حًربً مًآبًيَنِ قُلَبًيَنِ
بًآرتٌ٤٢
بًقُلَمً...... الميࢪزا batool
@user80208178
مِن يُوم الرِحت
ما غمُضت عيني
ومَدري شگد ذكرتك
وإنتَ ناسيني
وكِت خَلاك صَايُر
ويّنك وويّني
أنَة الحافُظ أسرارك
وإنتَ يم الناس
مو بَس تِنطي بيّه
يجُوز تنطيني .
_________________♡
بتول،نمت وخليت جف ايدي على عيوني احس تحركني مسح عالراسي حسين وگال
حسين،شبيج باابه شي يوجعج
بتول،مابيه
حسين،سؤال
بتول،ها
حسين،انتي تحجين وما بيج شي بس سويتيها
بتول.اي بالبداية جنت ااكدر حجي بس الحجاايه اجرجر بيهاا لحد ماصرت صدك الحجاية ما تطلع مني
حسين.موو مره كتلة مالت عنااد
بتول.ماتريدني
حسين.روحي معلگه بيج شلون مااريدج بس غير ما حسبتي حسااب لـ گلبي الطحنتي طحن بـسكتج اروح اجيبلج ملابس حتى ترتاحين اكثر نامي هسه
بتول،ماشي
حسين،....
طلعت واني اسوق وافكر اخذها لدكتور الـرحتله اول ما رجعنه لنن جنت تجيني ساعات اسوء منها
اضل بس بس ادك براسي وجن الاصوات كلهاا بعدها بي
صياح الشبااب واستنجادهم كله براسي
بسبب الالم والذل والمهانة والتعذيب الشفناه
هناك يجي واحد ميسوه مداسك
يوكف ولازم على راسك سلاح ولـ يكتلك من تشوف ابن كاعگ وياهم
قررت اخذها وعااد بس كونها تقتنع وما تطلع الي بسالفة جديدة
نزلت من سيارتي من شفت العالم واكفه ومجمهره كدام بيتي صحت
حسين،لله بالخير يابه خيررشصااير
.... حسين تره دكو بيتك وطلعنه كلنه عبالنه انته بالبيت وهسه طفر ولد يشوفكم
حسين،لا ولله صار ظرف وطلعت من الساعة بـ١٠
خوماا واحد متااذي منكم
.....لا الحمدلله بس خفنه عليك انته واهلك يابه ذولة ثعالب ما يتامنون
... اي صدك ابو متيم نفسهم
حسين،يصير خير تفضلو ياابه فكيت الباب وفتحت الاستقبال
المقربين دخلو بس الباقي اتشكرت منهم وراحوو
...،حسين ديربالك منهم انته وعيالك ولا تطلع وتخليهم بحدهم تره ذوله اخس من داعش عرك ومخدارت وسكر وعربده للصبح
....،صدك عمي ولله شايفهم بعيني يجيبون...... للبيت والاغاني عالگه عدهم للصبح
حسين،بوويه هيج شي انه ما شايف بالمنطقة صار 12 سنة ما صار هيج بس ولله انعل والديهم واعلمهم ان لله حق
... ابو شباب ليش مرخص روحك وعايلتك ااخذ الامور بعقل
...،معااذ رحمه لابيك لا تخليني اشيط اكلك كبالي يتغزل بعرضي وتريد اسكت ولله لو اشرب من دمه مايطخ باالي ياعقل ضل عدي اانه
....،بسكم كافي صياح وخل نتفاهم وحسين انته اخونه وعزيز علينه وصاار شكد جيران لا سمعنه منك العيبه ولا طلع منك الغلط وحريمه نخسر هيج جاار ولله انته ليش ما تشتكي عليهم مو احسن الك واضمن لـ حگك
حسين،يعزك لله وعالراسي خوتكم
.بس سالفه شرطه ما تفيد اريدهاا عشاير لان العشااير بهيج سوالف ما تتفاهم والحگ والمحكوگ يصير اليه
..... انه اعرفهم واحد واحدد ومستعد انطيكم اسمائهم من ساابه ظهر
حسين،خووش حجي ياابه
