وهي حيرهَ ، وجهي درتهَ
بس إحساسي شلون أديرهَ !
قراءة ممتعة🤍
...................................................................
دموع:كاعدة وحاطة ايدي على خدي واحس جسمي حار غمضت عيوني وجسمي بايد حسيت بأيد حارة انحطت على جبيني فزيت چانت سيدرا
سيدرا:اسم الله اسم الله شنو هاي حرارتچ صاعدة
ابتسمت بتعب
:شوي صخنت لتشيلين هم
هزت راسها وركضت للمطبخ ابتسمت صارلها اسبوع عدنا ومشفت عليها شي مو زين بالعكس مونستني بوقت فراغي
اجت وبيدها طاسة
سيدرا:تمددي خلي اخليلچ كمادة
بدون كلام تمددت وهي صارت تسويلي كمادات شوي ودخل الكسار يلعب ويا داني بس شافني هيچ ركض حط داني بحضن اختة ولزم ايدي خايف
الكسار:شبيچ دمعة
:مبية شي بس صخنت
الكسار:كومي اخذچ للطبيب دموع لتبقين هيچ
:لا ماريد حباب شوي واصير زينة
ضل يلح علية واني ارفض اخر شي شالني وصعدني لغرفتنة وصار يسويلي كمادات وكل شوي وباس جبيني
الكسار:بعدها حرارتچ مرتفعة خلي نروح دموع
لزمت ايدة مبتسمة
:تعال نام يمي
تنهد وتمدد يمي سحبني لحضنة
الكسار:شصارلچ والله من اشوفچ تعبانة اتعب عليچ
:لتاكُل هم كسر مبية شي باجر اصير زينة
صار يلعب بشعري ويغنيلي اغنيتي ابتسمت حلوة بصوتة
نمت على صوتة محاسة بشي
كعدت الصبح على بوسات بجبيني تحركت منزعجة
:اوووف كسر خليني نايمة
الكسار:نمتي هواية كافي كومي حركي جسمچ
نمت على بطني وكلت بنعس
:مارييييد حباب نعسانة
حط ايدة على شعري وتقرب همس بأذني
الكسار:مو اتسرسر على گولتچ
بسرعة كمت اعرفة يسويها ويتسرسر طلعت غسلت وجهي وراسي صاير طبل نزلت جوة وكفت بباب الصالة من شفتة كاعد يمها يلعب بداني ماعرف ليش حسيت بشعور محلو بس بسرعة اتداركت الوضع ودخلت مبتسمة
:صباح الخير
ردو علية وسيدرا انطت داني للكسار وكامت وياية للمطبخ تساعدني بالريوگ
كملنة وكعدنة نتريگ داني بحضن سيدرا والكسار يلاعبة
الكسار:داني الحلو كلش يشبهچ الي يشوفة عبالة ابنچ
تجاوبة بأبتسامة
سيدرا:هو صار ابني بعد وكل حياتي معندي غيرة بهالدنيا
الكسار:لعد احنة وين بابا؟
بس كال بابا رفعت راسي اباوعلة بصدمة تركت الاكل من ايدي وصرت بس اشرب چاي وهو يسولف وياها حسيت وجودي بينهم غلط رغم البنية ممسوية شي وحتى عيونها مترفعها بوجهة من يحچي
تركتهم كاعدين وكمت احاول اهدي بنفسي
بس كمل طلع الكسار وهي وداني اجو يمي صرت اسوي غدة ونسولف ونضحك
مر يوم يومين واسبوع ثاني ونفس الحالة صرت احس وجودي غلط بينهم ومع هذا ابقى الكسار اهتمامة صار بس بيهم واني عبالك نساني چنت الهي نفسي بالقراية
بالليل كاعدين اني وسيدرا نسولفواخوها بحضنها يلعب بسيارة صغيرة شوي ودخل الكسار هي بسرعة نزلت راسها اني كمت حتى اسلم علية بس صدمني من راح سلم عليها ودنگ لحضنها باس داني مثل كل يوم
