في الشارع
توفيق بهدوء : ينفع الي عملتيه في البيت دا
سوسن : فضلك فرصه خلي في بالك
توفيق بتنفس : يااه بصي الجو حلو ازاي
سوسن بتزمر : دا الجو حر اوي
توفيق بحنيه : بس حلو علشان انتي موجوده معايا ثم نظرت سوسن له بصدمه ثم قالت : مش متعوده علي الكلام دا
توفيق : لأنك علي طول حاطه فيروز في بالك فا مش شايفه غير اني بحبها
سوسن بحزن : لان دي الحقيقه
توفيق : امم هيا كانت حقيقه بس بعد الجواز بقيت ميال ليكي اكتر مقدرش انكر انك ضحيتي كتير علشاني قبل الجواز وبعد الجواز و كان قبل الجواز استحملتي حبي لفيروز و بعد الجواز استحملتي اني مش بخلف وانك مش هيكون عندك اطفال او تبقي ام
سوسن بهدوء : بس انا مكنش فارق معايا موضوع الخلفه علشان بحبك
توفيق بحزن داخلي : بس انا كنت عارف لما كنتي بتبصي لواحده ست وتلاقيها مخلفه اتنين وتلاته كنتي بتعيطي في الاوضه لوحدك انا مكنتش غافل عن كل دا كنت بفكر اتبني طفل بس حرام فا معرفتش اساعدك سامحيني
سوسن بحنيه : علي فكره انا فعلا بحبك اكتر من اي حاجه يعني موضوع الخلفه دا كان بيزعلني ساعتين تلاته بس لما بشوفك كان بيروح الزعل كل المشكله كانت فيروز
توفيق : وانا لما فكرت مع نفسي لقيت انك احسن ست في العالم وصونتيني رغم كل حاجه وعلشان كدا حبيتك ونسيت فيروز ثم اكمل بهزار وبعدين تعالي هنا دي فيروز كانت حب ثانوي انتي هتعلقي على حب الأطفال دا
سوسن : بس كنت فاكرها دايما هيا وحبها بسبب نوران
توفيق بهزار : يااادي نوران حطاها علي دماغك لي يا بنتي والله نوران بنت اخويا وعلشان عيونها حلوه بفضل باصصلها كتير وبس انما انا يعني هفتكر مرات اخويا او هفضل احبها يا سوسن اعقلي
سوسن : مصدقاك بس عايزه ابقي لوحدي شويه
توفيق : لوحدك اه يالا يا ستي نروح نقعد عند عَصاره عم محمد اشتريلك اكبر عصير مانجا فيكي يا محل قولتي اي
سوسن بتفكير : امم تمام و وانا بشرب هفكر هرجع ولا لا
توفيق بضحك : اتفقنا مع انك كدا كدا هترجعي بس يالا فكري عادي
____________________________
في شقه توفيق
نوران بتفكير :تفتكري عمو توفيق صالح مرات عمي ولا لا
ليلي : اظن لانها بتحبه
نوران : انا حزينه اوي علي الوضع الي احنا فيه دلوقتي دا
ليلي : يا ستي كان لازم يحصل كدا علشان نتصالح ونكون عيله مع بعضينا ثم رن تليفون ليلي وكانت سهيله
ليلي : اخيرا افتكرتينا ياختي
سهيله : حوش حوش الي بيسألوا يعني المهم البت نوران جمبك ولا هقول الكلام مرتين
ليلي : لا جمبي قولي كلام اي
سهيله بفرحه : واخيرا عمر اتقدمليييييي
ليلي بفرحه : بجد الف مبروك يا قلبي امتي بس يا بت
نوران بضحك : يا ختي استني نزغرط شويه لولولولولولولي ياالف نهار ابيض قولي بقي امتي
سهيله بفرحه : يوم الخميس الجاي دا في قاعه الزموده
ليلي : اي دا يعني احنا آخر من يعلم ولا اي
سهيله : لا يا بت دا هو عمر مستعجل
