حبايبي لاتنسوين التصويت للقصه
الكاتبه: نور ثائر
ـــــــــــــــــــــــــــ
صحينه وهز كلبنه الضيم
وأسمك جان عامينه
عريان السيد خلف
ــــــــــــــــــــــــــــــــــــــــــ
راسي صدع ألم قوي صار براسي عيوني ثقلت ودخت غمضت بعد ماحسيت....
فتحت عيوني بثقل ظلام وهدووووء وبارده تكص كص
وين اني؟
شجابني هنا؟
وكفت ونكتت هدومي نايمه على الكاع وعليها اوراق لشَجر
امشي وتعثر شخص يمشي وراي لتفت محد موجود بس حسيت اكو شي
رجعت امشي وين ماعرف
حلم او واقع؟ ماعرف
وراي صوت لتفتف شفت ضل مشيت بسرعه ركضت ولتفت خاف بعده وراي انطگيت بشي
ابشع شي شفته بحياتي كلها
حايط وماعرف شنو بي بَس حايط كلش قديم وعليَ صوره ماعرف جني بس بشعه لصوره بشعه كلش بشعه
حطيت ايدي على حلكي امنع صرختي تطلع نسحبت من خصري بقوه...
ايديه حاوطت خصري صار ضهري على صدره قرب يمي وهمس
ااشش
ماكو صوت بس صوت نفسي العالي كلبي احسه وكف من لخوف درت وجهي وشوفه همام!!!
همام: شجابج هنا وانه عفتج هناك
فيدرا : ليش جببببتني لهناااااااا
همام: اااش صوتج نصي لا يسمعون
فيدرا: منو ليسمع؟
احجي وطك سن بسن من لخوف ومن لبرد جسمي رجفته مو طبيعيه كوه واكفه على رجلي
همام: لحبايب واذا عرفونه هنا يعرسون علينه
حجاها وحط جبينه علىَ جبيني
نفسه حار لفح وجهي
دفعته بقوه من صدره وبتعدت
ااااااللك حيووووووان شتررررريد منننننني
همام: هاي كل قوتج؟
طلعني مناااا ليش جبتني هناااااا
همام: اكره اليغدر
حجاها وكتف ايده ويحجي بكُل برود واني شايطه من لخوف
فيدرا: وهوه منوو لغددرك واني شعليه؟
همام: لاه لاه ياحلوه لعبتي بلنار ولنار هاي راح تحركج
حجاها وسحبني عليَ
فيدرا: وووخرررررر مننننني لااا تلزززززمني
سحبني عليَ اكثر ضغط بيده يلي محاوطه خصري بقون ويحجي بفحيح
همام: وهاي لزمتج شتسوين
مكان غريب ورجال مجرم واني وحدي شسوي بهاي الحاله؟
بلعت ريكي وباوعت بعيونه
فيدرا: طلعني منا
همام؛ بس مو قبل ماخذ لخذتي
فيدرا: شنو خذيت؟
نسيت لفلاشه نسيت كلشي بس اريد اطلع من هذه المكان عبالك فلم رعب
همام: لجذب هسه مو بصالحج انطيني لخذتي وانه اطلعج
فيدرا: هووه شنو لخذيته؟
سحبني من ايدي ومشه بيه وين مادري كُل لاماكن متشابها
كلها اشجار بس مكان متروك أمبين وجبير كُلش جبير
مدري وين ماخذني مشيت وياه وحاول افهم لطريق بس يخووف وظلام مو كُلشي واظح بس ضوه القمر
فتح باب قديم دنك ودخل وسحبني ويا ماكدر احجي احس حيلي راح
دخلت وراه لغرفه كلشي مواضح منها ظلام هندس
شغل ضوه موبايله وحطه مدري وين بس صار ضوه خفيف بلغرفه قديمه وريحه ابد مو طيبه
باوعت عليها غرفه زغيره مو كلش جبيره بس مدري شنو بيها وصخه وريحه تشك لخشم وتكعد لميت من كبره ريحه جيفه وخيسه
فيدرا: طلعني مناااا طلعني
همام: لا تعاي شوفي
يحجي ولجكاره بحلكه سحبني من ايدي ضوه على لحايط ملطخ بدم!!!
