نبدأ بذكر الله ﷽🤎✨
أسكوبار
بارت 16
قراءة ممتعة
🚫لا تنسون التصويت والتعليق بين الفقــرات حبايبي..
.
.
.
نزلنا الدرج بسرعة اثناء ما خلينا رجلينا
بالكاع وكفنا مصدومين من شفنه اخت هارون
ريناد !
واكفه بالباب تباوع بينما عيونها متوسعة
من الصدمة
معن :- أنلاصت ورب الكعـبة
جاوبته بهمس
اسكو :- أخــت هارون تعرفها؟
معن :- أي شايفها بس اعتقد هيه ما
تعرفني لأن صار سنين طويلة ما شايفها
متغيرة هوااي شصاير بيها !
ريناد :- انتَ مرة ثانية شدا تسوي هنا؟؟
ومنو هذا الوياك؟؟
اسكو :- هارون طلب منه نجيب شغلة من البيت
جبناها وهسه طالعــين
قلصت نضرها بشك تقدمت خطوات
منه وجهت نضرها لـ معن
ريناد :- مـلامحك مو غريبة عليه
اتذكر شايفتك بس ماعرف وين بالظبط
اسكو :- يخلق من الشبه اربعين عادي
احنا نترخص لازم نطلع مستعجلين
ريناد :- لا عبالك جاهل وتضحكون عليه
اذا فعلاٍ هارون دزاكم معناتها لحظة اخابر علي
وسألة ما راح يضركم هل شيء مو؟
معن بهمس
:- كللها الـحقيقة راح تفضحنا
اسكو :- لحضة إذا كتلج بالحقيقة لازم
تهدئين وتثقين بينا
ريناد -: عرفـت انــتم وراكم سالفة !
مو خالين
معن -: أنا معن تذكريني من جنت حارس
هذا البيت وعبد عد هــارون
فتحت عيونها بصدمة
ريناد :- أنتَ معن ؟؟؟
حبيب تبارك وينك انتَ من سنين توة يالة
رجعت تبارك وينها تعرف مكانها ؟؟
معن -: هيه بأمان إذا تحبين تبارك من صدك
خلينا نطلع بدون ما يعرف هارون لأن إذا عرف
راح تصير مشكلة چبيرة
حياة تبارك بخطر ولازم ننقذها
ريناد :- لحضة لحضة استوعب الكاعد تحجي
ليمته رجعت من السفر تبارك وين وليش حياتها
بخطر وشنو هذا الصندوك الـ بأيدك ؟؟
اسكو :- نحجي كلشي ونفهمج بس لازم
نطلع بسرعة دقيقة ويخلص الوقت
ريناد :- وقت شنو ؟؟
جاوبتها وانا اطلع من الباب
:- وقــت الكامرات إذا ما طلعنا خلال أقل
من دقيقة يشتغلن الكامرات وننفضح تعالو
للسيارة بسرعة
طلعنا خارج البيت صاعدين السيارة
ريناد :- أحــد يفهمني شكاعد يصير هنا ؟؟
راسـي افتر !
مـعن :- هنه كلهن سوالف تخلي راسج
مو بس يفتر لا ينفــجر من كد ما طلع هارون
حقير ونذل
ريناد :- هارون اعرفة من يوم يومة مخلي
مصلحته فـوك الكل ضحىٰ بعائلته في سبيل
مصالحة الشخصية هارون محد يعرفه غيري
اسكو :- الــراح يصير كل أتي
قبل لا يتعشىٰ بينا لازم نتغـدة بي !!
معن :- عنــدك افكار جديده؟؟
اسكو :- حالياً احنا رايحين للبيت مدام ريناد
مسؤوله عن تبارك راح تكون شاهد
معن :- تبارك مو قاصر حتى تحتاج شهود
هيه مسؤوله عن قراراتها
ريناد :- تريد تعقد على تبارك ؟؟
معن -: أي ما بقىٰ حل بعد
اسكو :- هذا الحـل الأنسب للكل حتىٰ
هـارون بعد ينربط مدام ريناد أنتِ هم بعد ممنوع
ترجعين لبيتج
ريناد :- لدخلني بخططك أنا مرة متزوجة تعرف
اذا زوجي رجع من الشغل وما لكاني
ممكن يموتني صح تعودت بس المـوت كلها تخاف
منه
رفعت راسي باوعت عليها من المرايا
بلعت ريكِ غمضت عيوني مأخذ نفس
اسكو :- صح ما نحتاج شهود بس افضل
يكون لهذا مدام ريناد وانا راح نكون شهود
درت علىٰ معن
:- جبت كل الأوراق ؟
:- اي هيه كالت مخليه أوراقها وجنسيتها
بهذا الصندوك
:- ما فتحته وتأكــدت من جنسيتها ؟
:- اي فتحته بس شفت الأوراق
وسديته يعني ما دورت بي
:- فتـحه دور شوف جنسيتها موجودة
لا !!
فتحه
دنــك يدور ثانية ثانيتين تلاثة كلبه كلاب
صفن معن بالع ريك
اسكو :- لا يكون الـ بالــي !!
معن -: كلــشي موجود
بس جنسيتها ماكــو !!
