العراق

٩

العراق : للكاتبه فاطمة العساف

ins:fm.f21
______________________
انا مُغرمٌ بكِ
وأعلمُ أنَّ لنا بداية
وأنَّ بدايتنا سُهاد
وأعلمُ أنَّ لنا نهاية
كما للقمرِ سواد
وأعلمُ أن طريقنا حكاية
وفيها العودةُ ممات
وأعلمُ أن طريقنا حكاية
وفيها التقدُمُ هلاك
فلا السبيلُ إليكِ نهاية
ولا الرجوعُ اليَّ حياة
________________

ناي : من تركتني ناي 
جان الوقت عندي وحده ونص بليل
وشقه ظلمه وهادئه مااحس الا صار صوت  صراح عالي بره كلت ذوله يمكن امي وابويه تعاركو
بعدين كلت لا هذا مو صوت ابويه
طلعت من غرفتي لصاله ماكو صوت بشقه اسمع الصراح وعرك بره شقه ركضت على غرفتي اريد اخذ حجاب دورت مستعجله ملكيت دائما تصير عندي هاي مشكلة من احتاج شي وادوره مالكا

سحبت غطه مال جربايتي وخليته على راسي وفتحت باب شقه وبقيت واكفه ب الباب
طلعو الشقه الي فوك شقتنه  ساكنين بيها عرب مثلنه وجاي يتعاركون
اسمع الولد يغلط على زوجته ويسب بيها وهي ترجع تغلط عليه وتسبه
هو زواج لو هيج لو ميراد
باوعت وراي لكيت امي واكفه  كتلها شوفي اشلون متفاهمين اصلا واصلين اخر مراحل التفاهم

_مالج علاقه بناس ولا تحجين عليهم مدام ما تعرفين شنو صاير بينهم

ناي _ لا مو جاي اشوف مستقبلي بيهم

_ لا لتخافين مراح توصلين لهيج مستوى

ناي _باوعت للامي واني مبتسمه بس مطولت ابتسامتي وكالت لان محد راح يتزوجج

كتلها واني مسويه نفسي ضايجه حتى لترزلني لان كاعده لحد هسه ارجع انام احسن مدام خف صوت العركه

_على اساس جنتي نايمه انتِ اصلا بطلي سهر مو راح تنعمي عيونج

ناي :  واني اضحك كلت الها تدللين من باجر ابدي انام من وقت
بنفس لحظه دار بالي صراع من الافكار وتضارب من الاقوال اجه سؤال بالي شنو الي يوصل اي الاثنين متزوجين لهيج درجه من مشاكل
اذا من الأساس ما متفاهمين ليش تزوجو؟
حتى هذا سوال ماعندي جوابة
فتحت جهازي وراسلت إسلام
ناي:إسلام كاعد؟
مع انو وقت متاخر كلت واحتمال جبير هو نايم بس مااعرف احد غيره يجاوبني على الاسئله الي باله غيره
وره خمس دقائق رد

إسلام : اي كاعد شنو محتاجه شي سنيوريتا؟

ناي :شنو عندك كاعد هيج وقت

إسلام :جاي ادرس  بكوفي قريب من شقتي
بعده المكان فارغ مابي هوايه وجو حلو بره شمس هسه بدت تطلع

ناي :دزلي مكان حتى اجي يمك اريد أسلك سؤال
وره كم دقيقه وصلني عنوان بس غيرت ملابسي ولبست شالي
من وصلت يمه شفته كاعده على كرسي ومدنك يكتب  وكدامه طاوله بيها هوايه اوراق وكتب ونفضاضه متروسه من شفتها حسيته طول ليل جان يشرب جكاير واكو يمه كوب كهوه

بدون مااحجي اي شي سحبت كرسي وكعدت
بديت بسوالي
شنو الي يوصل اي اثنين متزوجين لدرجه يبقى زواجهم بس اسم 
من سمع سوالي رفع راسه الي  جاوبني بستغراب 

إسلام :شنو  مافهمت

ناي :يعني اقصد ليش الي يتزوجون وره كم سنه تصير حياتهم بس مشاكل وتصير علاقتهم سطحيه ومابينهم اي تفاهم بس بالأسم متزوجين باوعت من كملت كلامي اشوفه ضحك ضحكه عاليه  حسيتها طالعه من گلبه وشغل جكاره سحب منها نفس وكال

