أنـه ويـاك
جنـت الـروح بالـروح
و أنـه بلـياك
ويـن رويحتـي تـروح؟
تعـال مسـامحـك حـرام تضيـع
عشـرة عمـر و تـروح!
هـذا أنـت العـزيـز ونطيـت بيـه
شـلون الغـربة بعـد تحـن عليـه؟
♡♡♡⚖️
خيـالـي الأسود 11:11
فاطمـة عبـد
التصويت، متابعـة الحـساب، التعليـق بيـن الفقـرات فكـتوريـاتـي ♡
♡♡♡
سيلفـا
:: - يلا يابة امشي امشي اني امشية ويايه زعطوطه مو بنيه
اشوفها تمشي وتضحك عليه ضحكت عليها و؏ سوالفها
مندمجه اراجع فيزيا واني امشي ما أحس غير سدره ندستني
- شوفي سيلفا شوفي
- ششوف يمعـوده ششوووف؟
- بـس التفتـي ياغبـرة
التفتت جـان واحد مدنگ ويمسـح حذائة بـ لابكـوت
أول مارفعت عينـي من الكتاب أجتـي بعينـه احس تصركعت من الفشلة
بـس الفاجئني مانزل عينه منـي وبقـة يدحگ علية و؏ شفايفة شبه ابتسامـه والفاجئني أكثر انو واكفين يمـة ضباط!
جـان لابس بلوزه سوده وبنطرون أسود ولفاف اسود ذابـة باهمال ؏ رگبتـه
بـسرعة نزلت عينـي منـه بـس احس شايفتـة من قبل بس وين؟!
فززني من صفنتي صوت سدره وهي تكول
سـِدره:- چا شماله هذا أكلج أكل بس يباوعلج؟!
بـس تريدين الصدگ صاك يطگ بالكا؏ يولي
والمسعـد كاعد يمسـح حذائه بـ لابكـوت
خاب انه وياج كاعدين نتحسر وحضـره جنابة يمسـح بي بحذائه!
سحبتـها أمشـي تأخرنا ؏ الامتحان وانتِ مكضيتها سوالف فضيها يمعـوده أحس المعلومات گلها تبخرت يالكاظم.
سـِدره :- بدينه جذب انتِ تطردين اعيون وهسه اول وحده تجيب درجه كاملة كالعاده
::- خاب ماتسكتين ولج والله ناسيـة كل شي خرب بالفيزيا وبنيوتن طيـح حظ حظـي
وصلنـه للمدرسـة ماسلمت ؏ أي أبنيه من طالبات صفـي حتى ميحجن بالماده وانسى گل شي بس التوتر والخوف اللي اني بي احس نساني كل شي
راجعت اهواي وبعدها طلعت قلمـين رصاص ومساحه
ومقطاطـة وقلمـين چاف عندي افراط باخذ الاشياء لازم من كلشي اثنين حتى لو شي يخرب الثاني يشتغل هيج تفكيري، وسميت ودخلت للقاعة الامتحان
انطونـي الأسئلة كلبتها ؏ غير صفحة قريت آية الكرسي:
(اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ
إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ
بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ)
::- سميت بأسم الله وبديت أحل هس توني گملت كعدت أراجع الحل حسيت بنغزات بگلبي گلش قوية
حاولت أهدء نفسـي وحطيت ايدي ؏ گلبي وقريت آيه الكـرسي
احس اشوية هدأت بـس أكو نغزات خفيفة حاولت أنو أكمل بسرعة حتى أسلم الدفتر الامتحاني قبل مايصير
وياي شي وأجل الامتحان راجعت بسرعة والحمد الله جانت الاسئلة سهلة
سلمت وطلعت من القاعة اريد اخذ نفس ماگو شح علية الهوى نزلت ادموعـي واني بس اريد هوى اشوي وهدأت واخذت نفس بس ماجان احد بالممر مالت
الصفوف لان قاعات امتحانية رحت ؏ الصف اللي نتجمع بي دائماً اني وهيلينا وسـِدره بعد مانكمل حتى نطلع سوه
دخلت لكيت هيلينا گاعده تنتظرني سلمت عليها وكعدت شفتها صافنة.؟! سألتها مبين عليها متوترة
- هيلينه شبيج؟!
