ثأر الجموح (قيد التعديل)

البارت الاول

#ثأر_الجموح

#البارت _1

بقلمي ملك الـمدني

ins:_mk_j97

لكيت روحي وياك
هيج هين تعوف
روحي مافكرت من
حلفت بلعباس
ماتعوفني
،لزمت شباج حيدر
كتلي ماخونج
ياهو انت
وياهو حجيك
ناسي نفسي وبالي يمك.

،،،،،،،،،،،،
صافنه وصوت ألهوا يتخلل بمسمعي،صوت الذكريات صوت ضحكي ولعبي وفرحتي سلبوها مني صوت ضحك اهلي وروحي،اطرافي بردانه بدت الدنيه تشتي سمعت صوت صدى..جموح ،جموحح
_هاا

سديم:-ولج تعالي الجو بارد وبدتت تشتي تعالي جوهه لتتمرضين

جموح:-ايي اجيت

دخلت جوه شفت التدفئة مشتغله وسديم بقى شويه وتحضنها ضحكت عليها
_هههه ولج بعد شوي وتحضنيها

سديم:-اويي شبيج غير بردانه انتِ ماعدج احساس

جموح:-ايي صح اني ماعدي احساس

سديم:-اگلج

جموح:-هاا كولي شعدج

سديم:-اني جوعانه كومي سوي اكل

جموح:-عبالي شي مهم راح تحجي

سديم:-اهوو جوجو دكومي هوه بس اني وياجج سوي النه قابل مية شخص ويانه

جموح:-لعد قابل ياهو ويانه بلـ بيت غير انا وانتِ

سديم:-ايي صح،هسه يله سوي اكل خلي ناكل

جموح:-ايي كايمه
رحتت للمطبخ وبديت اسوي اكل رجعت بيه الذكريات الاكثر موقف تعبني

جموح:-اتوقعته من الكل اله منك

كسار:-اتوقعي مني كلشي جموح

جموح:-كل هذا الوقت وانتَ تستغل بيه هااا؟

كسار:-مجان بالي راح توصل لهنا

جموح:-لعدد شجان ابالك هاا جان ابالك اكثرر موو؟.

كسار:-جموح مو وقت هذا ولا المكان مناسب

جموح:-لو اتموت ما اجي وياك لأي مكان ولا اريد اشوفك بعدد سمعتت

كسار:-اسمعي مني بس هاي المره

جموح:-ولا راح اسمع منك ولا كلمه وحده

كسار:-جموحح اوكفي بس افهمج

جموح:-كلشي ماريد منك،
طلعت وروحي شايغه لا الحكومه بيها خير ولا اني الي عدي احد يساندني يارب انت وحدك ساندني ساعدني على هاي المصيبه، طلعت وانا احس روحي جاي تطلع ادموعي تحرك خدي متوقعته هوه يعرف منو كتلهم ابد،امشي ولا اعرف وين اروح ماعدي احد اروح اله الي جنت احتمي بي طلع خادعني،

فزيت على عيطت سديم
_هاي شبيج

سديم:-خايبه ماشمين ريحة الحركك شجاجج

جموح:-يااااعزةةة

،باوعت على الاكل محترك اجتي سديم تهز بأيدها غمتني وطفت النار شالت الطاوه وحطت عليها ماي وحطته على السنك

سديم:-امداج صالي شكد اصيحح وين عقلج اكلتي

جموح:-يااا ولج مجنت منتبهه شبيج

سديم:-ايي بشنو حايرهه بله اكيد حاير بكسار موووو؟.

جموح:-اشش لا كسار ولا غيرهه روحي يلهه هسه اسوي غيره

سديم:-لااا يمعوده كلشي ولا اسوين اكل بعد

جموح:-بعد احسن اروح اني اكمل قرايه

سديم:-يعني هسه انتِ شسفاديتي من درستي ماجستير بدال ما تكعدين وماعدج التزامات وووو ،هاا؟

جموح:-شمعرفج بهذني انتِ حيري بدراستج

سديم:-ماشيي

جموح:-كعدت اقره وبالي يم سديم متعرف شصار وتنقهر على كسار لان عفته اريد اكللها بس اخاف عليها هيه بيها سكر اخاف تتمرض اكثر بعد وفاة اهلنه بل كوه ساندة نفسه لو ما مروه ويانه هي واهلها مادري جان سوينه ،