همام: شوفي وحده مثلج هم صارت ذكيه ولعبت وياي وهاي تاليتها كتلتها هنا وهنا جواج دفنتها
ماتحركت مانزلن دموعي ما بدر مني اي ردت فعل وهوه يباوع لوجهي ويتفحصه
رجع سحبني بقوه وقربني يم الدم
شوفي هنانه تعرفين شنو سويت
مارديت ومصدومه هذه مجرم قاتل بنيه وهم قاتل بابه اكيد هسه راح يكتلني
ضحك ضحكه فززتني ضحكه شريره رفع راسه وجسمه يهتز
نزل راسه بسرعه وحط جبينه على جبيني
عيونه لونهن احمر يخووفن هاي مو نفس لعيون لنقذتني بهذاك ليوم!!!
همام؛ تعرفين شنو سويت اكيد متعرفين بس راح اكلج
بلبدايه شلعت اضافرها وبعيدن قطعت اصابيعها وبعدين قطعت ايدها وشمرتها للجلاب وبعدين قطعت راسه عن جسمها ودفنتها هههههههههه
احس تعابير وجهي جامده أبد مصدر مني اي رد فعل وهوه يخوفني
لا شنو يخوفني هوه فعلاً هيج مسوي شفته بعيوني من يعذب بابه
اريد اصرخ صوتي نبلع اريد اعوف ايده واشرد بس ايدي مربطه
صاح بصوت عالي
الفللااااشه وووووووووووين
احس من صوته العالي حته لبنيه لدافنها يمكن فزت على صوته
جسمي باد مابيه اوكف كوه اخذ النفس كعدت بلكاع ايدي اريد ارفعها ماكدر بس ترجف بقوه
نزل لمستواي ورفع راسي بيده
همام: شبيج
مارديت اشهك اريد اجر نفس ماكو لنفس ضاك بصدري صوت قوي صار براسي صوت صريخ وهلاهل صوت ضحك وبجي وضحك عالي حيل عاالي
كااااافي سكتوووووووو اااااسكتووووووو
حطيت ايدي على اذاني ولصوت يزيد
فتحت عيوني همام تحول لعجوز شفتها بشعه وشعرها واكف عيونها بيض وجها كله دم صرخت بوجهي واني تخبلت دفعتها وهيه جرتني من ايدي وتضحك بوجهي بكل بشاعه حته سنون ماعدها ومن تضحك ينزل دم من حلكها
صرخت ماريدها اريدها تووخر ماتقبل تضحك بصووت عالي بعدين كامت تهلهل صرررررخت بصووت عالي وبعدها ماحسيت.....
فتحت عيوني بثقل راسي بي طبول رفعت ايدي تأذيني نتبهت بيها كيلونه
انتبهت اني بغرفتي!!!؟
معقوله جان كابوس مثل كل مره
لا لا مستحيل مو كابوس متأكده كلشي جان واقع
انفتح لباب دخلت رغد شافتني فتحت عيونها واجتي حضنتني
رغد: الف الحمدالله على السلامه ولج شنو سويتي بينه
فيدرا: ليش شنو صار
رغد: كولي شنو لماصاغ صاغلج يومين فاقده وكعتي كلوبنه
فيدرا: شنووو يومين شجاي تحجين
رغد: هسه احجيلج
راحت شويه واجتي جايبه اكل
فيدرا: بحال اكل هسه اني كولي شنو صاار
رغد؛ اكلي واني اسولف الج لازم تاكلين حته تتعافين
حطت لاكل كدامي
سوووولفي ولج فتيتي كلبي
رغد......
