حَتى المَحطَة
البيّها أناطرّ شوفِتَك ، مَلّت .
قراءة ممتعة 🤍
..........................................................
دموع:نزلت دموعي وبقيت متصنمة بمكاني
كسار يحبني؟ زين وين يروح ليش ديأمني عندهم ليش مياخذني معقولة يريد يتركني مثل الكل
سمعتهم يردون يطلعون بسرعة ركضت للغرفة ودخلت لفراشي سويت نفسي نايمة بس گلبي ممرود مرد
سمعتة دخل للغرفة يتنهد تقرب علية لزم زندي وكال بهدوء
الكسار:دموع؟
قويت نفسي وباوعتلة بأبتسامة خافية حزني وخوفي
:ها
كور ايدة حابس انفاسة واحس عيونة تريد تطلع من مكانها
الكسار:كومي راح نروح
احس مي بارد نزل على گلبي عرفت مراح يتركني وحياخذني ويا گلبي صار يرفرف
:وين؟
الكسار:ارض الله واسعة
كال هيچ وراح للكنتور طلع جنطة وصار يطلع بملابسي وساكت گلبي صار يلعب كمت من مكاني خايفة تقربت علية وحضنتة بقوة
:كسوري حتتركني؟
دفن راسة بين رگبتي وكتفي ودخلني بين ضلوعة
الكسار:ماعوفچ يا بعد يميني ويساري يا بعد عيوني
ابتعدت اباوعلة وشفايفي ترجف
:لعد ليش دتجمع بس ملابسي؟
حاوط وجهي بأيديه الحارة وقرب وجهة لوجهي
الكسار:المكان الي راح نروحلة عندي ملابس بي
هزيت راسي ممقتنعة تركني وكمل يلم بملابسي بعدها انطاني ملابس وعباية
الكسار:اني طالع شوي وراجع جهزي نفسچ حتى نطلع
قبل لا اجاوبة طلع عني
لبست واني احاول اقنع نفسي ماكو شي وكعدت انتظرة بالغرفة نص ساعة ودخل حاني ظهرة
الكسار:يلا دموع
كمت وگلبي ممرتاح اخذ الجنطة نزلها واني امشي ورة طلعنة برة البيت وشفت زياد واكف بصف سيارة فتحلي الباب وكال
زياد:اكعدي ورة
صعدت بدون ما اجاوبة والكسار اجة صعد يمي وكال
الكسار:زياد سوق ولتلتف
هز راسة وحرك باوعت للكسار اريد ابچي
:شبيكم داخاف
نزل عيونة عني يبلعم طلع حبوب من جيبة وقرب وحدة لحلگي
الكسار:اشربي هاي
ابتعدت عنة اهز راسي
:شنو هاي
الكسار:لخاطري اخذيها مو اني ابوچ لتزعليني اخذيها
صفنت بعيونة بصعوبة اتنفس وهو عيونة حمرة مكدرت اتحمل نظراتة المتوسلة فتحت حلگي واخذتها شربني مي وكال
الكسار:عفية بدمعة
ردت احچي بس سكتت من طلع شرشف وسوا فاصل بينة وين زياد صار ماعرف شنو يريد يسوي وليش ديسوي هيچ
فتح عبايتي ودخل بحضني
:شبيك كسر
قوة حضنتة وهمس
الكسار:اريد اشمچ اريد اشبع ولو مينشبع منچ
سكتت عاصرة ملابسي وهو احسة يرفع بملابسي واسمعة يعتذر مكدرت اسوي شي جسمي باد ولساني ثگل شوي شوي جفوني تنغلق والصوت يختفي وبعدها محسيت بشي
ماعرف وين صرت ماعرف شنو صار بية ماعرف كلشي
حسيت روحي خارج جسمي
فتحت عيوني واكو ألم فضيع براسي صرت اتلفت اباوع للمكان مصدومة
اني وين؟ هذا مو بيتنة
چانت غرفة بنات وردية وبيها دببة كعدت حاضنة نفسي وابچي احس نفسي ضايعة صرت اعيط بعلو صوتي
:كساااااار وينك تعااااال حبااااب
سمعت صوت خطوات سريعة رفعت راسي مبتسمة انفتح الباب واختفت ابتسامتي من دخل الريس وباهر خايفين كلت بخوف
:كسار وين؟
نزع اللثام وتقرب علية يحرك بأيدية يهدي بية
الريس:اهدئي دموع
صفنت بملامحة اول مرة اشوف وجهة احس نفسي شايفتة باوعت لباهر هم نزع اللثام هزيت راسي وكلت
:وينة؟
الريس:راح يرجع
انقطعت انفاسي وگلبي تسارعت دگاتة
:تركني؟
سكتو يباوعون بعيوني بحيرة كمت على حيلي روحي رايحة تقربت على الريس وأشرت على نفسي
:كسار تركني عمو؟ ب بس هوو كال ماعوفچ؟ يعني ضحك علية وعافني مثل الكل؟
حط ايدة على راسي وكال
الريس:كسارچ روحة بيچ ميعوفچ راح يرجع
دفعتة بكل قوتي وصحت بأعلى صوت
:كذااااابييييييينننن ميرجعععع بعددددد ملاااااك كالللت ارجعععع ومرجعتتتت وهيبببب كااااال ارجع وهم مرجع تركنيييييي مثلهممممم وبعد ميرجعععع
لزمني الريس من زنودي محتار
الريس:صدگيني يرجع فترة بس فترة اصبري
