بشقتها ..ريان يلعب ...
موبايلي صامت ... حطيتة كدامي على الميز ونسيت تماماً اغيرة الى وضع عام .... شربنا القهوة وتبادلنا الحديث باوعت صدفة على موبايلي وسيم يرن .... فزيت من مكاني واخذت الموبايل وفتحت خط ..
__ هااا الووو
__ انتي وين قنادر وين ماخذة ريان وين رايدة تروحين بي ...
__وين اروح ...اني يم صديقتي بالعمارة الكدامنا هسه اجي
__ بسرعة تعالي والله اليوم لا اطيح حظج (( سديت الخط ...ترخصت وطلعت بسرعة ... رجعت للشقة وشفت وسيم واكف بالباب وكالب وجهة وعيونة تجدح نار من العصبية ... اني وكفت بمكاني ومااعرف شسوي اذا ادخل للشقة متأكدة راح يضربني لان هو واكف بالباب ولازم افوت من يمة ... زين ابقى واكفة بمكاني هذا مو حل شسوي هسه ياربي اني ليش جهازي صامت شلون نسيتة ))
__ وين جنتي
__ يم صديقتي واللة
__ هااا يم صديقتج يا صديقة هاي ؟! جاوبيني يا صديقة هاي
__بنية سورية تعرفت عليها من اخذ ريان للحديقة
__ وعايفة مهجومتج ورايحة ماتكولين انظف الشقة ! ماتكولين اسوي زقنبوت
__ بس علكيفك... لا ترفع صوتك بالعمارة كلهم سمعوا مشكلتنا ...
__ طبة مرض اليسمع .!؟ دايحة ساقطة ادبسززز عايفة بيتج ودايحة هنا وهنا((استغليت انفعالة وعصبيتة ودخلت ركض للشقة ))
__ ايي شبيك الشقة نظيفة والله مابيها شي شوفها
__ ها يعني معقولة ماعندج ملابس وسخة بالغسالة مو ؟
__ والله كلشي نظيف صدكنييييي
__ وماتكولين يجي كلب ابن كلب للشقة يريد اكل يريد ياخذ دوش يريد يرتاح
__ وانت ليش ما تنطيني وقت محدد تجي بي !؟ اني شعرفني عنك شوكت تطلع وشوكت تجي ؟ صار 3 ايام انت مااجيت علينا
__ باعي انتي استهرتي وطلعت عينج اني صوجي جبتج لتركيا ... كل كح.بة مثلج تجي هنا تطلك من رجلها تعرفين ليشش مو ؟! لان مثلج كح.بة وتخاف من اهلها وهناك يكتلوها لاصميها على حلكها مكعديها الكح بة مثلج هناك يكتلوها تجي هنا تنتقم وتعوض
__ وشدخل الطلاك بالنص
__ شلون شدخلة الطلاق ؟ هنا تاخذن راحتجن وتفرفرن بكيفجن والقانون وياجن هنا العراقي ميكدر يحجي ساكت يشوف ويسكت ... ايي مو رادوا يكتلوج هناك مو عمج راد يكتلج جاوبيني وهنا بتركيا اخذتي راحتج وتفرفرين بكيفج شوفي الفرق
__ عليمن تقصد؟ اني شعلية
__ اقصد العراقيات العربيات مثلج
__ انت شكد سخيف تره عادي العربية والكوردية تطلك وين العيب بالموضوع ؟
__ اكلي قنا.در ولا تجيبن طاري الكورديات! داحجي عليجن الك.حاب تدرين انتن تنولدن بالفطرة كح.اب صدكي
(( تركتة يحجي ودخلت للمطبخ ... وسيم عنصري جداً !! وعندة تعصب مو طبيعي اتجاه القوميات الاخرى ... دائماً يعتقد ان لازم يقسم البشر ويصنفهم على أساس قومياتهم بأعتقادة كل شخص عربي سيء ؟! وكل شخص كودري جيد .... من اكثر الاعتقادات الخاطئة !! طالما ان الناس مختلفين و غير متساوين بصفاتهم الجيدة والسيئة ؟! وشيء طبيعي نجد هذة الاختلاف داخل البيت الواحد وليس على القومية فقط .!!!!
وحتى داخل كل أنسان جانب جيد جانت سيء ؟!
لكن وسيم اعمى رافض تماماً هاي الفكرة وحتى يرفض فكرة يخوض نقاش ويقدم ادلة على كلامة او مقايسسة المستخدمة ! كلامة واحد ...او فكرة واحد رغم اطلاعة وسفرة وتكوينه لعلاقات جديدة مع مختلف القوميات والاديان والبلدان الاخرى ....
اجة وراية للمطبخ ...
كنت اطبخ مركة السبيناغ (( السبزي ))
وحطيت جدر التمن على الطباخ ...