انركع الباب درت وجهي وشفت مروه ضحكت
_ولجج هو هيج شبيج، اجتي حضنتني

مروه:-هههههه ولج شبيجج اجيت اشوفج واشوف الخبله سدومه

سديم:-ايععع شهل لقب هذا

مروه:-هههههه احبهه شسوي

سديم:-ايعع مروهه عفيهه غيري محلوو

مروه:-ان شاء الله ،هسه يلهه بدلو خلي نطلعع

جموح:-ولجج وين نولي بنص اليل اكعدي مكانج شوفي الساعه ياطلعه يابطيخ

مروه:-يااا ولج ستوهه ب8 شبيج خلي نتونس

سديم:-اييي عفيه جوجو خلي مطلعع

جموح:-ايي ماشي يلهه هاي لخاطركم روحي بدلي بين مالبس اني هم ،

هزة راسها وراحت اخاف على سديم كلش لان من اقل حزن ينزل الضغط والسكر من جنه صغار هيه هيج مدلليه كلش لان انخاف عليها ،جاي ابدل وسمعت رنت التلفون رحت عليه شفت رساله من كسار

_ردي عليه افهمج ليش مكلت الج

_جموح بس افهمج ردي لتشلعين كلبي اكثر

_جموحي رديي عليهه لتعذبني بعدج

غمضت عيوني وانا مشتعله نار اعرف شلون اخليك تندم ماخليك اشوف طيفي يا كسار اله اكسرك مثل ما كسرتني مايكون اسمي جموح اذا مكسرتك ، شمرت الفون وكملت تبديل اخذت قراصه اشيل شعري بيه فاتت مروه
_هاا خيرج شكو

مروه:-بتردد،ااا اكلج شسمه

جموح:-كولي شكو شبيج خايفه

مروه:-باعي اليوم بل كليه سديم..

جموح:- شبيه خيه شبيج توكفين بل كلام شبيه

مروه:-اتخربطت سديم اليوم بالكلية

جموح:-شنوو وليش ماخابرتي المن مطيج تلفون

مروه:-بس على كيفج جموح شبيج بس اسمعي مني

جموح:-يلهه احجي بسرعه

مروه:-هيه من اتخربط زين فَ يعني مو انو اخذناها للمستشفى لاا بس يعني داخت فـ كالت الي انو مادك عليج انتِ عدج شغل وهاي ف عفتها وما خابرت بس هسه خفت فـ كلت اكلج احسن

جموح:-ماشي اتكولين الها اني عرفت

مروه:-ايي ماشي ماحجي

جموح:-يلةة امشي هسه

طلعنه من الغرفه شفت سديم كاعده بل زاويه مال صاله صافنه صحت بيه فزت مخترعه

سديم:-هاي شبيج خرعتيني

جموح:-شبيج صافنه هيج

سديم:-لا مروه جانت جاي اصيح هنا اجيت اشوفه بس اشو مالكيته

مروه:-شوكت صيحت اني ؟

سديم:-هسه صيحتي؟!

مروه:-لاا جنت يم جموح

سديم:-هاا لعد اخاف جنت متوهمه

مروه:-يجوز

جموح:-هسه  مشونه خلي نروح

هزن راسهن وطلعنه افترينه وتونسنه رجعنه للبيت راحت كل وحده غرفته ، مروه عدها يمنه غرفه لان مرات تبقه يمنه كم يوم ، رحت للتلفون مالي اشوفه لان عفته بل بيت شفت كسار داك جم مره وداز من بين الرسايل قريت رسال داز بيه شعر لمحمود درويش

_ وعدتُكِ أن لا أعود وعُدت
وأن لا أموت اشتياقاً ومُت
وقررتُ أن أستقيل مراراً ولا أتذكرُ أني استقلت

حسيت بغصه اريده بس ماريده ضايعه بين گلبي وعقلي واحساسي اريد احد يدلني للطريق الصح اقره بل راسائل وگلبي ينبض حيل رسايله نصها اعتذار بجيت من عدم قدرتي على تحمل كل هاي لاشياء كلهن يأذني غفيت بلا ماأحس وفزيت على عيطهه طلعت اركض شفت مروه واكف بل باب مال غرفت سديم
_شكوو،
باوعت وجهه اصفرر فتت للغرفهه شفتت سديم

،،،،،،،،،،،،،،،،،،

" كسار "

