#جحيم _نيران .
كاتبه : فاطمه.
لاتنسون التصويت + التعليق بين فقرات.🤍
انشرو قصه على تيك توك حتى تاخذ
حقها كامل ، و اني استمر بيها . . .
"""""
تَالي ما تِالي شِلگيتة ؟
سالفِة بحلگ الشمُاتة؟
ثِاري مو بس أني حَبّني.
ثاري هم غيري بحَياتة.
وثاري كُل ساعة حَبيب.
و مُاخذ الناس بحلاته
"""""
دخلنا للغرفه مرتبكه حيل ارجف و ابجي ؛ ماعرف شنو اوصف
شعور يلي صابني ..
دخلت اختنكت احس غرفه تريد تاكلني
اريد اطلع
آجو غسلو رجلينا جابو الاكل و طلعو
كمت حاولت انزع البدله ماكدرت ساعدني و فتحلي البدله
من وره
_نيران : دير و جهك خل ابدل ..
_راهب : بويه يله ما تنزع بدله ...
فرك وجهه و نزعت البدله و طرحه ؛ لكيتهم مجهزيلي سيت نوم
لبسته و لبست روب فوكا ؛
هوه كاعد منتظر اخلص حتى ناكل ردت افل تسريحه..
_راهب : عوفيها اخلص و اساعدج مخليلج ماشات طن منا
باجر يله نخلصهن...
_نيران هزيت راسي : تمام
كعدت اكلت لكمه بس اني ارجف انتبه عليه ؛
_راهب : لا تخافين سهله اكلي شبيج خايفه ؟؟...
فعلا جنت بوكتها محاسبه غير حساب ؛ ما ضنيتها ليله العرس
هيج عبالي واحد ينام بصف ثاني ؛ بس لان جنت عقل طفله
_نيران بكل ثول : هيه شنيه سهله بس مامتعوده مستغربه
من المكان ...
خلصنا اكل كام طفه ضوه بعد ما كعد و حجه و ياي و فهمني
شنو سالفه ؛
خنست ب مكاني ما نطيت كل رده فعل اجه كعد بصفي
خله ايده عليه فزيت
_نيران : ديربالك ديربالكك تدنه !!!...
شافني ارجف و مصخنه احجي و ابجي
_راهب : بس اهدي اهدي لا تخافين ماكو شي ...
_نيران : ماتدنالي و علي اكتل روحي !..
_راهب : بس استهدي برحمٰن ما اسويلج شي كافي
راح تنجلطين ...
كرفست نفسي بالزاويه و ابجي ذكرت موقف اليه من جان
عمري 8 سنوات
اخذتني صفنه و اني ابجي ..
" تعرضت لحاله ' تحرش ' واني ب هذا العمر ..
جان بصف بيتنا ؛
بيت شيخ عشيره و بتهم كلش صديقتي جنت دائما اروح العب
هناك يمهن .
اجت العصريه بتهم كالت
_تعاي نلعب يمي نلعب بالحديقه...
استاذنت من ماما و طلعت لبيت عمي اخذت بنت عمي ؛ و رحنا
بيت الشيخ ؛
جنا نلعب توكي محلقو جنا نسميها ؛ و نلعب فنجان ابنهم مكابلنه
فجاه صاح على اخته كال
_صيحيلي ياها اريد اسئلها على ابوها ..
_نيران اجيت بكل اذب : تفضل عمو شتريد ؟؟...
_عندي سالفه و ياج ..
_نيران : تفضل عمو حاجيني ...
اخذني من ايدي وداني ورا بيتهم و عبرني هيج تانكيات
كلش كبار ؛ جنت صغيره ماكدر اعبرهن يعبر يشيلني صح صغيره
بس كلبي نخمش ؛
جاي نمشي و صلنا نهايه البيت
و كفني على حايط و حط ايده على حايط ؛ صار وجهه بوجهي
و يسولف و ياي و عيونه ذبلانه ؛ واني كلي قرفانه منه
دفعته بيدي .
_نيران : اذا عندك سالفه روح حاجي بابه ...
_لا وياج عندي شغل ...
و كفني هوه كام يرفع ملابسه !! ؛ اني نصدمتتت ضليت اصرخ
و ابجي صم حلكي ؛
_اش اش لا احد يسمعج ...
_نيران بجي: طلعنيييييي...
و اصح الاخته
_ راح اطلعج بس بشرط اسكتي و امسحي و جهج لا تحجين ..