....حسين ،لا تسوي شي كبل لا تطلع عايلتك من البيت وتأمن عليهم
حسين،يصير خير ان شاءلله
طلعو وطلعت وراهم باوعت للبيت زماايل السيراميك الخارجي مدمرينه دماار بالطلق
دخلت اخذت ملابس لـ بتول وطلعت ارد الها ومحتار اوديها للنجف لو للناصريه اوديها للناصرية اخاف ما تتوالف وي الناس هناك وهيه وراه رجعتنه صاايره منعزلة كلش
اوديهاا للنجف مجربها اذ وديتها ماترجع اذ ما اطك الها شهرين ثلاثة
دك سجاد
الوو
سجاد،هاا حسين ولك صدك هذا الطلق عليك
حسين،اي بويه عليه ما خلصت من داعش اجاتني انوب المخـدر.... ات وكومهاا شفت حظي
سجاد،استغفرلله شنهي انته مغناطيس مال مشاكل وطلايب وعلي
ضحكت على حجايته وماجذب وعلي صدك مغناطيس
حسين،يوول خلي هاس سوالف بعدين ماباركتلي صار عدي جهاال
سجاد،لا بـ ربك اللهم صلى على محمد واله ليمتهاا ولك ليش ماا خابرتني
حسين،ساعه بـ١٠ ونص اجينه بالمستشفى
سجاد،يتربون بعزكم ان شاءلله اجيك هسه
حسين.لا بوويه شعدك جااي بـهليل خلها الصبح حتى نتريك سوه
سجاد.وولك شيصبرني مناا للصبح
حسين.تصبر تصبر يله وصلت انه
سجاد.سلمنه ويااك
حسين.يوصل
سديت التلفون ونزلت دخلت للغرفه
لكيتها نايمه عفت الجنطة عالصفحة
بتول،حسين ااجيت
التفت الي وكال
حسين، عبالي نايمه
بتول،نمت وكعدت
ليش طولت
حسين،يي مو خابرني سجاد وضليت احجي وياه وطولت يلا جبتلج الهدوم احتاريت شجيب الج تكومين تبدلين
بتول،شنو جبتلي
حسين،تراك اسهل الج برضاعه
بتول،ملون لو اسود
حسين،باابه هستوج جايبه موزين الاسود كافي ذبي
بتول ،مااااريد
فك عينه خزرني واصبعه على حلكه
حسين،اااشش صوتج لا تصيحين مو جاهل عدج انه
.....،شمر عليه تراكسود اسود وبي خطين ذهبي
حسين،لبسييي يلااا
باوعتله وباوعت للتراكسود هذا من كل عقله اكدر اتحرك
غير اذ ادور جسمي لجـهة احس سجاجين بـ بطني
وخرته عن رجليني ورجعت راسي مغمضه عيوني
حسين،كعدي انه ابدلج
بتول،لا عوفه بعدين مو هسه
حجـه بنبره تعـب
حسين،كعدي ياابه ابدلج لاتعلـين گلبي
عدلت كعـدتي وهو اجـه يمي رفع الدشداشه الجـنت لابستهاا
هزيت راسي بـرفض ونزلتهاا
حسين عوووفها ولله انه ابدل ماا علـيك بيه
حسين،وولج شبيج انه رجلج
شنهـوو غرريب علـيج
بتول.ماا اريد حسين عوفني حبااب
هز راسه و جر نفـس يصبر نفسه
حسين.شجـااج بوويه انه
ستر وغطاج مرايتج شتردين ااصيرلج
بتول.انه ابدل
حسين.ماتكدرين ولله موزين تتحركين هواي
يله ياابه اغمض عيوني وماا اشوفج بعد شتردين
دنكت راسي
وهو يبـدلنـي مغمض عـيونه
كمل جر راسي لصـدره
ويحجـي
حسين،شبيج يبعـد حيل حسيـنج
تراا كلبي خـلصان بالقـران الكـريم
ماا عوزني ضيم وتچمليـنه انتي
يابه حزني وابجي ولطمي بـراحتج ماا يـرد هو السكـن هذيج التـرابه مايرجع حتى يو
مارضعتي اطفالج ولبستي اسود ماايرجع ولله
يلا نامي گبل لا يكعدون
بتول،....