إسلام: مو كلهم اكو بيهم مثل ما كلتي واكو لا وضعهم طبيعي ومتفاهمين

ناي : يمكن كلامك صح بس الي بينهم مشاكل شنو الي وصلهم لهيج درجه

إسلام :شوفي كل اثنين سواء تجمعم علاقه حب او زواج او علاقه اخوه  او صداقه تصير بينهم مشاكل بسيطه  يعني هسه انتِ وامج تصير بينكم مشاكل لو متصير؟

ناي :تصير

إسلام :شفتي اشلون
بس الفرق بين الي يحل مشاكله وبين الي يكبر مشاكله

كل علاقه بين اثنين سواء جان ولد وبنيه او ولد اثنين او بنات اثنين لازم بيها يصير تنازل من طرفين حتى تستمر علاقتهم
بااعتذار وبتغير او  من خلال سوال بمراسله بالاتصال بتحمل مسواليه بمصاريف لازم تكون مشاركه من طرفين حتى علاقتهم تستمر

ناي :بالتغير اشلون

إسلام : شوفي كل إنسان بعد ما يتزوج لتزم يتغير
او يتغير الوضع الي هو عايش بي مثلا مكان سكنه او طريقه حياته يتغير بطريقة تفكيره ولازم يتعلم يتنازل عن أشياء حتى يكدر يكمل حياته ويا طرف المقابل

ناي :إذا هيج راح يتعود يتعود الانسان دائما يتنازل عن الأشياء الي يحبها

إسلام :لا التنازل مو بكلشي وانما لحد معقول

ناي :زين ليش مايتقبلني مثل مااني بدون مااتغير

إسلام :ماكو شي اسمه يتقبلج مثل ماانتِ
ركزي وياي سنيوريتا
يتقبلج من يتعكر مزاجج مرات اي وياج
يتقبلج من تصير وياج اشياء خارج عن ارادتج
بهاي هم وياج
بس ما مضطر يتقبل  افكارج الغلط  او تصرفاتج تصرفاتج السيئه الي تهدم علاقتكم
ولا مضطر يتقبل طوله لسانج او انانيتج ويا
كل إنسان اله طاقه صبر وراها تنتهي وتخلص الطاقه اسمعي هاي

ماتعـرف تحِـب ، چـا بيـه تتعلـم ؟

ناي :ههههه حرام عليك مو جنت مركزه بكلامك
بس هم حلوه

إسلام :انتِ ليش ماعندج أصدقاء
مااشوفج تختلطين ويا أحد

ناي :امي متقبل اكون صداقات ويا اشخاص عراقين
وعماره الي احنه بيها صح هي كلها عرب بس مابيها نفس عمري لو اطفال لو كبار بالعمر لو متزوجين

والاجانب الي اعرفهم علاقتي بيهم سطحيه  عدهم اشياء متعجبني

إسلام:زين امج ليش متقبل تعرفين على ناس عراقين

ناي :مااعرف يلا اني أروح
صح قبل لا أروح شنو عندك اليوم بليل؟

إسلام :ماعندي بس ليش

ناي :نازل فلم جديد بدار السينما شنو رأيك نروح نشوفه

إسلام :هههه تره مااندل هوايه اماكن هنا بعدني جديد على مكان

ناي: اني اندل

إسلام :هسه روحي اريد اكمل امتحاني بعد كم ساعه ويبدي وبليل نتفق على موضوع
فتحت جهازي قبل لا ارجع ادرس لكيت اكو كم رسالة من طيف ما منتبه الهن
تسأل بيهن عن اخباري وعن دراستي
كلت بس اكمل دراسه ارد عليها واحجي وياها
وراها نسيت الموضوع واني ادرس مر نص ساعه تقريبا وجمعت كل كتب وملازم ورجعت لشقه حتى الحك ابدل واروح للامتحان
وصلت لكليه متاخر ركض لقاعه
اخذت ورقه الاسئله وبديت احل النقاط الي اعرفهن والي مااعرفهن اتركهن لنهاية