دست بريــك فاتح عيوني على وسعهن
اخــذت الصندوك من حضنه دورت دورت
ماكو الجنسية
:- كل عــادة هـــارون سابقنه بخطوة
ضربت الستيرن بعصبية صدري يصعد
وينزل بصمت طلعت بخاخ الربو ضغطت
أكثر من مرة اخذت نفس طويللل
شغلت السيارة بدون كلام
ريــناد :- بس شلـون هيج شلون عرف ؟؟
معن -: شــيطان والله شيطان
ريناد -: شلون هسه شنسوي شلون نحصل
جنسيتها شئ اكيد هو ضامها عنده
معن :- ما عرف عقلـي بعد ما يشتغل
احس شما لعبنة وي هــارون راح نخســر
اسكو :- عــوفو عليه أنا اتصرف
معن -: شتسوي يعني ؟
اسكو :- الليلة اشوفه شنو يريد هارون
اذا يريد شئ لازم يأخذ شئ ويساوم
علي كلــشي عنده مساومة حتىٰ حفيدته
عندي فكرة شوية يراد امخمخها براسي
معن -: شنو هيه ؟
:- معليك أنتَ اهم شي اخلي الجنسية
بيــدك
ريناد -: ترة هــارون يستغلك دا يحقق
مصالحة عن طريقك يشمـرك بالـنار ويباوع
عليك شلون تحتــرك
اسكو :- بس ممـكن اجرة وياي و نحترك
ســوة !
وصلـنا للبيت جسمي تعبـان قلة نوم
منهك اتمنىٰ أسبح ومدد جسمي شوية
ارخي اعضامي
ما شفت شئ بعد كـبل دخلت للحمام
هو واحد يصير بالمطبخ
تنفست اخخ يا تعب ضهري يكول عجوز
حنيت ضهري مسحت الماي من وجهي
اسمع اصواتهم
تنهدت لبست ملابسي و طلعت انشف
بشعري رفعـت راسي شفتها واكفه يم الطباخ
مدنـكه تهـز برجليها بتوتر
عقــدت حاجــبي تقدمت يمها
:- بيــج شئ ؟؟
فــزت رافعة راسها
:- لا مــا بية
:- متأكــدة ؟
-: أي
-: ليش واكفه هنا الجو حـار روحـي
للغــرفة
-: أي هسه امم ممكـن أسألك سؤال؟؟
-: اكــيد
تلـعب بضافــرها وتحجي
-: شنو نهايتي أنا ؟
يعني اقصد من يخلص كل هذا
معن يتزوج تبارك ويسافرون
أنتَ تلتفت لحياتك هارون أله رب يحاسبة
أنا ويــن اروح ؟
عد منو ابقىٰ ؟؟
ابتسمت
تقدمت يمـها أكثر رفعت راسي تباوع.
خليت مسافة بيناتنا
:- أنا ما عندي حياة بس ممكن تصيرين
أنتِ حياتــي !
لا عبالج اعوفج لا بس تخلص سالفة
معن و تبارك ونأمن عليهـم سوة.
اوعــدج اطلع أهلج لو جانو جوه الكاع
مستحيل اتخلىٰ عن الفكرة هذي مهما صار
ولحد الموت ولأخر لحضة بعمري
احــارب بس حتىٰ تعرفين الحقيقة
وكـل شخص ياخــذ جزاته بنهاية احنا نستحق
نعيش نهاية سعيدة
ابتسمت
:- كلامــك خلاني اتفائل نبرة صوتك
وجدية كلامـك خله كلبي يرجـف مهما كانت
نيتك فـ شكراً الك من گلبي على جرئة الأمل
بس يـبقىٰ السؤال شلون راح نعرف ؟؟
:- هو شخص واحــد يعرف حقيقتنا كلنـا
عقـدت حاجبي بعدم فهم
هازة راسي بمعنىٰ منو ؟؟
جاوب بينما عيونه مضلمة ومتركزة
بنقطة معينه
:- دعــلج
:- هذا هو نفسه الي أهـلي أنطوني اله
حتىٰ يربيني ؟؟
:- اي قصـتج تشبه قصتنا اطفـال
اول ما فتحو اعيونهم للدنيا لكو نفسهم يتيمين
برغم أهـلهم عايشين !!
:- أنتَ هم أهـلك متبرين منـك مثلي ؟؟
-: لا يمـكن أنا جاي عن طريق الزنا
اكو فرق بيني وبينج
-: منو كلك هل حجــي ؟
اذا الـ تسمي دعلج منو يثبت الك حجيه حقيقة
يمكن يجذب بس حتىٰ ما تفتح وياه موضوع أهلك
وحتى يخليك تـكرهم ومستحيل تفكر
بيهم بيوم من الأيام
-: علىٰ العموم ما يفرق عندي سواء
جاي عن طـريق الزنا أو الحلال تبقىٰ جمرة
بكلبي چلمة أهــل !!
يحجي بقهر بـدموع بألم بغصة
كل ذني المشاعر كدرت احس بيهن
بعيونه
عيونه يحجن كلشــي اذا سكت
اكتشفت هو ما صار مجرم وقاتل من تلقاء
نفسه هو انجبر حتىٰ يعيش هيج عيشة
هنا تعلـمت درس مُهم ما لازم نصدك
كـلشي نشوفه بعيونه !