رجعت راسي ونمت هيج شي اقل الساعتين وسمعت حسين يحجي وياهم علمود يسكتون وانوب واحد يبجي يكعد الثاني
حسين،اااش بويه اش حبيبي
فكيت واباوعله محتاار بيهم
تحركت وصار صوت بالجرباية التفت الـي
حسين،كعدوج
بتول،نطيني واحد عنك
حسين،اخذي الولد
....،اخذته منه وكعدت ارضعه حسين كاعد كبالي ويمسح بظهر البنيه
كعد بالطرف مالت الجرباية وكال
حسين،شنهو تردين تسمينهم
باوعت للولد والبنيه مابالي شي ولا محضره الهم اسماء
بتول،بكيفك
حسين.اسميهم غسق وحســن
سمعته ورفعت راسي فااكه عيني خازرته بس لوو عدي حيل شووي جاانت كمزت وخنكته بمكاانه
حسين.هااابويه شجااج عليش عيونج تتخاازر
بتول.اااموتك حسين وحق لله اامووتك
ابتسم ودنك يعدل البنيه ويحجي
حسين.لازم اذكرتي شي
بتول.لا ماا اتذكرت بس لووب الك تعيد مااضيك لاتعيده بـجهالي
هز راسه وكال
حسين،ريان ورائد
بتول،حلو سميهم بـ راحتك
دنكت مسحت على راسه
حسين،ما دام سكت انطينيا علمود اكبر باذنه واسمي
... اخذه مني وخله البنيه بحضني كبر باذنه احس جسمي قشعر من صوته حلو بتلاوة القران بصلاة من يتشاهد احب اسمعه
حسين،انطيني البت قابله على اسمها موو
بتول،بكيفك
هز راسه وكبر وسماها
حسين،بتول
..... رفعت راسي اله
حسين،لا تقسين كلبج عليهم يبقون قطعة منج لراح راح وما يرجع واحنه ولد ليوم وهااي للحظة فهمتي
بتول.ماشي
اخذ مني البنيه وحجه
حسين،رجعي ناامي
بتول،طيرو ابو النومه
حسين،نرجعهاا ولله
.....،.... ثاني يوم صبح اجو كلهم سجاد ومرته وخالتي وعلي كلهم عجبهتهم الاسماء مالتهم ويصلوون على نبي على جمالهم
علي بس بارك الي ولـ حسين وضل معزول يمكن صارت بي خوفه من متيم لان هو تعلق بي حيل وبالاخـير برمشة عين شاافه مذبوح كباله
طلعونه احنه وجهال
ونزلنه للبيت تفاجئت من شفت واجهة البيت مالن السياج مدمره الباب مزرفينه ولو سيارة حسين موجودة جان هم لايحهاا طشاار بس الحمدلله
من طلعنه بيهاا
كعدنه بصاله وحسين يحجي ويتناقشون سجاد وعلي
علي يكله،لا تسكت لان اذ سكتت يبقون يسون الك مصايب روح لـ عشايرهم
واحد واحد وتره العشاير ماتتفاهم بـهيج سالفة
سجاد هم ايد كلام علي
وكله الشرطة اذ اشتكيت اووحتمال يطلعونهم كفاله واحتمال عدهم دعم من منصب من شي الحذر واجب
حسين،انه هم كلت هيج
خالتي،يمه جاا مادام هيج سالفه خلينه ناخذ بتول وتروح ويانه هيه نفسه وموزين عليها الخوفه لو الخرعة وجهالك بعدهم صغار هستوهم عمرهم يوم
حسين،حجيه انه خايف عليهم من الطريق واله همه يبقون عدكم أمن الهم
علي،سيارتي موجوده قابل راح اصعدهم عبريه وخايف واشغل الهم تبريد وماعليهم شي لايضل بالك
عفناهم ودخلتني نهى للغرفه مالتي وخالتي اجت يمي غطتني ودثرتني عدل وتحجي وياي وتسئل شون حجيت وشون ركض بيه حسين للمستشفى
خالتي،يمه ترضعينهم
بتول،لا خالة حسين كال اجيب الهم حليب
نهى،خاله يغار عليها من ولدهاا
خالتي،يااا يمه ولله حسين عده سوالف
چاا شون هذا الحليب اليضل بصدرج ياذيج يتسمم ولازم يسحبونه دوخه واذيه
بتول،ماادري خالة شسوي هسه
خالتي،درضعيهم خطيه علما يجيب حسين حليب عود لله كريم
...، اخذتهم رضعتهم ومر اليوم بين مدارة خالتي الي ونهى ما عافتني واكفتلي وكفه اخت ونعم منها ماقصرت ويااي ابد
لحدما توصلو لـ اتفاق يودونه للنجـف
صدك بليل الغراض جاهزة ملابسنه وطلعنه حسين ضل بس يفتر بالبيت ويمسح عالراسه
حسين،دير بالج عالروحج زين وعليهم حبابه لا تخليني ابقه بس افر براسي وافكر بيكم شصاار وياهم كلت شىربت ناامت خوش
بتول،اي ولله
حسين،ردي عليه من اخابرج جبتلج تلفون جديد خليته عد علي
بتول... ماشي
حسين،لا تعبين نفسج وانه تسوكت كلشي الهم من حليب وحفاظات وممات وحتى ملابس زيادة جبتلهم
بتول...