حسيت بأحساس محلو تركتهم وطلعت للمطبخ عيوني مدمعة اريد ابچي بس ماريد ابچي كدام احد حسيت الكسار نساني خلص
صرت الهي نفسي وگوة حابسة دموعي ثواني وانحضنت من ورة غمضت عيوني بقوة وهو باس رگبتي من ورة وهمس
الكسار:ليش مسلمتي علية؟
كورت ايدي وحچيت بزعل
:ردت اسلم بس انتَ منتبهتلي
الكسار:شلون منتبهت غير عيوني بس عليچ بس زحمة احضنچ وابوسچ كدامها
درت نفسي اباوعلة عگد حواجبة وكال
الكسار:شبيهم عيونچ حمر؟ باچية؟ منو مزعلچ
نزلت عيوني ادورلي حجة
:م محد بس چنت اسوي البصل
باس حنچي بهدوء واردف
الكسار:متأكدة
هزيت راسي بدون لا اجاوبة ودفعتة بخفة ورجعت الهي بنفسي صرت اسوي العشة وهو طلع راح للصالة
من كملت رحت صحتلهم كام وبحضنة داني وكال لسيدرا
الكسار:يلا بابا كومي اكلي
من يكول بابا احسة يأذيني هواية چان هالكلمة بس الية يكولها
كعدنة نتعشة بس هالمرة الكل ساكت وكل ما ارفع عيوني اشوف الكسار يباوعلي بقلق واني انزل عيوني عنة واحاول اكون طبيعية
تكرر هالشي اكثر من مرة وكل ميرجع للبيت يدنگ لحضنها يبوس داني
من القهر والتفكير الي اكل گلبي صارت تجيني نوبات صرع هواية حتى بالحمام صرت اوكع
مچنت اشك بيهم لأن مشفت شي مشبوه بس اهتمام الكسار بية قل وصار كل اهتمامة الهم
بالليل صعدت لغرفتنة غيرت ملابسي ورحت تمددت على الچرباية شوي ودخل بسرعة التفتت انطيتة ظهري ضايجة من عندة حسيتة نام وراية وحضني من ورة
الكسار:دمعة دوري وجهچ علية مشتاقلچ
خليت ايدي جوة خدي وحچيت بنتر
:مرتاحة هيچ اريد انام
بس كلت هيچ وخر عني وكال بعصبية
الكسار:شبيييييچ صارلچ ايام هيچ وضعچ
رديت بأستفزاز
:مبية شي بس اريد انام
جرني نومني على ظهري وكعد على بطني لزم ملابسي
الكسار:احجي شكووووو
بس عاط بوجهي انفجرت بالبچي ترك ملابسي مصدوم واني ابچي بحرگة بدون كلام
الكسار:شبيچ يبعد عيوني انتِ ليش تبچين
حچيت واني اناشغ
:م مابية شي ا اريد انام
حاوط وجهي وصار يبوس بخدودي قلقان علية
الكسار:دموعي لتحرگين گلبي عليچ حبيبتي فهميني شبيچ
رفعت ايدية حتى يحضني بسرعة افتهم وحضني بكل قوتة چنت محتاجة حضنة هواية هو ضل ساكت محتار شنو يسوي واني ابچي بصوت حاسة بقلق وعدم راحة حسيتة بعد ميريدني
قوة حضنتة علية ونطق بخوف
الكسار:شبيچ دمعتي مريضة متأذية شبيچ فهميني
حچيت بشهگة
:تعبانة وحيلي مهدود
وخر عني يبوس بأيدي
الكسار:احط حيلي على حيلچ بوية
بچيت بالزايد وهو احتار اكثر مچنت اعرف شنو اريد بس الي اعرفة مقهورة من عندة وبس
رجع حضني واني شوي شوي هدئت بقيت ساكتة وبس صوت انفاسنة مسموعة ابتعد عني يمسح دموعي بس مسحهم عصر فكي بخفة وباسني بشفتي
الكسار:تكدرين تحچيلي شبيچ؟
وخرت عيوني عندة كلت واني اناشغ
:م مابية بس تعبانة
طبع بوسة رقيقة على انفي وكال
