السلام عليكم
رواية في عداد الاعمار
الفصل الخامس
نورا ناصر
"ثمة مشاعر كان يجب ألاَ تذهب لأحدهم، ثمة أحاديث ليتها ما قيلت، تضحيات ليتنا لم نقم بها، أعذارًا ليتنا لم نلتمسها، حقاً ثمة جواهر خرجت لِمن لا يستحق .."
............
كال هيج سعود وطلع بسررررعة
صفنت وراه وگلبي انقبض من طلعته
اما غفران تنفست بارتياح وهي مخليه ايديها على ڰلبها وشمرت روحها على القريولة وهي مرتاحة وتكوول اووووه همزين واخيرا طلع
صررخت بوووجع الثولة گعدت على رجليه وواذتني
رجع سعوود مرة ثانية فتح الباب بسررعة
كال شصاررر شبيج كارينه ليش تصرخين
كامت غفران بسرررعة وهي تجر بتنورتها الكابوي
ووكفت مثل وكفة الاستعد بالاصطفاف بعد شويه وتدگ لسعود تحية
ظل فاتح الباب ولازم اليده ويباوع ينتظر جواب
كتله ماكو شي هاي االفاهية كعدت على رجليه وتعورت
قطب حواجبه ماعجبه اكول عنها فاهية عشتووو
باوعتلها واحاجيها بگلبي هنيالج عمييي الف هنيالج.... حظوظ خو مثل حظي مگرمة ونايمة
راح سعود وهي اجت يمي مبين عدهه شي تريد تگوله
كتلها شبيج يعني تكعدين على رجليه واظل اصرخ من الوجع ماتكومين تاخذج االفهاوة
يطب سعود تكومين تدكيله تحية شبيج
كالت بصدمة وفاتحة عيونها
صدك عود خذيتله تحية وانه مادري برووحي
ظليت افر بيدي
راحت خذت كتاب من الميز ورجعت كعدت يمي
كالت سمعي كركمة
وظلت تغني بصوت كلش هادئ ومتناغم
.... وتدك باصابعها ع الكتاب عود طبلة
لو تعرف على گلبي غلاك تعذر حنيني
كان الي بكلبي بكاك وارتاحت عيني
لكن عيني الي بتهواك مابتخليني
اتمرد لحظة وانساك مهما تنسيني
لو تعرف على گلبي غلاااااااااك غلااااااك
تعذر حنيني
جانت تغني بصوت حنين وهادئ وي فهاوتها متناغم كل شي النبرة واللحن
كتلها وهسه شنو المفروض اكوم اركص لو اهز چتف صفنت شويه والله خوش انت تغنين وسعود يرسم شيطلعون جهالكم
كالت وهي تدنى يمي انجبي ماريده هذا اخوج
يخوف و سمعي السالفة مال هاي الاغنية
باوعتلها بفضول شنووو
اندكت الباب دكات رقيقة
صحت منووو
انفتح الباب وبين بشار مبتسم اول ما حط نظراته على غفران الي جانت ملتفته باتجاه الباب تباوع عليه
وكفت اباوع عليه وعليها اجه گلبي ينشلع من مكانه حسيت بوجع قووي بي حسيت بحزن يأسرني كلي...