رجعت دفعتة وصرت املخ بنفسي زلقت وجهي
:وخررررر عنييييي وخررررر انتو انتوووو اخذتوووو ويننن زيااااااد هو اخذة منيييييي جيبوووو اشربببب من دمةةةة
التفتت من سمعت صوتة
زياد:كدامچ اني
من شفتة فار دمي اكثر قبل ليلزموني ركضت علية وصرت اضربة بكل قوتي اظافري نملت دم من كثر مخرمشتة
:وييييين اخذتةةةة عنييييي ويننننن معنديييي غيرةةةة رجعةةةة اليةةةةةة
ضل واكف حتى مدافع على نفسة حسيت الريس حضني من ورة وصار يسحبني عنة
الريس:بس بابا بس تأذيييييين نفسچ هيچ
:اتركنيييييي اشرب من دمةةةة بس اجة اخذ كلشي منيييييييي اخذ كساريييي وبعد ميرجع اعرف ميرجععععع
سحبتة من قميصة ورفعت ايدي ضربتة راشدي واظفري دخل بعينة بسرعة لزم عينة متألم واني فرحت من أذيتة
:عسااااااك بالعمى عساك بالموتتتتت
بسرعة باوعلي بغضب وبياض عينة بيها دم تقدم وضربني واني بحضن الريس فر راسي فر من قوة الضربة دخت والريس بسرعة تركني وراح يضربة هو وباهر
الريس:ولككككك نذللللل تضربهاااااا كدااااااميييييي مطيييييي عيونهااااا تعبااااانةةةةة اقل ضربة تنعميييييي اطللللع برةةةة ما اشوف وجهك بعدددد اطلععععع
طلعة باهر يدفر بي واني احس روحي بادت صكيت اسناني وصرت انتفض نوبة الصرع اجت قوية بحيث روحي حسيتها تريد تطلع من جسمي فقدت وجسمي هدئ
كعدت بعد فترة عيوني على السقف ودموعي تنزل بدون ما احس
وين راح مو كال ماعوفچ شو عافني وين وعدة وين كلامة يدري بية معندي غيرة بعد ليش خلف بكلامة
غمضت عيوني ونطقت بصعوبة ومن بين دموعي
:ربي بعد ششوف شفت كلشي سيئ كافي اخذ امانتك تعبت
باوعت للباب من انفتح دخل الريس بيدة صينية بسرعة دفنت راسي بالمخدة ماريد اشوف احد كلهم اخذو كلشي مني اخذو وهيب وفرح وهسة اخذو كسار مني
تقرب علية كعد يمي وصار يمسد على راسي
الريس:كومي اكلي دموع
مجاوبتة رجع كال بهدوء
الريس:اذا ما اكلتي تتعبين شنو تكولين للكسار اذا رجع وشافچ تعبانة؟
باوعتلة شفايفي ترجف
:اخذو روحي بعد
عگد حواجبة واردف
الريس:شنو؟
دفعت ايدة عن راسي وحچيت بحدة
:اخذتو كلشي اخواني والكسار اخذو روحي وخلصوني
هز راسة ينافخ
الريس:مو وقت هالكلام كومي اكلي
:ماريد تركوني وحدي
الريس:ميصير انتِ امانة
باوعتلة بغضب ورفعت التيبلام شمرتة بالأرض
:كللللللتتتت عوفونييييييي انيييي مو امانة عند احددددد
باوعلي مصدوم واني رجعت دفنت راسي بالمخدة اتنفس بقوة زفر نفس بضيق وطلع عني بقيت بمكاني معصبة احس روحي تعبانة اريد ابچي بس عيوني تعترض
حال دموع
الصعبه من تريد تبچي
وتكشف خلصان دمعك
الكلفه من تريد تحچي
و تنتبه محد يسمعك
تبقى نص الليل ضايع!
كحله مالمتهه عين
منمت ابد لثاني يوم باقية على نومتي وحاضنة نفسي رجع دخل الريس محتار
الريس:ها ما هدئتي؟
مجاوبتة كعد يمي يمسد على شعري نسيت تفسي بدون حجاب نسيت كلشي
الريس:الكسار راح يرجع ليش تأذين نفسچ؟
بس كال هيچ مكدرت اتحمل غطيت وجهي وصرت ابچي
:ميرجع بعد راح عني
الريس:شنو الي يخليچ واثقة مراح يرجع؟
:اخواني مرجعو حيصير 8 سنوات ومرجعو والكسار هم مراح يرجع
سحب ايدية وصار يمسح بدموعي
الريس:لو انتِ مموجودة چان كلت ميرجع بعد بس الكسار ميترك دمعتة ضايعة الكسار اذا يريد يرجع يرجع علمودچ ميكدر يتركچ
كلت بغصة
:واذا مرجع عمو الريس؟
وخر ايدة وكال بثقة
الريس:ولو واثق راح يرجع بس اذا صار الي تكولي فراح ينكشف كلشي
اردفت بهدوء وبتسرع
:ماريد اكشف شي اريد كسار
الريس:لعد اذا تردي كومي اكلي؟ حتى من يرجع ميكول تعبت دموع بسببي حتى ليشوفچ ذبلانة مو تحبين تصلين؟ كومي صلي وادعيلة مو احسن من البچي؟
نزلت راسي كلامة صح بس ماشتهي شي كارهة حتى روحي بس معندي غير حل
كلت بأصرار وعيوني بعيونة