الكسار:عسى تعبچ يتحول بية حبيبتي أمريني شتردين ويرجعلچ حيلچ
باوعتلة شفايفي ترجف وحچيت بغصة
:اريدك الك
رجع حضني يبوس بكتفي
الكسار:يمچ اني قلباً وقالباً دمعتي شعندي غيرچ
سكتت امشي ايدي على ظهرة رفع نفسة عني ولزم ايدي
الكسار:تردين اخذچ لمكان تشتمين هوى؟
هزيت راسي بلا ابتسم وصار يمسح بعيوني
الكسار:ليش متعبة عزيزاتي دمعتي ماريد تبچين حبيبتي تتأذين والله
درت وجهي عنة وهو رجع نام فوكاية
الكسار:اهتمي بدراستچ حبيبتي بقتلچ سنة وحدة ومضل شي ويبدي الدوام اريد تطلعين معدل يليق بيچ
مجاوبتة غمضت عيوني احاول انام دقايق وهو عبالة نمت صار يبوسني ويحچي
الكسار:شگد احبچ بس لو تحنين علية ماريد منچ شي اريد بس تبادليني الحب كل ماشوفچ كدامي اتگطع عليچ
ايدة صارت تمشي على فخذي واسمعة يهمس
الكسار:اريد طفل منچ يشبهچ اذا بنية اسميها ملكة حتى تصير ملكة الغوث لو توافقين چان صار عدنة ملكة واخوانها
سكت عني ونزل نفسة يبوس بفخدي تجمدت بمكاني كل يوم يتجرأ اكثر صح حقة هالشي ومو حرام بس ماعرف ليش مداتقبل هالأمر
نص ساعة وهدئ ضل نايم على فخذي مكدرت انام نار ومشتعلة بگلبي سيدرا معليها بس الكسار ديزودها بتصرفاتة والي خفت من عندة صار
خليت ايدي على شعرة وكلت بهدوء
:هيچ تنساني؟
دفعتة عن رجلي وكمت طلعت من الغرفة مادري شبية مخنوگة ماعرف اذا كانت هرمونات او لا بس تصرفات الكسار دتزعجني
نزلت جوة وسمعت صوت بچي جاي من ناحية الصالة عگدت حواجبي ورحت للصالة شفت سيدرا ترضع بداني وتبچي وهو يباوعلها ويرفع ايدة لخدها وجعني گلبي اكثر موتتني بكلامها
سيدرا:اشبع حبيبي اني موجودة واشبعك انتَ مو اخوية انتَ ابني اني ربيتك ورضعتك خفت عليك وضميتك بروحي يروحي
عيوني دمعت بس تمالكت نفسي رحت للمطبخ جبت حلويات وكرزات ورجعتلها كلت بأبتسامة
:ترحبون بية انتِ وداني لو لا؟
غطت صدرها ومسحت دموعها
سيدرا:اكيد تعالي
كعدت يمها وقربتلها الصينية
:كملي داني وتعالي ناكل ضوجة مو مال نوم
هزت راسها ساكتة وداني بس شاف الصينية وخر عنها وصار يلوح بأيدية ضحكت علية كعد بنصنة وصار ياكل ويلعب واني وسيدرا نباوعلة
:حياتي خلي ياكل بالعافية
ابتسمت بحزن
سيدرا:سودة علية انحرم من كلشي
:سيدرا هو انتو ليش خطفوكم عندهم عداوة ويا ابوكم؟
سيدرا:اي اجة واحد منهم يخطبني وابوية رفض وهددو ابوية يقتلو ابوية ما اهتم عبالة بس كلام بس صار الي صار اخذوني اني واخوية وقتلو اهلي واشك واحد من عمامي متعاون وياهم
:عزا شلون؟
سيدرا:قبل لينولد اخوية بشهرين ابوية وعمي تعاركو وفصلو تجارتهم وصارت بينهم عداوة بحيث ميبقون بنفس المكان وهذا عمي واحد مو تمام عندة سوالف مكسرة ويا خوفي هو من الي اعتدو علية لأن چانو يدخلون علية ملثمين هم
حطيت ايدي على صدري وحچيت برهبة
