ذآت آلشـعر آلآحمـر
آلُگآتٌبْہ...... تٌۆتٌہ
نرجع كم يوم
منا ::» من رجعو اهلي هاا ماما وين جمانه
ماما ::» بيت عمج ابو نوح
::» ليش ما جبتيه
::» جدج ما يقبل
تحجي وتلم بغراضه وضايجه
::» نروح يمه
::» لا نرجع لبيت
::» ليش ترجعون وجمانه
::» كافيي منا البيه مكفينيي لمي ملابسج وملابس اختج عوفيهن
::» ماما وانتي قبلتي نعوفه
::» كافييي اذا ابوجج ما يحجيي شنو البيدديي اسويي اذا يحاجي جدج كلمه كلمتتين ايكله اي
::» شلون نروح ونعوفه
::» اخخخ من ابوج يله منتضرينه هوه واخوج
::» هنا باسل
::» اي اجه ويانه
سويت الملابس وياه وطلعنه حته ما سلمنه عله اي واحد رجعنه للبيت وماما الدرب كله تبجي عله جمانه وبابا يعيط بيه
::» كافيي يامره تره يم عمامه واهله
ماما ولا ردت وبس تبجي وباسل ضايج وصلنه للبيت ومر اليوم وباليل خابرو كالو عقدنه الهم وباجر الحنه وعكبه الزفه
ماما ::» باجر اروح اجهز البنتي
بابا ::» شجهزين
::» جهاز عرس ليش جابوله شي
::» شكد تردين
::» بكيفك انطيني
راحو عله الغرفتهم واني رحت الغرفتي وثاني يوم رحنه اني وماما للسوك امي ما عافت شي ما شترته اله بحيث رحنه الصبح للعصر يله رجعنه وتعشينه ورجعنه كملنه الباقيات وخابرت عله ام صالون وحجزت يمه تجي ويانه عله اختي تمكيجه هناك بس طلبت الفلوس اكثر وماما قبلت وباجر نروح اله
بابا بالبدايه ما قبل انروح اله لان طرده جدو بس ماما كالت اني رايحه البنتي مو الابوك هوه سكت
باسل ::» شنو هاي
منا ::» جهاز جمانه
::» اول مره اسمع جهاز من اهل العروس
ماما ::» بيت جدك تسمع العجايب الغصب وغيره
بابا ::» كافي يامره
باسل ::» اجيت اخبركم جمانه طلعت نتيجته ناجحه وبمعدل عالي
ماما ::» وشنو الفايده راح تندفن هناك لا مدرسه ولا غيره
دك مبايل باسل
باسل ::» هذه شاهين
ماما ::» شوفه خاف جمانه بيه شي
باسل ::» الوو
جمانه ::» الوو بسول شلونك
::» هله يروح بسول انتي شلونج
::» مو زينه اريدكم تعالو اخذوني
ماما ::» انطيني يلهه
سحبته من باسل واخذته
::» هاا ماما جمانه شلونج
ما رديت عليه احس ضايجه منه وما اكدر احاجيه شلون عافتني ومشت ودموعي تنزل وشاهين يباوع علي
::» ما ترد خاف انكطع
باسل ::» شو جيبب
الوو جمانه وين رحتي
::» هاا
::» ليش ما حاجيتي امي
::» سكتت
::» اجيت ابشرج
::» ماكو شي يفرحني غير بس تجي وتاخذني
::» طلعت النتايج وانتي ناجعه بمعدل عالي
::» صدك باسل واخيرااا نجحتتتت اييييي طفرت
وتذكرت شاهين صافن علي وذكرت اني وين والدراسه وين وكمت ابجيي باي
::» شبيج جمانه
::» اريد انام باي
طفيته منه وضليت ابجي ليشش يوم الرسبت ما صار شي بس يوم النجحت انحرمت منه
شاهين ::» شبيج بت عمي
::» نجحت
::» مبروك وعليمن تبجين
::» تخليني اكمل
سكتت
::» جاوب تخليني اكمل دراستي عليك الله بعد حته شدكلي اسوي وشتريد اني حاضر بس خليني اكمل
::» ما عدنه بنات يكملن
::» ليشش قوانينكم تختلففف ليششش
::» انطيني المبايل وخل انام
انطيته اله ونام واني ضليت اكل بروحي النجاح الجنت متانيته سنتين علمود اطلع من الثالث واخلص واجه بس متخر بجيت المن ما طكن غيوني ونمت كعدت البيت هوسه شفت الساعه بعشره من طبعهم يكعدون من الصبح لكيت غراض كومه بالغرفه محطوطات كمت وغسلت وسمعت صوت منا
منا ::» زهره جمانه وين مو جانت نايمه
جمانه ::» منااااا
اجتي تركض وحضنته وكمت ابجي وهيه تبجي وياي