ما لازم نحكم علىٰ الأنسان بسرعة
ونصير نحجي علي حجي سواء بقلوبنا
او كدامه !
والعبرة هيه
لا تحــكُم علىٰ الكتــاب من غـلافة !!!
بس يبقىٰ بنضري شخص قاتل قتل أنسان
ماكدر اتحــمل هل فكرة عايشة ابيت بي مجرم
حاولــت اسيطر علىٰ تفكيري الزايد
تعديته قبل لا اطلع ستوقفني سؤالة
:- اعرف أنتِ بحالة توتر وخوف وتفكــير
زايد بس افضل ألج تبقين هنا تحت حمايتي
الخارج صار خطر عليج
ياريت تفهمين عليه أنا جاي اساعدج
لأن اعتبر نفسي مقصر بحقكم كلكم أنتِ
معن وبحق نفــسي
درت علي تــقدمت يمه كم خطوه
:- ليش تسميني رولــيت ؟
-: أول لعبة شفتها بحياتي وتعلمت عليها
هيه لعبة الرولــيت
-: تشوفني أنا لعبة يعنــي ؟؟
-: لا بس لأن اسم مميــز يلوك ألج
-: امم يمكن بالعراق كله ماكــو أسم روليت
تعرف أنا هم حبيته
علىٰ العمـوم شكراً
عقد حاجبة رافع راسة
-: علىٰ شنو تشكريني ما سويت شئ ترة ؟!
رفعت راسي وخرت شعري
من وجهي بطريقة عفوية
-: اهم شي نقذتني من باهـر صح ما انسه
كلامك بيوم تكلي هارون باعج وانا شتريتج
بيومها تمنيت اشوه وجهــك بس ربك ستر
ضحك بصوت عالي
-: حجيـت هيج لأن هــارون جان مخلي أجهزة
تصنت هو يريد يُعرف ليش أنتِ بذات ختاريتج
يريد يعرف إذا انتُ مُهمه عندي ويكدر
يستغلني من خلالج
-: يعني قصـدك يستغل نقطة ضعفك ؟؟
-: هيـج شي
: تعــرف شغلة أنا زعلانة بس لأن قتلت
احس حرام كاعـد اضيع عمرك تدخل بمتاهة
سنين ما تطــلع منها !
-: كل أنسان عنده اسرار والـكدامج مليان أسرار
وخفايا من تعرفين شعر راسج يشيب
لهذا السبب لا تحكمين حتىٰ إذا شفتي بعيونج
اقتل شخص ممكن يطلع هذا الشخص عايش !!
-: بس أنتَ قتلت ضابط ولو ما مات
مستحيل هارون يخلينا نطلع !
-: صح
-: لعد هذا شتسمي ؟
-: ممكن اسمي خــدعة الحقيقة !
-: ليش هيج تحجــي بالألغاز ؟!
-: بعدين نحجي غفــيت وانا واكف
-: اسفه ما نتبهت اخذتني السوالف
ابتسم
-: قصدج الأسئلة
عادي انتن النسوان معروفات بالسوالف
وكثرة الفضول
زمــيت شفتي بقيت اباوع علي لحد ما
دخــل للغرفة وسد الباب
تنهـدت
طلعت للصالة كاعدين تبارك ومعن
يباوعون علىٰ الشاشة
-: لعد وين ريناد ؟
التفتت عليه تبارك
-: راحــت خطية تكول زوجها يضربها
اذا رجع وما لكاها بالبيت
كعدت يمهم عابسة وجهي
-: هذا زوجها مخـبل شلون عايشة وياه
خطية تكسر خاطري بـ نتصار ولا بيها
هيه فقيرة ما تستاهل
تبارك -: عاش لسانج صح والله
معن - لا تدعن علىٰ الناس هيج دعوه
ترجع عليجن
تـبارك -: ما داعين احنا فقيرات
ابتسمت
-: صح والله بعدين احنا نسولف أنتَ
معليك خليك مركز بالفلم
باوعلي بطرف عين
-: أنتِ معليج أنا اسولف وي حبيبتي
خـليج خارج الموضوع
:- لا تستفزني واضح شكد أنتَ جبان
شوف شلون خايف من فلم رعب ههههه
جانو يباوعون علىٰ فلم رعب اسمه
منشار تكساس
يلعب النفس وبنفس الوقت مخيف كلش
سكتنا كلنا من شفنا ولد يركض والقاتل لازم
منشار ويركض وراه
فتحت عيوني بصدمة من شك بطنة مصارينه
كلها طلعت انوب شالا معلكه من ضهرة
بعمود ورجع علي كصا بالنص ضهرة بقىٰ معلك
والجزء الثاني من جسمه وكع بالكاع
هنا ما كــدرت ابقىٰ ساكته صرخت
وي صرختي فزو معن وتبارك خايفين
ركضت للحمام
تقيئت منضرة
ما يروح من بالي أتخيل هيج يصير وياي
يمةةة اجوز باهر إذا لزمني هيج يسوي بيه
لأن اخذت الفلاشة
حسيت بأيد لزمتني
تبارك :- عزا عزا شبيج خفتي لج فلم
هذا تمثيـل مو حقيقة
غسلت وجهي واحجي بخوف
-: بس مبني علىٰ قصة حقيقية
يمةة معــدتي ايععع
-: كومــي علىٰ كيف علي وياج
كومتني لأزمة معـدتي شفت معن واكف
بالباب لازم بطنه وبالكوه كاتم ضحكته
خزرته
ما تحمل طكها ضحكــة بصوت عالي.