:موافقة على كُلشي بس ماريد اشوف زياد عمو
ابتسم وهز راسة
الريس:متلمحي بعد رايح اجيبلچ اكل واجي
طلع يركض شوي ودخل بيدة صينية خلاها كدامي وكال
الريس:يلا بابا اكلي زين ومن تكملين اطلعي سبحي وصلي
هزيت راسي تركني وطلع صرت اكل بدون نفس اكلت شكم لگمة اسند نفسي بيهم ولبست حجابي اخذت الصينية وطلعت اباوع للبيت طلع نفس البيت الي من تصاوب الكسار اجينة بي
اخذت الصينية للمطبخ ردت اغسل المواعين چان بيدي گلاص ستوني فتحت المي وسمعت صوت فززني وكع الگلاس من ايدي وانكسر
باهر:هاها شبيچ؟
حطيت ايدي على گلبي وگلت بصوت يرجف
:كمزتني
باهر:اسف بس ردت اكلچ اتركيهم هسة تجي العاملة تغسلهم روحي ارتاحي
نزلت راسي عنة لأن مچان لابس تيشيرت
:لا مو مشكلة اني اغسلهم
هز راسة وكعد على الميز يدخن التفتت اغسل بالمواعين متوترة من وجودة لو الكسار موجود ميقبل ابقى وهو بهالحالة
غسلتهم بسرعة ورجعت للغرفة ماشوف كدامي بسرعة اخذت ملابس ورحت للحمام اسبح چان البيت هدوء مو طبيعي لو ابرة توكع تنسمع
مر يوم يومين ثلاثة وماكو خبر عن الكسار احس نفسي داختنگ اخلصها طول اليوم بچي والريس يجيبلي الأكل وارجعة كما هو مالي نفس ابد اريد بس انام
اليوم الخامس بدون الكسار كاعدة بالغرفة صافنة على الساعة وصوتها يرن ببالي بعدم ادراك مني صرت احسب كل دقيقة من الواحد للستين واعيد على مدار الساعة حسيت نفسي تخبلت خلص
غمضت عيوني احسب صرت اعد بهمس
:واحد اثنين ثلاثة ارب....
توقفت من العد من صار الكسار كدامي مبتسم ابتسمت وحچيت بهدوء
:كسوري؟
فرحت من شفت رهيب وفرح وكفو بصفة مبتسمين
فتحت عيوني اريد اكوم بس مشفت احد صار گلبي يدُگ بقوة رجعت غمضت هم ماكو احد فتحت عيوني اضرب على راسي واعيط
:رجعتتتتتت اتخييييييلللل رجعتتتتتتتت ليييشششش ميجونننن من صدُگ ليششششش بس بالخيااااااالللل ليشششش ما اشوفهممممم
دخلو الريس وباهر مذهولين باوعتلهم بحقد
:اطلعووو برةةةةة
تقرب الريس علية مصدوم
الريس:شبيچ؟
:داشوووووفهمممم هناااااا بس ميحچون ويايةةةةة داموتتتتتتت احس گلبي حيطلع
صرت اضرب على گلبي بكُل قوتي ركض باهر لزم ايدي
باهر:لا لا لااااا تتأذيييييننننن
دفعتة وكمت اباوع للساعة معصبة واحسب
اجة الريس سحبني محتار
الريس:راح تتخبلييين
صفنت بوجهة وكلت بشرود
:اريد اطلع للحديقة
عگد حواجبة مستغرب وهز راسة مشيت للحديقة والريس وابنة يمشون وراية صرت اباوع للحديقة اريد مكان بي طين ماكو كلة زرع
فززني صوت الريس
الريس:شتدورين؟
باوعتلة مخلية اصابعي بحلگي
:اريد طين
رخت ملامحهم مستغربين من طلبي بس الريس ماعرف شنو همس بأذن بأهر وباهر حفر مكان صغير بالحديقة وطلع طين بسرعة رحت گلبي يرفرف جبت مي وكعدت بوسط الحديقة وصرت ابني الهياكل بس هالمرة بنيت ثلاثة مو اثنين ابني وجسمي يرجف ودموعي تنزل حارة على خدودي كملت بنائهم وحضنت الطين ابچي بكسرة وحسرة
:وينكم؟ صرت لا اهل لا سند كلكم عفتوني لعد واني وين اروح؟
احس نفسي تعبت صرت بصعوبة اجر النفس وكُل شهگة اشهگها تشگ صدري
تركت وهيب وفرح وحضنت هيكل الكسار وحچيت بغصة
:كسوري تركتني؟ ليش ما اخذتني؟ منو الية غيرك اني مليت مني مو اعرف عندك شغل بس لو اخذتني وياك شنو حيصير
حسيت بأيد انحطت على كتفي التفتت شفتة الريس يباوعلي بحزن ومدخل شفايفة جوة حلگة
الريس:كافي بابا تعبتي نفسچ
نزلت راسي اباوع للطين شفت نفسي مليانة طين ماريد اكوم بس الريس كومني بهالأثناء اندگ الباب راح باهر فتحة وفار دمي من دخل زياد كاشخ على اخر حبة بدون ما احس شلت بأيدي طين وركضت لطختة بوجهة وصرت اعيط بوجهة واضربة
:شعندكككك جااااااييي ماررررييددددد اشوفككككك اطلعععع