شفت فيدغا وغاي تمشي صعدت لسياغه وسمعت صوت فيدغا
رغد: سمعتي
ساره: اي هاي مو فيدرا
اجه بابه صعد لسياغه وتصلو عليه غد وماحجه شي سد لتصال وحغك لسياغه
رغد: بابه فيدغا بعدها مجايه
سالم: بعدين خالج يجيبها ورانه
رغد؛ ليش خالي!!!؟
سالم؛ فيدرا مريضه وخاف تتخربط بلطريق فهو راح ياخذها للمستشفى وبعدين يجيبها ورانه
ماصدكت كلام بابه وضل بالي يم فيدغا بس ماكدغ احجي شي
وصلنه للبيت بعد مده طويله
سبحت وبقيت منتضغه ماكو فيدغا
تصلت عليها مترفع خط اهواي تصلت بس مترد
بقت اربع ساعات فيدرا ماكو اي اخبار عنها
ماتحملت ورحت لبابه
رغد؛ شنو لسالفه فيدغا وين غاحت اهواي تأخغو
سعاد: وانتي شعليج لتخليني اهينج وروحي لغرفتج ومعليج بيهاااا
عفتها وطلعت وكلبي مو مرتاح فيدرا مريضه ومانعرف شنو مرضها
جانت تتخيل اشياء مو موجوده تصرخ دم أو راح يكتلني جان مروان يجي ويضربها ابره يله تهدء
ومن تكعد دكول شفت عجوز تريد تكتلني ومروان راد ياخذها لطبيب نفسي
مروان: بابه لازم اخذج للطبيب
فيدرا: اني مووو مريضه ااااني اصحه منكم انتووو لمرضه موو اني
مروان: اي حته انه مريض ونتعالج سويه
فيدرا؛ معليكم بيه تريد انته تعالج
مروان؛ يعني تكسرين كلامي
فيدرا؛ مروان اني احبك واحترمك بس ولله مابيه شي ليش هيج تحجون وياي عبالك وحده مخبله عوفوني الله يخليكم
مروان: هاي هيه بابه براحتج
بقت اكثر من مره هاي الحاله تكرر ويا فيدرا
مروان: من تكعد ماريد احد يحجي وياها بهذا لموضوع خليها تحس جان كابوس وصحت منه
وفعلاً من تكعد تتصرف كلش طبيعي واحنه منبين الها شي
فزيت من صفنتي على صوت بابه
سالم: شلوووون شسوووويت
راح ركض للباب نصدمت من شفت
خالو همام شايل فيدرا بيده وفيدرا يمكن حته متتنفس حالتهم أبد مو طبيعيه
خالو همام شعرف مخربط وزرار قميصه مفتوحه وصدره متخرمش وينزل منهن دم حته وجهة متخرمش
وفيدغا لاحس ولا نفس
همام: وين عرفتها
اشرله بابه دخل اللغرفه حطها على لجربايه
سالم؛ شنوو صار شبيها ليش هيج حالتها
حجه خالو وهوه كاز على سنونه
همام؛ اانته اسكت بعدين افرغلك مو هسه
بابه سكت نخلس من طريقه كلامه
اجه مروان يركض
مروان: شصااير شبيها فيدرا!!؟
سالم؛ ماكو شي بس رجعت حالتها
طبعاً مروان ساره هيه راحت صاحته وهوه خطيه جاي بملابس لبيت
راح مروان رفع فيدرا يلي صايره مثل لجثه على لجربايه وحط جوه راسها لمخده
مروان: طلعو بره
همام: شنو حالتها ليش هيج تصرفت
مروان: خويه اطلعو بره وانه اجي افهمكم حالتها
وانتي رغوده حبيبتي تعاي بدلي ملابسها
راحو طلعو غيرت ملابس فيدرا وطلعت من لغرفه
بابه كاعد على لقنفه وحاط ايده على راسه وامي واكفه قريب يمهم وخالو همام صاير بركان من لعصاب
همام: شلووون هااااي حالتهاااا وليوم يله دررررريت لك سااااالم هاي أمانه خليتها يمك ليش ماكتلي لللك لللليييييييش
يصيح بصوت عالي
سالم: شكلك يعني لبنيه مريضه نفسيه شرااح تسوي راح تعالجها وهيه مخبله لك مستعده تكتلك اذا فتحت وياها لمووضع
همام: جااا هيج تخليني مثل لطرش بلزفه كلشي ماااااعرف بس ولله ااااااندمك. شاربي مو عليه اذا ماندمتك ياااا سالم لك نسيت من شنووو انه طلعتك نسيت ياااااا خنيث وجان طلبي بس تصونها تتتالي هيج اصون لأمانه.؟.