:لا يمة اسم الله ان شاء الله ماكو هيچ شي اتركي هالموضوع ولتزعلين نفسچ احجيلي اشياء حلوة عن حياتچ
دتريد تحچي ودخل الكسار يركض ويلهث طفرت وهو يعدل بملابسة ويكول
الكسار:دموع اني رايح عندي شغل ضروري اي شخص يدُگ الباب لتفتحو وراح اقفل الباب عليكم مو تخافون
:كسار الوقت متأخر
الكسار:بعدين اشرحلچ راح يجيكم باهر والمفتاح عندة لبسو حجاباتكم
كال هيچ وطلع يركض مفهمت شكو رجعت كعدت مستغربة
:الله يستر بس لا يصيرلة شي
لزمت سيدرا ايدي وكالت بهدوء
:الله الحافظ دموع لتكولين هيچ
هزيت راسي وسكتت بعدين تذكرت حيجي باهر طفرت لبست حجاب. ورجعت كعدت يم سيدرا واهز رجلي بقلق وهي حتى تقلل من خوفي لزمت ايدي وصارت تحچي
سيدرا:احچيلچ اشياء حلوة بحياتي؟
هزيت راسي وهي كال بأبتسامة
سيدرا:چنت احب ابن عمي وهو يحبني بس والله حب بريئ حتى منلتقي ومن تصير عزيمة اهل ونتقابل واحد ميباوع للثاني خاف يصير حرام بس چان يدزلي رسائل ورقية بس من صار هالشي احس نفسي حتى هو كرهتة
:هو معلية سيدرا ليش تكرهي
سيدرا:لأن هم رفض يستلمني دموع وكال عني كلام محلو
سكتت شنو اريد اكول شوي وسمعت صوت باهر
باهر:يالله يالله يا حريم
:تعال بهوري الطولول تعال
دخل عاقچ وجهة
باهر:على اساس رجلچ مو طولول چنة شبة فگر
ضحكت وهو تحمحم وكال عود صار مؤدب
باهر:السلام عليكم شلونچ سدرة
جاوبتة وهي تنزل راسها
سيدرا:الحمدلله انتَ شلونك
ديجاوبها ودخل زياد لعبانة نفسة وينكت بملابسة
زياد:خليتني انزل الكارتون وانمليت تراب
باهر:اوي سوسن اعذريني دطير لك مو زين وجبتك وياية بعد فعايلك الزفرة يا زفر
كلت معاجبني
:باهر شعندة جاي؟
باهر:يولي سوي نفس متشوفي
كعدت واحنة واحد يخزر بالثاني وباهر يلعب ويا داني
باهر:دموع شنو سويتي بموضوعنة؟
غمزتلة اضحك
:دالح براس الكسار اعتبرة صار
باهر:ذيبة بنت ذيبة
ضحكت ردت احچي واجة صوت زياد
زياد:بنت رقاصة قصدك
باوعتلة ببهوت واحس دمي يغلي
:انتَ شنو هالسوء الي شايلة شكد حاقد
نزل راسة وباهر دفرة ومادري شنو حچة ويا وفشلة
بقيت ساكتة وكلها سكتت بس صوت داني بالمكان
مر وقت هواية واحنة گاعدين على نار محد نام
الساعة 4 الفجر يلا دخل الكسار مليان تراب واضح تعبان طفرنة كلنة اشرلنة نكعد راحو كعدو بس اني بقيت واكفة ابتسم رحت وكفت بصفة وكلت بقلق
:شبيك
سحب راسي باسة واخذني كعدنة سوية باوع لباهر وكال
الكسار:لزمتة بس غدروني وشرد من ايدي
ضرب باهر ايد بأيد وكال
باهر:شنووو هذاااا جنييييي كل ما نلزمةةة يفلت شكم مرة انلزم وشرد
طلع سلاحة واردف بنبرة حادة
الكسار:انوب اذا لزمتة طلقة براسة وافضها مللني ابن الكلب
لزمت ايدة وكلت بعدم فهم
:الثعلب لو منو
الكسار:اكو غيرة ابن القندرة
سكتو كلهم شوي ورجعو يحچون اشتد كلامهم والكسار راد يعيط بس بسرعة حطيت ايدي على حلگة باوعلي معصب ومستغرب
