الاثـر الـ12
كشمشات لاتنسىن التصويت .
ولتعليق بين الفقرات .
5ll1_1 حسابي انستا انشر تفاصيل وكلشي يخص القصة
استـغفـر اللّٰـه
والحـمد اللّٰـه
..
التفتت اخذها الهم بس تجمدت بمكاني وفتحت عيوني على وسعها من قربه مني من الخرعة شهكت حيل ورادت اطيح الصينية بس هوا كضها
اقدام ::- الله الله شبيج خالي شفتي جني ؟
بتعدت عنه بسرعة واني مرتبكة صرت يم الباب واردفت بتساؤل وتوتر
اثار ::- شسوي هنا ؟
رفع حاجبه واردف
اقدام ::- شبيج ؟ اجيت اغسل
اردفت واني خازرته
اثار ::- ليش ماغسلت بل مغسلة لهناك ليش اجيت هنا وبعدين اليريد يغسل يحجي ويكول وخري مو مثل الثعبان تلتف علي ومالك حس ؟
ضحك وتقدم علي وكف كدامي واردف
اقدام ::- وداعتج مو التفكرين بي اجيت لهنا لان اقرب الي وانتي طولتي هم كلت اجي اشوفها لا حتركت وتقربت منج حتى اشاقيج لان شفتج ضايجة
رفعت صبعي كدامه واردفت بتحذير
اثار ::- حاسبتك خال الي لا تتجاوز حدودك وياي
سوالفكم هاي ماتعبر علي دير بالك ترجع تعيدها
اندمك والعباس
رجع ضحك حيل واردف
اقدام ::- هههههههههه ياسوالف ولج والله ماعدي نية وسخة تجاهج حالج حال بتي
عيونه مبين بيها يحجي الصدك بس اني ماصدكته
على صوتنه اجو ادم واحمد
ادم ::- شكو
جنت مامتاكدة من نيته سكتت ماردت احجي شي مامتاكدة منه يمكن صدك فهمته غلط
اقدام ::- ماكو شي جاي احجي وياها شبيكم
احمد ::- ليش صوتكم عالي اذا هيج ؟
صارت نضراتهم علي توترت كلش
اقدام ::- شنو اذا صوتنه عالي تريدنه نشاور يابة امشي امشي
دفعه من متنه بخفة
اقدام ::- امشو انا اقدملكم
طلعو وانا غسلت وجهي وطلعت
ادم ::- اختارو فلم شتحبون
اقدام ::- اجينه نشوفها شلون صارت مانبقى نشرب جاي ونروح
ادم ::- قلعه المن جايين
احمد ::- ديربالك ع اثار
ادم ::- شوف منو موصيني عمي اثار مقصر بشي
حجاها وباوعلي
اثار ::- لا منو كال
ادم ::- عشتو اخوج
ابتسمت بوجه احمد
الماشال عيونه عني من كعدنه لسة
احمد ::- اثار بيج شي
اثار ::- لا خويه مابيه
اقدام ::- خالي تردين شي نشتريلج قبل لا نروح
تقربت يم ادم واردفت
اثار ::- لا من احتاج احاجي عمي
ادم ::- عفيه السباعيه يولون هذول
بتسمت اله شوي وكامو يردون يرحون رحت سلمت عليهم ورحت لغرفتي
كعدت اصفن اقدام صح لو خطأ
لحظه اكول صحيح يشاقيني
ولحظه لا هوا نيته سيئه
ماقتنعت طفيت الضوء ونمت
دخل ادم وانا هستوني ارد انام
ادم ::- بعد وكت
اثار ::- اي بس نعست
ادم ::- يلا عمي تصبحين على خير
طلع وانا نمت كعدت ب ٦ ادم نايم
لكيت اكل جايب بثلاجه اجبان ومربه وزيتون
خليت وكليت كملت غسلت المواعين الي اكلت بيها وطلعت ع غرفتي رحت ع جهازي ارد اتصل ب تقى
لكيت رساله من رقم ممسجلته استغربت
اقدام ::- خالي ادري فكرتي غير شي بس مو قصدي هيج انه كل نيتي اشاقيج مو التهمتيني بي
منين جاب رقمي اردفت بيني وبين نفسي الله كريم
رحت ع تقى حجينه نوب دخل علي ادم
ادم ::- صباح الخير عيوني
اثار ::- صباح النور عيوني
ادم ::- اكو ريوگ عيوني
اثار ::- اي خل اسويلك جاي عيوني
اثار ::- تقى بس اصب لعمي واجيج
تقى ::- اي عيوني
ضحكنه انا وادم وسديته
ادم ::- جا هاي شسمعها مو ذانات شكبرهن