انفتح باب الغرفة وطلع منها عقاب منعس
عيونه حمر
عقاب -: يا كواد ابن كواد كاعد يضحك
معن -: محــد متوهم
رفع راسه علي
عقاب -: ها أنتَ الكــواد يعني
معن -: بكيفك ما رد عليك أحتراماً لكبر سنك
عقاب :- بس لا عبالك بكد أبوك أنا ؟
معن -: بهيج حالة أنتَ الكواد
طفر علي عــقاب ركض معن بالصالة
يفتر وعقاب وراه
معن -: شكعــدك روح نام
عقاب -: اليوم اشكك وعلي
معن :- سترك ربــي الولد صار براسة
شئ.
شمر روحه ورانا يحركنا يمين ويسار
وعقاب ويانا نتحرك يريد بس يلزمه
وهذا مصر ما ينلزم
معن -: ههههه صاير شويب شني هاااي
عــوزك عكازة
عقاب -: تعال الزمك وشوفك الشويب شيسوي
معن :- ارجع نام اضاهر حلمــان
وكف عقاب يــلهث ويتنفس سريع لزم صدرة
وبلحضة وكع بالــكاع صرخ علي معن
- عقاااب
ركض لزمه يدك على وجهه خفيف ما شفنه
أله عقاب فاتح عيونه كالــب معن
جوا
فتح عيونه متفاجاء عقاب يضحك ومعن
يتـلاوه يريد يفك روحه ما يكدر
عقاب كعد على بطنه
خلا اديه جوه عكس رجلي منا ايد
ومنا ايد كنف ردانات تيشيرته وطاح
علي راشـديات
معن غمض عيونه ويحــرك رجلي
وهذا ولا مهتم يضرب ويحجي مستمتع
اسكو :- أنا شايــب ؟؟
معن -: لا لا
اسكو :- أنا ما اكدر الك ؟؟
معن :- لا أنا الما اكدر الك
اسكو -: هسه هذا حلم لو حقيقة ؟؟
معن -: أنا الحلم وانتَ الحقيقة اخ
علىٰ كيف
اسكو :- لا تحــرك رجليك
نزل رجـلي ضربه خفيف يضحك ويحجي
اسكو -: عفية بالنـونو الياخذ الحجي
رفع راسه علينا شافني بالكوه واكفه
بس ابتسامة عريضة علىٰ وجهي ابتسم
سألني باستغراب
اسكو :- شبيــج وجهج أصفــر ؟؟
روليت -: شفت فلم رعُــب يخوف وما تحملت
اسكو -: تستاهلين لعــد
تبارك -: كافــي خطية عوفه
اسكو :- اول شئ يعتــذر بعدين افكر اعوفه
معن :- بطنــي خرب اه راح ازوع مصاريني
اسكو -: ما سمعــت أعتذارك ؟؟
معن :- تريـد كرامتــي تنهان كدام مرتي
اسكو :- لا هيه مرتك ولا هيه خطيبتك
معن :- هبطـت معنوياتي
:- بعدني على كلامــي !
نفخ الهوه بصـوت عالي دار علىٰ تبارك
:- شبيج يمعودة ضربي وخري عنــي
:- بيناتكــم أنا شعلية بعدين أنتَ البديت
اول شئ
ضحك عقاب
معن :- أنا اتعــرض للخيانــة من أقـرب
النــاس لدي هذا مؤلم يا صديقي
عقاب :- إذا ما تكول أسف ابقىٰ للصبح
صاعد على بطنــك
معن -: استســلم عـمي
اسف اسف بس وخــر عني خيست بطني
خرب
:- حتىٰ بعد ما تعيدها
ضربه وكــام منه كعد معن يكح ويمسح
على مـلابسة
-: اخخخخ يا علـــي ضهري
ضحكنا علي حـرفياً بهل لحضات ضحكنا كلنا
دخلنا أنا وتبارك للغرفة
صـلينا صلاة المغرب والعشاء طلعنا للمطبخ
كعدت علىٰ الكاونتر اهز برجلية
وهيه تطبخ سألتها
:- شدا تسوين ؟
:- اطبخ
-: تعرفين تطبخين ؟
-: مو كلش بس الشغلات السهلة
-: هسه شنو تسوين عشة ؟
-: معكــرونة هـذا الموجود
-: اوف مشتهية كبـاب
-: اي عيني مو انتصار كل يوم توكلج
كبــاب
-: هههههههه ختـولي اكرها
-: تبقىٰ مرة جبيرة وعيب تحجين
عليها بهل شكـل
رفعت اكتافي
-: مو مرة هاي شيطان رجيم
-: ميؤس منج أنتِ بدل ما كاعدة نزلي
حضري الـمواعين وياي حركــي جسمج
شوية
نزلت طلعت صحنين اغسلهن وحجي
-: عيني أنا عمري كله ما مشتغلة ولا حتىٰ
لازمه صحن بيدي عايشة ملكة علىٰ عرش