باسني براسي واخذ من الاطفال خلاهم بالسيارة
باوعت نظرة اخيرة عالصاله والبيهاا
هم ماشفت بيك خـير والظاهر الصوج مو بالبيوت صوج بقسمتي وحظي
رجع حسين سد باب الصاله وتقدم يمي عباالي بطل صدك خفت لان محتاجة فترة ابتعد بيها عنه اريد ارتاح وابعد عن كلشي ياذيني
حسين.هم ماا ناويه ما ترجعين
بتول.ارجع بس خل تفض هاي السالفة
باوعلي وقوس ادينه عالوجهي
حسين.ليش انه مااعـرف تفكيرج
ماحجيت شي وهو شبكني قوي وخفيف ماضاغط على بطني
حسين.يشهد لله يعز عليه فراگم وانه حتى ما شبعان منكم ولا مرتوي بيكم
بس مكتوب هيج علينه
بتول
بااوعيلي
رفعت راسي اله عيونه مدمعة وعبالك يريد يبجي
حسين.ردي بوويه بس تخلص السالفه من اجيج ردي ويااي لا تخلين گلبي متعلعل وراج
بتول.ماشي بسته بخده
وصعدت بسيارة وهو ساعدني يبوس بـ ريان ورائد على كيف بس جان مياله للبنيه اكثر على كيفه من يبوس بي ترفه عيني يخاف عليها
علي.كوول يالله حسين شنووو مسافرهم للخارج هاي هيه النجف اذ تصيح بتول تكلك هاا
حسين.انعم لله عليك عود تواسيني شنهو
علي.مااتشوف روحك كمت تتراجف يم ولدك
حسين.بوويه ما شبعان منهم امس صارو ليووم افاركهم شنهي گلبي صخر ومايحس
.... تسالمو
طلعنه واباوعله واكف بالباب مسح عيونه عيونه تراقبه لحد ما طلعنه من الفرع ماشفته راحت صورته بالمرايه
الاطفال بالكركوت المحمول بجه رائد
اخذته خالتي بحضنها رائد
اندرت عيوني على ريان شون حلوه سبحان لخلقها
باوعتلي خالتي من شافت عيني عليها وكالت
ام علي..،سبحانه الـ صورها تخبل يمه تشوفينها عروسه وخريجه ان شاءلله
ابتسمت وانه متخيلة لله ينطيني عمر واشوفها عروسه وخريجة سوه
ام علي..،تشبهج من جنتي صغيرونه اذكر من فتحتي عيونج اول مره جاانن زرك طووخ بس بعدين بده يغمك لونهن وصارن سود
بتول،صدك عوود يصير
علي..اي يصير هيج شي اغلب المولودين بغير وقت ولادتهم يعني يصير بيهم هيج حالات
بتول،ليش انه مو بشهر التاسع
ام علي.،لا انتي بسابع مثل احمد ووعلي
خلصوهاا علي وخالتي سوالف لحد ما
وصلنه ونزلنه جان الـصبح هستوه كاشف الجو بي بروده حلوو
نزلنه وكعدت بصاله علي ينزل بالجنطة مالتنه انه وجهال كال
علي،خليت البنات يحضرن الج هاي الغرفة بصف غرفة امي لان ما بيها تصعد وتنزل الدرج وهم تساعدج واداريج بين ما تسندين ظهرج
