رفدت
....:بون جوغ ايهابو
انا : شكون معايا
.....: واش معرفتنيش انا احلام تاع البارح
انا : مشفيتش عليك
احلام : مي انا راك توجور في بالي
انا : فارغة شغل
هي : علاه
انا : تخمي في بنادم معلابالوش بيك
هي : علاش راك تقول هكا ايهاب
انا : ماشي كي سهرت معاكم لبارح برك تديها في روحك و دوك مدابيك تسوبريمي نيميرو تاعي و ما تعرفيني ما نعرفك
و كوبيت في وجها يا بنعمي اكره حاجة عندي هاد الجور بفف لسقات
رحت للشركة باه نفري امور العارضات مع جان
&&&&&&&&&&&&
عند نهال #
وصلت للبلاصة لي موالفة نروحلها مع ياسين لقيتو قاعد يستنى فيا
انا : واش خو خليتك تستنا
ياسين : نورمال والفت نتي على العام روطار
انا : خلينا يرحم باباك هيه احكيلي كاش جديد
ياسين : والله ملي رحتي سماطة الخدمة راني حاب نحبسها
انا : تحرش بيا تحبسها و من بعد منين تجيب لقمة العيش لي تعيش بيها يماك
ياسين : نشوف جهة اخرى
انا : حبس مالتخمام الجايح ديالك
ياسين : خلينا من حكايتي و نتي واش راح ديري
انا : لقيت خدمة فواحد الشركة مي لازم ندي لاطوريزاسيو من عند امير راك تعرف هو الراجل تاع الدار
ياسين : ايا بيا
قعدنا نحكو انا و ياسين حتى لعشية باه وليت نضت رحت لدار علبالي دوك ماني ديرلي محاضرة
&&&&&&&&&&&
عند امير #
كملت الخدمة فالحانوت و رحت للدار غير وصلت قابلتني نهال عند الباب
نهال : بون سواغ خو جوز
انا : ياك نعرف الطريق
نهال : روح اغسل دوك نوجدلك قهوة تريح بيها راسك
انا : على حساب المحبة لي طاحت سور كاينة كاش حاجة
نهال : علاه كي نتهلا فوليد خالتي تسما كاينة حاجة
انا : من مبعد تبان
رحت غسلت و توضيت صليت صلاتي و دربتها برقدة حتى وقت العشا
&&&&&&&&&&&&
عند اكرم #
خرجت من عند صاحبي ركبت فالطوموبيل ديالي باه نروح للدار صونا التيليفون جبتو باه نشوف شكون نلقاه خويا ايهاب كنت راح نرفد عليه مع انا راني نسوق و نحس روحي خبطت بحاجة فرينيت على لخر و هبطت نجري نلقا طفلة طايحة فاللرض و الدم يسيح من راسها ما عرفتش واش ندير خفت لا تكون ماتت رحت ديراكت مسيت فرقبتها اذا كاين نبض لقيت كاين وليت زربت رفدتها و حطيتها فالطوموبيل ملور و ركبت قلعت نجري ديراكتومون للسبيطار غير وصلت جاو الفرمليات يجرو رفدوها داوها للاسعاف
من بعد وليت عاودت عيطت لخويا
انا : وي خو
ايهاب : وين راك يما تقلقت عليك
انا : راني فسبيطار ****
ايهاب : واش كاين علاه رحت للسبيطار
انا : قست طفلة و دوك جبتها
ايهاب : راني جاي ابقا لتماك
كوبيت عليه حتى جات عندي الفرملية قاتلي هادو دوزان المادموزال و ليت شديتهم عندي حتى نشوف تيليفون تاعها يصوني قريت لقيتو « امير ❤️» ملول ما حبيتش نرفد مي كي بقا يصوني وليت رفدت
امير : واش شهرة من وقتاه و نتي طولي فالزنقة و ما تدخليش للدار حتى لليل
انا : شكون معايا
امير : كيفاه شكون معاك ... ديجا نتا لي شكون و واش راه يدير تيليفون ختي عندك
انا : سمحلي مي قست ختك كي كنت نسوق و دوك رانا فالسبيطار ****
امير : راني جاي ابقا تماك نتفاهم مع جدك و كوبالي في وجهي
جاز شوية وقت لحق ايهاب
ايهاب : يا خو كيفاه
انا : مزال ما بان والو
ايهاب : فيها خير ان شاء الله
&&&&&&&&&&&&
عند امير #
لحقت 9.30 و الطفلة مزال مجاتش للدار بقينا كامل متلميين فالصالون نستناو فيها ماني مقلقة و يما رايحة جاية ما حكمتش بلاصة و البنات قاعدين يوانسو فيهم ملول قعدت نعيط ما جاوبتش حتى مو باه رفدت غير هدرت جاني صوت راجل و قالي بلي قاس شهرة تقلقت بزاف
يما : واش بيك وليدي علاه صفار و جهك وين راهي ختك و شكون هاذا لي هدر معاك
انا : يما ما تتقلقيش شهرة قاستها طوموبيل و راهي فالسبيطار
يما : بنتي فالسبيطار و نتا تقلي ما تتقلقيش كيفاه هاذي