:اشششش داني وسيدرا نايمين شوف
كلها باوعتلهم چانت نايمة وهي كاعدة وداني بحضنها وحاط راسة على صدرها متت عليهم
الكسار:كومي كعديها خلي تصعد لغرفتهم خطية
هزيت راسي وكمت بس خليت ايدي على كتفها فزت وحضنت داني بكل قوتها
:هاي اني سيدرا اني دموع
غمضت عيونها براحة
سيدرا:ها دموع
:كومي نامي فوك تكسر ظهرچ
هزت راسها وكامت صعدت فوك كاسرة خاطري بشكل
شوي وراحو زياد وباهر وانتبهت الكسار ميحچي ويا زياد صعدت فوك جهزتلة ملابس يسبح
سبح ولبس چان شعرة ديطلع من جديد صاير كلش حلو عليه
بقيت واكفة اباوعلة هو كمل والتفت علية مبتسم فتحلي ايدة بسرعة رحت دخلت بحضنة نعسانة
:مكسرات تعال ننام
شالني اخذني للچرباية تمددنة وهو صار فوكاية
الكسار:لازم ابوسچ بوسة ما قبل النوم
قبل لا اجاوب باسني بشفتي عصرت ملابسة بقوة ابتعد وتمدد يمي
الكسار:احبچ
:احم كسوري
الكسار:عيون كسورچ
:انتَ تحب سيدرا؟
ابتعد يباوعلي عاگد حواجبة
الكسار:اختي؟؟
شفتة معجبة سؤالي حضنتة وسكتت اخر شي نمت متحملت
ومرت الايام كما هي ابتدة دوام السادس رجعت اداوم قل اهتمام الكسار بية ومحد ملاحظ انزعاجي من هالشي بس چنت اسكت ماكو بيدي غير السكوت
چان من يرجع يتخطاني ويروحلهم وبالليل عود ياخذ راحتة وياية يضحك ويسولف هواية تغير علية واني چنت بس انقهر
اليوم جمعة كاعدين اني وسيدرا نسولف شفت الساعة صار وقت رجعتة بسرعة اخذت داني بحضني وكلت
:انطيني هالحلو
خليتة بحضني حتى من يبوسة يبوسة بحضني وهي مكالت شي بالعكس
شوي واجة الكسار
الكسار:السلام عليكم
ردينة السلام واني اتوسعت ابتسامتي من تقدم علية گرص خدي ودنگ باس داني بحضني عبالي حيگعد يمي بس صدمني من تركني وراح كعد بصف سيدرا يحچي وياها هنا حسيت خلص الكسار نساني وبعد ميريدني
عصرت ملابسي واباوعلهم بكسرة وعيوني مدمعة هو يضحك وياها وهي عيونها مترفعها بعيونة بقيت اباوعلهم بتمعن وگلبي يحترگ ومحد مهتم لوجودي
لحد ما رفع راسة واجت عيونة بعيوني المدمعة چان يضحك اختفت ضحكتة وركز عيونة على ملامحي نزلت عيوني وكمت ارجف من القهر حطيت داني بحضن اختة وكلت وبصعوبة خفيت غصتي
:ا اني رايحة ادرس عندي هواية دراسة
كملت كلامي وباوعت للكسار نظرة خاطفة چان يباوعلي بقلق تركتهم وصعدت للغرفة مردت ابچي ماكدر ابچي
طشرت كتبي بالارض وكعدت اشخبط وافكر
نساني؟ سواها بنتة يعني صار عندة بنية غيري يهتم بيها لعد واني؟ مو اني رباني مو يكول يحبني
قاطع تفكيري صوت الباب وهو ينفتح رفعت راسي شفتة الكسار بسرعة نزلت راسي ورجعت اشخبط
كعد يمي ومد ايدة يمسد على شعري
الكسار:دموعي شبيچ
بلعت غصتي وهزيت راسي بلا لزم ايدي الي اشخبط بيها وكال بهدوء
الكسار:بيچ شي جوة چانت ايدچ ترجف وعيونچ مدمعة ومن حچيتي صوتچ چان بي غصة