اني عرفت اجة حتى يكمل المشكلة او يستفزني اكثر لان مااهتميت لكلامة وتجاهلتة تماماً بدون اي رد ..
__ انتي تعرفين منو يشتغلن ببيوت الدعارة
__ ميخصني اعرف !!
__ بس تعرفين احسن ... جماعتج العراقيات هنا
_ واني شعلية بيهن ؟ شفتني هناك ؟شفت امي ؟اختي ؟عمتي؟ خالتي ؟ جديات جاوبني اني شعلية
__ تعرفيهن يسرق ازواجهن ويجن هنا ينهزمن من العراق ..(( باوعت علية يحجي بهدوء واضح مفعول مركوانا مخدرة بالكامل ....))
__ اني شنو دخلي
__ صاحبتج اكيد كح.بة! اكيد باكت رجلها ونهزمت منة مو ؟جان سالتيها من وين تصرف اكيد كو.اويدها يصرفون عليها
__ اني مو مثلك مااسأل على الماضي وميخصني
__ طبعاً لان ماضيج خر.ة .ههههههههه الله يساعدج ماضيج اسود لو اني بمكانج اكتل نفسي
__ كاااافي كافي مواضيعك مملة وتفكيرك عجيب تتهم الناس بدون اي دليل
__ حتى الشباب العراقيين هنا زبايل ..
__ انت هواية حجيت على العراقيين والعرب ؟ شنو نسيت كل المهربين هنا اكراد اوك نكدر نعمم ونكول كل الاكراد موزينين اكيد لا بيهم ناس شرفاء وناس وسخين !؟
__ ماكو ربط بكلامج .... هاي تجارة وحد وتحتاج شطارة مو اي واحد يضبطها ...
__ يعني تجارة البشر هاي شطارة مو !!!
__ لا الشطارة نسوانكم تصير ك.حاب وببيوت الدعارى وشبابكم مثليين ويلعبون بيهم هاي شطارتكم مو
(( استمر نقاشنا اني ادافع عن العرب وهو يدافع عن الاكراد ... اخر شي مااتحمل كام من مكانة وطشر جدر التمن والمركة بالكاع ... اخذت ريان ودخلت للغرفة تركت كلشي بالارض ...سديت الباب حيل وقفلتها .. اسمعة يصرخ ويدك الباب حيل ...ما جاوبتة فتحت اغاني نور الزين واني من عشاق هذا الفنان ...
وسيم زاد صريخة ..رفعت الاغاني ... ماطلعت من الغرفة لثاني يوم الصبح بعد ما سمعت صوت وسيم فتح الباب وطلع ...
طلعت نظفت المطبخ من الطعام على الارض ..
وصلتني رسالة من رقم تركي ...فتحتها ..
(( السلام عليكم ...هذا رقم المهرب .. وكل يومين عندة رحلة اتصلي بي واتفاهمي ويا ..))
حفظت الرقم بجهازي وحظرت الولد الكوردي بسرعة ...
كملت كل شغلي ...كعدت ريان ...اكلنا وتحممنا سوا ...
كلشي بدأ يتنفس بالشقة بعد مايطلع وسيم منها ...بوجودة كلشي يموت وحتى الهواء يختلف ...
العصر طلعت اني وريان تجولنا بالشوارع القريبة على العمارة ... بعد نصف ساعة ريان كلش استبرد رجعنا للشقة ... والصدمة !!
اسوء لحظات بحياتي !
رغم كل لحظات حياتي سيئة
لكن سيء عن سيء يختلف بدرجات !
احياناً ممكن نتغلب لحظة ونتجاوزها !
واحياناً لحظة سيئة واحدة كفيلة بهدم الانسان بالكامل !
ومثل هاي اللحظة ما مرت بحياتي
هدمت كل حيلي ..
وكفت جامدة بمكاني
كلبي يرجف جسمي يرجف كلشي بية عاجز عن الحركة خايفة حيل احس ملك الموت كدامي خلص هاي اخر لحظاتي ومااعتقد بعد راح يحالفني الحظ واكدر اهرب مرة ثانية... الفرصة مرة وحدة بالحياة واني استغليتها مرة وعشت 9 سنوات بس هالمرة صعب حيل ومستحيل اتوقع راح عايشة بعد نصف ساعة من الان ...
شفت عمي حازم واكف باب العمارة واثنين من اولاد عمة ويا ... عينهم علية والشر طالع من عيونهم ....
شتتوقعون حازم شنو راح يسوي لرحمة وشلون راح ينتقم منها..؟؟؟
يتبع البارت القادم .... فضلاً وليس آمراً يرجى التصويت بنجمة أسفل البارت 😘👇
قراءة ممتعة ❤️