اثار ::- مو الجهاز بيدي اكيد تسمع
ادم ::- هيا منو هاي
سئلها بفضول وباوعلي
اثار ::- هاي جيرانه من جنت ببغداد صديقتي
ادم ::- هم بغداديه
اثار ::- شعدك وياهن اكل وهاهيا
ادم ::- بويه ناكل جيبي
خليته يمه وكعدت
اثار::- عمو ملل ماكو شي اسوي
ادم ::- شتردين تطلعين
حجاها وهوا يشرب جاي
اثار ::- هم ملل
ادم ::- دكومي تتشرط علي ام خيسه
اثار ::- هاي شبيك عموو
حجيتها وانا اضحك وتذكرت باجر موعد الدورة ماكدر اسبح باول يوم على ساس مو زين كلت اروح اسبح هسه احسن ولو سابحة البارحة رحت اخذت ملابس من الجايبتهم بلجنطه ممصفطتهم كلت من اسبح واخلص شافهن بيدي وانا رايحه اسبح
ادم ::- طلعت صدك ام خيسه
اثار ::- لا عيني النظافه من الإيمان
ادم ::- ليش توه تذكرتي ايمان ام خيسه
اثار ::- چا حتى انته ولا شفتك سبحت
ادم ::- غير كله نايمه ام خيسه امشي سبحي
اثار ::- رايحين عيني فك عني
ادم ::- ولي سبحي
ضحكت ورحت سبحت طولت الا طلعت كعدت انشف بشعري ودخل
ادم ::- يلا
اثار ::- شنو يلا ؟
ادم ::- اليوم اشوفج البصرة كلها بدلي بسرعة
صدك جنت ضايجة وبحاجة الهل طلعة اردفت بحماس
اثار ::- تمام هسه ثواني
كملت بسرعة بسرعة وطلعت من غرفتي رحت الغرفته مالگيت احد بيها بس سمعت صوت بل صالة
رحت الها دكيت الباب ودخلت الكيت اقدام موجود
اثار ::- السلام وعليكم
اقدام ::- وعليكم السلام
اجى ادم يمي
ادم ::- اثار ماكدر اخذج اني طلعلي شغل ضروري روحي وي اقدام
تباوعت الاقدام الجان كاعد ومبتسم
اثار ::- جا خلها على فرغتك عادي
ادم ::- لا روحي اقدام ياخذج وانتي ضايجة تونسي وردي ها
اثار ::- ميخالف اني كلت اروح وياك نتونس سوا
ختفت بتسامة اقدام من شافني احاول ما اروح وياه
ادم ::- انروح غير مرا بس هسه هم روحي اني خابرت اقدام على مودج
مالكيت عذر بعد اكوله وهم اجاه اتصال رفضه وكال
ادم ::- يلا انا مستعجل اذا طلعتي قفلي الباب وياج تندلين المفتاح
طلع قبل لا احجي شي ضلينه بس اني واقدام بلصالة
اقدام ::- ماتردين ترحين وياي ؟
باوعتله بحدة
اثار ::- اي ماريد اروح وياك
اقدام ::- بعدج ماخذة موقف من الصار بلمطبخ ؟
ماجاوبته ضليت واكفة وخازرته تنهد وكام تقدم علي وكف قريب علي واردف
اقدام ::- بشني احلفلج وصدكين ما عدي نية سيئة تجاهج
اثار ::- لا تحلف ماراح اصدكك
اقدام ::- امشي نطلع
اثار ::- اني مو كلت ماريد اروح وياك
اقدام ::- ترحين ترحين عود لا تخافين ماسوي التفكرين بي
غمز وسحب ايدي حيل نترتها منه واردفت بصوت عالي
اثار ::- منو سمحلك تلزم ايدددييييي
ضل مستغرب من ردت فعلي
اقدام ::- شبيج ؟
اثار ::- اني مو كتلك استحرم لا تلزمني اذا موقفك بل مطبخ شقة هذا شنو ها انته متقصد متاكدة
ضل ساكت وعيونه تتجول على ملامح وجهي الكلها گلبت من العصبية اخر شي تبعد عني بخطوتين ليورا
وحط ايديه كدامه واردف
اقدام ::- ناسي والله ناسي كايلتلي هيج ماذكر انا مشكلتي بسع انسه من تقربت منج ماحاسبج غير بمعزت و بمكان سجى واحمد حالج حالهم ما افكر بيج غير هيج
صدك ارتاحيت من حجة هيج لان صدك حسبته خال الي صدكته لان عيونه مبين بيهن الصدك
اثار ::- ميخالف خالي بس لا تنسه بعد لان صدك اضوج من هيج
بتسم بتسامة عريضة واردف