.... اي شي بكيفك
شالهم و ودهم للغرفة صدك جانت محضره وهيه غرفتي الجانت فوك منزلينها وناصبينها جوه
اجت يمي خالتي و نامت والجهال نايمين حيل حسيت نفسي مرتاحة
يمكن جان تفكيري غبي بمجرد ما ابتعد راح
انساه وابطل احبه لان هو هذا جان بالي غير حجايه الطلاك
ومن البداية كتله اذ اجيب الاطفال اخذهم و انه اروح اطلع من حياتك يمكن هاي اشارة حتى صدك اطلع من حياته كلياًّ ومستحيل ارجع
دك تلفوني فتحته اسمه بالشاشة
جريت نفس طويل وفتحت الخط
حسين،الوو حبيبي
بتول،هاا حسين
حسين،وصلتوا ياابه خوما متعبينج
بتول،ي ماصار نص ساعة من وصلنه واصلا كضو الطريق نوم ما حسو بشي
حسين،انتي شونج يوجعج شي
بتول،لا ابد علي جان يسوق عالكيفه وخلصت الطريق نوم
سكت شويه وحجه بهدؤء
حسين،شبيج ياابه
بتول،شبيه يعني
حسين،احسج ضايجه لا مو احساس متاكد
بتول،اريد انام نعسانه ودايخة شوي
حسين،بس اكلج شي و روحي نامي وراها براحتج
بتول،شنوو
حسين،اذ جان الج نيه يو بالج فكره تعوفين جهال فـ من هسه اكلج باجر امر واخذهم لان راح يتعذبون اذ يتعودون عليج
روحي هسه اخذي راحتج في امان لله
ذبيت التلفون من ايدي وما اخذت حجيه على محمل الجد والصدك
تمددت ونمت براحة رغم الم العملية بس العلاج مساعدني
حسين،......
ثاني يوم الصبح اجه سجاد وانه وياه وجم واحد من منطقتنه كفو وشهدو عالحادثة
ورحنه لعشايرهم كلهم جانوا ونعم منهم
وبيهم حتى شيج عشيرة رجال سياسي ومن شفته كلت هذا راح يتعبني ويجوز السالفة ما تنحل تضل واكفه علي
بس صدمني بـ اسلوبه وسيطرته على افراد عشيرته
وحجيه المعدل ومهيوب
وانحلت الطلابه ضلت بس عشيرة واحد منهم مو منا من العمارة اتفقت وي سجاد والربع اروح انه بحدي باجر ما رضو
رضخت الهم واتفقنه عالباجر نروح حتى تفض السالفه و ارد بتول وريان ورائد وانه مأمن عليهم
والي حگ بكلشي اذ تعرضت لـ شي
وجان الاتفااق مايبقون بالمنطقة لان هو البيت مو العايلة اصلا
همه شله هتليه وسرسريه لامين ارواحهم بهذا البيت
سةعة بـ٣ بليل دك تلفوني فزيت وكل البالي بتول
بس شو رقم غريب فتحت الخط
الوو
الوو شنوو سالفتكم ماعدكم شغل وعمل
تضلون ادكون ارقام بنص ليل صدك نااس ما تستحي
قفلت التلفون ورجعت كملت نومتي للـ١٠الصبح يلا فزيت جبت ريوك وتريكت ناسي ليوم اخر موعد النه بالعمارة.