ضل صافن ممستوعب شنو صار من استوعب عاط بعلو صوتة وركض يريد يضربني بس الريس وكف كدامة
الريس:اذا مديت ايدك اكسرها كلب شجابك
زياد:شوووووفف شسوتتتتت بيةةةة عيييييييععععع وخرررر خلي اغسللل
رجعت اخذت طين بأيدي وشمرتة وكع على قميصة كلت بوجع گلب
:يلوگ الوصخ للوصخ اطللللعععع برةةةةة لكككك اكرهكككك انيييي الله ياخذكككك نذللللل
كور ايدة وراد يتقدم علية بس لزمة باهر معصب
باهر:جرب تمد ايدك وشوف شسوي بيك
دفع باهر عنة معصب وكال
زياد:توخروها عنيييي لاااا اجرممممم بيهاااا مناقصنييييي غيرررر هايي العمية والمگطمةةةةة
بس گال هيچ انهاريت صرت اضرب نفسي مثل المخبلة كلهم انصدمو من حالتي وجهي صار عبارة عن لون احمر وعيوني بدت تغوش وحالتي حالة
:انيييي موووو مگطمةةةةة انيييي عنديييي الكساررررر حيجيييي يكسر راسككككك
صك على اسنانة وكال بغضب
زياد:هاي اذا رجعلچ
هدئت اتنفس سريع اريد استوعب الي گالة كلهم انصدمو من كلامة حتى هو حس بالندم من الي گالة
:كسوري مات؟
نزل راسة عني ومجاوبني تقربت علية لازمة گلبي واشهگ
:جاوبني حباب كسر مات؟
باوع للريس بأسف ورجع نزل راسة
زياد:مادري
مسحت ايدية وكلت بترجي
:شوف شوف اسفة ماشي؟ بس جاوبني مكسرات مالتي مات؟ م مات مو
زياد:مادري منعرف أي خبر عنة
كعدت بالأرض اشهگ بدون دموع والريس يمسح على ظهري حسيت اختفى النور من عيوني عرفت انعميت
حچيت بهدوووووووء عكس الأعصار الي بداخلي
:ع عمو مداشوف
بسرعة صار يفتح بعيوني واحسة خايف بشكل
الريس:العن ابوك زياد ارتاحيت هسة؟
مهتميت لعيوني مادري شبية صرت عبارة عن جليد
كمت اتلمس الأرض اريد ادخل لجوة البيت واسمع باهر وزياد يتعاركون والريس صار يمشيني يتنهد
الريس:دخلي للحمام راح اجيبلچ ام سلمان تساعدچ
مجاوبتة ولا ابديت بردة فعل بقيت واكفة بمكاني شوي واجاني صوت مرة دخلتني للحمام ماعرف شنو صار ولا اعرف شكد مر وقت
صحيت على الضلام وألم بأيدي بقيت بمكاني منطقت بأي كلمة
مر هواية وقت وسمعت صوت مرة يمي
ام سلمان:ها ماما كعدتي؟
مادري شبية تقرفت من كالتلي ماما رفعت سبابتي بوجهة وحجيت بحدة
:لتكولين ماما اني مو بنت احد
ام سلمان:براحتچ بس ارتاحي ولتعصبين مو زين عليچ
درت وجهي عنها افرك بعيوني احاول اشوف لكن بدون جدوى رجعت حچيت بحدة
:شبية؟
ام سلمان:تعبتي واخذوچ للمستشفى بس انتبهي بأيدچ كانونة
مستغربت لا اكل ولا نوم مخلصتها بس مي ومرات هم ماشرب
بعد يومين رجع نظري بس اشوف مغوش الريس متركني ابد صار هو يحطلي قطرات عيوني وهو ينطيني العلاج
مرو اسبوعين والنتائج طلعت وطلعت ناحجة بس مفرحت ابد ولا عبالك نجاحي بقيت حابسة نفسي بالغرفة طول هالفترة والريس وابنة باهر تعبو وياية شكد ميحاولون يطلعوني من حالتي اصدهم
الكانونة مفارقت ايدي ابد بسبب رفضي للأكل تعبت وصارو كُل يوم يحطولي كانونة جسمي صار هزيل ضعف وتعب وكُل ما اسبح اشوف الترهلات الي بجسمي بسبب نزول الوزن المفاجئ
بس مچان يهمني شي بالساني فقط اسم الكسار صرت اذا اكوم ادوخ وگوة اتوازن
عرفت الكسار روحي من الدنيا وبدونة اضيع وضعت هسة
چان الريس يحاول يخليني اكل بس ارفض صار يجبرني اكُل بس كُل ما اكُل وجبة ارجع استفرغها معدتي مصارت تتقبل شي
مر اسبوع ثالث ورابع صار شهر وصار شهرين اجة محرم وراح محرم واني على هذا الحال انسانة بس جسد هزيل يمشي
بالشهر الثاني من اختفاء الكسار چنت مثل عادتي مغمضة واعد من الواحد للستين وكدامي وهيب وفرح والكسار يباوعولي ويبتسمون
سمعت الباب انفتح فتحت عيوني چانت الغرفة مضلمة رجعت غمضت وحچيت
:عمو الريس ماريد اكل ارجع حباب اريد احسب
رجع انسد الباب واني رجعت احسب وعيوني على الكسار بالذات فتحت عيوني من صارت انفاس تلفح وجهي صرت ارجف مداشوف شي
:منو هنا؟