بعدها ثبتت نظراتي على بشار بعد جولة من النظرات بينه وبينها
تكلم بابتسامة ها كريمة انه رايح محتاجة شي؟
بقيت ثواني ما املك القدرة على الكلام
وبعدها سألته ها وين وين رايح؟
رد بعد ما القى نظرة على غفران وابتسامة على وجهه بعدها
لكركوك مو تدرين بيه
هزيت راسي اي الله وياك توصل بالسلامة طمنا عليك عود
كال ان شاءلله
باوع لغفران مرة ثانية وكال مع السلامة
وكأن يوجه الكلام الها مو الي
رغم هي جانت منطته ظهرها
سد الباب وراح
صفنت شوويه ووعيت من صفنتي على صوت غفران تسولف
اي سمعي كركم يدگ التليفون مالنه االارضي ومن اشيله واكول الووو اسمع هاي الاغنية تشتغل بذاني
حتى حفظتها وهاي السالفة تكررت لا مرة ولا مرتين
قطبت حواجبي منو هذا؟ ماشفتوا رقمه بالكاشف
ردت منيلنه كاشف هو تليفونه من زمن العصملي حتى كاشف مابي
بس شنو كركم انه شاكة باخوج سعود حتى هسه من شفته تذكرت فد خجلت تمنيت الكاع تشكني وتبلعني
قصدج تنبلع وتشكككج هزييت رااسي المهم المهم
كالت اي انت مو تكولين هو يحبني انه شاكة بي
فريت ايدي زين والله غفران صايرة تشغل عقلها وتفكر
ضحكت من صار من القوم عاشرهم
مو هيج يكولون لو لا
غميتها وضحكت كتلها لا وبعدين يا قوم ذوول
كالت اخوج مو يحقق وياي انه هم تعلمت ابحوش واحقق
جاوبتها هي مرة مدري مرتين سويتي بيها قوم ومعاشرة
كالت اكلج عوفينا صدك ابوج صاغلي كلادة بأسمي
جاوبتها اي ادري
كملت كلامها أمي ماقبلت ناخذها كالت غالية ومايصير
بس امج كالت لا اخذيها شلنه بيها احنه هي بيها اسمها
ظليت ارفع حواجبي وانزلهم
تدرين منو صمم المدالية
لطمت على فخذها ودارت وجهه بس لا تكليلي هو عفية لا تكليلي
جريتها ودفعتها من الجرباية كتلها كوومي وعينيني خل اكوم
جرتني ومشينه لغرفة سعود دخلنه وهي سدت خشمها
دفعتها وكتلها شبيج
كالت متروسة الغرفة من عطره شنو هذا يسبح بالعطر
فتحت عيوني وين شامه عطره؟
جاوبت ينشم على بعد امتار ومساع تدنى يمي شوفني رسمة المجرم وهم جان العطر قوي
وشبيج هيج سادة خشمج هو عطر لو ريحته خايسة
جاوبت وهي مخليه ايدهه على خشمها لا خاف يثيرني وانا جاي اقاوم تأثيره عليه
فريت ايدي ايبااه هم تعرف الاثارة غفران خاتون
كالت جاا شمالني ما أعرف
انطيتها من دفاتر سعود كتلها بالله شوفي هذا بي اسمج تلكينه بأول صفحة
وانه دنكت فتحت المجر وجان اشوف شي وطاح عليه باوعت شفت الدفتر الي انطيتهيا گبل شويه
وهي طايرة تركض بره الغرفة
صفنت هاي شبيها المخبلة شمرت الدفتر على ظهري وشردت
تناوشت الدفتر من الكاع وفتحته شفته نفسه الي انصدمت بي ذاك اليوم متروس رسومات بنات عرايه
ظليت اضحك.......
طلعت رحت اطل من الشباج شفت ياسر وبشار
وفاتت من يمهم غفران وامها
بشار تصنم بمكانه يباوع عليها وبيده الجكارة
وهي لابسه بدي فستقي وتنورة كابوي هم بيها فستقي
بشار بهاي اللحظة يريد ياكلها وياسر يسولف وياه وهو ولايمه بعدها دفعه ياسر يالله انتبه
شمر الجكارة وداس عليها
سديت البرردة هو مبين طالعة روحه بس ليش من دخل للغرفة جان مبتسم!!!!!
معقولة سمع غفران تغني؟
زين معقولة هو يدزلها الاغنية يوميا؟
صدك انه سامعة سعود يشغلها ويسمعها عنده مسجلة على واحد من اقراص ال DVD
منو يسمعها لغفران سعود لو بشار؟؟؟؟
اخوي ساقط ومستهتر ويرسم بنات مصلخات معقولة وصلت بي المرحلة يشغل الاغنية الها!!
اكيد واحد منهم شاف الرقم مالتها بالكاشف وسوى هاي السالفة
ضربت قبضة ايدي براحة ايدي الثانية وحجيت بتفكير
هو بشار ليش دخل يضحك وقبلها جان قمة بالغضب والعصبية!!!
معقولة سمع غفران تكول ماتريد سعود وهيج فرح!!!
ظليت افكر واحرك برووحي حرگ
بعدها نزلت اشوف بشار وهو يسلم على امي وابوي وطلع وصلوه للباب والدنيا جانت جاي تصير المغرب
كعدت عالقنفة اباوع بشرود باللاشي
ياترى شنوو مصيرنا انا وياه!!