سعاد: خويه ستهدي بلرحمن هوه شنو بيده مخله شي ماسوه الها بس هيه لبنيه من اجتنه مخبله احنه شعلينه
همام: ااااانتي بذاااات اااااسكتتتي
حررك راسه بتوعد وطلع وسد لباب بقوه
نصدمت من رد فعله واهلي كلشي ماحجو امي بقت تدعي على فيدرا وابوي كاعد وحاط ايده على راسه وهموم لدنيا على راسه
لحد ليل تصل عليه خالو رديت عليه وسئلني على فيدرا
رغد: لا ولله بعدها على نومتها مكعدت
همام؛ مروان مو دكتور ميعرف حالتها
رغد: حط الها مغذي وعلاج لأن ضغطها مصفغ وهيه محغكت غمش
همام؛ اذا صار شي تصلي وديري بالج تضمين شي عليه
رغد: لا خالو لا تخاف
سديته ورحت يم فيدرا لمغذي بيدها وجها صاير ليمونه أصفر
هيه من تتخربط وهيج يصير بيها. تبقه اكثر شي 4 ساعات بَس هسه اهواي ضلت
بقت يومين هيه على هلنومه مروان معافها كلساعه يجي يطمئن على حالتها خالو همام كلساعه يتصل يطمئن عليه وانيي بقيت يمها ومتركتها وامي ضاله بس تدعي على فيدرا
سعاد: كل مصايبنه من وراها الله ياخذها واخلص منها بجاه لعباس اخو زينب
هيه صح امي وعيب احجي عليها بس كللش خبيثه ويا فيدرا وابد متحبها برغم فيدرا مالها أذيه على احد...
وهذه كلشي صار لحد ما هسه كعتي
لزمت راسي دايخه
فيدرا: شنو هذه خالج ياااربي
زين ليش هيج تصرف ويا سالم
وشنو قصده اني أمانه
أمانه منو!!!؟
رغد؛ لاتفكغن اهواي هذه خالي لو ضلين سنه دوغين وغا مغاح تستفادين شي كلش غامص ومينحزغ
فيدرا: مينحزر على نفسه مو عليَ وليش هيج اني هامته واذا اني مهمه عنده ليش اخذني لذاك لمكام
رغد: يا مكان؟؟!!!
فيدرا: اسكتي مني راسي حينفجر
رغد: يساعدج الله حبيبتي كومي غسلي وغحي لجده تغه صغعتنه
فيدرا؛ بس لا كتولها على حالتي
رغد؛ لا مغوان كال انفلاونزه وتخاف تجي
اي همزين خلي اروحلها خطيه
رغد؛ وين دكومين غتاحي شوي
فيدرا: صارلي يومين نايمه بس جسمي يوجعني وراسي كلش يأذيني بلكه يم جده ارتاح
عفتها ودخلت للحمام بس دوخه قويه كوه صيطرت وسبحت بسرعه وطلعت مشطت شعري ورشيت عطر وحطيت حمره خفيفه وطلعت
اهم شي شكلي ومو مهم شي ثاني
ذكرت بابه
دورت على لتليفون ماكو
طلعت لكيت رغد بلباب مدري ويامن تحجي
سدت لباب ودخلت شافتني ونصدمت
فيدرا: شبيج عبالك شايفه جن
رغد؛ خلستيني
شعندج بلباب!؟
رغد؛ ها لا هيج ماكو شي تعاي ادخلي جوه لجو باغد
ماطمنت لكلامها وجنها ضامه شي عني محبيت اضغط عليها ومالي خلك لكلشي
تليفوني وين!!؟
رغد؛ اي هذه
حجت وطلعت لتليفون من جيب لقمصله
خذيته دورت على لرقم ماكو دورت لفيديو ماكو وين راح مو معقوله اتخيل
مستحيل اتخيل هيج شي
زين ليش هذاك ليوم شفت لعجوز ويا همام
معقوله همام هوه نفسه هاي لعجوز!؟
لا لا مستحيل ليش هيج يسوي
شنو غايته
وشنو لأمانه
ليش هيج يتصرف ويا سالم
يااااربي راااسي راح ينفجر
طلعت من لبيت اسحل بروحي سحل كلش تعبانه
وصلت لبيت جده لكيتهم كلهم كاعدين سلمت ورحت حضنت جده
لجده: ميلي مني شو ميلي صارلج يومين جان ضليتي هسه ذكرتي
جده ولله مريضه وكلش تعبانه واجيت يمج
لجده: شمالج شبي وجهج اصفر
ماعرف جده فجئه دخلت عاصفه بحياتي وحطمت كُلشي
الجده: خيرج ولج شصاير وياج گلبي مامرتاحلج
ماكو شي جده ليضل بالج
حجيتها وحطيت راسي على جتفها تعبانه يااربي
دخل عمو مروان جان بيده غراض ذبهن واجاني يركض
مروان: فيدرا يمته صحيتي وليش اجيتي هنا لازم ترتاحين
فيدرا: احم مابيه شي ليضل بالك عمو اني زينه
بتسام؛ وشكو هيج خايف عليها
مروان: بنيتي هاي شلون ماخاف عليها
بتسام باوعتلي وعوجت حلكها شويه واجه رائد شاف حالتي وضل يستفسر مالي خلك لكلشي ومابيه ارد على شخص كوه رديت عليهم وطلعت من لبيت
لاكاني لؤي وصاح
لللك ضللللع من لضلوووووووع
باوعتله بتعب ودروت وجهي فتحت لباب هوه اجه وراي يركض
لؤي: لك ضلعي شصاير بيك
مابيه
لؤي: بس لا زعلانه عليَ
دروح روح
حجيتها وطلعت من لبيت لحكني
لؤي: والله تحمل زعل امي بس ماتحمل زعلج
مارديت وكملت طريقي
لؤي؛ لك ضلعي شمالك شو مسنح
هم مارديت
لؤي؛ تحجين لو اسحلج هنا
مابيه ولله بس شويه تعبانه
لؤي: بسعاد لحيه ولا بيج
بتسمت بتعب وصلت للبيت دخلت للاستقبال شفت عمو سالم كاعد
سلمت ودخلت
سالم: شلون صرتي
ليش تسائل
سالم: بابه انتي وحده من بناتي و....