همس بصوت تعبان وبصعوبة ينطق
:دمعة الكسار؟
رفرف گلبي من سمعت صوتة حسيت نفسي داتخيل بقيت ساكتة ارمش وارجف صرت اهمس وابچي
:داتخيل مثل كُل مرة الكسار مموجود دتتخيلين دمعة
انفتح التيبلام وتلاقت عيوني بعيونة هنا انتهيت صرت مو ارجف لا انتفض حط وجهة برگبتي يبچي
الكسار:دمعتي الذبلانة
دفعتة من صدرة اريد اشوف وجهة حاوطت وجهة بأيدة مچان عندة شعر واكو خياطات بوجهة صار يبوس بوجهي ملهوف
الكسار:مشتاقلچ روحي رايحة عليچ سمعيني صوتچ دموعي
مچنت مستوعبة كسار كدامي ورجعلي
:ك كسار؟
سحب نفس وكال وهو يزفرة
الكسار:يبعد عيونة
من تأكدت مداتخيل بچيت وحضنتة بكُل قوتي وهو احتار يحضن لو يبوس بية واني احس گلبي حيوگف
:ر رجعتلي كسار رجعتلي مداتخيل موووو
الكسار:لا مدتتخيلين رجعت اووووووفففففف مشتاق لريحتچ وصوتچ وعنادچ وضحكتچ مشتااااااقلچ گد رحمة ربچ
اباوعلة يحچي بلهفة واني گلبي يريد يطلع من مكانة بدون ماحس سحبتة من ياخة ملابسة وطبگت شفتي على شفتة هو بسرعة بادلني ابوس بقلة خبرة وهو يحاول يسيطر على نفسة وميضعف كُل ميريد يبتعد ارجع اسحبة ماريد اتركة بس اتركة يروح مني حسيت ايدة تمشي على جسمي ويعصر بي
احتاجيت هوى ابتعدت الهث بس هالمرة هو باسني يبچي اختلطت دموعي ودموعة سوية دموعة تنزل على وجهي بقيت ابادلة مهامني شي ميهمني شنو يصير بعدها بس الي اعرفة ماريدة يبتعد عني
طول الوقت احنة على هالحال يبتعد ويرجع يبوسني اخر شي تعبنة حط راسة على صدري يلهث واحس بشي حار ينزل على صدري وبطني
كال بنبرة مهزوزة
الكسار:مشتاقلچ يبعد عيوني
جاوبتة من بين دموعي
:متت على غيابك ليش رحت وين چنت تدري شصار بية
الكسار:عرفت كلشي يگلب الكسار وداشوف كدامي شصاير بيچ
:طول هالفترة اتمنى اموت ح....
قاطعني وهو يعصر شفايفي بأيدة ويحچي بصعوبة
الكسار:ا الموت اللي موو الچ
ردت ارد بس فزيت من تأوه بألم
:شبيك كسوري متأذي؟
الكسار:ج جروحي انفتحت و ودتنز ف
شهگت خايفة علية هو ابتعد عني نام على ظهرة وكال
الكسار:ص صيحي للر ريس
طفرت اركض شفتهم كاعدين بالصالة حچيت وگوة كلامي ينفهم
:عمو الريس ينزف الكسار جروحة انفتحو للمستشفى اخذو حيموت
طفرو وياية وركضو للغرفة بس شافو وضعة باهر ركض لبرة البيت والريس ضل يفحص بي
الريس:الكسار تسمعني؟
هز راسة بصعوبة بقيت مصدومة كمية الدم الي ينزل من عندة مو طبيعي وجهة ينزف راسة ينزف بطنة تنزف واصابعة ينزفون الفراش انملى دم ضل الريس يحچي ويا وهو يجاوب بصعوبة وعينة علية
ربع ساعة ودخل باهر يلهث
باهر:دموع لبسي حجابچ اجة الطبيب
اخذت حجابي لبستة ودخل الدكتور وبدون اي كلام صار يفحص حالتة شوي والتفت علينة
الدكتور:طلعو برة ميصير تبقون كلكم
بقيت واكفة ارجف اجة الريس طلعنة اني وباهر برة الغرفة وسد الباب كعدت بالأرض رجلية ميحملني وباهر يفتر يروح ويرجع
باهر:چان مبي شي وجروحة متعقمة ليش نزف دمعة
جاوبتة بفهاوة وخوف
:م مادري چاان نايم فوكاية يبوسني شوي وصار ينزف
لطم على وجهة وعاط
باهر:لجججج لتكوليييين التفاصيييييل لتكولييييين
نزلت راسي دايخة هو انتبه ركض جابلي مي شربني
باهر:وجهچ صار اصفر وشفايفچ بيض من الهبطة يا سواد وجهي منك يا الكسار ماكدرت احافظ على امانتك بس شهرين اذا صار زين شكول
بقيت ساكتة واسمعة يعاتب نفسة
ساعة كاملة يلا طلع الدكتور وكفت على حيلي اريد افهم شبي والي سمعتة صدمني
الدكتور:لازمة راحة وتغذية متعرض لأشد انواع التعذيب
خليت ايدي على حلگي ابچي وركضت للغرفة شفتة نايم بطرگ الشورت وجروحة ملفوفة تقربتلة ابچي كعدت امسح على صدرة
:منو معذبك هيچ منو يگدرلك انتَ
نايم وبصعوبة يتنفس كمت طلعت من الغرفة للحمام توضيت واخذت قرآن ورجعت شفت الريس وباهر كاعدين يباوعولة بحزن