مجاوبتة بس احچي شي ابچي نترت ايدة وكمت فتحت الكنتور الهي نفسي ب أي شي وهو ضل صافن علية كام وحضني من ورة
الكسار:فهميني شبيچ
دفعتة عني وكلت
:مابية شي اريد ادرس
الكسار:تعلميني بدمعتي ولچ؟ احچي
مگدرت اتحمل التفتت ودفعتة من صدرة بكل قوتي وحچيت بعصبية
:ماااااابيييييةةةة شيييييييييييييي سمعتتتتتتتتتتتتت لووووو اعييدددددددد
لزمني من زندي بقوة معصب
الكسار:شبيييييچ تعييييطييييييننننن هااااااا
نترت ايدة ورجعت دفعتة بحرگة
:عوووووفيييييي وروححححلهااااا اضحك وياها واحچي
هدئ من استوعب شنو اقصد نزل نفسة لمستواية وكال
الكسار:تغارين من سيدرا؟
بس كال هيچ تخبلت ضربتة على صدرة بكل قوتي
:لييييشششش اغااااار منهااااا شنوووو ناقصني انييييي هااااا
عصر شفايفة مسكتني واردف يعض شفتة
الكسار:تخبلين انتِ
دفعت ايدة عني معصبة
:وخرررر عنيييييي حروح للريس ابقى عندهم وانتَ اخذ راحتك ويا بنتك الجديدة
من كل عقلي ردت اطلع بس سحبني من خصري يضحك شمرني على الچرباية ونام فوكاية
الكسار:معقولة تغارين عليةةة ولچ
متحملت غطيت وجهي بأيدية وبچيت
:انتَ نسيتني صرت متحبني بعد ومتريدني هم
الكسار:اني ميت بيچ شنو ماريدچ
:وخر عني تغيرت علية هواية صرت بس بالليل تحبني انتَ صرت سحير الليل مو سلوى
ضحك بصوت وصار يبوس بخدودي
الكسار:والله مو قصدي اهملچ بس سيدرا صار عندها حالة نفسية بسبب الصارلها شفت باليوتيوب لازم نحچي وياها دوم وماتبقى وحدها لأن نخاف تنتحر
بس سمعت الي كالة هدئت وهو صار يعتذر مني
الكسار:اسف وما اعيدها واصلاً سيدرا واخوها رايحين
باوعتلة بصدمة
:وييييين؟؟؟
الكسار:بمكان أمن اكثر ماكدر اخليها هنا خطر عليچ سيدرا مطلوبة من الثعلب
:بس اني اريدهم
الكسار:ميصير دموع لازم يروحون ان شاء الله كل فترة اجيبهم الچ
زعلت لأن حيرحون لأن چانو مونسيني بالبيت
وصدك بعد يومين ودعتهم وراحو كعدت بالصالة ابچي عليهم رجع هالبيت وحشة علية وبس اني بي
صرت الهي نفسي بدراستي بوقت غياب الكسار صح چان صعب بس المهم انجح
:مرور زمني سنة 2014
كاعدة بمقاعد قسمي وايدي على خدي وافكر شنو اكل اليوم برياني لو بامية لو اكل مرگة شجر احسن
فرزني من صفنتي تصفيق حار صرت اصفگ بدون ما اعرف شكو
طبعاً خلصت سادس بمعدل 77 اختاريت ادارة واقتصاد
طول هالفترة چنت بين فترة وفترة اقابل سيدرا وداني قررو يسافرون والكسار ديحاول يسويلهم جوازات سفر حتى يطلعون من العراق زياد بقت علاقتي ويا كما هي واحد كاره الثاني اما باهر بعدة يحاول يقنعهم بحبيبتة واني احاول هم وميقبلون ماعرف ليش هيچ رافضيها حتى لو اهلها مو زينين ترة همة هم عصابچية
انتهى الدوام واجة الكسار علية صعدت بالسيارة مبتسمة
:كسرسر ابو التسرسر شلونك
الكسار:دمعمع ام التچفص زين شلون يومچ
:يتعب شنو هاي خلصت من السادس اجتي الجامعة