منا ::» لا تبجين جمانه
::» شلونج
::» زينه وماما هم هنا وجبنالج ملابس تكول امي جهازج هاذه
::» امشي بالغرفه
::» يله شنو هذه شعرج ليش مخربته
::» حضي غير لا تذكريني ينقبض كلبي علي
::» اجت ام الصالون تنتضرج بالصاله
::» منو جابه
::» ماما
::» ما اريد تعالي مشتاقتلج
::» واني اكثر كعدنه عله الجربايه وحاضنته وكلبي يرد يطك عليه باسل شلونه
::» زين هوه جابنه
دخلت علينه ماما ولا رفعت راسي عليه
ماما ::» شلونج جمانه
::» وين راح باسل
::» راح وباجر يجي ياخذنه
ماما ::» جمانه حبيبتي كومي شوفي شنو جبتلج
::» احاجي بمنا ولا رديت عله ماما كلي الباسم ارجع وياكم
::» يصير ترجعين وانتي عروسه
::» اي يصير
ماما ::» ولج ماما حاجيني فدوه حكج من ضوجين بس اني ما علي مله من وره ابوج
كمت اريد اطلع جرتني الحضنه وتبجي واني لازمه روحي كوه حته لا ابجي
::» جمانه ابنيتي حبيبتي والله تعاركت بس شبيدي
اني مره مو مثل ابوج زلمه ويحجي
دفعته واريد اطلع رجعت لزمتني
::» احجي يمه عاتبيني بس لا تسكتين
::» شترجه من ناس ذبوني ومشو
::» والله ما ذبيتج بس جدج طردنه وما خلاج ترحين ويانه
::» كافيي كافيي ما اريد اسمعع صوتج كافييي
::» ولج يمه ارضي بالمقسوم شسوي ن مثل
::» اني مو مثلج اسكت فهمتي
::» كافي يا بعد عيني كافي وتعالي جبت ام الصالون هنا تمكيجلج وجبت نيشان كامل
::» كافيي فدوه كافي وخليه تروح البيته ام الصالونن والغراض رجعيهن وياج اجت زهره
زهره ::» يكول جدي بتلاثه الزفه كون مكملات كلشي
ماما ::» يله حبيبتي كومي تسبحي حته تمكيجج مو الهم الج
::» ما ريد
::» حباب يمه ما اريد الحجي يمد يده عليج
::» ليش هوه ما مداهه
::» لا تخلينه يمده مره ثانيه
::» لا مهرب ماما وصارت وياهم كومت وسبحت بس بمي اندك الباب
منا ::» جبتلج شامبو ومكيف
جمانه ::» نقذتيني انطينياهن غسلت بيهن اكثر من مرتين بيهن وطلعت كبل للصاله يم ام الصالون
ام الصالون ::» هله بالعروسه جنت منتضرتج
::» هله بيج
ماما ::» جبت البدله وياي
::» شكرا
::» اريد منج طلعين بتي ماكو منه
ام الصالون ::» دللي تعالي هنا
::» كعدت عله الكرسي تكدرين تغيرين لون شعري
::» ليش
::» طاست الحنه اندارت علي
::» ما جبت غراض وياي مالت الصبغ لو ادري جان جبت
::» يله عادي
بدتت تمكيج بيه وسوتلي تسريحه وماما جابت البدله وحذاء كعب ولبستني البركع وماما تهلهل وتبجي واني صنم كلشي ماكو حته بجي ما بجيت وام الصالون راحت وداهه باسل واجن البنات يركصن
واجني هواي نسوان ويهوسن ويركصن واني كاعده واباوع وماما ومنا ولا عافني
ام شاهين ::» راح يجي شاهين ويزفون
ماما ::» كومي اعدلج
كمت وعدلتلي ودخل شاهين لابس زي عربي والهوسات والجكليت وهوه وجه ما يكصه السيف واني اكثر منه اجه وكالله بوسه من راسه جر راسي وباسني وشويه وطلعنه للسياره ولازم يدي مزروق السياره السايق وجدو كاعد اليكدام واني وشاهين كعدنه وره طلعنه افترو بينه السيارت والهوسات والرمي واني جثه تمشي وياهم وين ما يرحون اروح فرونه
رجعونه للبيت نزل السايق اندار علينه جدو
جدو ::» اذا ما جبت النيشان اليوم تعرف شسوي
شاهين ::» اي دلل جدي
جدو ::» ولج انتي اسمعي الكلام وما اريد تسوين شي تره ازعل وزعلي يمرض مو ثكيل
ولا رديت علي
جدو ::» ولج احجي وياجج تكولين اي
هم ما رديت وشاهين رد بمكاني