هيلينا:- شحجيلج سيلفا
::- خاب خوفتيني احجي من الأخير تراا ماتحمل بعد هبطات صاير شي عليج الله گولي!؟
هيلينا:- لا حبيبتي ماصاير شي بـس أمجاد
عاد اني اهنا ماتحملت وصحت بيها
- گافي عاد شبيكم مراهقين انتِ وياه هذاك يتحسر كل اليل لان ماتقبلين يتقدملج وانتِ اهنا كاعده تاخذيلج صفنات عود صدك انتوو تحبون؟
انطينياها من الأخر شبيج ويه أمجاد!
هيلينا:-شبيج نفرطتـي علية فرطـة وحده خلـي احجيلج شبيج؟
::- احجـي مو ورمتي گلبي أحجي وفضيها!
هيلينا:- شووفي من جنت يمگم من حجيتلج عن زوج أمي وشسوه بيه!
انتِ نمتـي واني احـس ختنگت گلت أطلع بالحديقـة أشم شوية هوى وأرجع طلعت جان الجو يجنن جانت
الساعة تقريباً بـ2 هيج شيء وجان البيت صنتـة ماكو احد طلعت تنفست اشوية واحس بخطوات ورايه
التفتت شاهگة وجان اشوف أمجاد. وكال:
أمجاد:- أسم الله بنيتي اشجاج؟
- واني بعدني مخترعة ومخلية ايدي ؏ گلبي من الموقف اخذت نفس وجاوبته
يمةة غير أجتـي تصير بية سگته قلبية من وراگ سوي صوت تحمحم متت والرب
اني احجي ونهديت عليه بالحجي وهو ماكو صوت أله رفعت راسي شفته يباوعلي ومبتسم بطرف شفتة وأردف بكلمات حسيت بگلبي رچف:
أمجاد:-" هيلينه حِبّيني بعد بيّه عمر يستاهل سنينچ ".
- باوعت علية بعيون مليانه ادمو؏ گاعده ادور حجـة اقنع نفسي واقنعه بيها انو م كو شي يجمعنه
لكيت حجةة تافة وكلتلـة:
اني من أم مسيحية وديانتي ترجع الها وانت مسلم من غير ديانه وانت تستحق وحده احسـن منـي أمجاد
قبل مايرد خليته ودخلت للبيت بسرعة
بس تعرفين سيلفا اني ميهمني الديانه ولا شيء
بس بعد ماكدر اثق بجنس أدم من وره هذا زوج أمي ماريد اذكره اصلا كوليلي شنو الحل سيلفانه شنو الحل؟
::- شوفـي هيلينا
-مرات بالمدرسة من نريد نگتب ع السبورة
مانگدر نميز الخط عدل لو مايل لان قريبين گلش من السبورة فشنسوي؟
نصيح لواحد ثاني بعيد من السبورة حتى يشوف الخط عدل لو مايل.!
فهم هيج الأشخاص القريبين هلگد منا ونحبهم منگدر نميز ونشوف عيوبهم وزلاتهم ويانة إله نرجع كم خطوة ليورة حتى نلاحظهم.
وهذا الصار وياج ويه سالفت زوج أمج
لذالك لاتحكمين ؏ أمجاد قبل ماتعرفينة بس شوفي
أمجاد مو لأن اخوية واحمد بي لا بلعكس تعرفين شگد صريحة!