زماني
ضحكت بينما اخذت معكرونايه تضوكها
وتحجي بستهزاء
-: اوي عيــني ومنو الجــانت توكف علىٰ
الطباخ الصبح حتىٰ تسوي ريوك ألها
لو من تنقلين الأكل بكل الأوقـات
هذا غير غسل المـلابس ومسح الأثاث
تنــضيف غرفتج وأثاثها همات شنو هاي
طلعتي مو أنتِ مشتبه أنا ضلج اخاف
-: خرب بليسج علىٰ كيفج ما خليتي شئ
ما حجـيتي تكول جنتي عايشة وياي
بالـبيت
-: أي غير أنتِ توافيني بكل الأحــداث
ضحـكت أثناء ما نسولف دخل معن
-: عقاب يكـول احنا ما يصير نبقىٰ بالبيت
وياجن لازم نطلع نشوف غير مُكان
انام بي
درنا علي
تبارك - يا صدك تحجي ؟
معن :- اي والله
روليت -: بس وين ترحـون بهل ليل ؟؟
معن -: مــادري نشوفنه مكـان خلينا أكل
بصحن جيبي ناكل على السريع
هزت راسها نطيتها الصحن خلتلهم معكرونة
ونطته الهم التفتت عليه
تبارك -: اكــلج خلي نحاجي خطية وين يرحون
بليل هم خطر عليهم همه
روليت -: باعـي هو تفكيرة صح ترة
ثنينهم محرمين علينا شلون انام بنفس
البيت سوه ؟؟
-: اووو الـ يسمعج يكول نايمين بحضنه
همه بـغرفة وأحنا بغرفة
رفعت اكتافي
-: مادري بعد بكيفج
طلعت رحت وراها لكيتها واكفه يمهم
همه ياكلون اخذت نفس وحجت
-: ابقو هنا ترة احنا نخــاف وحدنا نبقىٰ
عقاب -: ما عليجن شئ أمان هنا نقفل
الباب ونطلع الصبح نجي بـدون نقاش
-: بس احنا نخــاف عليكم
معن :- اصبرن يوم يومين ويخلص كلشي
راح اطلع الج جواز سفر بعد ما نعقد
تبارك -: بس انا ماريد اسافر اذا مو ديار
وياي
فتحت عيوني بصدمة
-: انا شكووو اسافر مستحيل
-: اذا تبقين هنا خطر عليج بعدين
عد منو تبقين ؟؟
سكتت محتارة شرد عليها التزمت الصمت
من رد عليها بحزم
عقاب -: رولــيت يمي ما تكدر تسافر
ما عدها جواز سفر ولا حتىٰ جنسيه حقيقيه
تبقىٰ بأمانتي لحد ما احققلها كل أمنياتها
ساعتها لكل حادثً حديث
الكل التزم الصمـت طلع عقاب برة
بينما معن وكف كدام تبارك
-: لا تضوجين الشي الدا نسوي علىٰ مودجن
انتن الثنين
بقت معبسة بوجها ما تحجي شئ
تنهد
-: عاشت ايدج علىٰ المعكرونة سلطانة گلبي
هو حجه هيج وهيه ضحكت بصوت
عالي تعجبت من ردت فعلها توها اله شوي تبچي
-: هههههه شنو هاي سلطانة كلبي جديدة
أول مرة اسمعها
:- اشبعج غزل شعدي غيرج وجدج
هارون
-: معننننن شدخل هــارون بالنص
-: ههههه ياريت يموت مثل هارون الـرشيد
ونخلص منه
-: ماكدر أكلك أمين يبقىٰ جدي ابو
أمــي
-: والله محد طيح حضنا غير گلبج الرچيچ
هذا
رادت تحجي بس سبقها عقاب بعصبية
صيح
-: خلصنييي خو ما انتضرك الليل كله
بالبـاب ؟؟
-: تصبحين على خير
دار عليه
-: ديري بالج عليها
تصبحين على خير
وطلع سمعنا قفل الباب تنهدت عود
هو يشوفني كفو ويوصيني علىٰ تبارك
هو انا روحــي ما سالمة من لسانها المفروض
يكلي ديري بالج منها !
.
.
.
قفلنا الباب عليهن وحركنه السيارة صافنين
كل واحـــد عنده مشكلة وحاير
شلون يحلها !؟
معن -: هسه ويــن نروح احنا ؟
-: هواي أماكــن كل الأريـدة منــك تبقىٰ يمي
وتحافض علىٰ هدوئك
-: رايحين للحــرب ؟
-: اعـتبرها هيج كل يوم وكل مكان نروحله
حياتنا معرضة للخطر يعني باختصار شديد
المــوت
او الحياة
-: ما شاء الله هذا مو أختصار
هــذا أعصـار منك
-: افضل تبقىٰ كـــدام الأمر الواقع !