::» اي جدي اي لا تشيل هم
جدو ::» وانته مو من هسه دافع اله خليك كوي محد يهزك
::» حاضر
باوعت علي ولا باوعلي ورفعت حاجبي اله حجه بهمس
::» اشش يله ننزل
نزل وفترلي فتح الباب ونزلت ودخلت للصاله وطلع
الخنكه صعدت عندي احس البيت ياكلني اريد اطلع البدله كامت تاكل بيه وفورت من الحر الجو زين بس اني حريت وذهذه الشايب لو يوخر مني اني بخير اوففف
ماما ::» شبيج جمانه
::» ما.. ماما اخ. اختنكتت ودمعتي طفرت
::» دخلين للغرفه
::» اي اريد اذ.. اذبب البدله.. م متتت منه الكلام كوه يطلع مني
::» امشي
ام شاهين ::» وين خل يجي رجله ويطببه للغرفه
::» اني ادخله
عافته ودخلتني العرفه شاهين عاديه جربايه فارشين فرشه بيضه وكنتور بس ماكو شي بعد نفس الغرفه بس مرتبيه عدهم خير من الله بس ما يصرفون عله نفسهم اهم شي عدهم الاحيوانات والكيعان والسيارات والباقي ما مهتمين بي
::» اريد اذبه
::» لا ماما ما يصر حبيبتي خل يدخل ودور ذبيه
::» ما ريدههه ما اريدههه وخريه من جسمييي احسه تاكل بييي تخرمش بجسمي
::» كوممم انزعيهه
::» افتحيه الي
فتحتلي البدله ونزعته وجايتلي الروب لابيض تريدني البسه
::» هاج البسي
::» ما اريد اريد اتراك جيبيلي
::» ما يصير حبيبتي
::» عوفينييي ما عليججج بيههه مو كوه لبست البدله علمودج ما ردت اكسر بخاطرج والمكياج هم
::» كافي ماما هاج هذه تراك
::» اريده عريض اختنكت من البدله
جابتلي عريض لبسته رفعت ادي اريد احل التسريحه
::» هاا هااا بنيتيي حته التسريحه
::» والمكياج هسه امسحه ماما فدوه اطلعي وعوفيني
::» ما اعوفج ضاله وياج
::» لا تحجين فدوه اختنكت ادموعي بعد ما اكدر اسيطر عليهن نزلن والله لو عندي الرقم الضابط جان خابرت علي بس مادري وين ضيعته اخخخ جان خليتهم كلهم بالحبوسس واولهم الشايب
::» حليت التسريحه كوه طلعت الماشات وماما واكفه وتباوع علي طلعت بطل مي واخذت اكلنس وامسح عله امرايه التلفون ابجي وامسح اكو بي ما يطيح وافرك بوجهي بطلاع الروح طيحته تمددت
اجت ماما نمت عله حضنه وهيه تمسح عله راسي واسمع هوست العرس غمضت عيوني اريد اشرد من الواقع من الصوت مرت ساعتين واسمع هوسه صارت دبجات وهلاهل
ماما ::» جمانه راح يزفون اني طالعه
::» لا تعوفيني عفيه
::» ما يصير يا بعد روحي
::» روحي هوه انتم عفتوني من لاول ضلت عله هسه
::» ديري بالج عله روحج ماما وخلي شاهين يتمم زواجكم
::» لو يموت عله اجنازتي يله ياخذني
بعده ما حاجيه دخل شاهين والهلاهل الورى
ماما ::» اخذو راحتكم
عافتنه وطلعت وشاهين بعده واكف بالباب شفته غطيت راسي
شاهين ::» استغفر الله
اسمع بس حركته بالغرفه طلع ملابسه وبدل اندك الباب طفه الضوه وفتحه
ام شاهين ::» هذه عشاكم
::» بعد كلبي يمه تسلمين
::» خو مو ضايجه مرتك
::» لا زينه جاي تبدل
::» اخذو راحتكم مبروك يمه
::» الله يبارك بيج يالغاليه
سد الباب وشعل الضوه وكال
::» كومي تعشي
::» والله ذكرني بالعشه واني ما ماكله شي من البارحه وصدك لو كال ابو المثل عند البطون تعمي العيون كمت وكعدت يمه
::» شلونج
::» زينه اذا ما توصلي
::» اكلي وبعدين نتفاهم
::» خل اشبع كرشي اول وبعدين انغث اكلت وهوه بس ينقش ما اكل وكل صفنه يضرب ابو صابر ما صافن مثله
::» الكل كلش طيب
::» غير مالت عرسج
::» فشلتني شبيك
::» كمت اخذت اكلنس ومسحت بي وشربت مي
وهوه اخذ الصينيه وطلع
يَتٌبْع ______