هم يجي يوم ونصير لبعض؟
دخل ابوي يفر بسبحته وامي وراه
اجه كعد يمي
سألته امي توفيق ابو بشار هم خابرك علموده لو لا؟
هز راسه ابوي بنفي وجاوبها لا والله صارله اشهر ماخابر ولا سأل عن ابنه
امي رجعت ظهرها على القنفة وكالت يمكن خابره على تليفونه وكله تعال
ابوي بعد حسرة : الله يهديهم (وباوعلها) ويهديج على ابنج
دارت وجهه امي ونافخت و همست اووووه
باوعلي وابتسم شلونج بابا شلون صرتي
هزيت راسي زينة كواكة ماشية
سألني صديقتج خذت الكلادة؟
امي جاوبت عني اي خذتها بس غالية عليها ترى لو جايبلها كلادة خناگ وبيها حرف احسن شدعوة مكلف روحك وصياغة وخبصة
ايده على راسي وجاوبها مبتسم
غير علمود كرومة شعدنه غيرهاا هي هالوحدة
دارت وجهه وحجت هو كله من ايدها شعدها تدرعم بالدرابين والكيعان
ابوي بتحذير ايمممان هذا الموضوع حجينه بي وهي هسه عرفت خطأها وماتكرره
خلت رجل على رجل اي انت هم صف وياها عالغلط بس أحسن شي سويته كعدتهه من الصخامه المدرسة
انقهرت من حجيها انه شمدريني كلت اتخفى عن بشار مادريت كل هذا راح يصير
كام ابوي وهو يكوم كال راح اروح للحسينية اصلي صلاة المغرب مدام جاي وكت
والتفتلي وانت هم كومي صلي بابا لا تأخرين صلاتج وانت إيمان همين
جاوبته انه خلشوف المسلسل مالتي يخلص واكوم اصلي
جاوبها مايصير إيمان مايصير اول ما تتحاسبين على تقصيرج بحق صلاتج
رفعت ايدها ونزلتها عود تصرف ابوي وكالت
اوو مرة لربي ومرة لگلبي هو كله صلاة صلاة لاحگة عالصلاة
طلع ابوي وانه كمت توضيت وصليت ورحت للهول شفت ياسر يلعب بلي وامي بالموزع تشوف مسلسل حاجزين التلفزيونات الاثنين الي بالبيت هفف واحد وين يروووح
انجبرت وكعدت يم امي باعتلي ودارت وجهه عالتلفزيون وحجت شفتي شسويتي بعمرج
عدلت كعدتي باستعداد حتى استمع الها
وهي كملت شرد بشير خله وشرد منج ﺟي هذا السكران لعب بيج
فتحت عيوني بعد شسمع منج يمه
جاوبتها درب الچلب عالڰصاب هم يرد وين يروح ابوه ومرة ابوه مايشتهونه بعيشة الله وخالاتي مايردنه رجالهن مو مثل ابوي وين يروح بعد يرجع
بس لو يصبووونه ذهب ما اقبل بي والله
كالت انجبي وسدي حلگج منو ياخذج بعد شوو هو سعود راح يطش الخبر منكد مايدور شوون نسيت اگل لابوج عليه وخليه يبطل يدور
فركت وجهي وكمت من يمها انه اذا اظل يمها يصير بيه جلطة اروح يم يويسر احسن الي
توجهت للهول وحجي امي يتردد بذاني
ذيج الايام كلها انه اعاني من كوابيس ما تنتهي صورة هذا الوحش البشري جانت تراودني بكل احلامي واثناء نومي
اخواني سعود وياسر كانوا مساندين الي واكفين بجنبي حاوطوني يضحكوني يونسوني
وابوي همين ما قصر وياي يجيب الي هدايا و اكل يسوي ويخليه بحلكي
الغائب الحاضر من كل هذا واللي كنت بامس الحاجه الها هي امي
لان هي امراه مثلي تفهمني افهمها تعرف مشاعري بس للاسف هذا الشيء ما كان متوفر بهذه الامراه اللي المفروض تكون اقرب الي من نفسي
ولحد هسه اعاني مو بس من الي صار ومحاولة الاغتصاب لا وحتى من لسان امي السليط وكلامها اللاذع الي أحسه مثل سياط على جلدي....