رحت كعدت بصف راسة وصرت اقرة قرآن القرآن هو الوحيد الي خلاني اصبر كل هاي الفترة اكيد كلام الله سبحانه وتعالى حيشفي الكسار بقيت اقرة واقرة بدون ما احس بالوقت
ماعرف شكد مر وقت ورفعت راسي مشفت اكو احد غيرنة اني والكسار چنت نعسانة وتعبانة بشكل بست القرآن وخليتة على الميز وكمت نزعت حجابي وطفيت الضوة ورجعت نمت بصفة بدون ما اطخة اخاف على جروحة
لأول مرة بعد شهرين انام واني حاسة بالأمان
كعدت لگيت نفسي نايمة على صدرة وهو محاوطني بجسمة رفعت راسي اباوعلة كاعد وعيونة علية كلت بهمس وگلبي معصور
:مشتاقتلك
ابتسم بألم واردف
الكسار:مو بگدي دمعتي مو بگدي عيونچ مفارگتني لحظة طول الوقت رسمچ ببالي ومن اغمض تجين كدامي تتفتلين انتِ وخدودچ التفاحات
بس تذكر خدودي عضني بيهم بخفة
الكسار:ليش رايحات تفاحاتي
:من الزعل عليك
الكسار:اروحلچ فدوة دموعي هيچ غالي عندچ اني ومادري
:انتَ كُلشي بالنسبة الية وهيب عيني وفرح عيني الثانية وانتَ سواد عيوني الي ماكدر اشوف بدونة
باس خدي بوسة قوية جعصني جعص بيها كلت بهدوء
:انتَ تحبني مو؟
توقف عن الحركة وصار يباوعلي فاتح عيونة رفعت ايدي امسح على رموشة
:سمعتك من كلت كسار هايم بحب دمعتة
غمض عيوني ثواني ورجع باوعلي
الكسار:احبچ نعم
بقيت هادئة وعيوني بعيونة رجع اردف بهمس
الكسار:وان كنتي متحبيني ابقى احبچ
حطيت ايدي على شفايفة وحچيت بنفس نبرة صوتة
:بس اني هم احبك بس ما احبك مثل متحبني حبك يختلف عن حبي
ابتسم وحط اصبعة على شفتي السفلية
الكسار:كولي احبك بس
نطقت وشفايفي تحركت بأصبعة
:احبك
عض شفتة وباس اصبعة
الكسار:هاي الكلمة تسوى كُل عمري مو مهم الباقي المهم تحبيني متكرهيني
برطمت شفايفي وكلت بغصة
:مكسراتي تعبت بدونك
الكسار:يبعد روح مكسراتچ داشوفچ شكد تعبانة بسببي جسمچ ضعفان كُلش وخدودچ رايحة وجهچ اصفر
كعدت اشكيلة وابچي وهو يستمعلي بأنصات
:من رحت زياد ضربني خلاني دخت
شهگ يسايرني
الكسار:لا يا كلب اموتة الچ
:وها اجة وكال انتَ مترجع بعد ومن كال هيچ انعميت بعدها بقيت يومين ماشوف
الكسار:بس اصبريلي اطيحلچ حظة
صرت احچيلة كُلشي وهو يسمع بدون ملل لحد مسمعت بطنة غرغرت جوعان طفرت
:عزااااا العزاااانييييي
باوعلي مصدوم وخايف
الكسار:شبيچچچ؟؟
:كسوري نسيتك جوعاااااان اصبر حروح اجيبلك اكل واجي سودة علية
تركتة يعيط وراية وركضت للمطبخ چانت الدنيا عصر شفت باهر كاعد بالمطبخ بس شافني اركض طفر
باهر:هااا ها الكسار بي شي؟
:لا لا بس سودة علية نسيتة جوعان
رخت ملامحة مرتاح
باهر:عبالي بي شي سوتلكم ام سلمان اكل اوكفي احمي وانتِ هم اكلي جسمچ تعبان
:لا ارتاح اني احمي
هز راسة بس فتحلي النار وطلع صينية صار يجيب ويحط فاكهة عصير كيك حضار بقيت صافنة هواي هيچ
كمل الاكل وجاب صحنين كُلش كبار وملاهم ملي تمن ولحم وشالها
باهر:متكدرين تشيليها تعالي اوصلها الچ
:بس هواية هيچ؟
باهر:لالا مو هواية يلا تعالي
مشيت ورة فتحتلة باب الغرفة ودخل يهلهل
باهر:كويسر ابو الدگات رجع كللللللوووووش
الكسار صار يضحك حط الصينية كدامة وراح عدل كعدتة وقبل ليطلع باوع للكسار وكال
باهر:اكلو اثنينكم لازمكم تغذية مال سنة كاملة
طلع يضحك باوعت للكسار شفتة أشرلي رحت كعدت بصفة وهو ياحاول يلزم الخاشوگة بس ميكدر دفعت ايدة وكلت بابتسامة
:اني اوكلك كسوري
ابتسم يباوعلي بنظرات تخجل صرت اوكلة وهو ياكل بشراهة مبين كُلش جوعان من شبع انتجى على الچرباية
:بالعافية
الكسار:الله يعافيچ كملي اكلچ يلا
:لا ماريد شبعت
كمت اخذت كلينكس مرطب ومسحت حلگة وعيونة
:حودي الصينية واجي ماشي؟
هز راسة شلتها بصعوبة لأن ثگيلة غسلت المواعين ورجعتلة اركض اخذت بعد كلينكس مرطب وكلت