ماني : خلاص ماشي وقت المضاربة امشو نروحو عند الطفلة
نهال : استناو مام انا نجي معاكم
انا : هيبة . يسرى اغلقو الباب و ابقاو هنا
و رحنا ركبنا فالطوموبيل انا و ماني ملقدام و يما و نهال ملور
وصلنا سقسينا فالريسيبسيو قالتنا راها فالشومبرة 23 رحنا طلعنا ديراكت قابلونا زوج ليجان
انا : شكون انتو
اكرم : اسمحلي انت هو خو شهرة
انا : ايه انا تسما يظهرلي انت هو لي قستها
اكرم : اسمحلي خو مي والله ما شفتها
انا : واش حالتها
اكرم : مزال الطبيب ما خرجش من عندها
انا : اذا صراتلها حاجة راح تخلصها غالية
&&&&&&&&&&&
عند نهال #
بعد ما عرفنا بلي شهرة راهي فالسبيطار قلعنا نجرو غير ما وصلنا طاحت عيني في ايهاب قعدت غير نخمم هذا واش راه يديد هنا و واش جابو حتى شفتو جا جيهتي
ايهاب : انت من معارفها
انا : ايه و نتا واش راك دير هنا
ايهاب : خويا هو لي قاسها هذاك لي راه لهيه اكرم
انا : ما قتلكش عرفني بخوك
ايهاب : واش تجيك
انا : بنت خالتي و صحبتي و ختي
ايهاب : الله يبارك ربي يدومها
انا : ان شاء الله
و مشيت رحت لعند خالتي لي كانت في حالة مسكينة حتى خرج الطبيب
امير : واش بيها دكتور
الطبيب : حالتها ماشي خطيرة مي عندها اصابة الخبطة جاتها فراسها و تفتحت رانا خيطناها و عندها شوية جروح ماشي بزاف فجسمها و دوك راهي راقدة كي تنوض تقدرو تخرجوها
امير : يعطيك الصحة دكتور
راح امير عند اكرم و ايهاب
امير : الحمد لله خرجت سلامات
اكرم : الحمد لله و سمحلي مرة اخرى
امير : تقدرو تروحو دوك
اكرم : حبيت نبقا حتى تفطن و نطلب منها السماح و نروح مانيش حاب تبقا ماشي مسامحتني و يبقا ذنب فوق راسي
امير : اكي
ايهاب : الحمد لله على سلامتها . و خزر فيا و قال : ابقاو على خير و اتهلاو في رواحكم
ماني : ابقى على خير ولدي تعبناك معانا
راح ايهاب و بقينا حنا مع شهرة فالشومبرة لحتى فطنت
&&&&&&&&&&&
عند شهرة #
حليت عينيا جاني ضو قاوي بديت نشوف فالبلاصة هاذي ماشي شومبرتي و زدت شفت ماما و نهال و ماني و امير معايا و دايرين بيا و انا فيدي السيروم عرفت بلي راني فالسبيطار
انا : واش صرالي و واش جابني لهنا
ماما : بنتي فطنتي راكي مليحة تحسي حاجة توجع فيك
انا : لالا ماما راني مليحة مي واش صرا
نهال : تقستي فالطريق
انا : ضربتني طوموبيل
نهال : وي و لي ضربك راه برا محابش يروح حتى يطلب السماح
شهرة : قلولو بلي فطنت باش ما يستناش بزاف عليه
نهال : اكي
راحت نهال باه تقولو هكا شوية و دخل كان واحد زين يهبل غست فيه فالأول حتى هو نطق
اكرم : على سلامتك
انا : الله يسلمك
اكرم : سمحيلي بسبتي راكي هنا
انا : لا عادي هذا ما كتبو ربي يصرا
اكرم : يعيشك . اه انا اكرم
انا : و انا شهرة متشرفين
حتى حمحم امير فسدلي اللحظة اجدك
امير : احمم خلاص خو راك طمنت عليها دوك ما نقلقوكش معانا تقدر تروح
اكرم : ابقاو على و خزر فيا و قال : اتعلاي في روحك
انا : يعيشك
تبسملي و خرج ايما على ديك التبسيمة حسيت قلبي طاح فاللرض 😂
&&&&&&&&&&&
عند نهال #
بعد ما جا الطبيب و قالنا تقدر تخرج خرجناها و رحنا للدار طلعت للبيت لقيت خياتي راقدين سلمت عليهم في ريسانهم و رحت لبلاصتي و رقدت
اصبحنا و اصبح الملك لله 🥰
نضت صباح ليوم الجمعة خياتي ما قراوش حبطت تقهويت و طلعت لشومبرتي رحت بدلت لأني قررت نروح للشركة ليوم نشوف الخدمة
لبست هكا 👇
و خرجت ديراكتومون للشركة غير وصلت قابلتني وحدة فالاستقبال
انا : ختي معليه تعاونيني
هي : وي
انا : لقيت اعلان فيه بلي محتاجين عارضات حبيت نجي نحط طلب
هي : اختي اطلعي فالدروج الطابق الثالث البيرو لي في يدك ليمنة ادخلي فيه تماك تلقاي وحدة تعطيك الطلب حطي فيه معلوماتك و تشوفي اذا يقبلوك ........