- هل تريد انقاذي ؟
- انقاذك من ماذا
- من الغرق في حبك .
———
خلود بخوف : لا ماراح اطلع ليه وش فيه المكان ؟
........ : المكان ذا لمروجين مخدرات ارتحتي ؟
خلود تحط يدها على فمها : منجدك ولا تمزح
....... : ليه بمزح ؟؟ وبعدين ماخذين راحتكم بزياده انا ماراح اكون مسؤول على اي شخص منكم انا حذرتكم ولازم اقابل اخوياي
خلود تستوعب الي يقوله : تمام بقولهم راح نطلع الحين
خلود
ابعد هو من الباب مسكت مقبض الباب الا واسمع...
صراخ البنات وطلق نار...شهقت وناظرته وفتحت الباب بسرعه
ابي اطلع سحبني وما خلاني اطلع للبنات وانا ابكي ومسكر فمي
وبس اكرر " تكفى لا يموتون "
قحص
سمعت صوت اطلاق نار اخذتها بسرعه ودخلتها
خفت تفضحني دخلتها وسكرت فمها وانا اسمع صراخ البنات
برا والالم فظيع في كتفي وانا اتذكر الي صار فيني بضبط
" قبل ساعتين "
قحص
نزلت البقاله اشتري شي اكله من المحطه الا يوم عطيته الاغراض اشوف الي يحاسب لي يناظر بطريقه غريبه
وانا متلطم واحاول اناظر وراه ولاحظة كيس ابيض صغير
شافني وانا اناظر الكيس غطاه وقال الحساب لوسمحت
ابتسمت وانا اطلع من المحطه اخذت الاسلكي
قحص : حول محطة **** يباع فيها اشياء غير قانونيه
قحص
كنت بكمل الا وشخص يدق شباك سياره ناظرته
الا واشوف يأشر علي بمسدس ارتبكت لكن هديت نفسي
وشغلت سياره وهربت وبدأ يطاردني كنت مقرب من الديره والبانزين نسيت اعبي
حاولت اسرع قد ما اقدر واضيعه لكن ما قدرت صامل
الكلب الا ويحصلني قربت من ديره الي فيها اخوياي
تركت سياره ورحت ورا اقرب شجره وبدأ اطلاق النار
بديت ابعد عنهم وانا احاول امسك نفسي كانو ثلاث اشخاص
متعافين حاولت بس اعبي رصاص الا واحس بكهربه والم
مو طبيعي في كتفي انصبت التفت وانا مصدوم لما شفته
يضحك وكان بينادي اخوياه الباقيين وهو يقرب طلعت سكينه
وطعنته في رقبته وهو مصدوم سكرت فمه عشان ما يصيح
ويعرفون وين مكانا
" اصص ولا كلمه لا اسمع لك حس "
بعد مده وقف نبضه تركته جنبي وانا اشوفهم يبعدون من فوق
التل ارتحت وقمت وانتبهت لمزرعه من بعيد قمت ورحت لها
مسرع وانا اتالم وصلت هناك ودخلت البيت وانا ادور اشخاص
الا شفت الاثنين ذول في وسط المزرعه وانصدمت انهم في ذا المكان ويسولفون بصوت عالي وانا اراقبهم واحاول ما ينتبهون لي
١.......: حصلته ؟
٢.......: لا ، انا متاكد انه قريب من هنا
١........: قفل على المخدرات في ذا المكان وبيجي رئيس
بعد شوي هنا امش معي ندور له مره ثانيه
قحص
بعد مده راحو ارتحت وانا اطيح بعد نص ساعه
سمعت صوت اشخاص مره ثانيه كانو بنات!
وانا اتنفس واتالم وانا اراقب من شق الجدار صغير
الا واحس بشخص يقرب للغرفه رحت ورا الباب
الا واشوف بنت داخله
—
" نرجع للحاضر "
خلود تبكي : تكفى سو شي
قحص
وانا ابعد منها من الالم لاني ضغطت على كتفي
قحص : اهدي يمكن ما يقتلونهم اهدي يا مره
خلود : تكفى نخيتك ذولي خواتي الوحيدات ماعندي غيرهم
قحص يتنهد : خلي الوضع يهدى برا واوعدك انا متاكد ماراح يصير لهم شي لا تخافين
—
عند البنات
قبل اطلاق نار
رهام
كنت اكل ورق العنب الي سووه البنات
ساره تاكل معها وتقراء كتابها : وين خلود تكمل معي روايه
رهام : مادري شفي يمكنها داخل
شهد مدخله رجلها بالمويه : فاتن لا تكبين علي مويه !
فاتن : برودت المويه على رجلي نستني الملل
شهد : وربي صادقه
فاتن : رهام تعالي جربي
رهام : انقلعي يع المويه ماتدرون اذا هي نظيفه او لا حتى
منال تركض جايتهم : بنات
ساره ترفع حاجبها : شفيك ؟
منال بخوف : فيه ثلاث سيارات متجهه نحو المكان
شهد تقوم بسرعه : منجدك صادقه ؟
فاتن : مستحيل يمكن اهلها يمه
منال : بنات المشكله مو هنا ، المشكله كيف بنطلع
وخلود مو معنا
قاطعنا صوت طلق نار
التفتنا كلنا وحن نشهقق
منال تتمسك في ساره : بنات ذولي معهم مسدسات؟
ساره بخوف : بنات يمه شنسوي
شهد : بطني توجعني احس مايمدي
رهام : بصيح شسالفه!