قاطتعه وحجيت
سااالم عووف هذه لكلام ليش هذاك ليوم خليتني اروح ويا شنو يريد مني وليش هيج تصرف وياك وعن اي أمانه جنتو تحجون
سالم: ومنو هيج كلج
لا تفكرني غبيه ومتأكده وراكم سر انته وهمام بس صدكني لجذبه شكد مطولت يجي يوم وينكشف لمستور
واذا طلعت شكوكي صحيه يااااا عم سااالم ثق بالله دبة نفط وعود شخاط بَس وتنهي كل حياتكم
عفته ودخلت للغرفه واني روحي شايطه
اهواي اسئله براسي بس ماكو جووواب وهذه لشي لخبلني
نمت بعد معانا وبعد تفكير طوويل
مر سبوع مثل لسم عليه ماحسيت شي لتفكير ياكل بيه اكل
معقوله لهاي لدرجه صرت اتخيل وكلشي يطلع من خيالي
او كلشي صار واقع وبابه خاطفه هذه وجاي يعذب بي
بقيت بدوامه تفكير طوويله وصعبه واحس ماكدر اطلع من هاي الدوامه
وكل يلي بلبيت زعلان مني لأن حجيت بصوت عالي ويا سالم وهذه لشي اخر همي كل همي بابه وين وهمام شنو قصته
جنت كاعده بلحديقه لجو بارد وصافنه بلسمه ولنجوم يلي بيها
دخل عمو مروان مسحت دموعي اجه وكعد يمي
مروان: اي كالو محاجيه صارلج سبوع
حجاها وهوه ممبتسم
مارديت جنت حاضنه رجلي على صدري غمضت عيوني ورجعت راسي بين رجلي
مروان: ليش متحجين يلي بداخلج ليش تبقين بدوامه افكارج وحدج؟؟؟
فيدرا: لأن لناس كلها هموم محد بينه ماعنده هم وكل شخص عنده لهم يلي يكفي ومو محتاج يسمع هم لشخص لثاني
رديت بدون مارفع راسي
مروان: بس مرات لشخص يحتاج يفضفض
حجاها وحط ايده على كتفي وكمل كلامه انتي بشر مو حجار صح شخصيتج قويه بس مو يعني تبقين مثل لحجاره ومتعبرين عن يلي بداخلج اعرف يلي بداخلج اهووواي وحايره منين تبدين بس انه وياج انه وياج بكل خطوه كولي شنو يدور براسج يجوز اكدر اساعدج او افهمج
رفعت راسي وحطيت عيوني بعيونه وبقيت ساكته
تره وكفتي عقلي اهواي شايف اشخاص بس مثلج مستحيل اشوف
فيدرا: ههههه ولا راح تشوف
مروان: سحب نفس وزفره يله سولفي
رجعت شعري وراه اذاني
شوف عمو يعني اني صح مريضه واعترف بس يعني شلون احجي
مروان؛ انتي صح مريضه بس اعرف تجيج هاي لحاله بس من تشوفين شي يخوفج
كولي شنو يلي مخوفج ومخليج توصلين لهاي لمرحله
فيدرا: عمو تعرف اني شكد احبك
مروان: يبعد عيوني تعاي
كالها وفتح ايده رحت وحضنته
سحبت نفس وزفرته
فيدرا: بابه وين عمو؟؟؟
بعدني من حضنه وعگد حواجبه
مروان: وشنو جابه على بالج
اني مناسيته كل يوم افكر بي وينه يعني معقوله يطلع عند ناس وهاي لناس مو زينه وجاي تعذب بي؟؟!!!!