يله انزل
نزلنا سوه دار عليه مستغرب ابتسمت
-: بعدك ما شايف شئ من الأستغـراب
اليوم نركص على جروح هارون وباهر
غمزتله بطرف عيني مبتسم وهو مو فاهم
شئ
-: فهمنــي علىٰ الأقل وين جايبنه انتَ؟
اردفت بينما نمشي
-: هــذا بيت دعــارة !!
وكف بمكانة
درت علي فاتح عيونه مو مصدك تنهدت
وكفت مقابيلة
-: مضطرين ندخل لهيج مكان اكو من
يساعدنه حتىٰ ننتصر ضد هارون
-: اذنك تسمع الكاعد تحجــي ؟؟
مخبل أنتَ جايبني لبيت دعارة عقاااب
دعاارة!!
-: ما نسوي شئ فقط نتصرف كأنما احنا
داخلين لهيج أماكن من قبل نشوف
شنو موجود جوه
وشلون يمارسون دعارتهم ونطلع
-: عقاب احنا فعلا داخلين هيج اماكن من قبل
اتذكر دعلج من جان ياخذني اشوف هل مناضر
واضطر اباوع وإلا انضرب
وهسه انتَ كاعد تعـيد الأحداث من جديد
بس الفرق احنا كبرنه وبرجلينه جايين ندخل
لهيج مكااااان
-: ارجــع للسيارة دقائق ما طــول ورجعلك
-: رجلي علىٰ رجلك عقاب
تنهدت محتــار
-: اسمعني زين شغلي مخك هذا وخليك
سبع اول شئ اسمي اسكو عقاب شيلة
من راسك ماريد أحد يعرف اسمي الحقيقي
-: أنا متعود علىٰ عقاب
-: مشكلتك هاي تريد ابقى بالسيارة ماريد
انفضح
-: ماشي اسكو
-: أي هيج انا اصيحلك
ابو يزن ممنوع نستخدم اسامينه الحقيقية
اما اذا أحد سألك عد منو تشتغل بس كللهم
الحجي
تشوفهم يرجفون رجف حتىٰ بوس يبوسونك
ارجع أكرر كلامي دير بالك تغلط بشي
ماشــي !
-: متفقين
-: شنو اسمي ؟
-: ع...اسكو اسكو
وإذا أحد سألني عد منو اشتغل اذكر
اسم الحجي
-: معـدل ابو يزن يله سمي وفوت
هز راسه أحسه ما قابل تنهدت هو
الأصــر يدخل !
شقة چبيرة وسط بغــداد نكتفي بعدم ذكر
اسم المنطقة فقط المُكان عبارة عن شقق
نص قيد البناء متروكات
والنصف الأخر تستخدم بيوت للدعارة
والجنس والشذوذ وشاربي الخمر
من مُختلف البُلدان ليس فقط الجنس العراقي
موجود !
صومالي بنغلاديش سوداني حتىٰ اكو تركي
واكو سعودي يمارسون الدعارة والمخدرات
داخل الشقق
والي يدعمهم هو نفسه الـ يضهر بالتلفزيون
يتكلم عن الحرام والحلال الـ يتكلم عن
تطوير العراق ومحاربة الفساد
ذوله نفسهم الكاعدين علىٰ مقاعد البرلمان
همه نفسهم يمتلكون هاي الأماكن
دغني معن من كتفي ويحجي بحالة
صدمة من الـ يشوفه
-: والله لو تشوفني تبارك موجود بهيج
مكان أقرأ علىٰ روحي السلام !
-: ههههه تصرف طبيعي لا تفتح حلكك
-: باع هذا سوداني الچلب
-: اكو هواي جنسيات مو فقط عراقي
دعارة وتجار مخدرات وحيازة أسلحة
بيع الأعضاء الجسدية هنا كلشي يتم !
نساء شبه عاريات الريحة تلعب ستين
نفس بس مضطر اتصرف مثلهم
اضحك مثل المُختل
اشرب ولكن كل السويته فقط لازم
الكلاص بيدي
ارفعه لثغري ورجع أنزله امثل كاعد اشرب
عيوني تركزت على مجموعة من الرجال
كاعدين كل واحد كدامة سلاحة بينما لعبة
الروليت والقمار وسطهم
ابتسمت
شكد احب اغير هاي الأجواء لأكثر صخب !
ناضرت الكل بينما امشي وكف مقابيلي
شخص
شاب طــويل بدين الجسم
-: محتاج شئ؟
سألني
هزيت راسي
-: لا شكراً
-: اول مرة اشوفك بهيج مكان
من أي مجموعة أنتَ ؟
-: أنا من طرف الحجــي
فتح عيونه تركني بدون كلام ثاني
كأنما ما شايفني كدامه قبل شوية
صعـدنا للطابق الثاني عيوني تناضر المكان
ألى أن شفته وأخيراً
ابتسمت بخفوت
معن -: ليش تبتسم امرك غريب !
-: اشش
وجهت سلاحي علي كاعد على الكرويتة
بينما بحضنه كمبيوتره رفع عيونه باوعلي
بطرف مناضرة
اسكو :- سربرايزززز
-: عقاااب هذا أنتَ
-: بلحمة وشحمة !