فتحت تلفون ادك على بتول بس استغربت من ٥ مكالمات من رقم غريب فتحت الاستوديو لحمدلله ما بي صور لـ بتول عبالي من هاي الارقام التسحب بيانات الهاتف وشكو شي مخزون بي
دكيت عليها ما ردت مرتين ماكو مترد ادري بيها تعاند
دكيت على علي
جاوب كال ملتهيه وي جهال وامي وياها يسبحونهم
تشكرت منهم
يدك التلفون جاوبت بس ماكوو صوت
قفلته وكمت طلعت بره بقيت افتر بسيارة
اخذت تلفون دكيت عليها ماردت
رحنه العصر لعشيره لولد بس هذوله ناس كلش عكره بس من كتلهم اسويها شرطهة ومحاكم انجر بوشهم يخاافون على سمعتهم
مرن اسبوعين مخليهن للاحتياط واشوف ردات الفعل بيهن
ماتعرضت لـ شي رحت شفت الجهال ساعة ورجعت للبصره حتى علي استغرب دك عليه وبعدني بالطريق لان رحت ورجعت وانه ما شايفه
ضل يعاتب ليش ما تانيته تالي
علي،شبيك حسين شنو انه غريب عنك ومااعرفك وضعك معاجبني وهذيج ساكته وما تحجي بالكم شي فهمونه
حسين،خليها هيه تقرر النهاية بيدها انه هم تعبت واشوف نفسي من تجي يمي هيه لو انه اكرب يمها المشاكل تطشر مدري منين علينه
خليها براحتها تفكر
رجعت للبصره بـ ١١ بليل هم دك تلفون شنوو هلـ رقم الماراح اخلص من عده
ومعاند روحي ماا انطي حظر اريد اشوف وين توصل
دك تلفون واجاني خبر وجن نفسي رجعتلي راح ارجع حسين من صدك
رجعت لـ دوامي وجن رجعت لـ حياتي الرايدها من زمان تنسيني همي
ثاني يوم من طلعت من الـ٤ الفجر عبالك طفل اول يوم اله بالمدرسه كد ماا متحمس ومشتاگ
لشبر شبر بالشركة
انه نفسي استغربت ضحكتي من ابدل ملابس الدوام طلعت بسرعة
وصلت المقـر جريت نفس نزلت سلمت عالحراس
...،شعدك حسين جااي بعد نص سااعة كاملة لـ حتى يبدي دوامك
حسين،لك ما عولت ارجع ويجيني الخبر راح يطك براسي فيوز من كعدت البيت
....،لله يوفقك بس بـشواي شواي على روحك
حسين
دخلت للشـركة بقيت اتمشه حتى ريحه النفط اشتاقيتلها جني مسجون واطلقو صراحه
سلمت عالربعي الضالين وما فاسخين العقد وياهم من سالفة لـ سالفة اجت وكت دوامي
___________________
خلـص الدوام بـ٢ الظهر
دخلت للبيت سبحت وصليت خليت الي غده صبيت الي جاي واخذت التلفون دكيت على علي وهذا المعتاد وحتى هو تعود هو كون بهذا الوكت بالبيت ويفتحلي كامره عليهم حيل صايرين يخبلون ويناغون شمـحلاتهم
علي،خلصت يابه شفت ولدك شبعت منهم تعال هسه اندار اليه وحاجيني
حسين،تفضل اسمعك
علي،نهايتكم مخلي البنيه لا هيه مطلكه ولا هيه مزوجه
حسين،انه علي انه مخليها هيج ليش مو من صبح لله ادك عليها متجااوب
ياابه بت خالتك يمك شورهاا وشوف هيه شتريد انه حاظر وخاادم بس گلها عالسااني
جهالي ما ابقيهمم عدهاا
وهي من الاول ماتريدهم
علي،وجهالكم شذنبهم بالنص
حسين،خويه بالقراان جززعتني بعشيتي ولله العظيم عمييي مارايد منهاا هتمام الي
خليها لـ اطفالهاا شنو ذنبهم
لاانه زغير ومااعرف شـ تفكر ولا ما افهم عيونهاا شتحجي
ادري كلش زين البت بشنو تفكر وشنهو بـ بالها
هيه متريدني عمي احجيلك ياها بالمشرمح بنت خالتك مترريدني جزت نفسهاا مني كاارهتني
روح علي اامشي عليك محمد واهل بيته روح رحمة لـ لولديك
علي،شماالك يـ ولد انفجرت عليه قنبله نوويه اخذ راحتك هسه وديربالك عالضغط لا تموت خليني افتهم منها وتالي اخاابرك
