حتى النوم حين يراني متعبه يهجرني .
—
خلود : بس يا بنات خايفه منهم يكفي تدخلنا بشغلهم وخربناه
شهد : لا تخافين ماراح يسوون شي انزلي تحت بدون ما يحسون خلينا على الاقل نقرب شوي منهم لان تحت مافيه شي يضرنا
نزلنا كلنا من فوق التل وكل وحده ماسكه يد الثانيه
ونحاول نساعد رهام الي تعرج رجلها بسبب الالم
رهام : قسم بالله فيكم عند جدتي اجل مخدرات هاه
ساره : اهجدي يا بنت الحلال وانا وش عرفني
خلود بخوف : بنات ولله لو يعضني شي لا اموت
شهد : خلاص كذا كويس قريبين ونقدر نسمعهم
فاتن : ايوا اتفق معها كذا كويس لا نقرب زياده بيدرون
—
بالجهه الثانيه
سلطان
كنت معرق وتعبان جسمي في حالة شلل مو حاس بالالم
لكن غرست سكين خلتني انزف بشكل قوي والالم في كل حركه
يقتلني ناظرت لعمر الي جنبي ويحاول يخليني صاحي
عمر : يا رجال تحسسني اول طعنه لك
سلطان بصعوبة تكلم : اسكت ترا مانيب فاضي لك
عمر بضحكه : لا بخير هههههه الا لا تتحرك كثير
سلطان وهو يشوف مصلح جاي : وش صار ؟ وين رشاش
مصلح : لو تدرون وش شفت
عمر يرفع حاجبه : ان شاء الله خير بس وش؟
سلطان : خوفتنا اخلص
مصلح بهمس : بنات ام عواد فوق التل
عمر يرمش اكثر من مره : وش تقول انت؟
سلطان ببتسامه : منجدك وش بيطلع بنات بهالوقت
مصلح : الفضول يا سلطان الفضول وش يفهمك
سلطان : عزيز تأخر ولا؟
مصلح يناظره : رشاش معطيه مهمة ثانيه
عمر : لا تتحرك ، الا وش مخليهم يصارخون؟
مصلح : من؟
عمر : البنات يا مصلح
مصلح : وحده منهم ملتوي على ساقها ثعبان كبير
بيتفاهم معهم رشاش معليكم الا محسيتو تأخرو؟
رشاش
جيت ولقيتهم ملتهين يسولفون تنهدت
وقربت منهم وجلست : منجدكم انتم ؟
مصلح : في وش؟
رشاش معصب وماسك نفسه : واحد منكم على الاقل يجلس
عند سياره عشان يدرون انه فيه حد تبون نطلع لهم من ورا الحجر ذا الكبير ؟
عمر : الحين من بيروح ؟
مصلح : انا ورشاش وانت اجلس مع سلطان
عمر : طيب حلو
بعد مده الكل في مكانه وقفت سيارة غنم رايحه فيها
رشاش رميت زقارتي وانا التفت على مصلح : واخيراً ، مستعد؟
مصلح وهو متكي على سياره : اكيد هههههه
رشاش
قربت من سيارتهم الي ريحتها تصرع الرأس
طلعنا الشنطه الي مليانه فلوس من الجمس الاحمر
مصلح
مشيت ورا رشاش ونزل من سياره شخصين نحيلين
و واضح انهم مو مروجين متعاطين من اشكالهم
مصلح بهمس : ذول متعاطين ما هوب المطلوب ؟
رشاش : معليك بتصرف معهم على الاقل يعطونا خيط بسيط
مصلح : يارب
قربنا من شخصين الي مهلوكين وريحتهم معفنه
وهالات مخيفه على وجيهم وعيونهم الحمراء تثبت هشي
تكلم واحد منهم بصوت متعب : وين المطلوب
رشاش : هات وهات
........1 : عطنا الملزوم اول
مصلح ببتسامه وهو يقرب : بنعطيكم النصيب من شنطه
لو سويت لنا خدمه
.........2 : وش الخدمه ؟
.........1 يلتفت على خويه : تستهبل
..........2 : لا قد لنا مده نشتغل عند خوي سعيد ولا عطانا الي نبي على الاقل جرعه وحده بس
...........1 : وش تبي
رشاش : كيف اتواصل مع خوي سعيد وتاخذون شنطه كامله
........2 : حن ما نقابله وجه بوجه نتواصل معه بالورق ويترك كيس مخدرات ونتقاسمه واذا كملنا المهمه عطانا
رشاش يهز راسه بتفهم : وين تتقابلون؟
........1: في شركة توصيل اثاث
مصلح مستغرب : وكيف كذا
.......2 : يترك المخدرات داخل بطانيات او مخدات مع رساله
ويحط عليها علامه حمراء عشان نميزها بالمستودع
رشاش ابتسمت ورميت عليه شنطه : خذها و وش رايكم تشتغلون عندي؟
—
عند البنات
ساره : ابي اسمع بس مو قادره
فاتن : يارب ما يصير شي نبي نرجع للبيت معد بطلع
منال : الا ما تحسون انه فيه شي غريب؟
خلود : مثل وش
رهام : لا ما احس
منال : عزيز مختفي
شهد : اي عرفته الي جيتي معه ذاك اليوم
منال : اي مختفي !