تحاضنه بحرورة معن واكف مستغرب
غمزلته يكعد كعد بدون حرف يعجبني
من يأخذ الكلام
اسكو -: مشتاقلـك اختفيت فجاءة وبعد
ما شفتك وين رحت ؟؟
-: اوففف صارت أحداث هواي خلينا
منها أنتَ وين رحت شنو تشتغل بعد
ما طلعت من المقـر !؟
-: اتذكر أنتَ كتلي بيوم من الأيام شنو مصيري
فـ ماكو داعي أكلك شنو اشتغل
تنهد
-: صح اذكر منو هذا الوياك؟؟
-: صديق طفولتي والضلع ابو يزن
-: تشرفنا ابو يزن
-: ألي الشرف حضرة ......
-: تكدر تكلي الهــكر
باوع عليه عاقد حاجبة
اسكو -: حضرة الهـكر جان وياي بالمقر من
جنت ادرب هو دربني شلون اهكر بيانات الاتصال
والحسابات وهواي شغلات بعد
معن -: ها فهمت
تشرفنا
ابتسم ستقام من مكانه قفل الباب ورجع
كعد
-: المكان هنا خطـر تعرفون لو لا
الجيش ممكن بأي لحظة يحاوط الشقة
اسكو -: اعرف بس اجيتك بموضوع مهم
يخص أرواحنا وأرواح ناس ابرياء
-: فهمني السالفة اول شئ وشلون اكدر
اساعدك !
-: عندي فلاشة تحتوي على مخططات
عده تهدف إلى نشر المخدرات وتفجير
بعض السجون الموجودة في بغداد
وأغتيال بعض الأشخاص المُهمين
بالدوله !
-: تعرف هذا كلامك ممكن يوديك لحبل
المشنقة اذا ماكو دليل علي !!؟
-: عندي الدليل بس اكو بعض الأشياء
ما فتهمت الها شفرات بس أنتَ تكدر
تساعدني
نزع نضارته عدل كعدته راد بتوتر
-: خلي اشوف شنو ممكن أسوي
طلـعلي فـلاشتك
هزيت راسي انطيتها اله خلاها بالكمبيوتر
اشرلنا نكعد قريب منه
-: تعــالو اشوفكم شنو ممكن نسوي
كعدنا قريبين علي كعد بالنص ساعة يشتغل
كل شوي يطك ضهرة ورقبتــة يرفع راسه
يمسح على شعرة ويرد يكمل
-: الـ مسوي هيج شيفرات ذكــي ومدرب
علىٰ أيد شخص اذكئ مني بهواي
بس اكو عامل مشترك بيناتنا
-: الي هو ؟؟
:- ذني النقاط الصفر والحمر يرمزن للتفجير
وتجارة المخدرات
اما ذني النقاط والشيفرات وحده منهم ترمز
ألى مكان شخص ما والثانية ألى رمز
خــزنات أو صفقات !!
منو صاحب الفلاشة ؟؟
تنهدت بتعــب فرقت ما بين رجليه
دنكت راسي للأرض
-: جــان عايش وياي بنفس السكن
باهــر
-: ها عرفته هذا عنده ملهـىٰ خاص بي
ويشتغل بالمخدرات ومنضم لـ حـزب
-: تعرف اسم الحــزب ؟؟
:- لا طبعاً شدراني بس كل الأعرفة شخص
خطيـر وذكي لا تستهيــن بقدراته
شئ اكيد هو هسه يدور عليك اذا يعرف أنتَ
اخذت الفلاشة منه
-: اي يعـرف قبل يــومين تعرضت لـ هجوم
من قبل أشخاص تابعين اله
ضحك
-: ذوله مو أله ذوله تابعين للأكبر منه
باختصار الكلام هو هسه بورطة چبيرة
لأن أوامرة يأخذها من الأكبر منه ما يتصرف
بكيفه هاي الفلاشة والتحتوي تحدد مصيرة
وإذا راح يعيش أو يــموت !!
اسكو -: شنسوي هسه انصحنـي
محتــار أنا اسلمها للشرطة !؟
-: المشكلة هنا صارت اكبر والموضوع شئ
اكيد صار عد الأكبر من باهر يعني هسه
أنتَ صرت بوكر الشياطين
الكل عزم على قتلــك الـ يدخل بعملهم
نــور الشمس ما يشوفه بعد
معن -: تحجـي واثق من كلامك يمكن
بعدهم محد يعرف الفلاشة انسرقت يمكن
باهر خايف وما يريد أحد يعرف
لأن هو مثل ما كلت مصيرة بيها مستحيل
يروح ويكللهم الفلاشة انسرقت مني منو يصدكة
يمكن يكتلونه باهر اذكئ من هل تفكير
هو الوحــيد حالياً حياته بخطر وأحنا لازم
نسلم الفلاشة للشرطة وينتهي الموضوع
بدون ما نكبره.!
-: يا ولــد الموضوع كبر أصلاً تعتبرون
محضوضين بـعدكم عايشين غيركم انذبح
ونشمر بشي مزبلة أو نهر
-: طلبت منك نصيحة مو تزيد الرعب بينا
أكثر من ما احنا بي !
-: اذا تريد نصيحتــي سلم الفلاشة الهم
بالمقابل يعفون عن حياتك
معن -: اكو شرطـة بالبلد !
