عندما تتحدث في ظهر احد حاول آن تتحدث
فيما تستطيع آن تتحمله لإنك ستبلى به يومًا ما.
——
عند رهام ورشاش
رهام
ما سمعت له حس قربت منه وانا ناويه اضربه
الا واشوفه يبعد وانا بضربه الكلب كان داري !
طحت جنبه وبدا يضحك بصوت عالي
مقدرت امسك نفسي وضربته وقمت بسرعه وهربت
وباقي اسمع صدى ضحكته
—
عند سعيد وناصر
سعيد : يا ناصر قبل لا تقفل قل لاحمد وعلي يشيكون ويشوفون
العصابه الجديده و وين مكانها ونتاكد من شغلهم معنا يمكن نستفيد من وراهم فاهمني ؟
ناصر : يعني ما فهمت قصدك بدال م نبعد منهم نقرب ؟
سعيد : طبعاً يا ناصر عمري ما هربت وشوف ليش يبونك يمكن تستفيد منهم هههههه وخلهم يسوون الي نبي
ناصر : طيب طال عمرك بخلي احمد وعلي يقربون منهم
سعيد : بس لا تثق في احمد وعلي كثير
ناصر : ابشر
—
بدينا نفطر كلنا ومجتمعين نضحك ونسولف
بعدها قمنا وشلينا الفطور وجلسنا بالحوش نناظر بعض
ام عراد : انا بروح بكره اشوف اخبار العالم من الرياض
واجي اقولها على اهل ديره ، وبشوف ابوكم ليه خلاكم عندي
ساره : هههه اي تقصدين تبين تعرفين ليش خلانا عندك ؟
رمينا على عمتي....
فاتن تضرب اختها وتسكتها : مافي شي بس قال قضو الاجازه عند جدتكم الحلوه وامي وافقت
رهام وهي تبتسم غصب : ايوا طبعاً اطلق اجازه بس خذيني معك يا جده ولله طفش هنا
ام عراد : لا اجلسي مع خواتك بروح وارجع بسرعه كلها يومين
منال مصدومه : بتخلينا مع الغرب؟
ام عراد : اول مره يعني بخليكم ؟
خلود : بس جده بتخلينا قصدها مع الي في زريبة الغنم ؟
ام عراد : طبًعا لا وين عايشين
ساره ترتاح : اي حسبالي
شهد بفضول : بس وين بيروحون ؟
ام عراد : وانتي شعليك منهم انا خليتهم يطلعون من بيتي؟
رهام براحه : ولله احسن شي سويتيه
شهد : طبعاً افضل
—
جاء الليل وطلع صبح
ودعو البنات جدتهم ودخلو البيت واخيراً وهم بس
طول اليوم متبطحين ويناظرون بعض من طفش
شهد
وهي تفكر
قطع حبل افكارها
فاتن بصراخ : بنات !
رهام : اي اذني وش فيك ؟
فاتن : طفشانه اوف سوو شي
خلود وهي تقراء مع ساره : خلونا جالسين كذا احسن
فاتن بتمثيل : ولله مو قادره اجلس كذا بيذبحني الطفش
شهد : انا معك صراحه طفش
رهام وهي تناظر ملابسها : بنات منجد طفشت اشتقت للحفلات
والجمعات وطلعات والجيات ابي بيتنا
فاتن : زيك
منال بتفكير : شرايكم اليوم نسوي جو ونطلع نكشت؟
فاتن : انسه منال حن بالكشته ؟
شهد : ولله صراحه اتفق مع فاتن
منال : وذا الي يبي يطلعكم و يونسكم؟
رهام : انا مستحيل اطلع من هالمكان برا مره يخوف
ساره : بعدين معكم خلو الواحد يقراء
بعد مده وازعاج من منال وفاتن وشهد
اتفقو البنات يطلعون واخيراً
—
رشاش
دخلت البيت الي متصدعه جدرانه ومتكسره
شفت العيال مجتمعين في احد الغرف ومسوين شاهي
مصلح : رشاش وش صار؟
رشاش يجلس : ما صار شي جديد قحص باقي ما رجع
عمر : اصبر عليه كم يوم وبيجي وبنمشي من هنا
رشاش يلتفت : كيف حالك الحين سلطان؟
سلطان : الحمدلله احسن من اول
عزيز يناظر العيال : ماني مرتاح
رشاش : من ناحية؟
عزيز : المتعاطين الاثنين
مصلح : شفيهم
عزيز : ظنكم خانو الي يعطيهم مخدرات ويجيون عندنا ؟
رشاش : في كلا الحالتين فايزين
عزيز : ما فهمت
سلطان : يقصد رشاش انه لو قالو له او ما قالو راح نستفيد
—
طلعنا من البيت
وقد لنا فتره نمشي وقدامنا منال
فاتن تتحكك : رهام معك حق حشرات؟
رهام : لا مو معي
فاتن : ذكريني اجيبو المره الجاييييه اهمشي
منال : اص بنات شوفو طبيعه تأملو
شهد : وين طبيعه في الموضوع شمس تصقع الراس !