:متكدر تسبح بسبب جروحك حمسح جسمك
الكسار:اخاف تتعبين؟
:تتعبك راحة كسر
صرت امسح بجسمة برهاوة اخاف يتأذة
:عساهم بالموت ان شاء الله أذوك
الكسار:كُلشي يهون لعيونچ
ابتسمت وكملت جسمة وهو فتحلي ايدة بسرعة رحت نمت على صدرة الفرحة مواسعتني بوجودة
:وين چنت؟
الكسار:چنت رهينة عند عصابة الثعلب
حطيت ايدي على حلگي خايفة
:شسوولك؟
الكسار:تخافين بابا خليني ساكت
رفعت راسي اباوعلة اريد ابچي
:لاااا احچيلي حباب داشوفك متأذي والله
تنهد وهز راسة
الكسار:عذبوني بأشد انواع التعذيب
مسحت على راسة بحنية
:شنو سوو؟
غمض عيونة مثل الي يتذكر شي
الكسار:كل يوم يضربوني بسوط وحدايد من الصبح لحد الليل وكل 3 ايام يقلعون اظفر من اظافري وكل جمعة يلا يوكلوني وجبة وحدة صعقات كهربائية مي حار يصبو على جسمي يجيبون سچاچين يجرحوني ومن يقلعون اظفر يحطون علية ملح ومرات ليمون حتى بقيت بدون اظافر هسة
بقيت اضرب على خدي وابچي من كمية الأجرام الي بيهم كمل كلامة عاقچ وجهة متأذي
الكسار:ورة كُل وجبة يعني كُل جمعة يحقنون جسمي بمنشط
باوعتلة مفاهمة
:منشط شنو؟
عض شفتة وجر البطانية غطة نفسة لحد بطنة
الكسار:منشط جنـ**
ضربت على خدي ممستوعبة
:عزااااا العزاهمممم و وشلون
مبين من وجهة متأذي كال بألم
الكسار:خليها سكتة
صفنت وكلت بشك
:جابولك بنات؟
باوعلي مستهزء وصار يهز بأيدة
الكسار:ترة يردون يعذبوني بهالشي اكيد ميحيبون بنات على كولتچ
:بس شلون ليش هيچ؟
الكسار:انذال بس صبري خلي الزم الثعلب اذا ما...
راد يكمل باوعلي وكال متراجع
الكسار:اسكت افضل
سكتت امسح على صدرة بهدوء وهو يتنهد حقة اني من يمي ردت اموت من سمعت هالشي شلون هو عاش كُل هذا
فززني صوتة
الكسار:لتصفنين باوعيلي اريد اشوف عيونچ
رفعت ايدي امسح بحاجبة
:نام
الكسار:ماكدر
:ليش؟
غمض عيونة يبلعم
الكسار:معليچ تعالي انتِ نامي
جر راسي لصدرة وگلبة يدُگ سريع عبالك چان يركض صرت امسح على گلبة
:شبي گلبك؟
الكسار:يريدچ
:اني يمك
الكسار:علاجچ اخذتي؟؟
هزيت راسي بلا
:ماريد علاج وانتَ يمي اخاف انام ومن اكعد ما الگاك
الكسار:كومي اخذي علاجچ اني يمچ وابن امة وابو الياخذني من حضنچ بعد
ابتسمت وكمت اخذت علاجي ورجعت لحضنة شوي شوي غفيت واني حاضنتة بكُل قوتي
واني ونايمة اسمع همسات يمي بس متنفهم شنو بس صوت الكسار واضح اسمعة يكول
الكسار:جيبولي زياد وعلاج لهالصخام
انچب باهر ترة جاي اتأذة
فتحت عيوني على كيف وتوضح صوتهم اكثر من كعدت چان مغطي راسي وعيني صارت على بطنة
باهر:مرتك ويمك علاجك يعني
يرد علية الكسار معصب
الكسار:انچب واكل نعل باهر لتچيب سيرة مرتي بهالسوالف
الريس:اسكت باهر ليش صاير هيچ سخيف؟
باهر:شبية چني العافية
الكسار:اكل نعل وكوم دورلي علاج
طلع باهر يغني وهو والريس صارو يحچون بأشياء ما افهمها شوي وطلع الريس رفعت راسي واهفي على وجهي
:ليش مغطي وجهي كسوري
گرص خدي يضحك
الكسار:صح النوم لعد اخليهم يشوفوچ بهالحالة؟
:شبيها حالتي؟
الكسار:رفعي البطانية وشوفي حالتچ
رفعت البطانية مستغربة چانت دشداشتي مرفوعة لحد بطني رجعت تغطيت عاضة شفتي بفشلة وهو يضحك بتعب
:بس لا من انام يمك هيچ؟
الكسار:وازيد
غطيت وجهي وصرت ادفر بالبطانية
:عزا عزااااااااا لعد بعد ما انام يمك اريد غرفة وحدي
الكسار:دولي وين مانام اني انتِ يمي
مديتلة لساني متفشلة وهو واضح مستمتع بالوضع سحبني يضحك
الكسار:ماشوف شي لتخافين بس چنت اباوع لكرشچ اخخخ شكد چنت احبة
حچيت بدلع
:كسووووريييي اسكتتتت
الكسار:يبعد عيونة تعالي سولفيلي شصار مصار
:مو حچيتلك؟
الكسار:عادي ارجعي سولفي لتسكتين
ضحكت بعلو صوتي وهو سحبني يبوس بخدودي
الكسار:اي اي ضحكيييي عسى محد غيرچ يضحك
:شوف كسوري يعني تحبني انتَ؟
