#لعبه_القدر
الكاتبه: فاطمه
للتواصل: insta: 5m___. 18
............
خلصت صلاحيتك بعد
ما اشوف ابد ترهملي
اهتملي وانت ومنشغل
مو تفرغ وتهتملي
مشكلتي ابد ماقصرت
بأهمالك اجازيني بأولوياتك ردت مو هامش تخليني
••••••••••••••••••••••••••••••••••••••••••••••••
::-كاعده على الكرويته الي بطارمه ولامه رجليه الصدري واني اسمع صوت الرعد والمطر الي ينزل بغزاره ورغم البروده الي دگص العضم بس عاجبني ابقى صفنت على السماء وصرت افكر
"حُضن الأم هوه المكان الوحيد الي نلگه بيه الحنان والطمئنان والدفو هوه المكان الي نلجئله ونتخلص من كُل مشاكلنا ومتاعبنا هوه المكان الي نبدل بيه الخوف بطمئنينه"
مشيت بخطوات خفيفه ناحيت المطر واني كُل شويه اعصر بزندي من البروده، قدمت ايدي ناحيه المطر وصار يوكع عليها واكول
"زين ليش حُضن امي مختلف ليش تحاوطه الاشواك من كل جانب، دخلت للبيت ركض لان المطر قوه كُلش وكعدت على القنفه
" يمه وين حنانج عني صار مده فاگدته وماعرف شنو السبب يمكن اكون كبرت بعيونج
بس گلبي لحد هسه گلب طفل محتاج بس لمسه ايدج "
اخذت الصوره الغرفتي وتركتها على المكتب ونمت ثاني يوم گعدت الصبح كشخت ؏ اخر شي ورحت ؏ غرفت اختي
::-صباح الخير لحد هسه مامكمله
::-اي مو تشوفيني گاعده امشط
::-ويععع شعرج سنه يله يكمل سوي مثل شعري قصير وحلو انتِ طويل خلص نص عمري بسببه لان انتِ تتأخرين بسببه
::-عاجبني شعري واني ماريد اصير صخله مثلج
::-مشكوره خوش احترامات، المهم راح اطلع تعالي بسرعه
::-اي بس اللبس شالي
::-تمام، عفتها وتوجهت للصاله شفت امي وابوي گاعدين
شغف::-صباح آلخير بابا
بابا::-هلا ببنيتي هلا بحبيبتي صباح النور
-صباح النور يمه
امي::- اهلاً
بابا::-اكول بنيتي تريكتي
__اي تريكت انتَ متريك
::-اي الحمدلله
__بلعافيه
شمس::-هلوو صباح الخير
بابا::-هلا بنيتي هلا حبيبتي
شمس::-صباح الخير يمه
امي::-صباح الورد والياسمين على احلى بنوته بدنيا، وگامت حضنتها وباستها
::-اسم الله عليج گمر مشالله
::-يروحي
شغف::-يله شمس تره هواي تأخرنا
::-اي، تردين شي يمه
::ـ اي ديربالج على نفسج
::-نشالله حبيبتي
شغف::-باي بابا
::-يحفظكم الرحمٰن يُبا
شغف::- طلعنا من البيت بسيارتي اني وشمس نص الطريق وڪالت::-شغف شبيج من صعدنا بسياره ولحد هسه انتِ ولا ڪلمه
::-مالي خلك كُلش
شمس::-ليش!!! شصاير اكو شي مضوجح؟؟
::- شمس انتِ ماانتبهتي امي شسوت اليوم
شمس::-لا مادري ماانتبهت ليش شسوت
::- امم احسها هواي متغيره مو مثل قبل يعني ماعاد تحبني
شمس::-اكو ام بدنيا متحب عائلتها لا حبيبتي غلطانه وبذات امي ماكو مثل طيبه گلبها انتِ يتراوالج
::- چانت هسه ماعرف شبيها.، سكتت مجاوبتني وصلت للشركه الي اشتغل بيها ولگيت هيثم يمشي بلممر الي امشي بي
::-شغف صباح الخير
::-هلوو صباح النور
هيثم::- بخصوص الملف الي دزيته الج خلصتي؟؟
::-اي خلصته دقايق ويصير بمكتبك نشالله
هيثم::- الله ينطيج العافيه
::-تسلم، من رخصتك
هيثم::-اني اكلت ءذا تردين اساعدج بشي محتاجه شي اني حاضر تره
::-لا شكراً هيثم متقصر، عفته ودخلت اخلص شغلي.