مروان؛ اسمعي بابه عمو كريم ماعنده أي عداوت اذكر اهواي جان يساعد ناس وماعنده اعداء يعني اذا عنده اعداء فهذه لشي بسبب لشغل لأن جان كلش ذكي ويغارون منه بس ماعنده عداوات
فيدرا: زين شنو لشي يلي بين بابه وهمام!!؟
مروان: همام ماعنده علاقه ويا عمو كريم بس ابو همام علاقته ويا عمو كريم كلش قويه جانو اصدقاء من لطفوله وحته خلصو دراسه سويه وحته بشغلهم سويه جانو روح بروح وحته من عمو كريم ختفه ابو همام كلش تعب وتمرض على غياب عمي
فيدرا: زين بهذاك ليوم شلون عرفتو مكاني شلون عرفتو اني بهذاك لبيت (تقصد بيت اهلها)
مروان: شوفي ابوج وابو همام جان سرهم واحد فذاك ليوم ابو همام اتصل على جدي وكال تعالو اخذو بنت كريم
كلنه نصدمنه من لخبر ومن رحنه انتي جنتي فاقده الوعي وجان همام هوه لماخذج احنه من زمان نعرفه خوش واحد وطيب وينشد بي لضهر
وبعدين عرفنه من ابو همام عمو كريم مزوج بلسر وانتي بنته وزوجته خانته وكتلها وختفه ومن هذاك ليوم ابوج فص ملح وذاب محد يعرف وينه ميت او عايش بس اذا عايش مستحيل يكون بلعراق
فيدرا: اووووف يا الله
مروان؛ ولج لاتنفخين لا طيرينه بس ليش هيج جاي تسئليني؟
فيدرا: هيج ولا شي بس حبيت اعرف
مروان: يعني يلي اعرف سبب حزنج هنه بس هاي لسئله
فيدرا: لا ما حزنانه
مروان: ليش ذاك ليوم همام جابج وشنو جنت تسوين ويا
فيدرا:هذه يلي محيرني ولشي يلي شفته مو طبيعي يلي شفته كابوس وما تمنى هذه لكابوس يرجع ينعاد لأن اذا تكرر يمكن اموت
مروان: شنو شفتي
ذكرت لغرفه ولصوت بلعت ريگي بخوف وجسمي وحده ضل يرجف ذكرت شكل همام شلون صار من رجال الى عجوز بشعه وتخوف
مروان: يمعوده شبيج صفريتي
فيدرا: عمو كتلك كابوس واتمنى ميتكرر
مروان: هاي هيه بويه بس على كيفج وجهج صار ليمونه
فيدرا: صدك ليش اجيت؟
مروان: تصلت عليه رغد تشكي منج
حجة ويباوعلي صفح
رديت تشكي مني اني
مروان: اي تكول صايره فاندام تردين تحركيهم ههههههه
حكيت راسي بفشله ورديت
مدري شجاني وهيج حجيت
مروان: ههههه يله مصار شي وروحي احجي وياهم تره عمو سالم يحبج هاي جزائته
فيدرا: تعرف احس حياتي عباره عن حلم
مروان: شلون حلم؟؟
فيدرا: احس كلشي جذبه ويجي يوم وينكشف كلشي ويتغير كلشي
مروان: شلون يعني
فيدرا: مادري وهسه نجلع اريد انام
مروان: باع باع لصلافه تشحتني
فيدرا؛ نعاسنه اذا تبقه انتَ هنا واني رايحه انام وكمل احلامي يلي راح تخبلني
مروان؛ ديله خلي تكمل عليج شلون عقل منا انتي عندج
فيدرا: ليش يمه شبي عقلي
كلته وتخوصرت
مروان: لا بويه فديته هوه اكو مثل خبالج ءء اقصد عقلج
فيدرا: اي عباااالي باجر اصير دكتوره وشوفو هاي لخبله وين صارت وانتوو وين
مروان: تره انه هم دكتور
فيدرا:وشكو خابصنه يله تصبح على خير
مروان: هاي شحته نازگه
فيدرا؛ سير جااااو
كلتها ودخلت للبيت ضل مدري شيحجي ضحكت ودخلت للغرفه
عشتو ردت انام بس يا نوم يزورني واني بهاي لدوامه
يعني علاقت بابه وابو همام وهمام زينه وماكو عداوه لعد ليش همام يعذب بابه
أكيد يلي شفته خيال
بس مستحيل خيال
لا يمكن خيال
معقوله همام بقه يعذب بابه لحد ما مات!!!