ترف :باوعت على الولد الي كدامي كتله شنو جنت تغني

مرتجى :تردين اعيد الج الاغنيه
جاوبتني اي بلا عيدها

ضوء لمع وسط المدينة رسم ندائًا  لمنادينا حينا يبدو
ويخفي حينا تلك اشاره باتمان

ترف :شنو يعنى هاي الاغنيه
جاوبني وهو يضحك هيج مجرد اغنية
مارجعت جاوبته اخذت جنطتي من الكاع وعدلت عبايتي وكملت مشي لبيتنه
وبس وصلت لبيت تعاركت ويا ابويه
ومن يومها هو ياخذني لدوام ويرجعني
بيومها اتذكر نمت حتى بدون مااتغده كعدت العصر
سمعت صوت نفس الاغنيه الي غناها الولد بالتلفزيون
رحت ركض لصاله لكيت اخويه الزغير كاعد يباوع كارتون  وطلعت بي هاي الاغنيه
سئلته شنو اسم هاي كارتون

_باتمان

ترف :ومنو منهم باتمان

_هذا ولد  الي لابس اسود

ترف :وعود ليش هذا ولد جان يغني هاي الاغنيه من شافني
من اشوفه مره ثانيه اسئله لا خلي يولي ولا اسئله شعليه بي وراها صرت اشوفه هوايه بمنطقتنه طلع هو ابن جيرانه والجلب الي ركض وراي جلب مالته

طلعني من كل هاي ذكريات مرتجى وهو يرش مي على وجهي

مرتجى : وين جان بالج بشنو تفكرين

ترف :تصدك جنت اتذكر اليوم الاسود الي شفتك بي

مرتجى :اشوفها تضحك اروح فدوه لهل ضحكه
ليش متقبلين بيه شنو بيه معاجبج

ترف :يلا بدينه بنفس الموضوع
كوم خلي نروح لمحاضره راح تبدي محاظره الثانيه

مرتجى :دسكتي بابا يا محاضره هاي راح تبدي لعبه مال ريال مدريد واشبيليه

ترف: تعرف من جنت زغيره جنت منتظره الريال تلعب ويا العراق  وكل مااكول للإخواني شوكت لعبه الريال والعراق يضحكون عليه

مرتجى : باوعت عليها واني اضحك كتلها اي تدللين ان شاء الله قريبا يلعبون

ترف : اشوف مرتجى طلع الايباد مالته مال دوام وطلع بي لعبه وسئلني

مرتجى :تعالي تشوفين وياي؟

ترف : اي  وره شويه  سئلته  اللاعبين ليش يتعاركون

مرتجى : يعترضون على قرارات الحكم

ترف :زين هذا الي جاي يحجي اشلون حافظ اسمائهم كلهم

مرتجى :اسمه معلق
وبعدين هو هذا شغله يحفظ اسماء لواعيب

ترف :هذا لاعب حلو

مرتجى :انجبي

ترف :شبيك والله حلو

مرتجى :هذا لاعب موزين تره اكو احسن منه

ترف :  شوف شوف العنصري لان كتلك حلو
صار لاعب موزين

مرتجى :انتن بنات تختارن  اللواعيب حسب جمالهم احنه ولد نختار لواعيب حسب احترافيه وطريق لعب
يعني هسه لو اكلج اختاري تشكيله لواعيب  راح تختارين الاحلى
مو الاحسن

ترف :همه كلهم جاي يركضون سوه بعد الأحسن بشنو
مرتجى :اخ ينار گلبي اسكتي
خلي نكمل لعبه

ترف: هدف هذا هدف مو صح

مرتجى :اي بس الهدف على الريال يعني لصالح اشبيلية شي مايفرح
تعالي لج انتِ تشجعين منو

ترف :اشجع الي يفوز
واني اضحك اتصل عليه ابويه  حجيت ويا
وسديت الاتصال

مرتجى :شنو راح تطلعين؟

ترف : اي ابويه اجه عليه حاليا واكف باب كليه
اليوم عدنه عشه ومجلس دوره السنه مال جدي ابو ابويه