أمجاد الحنانة اللي شايلها بگلبه وطيبتة محد شايلها
يمكن رب العالمين دزه ألج تعويض ؏ كل شيء شفتي
وعشتي بحياتج لذالك ماريدج تضيعين أمجاد من ايديج هيلينه فكري عدل تمام!؟
هيلينا:- تدرين شگد أحبج مو؟
ولج السوالف وياج تردلي روحي وتحسسني الدنيا بعدها بخير تدرين من جنتي تحجين اني اتخذت
قراري انو هاي هية العمر يمشي بسرعة وامجاد راح اجاوبه ؏ سؤاله بس بعد مارجع من الموصل لان اريد اروح اشوف أمي اخر مره واقطع علاقتي بيها
احـس طرت من الفرح من حجت هيج وجان اصيح وأخيرا راح يصير عرس ببيتنا
هيلينا:- عزااا بعيني ولج اسكتي فضحتينا يمةة راح ابطل سكتي
سـِدره:- عرس منو ولجن؟
::- لتفتنا أني وهيلينا ؏ صوت سدره وجان اصيح
- ولج تعاي امجاد راح يخطب هيلينا
سـِدره:- جذابـة! احلفي احلفي
::- ولج والله والله
سـِدره:-ولج هلاا هلاا وزوجناه وخلصنا منه وبقه الاصغر منه
اوكفن اوكفن ولجن واني مو تعرفني حاطـة عيني ع سجاد چا والحسين ماتزوج وتخطب هيلينا قبلي صدك جذب
::- ولج مطورين مو جنتي ماترضين احد يجيب سيرتج انتِ وسجاد؟
سـِدره:- چا غير انتِ لازم تحسين مو معلعل گلبي تعلعل
::- هسه اني شكول شحجي هذاك هيلينه معلعله گلبة نجي عليج گلبج معلعل من هذا الثاني اشوو ماعولت
اخلص سالفة هيلينا وامجاد تطلعلي سالفة سدرة وسجاد خاب وخرن منـي
سـِدره:-چا انه مو صديقة الطفولة وبنت عمتج حليلي السالفة بداعت صداقتنا سيلفة الحلوه
::- تمام خيه فهمت راح افكر شلون افتح الموضوع ويه اخوي الجلمود ويصير خير
واحنه نسولف اجتي ابنيه صاحت ال هيلينا كالتلها أجه عمج يناديج سلمت علينه وطلعت
::- امشي سدره نطلع تعبت حيل اليوم واني مامتريگه ولانايمة عدل
سـِدرة:- شبيج سيلڤا شو مو ؏بعضج بوية شمالج؟
::- مدري سدره احس بنغزات بگلبي قوية واني كاعده احجي وياها جتي سياره تمشي سريع بتجاهي بس سرعان ما السايق داس بريگ وكف بس اني
احس النفس ضاگ عليه والهوى شح والنغزات اللي بكلبي زادت همست ال، سدره
سدره گلبي مدري شبي وبعدها داهمني الضلام وسودت الدنيا بعيني اسمع صوت سدره تصرخ وصوت أهل الخطوط اللي يم المدرسة يصيحون ؏ السايق واني
ماكدر ارفع ايدي حتى اخر شي حسيت بشخص شالني وريحه عطره مألوفه وبعدها داهمني الضلام وما حسيت ؏ شيء
سـِدره
:-طلعنا من المدرسسة أنه وسيلفا انتبهت عليها وجه أصفر وگوه تمشي سألتها شبيج سيلفا شو مو ؏بعضج؟
سيلڤا :- احس نغزات بگلبي قوية ودوخه بعد ماتحمل سدره
:- اريد ارد عليها وسياره جتي طايره لو ماداس بريك
لاسامح الله جان اندعمت سيلفا
ما أحس غير تكومت بالكا؏ لاتيشل أيد ولارجل
انه شفتها هيج ضليت اصرخ بعلوو صوتي حضنتها ؏ صدري واشهگ سيلفا ك كومي كومي عفية شبيج
حبيبتي كومي من شفتها لاتحركت ولا اي رده فعل منها كمت اشيل روحي واركعها بالكا؏ واصيح ؏ اهل الخطوط شوفوها راح تموت شوفوها
بس لاحياه لمن تنادي واكفين يتعاركون ويه السايق السياره ولبنية فاقده!.