منال : تخيلي اجل يا شمس شوي وبنوصل المكان السري
خلود وساره وعيونهم قلوب : مكان سري؟
—
مصلح
توزعنا وبدأ كل واحد يراقب المكان مره ثانيه
ننتظر قدوم قحص الي مفروض يجي اليوم
بس ماله وجود...
عزيز : يهوه وينك؟
مصلح : معك
عزيز : لا تخاف بيطلع قحص قريب
مصلح : ذيب مانيب خايف عليه بس شاغل بالي
الوضع الي حن فيه تعبت من هالمهمه
عزيز : اصبر خلاص بنطلع منها قريب
—
عند البنات
رهام بصراخ : يمه وش ذا في شي لمس كتفي
فاتن بصراخ : وش لا يكون صرصور !
منال : ازعجتوني اكيد الغصن حرك كتفك
شهد : منال ما وصلنا لمكانك انا جعت
رهام : انا اتفق مع شهد الى متى وحن نمشي
خلود بتفكير : وكيف عرفتي المكان وحن ما كنا نعرفه لا انا
ولا شهد ولا قلتي لنا عنه
ساره : منال ابعدنا كثير بديت اخاف نضيع
منال بثقه : لا تخافون بيعجبكم المكان خلاص قربنا
بعد دقائق من كلامهم صرخة منال
ساره تقرب منها : شفيك!
منال : وصلنا
انصدمو من المكان الي كان عباره عن بيت صغير
ومحاوطه زي سور وداخل سور عشب وزراعات وشجر
كان مكان يفتح النفس بس داخل السور عشب وبرا صحراء قاحله
وكان داخله زي البحيره
رهام : بسم الله ما شاء الله ايش المكان !
منال : قلت بيعجبكم ما صدقتوني
ساره : ولله طلع منجد بسرعه خلينا ندخل
خلود : بنت منال متاكده مافي احد؟
منال : لا المكان جيته اكثر من مره محد يجيه ومهجور
خلود بصدمه : يا كلبه جيتي اكثر من مره ما خفتي على نفسك!
على الاقل قولي لنا انا وشهد
شهد : ما علينا اهمشي شاركتنا مكانها منجد تحفه !
منال : وين فاتن؟
رهام بستغراب : كانت معي قبل شوي ؟
شوي يسمعون صراخها من بعيد
فاتن : بنات بسرعه تعالووو الحقو
خلود بضحكه : مو صاحيه متى وصلت هناك
شهد تركض : انا بعد بروح
خلود تركض: انتظري
منال تركض وراهم وتنادي : بنات انتظروني
ساره تطلع لسانها وتركض : خلك هنا رهوم باييي
رهام وهي تهز راسها وتمشي بشويش وبعدها تركض : طالعه مع اطفال انا؟ الحمدلله وشكر ، بس انتظروني لا تخلوني لحالي اخاف يطلع شي
—
دخلنا المكان وتوزعنا الي جالسين يستكشفون
والي يلعبون بالمويه والي ياكلون
خلود
بديت اناظر المكان الا وفجأه اشوف على سور دم
ودم ما كان ناشف باقي على سور والعشب فيه دم بديت
اتتبع الدم الى وصلت لباب خلف البيت خفت وكنت بنادي البنات
بس تشجعت وقلت يمكن ارنب او شي مقتول لكن قاطع تفكيري
شخص يأن من الالم ويحاول يتنفس بس ما يقدر
انصدمت وقلت مستحيل اكيد اتخيل فتحت الباب....دخلت
وانا اشوف الغرفه كلها دم
بس ما كان فيه شي الا وانتبه لظل شخص التفت وشهقت
وهو يقفل الباب ومصدوم
خلود بخوف : من انت!
....... بتعب : انا؟ مالك خص اطلعي من هنا انتي وخواتك
المكان ماهوب امن
خلود : بس متاكد انت مو كويس
......يلهث : اقولك بسرعه اطلعي
خلود بخوف : لا ماراح اطلع ليه وش فيه المكان ؟
........ : المكان ذا لمروجين مخدرات ارتحتي ؟
—
يتابع
نجمه ، تعليق ،نشر الروايه
-
تتوقعون من شخص ذا الي تتكلم معه خلود؟
-
بيصير موعد النشر الساعه ١٢:٠٠
مثل رواياتي السابقه وبس انشرو الروايه لان الدعم 😔