باوعلي بعين ونص معاجبة
الكسار:وينچ وين التعب بعد وراچ 3 سنوات
مديتلة لساني وسكتت وهو يضحك علية اخر شي تذكرت طفرت حضنت ايدة وحچيت بدلع
:كسوري مصار الوقت؟
الكسار: يا وقت؟
بست كتفة واردفت
:شوف صارلي 3 اشهر اداوم مصار الوقت تكول وين اخواني وهاي
باوعلي بخزرة وخرني عنة وكال
الكسار:انلصمي
كعدت متكتفة واتأفأف من نجحت من السادس لهسة الح وهو ميقبل يكول بس يكول مو هسة
وصلنة للبيت نزلت ضايجة وهو ساكت بس دخلنة عطت
:شوكتتتتت بعدددد موووو گلبييييي خلص والله مشتاقتلهممم والله حتى الطين مصار يگدر يصبرنييييي على غيابهم حباااااااب تعبت
تكتفت صافن علية ويتنهد كعدت بالأرض ابچي
:والله گلبي طگ عليهم وروحي تعبت ميتين ومتقبل تكول؟
كعد كدامي يمسح بدموعي
الكسار:لتستعجلين دموع الاستعجال يخرب كلشي
:لشوكت الله يخليك لا انتَ تقبل تكول لا باهر لا الريس ملك مات وفرح ماتت ويا موو
حضني بقوة يهدئني
الكسار:فترة وتعرفين كلشي بس عيونچ كافي دموع قبل اسبوع رجعلچ نظرچ
دفعتة عني وصعدت للغرفة ابچي بحسرة مشتاقتلهم هواية حيصير فوك ال8 سنين مشايفتهم اكيد هسة تغير شكلهم مثل ماتغير شكلي
نمت واني اشهگ تعبانة على فراگهم وداتعب اكثر
صرت ما احچي ويا الكسار يحچي وياية واني مارد وهو يضل يلوب يحضني ويبوسني ويتوسل بية انطق كلمة وحدة واني ولا احچي
اليوم كالعادة داومت واني ما احچي ويا وهو يلوب يحاول يتحرش بس ولا انطي مجال اريد اجبرة يحچيلي عنهم وشبيهم
وصلني ردت انزل بس سحب جنطتي حط بيها فلوس ورجع سحبني باسني وكال
الكسار:انتبهي على نفسچ
وخرت عنة ونزلت وتسمع صوتة يستغفر تركتة ودخلت
مرت محاضراتي بشكل طبيعي چنت هواية انتبه واحاول احفظ
انتهت ثاني محاضرة وطلعت چنت جوعانة اشتريت لفة فلافل وبيبسي وكعدت اكل اني بطبيعتي ما اخجل من اكل لا عادي عندي بس اكل بترتيب
ستوني خلصت اللفة وصار ضل فوك راسي رفعت راسي وشفتها بنية عدلت نفسي وكلت
:تفضلي؟
:اريد احچي وياچ اذا معندچ شي
:اكيد تفضلي
كعدت يمي وصارت تعرفني بنفسها
:اني نورس طبعاً اني متخرجة بس اجيت خصوصي الچ اليوم
اشرت على نفسي مستغربة
:الية اني
نورس:اي انتِ مو دموع؟
هزيت راسي ورجعت كالت
نورس:شوفي اني اخوي دزني عليچ بس والله قصدة شريف
بس كالت هيچ كمت
:نعمم شنو دزچ علية خير؟
لزمت ايدي وكعدتني
نورس:اهدئي بس خلي افهمچ اني اخوية اسمة معتصم يداوم وياچ بس مرحلة اخيرة شاب مثقف ومؤدب شافچ وانعجب بيچ
قبل لتكمل رفعت ايدي شوفتها الحلقة
:اني متزوجة ست نورس
حطت ايدها على حلگها متفشلة
نورس:عزا عود صدگ بس هو مگال انتِ متزوجة لأن هو بطبيعتة ميباوع للبنات يمكن ما انتبه للحلقة الي بأيدچ
:مرة ثانية خلي ينتبه ولو اني ماعرفة ولا شايفتة بس الله يوفقة