اول ماطبيت للهول شافني ياسر كال مادامج اجيتي جيبيلي ماي
كعدت وكتله والله ولا اجيبلك صيح لامي خلي تجيبك هي مو تحبك وتداريك أكثر منه خلي هي تجيبلك
ظل يغلط عليه وهو يلعب ومتحمس خليت وصعدت للغرفة
بقيت ضايجة كلش طلعت الدفاتر وظليت اشخبط لشويه اندكت الباب ودخل سعود
كال ها راحت صاحبتج وابتسم
جاوبته عبالي راح تسأل على صحتي اول ماتطب تسال عنها صدك مبخوتة
تبسم واجه كعد يمي ، كضتني الضحكة من تذكرت غفران شافت الرسوم المبتذلة
باوعلي وبعدها الإبتسامة على وجهه
شبيج
كتله ماكو شي
دار وجهه يباوع باللاشيء ومبتسم اكيد يفكر بيها
تقربت منه كتله بتوسل تزوجها سعود
جاوب هي حبابة وفقيرة ومااشوف بيها شي من امي بس أنه أريد اكون نفسي اشتغل ابني بيت واحط سيارة يالله انوب اتزوج ماريد اكعدهه وي امي تأذيها لو خاف تصير مثلها نسخة
ضحكت وحجيت غفرااان تصير مثل امي؟
ههههه لالا اصلا يمكن امي تنجلط من برود وفهاوة غفران وترتاح انت
ضحك خجلان....
كعدت احجيله على غفران احببه بيها
كتلع تدري سعود هي غفران ما تخاف بس من الدجاجة والبزونة
ابتسم كال شمعنى الدجاجة والبزونة
كتله ماادري والا هي سباعيه شايف النعجة تحطها بحضنها وتمسطح عليها
والجلب الجلب تلعب وياه اصلا والفاره تلزمها من ذيلها وتظل تمطط بيها مثل اللاستيك والوزغى ( ابو بريص) تلزمه من راسه وتقطمه
صااااح عووووع تحجين صدك ولج هي هاي هم مره جايبتها الي بعدين انا بروحي تلعب نفسي من البريعصي
النوب من تتعارك وياي تاخذه من الحايط وتشمره عليه
خليت ايدي على حلكي چني اريد اكحلها وعميتهه لا مو بس عميتها صخمتها تصخم
كتله لالا سعود اشاقة وياك
رن موبايله خله وطلع من الغرفة...
وهو يجاوب ويكول الوووو
كلما اتذكر بشار ماكو بعد مااشوفه والله يعلم يمتى يجي احس گلبي يريد ينشلع من مكانه من كد القهر...
نزلت جوه اليوم احس بنشاط بس گلبيي يچويني كلما اتذكر بشير النذل
رحت للمطبخ وكشفت الجدورة الحسنة الوحيدة الي عند امي هي تطبخ حلو
وتبدي الطبخ على كل شي بس على ياسر لاء
طابخة كبة مرك حمرة للعشة وريحتها تجننن وحارة... غطيت القبق ورحت للجدر الثاني
كشفته وشفت بي عرنوص حار ومستوي ويلمع بالجدر وعبالك يصيحلي تعاي اكليني
وعالكاونتر مكصصة طرح وطماطة نية
ومحضرة طرشيها الي تسوي منه براميل وماينشبع منه
اصفر ومشكل ومحشى وريحته طيبة
طاحت هاطولتي وانه اباوعله
وانقطعت عليه هاللحظة الهوسة الي سببها امي وسعود
سديت عالجدورة ورحت لمكان صوتهم وصياحهم
بالهول...
وامي تصيح ولك كسر بيدك كوون ليش تطگه ليييش
سعود وهو يصيح: جاي يشرب جگاير شبيج انت ماتفتهمين وبعدين واذا طگيته راشدي قابل طاكه طلقة هو راشدي
وطلع يدردم فوكاها فوك مااحافظلج على صحته تحجين عليه والله هالبشر شماتسويلهم مايرضون عليك
ظليت اضحك وهي تمسح بخد ياسر
وياسر معصب ومتوتر ويرجف سحب ايدها وبعدها منه وكاللها بعصبية
عوفيني يمه عووفيني...
طلع من الهول وهي صاحت وراه يممه تعال يااسة احجي ووياك
اندار معصب لاتكولين يااسةة اسمي ياسر خووش
لزمتني ضحكة وامي طلعت وراه تسوي صوتها مثل الجاهلة يسووو سوسووو
تدلع بي وهو يشيل رووحه ويرگعها بالكاع
ظليت ادور على سعود شفته كاعد بالحديقة ويخابر
وكفت فوك راسه...