ما أحس ألا صوت جهوري يرعد رعد ويركض باتجاهي رفعت عيني شفته الولد اللي واكف يم كلية الطب
- جرها من حضني بحركه سريعة وصارت بحضنه وشالها واخذها يركض للسياره مالته انه ركضت وراه
نومها ؏ الكشن الوره بالسيارة انه صعدت بسرعة وحطيت راسها بحضني وسديت الباب باوعلي بالمرايه الامامية ورجع نضره للطريق ويسوق بگل سرعتة يدخل بين السيارات
انتبهت ؏ سيلفا تنفسها صار ضعيف وجها صار أزرگ
كمت اصيح بلاوعي سيلفاا لاااا لاا تقطعين النفس لا عفية لا تعوفيني هو سمع هيج احسه تخبل صار يضرب بالستيرن مالت السياره بيده قوي ويصيح
- ماخليج تعوفيني ما خليج وراا مالكيتج مااا أخليج فاهمهه
:-ضليت صافنة من بين ادموعي وين يعرفها ل سيلفا؟
غلست ورجعت اشوف سيلفا نبضها گاعد يقل اشويه اشويه إلا أن انقطع اهنا حسيت گلبي مات وصرخت بعلوو صوتي حبااااب ماتتت ماتتت انقطع نبضهاا
محسيت وتوقفت السياره ونزل شالها وركض بيها دخلهاا للمستشفى مع العلم المستشفى م تبعد شارعين عن المدرسة بس حسيتها بعيده لدرجه انطول ساعة إلا نصل بس ماعرف ليش هيج صارت حالتها فجأه؟!
دخل يرعد بصوته ويصيح وين الدكاتره وينكم تعالوو حاله حرجه
- أجه دكتور يرگض وياه ممرضات حطوها ؏ السدية رادوو يطلعونه بس هو صاح بيهم وينننن تريدون تطلعوني ماترفون اني منوو اشتغلوو شغلكم بسرعه لو وربي العزة اذا صار بيها شيء ماتلوم إلا نفسك دكتور
دكتور:- كاعد تهدد حضرتك وانت منو؟
- طلع هويته للدكتور شافها الدكتور انغلس وكام يبلعم كاله تمام مايصير بيها شيء خل انشوف شغلناا
دخل الدكتور وهو ضل يلوب بره يروح ويرجع بالممر مالت المستشفى استغربت هذا منو وشمعرفه بسيلفا؟
وليش هيج خايف عليها؟
طلعني من صفنتي وهو ويسأل بعصبية:
- شبيها شصار ووصلها لهل حاله؟ الصبح جان مابيها شي!
احجي شبيج انبلع السانج؟
:- ضجت من نبره حجيه وياي بس غلست
ورديت:
ماعرف جنه نضحك بالمدرسه قبل مانطلع من الباب مالت المدرسة لزمت ايدي وانتبهت وجها اصفر سألتها شبيج جاوبتني تحس بنغزات قوية بگلبها وضيق
بتنفس ومن جيت حتى ارد عليها شخطت سياره عليها وهي همستلي بصوت خافت كالتلي گلبي سدره وتكومت بالگا؏ لا تحرك ايد ولا رجل
- حجيت هيج وكمت اشهگ بالبجي
رد عليه:
- كافـي اسگتـي لاتبجين لاتفاولين عليها صفن اشويه وضرب ايد بايد وصاح
خرب شلون فاتتني انو هيه مصابة بـ خفقان
ركض ؏ الغرفة اشويه وطلع گال هسه تصحه حافضه رقم من اهلها تخابري يجـي عليكم؟
:- صفنت اشوية وتذكرت حافضه رقم سجاد جاوبته
اي حافضه رقم اخوها
انطاني موبايله گال:
أتصلي علية خلي يجي عليكم
اتصلت رن رنتين واجاني صوت سجاد
انه سمعت صوته وكمت ابجي واشهگ
عرفني من صوتي
سجاد:- سـِدره هاي انتي بابة شبيج ليش تبجين؟
:- سـ سـ سجاد سيلفا سيلفا انه حجيت هيج ما احس غير صيحته وهو يكول:
سجاد:- شبيها احجي سدره شبيها سيلفا؟
:- واحنا طالعين من المدرسة وفقدت الوعي ونگطع نبضها وتنفسها صار ضعيف وجها صار أزرگ وانه اشهك وابجي واحجي وياه
سجاد:- شلونهاااا هسه سدره وين انتن احجي وينن يامستشفى احجييي!