نوران بضحك: الف مبروك يا قلبي بصي احنا كدا كدا جايين اطمني
سهيله : اشطا تعالو بس من بدري بقي علشان تروحوا معايا في الكوافير علشان مش هاخد قرايبي التعابين دول
ليلي بضحك : البيت وناسه والخمسه سته الي انتي منهم
سهيله : لا البيت وناسه حلوين بس دول مش البيت وناسه دول تعابين المهم هقفل دلوقتي علشان امي بتزعق علشان المواعين يالا باااي
________________________
ثم انتهت المكالمه
نوران : والله انبسط اوي اوي يالا نشوف هنلبس اي
ليلي :ايوه يالا بصي انا في بالي الفستان الستان الاسود اي رايك
نوران بتفكير : امم حلو بس بتهيقلي الديل بتاعه مش موجوده
ليلي : يخربيت الحظ
نوران : طيب اي رايك انا اللبس الفستان الطوبي الي هو ستان برضو
ليلي : ايوه دا بيكون حلو اوي عليكي ويخليكي مزه المزاميز
نوران بغرور مصطنع : دي اقل حاجه عندي اصلا
ليلي بضحك : بس يا بت
ثم بدأوا في ترتيب الفساتين و كل شيء يخص يوم خطوبه سهيله
__________________________
في الصعيد
نيره : يا ماما بقولك خطوبه صاحبتي الروح بالروح يعني اي يعني مروحش
دعاء : يعني مينفعش تسافري جدك هيزعل والكلام منتهي
نيره : يا ماما ازاي بقولك صاحبتي انا هروح استأذن جدي
دعاء : روحي وانتي وشطارتك بقي
__________________
ثم ذهبت نيره الي جدها في مكتبه حيث كان يكمل عمله الخاص بالاستثمارات الاراضي الزراعيه ثم تركت نيره الباب ودخلت عندما سمح لها جدها بذلك
نيره بمرح : جدو يا حبيبي
عبد العزيز بانشغال : نعم يا حبيبتي
نيره : امم خطوبه صاحبتي بس صاحبتي الروح بالروح خطوبتها يوم الخميس بس دي في القاهره فا ممكن اروح ارجوك ارجوك
عبد العزيز : الخميس امتي الاسبوع دا ولا الي بعده
نيره بسرعه : لا لا الي بعده فا ممكن اروح
عبد العزيز : تمام تبقي تروحي انتي وهشام يوم الاربع
نيره : ممكن هشام يكون مشغول انا ممكن اروح لوحدي عادي
عبد العزيز بحده خفيفه :لا هشام هيجي معاكي معندناش بنات بتسافر لوحدها
نيره : اتفقنا يا جدو يا حبيبي ان شاء الله يوم الاربع هروح صح
عبد العزيز : ان شاء الله صح
نيره : امم طيب هسيبك انا بقي و ينفع اقول لهشام ولا لازم حضرتك هتقوله الاول
عبد العزيز : قوليله لو عايزه ولو صاحي خليه يجيلي
نيره بضحك : تحت امرك يا باشا باي
_________________________
ثم ذهبت الي باب غرفه هشام واخذت تطرق عليه كما تطرق علي الطبول ثم فتح هشام الباب بعصبيه وقال : مين الي بيخبط كدا
نيره : دا انا
هشام : عايزه اي
نيره : هو فيه حد يكلم اخته كدا وبعدين كنت عايزه اقولك حاجه مهمه مهمه خالص
هشام بنفاذ صبر : قولي
نيره : جاتلك سفريه يوم الاربع الجاي
هشام : اي دا جدي هيوديني فين ولي جدي مقالكيش
نيره : لان انت هتروح معايا انا خطوبه صاحبتي يوم الخميس الجاي فا جدي قال اننا هنمشي يوم الاربع
هشام : ااه فهمت واكيد جدك مش هيسيبك تسافري لوحدك
نيره : بالظبط
هشام : كان مالي انا ومال المواويل دي