فاتن بغمزه : وليش تسألين هاه؟
—
بجهه بعيده شوي منهم
كان منسدح ومصوب على المكان من بعيد
وكل دقيقه يتاكد من السنايبر الي يستخدمه يخاف من غلط
بسيط بس تنهد وهو ينتظر اي حركه منهم بس
عشان يطلق وفجاه جت في بالي ابتسمت بدون ما احس
عزيز ببتسامه جانبيه: غريبه هي في يوم وليله خلت كياني
يهتز
—
رشاش
اتفقت معهم وقربت منهم وحطيت جهاز تعقب بدون مايحسون في سياره عشان اخلي شرطه تقبض عليهم ودعتهم انا ومصلح
وراحو واخيراً.....
رشاش يلتفت : والحين دور الي فوق التل
رشاش
رفعت يدي وانا اعطي اشاره لعزيز يجي وينزل
ومشيت مع مصلح
—
رهام : الحين خلونا نرجع بسرعه لان ماراح نطلع سالمين
منال : لاول مره راح اتفق مع رهام
رهام تتخصر : وش قصدك يعني اوريك !
فاتن : اسحبي على رهام وخلونا صدق بسرعه نهرب قبل لا ننصاد
خلود : وربي خايفه يمكن يعلمون حتى جدتي علينا
ساره : تستهبلين اتحداهم بس
شهد بضحكه : الي بيعلم راح اقول لجدتي انهم عصابه
بدينا نمشي وسمعنا صوت من ورانا خلانا مو بس نخاف
جتنا ام ركب بعد
عزيز ببتسامه وهو متكي وماسك سلاحه : على وين ان شاء الله يا حلوات ؟
شهد وهي تبلع ريقها : وشدعوه يعني وين البيت
منال بخوف : بضبط كنا نجيب مويه من البير
عزيز يرفع حاجبه : والي بيروح يجيب مويه يروح بيدين خاليه؟
رهام بهمس : هو مايدري صح انو خلينا خويه ينطعن بلغلط
فاتن بهمس : اي مايدري خلينا نكذب عليه ونروح البيت
عزيز يتنهد : على وش تتهامسون و وشفيها رجلها ذي
منال : لا بس طاحت مافي شي صح بنات
كلهم : اي
عزيز : طيب يلا امشو قدامي للبيت
بدينا نمشي الا وبعد مده سمعنا صوت اشخاص ورانا
عزيز ببتسامه يلتفت : وينكم يخي طولتو
رشاش يعطي نظره لهم : لا بس سلطان منصاب بسببهم
عزيز بستغراب : كيف ؟
عمر : ما قالو لك ؟
عزيز يناظر منال ولهم : لا محد قالي
سلطان : اذنب ماهو عليهم علي لان تشتت ذهني
مصلح : ما صار الا الخير يا شباب
رهام
وهي تعرج وزعلانه وضميرها يأنبها على سلطان المسكين
تنهدت وهي ماسكه كتف فاتن اختها وتهوجس ومنزله راسها مستحيه ومع البنات
رشاش بحزم قبل لا يدخلون ديره : المره ذي بمشيها
لكن المره الجايه وحده منكم تجي وتدخل نفسها بشي ما تفهم فيه ماراح اساعدها فاهمين الكلام للجميع خلكم عند جدتكم بدال اللعب
عزيز بهمس لعمر : شكل العميد طلعت شخصيته القياديه ههه
عمر : اسكت لا تخليه يقلب علينا بس
رهام بخوف وهي زعلانه : انا اسفه سلطان ما كان قصدي
سلطان يتنهد : لا عادي بنهايه انتي بنت
رشاش : عمر ود سلطان يرتاح داخل يرتاح وانتم ادخلو ناويين تروحون مكان ثاني؟
رهام بهمس : وش هسلطه ايع يقهر اف
شهد : امشي بس لا يسمعك يقتلنا
خلود : بسرعه ادخلو ما صدقت نوصل
—
الصباح الساعه 7:24
رفست جدتي الباب معصبه وتناظرنا
ام عراد : قومو قامت قيامتكم عليكم وين الفطور !