:- مستشفى الـ**
سجاد:- اني موجود بي ياطابق انتوو
:- بالطوارىء
سجاد:- ثواني وجايج
:-سد الاتصال انطيته الموبايل هاگ الموبايل وهسه راح يجي اخوها دكتور يشتغل اهنا اشوي ويجي مشكور خويه تعبناك ويانه
- لا مصار شيء واجبي ديري بالج عليها
:- صار خويه راح واشويه واجه سجاد يركض ملهوف
سجاد:- وينها وينها سيلفا
:- بجيت جوه بعدها ما صحت دخل عليها واشويه وطلع الدكتور رحت اركض عليه ها دكتور بشر شلون صارت؟
الدكتور :- الحمدلله بس لاتضغطون عليها ولا تتعرض لصدمات ولا تخلوها تتوتر لان راح تزيد حالها الى الاسوء يلا اجر وعافيه يارب
:- الله يعافيك دكتور راح وانه دخلت وجان اشوفها فاتحه عيونها رحت اركض عليها وشمرت روحي بحضنهة
::- شبيج ولج بعدني مامتت تراا هههه
:- انجبي وين تموتين وتخليني نموت سواا تمام
::- حتى بالموت لاحگتني
:- اي اي انجبي يلا ولا تجيبين طاري الموت
::- بتعب تمام داده لاتخافين مابيه شي
:- يابويه احب عيونج الخضر واحب كلمه داده منج
::- كافي ولج شكد ملطلطه
:- هههه شسوي كلنه نتغزل بيج اشويه لان مريضه
::- كافي اسكتي صرعتيني
سيلڤا
::-اسمع صوت دكتور يحجي ويه أحد يمـي صوت شخص مألوف علية بس وين سامعته مادري؟
اسمعه يحجي
- دكتور هذه أعراض الخفقان صح؟
الدكتور :- نعم أستاذ ولازم يديرون بالهم عليه لان اي ضغط او توتر يأدي الى فقدان الوعي وفي حالات مزمنه الى غيبوبة ديروو بالكم عليه
::- اني سمعت هيج انصدمت شنوو غيبوبة شنو خفقان؟
طلع الدكتور بس احس احد بقة فوك راسي واكف
حسيت بانفاسه تقترب ؏ خدي وشعري حط وجه بشعري باس راسي وشمه وتنهد همس بأذني:
- ادري حرام بس شحلات الحرام وياج والتوبة ؏ أيدج
تنهد ورجع گال:
- جعـل الوجع بيه بويه ولا بيـج اكعدي سيلفانه خيال افتحي عيونج اللي تردلي عافيتي وراحتي أجيت بعد ماخليج تتأذين أضمـج بروحي وبين ضلوعي يبويه
طبع بوسه براسي وطلع.
::- واني متوتره هذا منو احس سامعه هذا الكلام بس وين وين.!
فتحت عيوني اشوية وبسرعة رجعت وسديتهم بانزعاج من الضوه ورجعت فتحتهم ؏ كيف
اشويه ودخل سجاد عليه ملهوف وعيونه حمر
واجه يركض حضني وباس راسي
سجاد:- سيلفانه يابه شبيج انتي قوية يوكعج مرض مثل هذا راحت روحي من سمعت صوت سدره وهي
تبجي وتكول انكطع نفسها كلت هاي هيه خسرت صكعتنة ول يولي اني دكتور وماعرف بيج مريضه شنو فايده شهادتي عجل بس كوليلي اذا ماعرفت بمرضج!؟
::- كمت اشهگ وحضنته أكثر مالك اي ذنب سجاد انت دكتورنا وابويه لاتحجي هيج وتحمل نفسك المسؤلية يعيون اختك انت
سجاد:- شو خلي اشوف عيونج
::- رفعت عيوني عليه وبيهن دموع
عض شفته وهو يگول:-
سجاد:- يايابه يابويه يامصكوعه شهل لعيون اللي تسحل سحل طركاعه مو بنيه
::- ضحكت كافي كاعد تخجلني
- فديت هل لعيون الخضر اني
::- يفدوك سجد
كاعد نحجي دخلت سدره لمخبله وشمرت نفسها بحضني وكضتها تبجي اريد اسكتها ماكوو
سجاد استأذن حتى يخابر ؏ اهلي يكوللهم لان تأخرت بالرجعه
هاي سدره سوتها مناحه عليه بالشافعات يله سكتتة