مرتجى : لو ما مداومه اليوم احسن
ترف :امي متقبل اغيب لازم اداوم حتى لو ساعه وحده متخيله اذا اغيب راح ارسب

مرتجى :امج عدها سوالف تضحك

ترف :اخذت عباتي وملازمي وطلعت من كليه لكيت ابويه ينتظرني

_ها اشلون جان يومج

ترف : والله صراحه ولا محاضره اخذت الأولى الاستاذ مجاي والثانيه مدخلت وعلى نصها واجيت انت
صدك شنو نتظر ليش منروح

_خابرت على مرتجى يجي ويانه خطيه ولد بكل مناسبه هو ويانه ويساعدنه كلت مدامني جاي جاي خلي اخذه ويانه

ترف :يعني هسه اني لازم انزل واكعد وره حتى هو يكعد بمكاني اباوع على ابويه ياشرلي بمعنى اي  كتله
انت ليش نحس وياي تره اني بنتك مو هو
واني اداهر ابويه اجه مرتجى
فتحت باب ونزلت كتله بصوت ناصي مكاني
اشوفه ضام ضحكته
وصلت لبيت واني اشوف هوسه وعمامي وعماتي وخالاتي وخالاتي كلهم موجودين بما انو همه اقارب

إسلام :طلعت من قاعه الامتحان وكعدت بحديقه مال الكليه بالكاع اكلب بملازمي اشوف اجوبتي شنو الصح وشنو الغلط
حسيت بيوسف كعد يمي

يوسف :ها برو اشلونك بالامتحان  ولو انت تطرد عيون ماتحجي صدك

إسلام : يعني زين بس مو كلش

يوسف : اللهم اجعلها في عيني بقره

إسلام :منو؟ باوعت كدامنه كاعده بنيه حلوه  لابسه قصير  بس شكلها مو عربيه

تره غلط هيج تكول من تشوف شخص كدامك حلو

يوسف :لعد شنو كول بلا

إسلام :لازم تكول سبحان الباري سبحان المصور
ما معقول الله بالقرآن يكول

لَقَدْ خَلَقْنَا الْإِنسَانَ فِي أَحْسَنِ تَقْوِيمٍ

ونجي احنه اكول اللهم اجعلها في عيني بقره تره

الكدامنه خلق الله مو خلقنه او خلق شخص عادي  لازم يكون بينه احترام لخلق الله

يوسف :لعد ماكلت هيج من شفت ناي

إسلام : ماباوعت عليها بنفس النظره الي انت جنت تباوع على هاي الأبنية بيها
شفت اشلون

يوسف :اسكت برو اسكت صاير شيخ براسي  صدك شنو راح تسوي النه عشه اليوم

إسلام: ما تسكت مااريد اخرب مزاجي بيك

أصلا اليوم راح اتعشه بره يعني انت احتار بعشه مالتك

يويف :اسوء شي سويته بحياتي كعدت وياك بنفس الشقه  السنه جايه ادور واحد يهودي ملحد حتى اكعد ويا

إسلام : عفت يوسف وضربت اخر محاضره ورحت لشقه حتى انام البارحه ليل كله منايم
كعدت العصر على اتصال من والدتي وراها حجيت ويا ولدي وهو وختمها برزاله متخيل اني جاي اضيع وقتي وفلوسي ونهايه راح ارجع راسب
أكثر إنسان معارض دراستي خارج العراق هو ولدي
جان يكلي اقبل بقبولك بالعراق وادرس هنا ويم زوجتك
اي هو من يوم  زواجي من  طيف لهذا اليوم ما مر يوم واني وابويه متصافين
دائماً اكول بنفسي هسه شنو استفاد ابوي من خلاني اتزوج طيف واورط نفسي بزواج واني اصلا مو كده
ونفس الوقت طيف خطيه جاي تنظلم وياي بدون ذنب  منها وجاي اهملها بدون قصد مني
كمت غيرت ملابسي وبين ماجاي اغسل وجهي اسمع يوسف دخل لشقه وهو يتعارك
ويا الولد الثالث الي ويانه
طلعت الهم ها شنو