خلود وهي تمسك المخده : جده بس شوي نمنا متاخر امس
ام عراد : سهرانين اجل اقول قومو ولا العصا على ظهوركم
فاتن بنعاس : جده روحي وبنجي وراك
رهام : جده بموت ابي انام ما ابي بعدين انا ما اعرف اطبخ
ام عراد : يا حيي ماعندي خدم هنا واليوم الفطور على رهام
شهد : خلاص صحينا ولله صحينا
ام عراد : فوق ما انكم ما صليتو ومتاخرين تتحلطمون اخلصو
بيجون نسوان بعد شوي يا ويلكم مني لو رجعت واحصلكم نايمين
صحينا وتعب على وجيهنا ونناظر بعض
رهام : بنات ترا ما اعرف اطبخ مو منجدها يوم قالت اطبخ صح؟
شهد تضحك : جدتي لا قالت شي يصير
منال : يلا المطبخ انا امس طبخت بروح اجهز الفرشه بايي
ساره وهي تنشف وجهها من المويه : وانا بكنس الحوش
رهام بصدمه : فاتن وانتي؟
فاتن تتافاف: بساعدك بس ترا ما اعرف ايش اسوي
رهام تناظر خلود : عندكم كتاب طبخ وكذا يعني حتى مكيف مافيه كيف عايشه هنا بالله يا خلود اوف
خلود : شسوي عاد يلا امشو انا بطبخ وساعدوني اجل
—
ام عراد
طلعت وانا اشوف ابو سعود يهمس لخويه
" مدخله شباب في بيتها الي مليان بنات "
ناظرتهم والعصا شوي وتدخل بعينهم : ولله لا اشوفك تتكلم ثاني مره عني وعن حفيداتي بوقف تدريس بنتك وخل ولدك سعود صايع يتعلم من العيال الي انقذو حفيداتي اكثر من مره
خسيس
مشيت وتركته وشفت من بعيد مصلح مطلع الغنم
يمشي ابتسمت لا شعورياً وانا اتذكر ولدي عراد
ام عراد وهي تتعكز بعصاتها : بارك الله فيك يا ولدي
مصلح يبتسم : الا الحلال زين ما شاء الله عندك
مصلح
لو تدري بس انه رشاش كان شوي و بيقتل حلالها لانه م قدر ينام بسببهم كان اغمى عليها بس خلها مستوره احسن
ام عراد : متى بتمشون
مصلح : لا بنجلس لفتره هنا لين يجي خوينا وبنمشي
—
ساره
بديت اغني وانا اكنس ومبسوطه انه ماراح اطبخ
الا وحسيت بشخص يتالم في احد زوايا البيت
قربت بخوف وانا اشوف سلطان تعبان ويتالم
ساره : انت انت كويس؟ وش اسوي ياربي
سلطان يمسك يدها : اوص لا تفضحيني بس لاني تحركت شوي وانفتح الجرح بس
ساره تبلع ريقها : بس انت معرق وحالتك احس مو كويسه
سلطان : انا بس طلعت من ريحة الغرفهالي كلها غنم ابي مكان ارتاح فيه
ساره بتفكير : تبي اجيب فراشي و وسادتي تنام بهزاوية؟
سلطان : ياليت ولله
ساره
رحت وجبت الي يبيه وحاولت اساعده يوقف عشان اخليه
ينسدح بالفراش الي سويته له بس طحت على جرحه
وانصدمت وانا خايفه : اسفه اسفه ما كان قصدي انت بخير
سلطان : وباقي تسالين بخير بشويش يا بنت
ساره : انت ثقيل ايش اسوي فيك!
سلطان يتنهد : قربي
ساره بعدم فهم : هاه ليش
سلطان : ابي اقوم يا غبيه
ساره : اي صح
سلطان
قربت مني وعيوني تقابل عيونها وانا احاوط خصرها
استقمت بعد جهد كبير مني وسكرت عيوني وانا اسمع صوتها
يطلب مني اقوم بس ماني قادر لاني طحت وفقدت الوعي
ونص جسمي على جسمها صغير تجاهد تطلع من تحتي بس ما قدرت
ساره : وش اسوي الحين ب دب الي فوقي ولله لا يشوفني حد
ان يفهم غلط لازم اصحيه بس كيف يمه خايفه
———
نجمه ، تعليق ، نشر الروايه
انشرو الروايه الدعم مو عاجبني ياليت عارفه تاخرت بتنزيل
بس ماراح تقصرون صح ؟ وتعليق ترا مره احب اقراء تعليقاتكم
تشجعني مره