اشويه ودخل امجاد ومامة وبابة ؏ وجههم القلق والخوف والتوتر أجه أمجاد يركض حضني
امجاد :- بابه شبيج بنياتي شجاج ليش هيج صار بيج؟
رد عليه سجاد:- من وره الخفقان القلب
فتح امجاد عيونه ؏ وسعهن
امجاد:- شنوو گلت بعدها صغيره سجاد شنو خفقان شتحجي انت
ضل يصرخ ويرعد واني بس دموعي يجرن ؏ خدي من شفتة فقد بس يصيح ويريد يعيدولي تخطيط
القلب والتحليلات وسجاد مانعه أعرف بي شكد يخاف عليه ويتخبل اذا صابني اذى
انتبة عليه انو كاعده ابجي بهدوء بس ما
احجي اجه كعد يمي وحضني ويحاول يطمني
امجاد:-لا تخافين بنيتي اني وياج بابه شبيج ساكتة احجي شيء
::- حجيت اني اشهگ بابه ماريد اموت هسه ماريد اعوفكم
امجاد :- شجاب طاري الموت هسه منو كالج هذا مرض خطير وديري بالج تجيبين طاري لموت ؏ لسانج بعد مفهوم؟
هزيت راسي بـ اي
وضمني لصدره حيل حسيته يريد يدخلني بضلوعه
أجتي مامه تبجي وحضنتني وبابه يبوس براسي
::- حاولت اغير جوهم ويطلعون اشويه صحت تراا مابية شي كافي يلا طلعوني منا ختنگت يابويه فحمت
ضحكووو
جان يكول أمجاد:- يلا اطلعو انتو اني راح اجيب سيلفانه واجي ما عترضو طلعو واني كمت ويه امجاد
يمشي بيه اشويه اشوية وصعدني بالسيارة وكل هسه داير عليه ويسألني يوجعج شي مرتاحه بكعدج.؟
::- اي مجود تراا صرت زينه والله
وگف السياره ونزل ؏مرطبات جابلي عصير بالزبيب
كال: يلا اشربي كله وماريد اعتراض بسرعة
شربته غصبا عليه كله جان طعمه يجنن بس حيل حلوو وحلاوته حاده اشويه
وصلنه للبيت بـ 7 المغرب لان ماقبل امجاد يطلعني ألا يطلعن الفحوصات مالاتي الحمدلله طلعن نظيفات بس عندي خفقان مثل ماكال الدكتور الحمدلله ؏ كل حال
::-وصلت تعبانة كلش صعدت للغرف بدلت وكعدت ع الجرباية اتصفح بالموبايل
صعد عليه امجاد وهو جايبلي أكل موصيلي ع مشاوي
امجاد:- يلا باباتي كله تاكلينه واي اعتراض ماريد
::- بس مو جوعانه وا
قاطعني وصاح
امجاد:- ماريد اعتراض كله تاكلينه يلااا
سكتت مثل الحبابة وكعدت اكل وكملت وشربت العصير كله يلا فك مني ياخه
امجاد:- يلا بابه غسلي ونامي ريحي جسمج
::- هزيت براسي بـ اي وهو طلع تمددت ؏ جربايتي احس جسمي اشوية استرخه وغفيت مدري شكد وكعدت مدري الساعة بيش كمت اطلع بالحديقه شفت
الساعة بـ4 الفجر كعدت ؏ المرجوحه واني فاله شعري ؏ طول ظهري والهواا جان عالي والجو بارد
بس طلعت من دون اي شي يدفيني اني احب الجوو البارد وفوكاها لابسه خفيف والحراس طالعين برا مو بالبيت
::- وكفت بنص الحديقة ادحگ ؏ النجوم سمعت صوت احد كمز ورايه مالتفتت لان دائماً البزازين هيج وقت ؏ الحياطين ويتكمزن مادرت بال
ضليت صافنه بالنجوم سمعت صوت وراي يگول:
- يانجمتي بعز هل الفـجريـة.
::- التفتت وچان اشوف.
للحكاية بقية!
ــــــــــــــــــــــــــــــــــــ
لَقَدْ خَلَقْنَا الْإِنسَانَ فِي أَحْسَنِ تَقْوِيمٍ
ـــــــــــــــــــــــــــــــــــــ
▲التصويـت ياااقوم وعلقووا بين الفقرات💔
▲حسابي الأنستا[fofo_i156]
▲قناه التلـي[fatmahAbdmoter]