اسمعه يحجي اي اي والله نفس المواصفات الي شوفتك اياهه
لك اي انه شايفة بالسوك بنفس المكان بس ماجاي اتذكر وين بالضبط!! لا هيج عندي طلابة وياه اريد اخلصها
لالا ابحدي اروحله انت بس من تشوفه كلي
يله خوش اتانيك تخابر حتى لو ترمش يا ااخي شكد فگري انت وجلف هن جم سنت مايكلفنك حتى
يله اودعناك
كعدت يمه عالعتبة كتله عوفه كافي سعود يولي لا تدور عليه
رد اشش لا تكولين كافي حقي واريده شون يتجاوز على عرضي واعوفه
سالته بخوف راح تروح ابحدك؟
جاوب اي ابحدي قابل أخاف
انه اخاف عليك والله هذا سكران وخاف يأذيك خاف مسلح عنده سجينة وياه جماعة
ابتسم بوجع امي ماتخاف عليه انت تخافين عليه عمي هم نعم الله عليج
خليت راسي على چتفه كحيت حتى تروح العبرة الي خنگتني كتله شون لعد انت الروح والرية هو منو وگفلي بمحنتي غيرك امي هم ماتحبني
رد امي عدهه بس يويسه وبس لا تنتظرين منها شي صيري مثلي
اي ادري هي هاي امي گلبها صخر جلمود حتى على ابوي تدردم اذا مانفذلها الي تريده بذاني اسمعها بالمطبخ تدردم ههه
جاوب بحسرة گلبها يميل بس لياسر
مدد رجلينه وكال تدرين كريمة اتمنى اتزوج باسرع وكت
ابوي كال بس تتخرج هالسنة ان شاءلله اخطبلك وابنيلك مشتمل واتزوج واعزل
جاوبته بحماس اي اي والعروس موجودة غفران موجودة
وابتعدت عنه خاف يطكني لان اليوم كلش لحيت بالموضوع
باوعلي بلا مبالاة غفران والا غيرها بس اخلص من ضيم امي بس اخلص من ضيم امي واستقر
گلبي انخمش من مكانه خاف ماياخذها وتصير من نصيب بشار وساعتها كلش راح انقهر وماضمن نفسي وشسووي حتى لو برووحي ادري بروحي متهورة كلش
سألته لعد منو ابالك وحدة من بنات عمي؟
جاوب بسرعة شبيه مشلع احط عمي بحضني
طكيت ضحك گتله هو انت راح تتزوجها لو تتزوج ابوها
كال هنه بنات عمي وحدتهن تشبه ابوها
گتله لعد ما الك غير تتزوج غفران
كام على حيله وكال الله كريم يمعودة هسه خل اخلص هاي السنة واتخرج
گمت وراه امشي بهمة وتوترت مسحت العرك الي على گصتي وكتله مو خاف ياخذونها منك
رد منو قصدج
اجيت افلت واكله ابن خالتها يريدها بس كلت لا ما اكله هيج خاف يكول ها عدهم علاقة ويا ابن خالتها
غيرت كلامي وكتله خالتها تريدها لابنها
كال يالله الله يسعدها بنات واجد اكو
كضيته من عكسه لاا حبوبي لاتكول هيج غفران ماتلگى مثلها
باوع لايدي الي كاضته بيها وابتسم
هاا چي صديقتج موووو
بلعت ريڰ وهزيت راسي بأي
جاوب الله كريم
وطب جوه
تنفست براحة..