الكسار:اتنفسچ دبدوب
كعدت افرك بأيدية
:يعني شوف الحب حلو وهاي؟
الكسار:يخبل بس تدرين الحب من طرف واحد يأذي
باوعتلة بعين ونص وحچيت
:اذا بيوم من الايام حبيت واحد تتركني؟
كال بسرعة معصب
الكسار:دمووووع ماكو غيري لازم تفهمين
لزمني من ياخة الدشداشة وجذبني لناحيتة فرك انفي بأنفة وكال بهمس
الكسار:لغير الكسار متصيرين عود من اموت حبي براحتچ
بس كال هيج فزيت
:اسم الله لتكول هيچ اني ماكدر بدونك
رجع سحبني يحرك انفة على خدي ويتنفس سريع
الكسار:كولي احبك
كلت بنفس نبرة صوتة
:احبك
رجف جسمة واخذ شفايفي بين شفايفة چان اكو شي بداخلي رافض هالشي بس شي ثاني موافق ويريد قربة
ابتعد من احتاجيت هوى حاط وجهة بخدي يلهث
الكسار:ميت بيچ يدميعة
بقيت ساكتة رجع كال بخفوت وهو يعصر بخصري
الكسار:تركت الشرب وسكرت بشفايفچ يحزن روحي
خليت ايدي على صدرة ودفعتة بخفة
:ك كافي كسر
حط ايدة ورة ظهري ودفعني لناحيتة
الكسار:ماكدر كلشي ب بيچ يجذبني
:ميصير كسوري اني ماريد
عض خدي بخفة واردف
الكسار:هذا المانعني منچ رفضچ شوكت تتقبليني
دفعتة اعض بشفتي
:بس وخر انتَ بعدك مريض لتفكر بهالأمور
باوعلي بعيون ذبلانة
الكسار:عمرچ راح يصير 18
كلت بفهاوة
:صار من شهر لأن انتَ غيرت مواليدي بالجنسية اني انولدت بشهر الواحد 1994/1/1 بس انتَ سويتة بجنسيتي الجديدة 1994/9/5
مشة اصبعة على شفتي
الكسار:يعني دخلتي للسن القانوني
هزيت راسي وهو يباوع لوجهي بطريقة غريبة ويبتسم واني اباوعلة مفاهمة شي اخر شي بعد انظارة عني وكال وهو يهز براسة
الكسار:مو هسة غوث مو هسة
لزمت ايدة بكل براءة
:شنو مو هسة؟
جاوبني يلعب بشواربة
الكسار:مو مهم حبيبتي تعالي انطيني بوسة
دفعتة اضحك وكمت
:اخذك الواهس بعد ماكو متبوس ترة بعدني رافضة
حچة بتمسكن
الكسار:هسة تعالي شبيچ هي بوسة متشوفيني تعبان ومريض بوسيني خلي ارتاح
:يمةةةة منكككك شكد تحب الدراما صارلك ساعة تمطگ بية وهسة صرت مريض وتريد بوستي وخر وخر حطلع
التفتت وهو عاط
الكسار:لااااااا وييييييين تعالي يميييي
:شبيك؟
الكسار:زياد راح يجي ماريد تشوفين شنو يصير تبقين بالغرفة أي صوت اي شي تسمعي تغلسين واذا تصنتي اشبعچ بوس
رحت كعدت مزعوجة
:ما اطلع بس حباب ضربة زين حط ملح بعيونة
ضحك بصوت وكال
الكسار:هو انتِ خليتي شي بعيونة همزين ما جارحة سواد عيونة ولاطختة بالطين عبالي فاهية بس طلعتي كفو
حكيت راسي بفشلة
:يستاهل هو اخذك مني
لزم ايدي باسها
الكسار:محد ياخذني منچ ولا احد ياخذچ مني
كال هيچ وكام يمشي بصعوبة لبس بجامة وطلع لازم جرحة الي ببطنة بقيت بمكاني اهز برجلي شوي وصارت اصوات عالية وصوت الكسار يلعلع بينهم احس فراشات بگلبي من اسمع صوتة ومبي شي
اشتد كلامهم واحد يرفع واحد ينزل شوي وسمعت صوت الكسار وزياد يتعاركون ومبين اكو ضرب صرت ارجف وحاطة اصابعي بحلگي تندمت لأن كلتلة
دقايق وصار هدوء بس صوت زياد يلعلع
زياد:كللها كللها لمرتك منو السبب بحالتك هاي
عاط الكسار
الكسار:اسكتتتتتتتتتتت اسكتتتت زيااااد
زياد:لا ما اسكت خليها تعرف ا..
قبل ليكمل سمعت ضربة قوية حطيت ايدي على حلگي وتقربت للباب خايفة
الكسار:اسكت لتسمع اسكتتتتت دمووووع مريضةةة
ما اهتم سمعت صوتة يعيط بنبرة حادة
زياد:ميهمني خليها تعرف اهلها السبب بحالتك هاي...
..يتبعع..
توقعاتكم؟
.
.
.
.
.
.
.
.
.
.
6000 ونص 🥲
تنزيل البارتات بين يوم ويوم
ويوم الأثنين البارت الجاي
مو تجي وحدة تكول كل 4 ايام تنزلين بارت انا كلة انزل بين يوم ويوم ومرات يومية😁
بنات ضروري تضيفون حساباتي حتى تعرفون وقت التنزيل واخبار الابطال وحبشكلات للابطال😁😂
ضيفو حساب الانستا
وقناة التلي
اللهم صلِ على محمد والِ محمد 🦋
مها ال عبدالله