الى الماضي
شتاءً1997
نزل من الدرج يدندن بأغنيه وهيه ڪاعده تستمعل الى ان صار مقابيلها وهيه وگفت تحجي ويا::-مشالله ريحه عطرك واصله لسابع بيت لا ودندن وين رايح نشالله
::-وين يعني وين ڪ العاده يم جماعتي
::-اممم وتتأخر
::-اهوو وبعدين وياج انتِ هسوله شوكت تبطلينها هسؤال صار مقرر رسمي كُل يوم لازم ينسأل
::-وهسؤال هلكد صعب ومتگدر تجاوبه جاوب علكد السؤال تتأحر لو لاا
::-لا لا صعب ولا شي بس اني مليت طڪ گلبي
كل يوم لازم نفس السؤال ونفس الجواب
::-والله بل الاول كول وين تروح وين ترجع هلوكت كلشي صاير عندك بل الختلات
::-كافي عاد
مجاوبته وبقت تنضرله نضرات شك هوه انتبه عليها وگال::-شكو هيج تباعين
::هيج سلامتك
::-تردين شي
::-سلامتك
::-ءذا دكيت عليك جاوب
::-حاضر
::- مو تنسى ترد ضروري
::-حاضر أوامر ثانيه
::-سلامتك
عافها وطلع بطريق وتصل على صديقها وسولفله شلون مرته تشك جاوبه::-ماطول مصارحتك بشي يعني ماشاكه بشي
بس انتَ صير قوي ولتچفص
::-لا تخاف عليه متماسك وقوي بس لو تشوف نضراتها ليكول جهاز اشعه كاشف ويعرف كل شي
::-اني اكول اصبر وديربالك
::-قابل اكثر من هيج هاي اني صابر وحريص
بس مادري شنو واصل الها بقى يحجي ويا الى ان نهى المكالمه وتوجه الى حبيبته
وكعد شرحلها نضرات زوجته وڪال::-حسيت شاكه بيه
ابتسمت بخباثه وگالت "احسن"
::-صدك تحجين شلون احسن
قدمتله الچاي وكالت::-حبيبي خل تعرف يعني شراح تكدر تسوي
::-صدك!!!
::-ءي صدك، يكلبي اني ماعرف ليش انتَ هيح
خايف اني زوجتك على سنه الله ورسوله
وبعدين انته لا اول ولا اخر واحد يتزوج على مرته
::-اي صح بس ءذا عرفت راح تسببلي مشاكل اني بعيد كُل البعد عنها
::-جؤؤ يوم يومين وتستوعب، وبعدين حبيبي أنتَ مو ڪلت تريد تصارحها وهاي احنه بسنه الثانيه ولحد هسه تخاف دكول الها
::-منو يكُلج اني ساكت الله يسلمج انتِ بس اني جاي اتكتكلها وارتب وانتضر فرصه مناسبه
::-هممم تنتضر الفرصه المناسبه لعد ءذا هاي طريقتك وخوفك الي كل يوم كاعد يزيد مراح تكول الها لو بعد عشرين سنه
شافها صدُك زعلت حاول يراضيها وهيه الله يسلمها تحبه ورضت بسرعه بدون شلعان گلب...
نايمه على صدره وتطرق طرقات خفيفه على جهة قلبه وگالت::-حبيبي
::-هممم
::-شكد تحبني
::-"النفس البروحي "
::-ممم بس احسك بارد وياي
::-ليش؟؟ من ياناحيه
::-غزلك متتغزل بيه مثل قبل
::- هههه ولج كبرنا على هسوالف
::- لا والله احب اسمعهم منك
::-لعد تعالي سمعي...
في مكان اخر...
كاعده تحجي ويه صديقتها وتسولفلها ؏زوجها شلون يتصرف
::-من اكلج احساسي بمكانه لازم تصدكين
::-تعوذي من الشيطان ولا تستعجلين بلحكم
::- نور انتي شدتحجين تعلميني بزوجي كاعد اكلج اسعد مو هوه مو مثل قبل ابد
من يكعد يمي اصلاً ميعرف يحجي بس يخوزر بساعته ولا اءذا راد يطلع يتعطر ويتجهز ؏ آخر حبايه ومن يطلع بس يتلفت وره يخاف اني لاحگته
::-ءي عادي تره اكو هواي زلم هيج يسوون مو ضروري اكو بنيه بنص، ارجع واكُلج لا تستعجلين بلحكم اله تتأكدين
::- الله كريم يصير خير، ويييي نور نسيت اكُلج
اني حامل
نور::-احلللفييي، مبروك، الللف مبررووك ، شكد صارلج
::- الله يبارك بيج حبيبتي، صارلي شهرين واسبوع واني اسفه حبيبتي نسيت اكُلج
::- يدري؟؟
::- لاا ميدري ماكول اله اتأكد واشوف صدك مزوج عليه لو لا.... بقت تحجي الى ان نهت المكالمه ويه "نور"
في مكان اخر...
خلصت ليلتهم الرومنسيه وگاعد يدكم قميصه
وصاح عليها وهيه واكفه ڪدام المرايه واخذت
عطر نسائي ورشت ؏ سترته بدون مينتبه وابتسمت بخباثه!
::-ساره ساره يله يحبيبتي يله يعمري
::- يله حبيبي ، گلبي
::-هلا
::-اكعد بعد شويه وياي مصار هواي من اجيت
::- واكفتلي يم الباب شسوي
::- اهووو يعني هاي توكفلي شوكه بلعوم
::-ميخالف تحملي كلشي يترتب ويضبط بس لاضوجين
::- دير بالك على نفسك
::-حاضر نشالله، تردين شي؟
::-"ابتسمت بدلع ونطقت"لاا مشكور
::-يله تصبحين على خير
::-وانته من اهله
::-قفلي الباب
::-احبك
::- اموت بيج
طلع وهيه اتصلت على امها وگالتها شسوت
::- جان اخذ سترته وارشه بعطر غير الي هوه اجه بي
::-مو هيج راح تورطينه
::- اني اريده يتورط ويصير امام الامر الواقع
::-متخافين يزعل عليج
ساره::-اسعد مزعل مني يبوس التراب الي امشي عليه......
... يتــبـــــــــع
دُمتم في حُفظ الرحمٰن