الهوا قووي برا وحلوو بقيت كاعدة شويه وطب ابوي لابس دشداشة بيضه وبيده سبحته
من شافني ابتسم كال ها ييا كاعدة هنا
جاوبته مبتسمة اي والله الجو حلو
خله ايده على جتفي وكال اي والله مال انام فوك السطح وانصب القريولة فوك هذا السبلت يكسر ضلوعي كووة اكوم لصلاة الفجر وين هذا الهوا الطبيعي الحلو
حجيت بتشجيع اي والله يبا وانه همين راح اجيب فراشي وانام فوك
كال لا يبه انت رجليج وين بيج تصعدين للطابق الثالث نامي بغرفتج عالمكيف لا تعبين رجليج
كمل كلامه وحضني من چتافي ودخلنه حدر وهو يسألني صليتي يبه
ضحكت مادري يبه نسيت هههه يمكن صليت اي تعاركوا امي وسعود
كال اووو شووون بلوى هاي يمتى نخلص من هالربابة هاي كل يوم عركة
جاوبته يبه عرس سعود وعزلة بيت ابحده حتى تخلص واحنه هم نخلص وهاا العرووسة موجودة
وكفنه بالمطبخ ظل يكشف بالجدورة
وسألني منو
جاوبته بابتسامة عريضة غفران صاحبتي
كال بت ابو سعد؟
هزيت راسي بحماس
رد اي والنعم منهم ومن تربيتهم زين ماختاريتي لاخوج
حجيت باسف بس هو متوهوه چنه مايريدهه مدري ليش كلما اكله عليها يصرفني يبا احجي وياه انت
كال ليش خاف عنده وحيدة مخليها اباله
كعدت عالكرسي بتعب وكضيت رجليه اعصر بيهن
وجاوبت ابوي اي بس يبا وين نلكى مثل غفران تگايش وي امي لان فقيرة لو تصيح امي منا لباجر ماتفك حلكها وتحجي صاحبتي واعرفها عدل
ضحك ابوي لازم مجربة تصيحين عليها وماتحجي
ابتسمت ودنكت وهو ضحك وكال اعرفنج عدل انت هم مرسسة من امج
دنكت خجلانه كتله والله مرة طردتها وسديت الباب بوجهه ومازعلت حجت وياي عبالك ماصاير شي
لا كال لالا بوويه ليش هيج موو عيب لااا هنا زعلتيني عليج كلش عييب الي سويتي مو اخلاقنا هاي ولاهيج ربيتج
جاوبته يبا جنت معصبة وهي فاهية مدري شلونها تطبخ بالمصران
لزم جتفي كال لابويه لاتعيدينها عيب
رفعت راسي اله هاا يبا لا ماعيدهه والله بس انه جاي احجيلك غفران شكد فقيرة وطيبة قنع سعود بيها يبا انه احبها كلش صاحبتي واريدها تصير مرة لاخوي
وهو يطلع كال ان شاءالله بس اذا سعود عنده وحيدة مابيدي شي يابويه مااجبره
كمت تبعته يبا انه سألته كتله تريد وحدة من بنات عمي كال لا اصلا مو اباله بنات عمي
جاوب اي مو شرط يايبا خاف اباله وحدة من زميلاته لو شوف منو
زين هو كلش قريب منك ويحجيلك كلشي وانت جم مرة تكله اريد اعرسنك خاصة من يتعارك ويه امي شعجب ما كايلك منو اباله ويريدها
رد ماكايل يبا وانه هم ما اظن اكو وحدة اباله بس خاف ماعاجبته غفران ومايشوفها زوجة اله
جاوبته باسف ليش شبيهه غفران وماتعجبه والله معدلة وحلوة شبيهه
ضحك مو جنه توة كلتي عليها فاهية شو هسه معدلة
عصرت ايديه وعضيت شفتي هاا لا يبا بس يعني
رد بضحكة ولج انت ليش جاي تلحين شنو عندج من غاية
رفعت راسي والله ماعندي شي يبه بس هي صاحبتي وكذا يعني
كال بجديه يبا انت تشوفين شي واخوج يشوف شي ثاني
صفنت وابوي طلع من المطبخ
معقولة سعود يعرف!! يعرف بشار يحب غفران؟؟
اعدين كلنا عالعشا، بس انه صافنة وهم يسولفون ابوي يتجاذب اطراف الحديث ويه سعود وامي تجيب وخلي اكل كدام يسار
عبالك هو المريض مو انه
بالله ابوي هالايام شوي اشوى وياي من تمرضت لهسه صار يسولف اكثر ويحن عليه أكثر ويداريني بس امي هالجلمود