جمر:-هااا كسوريي شلونكككك

كسار:-انتَ متبطل تفاهتك هاي

جمر:-لاا يخوييي شلون ابطل تفاهتي هايييي وانت وياييي

كسار:-هسس بلا حجي كوم سويلي اكل

جمر:-ليشش عيني ايدك مكسورهه مسوي لروحك

كسار:-جمورر بلا حجي زايد راسي يوجعني

جمر:-ايي عيني اذا الحب عايفتكك شلون ميوجعك راسك كسوري

كسار:-حكوم انعل ابو ابوك يا^^^

جمر:-ههههههه ضحكتني كسوريي

كسار:-بطل تفاهه جمرر

جمر:-انتَ تدري يلوك الك اسم مكسارات يطلع حليو احطه الك بدال كسوريي. بس لااا كسوري احلهه

كسار:-تبطل حجي لو اجي انيم ^^ على وجهك

جمر:-هايي سكتنه صوجنه احنه الي ردنه نضحكك مالت عليك

كسار:-ايي هاهيه راضي بس اسكت

سكتت جمر وانا بالي مو يمه شلون راح احاجي جموح شلون افهما اني مردت اسكت جنت مهدد بس هيه اكيد مراح تسمع مني مراح حتى تصدكني بعد الي سمعته ، رفعت راسي شفت جمر حاضن علي الاكبر
_هاا اشو اجيت خير

علي الاكبر:-شني لازم اخذ موعد من حضرتك يله اجي

جمر:-ايي ولك هذه كسوريي جاي معصب حتى انا هم رزلني

كسار:-شمالك هسه انا شحجيت

علي لاكبر:-لا يابوي انتَ حجايتك تجي بل كصه

كسار:-اش بلا اش بلا كلام سخيف

جمر:-ياا دباع شيكول يولو انتَ وحدك لو تحجي تجرح العالم كله همزين جموح راحت

علي الاكبر:-صار صمت محد حجه بس اباوع على كسار عيونه طلع نار بعد شويه وياكل بجمر اداركت الموضوع،
_شسمه انا عدي سالفه فاجيت

كسار:-خلي سالفتك بعدين انا رايح

علي لاكبر:-لااا عرفت وين مكانن بسام

كسار:-وينهه هذا الخسيس

علي لاكبر:-باطراف بغداد منطقه**هناك خاتل

كسار:-ماشي انا رايح

علي لاكبر:-هااا يمعود اوكف جايي وياكك ،
رحت اركض وراهه واجه جمر ويانه رحنه وراهه وهو يركض مو يمشي صعدت بالصدر وجمر ورا هو يسوق مثل المخابيل
_ولككك كسارررر راحح انموت قبل لا نوصللل كسارررر يبوووو فاضلللل

كسار:-شبيكككك يمعوددد شني شكد رجيج انتَ

علي لاكبر:-ولككك بعدني شبابببب بعدنييي ممزوج ولا مخلف

كسار:-بسك اكبر تره اشمرك هنااا

علي لاكبر:-هاهيه الصمنه بس فدوهه تروحلك عشيرتي بس لا تمشي سريع

جمر:-ههههه ضحكتنيييييي ولككك انتَ مين الك عشيرهه

علي لاكبر:-جا غير من ورا ابوي انا شعليه هوه خلانه نكطع علاقتنه بيهم من ورا عمايله السوده

كسار:-كافييييي دوختوني

جمر:-انت هسه بالك بس يم بسام المحترك

علي لاكبر:-خرببببب يومكككك

كسار:-كلمه بعد وراح نروح كلنه يم الله

علي لاكبر:-لا بداعت حويسننن

جمر:-ولكك منهو حويسنن

علي لاكبر:-ابوي حويسنن

جمر:-ههههههه يمهههه بطنييي

كسار:-بعياط ، انا جايبكم تتمضحكون بسكمممم ، سكتو اثنينهم وصلنه يم سيطره وكفت اكبر من كال اسم ابوي رجعت بيه الذكره لليوم المشئوم

عام1999

حسين(ابو كسار):-اكتله يلهه حتى انتَ تعيشش

كسار:-يبجي،ماكدررررر هايي.....

يتبع...
،،،،،،،،،

هاا مَشموشاتي شلونه البارت بلهه حلو لا ؟
ادري كلشي مفاهمين بس بعدين راح تتوضح القصه

قراءه ممتعه حبايبب كلبي🫶🏻

حساب لانستا👆🏻