اقدام ::- ادللي وهسه اعزمج على غدا مادام اصالحنه
طلعنه بلسيارة وكعدت كدام بدا يسوق
اقدام ::- وين حابة ترحين
اثار ::- ماعرف اي مكان حلو بلبصرة
اقدام ::- اول مرا تجين للبصرة
اثار ::- اي اول مرا
همهم بتفهم واخذني بل بداية فرني شوارعها وشكد حلوة الاجواء بيها واخذني مطعم واخر شي من اطلعنه شفت مدينة العاب قريبة على المطعم
اثار ::- خالي اخذني الها
اردفت واني اشر عليها
اقدام ::- تاخر الوقت هسه وعدي شغل نجي غير
مرا
بل اول ضجت لان صدك تمنيت اروح الها هسه لان بيها وادم هواي واني احب الالعاب بس كلت غير مرا يجيبني عادي
اثار ::- تمام خالي
مشينه واحد بصف الثاني على السيارة ومن وصلنه شغلها اجيت اصعد واردف
اقدام ::- لحضة خالي
ضليت واكفة وفاتحة بابها وهوا اتصل مدري على منو ماطول يمكن اقل الدقيقة وسده التفت علي بتسم واردف
اقدام ::- هسه نكدر انروح المدينة الالعاب
اردفت واني فرحانة
اثار ::- صدكككك
هز راسه بخفة
اقدام ::- اي صدك يلا قبل لا اغير رئيي
رحنى الها جانت كبيرةة كلش وبيها هواي العاب
اثار ::- ماشاء الله شكدها هاي ؟
ضحك واردف
اقدام ::- هههههه طفي عينج والبغداد اكبر منها شعجب مارايحة الهن ؟
اثار ::- تريد الصدك خالي ما طالعة ولا شايفة هيج شي جنت من المدرسة للبيت ومن البيت للمدرسة
ومرت بطلاع الروح امي تخليني اطلع المتنزه يمنه
وحتى مابي شي فاهي عود اخر شي عدوله حتى مارحت بس مرا واحدة بعد ماعدلوه
اقدام ::- ترحين وحدج
اثار ::- لا وياي تقى جنه دوم سوا اني وياها صديقتي
طلع جكارة وشغلها خذه اول نفس واردف
اقدام ::- هسه وين تردين تلعبين ؟
ضحكت واردفت بحماس
اثار ::- اعلى شي
اردف بستغراب
اقدام ::- ماتخافين ؟
اثار ::- اخاف بس حلوة من تحس روحك طاير بلسما
اقدام ::- خوش اذا هيج بس مو بس تشتغل و صرخين
اثار ::- لا ماصرخ والله
اخذني يم لعبة ماعرف اسمها بس عبارة عن كراسي على شكل دائرة وبيها مثل العامود يروح ويجي جانت عالية هواي باوعلي واردف
اقدام ::- صعدين ؟
اثار ::- اي بس انته وياي
بتسم
اقدام ::- اصعد وياج حتى بس شهرينه اگطفج من فوك
كعدت بكرسي وهوا يمي واكف بعده ما صعد واجى ولد يتاكد من الحديدة البلكرسي ويعدلها حتى ماتنفتح ويطيح احد وصل كرسين عني واقدم التفت الي واردف والجكارة بحلكه
اقدام ::- سويتيها
اثار ::- اي يلا اصعد
تقدم علي وتاكد سويت الحديدة وصعد يمي اجى الولد يشوف الحديدة مالتي اردف اقدام
اقدام ::- مايحتاج انا سويتها
باوعلها الولد عدل وراح وبدو يعدون عد تنازلي من الخمسة حتى تبدا العبة جنت متوترة كلش لاحض اقدام توتري طلع من جيبه جفية زغيرة خلاها على جف ايده مثل الغطاها ستغربت حركته
اثار ::- ليش غطيتها ؟
اقدام ::- اذا خفتي گضي ايدي هاي الچفية راح تمنع جلدي عن جلدج وهيج ماكو حرام لا عليج ولا علي
ضحكت ورادفت
اثار ::- هههههههه والله فكرة هاي
اقدام ::- هية مو تمنع الحرام كلش بس يعني نقنع ارواحنه بيها
اثار ::- مشكور خالي بس ماعتقد اخاف
ضحك واردف
اقدام ::- هههههههه حلوة هاي مال ماتخافين انتي شايفة وجهج هسه من هسه بين الخوف بعيونج