تعبت من لتفكير
رحت توضيت وصليت ركعت ودموعي غدرني ونزلن
رفعت ايدي ودعيت من كلي كلبي
يارب دليني على لطريق لصح يارب انقذني من يلي اني بي يارب ساعدني ياربي ختبارك صعب ولله صعب
كلتها وشهكت بلبجي شكد اتحمل اهواي تحملت مو كافي يلي شفته بطفولتي مو كافي خسرت امي وابوي واني بأشد لحاجيه الهم مو كافي عشت طفولتي ومراهقتي بذل مو كاافي كل هذه
وبعد منعرف شنو ضام النه القدر بس اكيد يجي يوم والله يعوضنه وماكو احلاه من عوض ربنه
احجي وابجي وساعه اشكي وساعه اقنع بروحي واكول اني قويه وكلشي تحملت أكيد راح اتحمل هذه لشي واكدر اطلع نفسي من يلي اني بي صليت رتاحيت طبيعتي اذا شفت احد يحتاج يفضفض اخلي يحجي ويفضفض ويرتاح بس اني من اريد افضفص انسه كل الحجي وبقه اكتم واكتم بداخلي وابقه قويه كدام الكل بس تعبت من لكتمان ومن لقوه
صليت ورتاحيت راحه نفسيه لأن لشخص لوحيد يلي اشكيله هوه ربي
خليت راسي على لسجاده وخذيت وضع لجنين ونمت ودموعي بعيني
كعدت ثاني يوم تعبانه بس خلاص بعد ماكو تعب مو اني يلي اتعب وانكسر بهل سهوله اني فيدرا يلي الكل يتمنى قوتها
سبحت وبدلت وسويت عنايه للبشره حطيت حمره وخذيت لعلج وطلعت اطك بلعلج ولكل كاعد يتريك صبحت عليهم وردو لأن صارلي سبوع ماحجي وياهم فوك ما اني يلي مهددتهم بس دخل يطيرون
عفتهم ورحت البيت جده وجانو لكل كاعدين حته جدي
اول مادخلت حجه جدو
الجد: هاي شوفيها جنها بومه كلشي مابيها وانتي ضاله تاكلين بروحج من لقهر عليها
يحجي ويأشر عليه
لجده: ولج جده وينج عني ليش هيج طولين يله تجين مو فتيتي گلبي
تجاهلت لكل ورحت خضنتها
فيدرا: يبعد العافيه وهلها
بقيت ويا جده شويه ورجعت للبيت وهيج مرت ايامي بلنهار قويه وبليل دموعي تترس لسجاده
مرت هاي لفتره لحد ما بده الدوام جنت متحمسه لأن راح يتغير روتين حياتي وبلكي انسه سالفه بابه وهمام لأن عقلي ممرتاح من هذاك ليوم واني احلل واستنتج بكيفي وهذه لشي كلش أذاني وتعبني
بده الدوام ورجعت حياتي نوعن ما تستقر
ومره جنت ادرس اني وسمر بلكفتريا مال الجامعه
سمر؛ باعي ذاكه شلون يباوع
لتفت شفت مجموعه شباب كاعدين واحد بيهم مرجع روحه ليوره ومكتف ايده وصافن بوجهي
فيدرا؛ ولله بطرانه اقري وراج متحان
سمر: ولج لبارحه ليل كله اقره وبس شفت هذوله لحلوين كلشي نسيت
فيدرا: ديله خلي يفيدج من ترسبين
سمر: اااخ يمه كلبي باع الجمال يربي نوب ثكيل ميباوع صافن بس عليج من امده حضي شمالهم ميباعون لوجهي
فريت ايدي ورجعت كملت حل السؤال
سمر؛ يمةةة يمةةة شوفي هذاك الوراج يشك شك
فيدرا: كااافي مو لعبتي روحي
سمعت صوت من وراي
احم ااحم
لتفت ونصدمت من شفته....
يتبع......
دمتم في أمان الله ♥