نيره : اخس عليك دا انا اختك حتي ، المهم جدي كان عايزك بس معرفش لي سلام يا اتش
ثم ذهبت تركض مثلا الاطفال
هشام بعد رحيلها : اتش الله يرحم يا هشام كانوا بيقولوك يا حمار ثم تذكر جده وقال الساعه واحده بليل يا جدي الضرب في الميت حرام والله ثم ذهب الي مكتب جده ثم طرق الباب حتي سمح جده له بالدخول
هشام : نيره قالتلي انك عايزني يا جدي
عبد العزيز. : ايوه يابني
هشام : يا بني؟ خير يا جدي فيه حاجه ولا اي
عبد العزيز بضحك : مشكلتك انك عارفني
هشام بضحك : طبعا قولي بقي فيه اي
عبد العزيز : عايزين نروح نطلب ايد ريناد
هشام بغباء : وماله يا جدي نطلب ايدي.... اي لي ولاد عمي كلهم متجوزين هتجوزهم تاني ولا اي
عبد العزيز : هو صحيح ولاد عمك كلهم متجوزين بس فيه واحد مش متجوز
هشام : بس انت عارف يا جدي اني مليش حظ في الجواز
عبد العزيز : جرب يابني وبعدين ريناد بنت مفيش منها اتنين في الطيبه والاخلاق والاحترام
هشام : يا جدي عارف والله بس المشكله فيا هيا انسانه منتهي في الجمال بس انا منفعش معاها.
عبد العزيز : هو انا كنت بعرفك علشان تكون عارف بس انا طلبت ايديها من عمك
هشام بصدمه : اي ازاي يعني وانا قراراي فين
عبد العزيز : وانت هتعرف اكتر مني يا هشام
هشام : بس دا جواز يا جدي جواز يعني لتطلع البطيخه حمره او قرعه
عبد العزيز : واحنا في سوق يابني روح اوضتك وفكر مع نفسك كدا وبعدين هنعمل خطوبه و الخطوبه دي فتره تعارف لو مرتحتش خلاص..
هشام بحزن : حتي لو مرتحتش هتجوزني برضو ثم ذهب الي غرفته وظل يفكر كيف يتخلص من الموضوع دون أن يحرج جده فمنذ وفاه ابو هشام اعتبر عبد العزيز انه والد هشام واصبح يعامله وكأنه ابن له وليس حفيد وكل ما يروده هو ان يري اولاده ولكن كيف و هشام لا يطيق الزواج ولا تحكمات احد غير جده لا يعرف ماذا يفعل ولكن كل ما يعرفه انه لا يريد هذا الزواج ثم غفل هشام في النوم وهو يفكر ماذا يفعل
___________________________
عند يحيي
عمر : اي يابني بقالك كل دا مختفي لي
يحيي : بحاول اجيب الي عمل كدا في اسر بس مفيش الا شخص واحد ومحتار اذا كان هو ولا لا
عمر : شخص مين دا
يحيي : الدكتور الي في الجامعه الي كان عايز ياخد مكان اسر
عمر : يابني انت عبيط دي كلها مشاكل عاديه متوصلش لكدا انا شاكك ان حد اسر هو بس الي يعرفه
يحيي : بس انا كلمت اسر وقاله انه ميعرفش حاجه
عمر : هيظهر لوحده دايما المجرم بيرجع لضحيته تاني لو لسه عايشه
يحيي بفتكير : امم معاك حق صحيح انت كنت جاي لي
عمر : استني لما اسر ووليد يجوا وهقول
يحيي باستغراب : يجوا فين
عمر بغلاسه : هنا ما انا عزمتهم اصل بصراحه البيت فاضي وحسيته يفتح النفس يعني
يحيي : يا صبر ايوب انت مستفز اوي اوي
عمر باستفزاز : عارف عارف ثم رن جرس الباب و ذهب عمر ليفتح لهم الباب كأنه بيته
اسر : مسا مسا
وليد : بقي تكونوا متجمعين ومتسالوش فينا غير لاسباب مهمه