سديته تلفون نزلت لغرفتها فتحت لباب كالعاده فتحت لكلوب كاعده بزاوية ومخليه قميص متيم بحضنهاا مدري منين حصلته
صحت بيها
تخبليي وخبلتي جهاالج ويااج واحنه هم ولج فكرري بهذولة شنوو ذنبهم ويااج
بتول. اطلع وسد الباب
علي،انتي مووو جيتي هناا كلشي مااا بيج شجااج انكلبتي
بتول،عووفني علي عووفني حبااب اطلع وسد الباب
علي،اعوفج شنوو لج بابه فكري جهالج رجلج حال الضيم حاله
باوعتله بس دموعي تنزل
هاي الفترة كلهاا
انطـويت على نفسي حيل او بالاحرئ حسيت نفسي تخلبت
هناك جان حسين يلهيني يقره عليه قران يغصبني اصلي ويااه
يطلع قصص انبياء ويخلينه نباوع انه وياه سوه عاليوتيوب
ويربطه عالشاشة المهم ما يخليني بحدي وافكر بين وبين نفسي
ثلاث ايام هناا كلشي رجع علـيه رجعت عليه الصرخات وحاله الرعب حيل اااخاف النومه كمت ما انامها بحدي
كلساعة حلم شكل
مره واحد ياخذني منهم ويغتصبني يجرح وجهي
بموس
يخلي نار على اديه يجويهن
كلشي تخيلت وتحملت افز من نومي واحس الم بـ وجهي واديه وجسمي وعبالك حقيقة
ادري عقلي الباطن ياثر عليه وعيشني هاي المواقف لان اربع وعشرين ساعة افكر
لو شاردة منهم لو ضاله وي متيم
لوو ولوو...... وما تنتهي هاي الافكار براسي
طلع علي وراه ما ايأس مني وشافني بعد مابيه دفعة للباب حتى
______________بعــد مرور سنة
سنة مرت عذاب بعذاب عليه ومن ايدي اي من ايدي انه السبب بحالتي انه انطويت وعزلت روحي وعشت بواقعي عشت وما طلعت من هذاك الشهر الخطفونه بي وضلينه اسرة عده
وجن هذا الشهر ما راح يخلص وراح يگرف عمري كله وياه
جان حسين يجي كل شهر يعوف مصروف ويجي يشوف الجهال ويطلع
فزيت من صفنتي وانه احجي وي روحي سنة مرت واني ما اكدر انسه كلشي يذكرني بي كل زاوية بالبيت
ملابسه كباالي ومااكدر اشيلهن
غراضه وحاجاته
كمت باوعت بالمراية وما مصدكه انه بعدني عايشه بعدني ماا ميته
مسحت عالوجهي واشوف مو بتول شبح بتول عيوني جواها سواد
دشداشه لابستهاا ومااتذكر منو اصلا لبسنياها
صاايره عجوز
عيوني طفن وراح لونهن من البجي
بتول انتهت وي مـــوتك من ساعة الشفت السجينة اتخلت على ركبتك
بتول نحــزت ركبتهاا گبل ركبتك
نزلت راسي من شفت قطعه من ملابسه
اخذتها وشميتها اااخ يااربي كون ربي ماخذ روحي مو روحك
الباب نفتح ودخل علي اي ماجان اقل من حـالتي بس هوه كدر يسيطر على نفسه وكف على حيله ولهه نفسه بشغلة ودفن روحه دفن بالشغل
باوعتله وبجيت وجن ما مكفيني بجيّ بحـدي
حجيت وانه شابكه قطعة من ملابسة
بتول،علي رااح وعاافني رااح وماا شبعانه منه بعدني
راايد امووت ولله اانه اصلا ليش ضليت عاايشه ليش مامتت وياه
علي،ااذكري لله وكولي اعيني عالصبر ياللهي
لله انعم علينه بنعـمة النسيان والصبر ادعي ربج يلهمج هاي النعمة
جهالج بعدها لحمه حمره ليش هيج ذابتهم غيرج يتمنى هاي نعمة
يحجي ويحجي وما خله قصة امام لو نبي هو يعرفها ما سردهاا
وهاي اهم خصلة يتشابهون بيها هو وحسين
علي.جااي تفهمين شحـجي جااي تستوعبين حجي لو بس ريجي يبس عالخالي بلاش
بتول.ماادري شلون علي مااعرف شون اطلع نفسي
من القوقعة احس نفسي جااي ااموت
حيااتي كلهاا صارت بهذاك الشهر