بدت اللعبة اول شي بطيئة بعدين صارت سريعة وتصعد عالي لزمت الكرسي حيل من بدت تسرع صدك خفت احس ماكو شي كاضني طايرة بل هوا
سرعت وعلت كلش واني من كوا مصبرة روحي ما اصرخ من الخوف
اقدام ::- اثار
التفتت عليه لكيته مركز علي
اثار ::- ها خالي
مد ايده المغطيها بچفية زغيرة
اقدام ::- لا تخافين انا يمج مابقى شي وننزل
ماردت الزمها بس صارت اللعبة اسرع الزمتها بقوة وهوا ضغط عليها يهديني اكو بنات هواي ويانه صعدن وگضنها صريخخخ احس ذاني راحت من اليمي واكو بس صعدنه صرخن اتحسهن جايات يفرغن الطاقة السلبية يردن حجة يصرخن مو يلعبن
طولت العبة حسيت روحي طلعت لمن خلصنه وبدت حركتها تقل
اثار ::- يمهههه گلبي راح
اقدام ::- ههههه ياهي توا تكول ماخاف
باوعتله وضحكت
اثار ::- هههههههه اشاقة وياك خالي
بتسم ونزل بعد ماوكفت واجا علي سحب الحديدة ورادف
اقدام ::- يلا نزلي
نزلت منها ورحنى نشوف باقي الالعاب شفت مراجيح عالي هم ركبت بيها بس ماتخوف لا حلوة وبعد هم جربت هواي العاب كلش تونست وفرحت بجيتي وي اقدام اخر شي اشترالي عصير وحلويات
ورجعنه وصلنه للبيت نزلت من السيارة وهوا هم نزل
ردت ادخل واردف
اقدام ::- انا اترخص خالي عدي شغل لازم اروح
اثار ::- براحتك خالي وعذرني تعبتك وياي
اقدام ::- الئ تحجين هيج بعد ماكو طلعة وياي
صلاح ::- وين جنتو ؟
التفتنه للصوت جان صلاح وسرمد وسجى ورنا لا اني ولا اقدام جاوبنه باوسني البنات وسرمد سلم وصلاح مثل طبعه مايسلم علي
سجى ::- شلونج
اثار ::- الحمدلله
اردف سرمد بخبث
سرمد ::- ماجنت اعرف علاقتكم هيج قوية حتى طلعون سوا
باوعله اقدام بطرف عينه ماعاجبه كلامه واردف
اقدام ::- مو شرط تعرف مانك ولي امرها لو امري
صلاح ::- وين طلعتو
اثار ::- والله فضول عدك
خزرني حيل حسيت عيونه راح تطلع
صلاح ::- ليش ماتكولين ابن عمي ويخاف علي من حقه يسأل ؟ ليش فضول
ضحكت بستهزئ ورادفت
اثار ::- هههههههه ماعدي لا ولد عم ولا عمام بس ادم اضاهر نسيت موقفكم وياي من طلعت نسيت مهدي كال مالي علاقة بيج نسيت شلون شككتو بية وهسه جاين اسئلوني وين رايحة وجاية شدخلكم الشخص الوحيد لازم اكله ادم مو انتم
كملت كلامي بنفعال
اقدام ::- اثار اخذي البنات ودخلي جوا ادم هسه يجي
سرمد ::- هاي فوكها تدرين صوجنه اجينه نشوفج ونسأل عليج صدك ما تستاهلين
خزرناه اني واقدام
اقدام ::- سرمددد كافي عوف البنات هنا وروحو عود ادم يردهن
اردفت سجى تحاول تخفف من حدة الموقف
سجى ::- جنكم جناين يتعاركن شبيكم تعاي اثار ندخل
سحبتني من ايدي ودخلنه ضلو برا واقدام وياهم اسمعه يرزل بيهم فتحت الباب ودخلنه
رنا ::- ماله داعي سلوبج وياهم
اثار ::- لا والله اله داعي من عمامج وابوج حجو علي محد فك حلكه وهسه جاين اسئلوني وين رايحة وجاية
دخلنه للاستقبال التفتت اريد اجيب ماي الهن
رنا ::- الصراحة ماشوف بيها شي عمامج و من حقهم يخافون على سمعتهم وشرفهم
التفتت عليها خازرتها
اثار ::- مو هيججج جانو يكدرون يسئلوني ماراح اجذب عليهم بس ماعدهم ثقة بية
اردفت سجى تهدي بل الوضع
سجى ::- كافي رنا كعدي وسكتي انتي اجيتي سئلين عليها ماله داعي حجيج
ماهتمت الكلام سجى واجت وكفت كدامي تحجي بخبث