يحيي : اسباب مهمه اي
عمر : ايوه ايوه سبب مهم ومهم اوي كمان
وليد : قول يا سيدي في اي
عمر بفرحه: انا هخطب سهيله يوم الخميس الجاي
اسر بضحك : دا بجد ولا دا مقلب وههه وكدا
عمر : لا لا بجد عيب عليك احنا رجاله وقد كلمتنا برضو
ثم باركوله وقضوا السهره مع بعضهم من تشغيل افلام لحرب مياه لمباراه مصارعه ثم انتهي الليل بسلام
______________________
في شقه توفيق عند عوده توفيق وسوسن فهو بالتأكيد قادر علي رجوع سوسن للبيت بسبب محبه سوسن له و لان شقه امها في الاساس هيا مهجوره منذ موت والدتها فكانت فقط تهدد توفيق حتي يصالحها علي ما بضر منه وعند دخولهم للشقه وجدوا ملابس علي كنبه الانتريه
سوسن : اي الهدوم دي
توفيق بصوت عالي : يا بنات انتو فين
ليلي : احنا هنا اي دا طنط سوسن رجعتي شوفتي البيت نور ازاي
سوسن : تسلمي بس اي الهدوم دي
نوران : خطوبه صاحبتي يوم الخميس الجاي فا قررنا انا وليلي ثم اكملوا في صوت واحد : اننا ناخدوكوا معاناا
توفيق : طيب بس افرضي مكناش فاضيين
ليلي : هيكون بليل متقلقش
سوسن : بس انا مش عايزه اروح في حته
نوران بهزار : يا مرات عمي دا هيكون في قاعه يعني هيكون فاخر من الاخر تعالو بقي معانا ثم اكملت بحب وكمان نوريهم عمي ومرات عمي
سوسن : امم موافقه بس شوفوا راي توفيق
توفيق بضحك : يعني هيا جات عليا اكيد موافق
ليلي : طيب والهدوم دي فساتيني انا ونوران ومحتارين نختار اي فا مستنيين رايكوا
سوسن بتفكير : الازرق غامق والطوبي دول حلوين
نوران : وانت يا عمي
توفيق : انتو بنات مع بعض انا هدخل انا اريح في الاوضه شويه
ليلي : خلاص انا هاخد الازرق وانتي خدي الطوبي انتي اصلا كنتي عايزاه
نوران بضحكه :ايوه
سوسن : طيب انا هروح لعمكوا
ثم دخلت سوسن غرفتها
نوران بصوت هادي : حاسه ان مرات عمي بقيت احسن شويه
ليلي : ايوه بس لسه شويه شويه وهتكون احسن واحسن
نوران : تفتكري لسه بتكرهني
ليلي : اكيد لا هو فيه حد يكره القمر دا
___________________________
ثم مرت الايام الي يوم الاربع
في الصعيد
نيره علي باب هشام : يالا اصحي هتفضل نايم لحد امتي.. ثم نزلت لجدها وقالت بتزمر : شوفت يا جدي شكله عامل نفسه نايم علشان ميجيش معايا
عبد العزيز : يا بنتي لي ثم قال هو جيه وراكي اهوه
هشام بصدمه : اي الشنط دي كلها
نيره : شنطه فيها الفستان وشنطه فيها حاجات المكياج وشنطه فيها هدوم عاديه لاني جايه قبل الفرح بيوم وبس
هشام : انا لو اعرف ان الموضوع هيكبر كدا كان زماني عملت نفسي نايم فعلا
نيره بتخبيط في الأرض : يالا بقييي
ام هشام : يالا يابني امشوا ومتزعلهاش في الطريق
هشام وهو يحمل الحقائب : متقلقيش هضربها بس يالا يا قدري
نيره بابتسامه غبيه : يالا
في الطريق
نيره : اقف اقف بسرعه
هشام بخضه : في اي
نيره :............
___________________________
البارت خلص ❤️❤️❤️