شهد تلفت : وين فاتن؟؟؟
رهام تهمس : مادري
منال : بنات يمه راح نموت
شهد : بنات فاتن اختفت وخلود مادري وين
منال بهمس : ركزي على الي قدامك
اطلق مره ثانيه وكلنا صرخنا مفجوعين
" مين الحلوات"
——
فاتن
تخبيت ورا شجره الي جنب البحيره الصغيره
تسلللت بدون محد يحس فيني واشوفهم يقربون من البنات
جلست افكر لفتره ورحت هربت بسرعه وابعدت من المزرعه
وانا خايفه وابكي واكتم صراخي واسمع صراخهم واطلاق نار
ياربي وش اسوي....بديت امشي واركض لمده لين وصلت
لديره وانا تعبانه وابكي وصلت بس دموعي ما توقف
" ساعدوني تكفون "
عمر
كنت طالع من البيت الا واشوفها تشاهق وتصايح
وبعضهم متجمع عليها قربت منها وانا ابي اخذ منها العلم
خليتهم يبعدون عنها واخذتها معي وبدت تهدئ بعد فتره
وهي تقولي " ساعدني يا عمر "
عمر : وش فيك؟
فاتن
مسحت دموعي وانا اكمل بس شفت وراه
شخص قاطعني....
رشاش يرفع حاجبه : شسالفه عمر ؟
عمر : علمي علمك يا رشاش
فاتن تمسك نفسها : رحنا انا والبنات مع بعض
لمزرعه قالت عنها منال وبعيده شوي عن ديره مشينا على رجلينا
وصلنا هناك وجت ثلاث سيارات كانو ناس مسلحه
عمر مصدوم : منجدك !
فاتن : ولله تكفون ساعدوهم كنت اسمع اطلاق نار وصراخهم
انا خايفه وش اسوي الحين
رشاش : عمر بسرعه ناد العيال فاتن علمينا وين المكان
فاتن : بس خايفه يكونو البنات...
عمر: استهدي بالله يا فاتن ان شاء الله ما صار الا الخير
رشاش : عمر ناد العيال الحين ضروري
عمر : ابشر
فاتن
تجمعو كلهم وعرفو بالخبر مشيت معاهم وانا اشوفهم
مسلحين وخايفه مره وادعي من كل قلبي ما يصير شي
—
عند البنات
يلتفت على خويه " مين الحلوات "
بستغراب " مادري انا و سلمان كنا قبل مده "
سلمان : اتفق مع مشاري مافيه حد ؟
مشاري : وش سالفه الحين وش نسوي فيهم؟
سلمان : الافضل نتركهم اهمشي ما عرفو بالمخدرات
مشاري : محمد وش رايك ؟
محمد بهمس : لا انتبهو لهم بروح اشيك على البضاعه
لا تخلونهم لحالهم خصوصًا انهم عرفو إن حن مسلحين
شهد تناظرهم : قسم بالله رحنا فيها
رهام برجفه : اخاف اموت ما ابي
منال : خلاص بنات اهدو محد بيلمسكم
ساره : انتي كله بسبتك لو جلسنا بالبيت ما كان احسن
شهد : قبل يومين قطاع طرق والحين ناس مسلحه وش ذا الحياه!
رهام : المره الجايه ولله معد اسمع كلامكم
شهد تلفت على رهام : معد فيه مره جايه بنودع
مشاري معصب : اسكتو ازعجتو مخي
سلمان : قسم بالله اسمع حس وحده منكم بتندمون
رهام معصبه وبرجفه: اكلو زق انت وخويك ما سوينا شي
كنا جالسين نلعب بالمزرعه...
محمد من ورا اخوياه : الي يدخل هالمزرعه مو حي الله تدخل من هب ودب وبعدين من سمح لكم تدخلون بصوت
محمد بتكمله بصوت جهوري معصب : وداخلين المزرعه بكل
اريحيه
مشاري بضحكه : الي يشوفكم يقول داهمنا مزرعتهم وبالحقيقة هي مزرعتنا
محمد يأشر بمسدسه : ذا عددكم بس؟
مجتمعين كلهم جنب بعض بخوف وتوتر
يفكرون يقولون الحقيقه او لا
منال تشجعت : لا مافي احد بس حن الاربعه
سلمان يهز راسه مرتاح ويناظر مشاري: حلو
محمد يناظره : اربطوهم لين اتاكد واشيك على البضاعه
رهام بصدمه : شنو! تربطونا غنم ؟؟؟
مشاري يقرب : اقول اص
شهد : لوسمحتو مو على كيفكم وش تربطونا
منال : ابعد
محمد وهو يضرب بمسدس طلقه ناريه
خلتنا كلنا نهجد : اربطوهم اقول
——
يتابع
نجمه ، تعليق ، نشر الروايه