تركتها وكمت بداخلي فرحانة لگيت شي استفز الكسار بي رجعت اكمل محاضراتي واني افكر شلون استفز الكسار
انتهى الدوام واجة صعدت مبتسمة وهو مستغرب شبية فرحانة اليوم محچة شي ولا اني حچيت بقينة طول الطريق ساكتين وكل شوي يباوعلي خطف
وصلنة للبيت بدون اي كلام صعدت للغرفة لبست تراك ونزلت اغني وهو حاط ايدة على خدة صافن علية
حميت الغدة وصبيتلنة بالمطبخ اني اكل بشراهة وهو اكل لگمتين وكعد يمي يدخن خليتة محترگ وكاعد على اعصابة منطقت بأي كلمة تريح گلبة
من كملنة غدة غسلت المواعين ورحت للصالة كعدت بصفة وفتحت التلفزيون وكعدت حاطة رجل على رجل واتابع واضحك بعلو صوتي مادري شنو چنت احس بس لعبت على اوتارة الحساسة
اخر شي ماتحمل لزم زندي بقوة وعاط
الكسار:شكووووو اليووووومم
دفعت ايدة وشمرت شعري لورة ظهري
:شكو؟
الكسار:من اجينة لهسة تصرفاتچ مختلفة عن كل يوم شكو
سحبت جگارتة من ايدة وخليتها بين شفايفي ادخن
:فرحانة
سحبها من ايدي وطفاها
الكسار:اييييي ليش؟
رفعت راسي اباوع للتلفزيون وكلت بعدم اهتمام
:لأن اليوم خطبوني
بس كلت هيچ لزم فكي بكل قوتة حسيت فكي حينكسر
الكسار:شنووووووو منوووو خطبچ بنت الكلللللب مو متزوجة انتِ
دفعت ايدة واردفت ببرود
:يجي يوم ونتطلگ مراح نبقى
كلت هيج لو جنيت على نفسي كام وسحبني من ملابسي ادركت حجم الشي الي سويتة
الكسار:يعنيييييييي نااااااوية تزوجيييييين غيرييييييي
حطيت اصابعي بحلگي وصرت امتمت
:ه ها م وخر
دفعني بالأرض متخبل ونزل علية خنگني
الكسار:ولچ انيييييي رجلچ سمعتييييييي تكوليييين هيچ كدامممم رجلچ شلووووون گدرتيييييييي شلووووون
:انييييي ممعتبرتك زوج اليييييية
بس كلت هيچ هدئ يباوعلي بحدة ويتنفس سريع كام عني وراح وكف يم الشباك يلهث كمت ارجف خايفة والوم بنفسي
دقايق طويلة ورجع التفت علية تقرب علية وصار ينقر بسبابتة على عظمة صدري
الكسار:دوام بعد ماكو
فتحت عيوني على وسعهم وشهگت
:ش شدتكوووول كسااار
الكسار:تردين تدرسين؟
جاوبتة بسرعة
:اكييييد
حط ايدة على رگبتي وقرب وجهة لوجهي وهمس
الكسار:دراستچ لو جسمچ؟
انخمش گلبي من كال هيچ سويت نفسي ممفتهمة خليت ايدي على ايدة الي لازمة رگبتي وكلت
:م مفهمت
طبع بوسة بطرف شفتي واردف
الكسار:يعني اذا سوينة زواجنة حقيقي اخليچ تداومين اما اذا رفضتي ماكو دراسة بعد
نزلت ايدية وعيوني غرغرت بالدموع اباوعلة بخذلان رديتلة جوابي بسرعة وصوتي بي غصة
:م ماريد ادرس
ابتسم ابتسامة جانبية وحط ايدة على خصري وهمس
الكسار:زين جسمچ لو فرح؟...
..يتبعع..
توقعاتكم؟
.
.
.
.
.
.
.
.
.
.
5000 ونص كلمة داده🤍
اهم شي النص ترة يعتبر 6000😂
البارت الجاي حريقة نار وشرار يوم الاثنين ينزل 🔥
يعني بس باجر ماكو بارت
ضيفو حساب الانستا
وقناة التلي
اللهم صلِ على محمد والِ محمد 🦋
مها ال عبدالله