-: الشـرطة ما تضمن الكم حياتــكم !
معن :- بس احنا مستحيل نتراجع أنتَ
بنفسك شفت شنو المخططات بهيج حالة
ولنفترض سمعنا نصيحتك
احنا راح نمــوت والناس راح تموت
هيج نخسر كلشي ونكون تعبنه علىٰ الفاضي
-: حبيبـي افهمك أنا بس بالحـالتين
ما راح تكدر تسوي شئ
أنتَ تعرف يكدرون يشترون مركز شرطة
كــامل بفلوسهم !؟
بس همه اذكئ ما يشترون العبد بينما
الرئيس موجود همه يشترون الرئيس ويسيطرون
علىٰ كل العبيد الموجودين عند الرئيس
وهيج يصير كل صغيرة وچبيرة يدرون
بيها إذا سلمت الفلاشة بيد أي واحد
ممكن وانتَ بمركز الشرطة ما تطلع منه ابدد
مـعن :- شلون تعرف كل هــذا ؟؟
شلون هيج تحجي كأنما أنتَ واحــد منهم !!
ضـحك وهل مرة بسخرية
رد
-: ومنــو كلك أنا مو واحد منهم
بالعكس أنا الأساس عدهــم !
معن -: شفت أنتَ واحد منهم تريد تقنعنا
ننطي الفلاشة الهم لأن أنته أصلاً ما يهمك
الراح يصير بينا كل همك تنفذ شغلك القذر
مثلهم
-: أنتبه للسانك شنو يطـلع منه وألا ينبتر
يا ولــد !
وكف معن بعصبية ناط عيونه
-: ما تخــوف مني شعرة تسمعني
كلشي موجود بالفلاشة هاي راح يروح
للشرطة ونشوف شلون راح تمنعني
-: هههه ماشي بس ديــر بالك لا
تعضك الحية المراكز متروسة حياية
-: لازم ادير بالي منـ امثالك
اسكو امشي نطلع من هذا المكان
-: علىٰ....
-: أنا طالع
حجاها بسرعة وطلع طفرت وراه أصيح
ما رد عليه رجعت ركض اخذت الفلاش
-: اطلع منـا على جيه همه
طلعت اركض ادور ماكو أثر اله طلعت برة
الشقة كلها شفته واكف يم السيارة لازم
بيده الموبايل
ركـضت علي هستوه كال الو أخذته
منه ساد الخـط
معن -: ليشش سديت الخط
-: حالياً أنتَ معصب أهدأ ونعرف شلون
نتـصرف
تقدم مني بعصبية يحجي بينما
أصابع يده علىٰ صدري يضرب خفيف
-: أنتَ تريد تورط نفسـك أكثر ما عندك
شئ تخــسرة حياتك ما تهتم الها اهم شي تنفذ
الـ بالك عندك عادي تقتل انسان في سبيل
مصالحك الشخصية
سكت خازرني بينما جسدي تصلب
:- عن قريب راح تصير نسخة من هـارون
اصحىٰ علىٰ نفسك عقاب كل ثانية تمر كاعد
توكع نفسك بمستنقع اضلم من الـ قبلة
فكر زين اذا أنتَ ما عنــدك شئ تخسرة
فـ أنا عندي حياتي وتبارك
اذا أنتَ تريد تموت !؟
أنا أريـد اعيش !
فكر زين بكلامــي أنا رايح عد صديق
قديم انام عنده وانتَ لا توريني وجهك اله
من ترجع عقــاب الأعرفه
مو اسكو ولا مجرم وقاتل
عقــاب فقط !
جمــدت بمكاني بلعت ريكِ بقيت
واكف رغم اختفىٰ من كدامـي وبقىٰ فقط
صدى كلماتة تصدح بأذني
نزلت نضري للكاع ونزلت بنفس اللحظة
دمعه خانتني مشاعري ودموعي نزلن
لا ارادياً
ما ابچي أنا هنه دموعي ينزلن وحدهم
امسحهم وينزلن تمشيت قليل واذا اسمع
صوت صفارات الجيش
باوعـت وراي شفتهم محاوطين الشقة
كملت طريقي مشي مادري وين
ضـغطت علىٰ كف ايدي إلى أن تحول
للون الأبيض كعدت علىٰ الرصـيف بالشارع
امسح بـ شعري
اخخ ذني حچاياتك لچمن گـلبي خلن كلبي
ينزف من كل مُكان
رفـعت راسي للسماء دموعي تنزل
اخذت نفس چوه گلبي چوي
-:انه المبيوك حلمه
وضحكته
ونبضه
انه السويت كلشي وماكعد حضه
.
.
.
.
يتبــــــــــــع
للقصة أسرار🔥
قفلة تكسر الگلب 💔
🚫 لا تنسون التصويت والتعليق بين الفقــرات حبايبي
نزلت البارت لأن كلش اشتاقيت الكم وهمات كتبته الكم خصوصا خلصته من زمان كلت انشرة ورة محرم بس ما صبرت 🥲💔
اذا تفاعلتو بالتعليقات انزل الكم بارت بليل 🔥
مع ألف سلامة
ميان أل مالكي