_نيران : ما احجييييي بسس طلعنييييي بساعععع ...
اخذني عبرني يسكت بيه و يقنعني اسكت ؛ اشتريلج شغلات
_نيران تفلت بوجهه : ماريد شغلاتك ..
رحت اجت بنت عمي كالت
_احجي شسوالج ؟؟ و شلون هيج ترحين ويا ؟؟...
_نيران : امشي ما عليج ..
رحت الهلي و اني گلبي خلصان و اباوع على دنيا ..
هوه يصيح
_راهب : نيران نيران كومي سهله خل نخلص بساع و ارتاحي
شتكول الناس البره حاجيني ؟؟...
نيران بخزره : لو تموت لبالك ميصير ...
استغفر الله كومني راد و ياي ؛ ضليت ابجي منطيته مجال
استغفر ربه ؛
_راهب : كومي مامي منا لصبح الله كريم ...
نام هوه و اني ضليت صافنه بعالمي
كعدنا الصبح على دكت الباب ؛ يلي يكول مداهمه من ناحيه
العائله ؛ اني وجه الصبح ما اجاني نوم خاف
يكعد و يسويلي شي
كعدني كوه كمت
_راهب : يله خل نخلص سالفه شتكول الناس ؟..
بلا وعي كمت فلشت غرفه
_نيران : لا جيب طاريها اطلع كولهم ماتريد شتريد كولهم ...
ضل صافن و المكص على مرايه جاب المكص نبته بيده
خل دم ينفر منه جاب و صله و خلا بيها
_راهب : يله بدله و طلعي و اليكلج كليله خلصت سالفه ...
ضليت صافنه و مصدومه فوك صدمتي نفتح الباب نطاها
الامه
ضلت تهلهل ؛ اني اجني خواتي سحبني بس على صدمتي
ما حجيت ولا فكيت حلكي ؛ شكت بيه اختي تسولف وياي
و اني ساكته ..
_احجي اذاج ؟..
_نيران : لا ...
_سوالج شي ؟..
_نيران : لا ...
_دنالج ؟..
_لا ...
ضلن مصدومات
_يعني بالي مسوا ؟..
_نيران : اي ...
ضلت وحده صافنه بوجهه ثانيه
سبحت و طلعت
بدللي لبسني فستان هوه سبح و طلع يسلم و رجع كامو
اخذونه صور ولا كانو صاير شي ؛ بس داخله ميحجي هيج
كامت ناس تروح و ترد تسلم علينا للعصر يله طبيت ارتاحيت
سنحت ؛ هوه اجه نام بصفي ماحجه ولا سوه شي بس مجرد
لف راسه و نام ..
من شفته نام كذالك نمت شويه اخذنا سبوع على هاي حاله
اشرد منه ما اباوع بوجهه
بعدها بدت المئسات اكثر و اكثر كل يوم يمر بحياتي ضغوطات
من الحياه جبرتني اصبح بشر ثاني
مصنوع من الخوف .. انانيه .. واجهت مصاعب اكثر و اكثر ..
بس ماكو احد يحس بيه ؛ اكول شوكت اخلص من هل اليوم
يبدي بيوم اسؤء و ؛ اصعب عايشه بوسط غربه مستغربه
اختنك المغرب ؛ و اجهه تكتني مستوحشه على امي اريد اضمها
مستوحشه على اذيب گلبي يوجعني
كلها التمت عليه ..
اكعد و حدي بس ابجي سامعه بل عروس حياه حلوه طلعات
و شهر عسل ؛ اني بديت من اول ليله حياه سوده مليئه بل
وجع .. المفاجئات المفجعه ..
حسيت اهله صار عدهم علم ؛ صار ضغط عليه من ناحيت اهله
ضغط ؛ من ناحيتي لان كلما يطب اتهرب منه
رجعت الحالتي لا تعبت نفسيتي تخيلات احلام مزعجه ما تفاركني
صرت اكعد الصبح على احد خانكني !!! خيال يفتر بالغرفه
من يطلع راهب ؛ اني كاعده بس احد كاعد على
گلبي خانكني !!!
.............
يتبععع ....
اعتذر على تاخير بارت
بارت قصير مو طويل
شنو تتوقعون شراح يصير
حياه مليئه بالمشاكل ضغوطات خوف تخيلات
تعب بكل شي ...
حسابي انستا : faa.tt_r
دمتم برعاية الله ...