النخطفنه بي
علي،امشي لـبسي كدامي وانه اخذج لـ طبيبج
بتول.وين علي مابيه حيل اطلع
علي.شحجـينه ااحنه مووكلنه نبطلها هااي
بتول. ايي وين توديني
علي.. اريدج ازورج مو على اساس انتي شيعية امشييي زوري امامج حتى المسيح استحو و زارو وانتي ابدد ولا جنج
ابتسمت على حجيه كوه عاالروحي
كمت اسحل بـ نفسي سحل
علي،ايي وبروحج ابوج لبسي بوشيه هم زين تره عبالج داعشي داخل عليهم و الزوار يخترعون منج وعلي
هزيت راسي بـ ايي وما حجيت شي
طلع هوا
لبست بوشيه وطلعت وياه
زرت بس ياا زيـارة طلعت خاالية من كلشي طلعت خفيفة وانه جنت محملة
دخلت ولزمت الشبااك دموعي نزلي وما اجت بـالساني غير حجايات
علي بـ فااطم مولاي
طلعت وعلي ماحجه شي وياي من طلعنه صعدنه بالسيارة
جان ساعة بـ١ الظهر
دخلت للبيت جانن البنات بالباب واكفات ميناس ونسمة
سلمت عليهن وذبيت البوشي
اشر علي عليه وكالهن
علي،شايفات هذا جبار ابو العنبه اريدجن تغيرنه طلعلي انثى حقيقية من اصل الكلمة
باوعتلي نسمة وعيونها مدمعة شبكتني وحجت
جانن كلش حبابات وياي واذ جهالي كبرو وتربوا بهاي السنة على احسن شي فـ الافضل من بعد لبه لـ الهن هنه وخالتي
نسمه، من عيوني ابو حسين شعدي غير بتول
جنت هادئة حيل واسمع الحجي ومن صدك حابه اتغير انه ما حابة وضعي ولا جنت رايده اصير هيج ولا رايده تتازم حالتي واذي نفسي واذي اليحبوني
ما جذبن خبر
اخذنه للمركز المره اجيت ومن لـ١ لحد ٧ المغرب يطلع طلعنه وهنه بعدهن يخططن اكو اشياء ما سونهن راح يرجعن باجر ويتفقن بينهن ولا عبالك انه موجود
بهذيج الساعة اتمنيت عندي خوات صدك نعمة
دخلنه للبيت عمر وصلنه وراح بشغل
وخالتي جانت بزيارة بكربلاء هيه ومرت احمد واحمد وماخذين الجهال وياهم
رفعت شال عن وجهي
احس الدم جامد بوجهي وحرارة مااعرف شلون بس شعور انتعاش
نزل علي شاقني وصوفر ادري هاي مو عادتة هو ثكيل حيل بس يحب يشوف انسان فرحان حتى لو عالحسابة
علي،شنووو هذاا ولجن وين رااحت بت خالتي
جباار وينه
نسمة.وداعت بعدك ما شايف شي بس خلـ الابر تاخذ مفعولها مالت النظارة والتوريد
تشوفها سندريلا
علي.لا ياابه يرحم والديجن ماا اريد سندريلا خلنها هيج حتى من اجيب زلمتها مايعرفها هسه
اباوعلهم وابتسم كوه وجهي يوجعني وحواجبي هم
بتول، علي رائد وريان ما اجوي
علي،ياابه وعلي ابن ابي طالب لو ادري من زمان موديج لهذاا المركز طلعو يخلون وي التجميل ولبخ احساس ونووب حتى صوتها صاير حلوو
ميناس.لا عااد كاافي شنو استلمتوها اكس مربع هيج جان يحتاج الها تعديل وصار الحمدلله
علي.جاا انه ليمتها يجي هذا اليوم واشوف مرتي جايتني من الصالون
بتول.همست يمه
عن قريب كلش هيه مو نفسهاا ام التلفون
غمني بـ اثنين اديه
وكال
علي،صجيجه كوون ضميي سالفه شهرتينه بين العـربان
شوي وترخصن ميناس وبسمة ويتواعدن عالباجر شنو يسون واخذهن علي يوديهن كل وحده لبيتها
بليل كلش
جابو الجهال حسيت نفسي حبيتهم من جديد واردد بداخلي سبحان مغير الاحوال من حال الى حال
هستوني جنت ابجي وبعدين تحولت بكلمات بسيطه بس هاي مو قوة مني
هاي ارداة لله ولان گبل اردد هواي لا حول ولا قوة الا بالله العلي العظيم...........