_ تعال إسلام احجي ويا هذا

يوسف :لا تكول هذا لا ادوس بطنك

إسلام: لحظه خلي افهم شنو شبيكم

يوسف : هذا الافندي كل يوم ويجمع ولد هنا بشقه وره وحده بليل يالله يرحون
واكله لتجيبهم ميقبل

_ محد اله حق يمنعني اجيب منو ومااجيب منو
اني شريك بشقه مثل ماانتم شركاء كلنه نسكن بيها

إسلام: شوف حبيبي هاي شقه مال طلاب مو تجمع لشباب  تريد تسهر ويا اصدقائك بره اسهر وان شاء الله تبقى لصبح محد يحجي وياك كلمه
بس ماتجيب ولد لشقه لا اقاربك ولا اصدقائك ولا اي كأن يكون
وكلنه ينطبق علينه هذا كلام
واني مااريد اوصل وياك لغير كلام ولغير حل

كلها كم شهر خلي نتحمل بعض وتخلص وتصير سوالف وتبقى بس ذكرى الحلوه بينه

_  ان شاء الله تدلل  هذا اليعرف يحجي مو يوسف الارعن

يوسف :انجب لك

إسلام:تركتهم  وكمت صليت
واخذت جهازي من شحن وطلعت
امشي بشارع كميه الهدوء بمكان ماتنوصف كل شخص يمشي بشارع ما يخصه بثاني
لو بالعراق جان واحد يصنف على ثاني بالبس وطريق المشي ولهجه
تحس الناس هنا كل واحد محتار بنفسه

سبحان الله شكد اكو ناس وكل انسان بداخله قصه تختلف عن الثاني
كل شخص اكو بداخله افراح واحزان ومواقف  وحوادث
الحمدلله الله خلق بينه صفه النسيان حتى نكدر ننسى كلشي تعبنه وهلك طاقتنه
حتى نكدر ننسى كل الاحزان الي بداخلنه
الانسان اذا مينسى ميكدر يعيش
ولا يكدر يكمل حياته سبحان الله الي خلق بينه هاي النعمه وهديه من الله
بهاي الاثناء راسلتني ناي وهي تسئلني

ناي :شنو صار على فلم 

إسلام: تصدكين نسيت الموضوع يلا دزيلي موقع السينما حتى اجي

ناي :ها تمام
دزيت اله موقع وبقيت انتظره يجي لان اني اصلا قبل لا اراسله واصله
مر كم دقيقه يمكن نص ساعه واجه إسلام
اجينه نشتري تذاكر دخوليه
لتدفع عني

إسلام :شبيج غير اشتري الي والج

ناي :لا كل واحد يشتري نفسه حتى يدفع لنفسه
اني مااحب احد يدفعلي

إسلام : ديلا سنيوريتا اشتري حتى ندخل راح يبدي الفلم

ترف :من بين كل الموجودين قيصر يلفت نظري
مو بيدي احبه 

مااعرف بضبط شوكت بده حبي اله من طفولتي  او يمكن من ولادتي
مرات أشك انو اني نولدت حتى احبه

جنت اباوع على كل حركه هو يسويها بدون ما ينتبه الي أحد
اشلون يمشي ويحجي  اشلون يسلم ويضحك
نفس الوقت ما اكدر اوكف كدامه واحجي ويا اخاف من حبي اله يبين
اخاف عيوني تفضحني واني صافنه بي
وحتى من يحجي وياي احجي ويا كلمه وحده او كلمتين مااطول بحجي  جنت واكفه بمطبخ وهو اجه

قيصر : يردون جاي

ترف :تمام

قيصر :اي اشلونه دوامج
صدك شنو تخصصج انتِ

ترف : دوامي زين 
احس نفسي نقهرت من اني حافظه كلشي عنه واعرف كلشي يخصه وهو حتى مايعرف شنو تخصصي
جاوبته تمريض

قيصر :اي خوش تخصص بي تعين

ترف :بعده قصير يحجي ودخلت بنت عمتي سما
وبقت تضحك ويا قيصر ويشاقون سوا اني ساكته
بعدين كلت هذا جاي كمل
اخذ قصير الجاي وراح
اجتي سما يمي وهي تكلي

سما : اكلج شي بس متكولين

ترف كولي
سما : قيصر البارحه كلي احبج