رنا ::- والله حبيبتي حكهم ماصار الج شهرين هنا شلون تردينهم يثقون بكلامج وانتي اول ماجيتي
مشكوك بامرج
رفعت ايدي وضربتها رچديي حيل دارت راسها للجهه الثانية حتى سجى شهكت من صوته القوي
اثار ::- احط النعل ترس حلكج الخايس اذا عدتيها
مو اني الينحجي هيج وياي خوش بعدج ماتعرفيني لا تتورطين وياي صدك خدعتيني بمضهرج البريئ اول ماجيت بس هسه الا كشفت وجهج الحقيقي
دارت باوعتلي بخزره ورفعت ايدها تريد ترد الراجدي
الي لزمتها واني مبتسمة بستهزئ رجعت رفعت ايدها الثانية هم الزمتها
اثار بخبث وستهزئ ::- تؤ تؤ ماتكدرين علي
اجت سجى سحبتها مني
سجى ::- شبيجن صدك تحجن
اثار ::- مالي شغل اني ماشوفينها شنو تحجي
دفعت سجى واجت علي تريد تكتلني دفعتها وطلعت برا اصيح اخوها عليها الحيوانة طلعت لكيتهم بعدهم يسولفون وادم واحمد وياهم بس اقدام رايح اردفت بعصبية موجها كلامي الادم
اثار ::- عمي ختار لو اطلع من البيت ومارجع لو تطلع رنا
اجا علي خايف لان جنت ارجف من العصبية
ادم ::- شسوتلج شبيج
اثار ::- تحجي علي حجي ماينبع وتكلي
استحيت اكمل وكلها موجودة
هوا من شافني باوعتلهم عرف
اردف بنفعال
ادم ::- وينها هل حيوانة
سرمد ::- عمي ماسمحلك تحجي على اختي شدراك ماجذب عليك هاي
باوعلي برخص وهوا يحجي راح عليه احمد زنكه من ملابسه ورادف
احمد ::- احترم روحك سرمد لا اكسر راسك
من شفتها راح اصير مشاكل من ورا الحية اردفت
اثار ::- احمد عوفه يولي بس خل تطلع اخته
رنا ::- اي مو البيت بيتج وطرديني بكيفج
التفتنه على صوتها خزرها ادم اول ماشافها وهية خافت منه
ادم بعصبية ::- شبيج وي اثار
بسرعة نزلن دموعها وكعدت تتمسكن
رنا ::- والله حتى ماسويت شي الها هية بدت وطگتني رجدي شوف خدي شلون احمر من وراها
دارت وجها حتى يشوفون وصدك جان مبين طبع صابيعي على خدها من كوا سيطرت على روحي ماضحك تستاهل الحيوانة التفتو علي كلهم
سرمد بصياح ::- انتي شلون تمدين ايدج على اختي
خزره ادم واردف
ادم ::- لا تصيح اختك لو آدمية ما تنمد ايد عليها
صلاح ::- جنك منحاز الهم عمي
باوعله ادم بطرف عينه
ادم ::- اي انحاز الاثار لان ادري بيكم گو*** خوش يلا اخذ بت عمك وروح
رنا بتمسكن ::- تطردني من بيتك عمي
باوعلها بسخرية
ادم ::- سودة علي مضلومة امشي لج مادري بيج انا شنو والله تحلفت بيج بس مبين اثار مامقصرة وياج اخذت حقها وزايد
سرمد ::- تعاي رنا تعاي صدك غلطنه من اجينه لهنا
محد بيهم يستحق جيتنه
اخذ اخته وراح للسيارة بس صلاح ضل
صلاح ::- تجين سجى ؟
طلعت راسها من وراي بعد ماجانت لابدة على صفحة من النقاش الحاد الصار بينه
سجى ::- لا راح اضل
صلاح ::- خوش
خله وراح ورا سرمد واخته واحنى دخلنه جوا سلمت على احمد وكعدنه نسولف واحنى نسوالف اجى اتصال الادم رد عليه وتغيرت كل ملامح وجهه ضلينه واحد يباوع على ثاني نريد نعرف الصار
احمد ::- صار شي ادم ؟
طاح التلفون من ايده واردف بشي صدمنه كلنه
...............
اعتذر على التاخير كشمشات اول مره واخر مرا أن شاء الله وحاولت اطول البارت شوية وأن شاء الله بل ايام الجاية اطوله اكثر حتى تستمتعون بية احبكم
بنات اهم شي التصويت ومتابعة حسابي انستا ارد على الكل هناك
شنو تتوقعون صار ؟