خلصنه عشه كالت امي يالله كريمة اشوفج اليوم شويه اشوى حتى تغسلين الماعين موو كله عليه يوو مليت يا كنس ياغسل ياامسح
كتلها بحزن وعصبية يووو يممه ترى رجليه كوه شايلاتني حسي بيه شويه
ردت بعجرفة بليه عيارة وكومي شيلي الماعين
برطمت بعد شوييه وابجي
سعود كاللها انت يمه غسليهن شصار عليج مو ياهو الاجه وكلتي انه بعدني بحيلي وبت البنات
اي والله خو ذاك اليوم راحت لعرس واجت كالت بالعرس خطبوني ((حجيت بگلبي))
صرخت بوجهه انت مالك غرض لاتصير نسيواني وتخلي روحك بشغل النسوان
ابوي كال سعود كووم انصب القريولة فوك الليلة انام بالسطح
كال صار يبا تدلل
وشال صينية المواعين عني كال لاتضوجين كريمة هسه مابقى شي واتزوج ومرتي تساعدج
تبتسمت واباوعله وهو كال بعد مرتي مو غريبة انت تعرفيلها
ومد لسانه باتجاه امي الي جانت مصدومة من كلامه بس مسويه نفسها مامهتمة بي
ابوي وسعود صعدوا وانه رحت للمطبخ غصبا عليه اغسل بالمواعين
اجه يمي ياسر عودك يساعدني خطية غسل جم ماعون ومل
اجت امي يمي وانه واكفة عالسنك افرك الماعين
ظلت تحجي بهمس ولج منو هاي لرايدهه سعود وتعرفينها انت؟
رحت خليت المواعين بالسلة يطيح مايهن
كتلها مادري
من ورة خشمي
اجت تكرص بيه ولج شنوو ماتدرين مو صار الحجي كدامي توة
جاوبتها روحي سألي سعود هو يگلج
بقيت اراوغها انوب خاف اكللها غفران وتلوصلها لو تخربها هي كلشي يخص سعود تخربه
فكرت شويه لو خاف توصلها لبشار كلشي جائز
حاولت حاولت وياي مانطيتها نشدة
كرصتني حيل وراحت
بقيت ابحدي بالمطبخ ماكو صوت بس صوت المواعين وصوت الماي
فكري راح بعيد لبشار وايامه وخاصة الايام اللي بعد ماعرفته يحب غفران وبعد اعترافه بحبه
صرت مثل جدر يفور عالنار اريد اعرف ليش يحبهه شنو شاف بيها بشنو مميزة عني
گبل الحادث مال الاعتداء گاعدين عالنهر وسألته بس احاول اسيطر على انفعالاتي وتعابير ملامحي وما ابين عصبية واصيغ سؤالي بطريقة ونبرة ماتبين غيرانة منها
گتله بتردد بشار فد سؤال
وهو يجر الشص ويخلي الطعم بالسنارة
رفع راسه گال جواب كركم
جريت نفس ابين نفسي معصبة من اسم كركم مو من غير شي ((وهو اصلا العكس))
كتله حتى افوت بالموضوع مباشرة كركم لاتكول جاي نحجي جديات
كال بتساؤل ومبتسم؛ اي!
انت شنو الي خلاك تحبها؟
تغيرت ابتسامته وعيونه لمعت وسأل ؛ ليش تسألين؟
درت وجهي مفضوووحة يا الله شلون اسيطر على اعصابي، غضبي، انفاسي، نبرة صوتي و نظراتي الي هو دارسها عدل شلوون يا الله
بعد كل هالمعركة من المشاعر الي بداخلي گتله بنبرة امر جاوب بشار
كال كلش اكرهج من تحجين وعبالك تجبريني احجي
كتله مو عبالك لا انه صدك جاي اجبرك غصبا عليك تحجي
ظل يفر بيده والله يا الله عبالك حتى بالحجي تتأمرين عليه
اي اتأمر يالله هسه كول
اي اني راح اكول مو لأن انت تتأمرين عليه لا بس لان احب احجي بهذا الموضوع
بنفاذ صبر ليش تحبها بشار؟؟؟
ضحك وكال بنبرة كلش صادقة وحلوة
صراحة هي تنحب
من كد ما نبرته ويه تعابير وجهه حلوة جانت
تمنيت يقصدني بهالكلمتين الي ڰالهن
وبنفس الوقت حسيت مثل احساس واحد صوبوه بسهم من نار اخترق گلبه وشبت النار بكل جسمه
انه مثل حاله هالمتصوب
انه عصبية كلش ومن اعصب يبين على كل ملامحيى وصوتي
زين هسه شلون وشيطفي هالنار الي بيه
كوه جريت نفس بس احس روحي مفضوحة مفضوحة
كتله شلون يعني تنحب انت تعرفها حاجي وياها؟
كال اي حاجين
نصدمت كتله هاي يمتى حجيتوا
وبيدي عصا اعصر بيهه حيل وحسيته الشراع مالتها طب بايديه
تقرب مني وكال اي والله حاجين
كتله شحاجين ويمتى هاي؟
بعده على ابتسامته الي ماتفارك ثغره دائما حتى من يعصب هو فاتح حلڰه ويبتسم
كال مرة رحت لبيتهم
فتحت عيوني مصدوومة صخاام بوجهك ماتستحي انت كلش
ضحك ضحكة طويلة هالمرة وكعد بصفي ومدد رجلينه
وكال لا ولج رحت على اخوها احتاجيته بشغلة هو مو يشتغل ويه فيتر وسيارة ابوج عطلت ووديتها وهي فتحت الباب
ظليت اباوعله ومركزة بنظراتي عليه اريد يكمل
باوع كدامه وكال اي وحجينه
تحركت بمكاني ودرت عليه بكل جسمي
كتله بنتر شحجيتوا
غمز وكال حجينه
صيحت حيل وبعصبية بشار احجي
كام من يمي وابتعد كال كتلها أحبج
بقيت كاعدة بمكاني مادريى بشنو احس احس يمكن انركعت ببلوكة اجت بنص گلبي وطحنته طحن
كال كافي ابتعد عنج هالبعد خاف تجي طابوكة براسي
رديت ايبااه وليش اطكك براسك هيج مهتمة
غير من الغيرة بعد شنو؟ معقولة مامهتمة
كتله عووع منين اغار من غفران
ظليت افر بيدي
رد جذب ماكتلها أحبج بس هي كلتلي فد شي
ظليت اباوعله احسه يجذب عليه ويلعب باعصابي مامصدكة كايللها أحبج مايتجرأ اعرفه بشار
كال ماتردين تعرفين شنو كلتلي؟
رديت من ورى خشمي شكالت قابل هي هم تعرف تحجي مثل الاوادم حتى تكول شي مهم
جاوب اي والله تحبج ووصتني عليج
عدلت كعدتي واستمع اله
كمل كلامه كالت كركم تحبك ودوم تحجي بيك
كمت على حيلي كوول والله هيج كالت احلف
سكت ويضحك ضحكة مامسيطر عليها
شمرت العصا من ايدي وكلت هسه اروح لبيتهم وامسح بيها المنطقة كلها والله الا اكتلها
ركضت اجه بسرعة جرني من ايدي
ويكول ولج تعاي وسسم اجذب عليج شبيج اريد اختبرج لا محاجيها ولا رايح عليهم
هدأت شويه دفعته حييل وسحبت ايدي منه
رفع تك حاجب ويباوعلي بنظرة انتصار
صيحت بوجهه شبيييك
رد بضحكة خفيفة يعني صدڰ؟ اني خمنت انتوا هيج تحجون بنات وبيناتكم وهسه من هوستج هايه وعصبيتج انت حاجيه هيج كدامها وخفتي لا صدك نقلته الي بووويه انت شكد تحبيني لعد
وغمزلي
قربت من يم الشجرة كتله شوف بشار
انت بالنسبة الي مثل هاي الورگة
واخذت ورگة من الشجرة يابسة وتريد تطيح
وجعصتها بيدي حيل وتفتت وفتتاتها طاح بالكاع
عفته ومشيت النذل يتغذى على عذابي
شعور صعب من احبه واكره تصرفاته بنفس الوكت....
رجعت لواقعيى على صوت سعود
كال هاي شنو كارينا انت حاجية لابوي عن غفران
وختم كلامه بضحكة خفيفة
ابتسمت وهزيت راسي
ظل يفر بيده وكمل والله مخبلة انت اروح اودي بطانيات لابوي فوك السطح لايبرد اشرفلي
غسلت اخر ماعون وعدلت المطبخ
ارتب شويه واكعد شويه تعبت
طلعت بره وسديت الباب الجو حلو والهوا عالي
لميت رجليني وكعدت عالصبة افكر ببشار
انه ما مشتاقتله بس مفتقدته هسه مادري، شنو اخباره
جان صوته بالبيت على طول يضحك ويتقشمر ويه الولد ويلاشيني
خليت راسي على ركبي طاحت دمعة من عيوني غصب عني انه شنو مصيري ووي منو قسمتي
تسلل لاسماعي صوت بالمطبخ حركة ماعرفت شنو مصدره ووراها صوت امي تحجي
اكلك انت ليش تكره ياسر انت شعبالك ياسر جايبته موو ابن تووفيق؟
ثانية وحدة واجه صوت سعود يقاطعها
سكتتتي وخليني نااسي او متناسي وبمزاجي
يتبع...